ដំណើរទស្សនៈកិច្ចនេះ ធ្វើឡើង​ក្នុង​គោលបំណង​ដើម្បី​បង្ហាញពីការប្តេជ្ញាចិត្តរបស់ក្រុមហ៊ុន WorldBridge Group ចំពោះការអភិវឌ្ឍប្រកបដោយនិរន្តរភាព និងបរិយាប័ន្ននៅកម្ពុជា តាមរយៈក្រុមហ៊ុនដែលជាបុត្រសម្ព័ន្ធ ដ៏ពោរពេញដោយសក្ដានុពល រួមមានបណ្ដុំសហគ្រាសធុនតូច និងមធ្យម WorldBridge (WBID), លំនៅឋានតម្លៃសរម្យទីក្រុងរណបសិរីមង្គល និងតំបន់សេដ្ឋកិច្ចពិសេស Kerry WorldBridge Supply Chain ជាដើម។

​អ្នកឧកញ៉ា សៀ ឫទ្ធី បាន​មាន​ប្រសាសន៍​ថា៖ “យើងមានមោទនភាពក្នុងការបង្ហាញពីការអភិវឌ្ឍ​របស់យើង​ដល់សហគមន៍ការទូត។ គម្រោងទាំងនេះ គឺជាសក្ខីភាពមួយចំពោះការប្តេជ្ញាចិត្តរបស់យើង ក្នុងការវិនិយោគ​លើអនាគត​របស់ប្រទេសកម្ពុជា និងបង្កើតឱកាសការងារសម្រាប់ប្រជាជនកម្ពុជាទាំងអស់”។

ក្នុងដំណើរទស្សនកិច្ចនេះ បាន​ផ្តល់ឱកាស​ឱ្យ​អ្នកចូលរួមបានមើលឃើញជាក់ស្ដែង អំពីការរួមចំណែករបស់ WorldBridgeWGroup ក្នុងការអភិវឌ្ឍសេដ្ឋកិច្ច និងសង្គមរបស់កម្ពុជា។

សូមជម្រាបថា WorldBridge Group គឺជាក្រុមហ៊ុនឈានមុខគេនៅកម្ពុជា ដែលមានផលប័ត្រអាជីវកម្មចម្រុះ រួមមានអចលនទ្រព្យ សំណង់ ភស្តុភារ និងបដិសណ្ឋារកិច្ច។ ក្រុមហ៊ុនបានប្តេជ្ញាចិត្តចំពោះការអភិវឌ្ឍ​ប្រកបដោយចីរភាព និងរួមបញ្ចូលនៅក្នុងប្រទេសកម្ពុជា៕

The post អ្នកឧកញ៉ា សៀ ឫទ្ធី បង្ហាញពីវឌ្ឍនភាពលំនៅឋានតម្លៃសរម្យ និងតំបន់សេដ្ឋកិច្ចពិសេស ដល់ប្រតិភូស្ថានទូតជាច្រើនប្រទេស appeared first on .

​តាម​រយៈ​ទំព័រហ្វេសប៊ុក​ផ្លូវការ​ ធនាគារ ប្រ៊ីដ (Bridge Bank) ​​បាន​ចេញ​សេចក្តី​ប្រកាស​ព័ត៌មាន​ យ៉ាង​ដូច្នេះ​ថា៖ “អបអរសាទរការបើកសម្ពោធ​ជាផ្លូវការធនាគារ ប្រ៊ីដ ម.ក ដែលប្រារព្ធឡើង ​នាថ្ងៃអង្គារ ទី២០ ខែមិថុនា ឆ្នាំ ២០២៣។ ​ធនាគារ ប្រ៊ីដ ត្រៀមខ្លួនរួចជាស្រេច ​ដើម្បីផ្តល់ជូននូវ​សេវាធនាគារ​យ៉ាងសម្បូរបែប ក៏ដូចជាដៃគូ​ហិរញ្ញវត្ថុ ​ដែលអ្នកពេញចិត្ត និងទុកចិត្តបំផុតនាថ្ងៃនេះ និងថ្ងៃអនាគត។ ធនាគារប្រ៊ីដ ឆ្ពោះទៅកាន់អនាគត​កាន់តែប្រសើរ”។

ធនាគារ ប្រ៊ីដ ដែលពីមុន ត្រូវបានគេធ្លាប់ស្គាល់ថាជា ធនាគារឯកទេស អកស៍ឡី វើលដ៏ប្រ៊ីដ ភីអិលស៊ី (Oxley WorldBridge Specialized Bank PLC.) បានចាប់ផ្តើមប្រតិបត្តិការរបស់ខ្លួននៅក្នុងខែវិច្ឆិកា ឆ្នាំ២០១៤ ដែលមានម្ចាស់ភាគហ៊ុនធំៗចំនួនពីរ គឺក្រុមហ៊ុន Oxley Holdings មកពីប្រទេសសិង្ហបុរី និងក្រុមហ៊ុន វើលដ៏ប្រ៊ីដ គ្រុប (WorldBridge Group) នៅប្រទេសកម្ពុជា។

ធនាគារ ប្រ៊ីដ ជាផ្នែកមួយនៃក្រុមហ៊ុន វើលដ៏ប្រ៊ីដ ​គ្រុប ដែលត្រូវបានបង្កើតឡើងតាំងពីឆ្នាំ​១៩៩២ ពីសំណាក់​អ្នកឧកញ៉ា សៀ ឫទ្ធី ដែលបានពង្រីកការគ្រប់គ្រងទៅលើវិស័យ ​ដែលមានសក្ដានុពល រួមមានវិស័យភ័ស្ដុភារ អចលនទ្រព្យ សំណង់អគារ តំបន់សេដ្ឋកិច្ចពិសេស អាហារនិងភេសជ្ជៈ ពាណិជ្ជកម្ម សេវាកម្មហិរញ្ញវត្ថុ សេវាកម្មដឹកជញ្ជូនសាច់ប្រាក់សុទ្ធ សេវាកម្មដំណើរការអាជីវកម្មខាងក្រៅ ប្រព័ន្ធផ្សព្វផ្សាយ និងការកម្សាន្ត។

នៅដើមឆ្នាំ​២០២១ ធនាគារឯកទេស Oxley WorldBridge បានប្តូរនាមករណ៍របស់ខ្លួនទៅជា “ធនាគារ​ឯកទេស ប្រ៊ីដ ម.ក.” ការផ្លាស់ប្ដូរនេះ ជាផ្នែកមួយនៃវឌ្ឍនភាព និងមាគ៌ាអភិវឌ្ឍន៍ ឆ្ពោះទៅរកចក្ខុវិស័យ​នៃម្ចាស់​ភាគហ៊ុនថ្មី ដើម្បីបង្កើត និងផ្ដល់នូវសេវាហិរញ្ញវត្ថុ ប្រកបដោយឧត្តមភាព និងភាពច្នៃប្រឌិតជូនទៅកាន់អតិថិជន ជាពិសេសសហគ្រាស ធុនតូច និងមធ្យម និងដើម្បីឆ្លើយតបទៅតាមតម្រូវការ និងសេចក្ដីប្រាថ្នារបស់អតិថិជន ខណៈយកចិត្តទុកដាក់ទៅលើ និន្នាការ និងការអនុវត្តសេដ្ឋកិច្ច។

យ៉ាងណាមិញ កាលពីដើមឆ្នាំ​២០២២ ធនាគារ ប្រ៊ីដ បានទទួលអាជ្ញាប័ណ្ណធនាគារពាណិជ្ជ ប្រកបដោយ​ជោគជ័យ ពីធនាគារជាតិនៃកម្ពុជា ហើយបានផ្លាស់ប្ដូរនាមករណ៍ពី “ធនាគារឯកទេស ប្រ៊ីដ” ទៅជា “ធនាគារ ប្រ៊ីដ ម.ក” និង​​​បាន​ប្រកាស​​ចាប់​បើកដំណើរការជាផ្លូវការ ចាប់ពី​ថ្ងៃទី២០ ខែមិថុនា ឆ្នាំ២០២៣ តទៅ ដែលនឹង​ផ្ដល់ជូនអតិថិជននូវ​ផលិតផល និងសេវាធនាគារជាច្រើន ​រួមមាន សេវាធនាគារបុគ្គល (Personal Banking) សេវាធនាគារអាជីវកម្ម (Business Banking) សេវាធនាគារព្រីមៀរ (Premier Banking) និង​សេវាធនាគារ​ឌីជីថល (Digital Banking) ជាដើម៕

The post ធនាគារ ប្រ៊ីដ របស់អ្នកឧកញ៉ា សៀ ឫទ្ធី បានប្រកាសបើកសម្ពោធជាផ្លូវការ appeared first on .