យោងតាមទស្សនាវដ្តី Forbes របស់អាមរិក បានរាយការណ៍ថា ទ្រព្យសម្បត្តិសរបស់លោក Vuong បានកើនឡើង ១,៨ពាន់លានដុល្លារ បន្ថែមទៀត គិតនៅត្រឹមថ្ងៃទី៧ ខែមករា បន្ទាប់ពីភាគហ៊ុនរបស់ក្រុមហ៊ុន Vingroup របស់លោក បានកើនឡើង ៣,៤% ។

យ៉ាងណាមិញ លោក Vuong ដែលជាប្រធានក្រុមហ៊ុន Vingroup ឥឡូវនេះកំពុងជាប់ចំណាត់ថ្នាក់ទី៦៥ ក្នុងបញ្ជីអ្នកមានបំផុតនៅលើពិភពលោក ខណៈលោក Lei ស្ថិតនៅចំណាត់ថ្នាក់ទី៧៣ ជាមួយទ្រព្យសម្បត្តិសរុប ៣០,២ពាន់លានដុល្លារ។

ជម្រាបជូនផងដែរថា ទស្សនាវដ្តី Forbes បានចុះបញ្ជីលោក Vuong ជាមហាសេដ្ឋីជាលើកដំបូងក្នុងឆ្នាំ២០១៣ ពេលនោះលោកជាប់លេខរៀងទី៩៧៤ ជាមួយនឹងទ្រព្យសម្បត្តិចំនួន ១,៥ពាន់លានដុល្លារ។ តែចាប់តាំងពីពេលនោះមក ទ្រព្យសម្បត្តិរបស់លោកបានកើនឡើងជាងម្ភៃដង ដោយឥឡូវនេះ ឈរពីក្រោយតែមហាសេដ្ឋីឥណ្ឌូណេស៊ី លោក Prajogo Pangestu ក្នុងនាមជាអ្នកមានបំផុតនៅអាស៊ីអាគ្នេយ៍៕​

The post ទ្រព្យសម្បត្តិអ្នកមានដាច់គេរបស់វៀតណាម បន្តកើនឡើងលើសមេធំក្រុមហ៊ុនយក្សចិន Xiaomi appeared first on .

ប្រាក់ចំណូលសម្រាប់ត្រីមាសដែលត្រូវបានបញ្ចប់នៅត្រឹមថ្ងៃទី៣០ ខែមិថុនា របស់ក្រុមហ៊ុន Xiaomi មានចំនួនសរុប ១១៦ពាន់លានយ៉ន់ (១៦,១៦ពាន់លានដុល្លារ) ស្របពេលប្រាក់ចំណេញសុទ្ធវិញ មានការកើនឡើង ៧៥,៤% ដល់ចំនួន ១០,៨ពាន់លានយ៉ន់។

Xiaomi ដែលជាក្រុមហ៊ុនផលិតស្មាតហ្វូនធំជាងទី៣ របស់ពិភពលោក បានក្លាយជាម៉ាកយីហោស្មាតហ្វូនដែលលក់ដាច់បំផុត នៅអាស៊ីអាគ្នេយ៍ ក្នុងត្រីមាសទី២ ហើយបានជាប់ចំណាត់ថ្នាក់លេខ២ ជាស្មាតហ្វូននាំចេញច្រើនបំផុតទៅកាន់តំបន់អឺរ៉ុប ផងដែរ។

ទន្ទឹមនឹងនេះដែរ ចំពោះអាជីវកម្មលើរថយន្តអគ្គិសនីវិញ Xiaomi អាចរកប្រាក់ចំណូលបាន ២០,៦ពាន់លានយ៉ន់ ក្នុងអំឡុងត្រីមាសទី២ ពោលគឺបានកើនឡើង ១៨,១% ធៀបទៅនឹងត្រីមាសទី១។ គិតក្នុងត្រីមាសខែមិថុនា ក្រុមហ៊ុនចែកចាយរថយន្តសរុប ៨១ ៣០២ គ្រឿង សម្រាប់ម៉ូដែល SU7 ដ៏ពេញនិយមរបស់ខ្លួន៕

The post Xiaomi ប្រកាសកើនប្រាក់ចំណូលជាង ៣០% ក្នុងត្រីមាសទី២ ជំរុញដោយការលក់ស្មាតហ្វូន appeared first on .

YU7 គឺជារថយន្តអគ្គិសនីទីពីរ របស់ក្រុមហ៊ុន Xiaomi បន្ទាប់ពីម៉ូដែលដំបូង SU7 ដែលបានចាប់ផ្តើមចែកចាយទៅក្នុងទីផ្សារ កាលពីថ្ងៃទី៦ ខែកក្កដានេះ។

យ៉ាងណាមិញ យោងតាមការចុះផ្សាយពី CarsNewsChina ដោយដកស្រង់ទិន្នន័យពី Dongchedi បានរាយការណ៍ថា បច្ចុប្បន្ននេះ រថយន្តអគ្គសនី​ SU7 ជាង ៨០ គ្រឿង ត្រូវបានចុះបញ្ចីលក់បន្ត នៅទូទាំងប្រទេស។

យ៉ាងណាមិញ ជុំវិញតម្លៃលក់ចេញបន្តនេះ ត្រូវបានគេរាយការណ៍ទៀតថា ចន្លោះពី ៣៥០ ០០០យ៉ន់ ដល់ ៣៩០ ០០០យ៉ន់ ក្នុងមួយគ្រឿង ពោលគឺខ្ពស់ជាងតម្លៃលក់រាយផ្លូវការដែលកំណត់ដោយក្រុមហ៊ុន ២៥៣ ៥០០យ៉ន់ សម្រាប់ម៉ូដែលស្តង់ដារ ២៧៩ ៩០០យ៉ន់ សម្រាប់ម៉ូដែល Pro និង ៣២៩ ៩០០យ៉ន់ សម្រាប់ម៉ូដែល Max។

ជម្រាបជូនផងដែរថា យោងតាមគេហទំព័រ Business Insider បានឲ្យដឹងថា ក្រុមហ៊ុនបច្ចេកវិទ្យាខ្នាតយក្សចិន Xiaomi បានទទួលការបញ្ជាទិញច្រើនជាង ២០០ ០០០ គ្រឿង សម្រាប់រថយន្ត YU7 របស់ខ្លួន ក្នុងរយ:ពេលត្រឹមតែ ៣ នាទីដំបូង នៃការដាក់លក់ជាផ្លូវការ នៅខែមិថុនា នៅទីក្រុងប៉េកាំង៕​

The post តម្រូវការខ្ពស់ពេក! តម្លៃរថយន្ត Xiaomi YU7 មួយតឹក កើនឡើងលើសតម្លៃរថយន្តថ្មី ជាង ៨​ពាន់ដុល្លារ appeared first on .

ក្រុមហ៊ុនផលិតរថយន្ត EV និងស្មាតហ្វូនលំដាប់កំពូលរបស់ប្រទេសចិន Xiaomi កាលពីថ្ងៃទី២៦ ខែមិថុនា បានកំណត់តម្លៃរថយន្ត YU7 SUV ថ្មីរបស់ខ្លួន ចាប់ពី ២៥៣ ៥០០ យ៉ន់ (៣៥ ៣៦៤ដុល្លារ) ដែលជាតម្លៃទាបជាង ៤% បើធៀបទៅនឹងរថយន្តអគ្គិសនី Model Y របស់ក្រុមហ៊ុនយក្សអាមេរិក Tesla។

យ៉ាងណាមិញ នៅក្នុងសេចក្តីថ្លែងការណ៍មួយ Xiaomi បាននិយាយថា YU7 ទទួលបានការបញ្ជាទិញរហូតដល់ទៅ ២៨៩ ០០០ គ្រឿង ឯណោះ ក្នុងរយ:ពេលត្រឹមតែមួយម៉ោងដំបូង នៃការដាក់លក់។ ចំនួននេះគឺច្រើនជាងបីដង បើធៀបទៅនឹងកម្រិតដែលអាចសម្រេចបាន សម្រាប់រថយន្ត EV ដំបូងរបស់ក្រុមហ៊ុន គឺ SU7 ដែលត្រូវបានប្រកាសដាក់លក់ កាលពីខែមីនា ឆ្នាំមុន។

ទន្ទឹមនឹងនេះ បើតាមអ្នកវិភាគមកពីស្ថាប័ន Jefferies បាននិយាយថារថយន្តអគ្គិសនី YU7 នេះ ទំនងជាអាចយកចំណែកទីផ្សារពីរថយន្តអគ្គិសនី Model Y ដែលជាប្រភេទ SUV ដែលលក់ដាច់បំផុតរបស់ប្រទេសចិន ដូចដែលក្រុមហ៊ុន Xiaomi បានកំណត់គោលដៅទុក ដោយសារតម្លៃរបស់ YU7 គឺទាបជាង Tesla Model Y បន្តិច ប៉ុន្តែវាផ្តល់នូវលក្ខណៈពិសេស និងដំណើរការល្អជាង។

ជម្រាបជូនផងដែរថា ក្រោយការប្រកាសដាក់លក់ YU7 នេះ ភាគហ៊ុនរបស់ក្រុមហ៊ុន Xiaomi បានហក់ឡើងដល់ ៨% ដែលជាកម្រិតខ្ពស់បំផុតមិនធ្លាប់មានរបស់ក្រុមហ៊ុនបច្ចេកវិទ្យាខ្នាតយក្សរបស់ចិនមួយនេះ៕

​

The post YU7 រថយន្ត EV ថ្មីរបស់ Xiaomi ទទួលបានការបញ្ជាទិញជិត ៣ សែនគ្រឿង ត្រឹមមួយម៉ោងដំបូង appeared first on .

ដោយសរសេរនៅលើវេទិកាប្រព័ន្ធផ្សព្វផ្សាយសង្គម WeChat ដើម្បីប្រារព្ធខួបលើកទី១៥ ចាប់តាំងពីការបង្កើតឡើងរបស់ក្រុមហ៊ុន លោក Lei Jun ដែលជាស្ថាបនិក និងជានាយកប្រតិបត្តិបាននិយាយថា ៖”បន្ទះឈីបគឺជាផ្លូវស្នូលសម្រាប់ Xiaomi ដើម្បីបំបែកចូលទៅក្នុងបច្ចេកវិទ្យាទំនើប ដូច្នេះហើយយើងនឹងខិតខំប្រឹងប្រែងឲ្យអស់ពីសមត្ថភាព ដើម្បីអភិវឌ្ឍវាឲ្យបានល្អបំផុត” ។

លោក Lei បានបន្ថែមទៀតថា ដើម្បីអាចសម្រេចបាននូវមហិច្ឆតារបស់ខ្លួន ក្នុងការអភិវឌ្ឍបន្ទះឈីប Semiconductor របស់ Xiaomi ក្រុមហ៊ុនបានបង្កើតផែនការវិនិយោគដែលពាក់ព័ន្ធទៅនឹងគម្រោងនេះ យ៉ាងហោចណាស់ ៥០ពាន់លានយ៉ន់ ក្នុងរយ:ពេល ១០ឆ្នាំខាងមុខ។

រំឭកផងដែរថា Xiaomi ធ្លាប់បានបោះជំហានដំបូងចូលទៅក្នុងវិស័យបន្ទះ semiconductors សម្រាប់ស្មាតហ្វូនម្តងរួចហើយ ជាមួយនឹងការចេញនូវបន្ទះឈីបដំបូងបង្អស់របស់ក្រុមហ៊ុនមានឈ្មោះថា Surge S1 ក្នុងឆ្នាំ២០១៧។ ប៉ុន្តែ​ក្រោយក្រុមហ៊ុន ​ត្រូវ​បង្ខំ​ចិត្ត​បញ្ឈប់​ការ​ផលិត​បន្ទះ​ឈីប​នេះវិញ ដោយ​សារ​តែ​មាន​ឧបសគ្គ​ផ្នែក​បច្ចេកទេស និង​ហិរញ្ញវត្ថុ ហើយ​ចាប់​តាំង​ពី​នោះ​មក​ ពួកកេបាន​ងាកមកផ្តោត​លើ​ផ្នែក​ផ្សេង​ទៀត​ ដូច​ជា​ការ​ផ្លាស់​ប្តូរ​ទៅ​ក្នុង​វិស័យ​រថយន្ត​អគ្គិសនី ជាដើម។

ជម្រាបជូនផងដែរថា ជុំវិញការប្រកាសអំពីផែនការអភិវឌ្ឍបន្ទះឈីបផ្ទាល់ខ្លួនរបស់ Xiaomi នេះ ត្រូវធ្វើឡើង នៅចំពេលកំពុងភាពតានតឹងផ្នែកបច្ចេកវិជ្ជាដែលកើនឡើងឥតឈប់ឈរ រវាងរដ្ឋាភិបាលទីក្រុងប៉េកាំង និងទីក្រុងវ៉ាស៊ីនតោន ខណៈដែលប្រទេសទាំងពីរ ស្វែងរកការធានានូវការចូលទៅប្រើប្រាស់សមាសធាតុទំនើបបំផុត៕

The post ក្រុមហ៊ុនបច្ចេកវិទ្យាខ្នាតយក្សចិន Xiaomi គ្រោងបោះទុនជិត ៧ពាន់លានដុល្លារ វិនិយោគលើបន្ទះឈីប appeared first on .

គួរឲ្យដឹងផងដែរថា Dark Factory ឬរោងចក្រងងឹតនេះ គឺអាចដំណើរការក្នុងស្ថានភាពងងឹតទាំងស្រុង ដោយប្រើមនុស្សយន្តស្វ័យប្រវត្តិ និងមិនចាំបាច់ត្រូវការពន្លឺនោះឡើយ។ ហើយរោងចក្រដំបូងគេបំផុតដែលកំពុងអនុវត្ត Dark Factory នេះ គឺមានទីតាំងនៅទីក្រុង Changping ប្រទេសចិន ដែលជាមជ្ឈមណ្ឌលផលិតកម្មជំនាន់ក្រោយ ប្រើប្រាស់បច្ចេកវិទ្យា AI និងការផ្ទុកទិន្នន័យទ្រង់ទ្រាយធំ ដើម្បីសម្រួលដល់ការផលិត 24/7 ។ មិនដូចរោងចក្រប្រពៃណីទេ រោងចក្រនេះគឺពឹងផ្អែកតែលើកម្លាំងម៉ាស៊ីនសម្រាប់អ្វីៗគ្រប់យ៉ាង ដោយរាប់ចាប់ពីការគ្រប់គ្រងសម្ភារៈ រហូតដល់ការផ្គុំរូបរាងផលិតផលចុងក្រោយ។

យ៉ាងណាមិញ ក្រុមហ៊ុនអេឡិចត្រូនិកខ្នាតយក្សរបស់ចិន Xiaomi បានដឹកនាំបដិវត្តន៍ Dark Factory នេះ ដោយបានបើកដំណើរការឧបករណ៍ស្វ័យប្រវត្តិពេញលេញនៅក្នុងរោងចក្រដែលមានសមត្ថភាពអាចផលិតស្មាតហ្វូនបានមួយគ្រឿងក្នុងមួយវិនាទី។ រោងចក្រនេះរួមបញ្ចូលទាំងប្រព័ន្ធកែសំរួលខ្លួនឯងដោយ AI ដែលជួយបង្កើនប្រសិទ្ធភាពផលិតកម្មបន្ថែម និងកាត់បន្ថយកំហុស។ លើសពីនេះទៀត Xiaomi ក៏បានអនុវត្តប្រព័ន្ធបោសសម្អាតដោយស្វ័យប្រវត្តិយ៉ាងពេញលេញ ដោយពុំចាំបាច់តម្រូវឲ្យមានបុគ្គលិកសម្អាតនោះឡើយ។

ទន្ទឹមនឹងនេះ ដើម្បីបន្តគាំទ្រដល់ទស្សនវិស័យនៃការដំណើរការរោងចក្រងងឹតនេះ ក្រុមហ៊ុន Xiaomi បាននោះទុនវិនិយោគចំនួន ២,៤ពាន់លានយ៉ន់ (៣៣០លានដុល្លារ) នៅក្នុងរោងចក្រដែលមានទំហំ ៨១ ០០០ ម៉ែត្រការ៉េ ដែលអាចមានសមត្ថភាពផលិតស្មាតហ្វូនបានចំនួនរហូតដល់ទៅ ១០ លានគ្រឿងក្នុងមួយឆ្នាំ។

ជម្រាបជូនផងដែរថា ក្រៅតែពី Xiaomi ក្រុមហ៊ុនខ្នាតយក្សរបស់ចិនផ្សេងទៀត ក៏កំពុងបន្តបោះទុនវិនិយោគលើគ្រឿងបរិក្ខារដែលដំណើរការដោយ AI ស្រដៀងគ្នានេះផងដែរ ដោយកំណត់និន្នាការមួយដែលអាចផ្លាស់ប្តូរកម្លាំងពលកម្មពិភពលោក នាពេលអនាគត៕

The post Xiaomi កំពុងដឹកនាំបដិវត្តន៍ “រោងចក្រងងឹត” នៅចិន ដោយមិនត្រូវការកម្លាំងមនុស្ស និងពន្លឺ appeared first on .

លោក Lei ដែលបានបង្កើតក្រុមហ៊ុន Xiaomi ដំបូងក្នុងឆ្នាំ២០១០ ជាមួយដៃគូជាច្រើន បានឃើញទ្រព្យសម្បត្តិសរុបរបស់ខ្លួន ហក់ឡើងយ៉ាងខ្លាំងពោលគឺដល់ទៅបីដង ពីចំនួន ១០,៩ពាន់លានដុល្លារ គិតនៅក្នុងខែមេសា ឆ្នាំ២០២៤​ កន្លងទៅ។ នេះបើយោងតាមទស្សនាវដ្តី Forbes ។

ជុំវិញការកើនឡើងទ្រព្យដ៏ច្រើនរបស់លោក Lei នេះ ត្រូវបានកើតឡើង បន្ទាប់ពីតម្លៃភាគហ៊ុនរបស់ក្រុមហ៊ុនផលិតស្មាតហ្វូន Xiaomi កើនឡើងដល់ទៅ ២៥០% ក្នុងរយ:ពេលត្រឹម ១២ខែចុងក្រោយ។

ទន្ទឹមនឹងនេះ ការទទួលបានភាពជឿជាក់ពីសំណាក់វិនិយោគិនទៅលើក្រុមហ៊ុនបុត្រសម្ព័ន្ធក្នុងផ្នែកផលិតរថយន្តអគ្គិសនីដែលកំពុងរីកចម្រើនរបស់ Xiaomi ក៏ត្រូវបានចាត់ទុកថាជាផ្នែកដ៏ធំមួយដែលបានជំរុញឲ្យមានការកើនឡើងនៃតម្លៃភាគហ៊ុន និងទ្រព្យសម្បត្តិរបស់លោក Lei ផងដែរ។

ជម្រាបជូនផងដែរថា តំណែងជាអ្នកមានបំផុតដាច់គេនៅក្នុងប្រទេសចិន គឺធ្លាក់ទៅលើលោក Zhong Shanshan ដែលជាស្ថាបនិក និងជាប្រធានក្រុមហ៊ុនទឹកសុទ្ធ Nongfu Spring ដែលមានទ្រព្យសម្បត្តិសរុបចំនួន ៥៤,៩ពាន់លានដុល្លារ និងតាមពីក្រោយដោយប្រធានក្រុមហ៊ុន Tencent Holdings លោក Ma Huateng ,សហស្ថាបនិកក្រុមហ៊ុន ByteDance លោក Zhang Yiming និងស្ថាបនិកក្រុមហ៊ុន PDD Holdings លោក​ Colin Huang ៕

The post ស្ងាត់ៗ មេធំក្រុមហ៊ុនស្មាតហ្វូន Xiaomi ឡើងតំណែងជាអ្នកមានដាច់គេទី០៥ របស់ប្រទេសចិន appeared first on .

តាមរយ:ការបង្ហោះសារនៅក្នុងបណ្តាញសង្គម X កាលពីពេលថ្មីៗនេះ មេធំរបស់ក្រុមហ៊ុន Xiaomi បានចែករំលែករូបភាពមួយកន្លឹកដែលលោកកំពុងគេងនៅលើកម្រាលឥដ្ឋក្នុងរោងចក្រ ដោយបានសរសេរថា៖”អ្នកនិយមលេងអ៊ីនធឺណិត បានជំរុញឲ្យខ្ញុំទៅរោងចក្រដើម្បីពន្លឿនការផលិត។ តាមពិតទៅ ខ្ញុំឧស្សាហ៍ទៅទីនោះញឹកញាប់ណាស់។ ពេលមួយ ខ្ញុំបានទៅដល់រោងចក្រនៅពេលព្រឹកព្រលឹមពេក ហើយបានបន្តគេងនៅកម្រាលឥដ្ឋក្នុងរោងចក្រតែម្តង។ ប៉ុន្តែអ្វីដែលនឹកស្មានមិនដល់ ពេលដែលខ្ញុំភ្ញាក់ឡើង រថយន្តចំនួន ១សែនគ្រឿង ត្រូវបានផលិតបញ្ចប់រួចរាល់ទៅហើយ”។

ទន្ទឹមនឹងនេះ លោក Lei បានកត់សម្គាល់ថា វាចំណាយពេលត្រឹមតែ ២៣០ថ្ងៃប៉ុណ្ណោះ សម្រាប់ Xiaomi នៅក្នុងការផលិតរថយន្តអគ្គិសនីបានក្នុងចំនួនដ៏ច្រើនបែបនេះ ដែលអាចរាប់បានថាជាការផលិតដ៏លឿនបំផុតមួយសម្រាប់ក្រុមហ៊ុនចំណូលថ្មី ដែលទើបចាប់ផ្តើមប្រឡូកចូលនៅក្នុងឧស្សាហកម្មរថយន្តអគ្គិសនី។

យ៉ាងណាមិញ ជុំវិញការសម្រេចចិត្តរបស់ Lei ក្នុងការគេងនៅរោងចក្រ បានធ្វើឲ្យមានការប្រៀបធៀបគ្នា ទៅនឹងនាយកប្រតិបត្តិរបស់ក្រុមហ៊ុន Tesla លោក Elon Musk ដែលធ្លាប់បានបង្ហាញសកម្មភាពស្រដៀងគ្នានេះ ដើម្បីជាការលើកទឹកចិត្តដល់បុគ្គលិករបស់ខ្លួន។

លោក Musk ធ្លាប់បានលើកឡើងនៅក្នុងបទសម្ភាសជាមួយ Bloomberg កាលពីឆ្នាំ២០១៨ ថា លោកបានសម្រេចចិត្តទៅរស់នៅក្នុងរោងចក្ររបស់ក្រុមហ៊ុន Tesla នៅរដ្ឋ Fremont និង Nevada អស់រយៈពេល ៣ឆ្នាំជាប់ៗគ្នា ដើម្បីរៀនយល់ពីភាពលំបាករបស់កម្មករនៅក្នុងរោងចក្រ។

ជម្រាបជូនផងដែរថា ក្រុមហ៊ុនបច្ចេកវិទ្យាខ្នាតយក្សរបស់ចិន ដែលត្រូវបានទទួលស្គាល់យ៉ាងទូលំទូលាយទៅលើស្មាតហ្វូនរបស់ខ្លួននោះ ថ្មីៗនេះ បានចាប់ផ្តើមហក់ចូលទីផ្សាររថយន្តអគ្គិសនី ជាមួយនឹងការដាក់បង្ហាញម៉ូដែលជាច្រើន រួមទាំង SU7, SU7 Pro, SU7 Max និង SU7 Ultra ខណ:រថយន្តចន្លោះពី ១ម៉ឺន ទៅ ២ម៉ឺនគ្រឿងត្រូវបានលក់ចេញប្រចាំខែ៕

The post CEO ក្រុមហ៊ុន Xiaomi ដើរតាមគន្លងមេធំ Tesla គេងនៅរោងចក្រ ដើម្បីសម្រេចការផលិតរថយន្ត EV ១០មុឺនគ្រឿង appeared first on .

រថយន្តអគ្គិសនីរបស់ Xiaomi ដែលមានឈ្មោះថា SU7 បញ្ចេញលក់កាលពីខែចុងខែមីនា ទទួលបានការគាំទ្រខ្លាំងនៅក្នុងស្រុក ដោយត្រឹមរយៈពេល ២៤ម៉ោងប៉ុណ្ណោះ ក្រុមហ៊ុនទទួលបានការបញ្ជាទិញរហូតដល់ជិត ៨៩ ០០០គ្រឿង។

ហេតុនេះហើយទើបធ្វើឲ្យតម្លៃភាគហ៊ុនរបស់ក្រុមហ៊ុននេះកើនឡើងខ្លាំង ស្របពេលប្រាក់ចំណូលវិញក៏ងើបស្ទុះដូចគ្នា និងបានធ្វើឲ្យទស្សនាវដ្ដី Forbes ចាត់ទុកលោក Lei Jun ជាក្បាលម៉ាស៊ីនដឹកនាំក្រុមហ៊ុនល្អបំផុតមួយរូបនៅប្រទេសចិន។

គួររំលឹកបន្តិចថា ក្រុមហ៊ុន Xiaomi ទើបតែបង្កើតឡើងកាលពីឆ្នាំ២០១០ ប៉ុណ្ណោះ ក៏ប៉ុន្តែពួកគេបានដណ្ដើមចំណែកទីផ្សារស្មាតហ្វូននៅចិនយ៉ាងលឿន ដោយសារតែផលិតផលរបស់ពួកគេមានតម្លៃទាប តែគុណភាពល្អ។

សូមជម្រាបបន្ថែមថា លោក Lei Jun បច្ចុប្បន្នមានទ្រព្យសម្បត្តិប្រហែល ១៣ពាន់លានដុល្លារ និងជាមហាសេដ្ឋីមានលុយច្រើនបំផុតទី១១ នៅប្រទេសចិនផងដែរ៕

The post មេធំក្រុមហ៊ុន Xiaomi ជាប់ឈ្មោះក្នុងបញ្ជីកំពូល CEO ទាំង១០ នៅក្នុងប្រទេសចិន appeared first on .

បន្ទាប់ពីទទួលបានជោគជ័យធំនៅទីផ្សារក្នុងស្រុក Xiaomi កំពុងពិចារណាបោះជំហានចូលក្នុងទីផ្សារអន្តរជាតិម្ដង ដែលជាកន្លែងប្រមូលផ្ដុំគូប្រជែងខ្លាំងៗ ដូចជា BYD និង Tesla ជាដើម។

គួររំលឹកដែរថា Xiaomi ទើបប្រឡូកចូលក្នុងវិស័យរថយន្តអគ្គិសនីថ្មីថ្មោងប៉ុណ្ណោះ ដោយរថយន្តដំបូងរបស់ពួកគេ គឺមានឈ្មោះថា SU7 ដែលបញ្ចេញលក់កាលពីចុងខែមីនា ហើយគិតត្រឹមខែមេសា ពួកគេលក់បាន ៧ ០៥៨គ្រឿង ជាមួយផែនការលក់ឲ្យបាន ១០ម៉ឺនគ្រឿងនៅក្នុងឆ្នាំនេះ។

ជម្រាបបន្ថែមថា ក្រុមហ៊ុន Xiaomi ក៏បានបង្ហើបទៀតថា រយៈពេល ៧ខែទៀត ក្រុមហ៊ុនអាចនឹងនាំចេញរថយន្តអគ្គិសនីបានប្រហែលជាង ១ម៉ឺនគ្រឿងក្នុងមួយខែ ខណៈបច្ចុប្បន្នរថយន្តម៉ូដែល SU7 កំពុងទទួលបានការគាំទ្រខ្លាំងនៅក្នុងប្រទេសចិន៕

The post Xiaomi ក្លាយជាក្រុមហ៊ុនរថយន្តអគ្គិសនីធំបំផុតនៅចិនទី០៨ ក្រោយទទួលជោគជ័យធំ appeared first on .