សហគ្រិនស្ត្រីវ័យក្មេងកំពុងមានអាជីវកម្មក្នុងដៃ២រូប ចែករំលែកចំណេះដឹងក្នុងការគ្រប់គ្រងជំនួញ

ឧកញ៉ាកោះក្របី — Thu, 20 May 2021 11:29:03 +0000

សមាគមសហគ្រិនវ័យក្មេងកម្ពុជា YEAC សហការជាមួយ USAID តាមរយៈអង្គការផេកប្រចាំនៅកម្ពុជាបានរៀបចំកម្មវិធីមួយក្រោមប្រធានបទ «ស្ត្រី និងការគ្រប់គ្រងអាជីវកម្ម និងគ្រួសារ» ដែលមានវាគ្មិនសំខាន់ជាម្ចាស់អាជីវកម្ម តាមរយៈកម្មវិធី Zoom និងហ្វេសបុកផេក YEAC នៅថ្ងៃទី២៤ ខែឧសភា ឆ្នាំ២០២១ខាងមុខនេះ ។

សូមចុច Subscribe Telegram oknha_news ដើម្បីទទួលបានព័ត៌មានគ្រប់សកម្មភាពឧកញ៉ា អាជីវកម្ម ចែករំលែក ជោគជ័យ

នៅក្នុងទស្សវត្តថ្មីនេះ ស្ត្រីបាននឹងកំពុងចូលរួមយ៉ាងសកម្មនៅក្នុងសង្គម ជាអ្នកដែលស្វែករកប្រាក់ចំណូលផ្តត់ផ្ទង់គ្រួសារ និងបាននឹងកំពុងចូលរួមយ៉ាងសកម្មក្នុងការចូលរួមលើកស្ទួយសេដ្ឋកិច្ចជាតិ ដូច្នេះចង់ដឹងថាពួកគាត់មានយុទ្ធសាស្ត្រយ៉ាងដូចម្តេច ដើម្បីជំនះនូវរាល់ឧបសគ្គ ជាពិសេសគឺដើរចេញពីតំបន់សុវត្ថិភាព (comfort zone)។

កម្មវិធី The Rising Stars & 3rd Women Empowering Session នៅថ្ងៃទី២៤ ខែឧសភា ឆ្នាំ២០២១ នឹងរៀបចំកម្មវិធីជាមួយប្រធានបទ «ស្ត្រី និងការគ្រប់គ្រងអាជីវកម្ម និងគ្រួសារ» ដែលមានការអញ្ជើញចូលរួមពីវាគ្មិនចំនួន ២ រូបគឺ កញ្ញា ម៉ារឌី ម្ចាស់ហាងកាហ្វេ ឡាអេខនន័រ ខហ្វហ្វី និង កញ្ញា ថូង ធីតា នាយិកាសហគ្រាស ថូង អ៊ីនធ័រប្រាយស៍។

វាគ្មិនស្រ្តីទាំងពីរូប គឺជាអ្នកដែលបានតស៊ូជំនះរាល់បញ្ហាដែលបានកើតមានទាំងនៅក្នុងគ្រួសារ និងក្នុងអាជីវកម្ម រហូតឈានមកដល់ថ្ងៃនេះ។ ក្នុងនោះដែរ ក៏មានការសម្របសម្រួលពីសហគ្រិនស្រ្តីមួយរូបទៀតគឺ កញ្ញា ឌី ចំរើន ម្ចាស់ហាង ចេកមាស ដែលនឹងធ្វើឡើងនៅវេលាម៉ោង ១៤:០០នាទី ដល់ម៉ោង ១៦:០០នាទីរសៀល។

លោកអ្នកអាចចូលរូមកម្មវិធីនេះដោយសេរី គ្រាន់តែចុះឈ្មោះតាមរយៈ Link នេះ https://bit.ly/3tXg9Iw ។
បញ្ជាក់៖ កម្មវិធីធ្វើឡើងតាម Zoom ហើយលោកអ្នកក៏អាចរងចាំតាមដានការផ្សាយផ្ទាល់ (Live) នៅលើ Facebook Page ផ្លូវការរបស់ សមាគមសហគ្រិនវ័យក្មេងកម្ពុជា (YEAC) និង BizKhmer Media បានផងដែរ៕

The post សហគ្រិនស្ត្រីវ័យក្មេងកំពុងមានអាជីវកម្មក្នុងដៃ២រូប ចែករំលែកចំណេះដឹងក្នុងការគ្រប់គ្រងជំនួញ appeared first on .

សមាគមសហគ្រិនវ័យក្មេងកម្ពុជា រៀបចំវគ្គបណ្តុះបណ្តាល“ការដឹកនាំធនធានមនុស្សឲ្យមានប្រសិទ្ធភាពខ្ពស់ដោយប្រើDISC ”

ឧកញ៉ាកោះក្របី — Mon, 12 Apr 2021 09:49:13 +0000

សមាគមសហគ្រិនវ័យក្មេងកម្ពុជា (YEAC) ដោយមានការសហការឧបត្ថម្ភពីទីភ្នាក់ងារជំនួយអាមេរិក (USAID) តាមរយៈអង្កការផេកប្រចាំនៅកម្ពុជា បានរៀបចំវគ្គបណ្តុះបណ្តាលតាមOnline ស្តីអំពី “ការដឹកនាំធនធានមនុស្សឲ្យមានប្រសិទ្ធភាពខ្ពស់ដោយប្រើDISC ” ដោយមានអ្នកចូលរួមសរុប៣០នាក់ កាលពីថ្ងៃទី០៩ ខែមេសា ឆ្នាំ២០២១។

វគ្គនេះ ត្រូវបានផ្តល់ការបណ្តុះបណ្តាលដោយ អ្នកស្រី យូ បូរី អនុប្រធានសមាគមសហគ្រិនវ័យក្មេងកម្ពុជា និងអគ្គនាយិការក្រុមហ៊ុន Talent Excellent Development Partner Co., Ltd. ដែលជាអ្នកជំនាញ KPI ធនធានមនុស្ស បង្វឹក អភិវឌ្ឍន៍អាជីព និងអ្នកប្រឹក្សាយោបល់អំពីអាកប្បកិរិយា។

អ្នកស្រី យូ បូរី បានថ្លែងថា តាមរយះបណ្តុះបណ្តាលនេះ អ្នកចូលរួមបានស្វែងយល់អំពី សំគាល់ពីឥរិយាបទទូទៅរបស់អាកប្បកិរិយា DISC សំគាល់អំពីចំនុចខ្លាំង (សក្តានុពល ) ដែលអាចប្រើប្រាស់បាន និងចំនុចខ្សោយ (ចំនុចមានកម្រិត) ត្រូវកែលម្អ ឬអភិវឌ្ឍន៍ខ្លួនឯងក្លាយជាមនុស្សកាន់តែមានឥទ្ធិពល ចេះប្រើវិធីសាស្រ្តគ្រប់គ្រងបុគ្គលិកតាមអាកប្បកិរិយានីមួយៗឲ្យមានប្រសិទ្ធភាព ចេះពីការបង្កើតបរិយាកាសទាក់ទាញបុគ្គលិកឲ្យរីករាយក្នុងការងារដោយប្រើ DISC ចេះប្រើវិធីសាស្រ្តរៀបចំអាកប្បកិរិយាឲ្យមានភាពទាក់ទាញពេលបង្វឹក ឬបង្រៀន ចេះជ្រើសរើសបុគ្គលិកឲ្យត្រូវនឹងការងារ និង ដឹងអំពីការទំនាក់ទំនងក្នុងការងារ និងបុគ្គល។

ប្រធានសមាគមសហគ្រិនវ័យក្មេងប្រចាំខេត្តសៀមរាប លោក ថោង ប៊ុនថារី បានថ្លែងឲ្យដឹងថា វគ្គបណ្តុះបណ្តាលនេះពិតជាមានសារៈសំខាន់បំផុតសម្រាប់សហគ្រិន ដើម្បីដឹកនាំ និងពង្រឹងអាជីវកម្មរបស់ខ្លួនកាន់តែអភិវឌ្ឍ តាមរយៈការដឹកនាំធនធានមនុស្ស៕

The post សមាគមសហគ្រិនវ័យក្មេងកម្ពុជា រៀបចំវគ្គបណ្តុះបណ្តាល“ការដឹកនាំធនធានមនុស្សឲ្យមានប្រសិទ្ធភាពខ្ពស់ដោយប្រើDISC ” appeared first on .