Yusaku Maezawa

មហាសេដ្ឋីជប៉ុន ប្ដឹងក្រុមហ៊ុន Facebook ដោយទារសំណងត្រឹមមួយយ៉េន

ឧកញ៉ាសំពៅ — Mon, 20 May 2024 10:00:00 +0000

មហាសេដ្ឋីជប៉ុន Yusaku Maezawa បាននិយាយថា លោកបានប្ដឹងក្រុមហ៊ុន Facebook នៅប្រទេសជប៉ុន និងក្រុមហ៊ុនមេ Meta ជុំវិញភាពធ្វេសប្រហែសរបស់ពួកគេ ដែលបង្កឲ្យមានជនមិនស្គាល់មុខ ប្រើប្រាស់រូបភាពរបស់លោក ទៅឆបោកអ្នកដទៃនៅបណ្ដាញសង្គម Facebook។

យោងតាមការចុះផ្សាយពីសារព័ត៌មាន Japantimes បានបង្ហាញថា មហាសេដ្ឋីជប៉ុន មានទ្រព្យសម្បត្តិប្រហែល ១,៤ពាន់លានដុល្លាររូបនេះ បានទាមទារឲ្យក្រុមហ៊ុន Facebook បញ្ឈប់រាល់ការឆបោកតាមប្រព័ន្ធអនឡាញ ដែលមានរូបលោកទាំងអស់ និងទារសំណងជាទឹកប្រាក់ត្រឹម ១យ៉េន ឬប្រហែល ០,០០៦ដុល្លារប៉ុណ្ណោះ។

គួររំលឹកដែរថា គិតត្រឹមថ្ងៃទី២៥ ខែមេសា ក្រុមហ៊ុន Facebook នៅជប៉ុន ក៏ទទួលបានពាក្យបណ្ដឹងស្រដៀងគ្នាចំនួន ៤ករណី ដោយជនរងគ្រោះទាំង ៤រូប បានទាមទារឲ្យក្រុមហ៊ុនសងសំណង ២៣លានយ៉េន ពីការចាញ់បោកលើបណ្ដាញសង្គម Facebook ក្នុងប្រទេសជប៉ុនផងដែរ៕

The post មហាសេដ្ឋីជប៉ុន ប្ដឹងក្រុមហ៊ុន Facebook ដោយទារសំណងត្រឹមមួយយ៉េន appeared first on .

អបអរសាទរ! មហាសេដ្ឋីជប៉ុនចុះចតដោយសុវត្ថិភាព ក្រោយធ្វើដំណើរកម្សាន្ត ១២ ថ្ងៃនៅលំហអាកាស

ឧកញ៉ាសំពៅ — Tue, 21 Dec 2021 00:38:32 +0000

កន្លងទៅ មហាសេដ្ឋីជប៉ុន Yusaku Maezawa បានធ្វើដំណើរកម្សាន្តទៅកាន់លំហអាកាសរយៈពេលដល់ទៅ ១២ ថ្ងៃ ហើយថ្មីៗនេះលោកបានវិលត្រឡប់មកកាន់ផែនដីវិញដោយជោគជ័យ និងបានធ្វើការចុះចតនៅប្រទេសកាហ្សាក់ស្ថាន។

មហាសេដ្ឋីជប៉ុនរូបនេះ ក៏ជាមនុស្សដំបូងដែលក្លាយជាអ្នកទេសចរណ៍តំបូងបង្អស់ដែលបានធ្វើដំណើរទៅកាន់ស្ថានីយអវកាសអន្តរជាតិ ISS ក្នុងរយៈពេលច្រើនជាង ១ ទសវត្សចុងក្រោយ។

ដោយឡែក សម្រាប់រយៈពេល ១២ ថ្ងៃនៅលំហអាកាស បុរសវ័យ ៤៦ ឆ្នាំរូបនេះ តែងតែចែករំលែកសកម្មភាពប្រចាំថ្ងៃ កំឡុងពេលលោកនៅលំហអាកាសដូចជា របៀបឆុងតែនៅលំហដែលមានទំនាញស្មើសូន្យជាដើម។

ក្រោយធ្វើការចុះចតមិនបានប៉ុន្មានផង មហាសេដ្ឋីខាងលើក៏បង្ហើបទៀតថា លោកនឹងចូលហ្វឹកហាត់ត្រៀមខ្លួនសម្រាប់គម្រោងការយក្សរបស់ SpaceX គឺធ្វើដំណើរជុំវិញឋានព្រះចន្ទនៅឆ្នាំ ២០២៣ ខាងមុខផងដែរ។

មិនត្រឹមតែប៉ុណ្ណោះ លោកក៏បានប្រកាសដែរថា នឹងស្វែងរកបេក្ខភាព ៨ រូបផ្សេងទៀតសម្រាប់ការធ្វើដំណើរកម្សាន្តទៅកាន់ឋានព្រះចន្ទនៅឆ្នាំ ២០២៣ ខាងមុខ ខណៈតម្រូវការគឺសាមញ្ញមែនទែន គ្រាន់តែត្រូវការសម្ភាសន៍ឲ្យជាប់ និងធ្វើតេស្តសុខភាពប៉ុណ្ណោះ៕

ប្រភព: gadgets

The post អបអរសាទរ! មហាសេដ្ឋីជប៉ុនចុះចតដោយសុវត្ថិភាព ក្រោយធ្វើដំណើរកម្សាន្ត ១២ ថ្ងៃនៅលំហអាកាស appeared first on .

មហាសេដ្ឋីជប៉ុនត្រៀមចែកលុយឲ្យ Fans ពីលំហអាកាស

ឧកញ៉ាសំពៅ — Thu, 09 Dec 2021 03:32:09 +0000

កាលពីពេលថ្មីៗនេះ មហាសេដ្ឋីម្នាក់ទៀតកំពុងត្រៀមធ្វើដំណើរទៅកាន់លំហអាកាស បន្ទាប់ពីមហាសេដ្ឋីដូចជា Jeff Bezos និង Richard Brandson ខណៈបុគ្គលទី ៣ រូបនេះ គឺជាជនជាតិអាស៊ីតែម្ដង។

លោក Yusaku Maezawa នឹងធ្វើដំណើរទៅកាន់លំហអាកាស និងបន្តរស់នៅទីនោះរយៈពេល ១២ ថ្ងៃនៅស្ថានីយ៍អវកាសអន្តរជាតិ ។ បើតាមការអះអាងតាមរយៈការបង្ហោះសារនៅលើ Twitter ផ្លូវការរបស់លោក ក៏នឹងមានការចែកលុយទៅកាន់ Followers នៅលើបណ្ដាញសង្គមនេះផងដែរ។

យ៉ាងណា លោកមិនបានបញ្ជាក់ច្បាស់ពីទំហំនៃការចែកលុយទៅកាន់ Fans ច្បាស់ៗឡើយ ដោយគ្រាន់តែដឹងថា លោកនឹងធ្វើការ Giveaway ពីលំហអាកាសផ្ទាល់តែម្ដង។

បញ្ជាក់ដែរថា Maezawa គឺជាស្ថាបនិកក្រុមហ៊ុន Zozotown ដែលជាក្រុមហ៊ុនលក់សម្លៀកបំពាក់ពេញនិយមបំផុតមួយនៅជប៉ុន តែក្រោយមកបានលក់ទៅឲ្យ Softbank នៅក្នុងឆ្នាំ ២០១៩ ហើយបច្ចុប្បន្នទំហំទ្រព្យសម្បត្តិរបស់បុរសវ័យ ៤៦ ឆ្នាំគឺ មានប្រមាណ ៣,៤ ពាន់លានដុល្លារ។

នេះមិនមែនជាលើកទី ១ ទេដែលមហាសេដ្ឋីជប៉ុនប្រកាសចែកលុយឲ្យអ្នកគាំទ្រតាម Twitter ពោលកាលពីឆ្នាំទៅ លោកបានប្រកាសថា នឹងធ្វើការចែកលុយទៅកាន់អ្នកគាំទ្រ ១ ០០០ នាក់ដោយក្នុងម្នាក់ទទួលបាន ១ លានយ៉េន ឬ ៩ ០០០ដុល្លារ ហើយជាលទ្ធផលអ្នកឈ្នះទទួលបានលុយតាមរយៈការវេរចូលទៅកាន់គណនីធនាគាររបស់ពួកគេតែម្ដង។

ដោយឡែក បើតាមការចុះផ្សាយពី Bloomberg បានឲ្យដឹងថា Maezawa នៅមិនទាន់បញ្ជាក់នៅឡើយអំពីវិធីនៃការផ្ដល់ប្រាក់ទៅកាន់អ្នកគាំទ្រ ប្រសិនបើពួកគេឈ្នះកំឡុងពេលលោកធ្វើការ Giveaway ពីលំហអាកាស។

ក្រឡេកទៅមើលទំហំចំណាយសម្រាប់ដំណើរកម្សាន្តទៅកាន់លំហអាកាសរយៈពេល ១២ ថ្ងៃនេះផងដែរ គឺ Maezawa ចាយលុយប្រមាណ ១០០ ពាន់លានយ៉េន ឬ ៨៨ លានដុល្លារអាមេរិក៕

ប្រភព: Yahoo

The post មហាសេដ្ឋីជប៉ុនត្រៀមចែកលុយឲ្យ Fans ពីលំហអាកាស appeared first on .

Yusaku Maezawa

មហាសេដ្ឋីជប៉ុន ប្ដឹងក្រុមហ៊ុន Facebook ដោយទារសំណងត្រឹមមួយយ៉េន

អបអរ​សាទរ! មហាសេដ្ឋី​ជប៉ុន​ចុះចត​ដោយ​សុវត្ថិភាព​ ក្រោយ​ធ្វើ​ដំណើរ​កម្សាន្ត​ ១២ ថ្ងៃ​នៅ​លំហអាកាស​

​មហាសេដ្ឋី​ជប៉ុន​ត្រៀម​ចែក​លុយ​ឲ្យ Fans ពី​លំហអាកាស​

អបអរសាទរ! មហាសេដ្ឋីជប៉ុនចុះចតដោយសុវត្ថិភាព ក្រោយធ្វើដំណើរកម្សាន្ត ១២ ថ្ងៃនៅលំហអាកាស

មហាសេដ្ឋីជប៉ុនត្រៀមចែកលុយឲ្យ Fans ពីលំហអាកាស