Zhang Zetian

ទាំងស្អាតទាំងពូកែ Zhang Zetian ជាប់ឈ្មោះជាមហាសេដ្ឋីស្រីវ័យក្មេងបំផុតរបស់ប្រទេសចិន

ឧកញ៉ាសាមញ្ញ — Sat, 16 Nov 2024 00:55:00 +0000

អ្នកនាង Zhang Zetian នៅតែបន្តជាប់ឈ្មោះជាមហាសេដ្ឋីស្រីវ័យក្មេងបំផុតរបស់ប្រទេសចិន ខណ:ទ្រព្យសម្បត្តិសរុបរបស់នាងត្រូវបានគេរាយការណ៍ថាមានចំនួនដល់ទៅ ៦០ពាន់លានយ៉ន់ (៨,៤ពាន់លានដុល្លារ) ក្នុងវ័យត្រឹម ៣១ឆ្នាំ។ នេះយោងតាមរបាយការណ៍បង្ហាញដោយក្រុមហ៊ុនស្រាវជ្រាវសេដ្ឋកិច្ច និងហិរញ្ញវត្ថុ Hurun។

ជាមួយសមិទ្ធិផលសិក្សាដ៏ឆ្នើម អ្នកនាង Zhang ត្រូវបានអនុញ្ញាតឲ្យចូលទៅរៀនដោយផ្ទាល់នៅវិទ្យាល័យ Tsinghua ក្នុងឆ្នាំ២០១១។ ដោយសារមានរូបសម្រន់ទាក់ទាញ អំឡុងពេលសិក្សានោះ អ្នកនាង ត្រូវបានអ្នកដឹកនាំរឿងដ៏ល្បីល្បាញ Zhang Yimou ស្នើឲ្យចូលសម្តែងក្នុងរឿង “The Flowers of War” ។ ប៉ុន្តែយ៉ាងណាក៏ដោយ នាងបានបដិសេធការផ្តល់ជូននេះ ដើម្បីផ្តោតលើការសិក្សាជំនួសវិញ។

ក្នុងឆ្នាំ ២០១៥ អ្នកនាង Zhang បានរៀបការជាមួយ លោក Liu Qiangdong ដែលជាប្រធានក្រុមហ៊ុន JD ដែលជាវេទិកាលក់ទំនិញអនឡាញដ៏បំផុតមួយរបស់ចិន។ គិតត្រឹមឆ្នាំ២០២៣ យោងតាមទស្សនាវដ្ដី Forbes បានបង្ហាញថាមានទ្រព្យសម្បត្តិសរុបរបស់លោក Liu មានចំនួនជិត ៥ពាន់លានដុល្លារ។

យ៉ាងណាមិញ ចាប់តាំងពីរៀបការមក អ្នកនាង Zhang ត្រូវបានគេរាយការណ៍ថាបានកាន់តួនាទីដ៏សំខាន់មួយ នៅក្រុមហ៊ុនលក់ទំនិញអនឡាញ JD របស់ស្វាមីផងដែរ។

ជម្រាបជូនផងដែរថា អ្នកនាង Zhang ក៏ត្រូវបានគេទទួលស្គាល់ថាជាបុគ្គលលេចធ្លោម្នាក់ ក្នុងឧស្សាហកម្មម៉ូដរបស់ប្រទេសចិន ខណ:ជារឿយនាង តែងបង្ហាញវត្តមាននៅក្នុងកម្មវិធីដើរម៉ូដអន្តរជាតិធំៗ ក៏ដូចជាមហោស្រពភាពយន្តទីក្រុង Cannes ផងដែរ៕

The post ទាំងស្អាតទាំងពូកែ Zhang Zetian ជាប់ឈ្មោះជាមហាសេដ្ឋីស្រីវ័យក្មេងបំផុតរបស់ប្រទេសចិន appeared first on .

ភរិយាប្រធានក្រុមហ៊ុន JD ជាប់ងារជាមហាសេដ្ឋីស្រីវ័យក្មេងបំផុតនៅចិន

ឧកញ៉ាសំពៅ — Wed, 14 Aug 2024 03:02:00 +0000

ក្រុមហ៊ុនស្រាវជ្រាវសេដ្ឋកិច្ច និងហិរញ្ញវត្ថុ Hurun បានចេញផ្សាយបញ្ជីឈ្មោះបុគ្គលជោគជ័យ ដែលជាអតីតនិស្សិតនៃសកលវិទ្យាល័យកំពូលៗនៅប្រទេសចិន ហើយក្នុងនោះអ្នកនាង Zhang Zetian បានបង្ហាញមុខនៅក្នុងបញ្ជីមួយនេះជាប់ៗគ្នា រយៈពេល ៣ឆ្នាំ ខណៈអ្នកនាងគឺជាភរិយារបស់ប្រធានក្រុមហ៊ុន JD មហាសេដ្ឋី Liu Qiangdong។

ប្រភពដដែលបានបង្ហាញថា អ្នកនាង Zhang គឺជាអតីតនិស្សិតពូកែម្នាក់នៅសកលវិទ្យាល័យកំពូល Tsinghua University ហើយបច្ចុប្បន្នអ្នកជំនួញស្រីម្នាក់នេះ មានទ្រព្យសម្បត្តិសរុប ៦០ពាន់លានយ៉ន់ ឬប្រមាណ ៨,៤ពាន់លានដុល្លារ និងត្រូវបានគេចាត់ទុកថា ជាមហាសេដ្ឋីស្រីវ័យក្មេងបំផុតនៅប្រទេសចិន ពោលបច្ចុប្បន្នអ្នកមានទើបមានអាយុ ៣១ឆ្នាំប៉ុណ្ណោះ។

ដោយសារមានរូបសម្រស់ស្រស់ស្អាត អ្នកនាង Zhang ធ្លាប់ត្រូវបានផលិតករភាពយន្តជាច្រើននាក់ ទាក់ទងសុំអ្នកនាងថតកុន អំឡុងពេលសិក្សានៅសកលវិទ្យាល័យ Tsinghua ប៉ុន្តែនាងបានបដិសេធ ដោយចង់ផ្ដោតលើការសិក្សាវិញ។

ក្រោយមក ស្រីស្អាតម្នាក់នេះក៏បានជាប់ចិត្តស្នេហាជាមួយ ប្រធានក្រុមហ៊ុន JD លោក Liu Qiangdong ហើយអ្នកទាំង ២ក៏បានរៀបការនៅក្នុងឆ្នាំ២០១៥ ហើយអតីតនិស្សិតនៅសកលវិទ្យាល័យ Tsinghua ម្នាក់នេះ ក៏បានកាន់តំណែងធំមួយនៅក្រុមហ៊ុន JD ផងដែរ។

ក្រៅពីការងារនៅក្រុមហ៊ុន មហាសេដ្ឋីស្រីម្នាក់នេះ ក៏ជាបុគ្គលមានឥទ្ធិពលបំផុតម្នាក់នៅក្នុងវិស័យហ្វេសសិន នៃប្រទេសចិន ពោលជានិច្ចកាលអ្នកនាងតែងតែបង្ហាញវត្តមាន នៅកម្មវិធីបង្ហាញម៉ូដធំៗ និងកម្មវិធីសម្ពោធភាពយន្តខ្នាតយក្សជាដើម៕

The post ភរិយាប្រធានក្រុមហ៊ុន JD ជាប់ងារជាមហាសេដ្ឋីស្រីវ័យក្មេងបំផុតនៅចិន appeared first on .