“សមាគមជាងសំណង់កម្ពុជា” ឧកញ៉ា ហ៊ួត ជា ប្រកាសស្វាគមន៍មេជាងសំណង់ទូទាំងប្រទេសចូលជាសមាជិកបន្ថែម

នាថ្ងៃទី១៦ ខែមករា ឆ្នាំ២០២២ ខាងមុខនេះ ក្រុមហ៊ុន ហ៊ួត ជា ផ្គត់ផ្គង់សម្ភារៈសំណង់របស់ ឧកញ៉ា ហ៊ួត ជា នឹងរៀបចំកម្មវិធីចាប់រង្វាន់ រួមទាំងប្រកាសរង្វាន់ឆ្នាំ ២០២២ ដល់សមាជិក “សមាគមជាងសំណង់កម្ពុជា” និងតំណាងសាខាគ្រឿងសំណង់នៅទូទាំងប្រទេសកម្ពុជា។

របៀបវីរៈ ដែលនឹងប្រព្រឹត្តិទៅក្នុងកម្មវិធីជប់លៀង ចាប់រង្វាន់ និងប្រកាសរង្វាន់ធំប្រចាំឆ្នាំថ្មី រថយន្ត Toyota ស៊េរីឆ្នាំ២០២២ រួមទាំង កម្មវិធីបណ្ដុះបណ្ដាលជំនាញផ្នែកលក់ដល់សិក្ខាកាមទាំងអស់ដែលបានចូលរួម។ ជាពិសេសភ្ញៀវដែលចូលរួម ក៏នឹងទទួលបានឱកាសកសាងបណ្ដាញ បង្កើតទំនាក់ទំនងរវាងសាខា និងថ្នាក់ដឹកនាំរបស់ក្រុមហ៊ុនថែមទៀតផង។

អ្វីដែលគួរឱ្យចាប់អារម្មណ៍នៃរបៀបវីរៈនៃកម្មវិធីជួបជុំជប់លៀងនេះ ក្នុងថ្ងៃជាមួយគ្នានោះដែរ គឺខាងក្រុមហ៊ុន ឧកញ៉ា ហ៊ួត ជា នឹកបន្តប្រកាសស្វាគមន៍មេជាងសំណង់នៅទូទាំងប្រទេសកម្ពុជា ចូលជាសមាជិករបស់ “សមាគមជាងសំណង់កម្ពុជា” ​ព្រមទាំងកម្មវិធីប្រកាសសមាសភាព លោក ចែម ចាន់រ៉ា ហៅ នាយ ពែក មី ជាប្រធានកិត្តិយសរបស់សមាគមន៍នេះផងដែរ។

អាស្រ័យហេតុនេះ ក្រុមហ៊ុន ហ៊ួត ជា ផ្គត់ផ្គង់សម្ភារៈសំណង់ សូមអំពាវនាវដល់បងប្អូនមេជាងសំណង់ នៅទូទាំងប្រទេស ចូលរួមកម្មវិធីជប់លាង ទទួលទានអាហារពេលល្ងាច និងសំណេះសំណាលគ្នានេះ ដោយស៊េរី។

កម្មវិធីនេះនឹងប្រព្រឹត្តិទៅនៅ សណ្ឋាគារ ហ៊ីម៉ាវ៉ារី (Himawari Hotel Apartments) ថ្ងៃទី១៦ ខែមករា ឆ្នាំ២០២២ ចាប់ពីម៉ោង ២ រសៀល រហូតដល់ម៉ោង ៧ល្ងាច។ សម្រាប់ព័ត៌មានលម្អិតបន្ថែម សូមទំនាក់ទំនងលេខទូរស័ព្ទ៖ 011 900 102 ៕