ប្រជាជនឥណ្ឌូណេស៊ីត្រូវតែត្រៀមលក្ខណៈឲ្យរួចស្រេច សម្រាប់លទ្ធភាពនៃការឡើងថ្លៃប្រេងឥន្ធនៈដែលរដ្ឋាភិបាលកំពុងព្យាយាមគ្រប់គ្រងយ៉ាងយកចិត្តទុកដាក់។ នេះបើតាមសម្ដីរបស់មន្ត្រីពាក់ព័ន្ធបាននិយាយកាលពីថ្ងៃសុក្រ។
ប្រទេសដែលមានទំហំសេដ្ឋកិច្ចធំជាងគេនៅអាស៊ីអាគ្នេយ៍ បានត្រៀមថវិកាជិត ៣៥ ពាន់លានដុល្លារអាមេរិក សម្រាប់ទប់ទល់ជាមួយនឹងការឡើងថ្លៃប្រេង ក៏ដូចជាវិបត្តិអតិផរណា ខណៈថវិកាបម្រុងមួយនេះគឺ ច្រើនជាង ៣ ដងបើធៀបនឹងឆ្នាំទៅ។
“សូមមេត្តាប្រាប់ទៅកាន់ប្រជាជនថា ខ្ញុំមានអារម្មណ៍ថាពួកយើងត្រូវតែត្រៀមខ្លួនជាមួយនឹងការឡើងថ្លៃប្រេង ដែលនឹងកើតមាននាពេលខាងមុខ។ បញ្ហាមួយនេះគឺពិតជាធំណាស់ ហើយពេលនេះប្រហែលជាពេលដែលយើងត្រូវរួមដៃគ្នា ដើម្បីរក្សាកម្រិតជីវភាពរបស់គ្រប់គ្នា”។ នេះបើតាមសម្ដីរបស់មន្ត្រីផ្នែកវិនិយោគ Bahlil Lahadalia បាននិយាយប្រាប់សារព័ត៌មាន៕
