លោកបណ្ឌិត អ៊ិន ចាន់នី ប្រធាននាយកប្រតិបត្តិធនាគារអេស៊ីលីដា មានប្រសាសន៍ថា «ចំពោះប្រាក់រៀលយើងដាក់នៅតាមម៉ាស៊ីនATM ជាង១ពាន់គ្រឿង ប្រាក់រៀលរបស់យើងមាននៅគ្រប់ម៉ាស៊ីនទំាងអស់សម្រាប់គំាទ្រដល់ការប្រើប្រាស់របស់ប្រជាពលរដ្ឋ។ សព្វថ្ងៃនេះការប្រើប្រាស់ម៉ាស៊ីនATM ជាចំណែកមួយថែមទៅលើអេស៊ីលី Mobile App ដែលសាធារណៈបានប្រើប្រាស់យ៉ាងទូលំទូលាយ ហើយការទូទាត់ផ្សេងៗវាមិនសូវចំាបាច់ទៅដកលុយពីម៉ាស៊ីនATMទេគឺយើងប្រើអេស៊ីលីដា Mobile App បានគ្រប់បណ្តាញទំាងអស់»។

លោកបណ្ឌិតសង្កត់ធ្ងន់ថា «ចំពោះប្រាក់រៀលយើងមិនឱ្យមានការខ្វះសាច់ប្រាក់នៅតាមម៉ាស៊ីន ATMនោះទេ យើងមានបុគ្គលិកប្រចំាការរហូត ដូចនេះសូមប្រជាពលរដ្ឋកុំមានការព្រួយបារម្ភថាខ្វះលុយរៀលសម្រាប់ការទូទាត់»។

យោងតាមលោកបណ្ឌិត អ៊ិន ចាន់នី សម្រាប់ធនាគារអេស៊ីលីដា គិតត្រឹមខែមីនាឆ្នំា២០២២ប្រាក់បញ្ជើសន្សំរបស់ធនាគារ ៥.៧២៤លានដុល្លារអាមេរិកក្នុងនោះមានប្រាក់រៀលខ្មែរ១.០៧៧លានដុល្លារអាមេរិកស្មើនិង១៨,៨២%នៃប្រាក់បញ្ជើសរុប រីឯឥណទានយើងមាន ៥.៦០០លានដុល្លារអាមេរិក,ឥណទានជាប្រាក់រៀលមានជាង៨០៨លានដុល្លារអាមេរិកស្មើនិងជាង១៤%នៃឥណទានសរុប។

ចំណែកប្រាក់បញ្ជើសន្សំនៅក្នុងឆ្នំា២០២៣, បើគិតត្រឹមបំណាច់ខែមីនាឆ្នំា២០២៣មាន ៦.៦០៦លានដុល្លារអាមេរិក ក្នុងនោះប្រាក់បញ្ជើសន្សំជាប្រាក់រៀលមានជាង ១.៥១២លានដុល្លារអាមេរិកស្មើនិង២២,៨៩% មានន័យថាប្រាក់បញ្ជើសន្សំមានចំនួនច្រើនជាងឆ្នំា២០២២, ចំណែកឥណទានយើងមាន៦៤០០លានដុល្លារអាមេរិក, ឥណទានជាប្រាក់រៀល៩៤៧លានដុល្លារអាមេរិកស្មើនិង១៤,៧៩%នៃឥណទានសរុប។

លោកបណ្ឌិត បន្តថា «បើយោងតាមតួរលេខទំាង២ខាងលើក្នុងរយៈពេលដូចគ្នាក្នុងឆ្នំា២០២២តម្រូវការនៃការប្រើប្រាស់ប្រាក់រៀលជាឥណទានក៏ដូចជាប្រាក់បញ្ជើសន្សំមានចំនួនកើនខុសគ្នាច្រើន»៕ សារេត

The post ធនាគារក្នុងស្រុកមួយដាក់បញ្ចូលប្រាក់រៀលក្នុងម៉ាស៊ីនATMជាង១ពាន់គ្រឿងដើម្បីគំាំទ្រដល់ការប្រើប្រាស់របស់ពលរដ្ឋ appeared first on .

លោក ឆាយ អ៊ីម អាយុ៤១ឆ្នំាប្រកបមុខរបរជាអ្នកឡើងកាប់ផ្លែត្នោតនៅភូមិម្លប់ព្រះ ឃុំកណ្តឹងធំ ស្រុកបាទីខេត្តតាកែវបានឱដឹងថា លោកចាប់យកមុខរបរឡើងកាប់តោ្នតលក់អស់រយៈពេល៨ឆ្នាំគិតមកដល់ពេលនេះហើយមុខរបរនេះវាពិតជាមានការលំបាកខ្លំាងបើប្រៀបធៀបទៅមុខរបរផ្សេងៗ។ ប៉ុន្តែលោកទទួលបានប្រាក់ចំណូលច្រើនគួរសមដោយក្នុងមួយថ្ងៃមិនតិចជាង១៦ម៉ឺនរៀលនោះទេ។

លោក ឆាយ អ៊ីម​ បានបញ្ជាក់ «ផ្លែត្នោតដែលខ្ញុំឡើងកាប់ពីដើមប្រមូលយកមកបោះឱ្យម៉ូយលក់នៅតាមដងផ្លូវរាល់ថ្ងៃនេះគឺស្ថិតនៅឃុំកណ្តឹងធំ តាមរយៈម៉ៅដើមត្នោតរបស់ប្រជាពលរដ្ឋនៅក្នុងតំបន់ ដោយមួយរដូវត្នោតឬមួយឆ្នំាត្រូវការចំណាយប្រាក់ជាង១លានរៀល ហើយបើគិតជាប្រាក់ចំណូលបានមកវិញពីការឡើងកាប់ផ្លែត្នោតបានពី២ពាន់ទៅ៣ពាន់ដុល្លារអាមេរិកក្នុងមួយឆ្នំា»។

បើតាមលោកឆាយអ៊ីមដែលតំាងខ្លួនជាអ្នកឡើងត្នោតអាជីពម្នាក់នៅក្នុងតំបន់ថា សព្វថ្ងៃនេះលោកមានមានម៉ូយរងចំាទទួលទិញផ្លែត្នោតសម្រាប់លក់នៅតាមផ្លូវជាតិលេខ២នេះចំនួន៤នាក់ ហើយនៅពេលលក់ជិត អស់ម៉ូយនីមួយៗរបស់គាត់តែងតែទូរស័ព្ទប្រាប់មុនឱ្យលោកបានដឹងនិងត្រៀមរកផ្លែត្នោតឱ្យគាត់ទុកសម្រាប់លក់បន្តដោយក្នុងមួយផ្លែថ្លៃ៦០០រៀល។

លោកបន្តថា «មុខរបរឡើងកាប់ផ្លែត្នោតខ្ញុំដឹងច្បាស់ថាមានហានិភ័យ តែខ្ញុំមានការប្រុងប្រយ័ត្នជាប្រចំាទើបហ៊ានយកជីវិតធ្វើជាដើមទុនតស៊ូឡើងត្នោត។ពីមុនខ្ញុំធ្លាប់រកមុខរបរផ្សេងដែរ តែប្រាក់ចំណូលមិនបានដូចជាមុខរបរឡើងកាប់ផ្លែត្នោតដូចរាល់ថ្ងៃនេះទេ ហើយមានពេលទំនេខ្លះៗ សម្រាប់មើលថែសត្វចិញ្ចឹមនៅផ្ទះបានថែមទៀតផង»។

ផ្អែកលើប្រាក់ចំណូលក្នុងមួយថ្ងៃប្រមាណ១៦ម៉ឺនរៀល បើគិតជាផ្លែត្នោត៣៧០ផ្លែ ជួយឱ្យជីវភាពក្រុមគ្រួសារលោក ឆាយ អ៊ីម មិនសូវមានការបារម្ភទៅលើការចំណាយផ្សេងៗដែលកើតមានៅក្នុងបន្ទុកគ្រួសារនោះទេ អាចនិយាយបានថាក្រៅពីកាត់ចំណាយហើយ លោកអាចនៅសល់ប្រាក់ប្រហែល៩ម៉ឺនរៀលទុកសន្សំទិញជារបស់ប្រើប្រាស់តួយ៉ាងអាចទិញម៉ូតូរៀនសូត្រឬជិះទៅធ្វើការងារបាន។

ពាក់ព័ន្ធនិងផ្លែត្នោតនេះបើយោងតាមអាជីវករលក់នៅតាមតូបស្ថិតក្នុងភូមិឃុំខាងលើបានឱ្យដឹងថា ថ្លែត្នោតមួយថង់ដែលមានចំនួន១០គ្រប់ឬខ្លែបមានតម្លៃ៥ពាន់រៀលហើយការលក់បានតិចឬច្រើនវាអាស្រ័យទៅតាមថ្ងៃ ពោលពុំមានការកត់សម្គាល់ច្បាស់នោះទេ៕អត្ថបទ៖សារេត

The post អ្នកប្រកបរបរឡើងកាប់ផ្លែត្នោតលក់អាចរកប្រាក់ចំណូលបានដល់៣ពាន់ដុលារអាមេរិកក្នុង១ឆ្នំា appeared first on .