១. ការកើនឡើងនៃអត្រាការប្រាក់រយៈពេលវែង (Treasury Yields)៖
អត្រាផលទុនបណ្ណសារពើពន្ធអាមេរិក (Treasury Yields) បានហក់ឡើងដល់កម្រិតខ្ពស់គួរឱ្យកត់សម្គាល់ ដោយក្នុងនោះ 30-Year Treasury Yield បានឡើងដល់ ៥.៦៣% ខណៈដែល 10-Year Yield បានហក់ឡើងធំជាង ៥.៣%។ ការឡើងខ្ពស់នៃអត្រាការប្រាក់រយៈពេលវែងនេះ បានធ្វើឱ្យវិនិយោគិនផ្លាស់ប្តូរទិសដៅ បែរមកចាប់អារម្មណ៍លើការវិនិយោគលើទ្រព្យសម្បត្តិដែលផ្តល់ការប្រាក់ខ្ពស់ និងមានសុវត្ថិភាពទាំងនេះវិញ ជំនួសឱ្យការទុកទុនលើមាសដែលជាទ្រព្យសម្បត្តិមិនផ្តល់អត្រាការប្រាក់ (Non-yielding asset)។
២. នយោបាយរឹតបន្តឹងរបស់ធនាគារកណ្តាលសហរដ្ឋអាមេរិក (Federal Reserve Policy)៖
ប្រធានធនាគារកណ្តាលសហរដ្ឋអាមេរិក (Fed Chair) លោក Kevin Warsh បានប្រកាសបន្តកំណត់ជំហររឹងត្អឹងក្នុងការដំឡើងអត្រាការប្រាក់ជាបន្តបន្ទាប់។ គោលនយោបាយរូបិយវត្ថុដ៏តឹងរ៉ឹងនេះ គឺធ្វើឡើងក្នុងគោលបំណងដើម្បីទប់ស្កាត់ និងវាយបកទៅលើសម្ពាធអតិផរណាដែលកំពុងកើតមាន ដែលកត្តានេះបានធ្វើឱ្យប្រាក់ដុល្លារមានតម្លៃកាន់តែខ្លាំង និងដាក់សម្ពាធផ្ទាល់មកលើតម្លៃមាស។
៣. ការរំពឹងទុករបស់ទីផ្សារ (Market Expectations)៖
សន្ទស្សន៍និងអ្នកចូលរួមក្នុងទីផ្សារហិរញ្ញវត្ថុ បានបង្ហាញការរំពឹងទុកយ៉ាងមុតមាំថា ធនាគារកណ្តាលអាមេរិក (Fed) នឹងបន្តដំឡើងអត្រាការប្រាក់បន្ថែមទៀតនៅក្នុងត្រីមាសទី៤ ឆ្នាំ២០២៦ នេះ។ ការរំពឹងទុកពីការបន្តដំឡើងអត្រាការប្រាក់នាពេលឆាប់ៗខាងមុខនេះ បានធ្វើឱ្យសម្ពាធនៃការលក់មាសចេញពីសំណាក់វិនិយោគិនកាន់តែមានទម្ងន់ ដែលជម្រុញឱ្យតម្លៃមាសនៅលើទីផ្សារបន្តធ្លាក់ចុះជាលំដាប់នៅក្នុងខែនេះ៕

The post មូលហេតុ៣នេះ ធ្វើឲ្យតម្លៃមាសបន្តធ្លាក់ថ្លៃក្នុងខែតុលា ឆ្នាំ​២០២៦នេះ appeared first on .

ការបើកសាខាថ្មីនេះ គឺជាជំហានបន្ទាប់ក្នុងការពង្រីកវត្តមានរបស់ Luna Prime និងឆ្លុះបញ្ចាំងពីចក្ខុវិស័យរបស់ហាង ក្នុងការអភិវឌ្ឍអាជីវកម្មម្ហូបអាហារ និងភេសជ្ជៈ ដោយផ្តោតលើ គុណភាព បទពិសោធន៍អតិថិជន និងការរីកចម្រើនប្រកបដោយចីរភាព។

ទន្ទឹមនឹងការពង្រីកហាង Luna Prime ក្រុមហ៊ុនក៏កំពុងត្រៀមពង្រីក Luna Express តាមរយៈប្រព័ន្ធ Franchise ដោយបើកឱកាសសហការជាមួយដៃគូអាជីវកម្ម និងសហគ្រិនដែលមានចក្ខុវិស័យរួម ក្នុងការនាំយកផលិតផល និងបទពិសោធន៍របស់ Luna ទៅកាន់អតិថិជនកាន់តែទូលំទូលាយ។

បទពិសោធន៍ Luna Prime

Luna Prime ត្រូវបានបង្កើតឡើងក្នុងគោលបំណងផ្តល់ជូនអតិថិជននូវបទពិសោធន៍កាហ្វេ និងភេសជ្ជៈដែលយកចិត្តទុកដាក់លើគុណភាព ចាប់ពីការជ្រើសរើសគ្រាប់កាហ្វេ arabica ការលីង ការឆុង រហូតដល់ការបង្កើតភេសជ្ជៈប្រចាំហាង (Signature Drinks)។

ជាមួយនឹងបរិយាកាសថ្មី កក់ក្តៅ និងផាសុកភាព Luna Prime មានបំណងក្លាយជាទីកន្លែងមួយសម្រាប់អតិថិជនក្នុងការជួបជុំ សម្រាក ធ្វើការ និងរីករាយជាមួយកាហ្វេ និងភេសជ្ជៈដែលរៀបចំដោយយកចិត្តទុកដាក់។

នៅពីក្រោយបទពិសោធន៍នេះ មានការសហការជាមួយ Roast Master ដែលទទួលខុសត្រូវលើការជ្រើសរើស និងលីងគ្រាប់កាហ្វេប្រកបដោយជំនាញ ដើម្បីរក្សាគុណភាព និងរសជាតិឱ្យមានស្ថិរភាព។ ចំណែក Arkadia Cambodia ជាដៃគូផ្គត់ផ្គង់គ្រឿងផ្សំ ស៊ីរ៉ូ និងម្សៅភេសជ្ជៈ Premium ពីប្រទេសអូស្ត្រាលី ដែលរួមចំណែកក្នុងការបង្កើតភេសជ្ជៈ Signature របស់ Luna Prime។ 

Luna Express ជំហានបន្ទាប់នៃការពង្រីកតាមរយៈ Franchise

ស្របពេលជាមួយនឹងការអភិវឌ្ឍ Luna Prime ក៏កំពុងត្រៀមពង្រីកបណ្តាញ Luna Express តាមរយៈប្រព័ន្ធ Franchise ដើម្បីបង្កើនវត្តមានរបស់ម៉ាក Luna និងនាំយកកាហ្វេ និងភេសជ្ជៈរបស់ខ្លួនទៅកាន់អតិថិជននៅតាមទីតាំង និងតំបន់កាន់តែទូលំទូលាយ។

Luna Express ត្រូវបានអភិវឌ្ឍជាទម្រង់អាជីវកម្មដែលផ្តោតលើ ភាពងាយស្រួល ភាពបត់បែន និងសក្តានុពលក្នុងការពង្រីកទីតាំង ខណៈដែលនៅតែរក្សានូវគោលការណ៍សំខាន់ៗរបស់ម៉ាក Luna លើគុណភាពកាហ្វេ ភេសជ្ជៈ និងបទពិសោធន៍អតិថិជន។

ប្រសាសន៍ពីថ្នាក់ដឹកនាំ

លោកជំទាវ ឈុន សុភារ័ត្ន  មានប្រសាសន៍ថា តាំងពីដំបូង ខ្ញុំមានគំនិតសាមញ្ញមួយសម្រាប់ Luna Prime គឺ ខ្ញុំមិនចង់ឱ្យអតិថិជនមក Luna Prime ហើយឃើញតែអ្វីដដែលៗនោះទេ។ យើងតែងតែស្វែងរក និងបង្កើតអ្វីថ្មីៗ មិនថាជាកាហ្វេ ភេសជ្ជៈ អាហារ ឬ Bakery ដើម្បីឱ្យអតិថិជនតែងតែមានអ្វីថ្មីសម្រាប់សាក។

ប៉ុន្តែសម្រាប់ខ្ញុំ ភាពថ្មីមិនសំខាន់ជាងរសជាតិទេ។ ខ្ញុំតែងតែប្រាប់ក្រុមការងារថា “ថ្មីត្រូវតែឆ្ងាញ់ ហើយឆ្ងាញ់ត្រូវតែមានគុណភាព”។ នេះជាមូលហេតុដែលយើងយកចិត្តទុកដាក់ខ្លាំងលើវត្ថុធាតុដើម ប្រើគ្រឿងផ្សំដែលមានគុណភាពខ្ពស់ និងប្រើគ្រាប់កាហ្វេ Arabica ១០០%។

ខ្ញុំចង់ឱ្យ Luna Prime ក្លាយជាកន្លែងដែលអតិថិជនគិតដល់នៅពេលពួកគេចង់សាកអ្វីថ្មីៗ ហើយក្នុងពេលតែមួយ ពួកគេអាចទុកចិត្តបានលើរសជាតិ និងគុណភាព។ យើងចង់បន្តបង្កើតអ្វីថ្មី ប៉ុន្តែមិនដែលបោះបង់រសជាតិ និងគុណភាព។

អំពី Luna Prime

LUNA Prime គឺជាហាងកាហ្វេ ដែលមានអាជីវកម្មក្នុងវិស័យជាច្រើន រួមមានម្ហូបអាហារ និងភេសជ្ជៈ ការលីង និងផ្គត់ផ្គង់គ្រាប់កាហ្វេ ។

អាជីវកម្មក្រោមសម្ព័ន្ធរួមមាន Luna Prime, Luna Express, Roast Master និង Simply Life Cambodia ខណៈដែល Arkadia Cambodia ជាដៃគូយុទ្ធសាស្ត្រក្នុងការផ្គត់ផ្គង់គ្រឿងផ្សំសម្រាប់ភេសជ្ជៈ។

The post Luna Prime ប្រារព្ធពិធីសម្ពោធជាផ្លូវការសាខា AEON Mall Phnom Penh បោះជំហានថ្មីក្នុងការផ្តល់បទពិសោធន៍កាហ្វេ និងភេសជ្ជៈប្រកបដោយគុណភាព appeared first on .

កំណើនដ៏គួរឱ្យកត់សម្គាល់នេះ គឺជាលទ្ធផលនៃកិច្ចសហការយ៉ាងសកម្មរវាងរាជរដ្ឋាភិបាល តាមរយៈក្រសួងសាធារណការ និងដឹកជញ្ជូន ក្រសួងរ៉ែនិងថាមពល ជាមួយនិងក្រុមហ៊ុនវិនិយោគឯកជននានា ដើម្បីជំរុញការប្រើប្រាស់ថាមពលស្អាត និងកាត់បន្ថយការបំភាយឧស្ម័នពុលទៅក្នុងបរិយាកាស។

បច្ចុប្បន្ន ស្ថានីយសាកថ្មស្របច្បាប់ទាំងនេះ ត្រូវបានបែងចែក និងដំឡើងនៅតាមទីតាំងយុទ្ធសាស្ត្រសំខាន់ៗ តាមទីប្រជុំជនក្នុងរាជធានីភ្នំពេញ និងតាមបណ្តាខេត្តនានា។ ដោយខេត្តសៀមរាប ជាប់លំដាប់លេខរៀងទី២ តាមពីក្រោយរាជធានីភ្នំពេញ ដែលមានស្ថានីយបញ្ចូលថាមពលយានយន្តអគ្គិសនីច្រើនជាងគេ គឺសរុប ២៣ស្ថានីយ ស្មើ ៤៣ទូសាក ។

ការរៀបចំឱ្យមានស្ថានីយសាកថ្មស្របច្បាប់ដែលមានស្តង់ដារ និងសុវត្ថិភាព មិនត្រឹមតែជួយសម្រួលដល់ការធ្វើដំណើររបស់ប្រជាពលរដ្ឋដែលប្រើប្រាស់រថយន្តអគ្គិសនីប៉ុណ្ណោះទេ ប៉ុន្តែថែមទាំងបង្កើតទំនុកចិត្តកាន់តែខ្លាំងសម្រាប់អ្នកដែលមានបំណងចង់ផ្លាស់ប្តូរមកប្រើប្រាស់រថយន្ត EV នាពេលអនាគតផងដែរ។

The post ស្ថានីយសាកថាមពលយានយន្តអគ្គិសនីស្របច្បាប់នៅកម្ពុជា កើនឡើងដល់ ២៣៤ ស្ថានីយ គិតត្រឹមខែកញ្ញា ២០២៦ appeared first on .

លោកបន្តថា សហគមន៍កសិកម្មទំនើបនៅស្រុកឯកភ្នំ និងស្រុកមោងឫស្សី រងការខូចខាតធ្ងន់ជាងគេ ព្រោះទឹកជន់លិចខ្លាំងចំពេលស្រូវជិតប្រមូលផល។ ការងារអាទិភាពចំពោះមុខនាពេលនេះគឺ៖
គាំទ្រទុនបង្វិលឱ្យបានគ្រប់គ្រាន់ ដើម្បីបងប្អូនសមាជិកអាចចាប់ផ្តើមដាំដុះស្តារឡើងវិញភ្លាមៗ
បន្តស្វែងរកយន្តការដោះស្រាយបញ្ហាប្រឈមជូនកសិករជាសមាជិកជាដំណាក់កាលៗ
សិក្សាពីសមិទ្ធិលទ្ធភាពនៃការអនុវត្ត«ធានារ៉ាប់រងកសិកម្ម» សម្រាប់ទប់ទល់នឹងគ្រោះមហន្តរាយ
បើកឱកាសឱ្យកសិករដទៃដែលរងផលប៉ះពាល់ និងខ្វះដើមទុនផលិតកម្មរដូវកាលថ្មី។

ជាមួយគ្នានោះ លោកក៏បានលើកទឹកចិត្តកសិករអាចចូលរួមជាសមាជិកសហគមន៍កសិកម្មទំនើប ដើម្បីទទួលបានការគាំទ្រដូចគ្នា។

The post គ្រោះទឹកជំនន់ ចំពេលស្រូវជិតប្រមូលផល!សហគមន៍កសិកម្មទំនើបនៅស្រុកឯកភ្នំ និងស្រុកមោងឫស្សី ត្រូវបានក្រសួងកសិកម្មដាក់ការងារអាទិភាពចំពោះមុខភ្លាមៗ appeared first on .

លោក វ៉ា រុតសាន រដ្ឋលេខាធិការក្រសួងពាណិជ្ជកម្ម បានឱ្យដឹងថា ការនាំចេញស្វាយចន្ទីកម្ពុជាបានទៅកាន់ប្រទេសចំនួន ២៧ ក្នុងទ្វីបអឺរ៉ុប អាស៊ី សហរដ្ឋអាមេរិក និងប្រទេសផ្សេងៗទៀត។ កំណើននេះបានបន្តពីឆ្នាំមុនៗ ដោយក្នុងឆ្នាំ២០២៥ ការនាំចេញសម្រេចបាន ៦០៥ ៧៧៣ តោន ស្មើនឹងទឹកប្រាក់ ៨០៩ ០៤៥ ៦៣៦ ដុល្លារអាមេរិក កើនឡើង ១៥២% ធៀបនឹងឆ្នាំ២០២៤ ដែលមានត្រឹម ៤៧៥ ០៨៩ តោន ស្មើនឹងទឹកប្រាក់ ៥៣១ ១០៤ ៥២៥ ដុល្លារអាមេរិក។

ថ្លែងនៅក្នុង មហាសន្និបាតអាណត្តិទី១ និងការបោះឆ្នោតជ្រើសរើសប្រធាន និងសមាជិកក្រុមប្រឹក្សាភិបាលអាណត្តិទី២ កាលពីថ្ងៃទី៧ ខែតុលា ឆ្នាំ២០២៦ លោក អាន តារា ប្រធានសហព័ន្ធស្វាយចន្ទីកម្ពុជា បានឱ្យដឹងថា ក្នុងរយៈពេល ៣ឆ្នាំចុងក្រោយនេះ កម្ពុជាបាននាំចេញគ្រាប់ស្វាយចន្ទីមិនទាន់កែច្នៃទៅកាន់ប្រទេសវៀតណាមបានជាង ១លានតោនក្នុងមួយឆ្នាំៗ ដែលមិនទាន់រាប់បញ្ចូលគ្រាប់ចន្ទីកែច្នៃក្នុងស្រុក និងការនាំចេញទៅប្រទេសដទៃឡើយ។ ជាក់ស្តែង គិតត្រឹមខែកក្កដា ឆ្នាំ២០២៦ កម្ពុជាបាននាំចេញគ្រាប់ស្វាយចន្ទីមិនទាន់កែច្នៃទៅវៀតណាមបានជាង ១,០៥លានតោន ដែលគិតជាទឹកប្រាក់ជាង ១.៨០០លានដុល្លារអាមេរិក។ ឆ្នាំ២០២៦នេះក៏ជាឆ្នាំប្រវត្តិសាស្ត្រមួយផងដែរ ដែលតម្លៃស្វាយចន្ទីស្ងួតពូជ M23 បានលក់ចេញរហូតដល់ជាង ២.៣០០ដុល្លារអាមេរិកក្នុងមួយតោន។

សូមជម្រាបដែរថា ពេញមួយឆ្នាំ២០២៥ ពោលគិតចាប់ពីខែមករា រហូតដល់ខែធ្នូ ឆ្នាំ២០២៥  កម្ពុជា នាំចេញគ្រាប់ស្វាយចន្ទីឆៅបានជាង១ លានតោន កើនឡើង ២៧ % បើធៀបនឹងឆ្នាំ២០២៤ កន្លងទៅ។ នេះបើយោងតាមការបញ្ជាក់ ពីសមាគមគ្រាប់ស្វាយចន្ទីកម្ពុជា កាលពីពេលថ្មីនេះ។
 
ប្រភពដដែលបន្តថា កម្ពុជា បានទទួលចំណូល១,៥ពាន់លានដុល្លារពីការនាំចេញគ្រាប់ស្វាយចន្ទីឆៅនៅឆ្នាំ២០២៥ ខណៈទំហំទឹកប្រាក់ដែលកម្ពុជាអាចនាំចេញគ្រាប់ស្វាយចន្ទីនេះ គឺមានការកើនឡើងប្រមាណជា ៣០ ភាគរយ បើធៀបនឹងឆ្នាំមុន៕ 

The post កម្ពុជា រកចំណូលបានជាង ១,១៧ ពាន់លានដុល្លារ ពីការនាំចេញស្វាយចន្ទី ក្នុងរយៈពេល ៩ខែ ឆ្នាំ២០២៦ appeared first on .

នេះបើយោងតាមជំនួបពិភាក្សារវាង លោកស្រី ចម​ និម្មល រដ្ឋមន្ត្រីក្រសួងពាណិជ្ជកម្ម បានអនុញ្ញាតជូន ឯកឧត្ដម ដូមីនិក វីល្លៀម ឯកអគ្គរាជទូតព្រីតថេនប្រចាំព្រះរាជាណាចក្រកម្ពុជា ចូលជួបសម្តែងការគួរសម និងពិភាក្សាការងារ កាលថ្ងៃទី៦ ខែតុលា ឆ្នាំ២០២៦។

ក្រសួងពាណិជ្ជកម្ម បានឱ្យដឹងថា ជំនួបនេះត្រូវបានរៀបចំឡើងក្នុងគោលបំណងពិនិត្យវឌ្ឍនភាពនៃកិច្ចសហប្រតិបត្តិការទ្វេភាគី និងពិភាក្សាអំពីទិសដៅការងារបន្តពាក់ព័ន្ធនឹងការត្រៀមសហការរៀបចំវេទិកាពាណិជ្ជកម្ម និងវិនិយោគរួមគ្នារវាងកម្ពុជា និងព្រីតថេន លើកទី៤ ដែលគ្រោងនឹងប្រព្រឹត្តទៅក្នុងអំឡុងដើមឆ្នាំ២០២៧ ខាងមុខនេះ។

សូមជម្រាបដែរថា បើគិតត្រឹមក្នុងរយៈពេល ៨ខែ ដើមឆ្នាំ ២០២៦ កម្ពុជាបានអនុម័តគម្រោងវិនិយោគចំនួន ៣៤៦ ជាមួយនឹងទុនវិនិយោគសរុបប្រមាណ ៥,៤ពាន់លានដុល្លារអាម៉េរិក។នេះបើយោងតាមរបាយការណ៍ ៨ខែដើមឆ្នាំ ២០២៦ របស់ក្រុមប្រឹក្សាអភិវឌ្ឍន៍កម្ពុជា កាលពីពេលៗថ្មីនេះ៕ អត្ថបទ៖ហ្សាលីន

The post កម្ពុជា-ព្រីតថេន គ្រោងបង្កើតវេទិកាពាណិជ្ជកម្ម និងវិនិយោគរួមគ្នា នៅដើមឆ្នាំ២០២៧ appeared first on .

នៅក្នុងកិច្ចប្រជុំ កាលចុងសប្តាហ៍ ក្រោមការអញ្ជើញចូលរួមពីសំណាក់ លោក ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ ព្រមទាំងតំណាងក្រសួង-ស្ថាប័នពាក់ព័ន្ធ និងរដ្ឋបាលថ្នាក់ក្រោមជាតិជាច្រើនរូប។ការរៀបចំឯកសារសម្រាប់ការវាយតម្លៃ និងទទួលស្គាល់មន្ត្រីកសិកម្មឃុំ-សង្កាត់គំរូ បានឈានចូលដល់ដំណាក់កាលពិភាក្សាចុងក្រោយ ស្របពេលដែលថ្នាក់ដឹកនាំ កំពុងជំរុញយ៉ាងខ្លាំងនូវគោលការណ៍ «ការលើកទឹកចិត្តផ្អែកលើសមិទ្ធកម្ម» ដើម្បីជំរុញប្រសិទ្ធភាពការងារ និងលើកស្ទួយវិស័យកសិកម្មនៅតាមមូលដ្ឋាន។

នាឱកាសនោះ ដើម្បីពន្លឿនការងារនេះ លោក ហ៊ុន ម៉ានី ឧបនាយករដ្ឋមន្រ្តី រដ្ឋមន្រ្តីក្រសួងមុខងារសាធារណៈ និងជាអនុប្រធានប្រចាំការនៃគណៈកម្មាធិការជាតិជំរុញការអនុវត្តវិធានការគន្លឹះរបស់រាជរដ្ឋាភិបាលនីតិកាលទី៧ នៃរដ្ឋសភា (គ.វ.រ.) បានដឹកនាំកិច្ចប្រជុំលេខាធិកាដ្ឋាន គ.វ.រ. ស្តីពីការពិនិត្យនិងពិភាក្សាលើការរៀបចំយន្តការនេះ។

ចំណុចលេចធ្លោបំផុតនៃយន្តការថ្មីនេះ គឺការឆ្លុះបញ្ចាំងយ៉ាងច្បាស់ពីការយកចិត្តទុកដាក់របស់ថ្នាក់ដឹកនាំ លើការអនុវត្តវប្បធម៌ ការលើកទឹកចិត្តផ្អែកលើសមិទ្ធកម្មពិតប្រាកដ។ តាមរយៈគោលការណ៍នេះ មន្ត្រីកសិកម្មឃុំ-សង្កាត់ណាដែលសកម្មចុះជួយប្រជាពលរដ្ឋ មានភាពម្ចាស់ការ និងមានលទ្ធផលការងារលេចធ្លោ នឹងទទួលបានការវាយតម្លៃដោយយុត្តិធម៌ ព្រមទាំងទទួលបានការលើកទឹកចិត្តយ៉ាងស័ក្តិសម។ ការធ្វើបែបនេះ នឹងក្លាយជាចលករជំរុញឱ្យមន្ត្រីទាំងអស់ ប្រកួតប្រជែងគ្នាធ្វើអំពើល្អ និងបម្រើប្រជាពលរដ្ឋកាន់តែសកម្ម។

យន្តការនេះ គឺជាការបន្តភាពជោគជ័យពីការវាយតម្លៃអង្គភាពគំរូក្នុងវិស័យអប់រំ និងសុខាភិបាល ស្របតាមទស្សនៈវិស័យរបស់សម្តេចមហាបវរធិបតី ហ៊ុន ម៉ាណែត។ ជាលទ្ធផលរំពឹងទុក ប្រជាកសិករទូទាំងប្រទេស នឹងទទួលបានអត្ថប្រយោជន៍ដោយផ្ទាល់ពីមន្ត្រីកសិកម្មដែលមានសមត្ថភាព និងកម្លាំងចិត្តពេញលេញ ក្នុងការចុះដោះស្រាយបញ្ហាដំណាំ និងផ្តល់បច្ចេកទេសថ្មីៗបានទាន់ពេលវេលា និងមានប្រសិទ្ធភាពខ្ពស់៕ អត្ថបទ៖ ហ្សាលីន

The post រដ្ឋ កំពុងជំរុញគោលការណ៍«ការលើកទឹកចិត្តផ្អែកលើសមិទ្ធកម្ម» ដើម្បីអភិវឌ្ឍន៍កសិកម្មនៅមូលដ្ឋាន appeared first on .

ពិធីចាប់ឆ្នោតបែងចែកពូល និងសន្និសីទសារព័ត៌មាន ត្រូវបានរៀបចំឡើងកាលពីថ្ងៃទី០៧ ខែតុលា ឆ្នាំ២០២៦ ក្រោមអធិបតីភាពលោកបណ្ឌិត អាំង សិរីពិសិដ្ឋ អនុប្រធាន និងជាអគ្គលេខាធិការសហព័ន្ធកីឡាបាល់ទះកម្ពុជា តំណាងដ៏ខ្ពង់ខ្ពស់ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានសហព័ន្ធកីឡាបាល់ទះកម្ពុជា ព្រមទាំងលោកអគ្គនាយកបន្តវេន អ៊ឹង វីរៈ នៃក្រុមហ៊ុន ខ្មែរ ប៊ែវើរីជីស។

ក្នុងនាមជាអ្នកឧបត្ថម្ភផ្តាច់មុខអស់រយៈពេល ៣ ឆ្នាំជាប់គ្នា ចាប់តាំងពីឆ្នាំ២០២៤ មក ភេសជ្ជៈប៉ូវកម្លាំង វើក បានបន្តសហការជាមួយសហព័ន្ធកីឡាបាល់ទះកម្ពុជា ក្នុងការគាំទ្រព្រឹត្តិការណ៍នេះ ដើម្បីផ្តល់ឱកាសឱ្យកីឡាករវ័យក្មេងនៅតាមបណ្តាខេត្ត បានចូលរួមប្រកួតប្រជែង បង្ហាញសមត្ថភាព និងដកស្រង់បទពិសោធន៍ពីគ្នាទៅវិញទៅមក។ ការរៀបចំប្រកួតជម្រុះតាម ៥ មណ្ឌល ក៏បានបើកឱកាសឱ្យយុវជនកាន់តែច្រើនបានចូលរួម និងត្រៀមខ្លួនឆ្ពោះទៅកាន់ការប្រកួតកម្រិតខ្ពស់នាពេលអនាគត។

សម្រាប់ប្រាក់រង្វាន់ក្នុងវគ្គជុំចុងក្រោយនេះ ក្រុមជើងឯកនឹងទទួលបាន ៥០ លានរៀល ជើងឯករងទទួលបាន ២០ លានរៀល ចំណាត់ថ្នាក់លេខ៣ ទទួលបាន ១២ លានរៀល និងចំណាត់ថ្នាក់លេខ៤ ទទួលបាន ៨ លានរៀល។ ចំណែកកីឡាករដែលទទួលបានពានរង្វាន់ឯកត្តជន នឹងទទួលបានប្រាក់រង្វាន់ចំនួន ១ លានរៀល ផងដែរ។

ព្រឹត្តិការណ៍ «WURKZ Special Volleyball Cup U20 2026» នឹងឈានចូលវគ្គជុំចុងក្រោយចាប់ពីថ្ងៃទី១៨ ដល់ថ្ងៃទី២៥ ខែតុលា ឆ្នាំ២០២៦ នៅពហុកីឡដ្ឋានជាតិអូឡាំពិក។ សូមបងប្អូនអ្នកគាំទ្រកីឡាបាល់ទះទាំងអស់ ត្រៀមចូលរួមទស្សនា និងផ្តល់កម្លាំងចិត្តដល់កីឡាករវ័យក្មេងទាំង ១៣ ក្រុម ដែលនឹងប្រកួតប្រជែងដើម្បីដណ្ដើមតំណែងជើងឯកប្រចាំឆ្នាំ២០២៦។

វើក ជួយវិស័យបាល់ទះកម្ពុជាខ្លាំងជាងគេ!

The post ក្រុមខ្លាំង ១៣ ក្រុម ត្រៀមដណ្ដើមជើងឯក WURKZ Special Volleyball Cup U20 2026 ជាមួយប្រាក់រង្វាន់ ៥០ លានរៀលពីភេសជ្ជៈប៉ូវកម្លាំងវើក! appeared first on .

កិច្ចសហការរយៈពេល ៥ ឆ្នាំនេះ គឺជាជំហានថ្មីមួយរបស់ CAMBODIA SPORT+ ដែលផ្តោតសំខាន់លើការគាំទ្រផែនការអភិវឌ្ឍរបស់ក្លឹបបាល់ទះក្រសួងមហាផ្ទៃ ពង្រឹងគុណភាពនៃការហ្វឹកហាត់ និងបង្កើនឱកាសប្រកួតប្រជែងសម្រាប់កីឡាករ។ ការគាំទ្ររយៈពេលវែងនេះ នឹងរួមចំណែកជួយឱ្យក្លឹបមានមូលដ្ឋានកាន់តែរឹងមាំ និងបណ្តុះកីឡាករដែលមានសមត្ថភាពសម្រាប់អនាគតវិស័យបាល់ទះកម្ពុជា។

 កន្លងមក CAMBODIA SPORT+ បានចូលរួមគាំទ្រវិស័យកីឡាជាបន្តបន្ទាប់ ទាំងក្នុងប្រទេស និងលើឆាកអន្តរជាតិ រួមមានកីឡាបាល់ទះ កីឡារត់ប្រណាំង និងកីឡា Kickboxing ដោយផ្តោតលើការបង្កើតឱកាសឱ្យកីឡាករខ្មែរបានប្រកួតប្រជែង ដកស្រង់បទពិសោធន៍ និងអភិវឌ្ឍសមត្ថភាព។

តាមរយៈកិច្ចសហការថ្មីនេះ CAMBODIA SPORT+ សង្ឃឹមថា នឹងអាចបន្តរួមចំណែកជាមួយក្លឹបបាល់ទះក្រសួងមហាផ្ទៃ ក្នុងការបណ្តុះធនធានកីឡាករជំនាន់ក្រោយ ជំរុញការចូលរួមលេងកីឡារបស់យុវជន និងបង្កើតមូលដ្ឋានសម្រាប់កីឡាករខ្មែរឈានទៅសម្រេចសមិទ្ធផលថ្មីៗ ដើម្បីលើកកម្ពស់កិត្តិយសជាតិលើឆាកអន្តរជាតិ។

CAMBODIA SPORTS សហការជាមួយក្លឹបបាល់ទះក្រសួងមហាផ្ទៃ បន្តលើកស្ទួយវិស័យកីឡាបាល់ទះឲ្យកាន់តែខ្លាំង

The post CAMBODIA SPORT+ ឧបត្ថម្ភគាំទ្រក្លឹបបាល់ទះក្រសួងមហាផ្ទៃរយៈពេល ៥ ឆ្នាំ ដើម្បីពង្រឹងសមត្ថភាពកីឡាករ និងបន្តជំរុញភាពរីកចម្រើននៃវិស័យបាល់ទះកម្ពុជា appeared first on .

លើសពីនេះ លោកអ្នកនឹងទទួលបានសិទ្ធិអាទិភាព និងការបញ្ចុះតម្លៃពីបណ្តាដៃគូរបស់ Visa ទូទាំងពិភពលោក លើការទិញទំនិញ ម្ហូបអាហារ និងការស្នាក់នៅ ព្រមទាំងទទួលបានភាពងាយស្រួល និងសុវត្ថិភាពខ្ពស់ក្នុងការទូទាត់តាមអនឡាញ ម៉ាស៊ីនឆូតកាត (POS) និងការដកប្រាក់តាម ATM ទូទាំងពិភពលោក។ ពិសេសជាងនេះទៅទៀត លោកអ្នកក៏អាចគ្រប់គ្រងកាតបានដោយផ្ទាល់តាម Chip Mong Bank App ដោយអាចកំណត់កម្រិតទឹកប្រាក់ គ្រប់គ្រងការប្រើប្រាស់ និងកំណត់មុខងារសុវត្ថិភាពបានគ្រប់ពេលវេលាដោយខ្លួនឯង។

ជាមួយនឹងការរួមបញ្ចូលគ្នារវាងអត្ថប្រយោជន៍ផ្នែកហិរញ្ញវត្ថុ សិទ្ធិពិសេសសម្រាប់ការធ្វើដំណើរ និងភាពងាយស្រួលក្នុងការគ្រប់គ្រង កាតឥណទាន Visa Platinum របស់ធនាគារ ជីប ម៉ុង គឺជាជម្រើសដ៏ស័ក្តិសមសម្រាប់អ្នកដែលចង់ទទួលបានបទពិសោធន៍ចំណាយកាន់តែឆ្លាតវៃ និងទទួលបានតម្លៃបន្ថែមពីរាល់ការចំណាយ។

កុំភ្លេចដាក់ពាក្យស្នើសុំកាតឥណទាន Visa Platinum របស់ធនាគារ ជីប ម៉ុង ថ្ងៃនេះ ដើម្បីទទួលបានបទពិសោធន៍នៃការចំណាយកាន់តែពិសេស ជាមួយអត្ថប្រយោជន៍ និងសិទ្ធិពិសេសដ៏សម្បូរបែបពីធនាគារ ជីប ម៉ុង! សម្រាប់ព័ត៌មានបន្ថែម សូមទំនាក់ទំនងមកកាន់ សេវាទំនាក់ទំនងអតិថិជន 24/7 តាមរយៈលេខ 081 / 066 811 911

The post ទទួលបានអត្ថប្រយោជន៍យ៉ាងសម្បូរបែបពីការចំណាយប្រចាំថ្ងៃ ជាមួយកាតឥណទាន Visa Platinum របស់ធនាគារ ជីប ម៉ុង appeared first on .