សម្តេចធិបតី ហ៊ុន ម៉ាណែត ថ្លែងដូច្នេះ​ នាឱកាសអញ្ជើញជាអធិបតី ក្នុងពិធីអបអរសាទរ “ខួបអនុស្សាវរីយ៍លើកទី២៨ ថ្ងៃបង្កើតបញ្ជាការដ្ឋាន ទ័ពពិសេស (៩ វិច្ឆិកា ១៩៩៥ – ៩ វិច្ឆិកា២០២៣)” កាលព្រឹកថ្ងៃទី១០វិច្ឆិកា ឆ្នាំ២០២៣។

នាឱកាសនោះ សម្តេចធិបតី បានឱ្យដឹងថា រាជរដ្ឋាភិបាលនីកាលទី៧ នឹងផ្តោតសំខាន់លើការធ្វើទំនើបកម្មទ័ពជាពិសេស រួមទាំងកងទ័ពជើងទឹកផងដែរ ដោយអនុវត្តតាមគោលនយោបាយការពារជាតិរបស់កម្ពុជា និងប្រព័ន្ធការពារកងទ័ពជើងទឹករបស់កម្ពុជាផងដែរ។

ក្នុងនោះសម្តេចធិបតី អះអាងថា៖«នៅក្នុងការពង្រឹងសមត្ថភាពកង់ទ័ព  ពិសេសការធ្វើទំនើបកម្មទ័ពពិសេស គឺយើងត្រូវផ្ដោតលើការធ្វើទំនើបកម្មចំនួន ៣ យ៉ាង ក្នុងនោះ មានការធ្វើទំនើបកម្មរចនាសម្ព័ន្ធ ការធ្វើទំនើបកម្មការហ្វឹកហ្វឺន និងការធ្វើទំនើបកម្មសម្ភារៈ ឬគ្រឿងបំពាក់សម្រាប់យោធា»។

ចំពោះ ការធ្វើទំនើបកម្មហេដ្ឋារចនាសម្ព័ន្ធ សម្តេចធិបតីថា៖« គឺយើងត្រូវពិនិត្យវាយតម្លៃជាប្រចាំ និងឆ្លើយតបទៅនឹងតម្រូវការជាចាំបាច់របស់កងទ័ពនាពេលបច្ចុប្បន្ន និងអនាគត ពិសេសយើងត្រូវយកចិត្តទុកដាក់ទៅលើទៅការគំរាមកំហែងនិងការប្រឈមពីសន្តិសុខបច្ចេកវិទ្យា ភាវកម្ម និងគ្រោះមហន្តរាយគ្រប់ប្រភេទជាដើម»។

ដោយឡែក ការធ្វើទំនើបកម្មការហ្វឹកហ្វឺនវិញ សម្តេចធិបតីបន្តថា គឺយើងត្រូវការពង្រឹងសាលា និងរៀបចំសាលាបណ្តុះបណ្តាលជំនាញកងទ័ពឱ្យកានគុណភាព យកចិត្តទុកដាក់លើគ្រូ ការបង្កើតនៅសាលាទ័ពជំនាញ ក្នុងការស្រាវជ្រាវយុទ្ធសាស្រ្ដយោធានានា ហើយការធ្វើការស្រាវជ្រាវយុទ្ធសាស្រ្តនេះ ត្រូវធ្វើយ៉ាងណាឱ្យសមស្របទៅនឹងកងទ័ពរបស់កម្ពុជា។

ជាងនេះទៀត សម្តេចធិបតី បញ្ជាក់បន្ថែមថា ការពង្រឹងសមត្ថភពធនធានមនុស្ស គឺទាមទារឱ្យមានការការហ្វឹកហ្វឺនជារឿងសំខាន់ ខណៈសម្តេចធិបតី ក៏បានណែនាំឱ្យគ្រប់អង្គភាពពង្រឹងការហ្វឹកហ្វឺន កសាងប្រភពធនធានមនុស្ស ដើម្បីបម្រើការងារការពារជាតិឱ្យមានប្រសិទ្ធភាព។

យ៉ាងណាមិញ នាឱកាសនោះ សម្តេចធិបតី ហ៊ុន ម៉ាណែត ក៏បានបញ្ជាក់បន្ថែមថា សន្ដិភាព និងការបង្រួបបង្រួមជាតិ គឺជាការរកបានដោយលំបាកបំផុត ដែលសមិទ្ធផលទាំងនេះ ក៏បានកើតចេញពីការលះបង់នូវសាច់ស្រស់ឈាមស្រស់ របស់យោធិនជំនាន់មុនរបស់កម្ពុជា។ សម្ដេចនាយករដ្ឋមន្រ្ដី ក៏ឧទ្ទិសនូវសមិទ្ធផលដែលកម្ពុជា កំពុងទទួលបាននាពេលនេះ ដល់យោធិនដែលបានពលីទាំងអស់ ក្នុងការការពារជាតិ និងបូរណភាពទឹកដីកម្ពុជាផងដែរ៕

The post សម្តេចធិបតី ហ៊ុន ម៉ាណែត៖ ដើម្បីកសាងសមត្ថភាពកងទ័ពកម្ពុជា ទាមទារការធ្វើទំនើបកម្ម ៣ចំនុចធំៗ appeared first on .

នៅក្នុងកិច្ចប្រជុំ ដើម្បីពិភាក្សា និងវាយតម្លៃលើលទ្ធផលកិច្ច​សហប្រតិបត្តិការ​លើការងារ​គ្រប់​គ្រង និងការពារព្រំដែនក្នុងឆ្នាំ២០២១ និងលើកទិសដៅបន្ត​សម្រាប់ឆ្នាំ២០២២ កងទ័ពទាំ​ង​ពីរ​ប្រទេស​ បានឯកភាពលើការបន្តកិច្ចខិតខំប្រឹងប្រែង​សហការអនុវត្តភារកិច្ចស្របតាម​ផែនការ​សហ​ប្រតិបត្តិការប្រចាំឆ្នាំ រវាង​ក្រសួងការពារជាតិនៃប្រទេសទាំងពីរ និងការជំរុញការ​អនុវត្ត​អនុស្សារណៈនៃការយោគយល់រវាង​កងឯកភាពទាំងពីរឱ្យកាន់តែមាន​ប្រសិទ្ធភាព និងប្រសិទ្ធ​ផលខ្ពស់ ។

ក្នុងនោះកងទ័ពកម្ពុជា-វៀតណាម បាន​ប្តេជ្ញារួមគ្នាផ្តោតលើអាទិភាពមួយចំនួនដូចជា ការបន្ត​កិច្ច​សហការជួយគ្នាទៅវិញទៅមកដើម្បីរួមគ្នាទប់ស្កាត់ការរីករាលដាលនៃជំងឺកូវីដ-១៩ ការចូល​រួមបង្កលក្ខណៈដល់ភារកិច្ចខ័ណ្ឌសីមា និងការបោះបង្គោលព្រំដែនឱ្យបានឆាប់​ចប់ជាស្ថាពរ​ទៅ​តាមផែនកា​រការងាររបស់រដ្ឋាភិបាលនៃប្រទេសទាំងពីរ ​និងការគាំទ្រលើការហ្វឹកហ្វឺន​បណ្តុះ​បណ្តាល​ធនធានមនុស្ស ជាដើម។

ក្រៅពីឯកភាពរួមគ្នាលើទិសដៅសម្រាប់ឆ្នាំ២០២២ កងទ័ពកម្ពុជា-វៀតណាម ក៏បានធ្វើការវាយ តម្លៃខ្ពស់ ចំពោះលទ្ធផលកិច្ចសហប្រតិបត្តិការក្នុងរយៈពេលពេញមួយឆ្នាំ២០២១ផងដែរ។ ដោយក្នុងនោះ​កងទ័ពការពារព្រំដែននៃប្រទេសទាំងពីរ បានបន្តកិច្ច​សហការជាមួយគ្នា​យ៉ាង​សកម្ម​លើការចូលរួមចំណែកទប់ស្កាត់អំពើភេរវកម្ម និងបទល្មើស​ឆ្លងដែនគ្រប់ប្រភេទ និង​បានផ្តល់ការឧបត្ថម្ភ​ជួយគ្នាទៅវិញទៅមកទាំងស្មារតី និងសម្ភារ ដើម្បីរួមគ្នាទប់ស្កាត់ និងគ្រប់គ្រងការរី​ករាលដាលនៃជំងឺកូវីដ១៩៕

The post កងទ័ពកម្ពុជា-វៀតណាម ​ប្តេជា្ញ​រួមគ្នា​បន្តប្រឆាំងបទល្មើស​ឆ្លងដែន​គ្រប់​ប្រភេទ​ appeared first on .