នៅក្នុងជំនួបនោះ ឯកឧត្តមរដ្ឋមន្ត្រីទាំងពីរ បានពិភាក្សាផ្លាស់ប្តូរយោបល់យ៉ាងស៊ីជម្រៅអំពីការបើកទំព័រ និងពង្រីកកិច្ចសហប្រតិបត្តិការទ្វេភាគីរវាងប្រទេសទាំងពីរ។ ក្នុងឱកាសនោះ ភាគីកម្ពុជាបានបង្ហាញពីការត្រៀមខ្លួនជាស្រេចក្នុងការធ្វើជាដៃគូសហការជាមួយប្រទេសនីហ្សេ លើវិស័យសក្តានុពលសំខាន់ៗជាច្រើន រួមមាន៖ វិស័យពាណិជ្ជកម្ម ការវិនិយោគ កសិកម្ម ការអប់រំ វប្បធម៌ និងទេសចរណ៍។

ជាលទ្ធផលនៃជំនួប ថ្នាក់ដឹកនាំការទូតនៃប្រទេសទាំងពីរ បានចុះហត្ថលេខាជាផ្លូវការលើ «កិច្ចព្រមព្រៀងស្តីពីការបង្កើតទំនាក់ទំនងការទូតរវាងព្រះរាជាណាចក្រកម្ពុជា និងសាធារណរដ្ឋនីហ្សេ»។ កិច្ចព្រមព្រៀងជាប្រវត្តិសាស្ត្រនេះ នឹងដើរតួនាទីជាមូលដ្ឋានគ្រឹះយ៉ាងរឹងមាំក្នុងការកសាងចំណងមិត្តភាព សាមគ្គីភាព និងការត្រួសត្រាយផ្លូវសម្រាប់ការផ្លាស់ប្តូរដំណើរទស្សនកិច្ចទៅវិញទៅមកឱ្យបានទៀងទាត់នាពេលអនាគត៕

The post កម្ពុជា-នីហ្សេ បង្កើតទំនាក់ទំនងការទូតជាផ្លូវការ និងត្រៀមជំរុញកិច្ចសហប្រតិបត្តិការពហុវិស័យ appeared first on .