ការប្ដេជ្ញាចិត្ដនេះ ធ្វើឡើងនៅក្នុងឱកាសដែលរដ្ឋមន្រ្តីការបរទេសនៃសាធារណរដ្ឋលីទុយអានីជួបពិភាក្សាទ្វេភាគីជាមួយឯកឧត្ដម ប្រាក់ សុខុន ក្នុងអំឡុងពេលនៃការបំពេញទស្សនកិច្ចផ្លូវការ នៅព្រះរាជាណាចក្រកម្ពុជា ពីថ្ងៃទី២៤-២៥ ខែមេសា ឆ្នាំ២០២៦។

ក្រសួងការបរទេស បានឱ្យដឹងថា បន្ថែមលើការប្ដេជ្ញាចិត្ដជំរុញវិស័យគន្លឹះទាំង៨ខាងលើហើយនោះ  រដ្ឋមន្ត្រីការបរទេសទាំងពីរក៏បានផ្លាស់ប្តូរយោបល់លើបញ្ហាតំបន់ និងអន្តរជាតិ ដែលជាក្តីកង្វល់រួម ដោយបានគូសបញ្ជាក់អំពីភាពចាំបាច់ក្នុងការប្រកាន់ខ្ជាប់នូវការគោរពច្បាប់អន្តរជាតិ និងគាំទ្រការប្រើប្រាស់វិធីសាស្រ្តការទូត និងផ្លូវច្បាប់សម្រាប់ការដោះស្រាយជម្លោះដោយសន្តិវិធី៕

The post កម្ពុជា-លីទុយអានី ប្ដេជ្ញាចិត្ដជំរុញកិច្ចសហប្រតិបត្តិការលើវិស័យគន្លឹះចំនួន៨ appeared first on .

នេះបើតាមរយៈជំនួបរវាង លោកស្រី ជ្រឹង បុទុមរង្សី រដ្ឋលេខាធិការក្រសួងការបរទេស និងសហប្រតិបត្តិការអន្តរជាតិ ជាមួយ លោក Darius GAIDYS ឯកអគ្គរដ្ឋទូតវិសាមញ្ញ និងពេញសមត្ថភាព នៃសាធារណរដ្ឋលីទុយអានីប្រចាំព្រះរាជាណាចក្រកម្ពុជា ដែលមាននិវេសនដ្ឋាននៅរដ្ឋធានីសិង្ហបុរី កាលពីថ្ងៃទី១២ ខែមករា ឆ្នាំ២០២៦។

នៅក្នុងជំនួបនោះ ភាគីទាំងពីរបានផ្តោតសំខាន់លើកាលានុវត្តភាពក្នុងការបន្តពង្រឹង និងពង្រីកកិច្ចសហប្រតិបត្តិការទ្វេភាគីរវាងប្រទេសទាំងពីរ ជាពិសេសលើវិស័យពាណិជ្ជកម្ម និងទេសចរណ៍ ក៏ដូចជាលើកិច្ចសហប្រតិបត្តិការពហុភាគី។

ជាមួយគ្នានោះ ភាគីទាំងពីរក៏បានផ្លាស់ប្តូរទស្សនៈស្តីពីការវិវត្តថ្មីៗពាក់ព័ន្ធនឹងស្ថានការណ៍ព្រំដែនកម្ពុជា-ថៃ ផងដែរ។

សូមបញ្ជាក់ថា ជំនួបសម្តែងការគួរសម និងពិភាក្សាការងារខាងលើ ធ្វើឡើងបន្ទាប់ពី លោក Darius GAIDYS បានចូលក្រាបបង្គំគាល់ថ្វាយសារតាំង ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា នាព្រឹកថ្ងៃទី១២ ខែមករា ឆ្នាំ២០២៦ ក្នុងឱកាសដែលលោកត្រូវបានរដ្ឋាភិបាលនៃសាធារណរដ្ឋលីទុយអានី តែងតាំងជាឯកអគ្គរដ្ឋទូតវិសាមញ្ញ និងពេញសមត្ថភាពរបស់លីទុយអានីប្រចាំកម្ពុជា៕

The post កម្ពុជា-លីទុយអានី បន្តពង្រឹង និងពង្រីកកិច្ចសហប្រតិបត្តិការទ្វេភាគី ពិសេសលើវិស័យពាណិជ្ជកម្ម និងទេសចរណ៍ appeared first on .