ក្រសួងការបរទេស និងសហប្រតិបត្តិការអន្តរជាតិកម្ពុជា បានឲ្យដឹងថា ដំណើរបំពេញទស្សនកិច្ចនេះនឹងត្រូវអមដំណើរដោយលោក ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ នៃក្រុមប្រឹក្សាអភិវឌ្ឍន៍កម្ពុជា, លោក សុខ ចិន្តាសោភា ឧបនាយករដ្ឋមន្រ្តី រដ្ឋមន្ត្រីការបរទេស និងសហប្រតិបត្តិការអន្តរជាតិ, រដ្ឋមន្ត្រី និងមន្ត្រីសំខាន់ៗ នៃរាជរដ្ឋាភិបាល ព្រមទាំងថ្នាក់ដឹកនាំវិស័យឯកជននៃសភាពាណិជ្ជកម្មកម្ពុជា។

ក្នុងដំណើរទស្សនកិច្ចរយៈពេលពីរថ្ងៃ សម្ដេចធិបតី ហ៊ុន ម៉ាណែត នឹងជួបប្រជុំទ្វេភាគីជាមួយនាយករដ្ឋមន្ត្រីវៀតណាម លោក ផាម មិញ ជិញ ក្នុង​គោល​បំណងបន្តពង្រឹង និងពង្រីកបន្ថែមទៀតនូវកិច្ចសហប្រតិបត្តិការលើវិស័យជាច្រើន រួមមាន៖ អប់រំ ពាណិជ្ជកម្ម វិនិយោគ ការតភ្ជាប់ ទេសចរណ៍ វប្បធម៌ សន្តិសុខ ការពារជាតិ និងកិច្ច ការព្រំដែន ជាដើម។

បើតាមក្រសួងការបរទេសកម្ពុជា បញ្ហាអនុតំបន់ តំបន់ និងអន្តរជាតិដែលជាចំណាប់អារម្មណ៍ និងក្តីបារម្ភរួម ក៏នឹងត្រូវលើកយកមក​ពិភាក្សា​ផងដែរ។ ទន្ទឹមនឹងនេះ នាយករដ្ឋមន្ត្រីទាំងពីរ នឹងធ្វើជាសាក្សីក្នុងពិធីចុះហត្ថលេខា លើឯកសារកិច្ចព្រម​ព្រៀងមួយចំនួន និងធ្វើជាសហអធិបតីក្នុងវេទិកាកម្ពុជា-វៀតណាម ស្ដីពីការជំរុញពាណិជ្ជកម្ម និង​វិនិយោគ។

ជាមួយគ្នានេះដែរ សម្ដេចធិបតី នឹងអញ្ជើញចូលជួបសម្តែងការគួរសមដាច់ដោយឡែកជាមួយ លោក ង្វៀន ហ៊្វួយចុង (NGUYEN Phu Trong) អគ្គលេខាធិការនៃគណៈកម្មាធិការមជ្ឈិមបក្សកុម្មុយនីស្តវៀតណាម, លោក វ៉ វ៉ាន់ធឿង (VO Van Thuong) ប្រធានរដ្ឋវៀតណាម និងលោក រឿង ឌិញហ្វេ (VUONG Dinh Hue) ប្រធានរដ្ឋសភាវៀតណាម។ បន្ថែមទៀតនោះ សម្ដេចធិបតីនាយករដ្ឋមន្រ្តីក៏នឹងអនុញ្ញាតឱ្យលោកស្រី ង្វៀន ធីថាញ់ (NGUYEN Thi Thanh) ប្រធានសមាគមមិត្តភាពកម្ពុជា-វៀតណាម ព្រមទាំងថ្នាក់ដឹកនាំសម្ព័ន្ធយុវជនកុម្មុយនីស្ត ហូជីមិញ ចូលជួបសម្តែងការគួរសម និងពិភាក្សាការងារផងដែរ។

បន្ថែមលើពីនេះ សម្ដេចធិបតី នឹងថ្លែងសុន្ទរកថាគន្លឹះស្តីពីគោលនយោបាយអភិវឌ្ឍន៍សេដ្ឋកិច្ច របស់រាជរដ្ឋាភិបាលកម្ពុជា និងទំនាក់ទំនងសេដ្ឋកិច្ចរវាងកម្ពុជា និងវៀតណាម នៅសាកលវិទ្យាល័យពាណិជ្ជកម្មអន្ដរជាតិ នៅទីក្រុង​ហាណូយ។

ក្រសួងការបរទេសកម្ពុជា បានគូសរំលេចថា ដំណើរទស្សនកិច្ចផ្លូវការរបស់ សម្ដេចធិបតី ទៅកាន់ប្រទេស​វៀតណាមនាពេលនេះ នឹងបង្ហាញ​ពីការធ្វើ​ឱ្យកាន់តែស៊ីជម្រៅនូវទំនាក់ទំនងដ៏យូរអង្វែង ឈរលើស្មារតី «ភាពជាអ្នកជិតខាងល្អ មិត្តភាពជាប្រពៃណី កិច្ចសហប្រតិបត្តិការគ្រប់ជ្រុងជ្រោយ និងស្ថិរភាពយូរ​អង្វែង​រវាងកម្ពុជា និងវៀតណាម ដើម្បីផលប្រយោជន៍ទៅវិញទៅមកសម្រាប់ប្រជាជននៃប្រជាជាតិទាំងពីរ៕

The post សម្តេចធិបតី ហ៊ុន ម៉ាណែត បំពេញទស្សនកិច្ចផ្លូវការនៅវៀតណាមរយៈពេលពីរថ្ងៃ តើជួបឥស្សរជនរូបណាខ្លះ? appeared first on .

នៅក្នុងជំនួបនោះ ភាគីទាំងពីរ បានលើកឡើងពីនីតិវិធី និងយន្តការ ក្នុងការនាំចេញស្ករសពីកម្ពុជា ចូលក្នុងទីផ្សារវៀតណាមថា ជាការចៀសវាងការបង់ពន្ធក្រោមវិធានការប្រឆាំងនឹងការបង្វែរទិសដៅទំនិញ។

ជាមួយគ្នានោះ លោក សុខ សុភ័ក្រ្ត ក៏បានស្នើសុំទៅកាន់វៀតណាម ដើម្បីពិនិត្យលទ្ធភាពពន្លឿននីតិវិធីការធ្វើវិសោធនកម្មកិច្ចព្រមព្រៀងទំនិញឆ្លងកាត់រវាងកម្ពុជា-វៀតណាម ដើម្បីបញ្ចូលច្រកទ្វារព្រំដែនអន្តរជាតិម៉ឺនជ័យ (ព្រៃវែង)-តឺនណាម(តៃនិញ) ដោយនាពេលបច្ចុប្បន្ន គូភាគីនៅរង់ចាំតែ ពិធីសម្ភោធជាផ្លូវការនៃច្រកអន្តរជាតិនេះ ដោយប្រមុខរដ្ឋាភិបាលនៃប្រទេសទាំងពីរប៉ុណ្ណោះ។

ជាការឆ្លើយតប ភាគីវៀតណាម បានឱ្យដឹងថា វៀតណាម ក៏កំពុងឆ្លងនីតិវិធីផ្ទៃក្នុងផងដែរ ដោយបានបញ្ជូនអត្ថបទកិច្ចព្រមព្រៀងជូនរដ្ឋាភិបាលវៀតណាមពិនិត្យរួចរាល់ហើយ និងបានរំពឹងថាភាគីទាំងពីរ នឹងអាចបញ្ចប់នីតិវិធីផ្ទៃក្នុងរៀងៗខ្លួន នាពេលដ៏ខ្លីខាងមុខ។ក្នុងនោះ លោក ក៏បានឯកភាពនឹងពន្លឿននីតិវិធីការធ្វើវិសោធនកម្មកិច្ចព្រមព្រៀងទំនិញឆ្លងកាត់រវាងកម្ពុជា-វៀតណាម ដើម្បីបញ្ចូលច្រកទ្វារព្រំដែនអន្តរជាតិ ម៉ឺនជ័យ(ព្រៃវែង)-តឺនណាម(តៃនិញ) តាមដែលអាចធ្វើបាន ស្របពេលដែលថ្នាក់ដឹកនាំកំពូលទាំងពីរគ្រោងនឹងសម្ភោធច្រកទ្វារអន្តរជាតិនេះ នាពេលដ៏ខ្លីខាងមុខ។

ទន្ទឹមនឹងនោះ ភាគីទាំងពីរ បានពិភាក្សា និងផ្លាស់ប្តូរយោបល់លើទិដ្ឋភាពទូទៅនៃការធ្វើពាណិជ្ជកម្មទ្វេភាគីផងដែរ ក្នុងនោះរួមមានវឌ្ឍនភាពនៃកិច្ចអនុវត្តរួមគ្នា (Joint Undertaking) ស្តីពីកិច្ចសហប្រតិបត្តិការរដ្ឋបាលរួមគ្នាពាក់ព័ន្ធនឹងបទប្បញ្ញត្តិគយលើគ្រឿងបង្គុំ និងផ្នែករបស់ទោចក្រយាន។លើសពីនោះ ភាគីទាំងពីរបានប្តេជ្ញាចិត្តក្នុងការលើកកម្ពស់កិច្ចសហប្រតិបត្តិការទ្វេភាគីឱ្យកាន់តែល្អប្រសើរ និងបន្តអនុវត្តការងារតាមការណែនាំរបស់ថ្នាក់ដឹកនាំនៃប្រទេសទាំងពីរ សំដៅជំរុញវិស័យសេដ្ឋកិច្ច-ពាណិជ្ជកម្មទ្វេភាគី ឱ្យកាន់តែរីកចម្រើនបន្ថែមទៀត ដែលបម្រើដល់ឧត្តមផលប្រយោជន៍សេដ្ឋកិច្ច និងប្រជាជននៃប្រទេសទាំងពីរ៕

The post កម្ពុជា ពិភាក្សាពីយន្តការសម្រួលដល់ការនាំចេញស្ករស ជាមួយវៀតណាម appeared first on .

ដំណើរទស្សនកិច្ចនេះរយៈពេល ៣ថ្ងៃ ពី ថ្ងៃទី១៧-១៩ ខែសីហា ឆ្នាំ២០២២ ត្រូវបានដឹកនាំដោយលោក ប៉ែន បូរាណ អនុរដ្ឋលេខាធិការក្រសួងសាធារណការ និង ដឹកជញ្ជូន
ក្នុងការស្វែងយល់អំពីដំណើរការនៃប្រតិបត្តិការការងារក្នុងវិស័យភស្តុភារ កម្មពីវិស័យឯកជន ពិភាក្សាលើបញ្ហាប្រឈមនានាក្នុងការដឹកជញ្ជូនឆ្លងកាត់ព្រំដែនទាំងតាមច្រកផ្លូវទឹក និងផ្លូវគោក និង ពង្រឹងកិច្ចសហប្រតិបត្តិការ និងបង្កើនចំណងមិត្តភាពក្នុងវិស័យភស្តុភារកម្មរវាងរដ្ឋ-ឯកជន និងឯកជន-ឯកជនរបស់ប្រទេសទាំងពីរ។

ជាមួយគ្នានេះដែរ កម្ពុជា ក៏បានពិភាក្សាជាមួយសមាគមភស្តុភារកម្មវៀតណាម ក្រុមហ៊ុន Global Logistics Service Co., Ltd. សមាគមVISABA កំពង់ផែ Cat Lai របស់ក្រុមហ៊ុនSNG (Saigon Newport Corporation) និងកំពង់ផែអន្តរជាតិGemalink។

បន្ថែមទៀតនោះ ក៏ជួបពិភាក្សាការងារជាមួយអាជ្ញាធរនៅច្រកទ្វារព្រំដែនអន្តជាតិបាវិត-ម៉ុកបៃ ដើម្បីស្វែងយល់អំពីបញ្ហាប្រឈមនៃការដឹកជញ្ជូនឆ្លងកាត់ព្រំដែនអន្តរជាតិ បាវិត-ម៉ុកបៃផងដែរ៕

The post កម្ពុជា បញ្ជូនមន្ត្រីទៅវៀតណាម ពិភាក្សាបញ្ហាប្រឈមនានាក្នុងការដឹកជញ្ជូនទំនិញឆ្លងកាត់ព្រំដែន appeared first on .

ជាការពិត បើ​សង្កេត​មើល​ឲ្យ​មែន​ទែន​ទៅ ​រយៈកាល ៣ ឆ្នាំ​ចុងក្រោយ​ ទំហំ​សេដ្ឋកិច្ច​រវាង​ប្រទេស​កម្ពុជា និង​វៀតណាម​គឺ​បាន​កើតឡើង​ពី​មួយ​កម្រិត​ទៅ​មួយ​កម្រិត ពោល​កាលពី​ឆ្នាំ ២០២០ ទំហំ​ពាណិជ្ជកម្ម​រវាង​ប្រទេស​ទាំង ២ គឺ​មាន​ប្រមាណ​ជាង ៥ ពាន់​លាន​ដុល្លារ ប៉ុន្តែ​នៅ​ឆ្នាំ​បន្ទាប់​ស្រាប់​តែ​មាន​សន្ទុះ​ខ្លាំង​ស្មាន​មិនដល់។

នៅ​ឆ្នាំ ២០២១ ទំហំ​ពាណិជ្ជកម្ម​រវាង​ប្រទេស​នៅ​អាស៊ាន ២ នេះ​ស្រាប់​តែ​កើនឡើង​រហូត​ដល់ ៧៥% ពោល​ ៩,៣ ពាន់​លាន​ដុល្លារ គិត​ត្រឹម​ចុងឆ្នាំ ២០២១ ច្រើន​ជាង​ឆ្នាំ ២០២០ ប្រមាណ​ជាង ៤ ពាន់​លាន​ដុល្លារ។

ដោយឡែក​សម្រាប់​ឆ្នាំ ២០២២ នេះ​វិញ រដ្ឋាភិបាល​នៃ​ប្រទេស​ទាំង ២​ សុទ្ធ​តែ​មាន​បំណង​ចង់​បង្កើន​ទំហំ​ពាណិជ្ជកម្ម​ឲ្យ​បាន​រហូត​ដល់ ១០ ពាន់​លាន​ដុល្លារ ឬ​ច្រើនជាង​នេះ ខណៈ​គិត​ត្រឹម​ឆមាស​ទី ១ ទំហំពាណិជ្ជកម្ម​គឺ​មាន​ជិត ២ ពាន់​លាន​ដុល្លារ៕

The post ទំហំពាណិជ្ជកម្មកម្ពុជា-វៀតណាម អាចនឹងឈានដល់ទំព័រថ្មីនៅឆ្នាំ ២០២២ appeared first on .

យ៉ាងណា បើតាមការចុះផ្សាយពីសារព័ត៌មាន TGG ក្នុងពេលថ្មីៗនេះ បានបង្ហាញថា មន្ត្រីប្រទេសទាំង ២ កំពុងរៀចចំ ការតភ្ជាប់គោលដៅទេសចរណ៍ទាំង ២ តាមរយ:ទូកល្បឿនលឿន ក្នុងគោលបំណង ដើម្បីជុំរុញវិស័យទេសចរណ៍នៅទូទាំងខេត្តកែប ខេត្តកំពត និងសូម្បីតែខេត្តព្រះសីហនុផងដែរ ។

ជុំវិញគម្រោងនៃការតភ្ជាប់ផ្លូវទឹកនេះ លោក Jacques Guichandut នាយកគ្រប់គ្រងក្រុមហ៊ុន All Dreams Cambodia បាននិយាយថា វានឹងជំរុញឱ្យមានតម្រូវការសម្រាប់ប្រទេសទាំង ២ ជាពិសេសនៅក្នុងចំណោមភ្ញៀវទេសចរ ក្នុងតំបន់ ហើយពិសេសជាងនេះទៅទៀត វាក៏អាចជួយផ្សព្វផ្សាយដល់អតិថិជនក្រុមហ៊ុនរបស់លោក ដែលភាគច្រើននៅអឺរ៉ុប និងសហរដ្ឋអាមេរិកផងដែរ ។

បន្ថែមពីនេះ លោកបានកត់សម្គាល់ទៀតថា ៖ ” នេះជាការរួបរួមគ្នា ដែលយើងមិនអាចមើលរំលង។ កន្លែងទាក់ទាងសំខាន់បំផុតរបស់កោះត្រល់ គឺរមណីយដ្ឋានឆ្នេររបស់ពួកគេ ប៉ុន្តែនៅក្នុងប្រទេសកម្ពុជាវិញ យើងក៏មានជម្រើសរមណីយដ្ឋានឆ្នេរ នៅលើកោះរ៉ុង និងរ៉ុងសន្លឹមផងដែរ ” ។

ទន្ទឹមនឹងនេះ លោក Pham ha ស្ថាបនិកក្រុមហ៊ុន Lux Travel DMC បានបន្ថែមថា ការផ្តល់ជូននេះ នឹងអាចអំពាវដល់ភ្ញៀវទេសចរវៀតណាម និងប្រទេសអាស៊ានផ្សេងទៀត ដែលអាចធ្វើដំណើរមកលេងកម្សាន្តដោយពុំចាំបាច់មានទិដ្ឋាការ ។

មិនតែប៉ុណ្ណោះ លោកបានបន្តទៀតថា ៖ ” នេះជាការផ្លាស់ប្តូរដ៏ល្អ ដោយសារតែការតភ្ជាប់ផ្លូវទឹក រវាងកោះត្រល់ ជាមួយនឹងតំបន់ ដែលពុំសូវមានអ្នកស្គាល់ នៅក្នុងប្រទេសកម្ពុជា ហើយវានឹងអាចផ្តល់ឱកាសឱ្យអ្នកដំណើរវៀតណាម ទៅលេងកន្លែងកម្សាន្តនានាដូចជាខេត្តព្រះសីហនុ និងកោះទន្សាយបានដោយងាយស្រួល ” ៕

The post កម្ពុជា-វៀតណាម កំពុងរៀបចំគម្រោងតភ្ជាប់ផ្លូវទឹករវាងខេត្តកែប និងកោះត្រល់ តាមរយ:ទូកល្បឿនលឿន appeared first on .

សម្ដេចតេជោបានថ្លែងយ៉ាងដូច្នេះថា «អម្បាញ់មិញ ខ្ញុំបានព្រមព្រៀងជាមួយនាយករដ្ឋមន្ត្រីវៀតណាម។ ខ្ញុំគ្រាន់​តែសំណូមពរទៅគាត់ថា ឥឡូវយើងគួរតែបើកទេសចរណ៍ផ្លូវគោកឡើងវិញ, ចម្លើយរបស់គាត់ (នាយរដ្ឋមន្ត្រីវៀតណាម) តបមកវិញថា គាត់សុំស្នើបើកទាំងផ្លូវគោក និងផ្លូវអាកាសថែមទៀត, ខ្ញុំថា ខ្ញុំឯកភាព»។

ស្ថិតក្នុងការអនុវត្តយន្តការទាក់ទាញភ្ញៀវទេសចរចាក់វ៉ាក់សាំង បន្ទាប់ពីប្រកាសបើកប្រទេសឡើងវិញកាលពីចុងឆ្នាំ២០២១ដែលក្រសួងទេសចរណ៍កម្ពុជាកំពុងផ្សព្វផ្សាយពី «កម្ពុជា ជាគោលដៅទេសចរណ៍ប្រកបដោយសុវត្ថិភាព និងផ្ដល់ភាពកក់ក្ដៅ» នោះ សម្ដេចបានប្រកាសថាជនជាតិបរទេសចង់ទៅប្រទេសកម្ពុជា ទី១មិនតម្រូវឱ្យធ្វើតេស្ត PCR រយៈពេល៧២ម៉ោងមុននោះទេ ទី២សម្រាប់អ្នកចាក់វ៉ាក់ពេញលេញ គឺមិនតម្រូវឱ្យធ្វើតេស្តរហ័ស ឬតេស្ត PCR ឡើយ នៅពេលទៅដល់ប្រទេសកម្ពុជា ដោយគ្រាន់តែបង្ហាញកាតចាក់វ៉ាក់សាំងទៅបានហើយ ទី៣សម្រាប់អ្នកមិនទាន់ចាក់វ៉ាក់សាំង គឺតម្រូវឱ្យធ្វើចត្តាឡីស័កត្រឹមតែ៧ថ្ងៃប៉ុណ្ណោះ។

ទន្ទឹមនឹងនេះដែរ សម្ដេចក៏បានចោទជាសំណួរថា ប្រសិនបើអ្នកដំណើរចេញពីកម្ពុជាចូលវៀតណាម តើខាង​វៀតណាមតម្រូវលក្ខខណ្ឌអ្វីខ្លះ? តើត្រូវការតេស្ត PCR រយៈពេល៧២ម៉ោងមុនទេ? នៅពេលទៅដល់វៀតណាម តម្រូវឱ្យធ្វើចត្តាឡីស័កទេ? ប្រសិនបើធ្វើ តើធ្វើប៉ុន្មានថ្ងៃ? នៅពេលទៅដល់វៀតណាម តម្រូវឱ្យធ្វើតេស្តរហ័ស ឬតេស្ត PCR ដែរទេ?

សម្ដេចតេជោបានបញ្ជាក់ថា ទោះបីលក្ខខណ្ឌខាងភាគីវៀតណាមតឹងរឹងដែលប្រជាជនកម្ពុជាមិនសូវចេញទៅវៀតណាម ប៉ុន្តែភ្ញៀវទេសចរខាងវៀតណាមនឹងចូលមកកម្ពុជាយ៉ាងច្រើន លើសពីនេះសម្ដេចរំពឹងថាកម្ពុជានឹងទទួលបានភ្ញៀវទេសចរបរទេសយ៉ាងច្រើនបន្ថែមទៀត៕

The post នាយករដ្ឋមន្ត្រីកម្ពុជា-វៀតណាមព្រមព្រៀងបើកទេសចរណ៍ផ្លូវគោក និងអាកាសឡើងវិញ appeared first on .

ក្នុងជំនួបនាពេលនេះ សម្ដេច ហ៊ុន សែន បានលើកឡើងពីគម្រោងនៃការតភ្ជាប់ផ្លូវដែកកម្ពុជា និងវៀតណាមដោយសម្ដេចចង់ឃើញជំរុញការតភ្ជាប់ផ្លូវដែកនេះ ដែលនឹងអាចជួយសម្រួលដល់ការតភ្ជាប់សេដ្ឋកិច្ចរវាងប្រទេសទាំងពីរ។

ជាមួយគ្នានេះ លោក ប៊ូយ ថាញ់សឺន បានថ្លែងថា ទំនាក់ទំនងទ្វេភាគីរវាងប្រទេសទាំងពីរនៅមានទំនាក់ទងល្អប្រសើរជាពិសេសតាមរយៈការទស្សនកិច្ចនៃការដឹកនាំកំពូលនៃប្រទេសទាំងពីរនាពេលកន្លងមក ដែលបានធ្វើឲ្យចំណងមិត្តភាពរវាងកម្ពុជា និងវៀតណាមកាន់តែមានភាពល្អប្រសើរឡើង។ លោកបន្ថែមថា ឆ្នាំនេះជាខួបលើកទី៥៥នៃទំនាក់ទំនងការទូតរវាងប្រទេសទាំងពីរ។

បើតាមរដ្ឋមន្រ្តីការបរទេសវៀតណាម បច្ចុប្បន្ន កំណើនពាណិជ្ជកម្មកម្ពុជា វៀតណាម មានកើនឡើងយ៉ាងខ្ពស់រហូតដល់ជិត ១០ពាន់លានដុល្លារអាមេរិក បើប្រៀបធៀបទៅឆ្នាំមុន។ ដូច្នេះលោកបង្ហាញក្តីសង្ឃឹមថា វៀតណាម-កម្ពុជា នឹងបន្តពង្រឹងនៃការតភ្ជាប់សេដ្ឋកិច្ច និងបន្តធ្វើការជាមួយគ្នា ធ្វើយ៉ាងណាឱ្យឆ្នាំនេះ កំណើនសេដ្ឋកិច្ចមានការឡើងជាបន្តទៀត ជាពិសេសការជំរុញកិច្ចសហការលើគ្រប់វិស័យ ដូចជា វិស័យកសិកម្ម វិស័យឧស្សាហកម្ម និងវិស័យផ្សេងផ្សេងទៀត។

ក្នុងរយៈពេល១០ខែដើមឆ្នាំ២០២១ ទំហំពាណិជ្ជកម្មទ្វេភាគីរវាងកម្ពុជា និងវៀតណាម ទទួលបាន ៧ ៨៧០លានដុល្លារអាមេរិក កើនឡើង ៨៧,៥% បើប្រៀបធៀបនឹងរយៈពេលដូចគ្នានៅក្នុងឆ្នាំ២០២០ អត្រាពាណិជ្ជកម្មទ្វេភាគីទទួលបានជាង​ ៥ ៣០០លានដុល្លារអាមេរិក ក្នុងនោះទំនិញរបស់វៀតណាមនាំចេញមកកម្ពុជាមានជាង ៤ ១០០លានដុល្លារ និងទំនិញកម្ពុជានាំចូលទៅវៀតណាមជិត ១ ២០០លានដុល្លារអាមេរិក។​

នៅឆ្នាំ ២០២១ ទំនិញកម្ពុជា នាំចេញទៅវៀតណាមទទួលបាន ៣ ៩៤០លានដុល្លារអាមេរិក កើនឡើង ៣៩៦% និងទំនិញវៀតណាមនាំចូលមកកម្ពុជា ៣ ៩៣០លានដុល្លារអាមេរិក កើនឡើង ១៧,១%បើប្រៀបធៀបនឹងរយៈពេលដូចគ្នាឆ្នាំ២០២០។

លើសពីនេះ លោក ប៊ូយ ថាញ់សឺន វាយតម្លៃខ្ពស់ចំពោះការប្រែប្រួលក៏ដូចជាការអភិវឌ្ឍក្នុងរយៈពេលខ្លី និងការរីកចម្រើននៅប្រទេសកម្ពុជា ក្រោមការដឹកនាំរបស់សម្តេចនាយករដ្ឋមន្ត្រី ហ៊ុន សែន ដែលមានការរីកចម្រើនស្ទើរលើគ្រប់វិស័យ។ លោកមើលឃើញថា បច្ចុប្បន្នកម្ពុជានៅតែបន្តរីកលូតលាស់ទៅមុខ ជាពិសេសការពង្រឹងតួនាទីរបស់ខ្លួន និងកិត្តិនាមរបស់កម្ពុជានៅក្នុងតំបន់ក៏ដូចជាអន្តរជាតិផងដែរ៕

The post កម្ពុជា ដាក់ក្តីរំពឹងខ្ពស់ជាមួយវៀតណាម ក្នុងការបន្តកើនទំហំពាណិជ្ជកម្មឲ្យលើស១០ពាន់ដុល្លារអាមេរិក appeared first on .

ជាក់ស្តែង ប្រទេសវៀតណាម បានទិញ ៩៦% ទៅ ៩៩% នៃគ្រាប់ស្វាយចន្ទី ម្រច និងសណ្តែកសៀង ដែលកម្ពុជានាំចេញ ។ យ៉ាងណានេះបើតាមការឱ្យដឹងពីរបាយការណ៍របស់ក្រសួងកសិកម្ម រុក្ខាប្រមាញ់ និងនេសាទរបស់កម្ពុជា ។

ក្នុងនោះដែរ ការនាំចេញគ្រាប់ស្វាយចន្ទីរបស់កម្ពុជា ទៅកាន់ប្រទេសវៀតណាម បានកើនឡើង ៤,៦ ដង ចាប់តាំងពីឆ្នាំ ២០២០ ហើយចំណែកឯម្រេច និងសណ្តែកបណ្តុះ បានកើនឡើង ៤ ដង ។

ក្រៅពីនោះផលិតផលកសិកម្មផ្សេងទៀត ដែលវៀតណាមបានទិញក្នុងបរិមាណដ៏ច្រើនពីកម្ពុជា មានដូចជាអង្ករ ក្រូចថ្លុង ចេក និងស្វាយជាដើម ។

មិនតែប៉ុណ្ណោះ រដ្ឋមន្ត្រីក្រសួងកសិកម្មកម្ពុជា លោក វេង សាខុន បានប្រាប់ដល់ប្រធានរដ្ឋវៀតណាម លោក Nguyen Xuan Phuc ក្នុងដំណើរទស្សនកិច្ចនាពេលកន្លងទៅថា វៀតណាមជាអ្នកនាំចូលដ៏ធំបំផុតរបស់កម្ពុជា ក្នុងចំនោមប្រទេស និងដែនដីចំនួន ៧០ កាលពីឆ្នាំមុន ៕

គួរបញ្ជាក់ផងដែរថា ក្នុងរយ:ពេល ១១ ខែដំបូងកាលពីឆ្នាំមុន តម្លៃពាណិជ្ជកម្មរវាងវៀតណាម និងកម្ពុជា បានកើនឡើង ៨៤% ដល់ ៨,៦ ពាន់លានដុល្លារ។ នេះបើយោងតាមការឱ្យដឹងពីគយរបស់វៀតណាម ៕

ប្រភព: VN Express

The post វៀតណាម ចាយលុយជិត ៥ ពាន់លានដុល្លារ ទិញចូលកសិផលប្រហែល ៨០% ពីកម្ពុជា appeared first on .

សម្តេច ហេង សំរិន បានលើកឡើងថា ទោះបីជាប្រឈមនឹងវិបត្តិជំងឺកូវីដ-១៩ក្តី ក៏កិច្ចសហប្រតិបត្តិការទ្វេភាគីកម្ពុជា-វៀតណាម នៅតែប្រព្រឹត្តទៅយ៉ាងល្អប្រសើរលើគ្រប់វិស័យ។ ជាមួយគ្នានេះ ក្នុងនាមរដ្ឋសភាកម្ពុជាសម្តេចបានថ្លែងអំណរគុណចំពោះជំនួយជាថវិកាចំនួន ២៥លានដុល្លារអាមេរិក ដែលបក្សរដ្ឋ និងប្រជាជនវៀតណាម បានផ្តល់ជូនសម្រាប់កសាងអគាររដ្ឋបាលរដ្ឋសភា ដែលបានធ្វើពិធីបញ្ចុះបឋមសិលានាពេលនេះ។

ទន្ទឹមនឹងនោះ លោក ង្វៀន សួនហ៊្វុក បានវាយតម្លៃខ្ពស់ចំពោះការចូលរួមចំណែកដ៏សំខាន់របស់សម្តេចប្រធានរដ្ឋសភានៅក្នុងការជំរុញ និងលើកកម្ពស់កិច្ចសហប្រតិបត្តិការរវាងរដ្ឋសភាប្រទេសទំាងពីរឲ្យមានការរីកចម្រើនជាលំដាប់។ លោកក៏បានសម្ដែងនូវការពេញចិត្តចំពោះភាពរីកចម្រើនលើគ្រប់វិស័យ ទំាងវិស័យសេដ្ឋកិច្ចពាណិជ្ជកម្ម ការវិនិយោគ នៃប្រទេសទំាងពីរ និងមានក្តីសង្ឃឹមថាក្រោមកិច្ចសហប្រតិបត្តិការជាប្រពៃណី និងបងប្អូននេះ ប្រទេសកម្ពុជា និងវៀតណាមនឹងសម្រេចបានសមិទ្ធិផលធំៗបន្តបន្ទាប់ទៀត។

សូមជម្រាបថា អគាររដ្ឋបាលរដ្ឋសភាថ្មី ដែលជាជំនួយរបស់រដ្ឋាភិបាលវៀតណាមនេះ មានកម្ពស់១២ជាន់ និងមានចំណតរថយន្តចំនួនពីរជាន់ទៀត ជាសំណង់ដែលប្រកបដោយសោភ័ណភាពនឹងក្លាយជានិមិត្តរូបនៃមិត្តភាពរវាងប្រជាជាតិកម្ពុជា និងប្រជាជាតិវៀតណាមជារៀងតទៅ។

បើតាមរបាយការណ៍ដែលបានលើកឡើងដោយ លោក ឡេង ប៉េងឡុង អគ្គលេខាធិការរដ្ឋសភា បានបង្ហាញថា នៅក្នុងគម្រោងអនុវត្តដ៏ធំក្នុងការសាងសង់អគាររដ្ឋបាលថ្មីដែលជាជំនួយរបស់ប្រទេសវៀតណាមនេះ អគ្គលេខាធិការដ្ឋានរដ្ឋសភា បានចាត់ចែងអនុវត្តទៅតាមផែនការដែលមាន៤ដំណាក់កាល គឺការដេញថ្លៃជ្រើសរើសទីប្រឹក្សា បន្ទាប់មកជ្រើសរើសក្រុមហ៊ុន Archetype បានផ្តើមកសាងប្លង់ទំាងឡាយ និងបន្ទាប់មកបានដាក់សុំការអនុញ្ញាតសាងសង់ជូនទៅក្រសួងដែនដីនគរូបនីយកម្ម ដំណាក់កាលទី៣ គឺដេញថ្លៃការសាងសង់អគារ និងការផ្គត់ផ្គង់បរិក្ខាទំាងឡាយ ដែលបានកំពុងអនុវត្ត និងដំណាក់កាលចុងក្រោយគឺត្រូវធ្វើការសាងសង់អគារ និងបំពាក់គ្រឿងបរិក្ខាឲ្យរួចរាល់ ក្នុងពេលឲ្យបានឆាប់ ជាការល្អ៕

The post សម្តេច ហេង សំរិន និងប្រធានរដ្ឋវៀតណាម ចុចប៊ូតុងបើកដំណើរការសាងសង់អគាររដ្ឋបាលថ្មីរបស់រដ្ឋសភាកម្ពុជា តម្លៃ ២៥លានដុល្លារ appeared first on .

១- ផែនការសហប្រតិបត្តិការឆ្នាំ២០២២ រវាងក្រសួងមហាផ្ទៃកម្ពុជា និងក្រសួងនគរបាលវៀតណាម។

២- ផែនការសហប្រតិបត្តិការប្រចាំឆ្នាំ២០២២ រវាងក្រសួងការពារជាតិកម្ពុជា និងក្រសួងការពារជាតិវៀតណាម។

៣- កំណត់ហេតុនៃកិច្ចប្រជុំលើកទី១៩ របស់គណៈកម្មការចម្រុះកម្ពុជា-វៀតណាម ស្ដីពីកិច្ចសហប្រតិបត្តិការលើវិស័យសេដ្ឋកិច្ច វប្បធម៌ វិទ្យាសាស្ត្រ និងបច្ចេកវិទ្យា។

៤- កំណត់ហេតុនៃកិច្ចប្រជុំរវាងប្រធានគណៈកម្មការព្រំដែនចម្រុះកម្ពុជា-វៀតណាម។

៥- អនុស្សារណៈនៃកិច្ចព្រមព្រៀងស្ដីពីកិច្ចសហប្រតិបត្តិការលើវិស័យអប់រំសម្រាប់ឆ្នាំ២០២១-២០២៥។

៦- អនុស្សារណៈនៃការយោគយល់គ្នារវាងកម្ពុជា និងវៀតណាម ស្ដីពីការបញ្ចប់ការចរចាបង្កើតកិច្ចព្រមព្រៀងពាណិជ្ជកម្មតាមព្រំដែនរវាងរាជរដ្ឋាភិបាលកម្ពុជា និងរដ្ឋាភិបាលវៀតណាម។

៧- ផែនការសកម្មភាពសម្រាប់ឆ្នាំ២០២២-២០២៣ រវាងក្រសួងយុត្តិធម៌កម្ពុជា និងក្រសួងយុត្តិធម៌វៀតណាម។

បន្ថែមើលនេះ ភាគីទាំងពីរក៏បានឯកភាពគ្នាផងដែរ ក្នុងការពន្លឿនការចុះហត្ថលេខាស្ដីអំពីពាណិជ្ជកម្មតាមព្រំដែន។ ភាគីទាំងពីរក៏បានឯកភាពគ្នា ក្នុងការពន្លឿនកិច្ចពិភាក្សាឆ្ពោះទៅកាន់ភាពទទួលស្គាល់គ្នាទៅវិញទៅមកលើលិខិតឆ្លងដែន និងវិញ្ញាបនបត្រចាក់វ៉ាក់សាំងកូវីដ-១៩ ដើម្បីសម្រួលដល់ការធ្វើដំណើររបស់ប្រជាជន ទាំងសងខាង ផង និងសម្រួលដល់ការធ្វើពាណិជ្ជកម្មរវាងប្រជាជន នៃប្រទេសទាំងពីរផងដែរ៕

The post ប្រធានរដ្ឋវៀតណាម មកកម្ពុជាជើងនេះ ចុះហត្ថលេខាលើឯកសារសំខាន់ចំនួន ០៧ appeared first on .