ការស្នើរបស់សម្តេចប្រធានរដ្ឋសភាកម្ពុជា ដល់ហុងគ្រី បានធ្វើឡើងកាលពីថ្ងៃទី១០ ខែមីនា ឆ្នាំ២០២៦ រវាងសម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភានៃព្រះរាជាណាចក្រកម្ពុជា ជាមួយ លោក ជីយ៉ចជី ស៊ូច (György Such) អគ្គលេខាធិការ នៃរដ្ឋសភាហុងគ្រី។

ដំណើរទស្សនកិច្ចនេះ សម្តេចរដ្ឋសភាកម្ពុជាបានវាយតម្លៃថា មិនត្រឹមតែឆ្លុះបញ្ចាំងពីការពង្រឹងកិច្ចសហប្រតិបត្តិការរវាងរដ្ឋសភាប្រទេសទាំងពីរប៉ុណ្ណោះទេ ប៉ុន្តែជាឱកាសដែលកម្ពុជា និងហុងគ្រី ពិនិត្យលើសក្តានុពលផ្សេងៗទៀត ក្នុងការបង្កើត និងបង្កើនកិច្ចសហប្រតិបត្តិការជាមួយគ្នាបន្ថែមទៀត ដើម្បីនាំមកនូវផលប្រយោជន៍ជូនប្រជាពលរដ្ឋទាំងសងខាង ដូចជា វិស័យពាណិជ្ជកម្ម សេដ្ឋកិច្ច កសិកម្ម អប់រំ បច្ចេកវិទ្យានិងទេសចរណ៍ ជាដើម។

សម្តេចចាត់ទុកថា ជាជំហានថ្មីមួយទៀត ដែលបង្ហាញពីលទ្ធផលជាក់ស្តែង នៃការអនុវត្តដោយប្រសិទ្ធភាពនូវអនុស្សរណៈនៃការយោគយល់គ្នា (MoU) កាលពីឆ្នាំ២០២៥ ដែលនឹងរួមចំណែកបន្ថែមទៀតដល់ការពង្រឹង និងពង្រីកទំនាក់ទំនងរវាងរដ្ឋសភានៃប្រទេសទាំងពីរ ជាពិសេស រវាងអគ្គលេខាធិការដ្ឋានទាំងពីរ ឱ្យកាន់តែជិតស្និទ្ធ និងស៊ីជម្រៅបន្ថែមទៀត។

ជាការឆ្លើយតប លោក ជីយ៉ចជី ស៊ូច បានបង្ហាញក្តីសង្ឃឹមថា តាមរយៈដំណើរទស្សនកិច្ចនេះ អគ្គលេខាធិការដ្ឋានរដ្ឋសភាប្រទេសទាំងពីរ នឹងសម្រេចបានលទ្ធផលជាច្រើន ក្នុងការលើកកម្ពស់កិច្ចសហប្រតិបត្តិការរដ្ឋសភាប្រទេសទាំងពីរ ក៏ដូចជាវិស័យជាច្រើនទៀត ដូចជា ពាណិជ្ជកម្ម ទេសចរណ៍ កសិកម្ម និងអប់រំ។

សូមជម្រាបថា ហុងគ្រី គឺជាមិត្តចាស់របស់កម្ពុជា ជាមិត្តដែលមានការយោគយល់ ជឿជាក់ គោរពគ្នា និងស្មោះត្រង់។ ទំនាក់ទំនងការទូតទ្វេភាគីរវាងប្រទេសទាំងពីរ កម្ពុជា–ហុងគ្រី បានឈានដល់ខួបទី៧០ឆ្នាំ ដែលបានឆ្លុះបញ្ចាំងនូវស្មារតីនៃចំណងមិត្តភាពដ៏យូរអង្វែង ប្រកបដោយភាពស្អិតរមួត និងកិច្ចសហប្រតិបត្តិការដ៏ល្អ៕

The post រដ្ឋសភាកម្ពុជា ស្នើរដ្ឋសភាហុងគ្រី ជំរុញវិស័យសំខាន់ៗចំនួន៥ បន្ថែមទៀត appeared first on .

នៅក្នុងឱកាសនៃការធ្វើជាសហប្រធានដឹកនាំកិច្ចពិគ្រោះយោបល់នយោបាយទ្វេភាគីលើកទី២ រវាងក្រសួងការបរទេសកម្ពុជា និងក្រសួងការបរទេសហុងគ្រី កាលពីថ្ងៃទី២១ ខែវិច្ឆិកា ឆ្នាំ២០២៥ ភាគីទាំងពីរបានគូសបញ្ជាក់នូវចំណងមិត្តភាពដ៏យូរអង្វែង និងកិច្ចសហប្រតិបត្តិការដ៏ល្អប្រសើរ ដែលបាននិងកំពុងរីកចម្រើនលើវិស័យជាច្រើនដែលជាប្រយោជន៍រួម ដូចបានឆ្លុះបញ្ចាំងតាមរយៈជំនួបជាញឹកញាប់ និងប្រកបដោយផ្លែផ្ការវាងថ្នាក់ដឹកនាំជាន់ខ្ពស់នៃប្រទេសទាំងពីរ។

ទ​ន្ទឹមនឹងនោះ ភាគីទាំងពីរបានគូសបញ្ជាក់អំពីសារៈសំខាន់នៃយន្តការកិច្ចពិគ្រោះយោបល់នយោបាយ និងការផ្លាស់ប្តូរកម្រិតខ្ពស់ ក្នុងការពង្រឹងកិច្ចសហប្រតិបត្តិការនយោបាយ សេដ្ឋកិច្ច និងអភិវឌ្ឍន៍។

សហប្រធានទាំងពីរបានផ្លាស់ប្តូរទស្សនៈ និងលើកឡើងពីជំហានជាក់ស្តែង ក្នុងការពង្រីកកិច្ចសហប្រតិបត្តិការលើវិស័យសំខាន់ៗដូចជា ពាណិជ្ជកម្ម និងការវិនិយោគ ការគ្រប់គ្រងធនធានទឹក កសិកម្ម និងកសិឧស្សាហកម្ម ថាមពល អប់រំ សុខាភិបាល និងទេសចរណ៍។

ជាមួយគ្នានោះ ថ្នាក់ដឹកនាំទាំងពីរក៏បានពិភាក្សាអំពីបញ្ហាតំបន់ និងអន្តរជាតិ ដែលជាការព្រួយបារម្ភរួម រួមទាំង បច្ចុប្បន្នភាពនៃស្ថានភាពព្រំដែនកម្ពុជា-ថៃ និងបានបញ្ជាក់ឡើងវិញនូវការប្តេជ្ញាចិត្តរួមគ្នា ក្នុងការលើកកម្ពស់សន្តិភាព និងស្ថិរភាព៕

The post ក្រសួងការបរទេសកម្ពុជា-ហុងគ្រី ជួបពិភាក្សាគ្នាពីជំហានជាក់ស្ដែង ពង្រីកកិច្ចសហប្រតិបត្តិការលើវិស័យសំខាន់ៗចំនួន៧ appeared first on .

នាឱកាសនោះ កម្ពុជា-ហុងគ្រី បានឯកភាពរួមគ្នាលើកកម្ពស់ទំនាក់ទំនង កិច្ចសហប្រតិបត្តិការរដ្ឋសភាប្រទេសទំាងពីរដើម្បីបម្រើដល់ផលប្រយោជន៍ប្រជាពលរដ្ឋប្រទេសទំាងពីរ ក៏ដូចជាដើម្បីការពារ និងលើកកម្ពស់សុខសន្តិភាព នៅក្នុងពិភពលោក ដែលជាបំណងប្រាថ្នារបស់ប្រជាពលរដ្ឋជាសកល។

ក្នុងឱកាសនោះ លោក ឡាស្លូ កូវឺរ បានបញ្ជាក់ថា ការផ្លាស់ប្តូរដំណើរទស្សនកិច្ចថ្នាក់ដឹកនាំរបស់ប្រទេសទំាងពីរ ទំាងស្ថាប័នីតិប្បញ្ញត្តិ និងនីតិប្រតិបត្តិ ជាបន្តបន្ទាប់នេះ បានបង្ហាញពីចំណងមិត្តភាពកិច្ចសហប្រតិបត្តិការដ៏ល្អ និងរឹងមាំ។ នៅក្នុងឆ្នាំ២០២៦ ខាងមុខ ដែលជាខួប៧០ឆ្នាំនៃទំនាក់ទំនងមិត្តភាពកម្ពុជា-ហុងគ្រី កិច្ចសហប្រតិបត្តិការប្រទេសទំាងពីរនឹងត្រូវពង្រឹងពង្រីកបន្ថែមទៀត។ ហុងគ្រីនឹងជំរុញការបើកស្ថានទូតរបស់ខ្លួននៅកម្ពុជា ក្នុងពេលឆាប់ៗនេះ និងដំឡើងចំនួនអាហារូបករណ៍ដល់និស្សិតកម្ពុជាពី១៥នាក់ទៅ៣០នាក់ក្នុងមួយឆ្នាំ។

ជាមួយគ្នានេះ លោកស្រី ឃួន សុដារី បានលើកឡើងថាកម្ពុជា និងហុងគ្រី ជាមិត្តដ៏ល្អស្មោះត្រង់ ជឿជាក់ និងផ្តល់តម្លៃឱ្យគ្នាទៅវិញទៅមក។ ហុងគ្រីជាមិត្តដ៏ល្អរបស់កម្ពុជាឆ្លងទ្វីប ខណៈលោកស្រីថា ចំណងមិត្តភាពកម្ពុជានិងហុងគ្រី មិនត្រឹមតែផ្តល់តម្លៃសម្រាប់ពលរដ្ឋទំាងពីរប្រទេសប៉ុណ្ណោះទេ តែជាច្រកនៃទំនាក់ទំនងអាស៊ី និងអ៉រ៉ុប ថែមទៀតផង។

សូមជម្រាបថា បច្ចុប្បន្នហុងគ្រីជាប្រទេសមួយដែលនាំមុខខាងវិស័យកសិកម្ម ធនធានទឹក បរិស្ថាន និងបច្ចេកវិទ្យា។ រដ្ឋសភាកម្ពុជា ក៏បានស្នើហុងគ្រី ជំរុញកិច្ចសហប្រតិបត្តិការជាមួយកម្ពុជាលើវិស័យទេសចេណ៍ វិនិយោគ ពាណិជ្ជកម្ម ដើម្បីផលប្រយោជន៍ពលរដ្ឋប្រទេសទំាងពីរផងដែរ៕ អត្ថបទ​៖ហ្សាលីន

The post ប្រធានរដ្ឋសភា៖ ចំណងមិត្តភាពកម្ពុជានិងហុងគ្រី គឺជាច្រកនៃទំនាក់ទំនងអាស៊ី និងអ៉រ៉ុប appeared first on .

ការបង្ហាញឆន្ទៈរបស់លោកឯកអគ្គរដ្ឋទូតហុងគ្រី ក្នុងឱកាសសម្តេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា អនុញ្ញាត ឱ្យចូលជួបសម្ដែងការគួរសម និងពិភាក្សាការងារ កាលពីថ្ងៃទី២៣ ខែតុលា​ ឆ្នាំ២០២៤។

ក្នុងឱកាសនៃជំនួបនោះ លោក Tibor BALOGHDI បានលើកឡើងពីទំនាក់ទំនង និងកិច្ចសហប្រតិបត្តិការដ៏ល្អប្រសើរ និង យូរអង្វែងរវាងហុងគ្រី និងកម្ពុជា ដោយលោកបានប្ដេជ្ញាបន្តពង្រឹង និងពង្រីកកិច្ចសហប្រតិបត្តិការរវាងប្រទេសទាំងពីរឱ្យកាន់តែរឹងមាំថែមទៀត។

ទន្ទឹមនឹងនោះ នៅក្នុងគោលដៅបង្កើនទំហំពាណិជ្ជកម្ម និងធុរកិច្ចរវាងប្រទេសទាំងពីរ លោកឯកអគ្គរដ្ឋទូតហុងគ្រី ក៏បានបង្ហាញឆន្ទៈក្នុងការលើកទឹកចិត្តឱ្យវិនិយោគិនហុងគ្រីសិក្សាស្វែងយល់ និងពង្រីកឱកាសវិនិយោគរបស់ខ្លួននៅកម្ពុជា ឱ្យកាន់តែច្រើនថែមទៀត។ 

ជាការឆ្លើយតប សម្ដេចធិបតី បានវាយតម្លៃខ្ពស់ចំពោះចំណងមិត្តភាពជាប្រពៃណី និងទំនាក់ទំនង និងសហប្រតិបត្តិការដ៏ជិតស្និទ្ធ រវាងប្រទេសទាំងពីរ និងបានសម្ដែងនូវការពេញចិត្តចំពោះកិច្ចសហប្រតិបត្តិការល្អប្រសើររវាងក្រសួងការបរទេសនៃប្រទេសទាំងពីរ តាមរយ:ការផ្លាស់ប្តូរទស្សនកិច្ចជាន់ខ្ពស់ និងយន្តការពិគ្រោះយោបល់ទ្វេភាគី ដោយសម្ដេចបានគូសបញ្ជាក់ថា យន្តការពិគ្រោះយោបល់ទ្វេភាគីរវាងរដ្ឋមន្ត្រីការបរទេសប្រទេសទាំងពីរ ជាយន្តការមួយដែលនឹងជួយពង្រឹងនិងពង្រីកនូវទំនាក់ទំនង និងកិច្ចសហប្រតិបត្តិការប្រទេសទាំងពីរឱ្យកាន់តែល្អប្រសើរថែមទៀត។

ជាមួយគ្នានោះ សម្ដេចធិបតី និងឯកអគ្គរដ្ឋទូតហុងគ្រី ក៏បានពិភាក្សាអំពីការបន្តជំរុញកិច្ចសហប្រតិបត្តិការរវាងប្រទេសទាំងពីរលើវិស័យអាទិភាពមួយចំនួន ជាអាទិ៍៖ ពាណិជ្ជកម្មនិងវិនិយោគ សុខាភិបាល អប់រំ ទេសចរណ៍ វប្បធម៌ និងវិស័យធនធានទឹក និងធារាសាស្រ្តផងដែរ៕

The post ហុងគ្រី បង្ហាញឆន្ទៈក្នុងការលើកទឹកចិត្តឱ្យវិនិយោគិនរបស់ខ្លួន ពង្រីកឱកាសវិនិយោគនៅកម្ពុជាឱ្យកាន់តែច្រើន appeared first on .

ការជំរុញរបស់អ្នកឧកញ៉ា ធ្វើឡើងនៅក្នុងជំនួបសម្ដែងការគួរសម និងពិភាក្សាការងារជាមួយ ឯកឧត្តម ធីប័រ បល់ឡក (Tibor BALOGHD) ឯកអគ្គរដ្ឋទូតហុងគ្រីប្រចាំព្រះរាជាណាចក្រកម្ពុជា ដែលមាននិវេសនដ្ឋាននៅ​ទីក្រុង​ហាណូយ ប្រទេសវៀតណាម ក្នុងឱកាសដែលឯកឧត្តមបំពេញទស្សនកិច្ចនៅកម្ពុជា។

ឆ្លៀតនៅក្នុងឱកាសនេះ អ្នកឧកញ៉ា គិត ម៉េង បានប្រាប់ឯកអគ្គរដ្ឋទូតហុងគ្រី ពីទំនាក់ទំនងដ៏ជិតសិទ្ធរវាង​សហគមន៍​ធុរកិច្ចប្រទេសទាំងពីរ ដែលបានសហការរៀបចចំវិទិកាធុរកិច្ចរួមគ្នាជាច្រើនលើក និងផ្លាស់ប្តូរព័ត៌មាន​ជំរុញ​កាលានុវត្តភាពធុរកិច្ចទៅវិញទៅមក។ អ្នកឧកញ៉ា បញ្ជាក់ថា ប៉ុន្តែទោះបីជាយ៉ាងណាក៏ដោយ ទំហំ​ពាណិជ្ជកម្ម និងការវិនិយោគទ្វេភាគីរវាងប្រទេសទាំងពីរនៅមានកម្រិតនៅឡើយ។

ទន្ទឺមនឹងនេះ អ្នកឧកញ៉ាក៏បានស្នើឯកឧត្តមឯកអគ្គរដ្ឋទូត រាយការណ៍ជូនរដ្ឋាភិបាលហុងគ្រី ដើម្បីពិនិត្យ​លទ្ធភាពបង្កើតការិយាល័យពាណិជ្ជកម្មហុងគ្រីនៅកម្ពុជា ក្នុងគោលបំណងពង្រីកកិច្ចសហប្រតិបត្តិការ​ពាណិជ្ជកម្ម​និងវិនិយោគកម្ពុជា-ហុងគ្រី ដោយអ្នកឧកញ៉ា ជម្រាបជូនឯកឧត្តមឯកអគ្គរដ្ឋទូត ជំរុញលើកទឹកចិត្ត ធុរជនហុងគ្រី ពិនិត្យលទ្ធភាពសហការវិនិយោគនៅកម្ពុជាលើវិស័យចំនួន៥ រួមមាន វិស័យកសិឧស្សាហកម្ម កម្មន្តសាល កសិកម្ម បច្ចេកវិទ្យាព័ត៌មានវិទ្យា និងឧស្សាហកម្មពាក់ព័ន្ធនឹងបរិស្ថាននិងទឹក។

ជាការឆ្លើយតប ឯកឧត្តមឯកអគ្គរដ្ឋទូត បានថ្លែងអំណរគុណចំពោះ អ្នកឧកញ៉ា គិត ម៉េង ដែលបានទទួលជួប​សម្តែងការគួរសម និងពិភាក្សាការងារជាមួយឯកឧត្តម ក្នុងអំឡុងពេលបំពេញទស្សនកិច្ចនៅកម្ពុជា និងបាន​បញ្ជាក់ថា ក្រុមហ៊ុនហុងគ្រីមានចំណាប់អារម្មណ៍លើទីផ្សារកម្ពុជា ជាពិសេសលើវិស័យទឹក និងថាមពល។ ឯកឧត្តមកោតសរសើរ និង អបអរសាទរចំពោះកិច្ចសហប្រតិបត្តិការល្អប្រសើររវាងសភាពាណិជ្ជកម្មទាំងពីរ ហើយស្ថានទូតនឹងបន្តជួយគាំទ្រ សកម្មភាពធុរកិច្ច និងការរៀបចំព្រឹត្តិការណ៍រួមគ្នា។ ឯកឧត្តម ស្វាគមន៍ចំពោះ​ការរៀបចំ​ទស្សនកិច្ចទៅកាន់ប្រទេសហុងគ្រីនាពេលអនាគត និងពិនិត្យលទ្ធភាពពង្រីកកិច្ចសហប្រតិបត្តិការ​លើវិស័យទេសចរណ៍និងវប្បធម៌បន្ថែមទៀត៕

The post អ្នកឧកញ៉ា គិត ម៉េង ជំរុញលើកទឹកចិត្តធុរជនហុងគ្រី ពិនិត្យលទ្ធភាពសហការវិនិយោគ​លើវិស័យចំនួន៥នៅកម្ពុជា appeared first on .

លទ្ធផលកិច្ចប្រជុំលើកទី២ នៃគណៈកម្មការចម្រុះ ស្តីពីកិច្ចសហប្រតិបត្តិការលើវិស័យសេដ្ឋកិច្ចរវាងកម្ពុជានិងហុងគ្រី កាលពីថ្ងៃ០៩ ខែមករា ឆ្នាំ២០២៤ ដែលធ្វើឡើងរវាងលោកស្រី តឹករ៉េត កំរង រដ្ឋលេខាធិការក្រសួងពាណិជ្ជកម្មកម្ពុជា និងលោក ទ្រឹស្ពាន អាហ្សបេទ្យ (Tristan AZBEJ) រដ្ឋលេខាធិការនៃក្រសួងការបរទេស និងពាណិជ្ជកម្មហុងគ្រី បានកត់សម្គាល់អំពីវឌ្ឍនភាពនៃកិច្ចសហប្រតិបត្តិការលើគ្រប់វិស័យ ជាពិសេសការកើនឡើងនៃទំហំពាណិជ្ជកម្មទ្វេភាគីនៅឆ្នាំ២០២២ ប្រមាណ៨៤% ធៀបនឹងឆ្នាំ២០២១ ដែលនេះបង្ហាញពីជំហានវិជ្ជមានគួរឱ្យកត់សម្គាល់។

ក្នុងនោះ ទំហំពាណិជ្ជកម្មកម្ពុជា-ហុងគ្រី រយៈពេល១១ខែ ឆ្នាំ២០២៣ សម្រេចបានប្រមាណ ៧.៧ លានដុល្លារ មានការកើនឡើង ៩.៥៣% បើធៀបរយៈពេលដូចគ្នានៅឆ្នាំ២០២២ ខណៈភាគីទាំងពីរ ក៏បានឯកភាពបន្តពិភាក្សាអំពីកិច្ចសហប្រតិបត្តិការលើការផ្តល់គម្រោងឥណទាន ជាពិសេស ក្នុងវិស័យកសិកម្ម សន្តិសុខស្បៀងអាហារនិងការគ្រប់គ្រងធនធានទឹក ព្រមទាំងបានប្ដេជ្ញាបន្តកិច្ចសហប្រតិបត្តិការ អភិវឌ្ឍអន្តរជាតិផងដែរ។

សូមបញ្ជាក់ថា ទំនិញសំខាន់ៗដែលកម្ពុជានាំចេញទៅទីផ្សារហុងគ្រីរួមមាន គ្រាប់ធញ្ញជាតិ ថ្នាំជក់ ឧបករណ៍អគ្គិសនី សម្លៀកបំពាក់ បរិធានមេកានិក ដែកថែប និងស្បែកជើង។រីឯទំនិញនាំចូលពីហុងគ្រីរួមមាន៖ ឱសថ ម៉ាស៊ីននិងបរិធានមេកានិក ប្រដាប់ក្មេងលេង ផលិតផលធ្វើពីទឹកដោះជាដើម៕

The post ទំហំពាណិជ្ជកម្មកម្ពុជា-ហុងគ្រី កើនឡើងដល់៧.៧ពាន់លានដុល្លារ appeared first on .

ក្នុងឱកាសនោះ ភាគីទាំងពីរ បានកត់សម្គាល់ពីវឌ្ឍនភាពនៃកិច្ចសហប្រតិបត្តិការរវាងប្រទេសទាំងពីរ ជាពិសេសភាពរីកចម្រើនក្នុងទំនាក់ទំនងពាណិជ្ជកម្ម ដែលឆ្លុះបញ្ចាំងដោយកំណើននៃទំហំពាណិជ្ជកម្មទ្វេភាគី។

ជាមួយគ្នានេះ លោកស្រី តឹករ៉េត កំរង បង្ហាញពីការប្តេជ្ញាចិត្តយ៉ាងមោះមុតក្នុងការបន្តពង្រឹងទំនាក់ទំនងល្អ ជាពិសេសក្នុង វិស័យពាណិជ្ជកម្មឱ្យកាន់តែរឹងមាំនិងស៊ីជម្រៅបន្ថែមទៀត ដើម្បីឈានដល់កម្រិតសក្តានុពលពេញលេញ។

បន្ថែមពីនេះ ភាគីកម្ពុជា ក៏បានស្នើភាគីហុងគ្រីក្នុងការផ្តល់អាហារូបករណ៍បន្ថែម និងវគ្គបណ្តុះបណ្តាលនានាពាក់ព័ន្ធនឹងវិស័យពាណិជ្ជកម្ម ដើម្បីអភិវឌ្ឍសមត្ថភាពមន្រ្តីជំនាញ ដែលគាំទ្រដល់ការធ្វើពិពិធកម្មសេដ្ឋកិច្ច តាមរយៈការចូលរួមចរចាកិច្ចព្រមព្រៀងពាណិជ្ជកម្មសេរី។

នៅក្នុងជំនួបនោះ ភាគីហុងគ្រី ក៏បានបង្ហាញពីការគាំទ្រនិងលើកទឹកចិត្តដល់និស្សិតនិងមន្រ្តីកម្ពុជា ក្នុងការចូលរួមដាក់ពាក្យឱ្យបានច្រើន។ ជាពិសេស ភាគីហុងគ្រី បានបង្ហាញពីសញ្ញាណវិជ្ជមានចំពោះការស្នើសុំរបស់ភាគីកម្ពុជា ពាក់ព័ន្ធនឹងការផ្តល់ប្រព័ន្ធអនុគ្រោះពន្ធ GSP+ នៅពេលដែលកម្ពុជាចាកចេញពីឋានៈជាប្រទេសអភិវឌ្ឍន៍តិចតួច។

គួរបញ្ជាក់ថា ទំហំពាណិជ្ជកម្មទ្វេភាគី រវាងកម្ពុជានិងហុងគ្រី នៅឆ្នាំ២០២២ សម្រេចបានប្រមាណ៧.៤៤ លានដុល្លារអាមេរិក ដែលមានការកើនឡើងគួរឲ្យកត់សម្គាល់ប្រមាណ៨៤% បើប្រៀបធៀបនឹងឆ្នាំ២០២០ (សម្រេចបានប្រមាណ៤លានដុល្លារអាមេរិក)។ បើតាមរបាយការណ៍ទំនិញនាំចេញសក្តានុពលពីកម្ពុជាទៅហុងគ្រី រួមមាន៖ សម្លៀកបំពាក់ ស្បែកជើង អង្ករ គ្រាប់ធញ្ញជាតិ បន្លែ ថ្នាំជក់ ផលិតផលឱសថ និងវត្ថុធ្វើអំពីស្បែកជាដើម។ រីឯទំនិញនាំចូលសក្តានុពលពីហុងគ្រីមកកម្ពុជាវិញ រួមមាន៖ វត្ថុផ្សេងៗធ្វើពីលោហធាតុធម្មតា គីមីសរីរាង្គ ផលិតផលធ្វើពីទឹកដោះ សរសៃអំបោះសិប្បនិម្មិត ផលិតផលកែច្នៃចេញពីសាច់ សាច់ត្រី ឬគ្រាប់ធញ្ញជាតិ។ល៕

The post កម្ពុជា ស្នើសុំហុងគ្រី នាំអ្នករកស៊ីមកវិនិយោគ និងនាំចូលផលិតផលកសិកម្ម-ឧស្សាហកម្មបន្ថែមទៀត appeared first on .

លោក ឱក ប៊ុង រដ្ឋមន្ត្រីស្តីទីក្រសួងពាណិជ្ជកម្ម លើកឡើងយ៉ាងដូច្នេះក្នុងជំនួបជាមួយឯកអង្គរដ្ឋទូតហុងគ្រី លោក CSABA ŐRY កាលពីថ្ងៃទី​ ២៧ ខែឧសភា ឆ្នាំ២០២២។ បើតាមលោក ឱក ប៊ុង កម្ពុជាកំពុងបោះជំហានទៅមុខបន្ថែមទៀត ក្នុងការរស់នៅជាមួយនឹងកូវីដ-១៩តាមគន្លងប្រក្រតីភាពថ្មី ទន្ទឹមនឹងនោះវិស័យពាណិជ្ជកម្មនិងការវិនិយោគ បានដើរតួយ៉ាងសំខាន់ក្នុងការអភិវឌ្ឍប្រទេស ជាពិសេសការស្តារសេដ្ឋកិច្ចឡើងវិញក្រោយវិបត្តិជំងឺកូវីដ-១៩។

លោកថា រាជរដ្ឋាភិបាលកម្ពុជា បានខិតខំប្រឹងប្រែងធ្វើពិពិធកម្មពាណិជ្ជកម្ម ដោយបង្កើតកិច្ចព្រមព្រៀងពាណិជ្ជកម្មសេរី ក្រោមក្របខណ្ឌពហុភាគី តំបន់ និងទ្វេភាគី ស្របជាមួយនឹងការធ្វើកំណែទម្រង់ច្បាប់និងបទប្បញ្ញត្តិ ដើម្បីកែលម្អបរិយាកាសធុរកិច្ច និងវិនិយោគនៅកម្ពុជាឱ្យកាន់តែប្រសើរ​។

ថ្លែងក្នុងជំនួបនោះដែរ លោកឯកអគ្គរាជទូត CSABA ŐRY បានបង្ហាញពីការប្តេជ្ញាចិត្តយ៉ាងមោះមុតក្នុងការបន្តពង្រឹងទំនាក់ទំនងល្អ ជាពិសេសក្នុងវិស័យពាណិជ្ជកម្មឱ្យកាន់តែរឹងមាំនិងស៊ីជម្រៅបន្ថែមទៀត ដើម្បីឈានដល់កម្រិតសក្តានុពលពេញលេញ និងបន្តលើកទឹកចិត្តដល់ពាណិជ្ជករ និងវិនិយោគិនហុងគ្រី ឱ្យស្វែងយល់បន្ថែមពីសក្តានុពលពាណិជ្ជកម្ម វិនិយោគ និងទេសចរណ៍នៅកម្ពុជា។

លើសពីនេះ កម្ពុជា ហុងគ្រី បានប្តេជ្ញាចិត្តបន្តពង្រឹងទំនាក់ទំនង ជាពិសេសកិច្ចសហប្រតិបត្តិការលើវិស័យសេដ្ឋកិច្ច-ពាណិជ្ជកម្ម ឱ្យកាន់តែមានភាពរឹងមាំនិងស៊ីជម្រៅបន្ថែមទៀត៕

The post រដ្ឋមន្រ្តីស្តីទី ចាត់ទុកប្រទេសហុងគ្រី ជាទីផ្សារសំខាន់របស់កម្ពុជា ខណៈទំហំពាណិជ្ជកម្ម៣ខែតំបូងសម្រេចបានជាង ២លានដុល្លារ appeared first on .

ការលើកឡើងនេះ ត្រូវបានធ្វើឡើងក្នុងឱកាស អញ្ជើញទទួលវ៉ាក់សាំងបង្ការជំងឺកូវីដ១៩ អាស្ត្រាហ្សេនីកា(Astrazeneca) ចំនួន ៥២៣,១០០ដូស ជាជំនួយរបស់ប្រទេសហុងគ្រី រវាងសម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងលោក Istvan Bakos ទីប្រឹក្សានិងជាភារធារីស្តីទីការិយាល័យភ្នំពេញនៃស្ថានទូតហុងគ្រីប្រចាំព្រះរាជាណាចក្រកម្ពុជា កាលថ្ងៃទី១៨ ខែមីនា ឆ្នាំ២០២២នេះ។

នៅក្នុងឱកាសនោះ សម្តេចតេជោ ហ៊ុន សែន បានមានប្រសាសន៍ថា កម្ពុជាជឿជាក់យ៉ាងមុតមាំថា ចំណងមិត្តភាពរវាងកម្ពុជា និងហុងគ្រី នឹងកាន់តែរឹងមាំថែមទៀត ហើយកម្ពុជាត្រៀមខ្លួនរួចជាស្រេច ក្នុងការបន្តពង្រឹង និងពង្រីកកិច្ចសហប្រតិបត្តិការយ៉ាងជិតស្និទ្ធនាពេល អនាគត។

ទន្ទឹមគ្នានេះ សម្តេចក៏បានបញ្ជាក់ដែរថា តាមរយៈកិច្ចសហប្រត្តិបត្តិការ និងជំនួយវ៉ាក់សាំងបង្ការជំងឺកូវីដ១៩ របស់ហុងគ្រីនាពេលនេះ កម្ពុជារំពឹងថានឹងអាចស្តារ និងជំរុញកំណើនសេដ្ឋកិច្ចឡើងវិញ តាមរយៈការកែលម្អនូវ ចន្ទល់សេដ្ឋកិច្ចសំខាន់ៗដែលរងផលប៉ះពាល់ពីជំងឺកូវីដ-១៩ និងការស្វែងរកចន្ទល់ថ្មីប្រកបដោយសក្តានុពលពីវិស័យផ្សេងៗ។

ទាក់ទិននឹងការលើកឡើងរបស់សម្តេចនេះដែរ លោក Istvan Bakos ទីប្រឹក្សានិងជាភារធារីស្តីទីការិយាល័យភ្នំពេញនៃស្ថានទូតហុងគ្រីប្រចាំព្រះរាជាណាចក្រកម្ពុជា ក៏បានមានប្រសាសន៍ឲ្យដឹងដែរថា ក្នុងនាមប្រទេសជាមិត្តប្រពៃណី និងជាសម្ព័ន្ធមិត្តរបស់កម្ពុជា ហុងគ្រីមានសេចក្តីរីករាយក្នុងការគាំទ្រកម្ពុជា នៃកិច្ចខិតខំប្រឹងប្រែងរបស់ខ្លួនក្នុងការពង្រឹងកិច្ចសហប្រត្តិបត្តការទ្វេភាគីឲ្យកាន់តែស៊ីជម្រៅបន្ថែមទៀតដើម្បីស្តារ និងជំរុញកំណើនសេដ្ឋកិច្ចទ្វេភាគីឲ្យកាន់តែប្រសើរឡើងថែមទៀត។

សូមបញ្ជាក់ដែរថា គិតចាប់ពីឆ្នាំ២០១៧ រហូតត្រឹមឆ្នាំ២០២០ ទំហំពាណិជ្ជកម្មទ្វេរភាគី រវាងកម្ពុជា-ហុងគ្រី សម្រេចបានក្នុងទំហំទឹកប្រាក់ សរុបជាង១៦លានដុល្លារអាមេរិក។ ខណៈពេញមួយឆ្នាំ២០២០ ទំហំពាណិជ្ជកម្ម កម្ពុជា-ហុងគ្រី សរុបជាង៤លានដុល្លារអាមេរិក។
យ៉ាងណា ទាំងភាគីកម្ពុជា និងហុងគ្រី ក្រៅពីអះអាងថា នឹងបន្តខិតខំប្រឹងប្រែងរបស់ខ្លួនក្នុងការពង្រឹងកិច្ចសហប្រត្តិបត្តិការទ្វេភាគីឲ្យកាន់តែស៊ីជម្រៅបន្ថែមទៀតហើយនោះ។

នាឱកាស អញ្ជើញទទួលវ៉ាក់សាំងពីប្រទេសហុងគ្រីប្រមុខរដ្ឋាភិបាលផងដែរ សម្តេច ហ៊ុន សែន ក៏បានជំរុញឱ្យរៀបចំបើកស្ថានទូត កម្ពុជាហុងគ្រី ជាថ្មីឡើងវិញផងដែរ៕

The post កម្ពុជា-ហុងគ្រី នឹងបង្កើនកិច្ចសហប្រត្តិបត្តិការ ដើម្បីស្តារនិងជំរុញសេដ្ឋកិច្ចទ្វេភាគីបន្ថែមទៀត appeared first on .

សម្តេចតេជោ ហ៊ុន សែន បានជំរុញបែបដូចនេះ នៅក្នុងពិធីប្រគល់-ទទួលជាផ្លូវការនូវ​ជំនួយវ៉ាក់សាំ​ង​កូវីដ-១៩ ប្រភេទ AstraZeneca ពីប្រជាជន និងរដ្ឋាភិបាលហុងគ្រី ជូនប្រជាជន និងរាជរដ្ឋាភិបាល​កម្ពុជា នៅវិមានសន្តិភាព នាថ្ងៃទី១៨ ខែមីនា ឆ្នាំ២០២២នេះ។

សម្តេចតេជោ បានលើកឡើងបន្តថា កម្ពុជាជឿជាក់យ៉ាងមុតមាំថា ចំណងមិត្តភាពរវាងកម្ពុជា និងហុង​គ្រី នឹងកាន់តែរឹង មាំថែមទៀត ហើយកម្ពុជាត្រៀមខ្លួនរួចជាស្រេច ក្នុងការបន្តពង្រឹង និងពង្រីកកិច្ច​សហប្រតិបត្តិការយ៉ាងជិត ស្និទ្ធនាពេល អនាគត ។

ជាមួយគ្នានេះ ឯកឧត្ដម Istvan BAKOS ភារធារីស្ដីទីនៃស្ថានទូតហុងគ្រីប្រចាំកម្ពុជា បានលើក​ឡើង​ដែរថា ក្នុងនាម​ប្រទេស​ជាមិត្តប្រពៃណី និងជាសម្ព័ន្ធមិត្តរបស់កម្ពុជា ហុងគ្រី មាន​សេចក្តី​សោមនស្ស រីករាយក្នុងការគាំទ្រ កម្ពុជាក្នុងកិច្ចខិតខំប្រឹង​ប្រែងរបស់ខ្លួនក្នុង​ការប្រយុទ្ធ​​ប្រឆាំងនឹង​​ជំងឺកូវីដ-១៩ និងកាត់បន្ថយផលប៉ះពាល់អវិជ្ជមានមកលើជីវភាព​រស់នៅរបស់​ប្រជាជនកម្ពុជា។

ឯកឧត្ដម បន្ដថា ប្រទេសហុងគ្រីមានមោទនភាពដែលបន្ថែមពីលើការផ្តល់អាហារូបករណ៍ ដល់យុវជន​​កម្ពុជា​ដែល​​មានទេពកោសល្យ និងសម្រាប់ថ្នាក់បណ្ឌិត ការជួយកម្ពុជា​ក្នុងការបោសសម្អាតមីន និងសំណល់ពី​សង្រ្គាម ក៏ដូចជាការ​ផ្តល់ឱកាសពាណិជ្ជកម្ម និងវិនិយោគ និងកិច្ចសហប្រតិបត្តិការ​អភិវឌ្ឍន៍ទាំងក្នុង ក្របខ័ណ្ឌទ្វេភាគី និងពហុភាគី ហុងគ្រី​​ក៏អាច ចូលរួមចំណែកក្នុងការប្រយុទ្ធ​ប្រឆាំងនឹងជំងឺកូវីដ-១៩ ឱ្យវិលមករកប្រក្រតីភាពឡើងវិញនៅក្នុង​ប្រទេសកម្ពុជា និងទូទាំងពិភព​​លោក។

The post សម្ដេចតេជោ ហ៊ុន សែន លើកទឹកចិត្តឱ្យមានការជំរុញ​រៀបចំបើកស្ថានទូ​ត​រវាងកម្ពុជា និងហុងគ្រី​ ជាថ្មីឡើងវិញ ​ appeared first on .