បើយោងតាមការបញ្ជាក់ឱ្យដឹងនៅលើបណ្ដាញសង្គមផ្លូវការរបស់សម្ដេចតេជោ នៅក្នុងជំនួបនេះ ថ្នាក់ដឹកនាំទាំងពីរបានជម្រាបជូនគ្នាទៅវិញទៅមកអំពីសភាពការណ៍នៃប្រទេសរៀងៗខ្លួន និងពិភាក្សាអំពីកិច្ចសហប្រតិបត្តិការទ្វេភាគីនៅវិស័យនានាដែលជាផលប្រយោជន៍រួម ជាពិសេស ការប្រារព្ធខួបលើកទី៣៥ឆ្នាំនៃការបង្កើតទំនាក់ទំនងការទូតរវាងកម្ពុជា និងអ៊ុយក្រែន (១៩៩២-២០២៧) នៅឆ្នាំក្រោយ៕

The post ប្រមុខរដ្ឋស្តីទីនៃកម្ពុជា ជួបពិភាក្សាការងារតាមទូរស័ព្ទជាមួយប្រធានាធិបតីអ៊ុយក្រែន លើកិច្ចសហប្រតិបត្តិការទ្វេភាគីរវាងប្រទេសទាំងពីរ appeared first on .

នាឱកាសនោះ លោក Oleksandr Gaman បានថ្លែងអំណរគុណ សម្តេច ដែលប្រទេសកម្ពុជាកន្លងមក មានគោលជំហរជ្រើសយកច្បាប់អន្តរជាតិប្រឆាំងនឹងការឈ្លានពានរុស្ស៊ី និងសមានចិត្តចំពោះប្រទេសអ៊ុយក្រែន តាមរយៈការគាំទ្រនានាជាបន្តបន្ទាប់។ លោកបន្តថា អ៊ុយក្រែនអាចនឹងប្រើពេលប្រមាណ ១០០ឆ្នាំ ក្នុងការបោសសម្អាតមីនទូទាំងប្រទេស ប្រសិនបើគ្មានការចូលរួមគាំទ្រពីសហគមន៍អន្តរជាតិ រួមទាំងកម្ពុជា។ ឆ្លៀតក្នុងជំនួបនេះ លោកក៏បានពាំនាំការអញ្ជើញរបស់ប្រធានាធិបតី និងប្រធានរដ្ឋសភាអ៊ុយក្រែន ចំពោះសម្តេចតេជោ ដើម្បីទៅបំពេញទស្សនកិច្ចនៅអ៊ុយក្រែន បន្ទាប់ពីសម្តេចបានអញ្ជើញទៅអ៊ុយក្រែនកាលពីឆ្នាំ១៩៨១។

ជាការឆ្លើយតប បានបញ្ជាក់ថា កម្ពុជាស្គាល់ច្បាស់ផលលំបាក ទុក្ខវេទនា និងរសជាតិសង្រ្គាម ហើយ សម្តេច ដឹងយ៉ាងប្រាកដថា “មិនអាចយកសង្រ្គាមបញ្ចប់សង្រ្គាមបានទេ”។ សម្តេចតេជោ ក៏បានបន្តថា សម្តេច បានលះបង់អំណាចពេលដែល សម្តេច នៅមានកម្លាំង និងមានប្រជាប្រិយភាពខ្ពស់បំផុត ដើម្បីប្តូរនឹងសុខសន្តិភាព និង ស្ថិរភាពរយៈពេលវែងសម្រាប់កម្ពុជា។

ជាមួយគ្នានេះ សម្តេច បានវាយតម្លៃខ្ពស់ ចំពោះកិច្ចខិតខំប្រឹងប្រែងរបស់អ៊ុយក្រែន នៅក្នុងការពង្រឹងទំនាក់ទំនងជាមួយកម្ពុជា ហើយសូមទទួលយកការអញ្ជើញទៅទស្សនកិច្ចនៅអ៊ុយក្រែន នាពេលវេលាសមស្របខាងមុខ បន្ទាប់ពីទស្សនកិច្ចរបស់សម្តេច នៅទីក្រុងគៀវ នៅឆ្នាំ១៩៨១។

សូមបញ្ជាក់ដែរថា តាមរយៈជំនួបពិភាក្សានេះ ក្នុងឋានៈជាមេដឹកនាំកម្ពុជានិងប្រធានអាស៊ាន នាពេលកន្លងមក សម្តេចតេជោ ក៏បានបន្តចែករំលែកទៅកាន់ស្ថានទូតអ៊ុយក្រែន នូវបទពិសោធន៍ និងទស្សនៈរបស់សម្តេច លើអភិក្រម យុទ្ធសាស្ត្រគ្រប់គ្រងស្ថានការណ៍សង្គ្រាម និងយុទ្ធសាស្ត្រនៃកិច្ចការចរចាស្វែងរកសន្តិភាពជូនកម្ពុជា ដោយគូសបញ្ជាក់ថា រាល់ការចរចាសន្តិភាព ដែលទទួលបានជោគជ័យ ត្រូវតែមានការចូលរួមពីភាគីជម្លោះពាក់ព័ន្ធ ហើយត្រូវចាប់ពីតូចទៅធំ៕ អត្ថបទ៖ ហ្សាលីន

The post សម្តេចតេជោ ហ៊ុន សែន នឹងទៅបំពេញទស្សនកិច្ចនៅអ៊ុយក្រែន នាពេលខាងមុខ appeared first on .

ការលើកឡើងបែបនេះរបស់លោក ឌិត ទីណា នៅក្នុងជំនួបពិភាក្សាការងារជាមួយលោក TARAS KACHKA អនុរដ្ឋមន្ត្រីក្រសួងអភិវឌ្ឍន៍សេដ្ឋកិច្ច ពាណិជ្ជកម្ម​ និងកសិកម្មនៃប្រទេសអ៊ុយក្រែន កាលពីថ្ងៃទី៣១ ខែតុលា ឆ្នាំ២០២៤។

លោក ឌិត ទីណា បានឱ្យដឹងថា កម្ពុជាត្រូវការ និងស្វាគមន៍ដៃគូវិនិយោគលើវិស័យកសិកម្ម ដែលអាចនាំចេញកសិផលទៅកាន់ទីផ្សារអន្តរជាតិ និងជំរុញឱ្យវិស័យឯកជនអាចមានលទ្ធភាពធ្វើកសិ-ពាណិជ្ជកម្មជាមួយគ្នា ព្រមទាំងទទួលបានផលចំនេញទាំងអស់គ្នា។

លោកបន្តថា ក្រសួងស្វាគមន៍ចំពោះការវិនិយោគលើឃ្លាំងស្តុកសម្រាប់ការធ្វើកសិ-ពាណិជ្ជកម្ម ដែលការងារនេះអាចសហការជាមួយវិស័យឯកជន ដើម្បីកែច្នៃផលិតផលកសិកម្មកម្ពុជា ឈានពង្រីកទីផ្សារនាំចេញរវាងប្រទេសទាំងពីរ។

ពាក់ព័ន្ធនឹងការងារវិនិយោគធាតុចូលកសិកម្ម​ លោក ឌិត ទីណា បានបញ្ជាក់ថា វិស័យឯកជននៃប្រទេសអ៊ុយក្រែនអាចពិនិត្យលទ្ធភាពក្នុងការបង្កើតស្លាកយីហោ ជី-ថ្នាំកសិកម្ម វ៉ាក់សាំងសត្វ និងគ្រាប់ពូជដំណាំផ្ទាល់ខ្លួន ដោយកម្ពុជាមានច្បាប់ដែលមានលក្ខណៈបើកទូលាយ និងលើកទឹកចិត្តអ្នកវិនិយោគ។

យ៉ាងណាក៏ដោយ លោកក៏បានសង្កត់ធ្ងន់ថា អ្នកវិនិយោគត្រូវគោរពតាមគោលការណ៍ច្បាប់បទដ្ឋានត្រឹមត្រូវ ខណៈផលិតផលទាមទារឱ្យមានការពិនិត្យច្បាស់លាស់ពីអ្នកជំនាញ មានគុណភាពល្អ មានតម្លៃសមរម្យ និងមានបច្ចេកទេសពិតប្រាកដ៕

The post រដ្ឋមន្រ្តីកសិកម្ម ណែនាំដល់វិស័យឯកជនអ៊ុយក្រែន ពិនិត្យលទ្ធភាពក្នុងការបង្កើតស្លាកយីហោ ជី-ថ្នាំកសិកម្ម វ៉ាក់សាំងសត្វ និងគ្រាប់ពូជដំណាំ នៅកម្ពុជា appeared first on .

ក្រុមប្រឹក្សាអភិវឌ្ឍន៍កម្ពុជា បានឱ្យដឹងថា ក្នុងជំនួបពិភាក្សានេះ ធ្វើឡើងក្នុងគោលបំណងស្វែងយល់ និងពិនិត្យទៅលើលទ្ធភាពក្នុងការចរចានិងការឈានទៅដល់ការចុះកិច្ចព្រមព្រៀងទ្វេភាគីស្តីពីការជម្រុញនិងការការពារអ្នកវិនិយោគទៅវិញទៅមកដើម្បីជាស្ពានតភ្ជាប់ប្រទេសកម្ពុជានិងអ៊ុយក្រែន ហើយនាំយកវិនិយោគិនអ៊ុយក្រែនមកកម្ពុជា ខណៈពិភពលោកកំពុងកត់សម្គាល់នូវអស្ថេរភាពដោយសារសង្គ្រាមនិងភាពតានតឹងផ្នែកភូមិសាស្ត្រនយោបាយ។

នាឱកាសនេះ លោក សរ សិនិរ៉ា បានសម្ដែងការស្វាគមន៍ប្រកបដោយភាពកក់ក្ដៅដល់សមភាគីអ៊ុយក្រែន ដែលបានអញ្ជើញជួបពិភាក្សាដោយផ្ទាល់ ក្នុងគោលបំណងពង្រឹងកិច្ចសហប្រតិបត្តិការសេដ្ឋកិច្ចនិងវិនិយោគទ្វេភាគី ព្រមទាំងស្វែងយល់ពីវិស័យសក្តានុពលសម្រាប់ការវិនិយោគនៅប្រទេសកម្ពុជា។

លោកក៏បានជម្រាបជូនសមភាគីអ៊ុយក្រែនអំពីភាពបើកចំហរនៃទីផ្សារវិនិយោគនៅកម្ពុជា ដោយវិនិយោគិនបរទេសរួមទាំងអ៊ុយក្រែន អាចវិនិយោគលើគ្រប់វិស័យ ដោយទទួលបានការធានា ការការពារ និងការលើកទឹកចិត្តយ៉ាងសន្ធឹកសន្ធាប់ដូចមានកំណត់ក្នុងច្បាប់ស្តីពីវិនិយោគនិងបទដ្ឋានគតិយុត្តជាធរមានរបស់កម្ពុជា។

លើសពីនេះ ទន្ទឹមនឹងលក្ខខណ្ឌគតិយុត្តដែលមានលក្ខណៈអំណោយផលសម្រាប់ការវិនិយោគ  កម្ពុជាដែលមានប្រជាជនប្រមាណជិត ១៧លាននាក់ អាចជាមូលដ្ឋានផលិតកម្មប្រកបដោយទំនុកចិត្តរបស់វិនិយោគិនអ៊ុយក្រែនដោយសារប្រទេសកម្ពុជាមានសុខសន្តិភាព ស្ថេរភាព និងទីផ្សារធំទូលាយ។ ជាក់ស្តែងផលិតផលដែលផលិតនៅកម្ពុជាអាចនាំចេញទៅទីផ្សារនៃមហាអនុតំបន់ទន្លេមេគង្គ ដែលមានប្រជាជនប្រមាណ ៣៣០ លាននាក់ ទីផ្សារអាស៊ានដែលមានប្រជាជនប្រមាណ ៦៧១ លាននាក់  ទីផ្សារ RCEP ដែលមានប្រជាជនរហូតដល់ ២,៣ ពាន់លាននាក់ និងទីផ្សារអឺរ៉ុប ទីផ្សារសហរដ្ឋអាមេរិកជាដើម។

ជាការឆ្លើយតប លោក Taras Kachka បានសម្ដែងនូវការសាទរចំពោះព័ត៌មានដ៏ប្រពៃនេះ និងបានគូសបញ្ជាក់ផងដែរថា ប្រទេសអ៊ុយក្រែន ជាប្រទេសដែលមានការអភិវឌ្ឍយ៉ាងខ្លាំងក្លាក្នុងវិស័យបច្ចេកវិទ្យាកសិកម្ម ជាពិសេស ជី និងចំណីសត្វ ព្រមទាំងជាប្រទេសដែលត្រូវបានគេទទួលស្គាល់ទៅលើការផ្តួចផ្តើមវិស័យបច្ចេកវិទ្យាព័ត៌មាន (IT Initiatives)៕

The post កម្ពុជា-អ៊ុយក្រែន ពិភាក្សាគ្នាពិនិត្យលទ្ធភាពក្នុងការចរចានិងការឈានទៅដល់ការចុះកិច្ចព្រមព្រៀងទ្វេភាគី នាំយកវិនិយោគិនអ៊ុយក្រែនមកកម្ពុជា appeared first on .

លោកបញ្ជាក់ថា វគ្គហ្វឹកហ្វឺននេះអាចដំណេីការទៅបានដោយមានការសំរបសំរួលពីរដ្ឋាភិបាលជប៉ុនតាមរយ:ទីភ្នាក់កិច្ចសហប្រតិបតិ្តការអន្តរជាតិ(JICA) និងទទួលបានការអនុញ្ញាតិដ៍ខ្ពង់ខ្ពស់បំផុតពីសម្តេចតេជោប្រមុខរាជរដ្ឋាភិបាល។

ជាមួយគ្នានេះ ស្ថានទូតជប៉ុនប្រចាំកម្ពុជា បានលើកឡើងថា ឧបករណ៍ដែលប្រើប្រាស់ក្នុងការហ្វឹកហាត់ត្រូវបានផលិតនៅក្នុងប្រទេសជប៉ុន ហើយត្រូវបានគេរំពឹងថា នឹងធ្វើឲ្យប្រសើរឡើងនូវប្រសិទ្ធភាពនៃប្រតិបត្តិការដោះមីនតាមរយៈការប្រើប្រាស់រ៉ាដាដែលអាចកំណត់រូបរាងរបស់មីនដែលកប់នៅក្នុងដី។

ស្ថានទូតបានបញ្ជាក់ទៀតថា ប្រទេសជប៉ុនបានជួយគាំទ្រដល់ CMAC អស់រយៈពេលជាច្រើនឆ្នាំ តាមរយៈការកសាងសមត្ថភាព និងការផ្តល់ឧបករណ៍នានា ដូចជាឧបករណ៍រាវរកមីនជាដើម។ រដ្ឋាភិបាលជប៉ុននឹងបន្តគាំទ្រដល់ CMAC ក្នុងការចែករំលែកចំណេះដឹងរបស់ខ្លួនជាមួយអ៊ុយក្រែន និងប្រទេសភាគីទីបីផ្សេងទៀត៕

The post កម្ពុជា ហ្វឹកហ្វឺនជំនាញរាវរកមីនដល់អ៊ុយក្រែនដោយជោគជ័យ appeared first on .

ថ្លែងក្នុងជំនួបជាមួយមេដឹកនាំកម្ពុជា សម្តេចតេជោ ហ៊ុន សែន នាព្រឹកថ្ងៃពុធ ទី៩វិច្ឆិកានេះ លោក ដឹមីត្រូ គូលេបា (Dmytro Kuleba) រដ្ឋមន្ត្រីការបរទេសអ៊ុយក្រែន បានថ្លែងអំណរគុណកម្ពុជាដែលបានគាំទ្រអ៊ុយក្រែនតាមរយៈការចេញសេចកីថ្លែងការណ៍រដ្ឋមន្ត្រីការបរទេសអាស៊ាន ដែលបង្ហាញពីកង្វល់ចំពោះស្ថានការណ៍ដែលបាន និងកំពុងកើតឡើងនៅអ៊ុយក្រែន ហើយបានទាមទារឲ្យបញ្ឈប់ការប្រើប្រាស់កម្លាំងប្រដាប់អាវុធជាបន្ទាន់ និងងាកមករកការចរចាបញ្ឈប់សង្គ្រាម និងធ្វើជាស្ថាបនិកគាំទ្រសេចកីសម្រេចចិត្តរបស់មហាសន្និបាតអង្គការសហប្រជាជាតិដែលពាក់ព័ន្ធទៅនឹងការឈ្លានពានមកលើអ៊ុយក្រែន។ 

ថ្លែងនៅក្នុងឪកាសជំនួបនោះ សម្តេចតេជោនាយករដ្ឋមន្រ្តី គូសបញ្ជាក់ប្រាប់រដ្ឋមន្ត្រីការបរទេសអ៊ុយក្រែន ថា កម្ពុជាធ្លាប់ឆ្លងកាត់សង្គ្រាមការឈ្លានពាន កម្ពុជាយល់អំពីអារម្មណ៍របស់ប្រជាជនអ៊ុយក្រែន។ សម្តេចអះអាងថា ជំហររបស់កម្ពុជាលើបញ្ហាសង្គ្រាមលើអ៊ុយក្រែនគឺការប្រកាន់ភ្ជាប់ និងគោរពគោលការណ៍ដែលបានចែងក្នុងធម្មនុញ្ញអង្គការសហប្រជាជាតិ និងច្បាប់អន្តរជាតិ។ 

សម្តេចតេជោបញ្ជាក់បន្ថែមទៀតថា កម្ពុជាប្រឆាំងនឹងការឈ្លានពាន ការគំរាមកំហែង និងការប្រើប្រាស់ហិង្សាមកលើអធិបតេយ្យភាព និងបូរណភាពដែនដីរបស់រដ្ឋឯករាជ្យ និងមិនគាំទ្ររាល់ការបំបែករដ្ឋ ឬការទន្រ្ទានយកទឹកដីពីប្រទេសដទៃឡើយ៕

The post រដ្ឋមន្ត្រីការបរទេសអ៊ុយក្រែន រំភើបការអភិវឌ្ឍកម្ពុជា,ជាអ្វីដែលជាសេចក្តីប្រាថ្នារបស់អ៊ុយក្រែន appeared first on .