តារាចម្រៀង ខេម បានឱ្យដឹងថា មកទល់ពេលនេះក្រុមបាល់ទាត់ ខេមបូឌាហ្វូតបលសូពើស្តារ បង្កើតបានជិត ៤ ខែហើយ  សុទ្ធតែជាអ្នកសិល្បៈ មានផ្នែក ចម្រៀង ម៉ូឌែល អ្នកសម្តែង ពិធីករ និងអ្នកភ្លេង។ល។ កន្លងមកក្រុមយើងធ្លាប់ប្រកួតក្នុងកម្មវិធីធំចំនួន ២លើកមកហើយ យើងប្រមូលបានប្រាក់ជាងមួយម៉ឺនដុល្លារ ដើម្បីជួយកុមារកំព្រានៅខេត្តស្វាយរៀង ។

គោលបំណងសំខាន់ដែលយើងបង្កើតក្រុមនេះឡើងគឺដើម្បីជំរុញលើកស្ទួយនិងបំផុសចនាចូលរួមគាំទ្រវិស័យកីឡាបាល់ទាត់ជម្រើសជាតិខ្មែរ ឱ្យកាន់តែប្រសើរឡើង និងមានឆន្ទៈខ្ពស់ប្រកួតប្រជែងកាន់តែខ្លាំង,ចូលរួមបំផុសគាំទ្រលីតកំពូលក្នុង និងប្រទេសកម្ពុជាឱ្យកាន់តែខ្លាំងក្លា ,ចូលរួមលេងកីឡាដើម្បីសប្បុរសធម៌ និងរឹតចំណងមិត្តភាព ការរាប់អានរវាងសិល្បៈ និងសិល្បៈដូចគ្នា ។

ទន្ទឹមនឹងការបង្ហាញពីគោលបំណងសំខាន់ដែលបង្កើតក្រុមបាល់ទាត់ ខេមបូឌាហ្វូតបលសូពើស្តារនេះឡើង នៅថ្ងៃទី ០១ ខែ មីនា ឆ្នាំ ២០២៤ ខាងមុខនេះក្រុមបាល់ទាត់ ខេមបូឌាហ្វូតបលសូពើស្តារ ក៏ត្រៀមនឹងរៀបចំធ្វើសន្នីសីទសារព័ត៌មានមួយ ស្តីពីការប្រកួតបាល់ទាត់សប្បុរសធម៌ ជាមួយថ្នាក់ដឹកនាំខេត្តកំពង់ស្ពឺ ក្រោមប្រធានបទ “មាតាអស្ចារ្យដើម្បីស្នាមញញឹមកុមារ” ដើម្បីអបអរទិវាសិទ្ធិនារីអន្តរជាតិ 8 មីនា ដោយមានការគាំទ្រពីថ្នាក់ដឹកនាំកំពូលៗផងដែរ។

លោក ខេម បានបញ្ជាក់ទៀតថា ពួកយើងធ្វើការងារនេះ មិនមែនតែមួយខេត្តឬពីរខេត្តចប់នោះទេ គឺយើងធ្វើការងារនេះក្នុងគម្រោងយូរអង្វែង យើងមានគម្រោងធ្វើការងារនៅតាមបណ្តាខេត្តនានា។ ជាក់ស្តែងកន្លងមកយើងបានជួយដល់ខេត្តធំ ២ រួចមកហើយដូចជាខេត្តស្វាយរៀង និងកំពង់ស្ពឺ ជាដើម។

លោក ខេម ក៏ដូចជាសមាជិកក្នុងក្រុម បានដាក់ចិត្តដាក់កាយក្នុងការអភិវឌ្ឍក្រុមបាល់ទាត់នេះ ឲ្យកាន់តែប្រសើរឡើង តាមរយៈកិច្ចការនេះ ខេម រំពឹងថាក្រុមរបស់ខ្លួននឹងជាចំណែកមួយអាចជួយជំរុញដល់វិស័យកីឡាឲ្យកាន់តែរីកច្រើនថែមទៀត និងស្របតាមពាក្យស្លោក «កីឡារស់នៅក្នុងសន្តិភាព »។

ក្រឡេកមកមើលមហាជនដែលស្នេហាវិស័យកីឡាបាល់ទាត់វិញ បានសម្តែងនូវការត្រេកអរ ជាមួយការបង្កើតក្រុមបាល់ទាត់មួយនេះ Cambodia football superstar យ៉ាងច្រើន ថ្វីដ្បិតតែក្រុមនេះទើបតែបង្កើតឡើងក៏ពិតមែន តែមានអ្នកស្គាល់ច្រើនគួរសម ព្រោះក្រៅតែពីសមត្ថភាព ក្រុមមួយនេះប្រជុំទៅដោយអ្នកសិល្បៈល្បីៗ ដូចនេះ រាល់ការប្រកួតម្ដងៗ មានមហាជនទៅចូលរួមទស្សនាច្រើន៕

The post ត្រឹម២ ប្រកួត ក្រុមបាល់ទាត់ « ខេមបូឌាហ្វូតបលសូពើស្តារ » អាចរកប្រាក់បានជាង១ម៉ឺនដុល្លារ ជួយក្មេងកំព្រា appeared first on .

ថ្លែងក្នុងសន្និសីទកាសែត ស្ដីពីព្រឹត្តិការណ៍ប្រកួតបាល់ទាត់ ដើម្បីប្រមូលមូលនិធិជូនមន្ទីរពេទ្យគន្ធបុប្ផា កាលពីថ្ងៃទី១៩ ខែមករា នេះ នៅផ្សារទំនើប ជីប ម៉ុង ២៧១ មេហ្គា ម៉ល អ្នកឧកញ៉ា លាង ម៉េង សហស្ថាបនិក និងជាប្រធានក្រុមអគ្គនាយក ក្រុមហ៊ុន ខ្មែរ ប៊ែវើរីជីស មានប្រសាសន៍ថា ការឧបត្ថម្ភធំពីភេសជ្ជៈប៉ូវកម្លាំង វើក លើការប្រកួតដ៏កម្រនេះ គឺដើម្បីផ្សារភ្ជាប់ទំនាក់ទំនងរវាងកីឡា និងប្រជាជន ជាពិសេសបន្តនាំយកថវិការសប្បុរសធម៌ពីព្រឹត្តិការណ៍កីឡាផ្សេងៗ ឧបត្ថម្ភដល់មន្ទីរពេទ្យគន្ធបុប្ផា។

អ្នកឧកញ៉ា លាង ម៉េង ថ្លែងបន្ថែមថា៖ “កន្លងមកក្រុមហ៊ុន ខ្មែរ ប៊ែវើរីជីស ធ្លាប់បាននាំយកថវិកាឧបត្ថម្ភមន្ទីរពេទ្យគន្ធបុប្ផា ច្រើនលើករួចមកហើយ ប៉ុន្ដែពេលនេះ ថ្នាក់ដឹកនាំក្រុមហ៊ុន ចង់បន្តផ្សារភ្ជាប់ទំនាក់ទំនងរវាងកីឡាគ្រប់ប្រភេទ ជាមួយប្រជាជន និងបង្កើតផ្ទាំងទស្សនីយភាពឱ្យប្លែកអារម្មណ៍ដល់អ្នកទស្សនា  ក៏ដូចជាលើកទឹកចិត្តដល់កីឡា និងអ្នកសិល្បៈ តាមរយៈផ្គូរផ្គងឱ្យមានការប្រកួតបាល់ទាត់រវាង ក្រុមបាល់ទាត់ផ្ការីកគ្រប់រដូវ ជាមួុយក្រុមបាល់ទាត់អ្នកលេងគុនខ្មែរ។ ហើយក្រុមណាឈ្នះ នឹងត្រូវនាំយកថវិកាចំនួន ៧,៧៧៧ ដុល្លារ ពីក្រុមហ៊ុន ជូនមន្ទីរពេទ្យគន្ធបុប្ផាផ្ទាល់ដៃតែម្ដង។” 

ថ្លែងក្នុងកម្មវិធីសន្និសីទកាសែតនោះដែរ ប្រធានក្រុមបាល់ទាត់ផ្ការីកគ្រប់រដូវ លោក ពាក់មី លើកឡើងថា៖ លោកមានតែម្រាមដៃដប់ ថ្លែងអំណរគុណដល់អ្នកឧកញ៉ា លាង ម៉េង  ដែលកន្លងមក ក្រុមហ៊ុនក្រុមហ៊ុន ខ្មែរ ប៊ែវើរីជីសរបស់ អ្នកឧកញ៉ា ដែលបានឧបត្ថម្ភគាំទ្រគ្រប់រូបភាព និងបានផ្ដួចផ្ដើមឱ្យមានការប្រកួតកីឡាជាច្រើននាពេលកន្លងមក ដើម្បីនាំយកមូលនិធិទៅជូនមន្ទីរពេទ្យកុមារគន្ធបុប្ផា។ បន្ថែមពីនេះ លោក ពាក់មី ក៏សូមអំពាវនាវដល់សប្បុរសជន ដែលមានលទ្ធភាពនានា សូមកុំមើលរំលង ការជួយឧបត្ថម្ភដល់មន្ទីរពេទ្យគន្ធបុប្ផាឱ្យសោះ ព្រោះមន្ទីរពេទ្យដែលជួយអាយុជីវិតកុមារកម្ពុជារាប់មុឺននាក់ រាប់លាននាក់នេះ សព្វថ្ងៃ គឺនៅខ្វះខាត និងត្រូវការជំនួយឧបត្ថម្ភជាប់ជានិច្ច។ 

គួរបញ្ជាក់ថា នាថ្ងៃទី១៧ ខែកុម្ភៈ ឆ្នាំ២០២៤នេះ ក្រុមបាល់ទាត់អ្នកលេងគុនខ្មែរ ត្រៀមនឹងប្រកួតសងសឹងជាមួយក្រុមបាល់ទាត់ផ្ការីកគ្រប់រដូវ ក្រោមការឧបត្ថម្ភធំផ្ដាច់មុខដោយ ភេសជ្ជៈប៉ូវកម្លាំង វើក ដែលជាផលិតផលក្រុមហ៊ុន ខ្មែរ ប៊ែវើរីជីស ដើម្បីយកថវិការ ចំនួន ៧,៧៧៧ដុល្លារ ជូនមន្ទីរពេទ្យគន្ធបុប្ផា។ 

សម្រាប់បងប្អូន ដែលចូលរួមទស្សនាការប្រកួតបាល់ទាត់នេះ ក៏នឹងទទួលបានឱកាសឈ្នះរង្វាន់ពីភេសជ្ជៈប៉ូវកម្លាំង វើក ម៉ូតូ ៥គ្រឿង ថែមទៀតផង! ដោយគ្រាន់តែទិញភេសជ្ជៈប៉ូវកម្លាំង វើក ១កំប៉ុង បងប្អូននឹងទទួលបានសន្លឹកឆ្នោតផ្សងសំណាងយកម៉ូតូ និងកាដូអនុស្សាវរីយជាច្រើនទៀតដូចជា៖ មួកសុវត្ថិភាព ១០០រង្វាន់, កាតាបស្ព័រដ៏ស្រស់ស្អាតរបស់ភេសជ្ជៈប៉ូវកម្លាំង វើក ១០០រង្វាន់ និងអាវយឺតផ្ការីកគ្រប់រដូវ ១០០០អាវ សម្រាប់អ្នកដែលមកមុនគេ ១២០០នាក់ ដំបូង។ 

បង្កើនកម្លាំងនិងស្មារតី គាំទ្រ វើក វើកជួយបាល់ទាត់សប្បុរសធម៌!

The post ទិញភេសជ្ជៈប៉ូវកម្លាំង វើក មើលបាល់ អាចឈ្នះរង្វាន់ម៉ូតូ ! ក្រុមហ៊ុន ខ្មែរ ប៊ែវើរីជីស ត្រៀមរៀបចំឱ្យក្រុមអ្នកលេងគុនខ្មែរ សងសឹកក្រុមបាល់ទាត់ផ្ការីកគ្រប់រដូវ appeared first on .

ក្នុងនោះ ឧកញ៉ា ហេង ឡុង មកពីក្រុមបាល់ទាត់ផ្ការីកគ្រប់រដូវរបស់នាយពាក់មី ក៏បានស៊ុតប៉ើងសំណាញ់បាន១គ្រាប់តំបូងគេក្នុងនាទីទី១១:៤១វិនាទី។

សូមជម្រាបជូនថា ដើម្បីអបអរសាទរខួបលើកទី៤៥ នៃថ្ងៃកំណើតសហភាពសហព័ន្ធយុវជនកម្ពុជា ស.ស.យ.ក.ខេត្តព្រៃវែង បានរៀបចំកម្មវិធីប្រកួតបាល់ទាត់សប្បុរសធម៌ប្រមូលថវិកាបរិច្ចាគដល់មណ្ឌលកុមារកំព្រា ក្នុងខេត្តព្រៃវែង ដែលជាការឧបត្ថម្ភដោយ ភេសជ្ជៈប៉ូវកម្លាំង Wurkz របស់អ្នកឧកញ៉ា លាង ម៉េង សហស្ថាបនិកក្រុមហ៊ុន ជីបម៉ុង គ្រុប និងជាប្រធានក្រុមអគ្គនាយក ក្រុមហ៊ុន ខ្មែរ ប៊ែវើរីជីស។

កម្មវិធីប្រកួតបាល់ទាត់មិត្តភាពនេះបានបែងចែកជា ២វគ្គគឺ វគ្គទី១ ការប្រកួតរវាង U12 ខេត្តព្រៃវែង ទល់នឹង U12 ផ្ការីកគ្រប់រដូវ និង វគ្គទី២ ការប្រកួតរវាងថ្នាក់ដឹកនាំខេត្តព្រៃវែង ទល់នឹងក្រុមផ្ការីកគ្រប់រដូវ។ ជាមួយគ្នានេះ ថ្នាក់ដឹកនាំជាច្រើនរូប បានអញ្ជើញចូលរួម ក្នុងនោះរួមមាន ឯកឧត្តមអភិសន្តិបណ្ឌិត ស សុខា, តំណាងរាស្រ្តខេត្តព្រៃវែង, អភិបាលខេត្តព្រៃវែង, ស្នងការខេត្តព្រៃវែង, ប្រធាន ស.ស.យ.ក ខេត្តព្រៃវែង, អ្នកឧកញ៉ា លាង ម៉េង, ឧកញ៉ា ហេង ឡុង, នាយពាក់មី, តារាចម្រៀង ខេម, គូមា និងនាយគ្រឿន ព្រមទាំងកីឡាករច្រើនរូបទៀត៕

The post ឧកញ៉ា ហេង ឡុង មានឱកាសស៊ុតប៉ើងសំណាញ់បាន ១គ្រាប់ ក្នុងព្រឹត្តិការណ៍ប្រកួតកីឡាបាល់ទាត់មិត្តភាពសប្បុរសធម៌ នៅខេត្តព្រៃវែង appeared first on .