ការប្រកួតមិត្តភាព នៅកីឡដ្ឋានខេត្តព្រៃវែង កាលល្ងាចថ្ងៃទី១ ខែធ្នូ ឆ្នាំ២០២៣ ថ្នាក់ដឹកនាំនៃក្រុម ស.ស.យ.ក.ខេត្តព្រៃវែង ស៊ុតបញ្ចូលទីបាន ១១គ្រាប់ ចំណែកឯក្រុមផ្ការីកគ្រប់រដូវ របស់នាយពាក់មីទទួលបាន ៦គ្រាប់ កាលថ្ងៃទី០១ ខែធ្នូ ឆ្នាំ២០២៣ ស្ថិតនៅកីឡដ្ឋានខេត្តព្រៃវែង។
ក្នុងនោះ ឧកញ៉ា ហេង ឡុង មកពីក្រុមបាល់ទាត់ផ្ការីកគ្រប់រដូវរបស់នាយពាក់មី ក៏បានស៊ុតប៉ើងសំណាញ់បាន១គ្រាប់តំបូងគេក្នុងនាទីទី១១:៤១វិនាទី។
![](https://www.oknha.news/wp-content/uploads/2023/12/image-40-684x1024.png)
សូមជម្រាបជូនថា ដើម្បីអបអរសាទរខួបលើកទី៤៥ នៃថ្ងៃកំណើតសហភាពសហព័ន្ធយុវជនកម្ពុជា ស.ស.យ.ក.ខេត្តព្រៃវែង បានរៀបចំកម្មវិធីប្រកួតបាល់ទាត់សប្បុរសធម៌ប្រមូលថវិកាបរិច្ចាគដល់មណ្ឌលកុមារកំព្រា ក្នុងខេត្តព្រៃវែង ដែលជាការឧបត្ថម្ភដោយ ភេសជ្ជៈប៉ូវកម្លាំង Wurkz របស់អ្នកឧកញ៉ា លាង ម៉េង សហស្ថាបនិកក្រុមហ៊ុន ជីបម៉ុង គ្រុប និងជាប្រធានក្រុមអគ្គនាយក ក្រុមហ៊ុន ខ្មែរ ប៊ែវើរីជីស។
![](https://www.oknha.news/wp-content/uploads/2023/12/image-39.png)
កម្មវិធីប្រកួតបាល់ទាត់មិត្តភាពនេះបានបែងចែកជា ២វគ្គគឺ វគ្គទី១ ការប្រកួតរវាង U12 ខេត្តព្រៃវែង ទល់នឹង U12 ផ្ការីកគ្រប់រដូវ និង វគ្គទី២ ការប្រកួតរវាងថ្នាក់ដឹកនាំខេត្តព្រៃវែង ទល់នឹងក្រុមផ្ការីកគ្រប់រដូវ។ ជាមួយគ្នានេះ ថ្នាក់ដឹកនាំជាច្រើនរូប បានអញ្ជើញចូលរួម ក្នុងនោះរួមមាន ឯកឧត្តមអភិសន្តិបណ្ឌិត ស សុខា, តំណាងរាស្រ្តខេត្តព្រៃវែង, អភិបាលខេត្តព្រៃវែង, ស្នងការខេត្តព្រៃវែង, ប្រធាន ស.ស.យ.ក ខេត្តព្រៃវែង, អ្នកឧកញ៉ា លាង ម៉េង, ឧកញ៉ា ហេង ឡុង, នាយពាក់មី, តារាចម្រៀង ខេម, គូមា និងនាយគ្រឿន ព្រមទាំងកីឡាករច្រើនរូបទៀត៕
![](https://www.oknha.news/wp-content/uploads/2023/12/image-41-1024x682.png)
![](https://www.oknha.news/wp-content/uploads/2023/12/image-42-1024x684.png)
![](https://www.oknha.news/wp-content/uploads/2023/12/image-43-1024x682.png)
![](https://www.oknha.news/wp-content/uploads/2023/12/image-44-768x1024.png)
![](https://www.oknha.news/wp-content/uploads/2023/12/image-45-1024x768.png)
![](https://www.oknha.news/wp-content/uploads/2023/12/image-46-1024x682.png)
![](https://www.oknha.news/wp-content/uploads/2023/12/image-47-1024x682.png)
![](https://www.oknha.news/wp-content/uploads/2023/12/image-48-1024x682.png)