ខេត្តមួយនៅភាគបស្ចឹមកម្ពុជា ត្រៀមខ្លួនទទួលគម្រោងកសិដ្ឋានទឹកដោះគោធំបំផុត ក្រោមទុន ៦៨លានដុល្លារ ពីវិនិយោគិនម៉ាឡេស៊ី

Kem sinath — Wed, 05 Aug 2026 08:21:37 +0000

ជាលើកដំបូង កម្ពុជានឹងមានកសិដ្ឋានចិញ្ចឹមគោយកទឹកដោះដ៏ធំបំផុត ដោយចាប់ផ្តើមវិនិយោគលើផ្ទៃដីចំនួន ១,០០០ ហិកតា ក្នុងទឹកដីខេត្តពោធិ៍សាត់។

លោក ខូយ រីដា អភិបាលខេត្តពោធិ៍សាត់ បានមានប្រសាសន៍នៅថ្ងៃពុធ ទី៥ ខែសីហា ឆ្នាំ២០២៦ ថា ក្រុមហ៊ុន សូណាវិទ្យ (SONAVITH Co., Ltd.) របស់កម្ពុជា បានសហការវិនិយោគជាមួយក្រុមហ៊ុនផលិតទឹកដោះគោយក្សរបស់ម៉ាឡេស៊ី Farm Fresh Berhad (Farm Fresh Malaysia) និងក្រុមហ៊ុន Alpha Group ដើម្បីវិនិយោគដ៏ធំមួយនៅស្រុកវាលវែង ខេត្តពោធិ៍សាត់។

មានឈ្មោះថា FARM FRESH PURSAT នឹងធ្វើការបោះទុនវិនិយោគលើកសិដ្ឋានចិញ្ចឹមគោយកទឹកដោះ និងបង្កើតរោងចក្រ ដែលជាការបង្កើតឱកាសការងារជាច្រើនសម្រាប់ប្រជាពលរដ្ឋ និងជាប្រវត្តិសាស្រថ្មីរបស់ខេត្ត ក៏ដូចជាសម្រាប់ប្រទេសកម្ពុជា។

លោកស្រី សុខ ចាន់សូណា ប្រធានក្រុមប្រឹក្សាភិបាលក្រុមហ៊ុន SONAVITH Co., Ltd. បានថ្លែងថា ក្រុមហ៊ុន FARM FRESH (PURSAT) នឹងវិនិយោគទុនសរុបចំនួន ៦៨លានដុល្លារអាមេរិក ដើម្បីអភិវឌ្ឍកសិដ្ឋានចិញ្ចឹមគោយកទឹកដោះ និងសាងសង់រោងចក្រកែច្នៃ។

ក្រុមហ៊ុន FARM FRESH (PURSAT) ជាក្រុមហ៊ុនផលិតទឹកដោះគោឈានមុខមួយនៅតំបន់អាស៊ីអាគ្នេយ៍។ ការមកបណ្តាក់ទុននៅខេត្តពោធិ៍សាត់ នឹងជួយភ្ជាប់ឈ្មោះរបស់ខេត្តទៅកាន់តំបន់អាស៊ីអាគ្នេយហ៍ និងពិភពលោក។

សូមជម្រាបថា គិតត្រឹមចុងឆ្នាំ២០២៥ កម្ពុជមានកសិដ្ឋានចិញ្ចឹមគោយកទឹកដោះ ចំនួន៤ រួមមាន៖ កសិដ្ឋាន គិរីសួគ៌, កសិដ្ឋាន មូមូ ហ្វាម, កសិដ្ឋាន តេជោសែនឫស្សីត្រឹប, កសិដ្ឋាន អូម៉៕

The post ខេត្តមួយនៅភាគបស្ចឹមកម្ពុជា ត្រៀមខ្លួនទទួលគម្រោងកសិដ្ឋានទឹកដោះគោធំបំផុត ក្រោមទុន ៦៨លានដុល្លារ ពីវិនិយោគិនម៉ាឡេស៊ី appeared first on .

បច្ចុប្បន្ន កម្ពុជាមានកសិដ្ឋានចិញ្ចឹមគោយកទឹកដោះ៤ អាចផលិតបានជាង៥លានលីត្រ ក្នុងមួយឆ្នាំ

Kem sinath — Thu, 11 Apr 2024 04:05:21 +0000

គិតត្រឹមខែមីនា ឆ្នាំ២០២៤នេះ កម្ពុជាមានកសិដ្ឋានចិញ្ចឹមគោយកទឹកដោះចំនួន៤ មានគោប្រមាណជាង២ពាន់ក្បាល អាចផលិតទឹកដោះគោស្រស់៥លានលីត្រក្នុងមួយឆ្នាំ។នេះបើតាមការលើកឡើងរបស់លោក ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ ក្នុងពិធីសម្ពោធកសិដ្ឋានចិញ្ចឹមគោយកទឹកដោះ«គិរីសួគ៌» ក្រោមអធិបតីភាព សម្តេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា នៅខេត្តតាកែវ នៅថ្ងៃទី១១ ខែមេសា ឆ្នាំ២០២៤។

លោក ឌិត ទីណា បានឱ្យដឹងថា បច្ចុប្បន្នកម្ពុជាមានកសិដ្ឋានផលិតគោយកទឹកដោះធំៗចំនួន៤ គឺ កសិដ្ឋានគិរីសួគ៌ កសិដ្ឋាន មូមូ កសិដ្ឋានក្នុងឧទ្យានជាតិឫស្សីត្រឹប និងកសិដ្ឋាន អូម៉។

លោកបន្តថា គិតត្រឹមខែមីនា ឆ្នាំ២០២៤នេះ កសិដ្ឋានទាំង៤របស់កម្ពុជា មានគោយកទឹកដោះចំនួន ១ ១៧៦ក្បាល ដែលអាចផលិតទឹកដោះគោស្រស់ជាង ១៣ពាន់លីត្រ ក្នុង១ថ្ងៃ ស្មើនឹង ៥លានលីត្រ ក្នុងមួយឆ្នាំ ឬប្រមាណ ១៧% នៃតម្រូវការទឹកដោះគោស្រស់ក្នុងស្រុកជាង ៣០លានលីត្រ”។ក្នុងនោះ កសិដ្ឋានគិរីសួគ៌ គឺជាកសិដ្ឋានខ្នាតធំថ្នាក់ជាតិដំបូងគេនៅកម្ពុជា ដែលមានសង្វាក់ផលិតកម្មទំនើប មានសមត្ថភាព ផលិតទឹកដោះគោសុទ្ធស្រស់ ប្រកបដោយគុណភាពខ្ពស់ និងសារធាតុចិញ្ចឹមច្រើន ដើម្បីជាជំនួយផ្នែកអាហារូបត្ថម្ភ ដល់អ្នកប្រើប្រាស់។

ស្របនឹងតម្រូវការទីផ្សារដ៏ធំនៅកម្ពុជាសម្រាប់ទឹកដោះគោស្រស់ និងផលិតកម្មទឹកដោះគោ កសិដ្ឋានគិរីសួគ៌ មាន ផែនការបង្កើនចំនួនគោយកទឹកដោះឱ្យដល់ ៣ពាន់ក្បាល នាពេលខាងមុខ ដើម្បីបង្កើនផលិតកម្មទឹកដោះគោស្រស់ និងផលិតផលទឹកដោះគោ ដោយវេចខ្ចប់ជាកញ្ចប់ក្រដាសតូចៗសម្រាប់ផ្គត់ផ្គង់នៅតាមសាលារៀនផងដែរ៕

The post បច្ចុប្បន្ន កម្ពុជាមានកសិដ្ឋានចិញ្ចឹមគោយកទឹកដោះ៤ អាចផលិតបានជាង៥លានលីត្រ ក្នុងមួយឆ្នាំ appeared first on .