វាគ្មិនកិត្តិយសទាំងបីរូបនោះរួមមាន៖ ឯកឧត្តម គួច វែងស្រ៊ុន រដ្ឋលេខាធិការទីស្តីការគណៈរដ្ឋមន្ត្រី និងជាអតីតមន្ត្រីសម្របសម្រួលកម្មវិធីអភិវឌ្ឍយុវជន កក្រក, លោកជំទាវ វី ស្រីពៅ រដ្ឋលេខាធិការ ក្រសួងអធិការកិច្ច និងជាអតីតប្រធានក្លឹបយុវជន កក្រក នៃសាកលវិទ្យាល័យមេគង្គកម្ពុជា, និងឯកឧត្តម ជា លីសែ អនុរដ្ឋលេខាធិការ ក្រសួងព័ត៌មាន និងជាអតីតអនុប្រធានក្លឹបយុវជន កក្រក នៃវិទ្យាស្ថានបច្ចេកវិទ្យាកម្ពុជា ដែលបានឡើងមកចែករំលែកបទពិសោធន៍ដ៏មានតម្លៃ ព្រមទាំងផ្តល់នូវអនុសាសន៍គន្លឹះៗជូនដល់អង្គពិធី។

ពិធីនេះមានការចូលរួមពីថ្នាក់ដឹកនាំអគ្គលេខាធិការដ្ឋាន មន្ត្រីទីស្នាក់ការកណ្តាល មន្ត្រីក្រុមប្រតិបត្តិសាខា ២៥ រាជធានី-ខេត្ត (តាមរយៈប្រព័ន្ធ Zoom) ព្រមទាំងទីប្រឹក្សាយុវជន និងយុវជនកាកបាទក្រហមកម្ពុជា មកពីគ្រឹះស្ថានឧត្តមសិក្សា ២៥ ក្នុងរាជធានីភ្នំពេញ សរុបចំនួន ៣៥០នាក់។ គួរបញ្ជាក់ផងដែរថា វេទិកានេះរៀបចំឡើងក្នុងគោលបំណងអបអរសាទរទិវាយុវជនអន្តរជាតិ ដែលត្រូវបានកំណត់ដោយអង្គការសហប្រជាជាតិ ដើម្បីលើកកម្ពស់តួនាទីយុវជនក្នុងការអភិវឌ្ឍសង្គម និងជំរុញឱ្យមានការចូលរួមរបស់យុវជនក្នុងការសម្រេចចិត្តលើបញ្ហាសំខាន់ៗដែលប៉ះពាល់ដល់អនាគតរបស់ពួកគេ៕

The post ពីអតីតយុវជនស្ម័គ្រចិត្តទៅជាថ្នាក់ដឹកនាំ! វាគ្មិនកិត្តិយសទាំង ៣រូប ចែករំលែកបទពិសោធន៍ក្នុងវេទិកាពិសេសរបស់កាកបាទក្រហមកម្ពុជា ស្ដីពី «គុណតម្លៃនៃការងារស្ម័គ្រចិត្ត» appeared first on .