វិធានការនៃការផ្អាកជាបណ្តុះអាសន្នលើការនាំចូលគ្រឿងក្នុងនិងបំណែកសាច់បង្កកដែលមានរយៈ៦ខែនេះកន្លងមកមិនថាអ្នកចិញ្ចឹមសត្វខ្នាតតូចឬធំនោះទេ សូម្បីតែសមាគមអ្នកចិញ្ចឹមសត្វកម្ពុជាក៏ធ្លាប់បានបង្ហាញក្តីសង្ឃឹមហើយក៏ចង់ឃើញជារឿយៗផងដែរថា បន្ទាប់ពីបិទរយៈពេល៦ខែ តម្រូវការជ្រូករស់នៅលើទីផ្សាររួមនិងតម្លៃ នឹងមានការប្រែប្រួល។ តែទោះជាយ៉ាងនេះក្តីនៅមិនទាន់មានអ្នកជំនាញក្នុងវិស័យចិញ្ចឹមសត្វណាមួយហ៊ានសន្និដ្ឋានថាការផ្អាកជាបណ្តុះអាសន្នលើការនាំចូលគ្រឿងក្នុងនិងបំណែកសាច់បង្កកនេះវាជះឥទ្ធិពលកម្រឹតណានោះទេ ព្រោះការនាំចូលសាច់បង្កកនៅពេលកន្លងមកមានច្រើនទុកសម្រាប់ផ្គត់ផ្គង់តម្រូវការក្នុងស្រុក។

លោក លី ឡាវីល ប្រធានក្រុមប្រឹក្សាភិបាលសមាគមអ្នកចិញ្ចឹមសត្វកម្ពុជា ធ្លាប់បានឱ្យដឹងថា កន្លងមកការនាំចូលសាច់បង្កកខូចគុណនិងការនាំចូលដោយខុសច្បាប់ត្រូវបានមន្ត្រីជំនាញចាប់បានហើយយកទៅដុតកំម្ទេចចោលជាបន្តបន្ទាប់។រូបភាពនៃការដុតកំម្ទេសចោលនេះ សម្រាប់អ្នកចិញ្ចឹមសត្វក្នុងស្រុកមិនមានក្តីរំពឹងថាវានឹងល្អប្រសើរ ដោយសារការចាប់បាននេះទេ លើកលែងតែមានចំណាត់ការណាមួយច្បាស់លាស់ ថានឹងអាចគ្រប់គ្រងច្រកព្រំដែនមានភាពប្រសើរឬអត់នៅពេលខាងមុខ។

អគ្គនាយកដ្ឋានគយនិងរដ្ឋាករកម្ពុជា កាលថ្ងៃទី២៣ខែកុម្ភៈ ឆ្នាំ២០២៤ បានបញ្ជាក់ថា រាជរដ្ឋាភិបាលបានសម្រេចផ្អាកជាបណ្តុះអាសន្នសម្រាប់រយៈពេល៦ខែគិតចាប់ពីថ្ងៃទី១២ ខែមីនា ឆ្នាំ២០២៤រហូតដល់ថ្ងៃទី១២ ខែកញ្ញាឆ្នាំ២០២៤ នូវការនាំចូលមុខទំនិញគ្រឿងក្នុងនិងបំណែកសាច់បង្កកដូចជា៖(១) អណ្តានៃសត្វគោក្របី បង្កក,(២)ថ្លើមនៃសត្វគោក្របី បង្កក, (៣) គ្រឿងក្នុងបង្កកផ្សេងៗនៃសត្វគោក្របីដែលអាចបរិភោគបានក្រៅពីអណ្តាតនិងថ្លើម, (៤) ថ្លើមនៃសត្វជ្រូក បង្កក, (៥) ភាគបំណែកសាច់និងគ្រឿងក្នុងផ្សេងទៀតក្រៅពីថ្លើមនៃសត្វជ្រូកដែលអាចបរិភោគបាន បង្កក, (៦) ថ្លើមនៃសត្វមាន់ បង្កក, (៧) សាច់និងគ្រឿងក្នុង បង្កកផ្សេងទៀតនៃសត្វមាន់ដែលអាចបរិភោគបាន ក្រៅពីស្លាបទំាងមូល ភ្លៅ ថ្លើម និងសាច់ដែលត្រូវបានយកឆ្អឹងចេញ និង(៨) ពោះវៀន ប្លោកនិងក្រពះ ទំាងមូលឬជាផ្នែកនៃសត្វ លើកលែងត្រី ស្រស់ ក្លាស្សេ បង្កក ប្រឡាក់អំបិល ត្រំាទឹកអំបិល សម្ងួតឬឆ្អើរួច។

ការផ្អាកជាបណ្តុះអាសន្ននូវការនាំចូលខាងលើ ត្រូវបានលើកលែងចំពោះការនាំចូលរបស់គម្រោងវិនិយោគមានលក្ខណៈសម្បត្តិគ្រប់គ្រាន់សម្រាប់ប្រើប្រាស់ជាធាតុចូលផលិតកម្មសម្រាប់ការនាំចេញ៕ តាកែវ

The post ១២មីនាជាថ្ងៃដែលអ្នកចិញ្ចឹមសត្វក្នុងស្រុកដាក់ក្តីរំពឹងជាថ្មីទៅលើមុខរបររបស់ខ្លួន appeared first on .

ការសម្រេចផ្អាកការនាំចូលនេះក្រោយពីមានការចាត់តាំងកិច្ចប្រជុំមួយចំនួនជាមួយភាគីពាក់ព័ន្ធស្តីពីតម្រូវការនិងការផ្គត់ផ្គង់សត្វនៅកម្ពុជា អំពីបញ្ហាការនាំចូលសាច់បង្កកច្រើនលើទីផ្សារ។

បើតាមសេចក្តីប្រកាស បានបញ្ជាក់ថា ការផ្អាកនាំចូលទាំងនោះរួមមាន គ្រឿងក្នុងសត្វគោ ក្របីបង្កក, គ្រឿងក្នុងសត្វជ្រូក,គ្រឿងក្នុងសត្វមាន់ជាដើម។

វិធានការផ្អាកនាំចូលជាបណ្តោះអាសន្ននេះនឹងចាប់ផ្តើមអនុវត្តពីថ្ងៃទី១២ ខែមីនា រហូតដល់ថ្ងៃទី១២ ខែកញ្ញា ឆ្នាំ២០២៤(៦ខែ) តែវិធានការនេះមិនអនុវត្តចំពោះគម្រោងវិនិយោគមានលក្ខណៈសម្បត្តិគ្រប់គ្រាន់ ដែលនាំចូលទំនិញខាងលើ សម្រាប់ប្រើប្រាស់ជាធាតុចូលផលិតកម្មសម្រាប់ការនាំចេញឡើយ។

បើតាមលោក ស្រ៊ុន ពៅ ប្រធានសមាគមអ្នកចិញ្ចឹមសត្វកម្ពុជា ធ្លាប់បានបញ្ជាក់ថា វិស័យចិញ្ចឹមសត្វនៅកម្ពុជាចាប់ផ្តើមមានពន្លឺឡើងវិញនៅក្នុងខែមករា ឆ្នាំ២០២៤នេះ ដោយសាររាជរដ្ឋាភិបាល តាមរយៈក្រសួងពាក់ព័ន្ធជួយជំរុញនិងផ្តោតការយកចិត្តទុកដល់មកលើវិស័យចិញ្ចឹសត្វក្នុងស្រុកជាជាងការនាំចូល។ដោយធ្វើយ៉ាងណាជួយរំដោះសាច់ដែលកកស្ទះនៅក្នុងស្រុកឱ្យអស់ ពោលជួយកសិករអាចលក់សត្វរបស់ខ្លួនបានតម្លៃរួចខ្លួន មិនខាតបង់នៅដំណាក់កាលដំបូងៗនេះ។ប្រសិនបើខាងក្រុមហ៊ុននាំចូលសាច់បង្កក ពិតជាចង់ជួយវិស័យចិញ្ចឹមសត្វប្រសើរឡើងវិញ គឺប្រើពេលត្រឹមតែ១ខែ អ្នកចិញ្ចឹមសត្វអាចលក់សត្វបានតម្លៃរួចខ្លួនឬស្មើថ្លៃដើមផលិត ធ្វើឱ្យកសិករលែងរអ៊ូរទំាដូចមុនទៀតហើយ៕

The post រាជរដ្ឋាភិបាលសម្រេចផ្អាកការនាំចូលគ្រឿងក្នុង និងបំណែកសាច់បង្កករយៈពេល៦ខែ appeared first on .

បើយោងតាមប្រធានសមាគមអ្នកចិញ្ចឹមសត្វកម្ពុជា បានឱ្យដឹងថា នៅក្នុងកិច្ចប្រជុំរវាងសមាគមអ្នកចិញ្ចឹមសត្វកម្ពុជា ជាមួយនិងក្រុមហ៊ុននាំចូលសាច់បង្កក នៅអគ្គនាយកដ្ឋានសុខភាពសត្វ និងផលិតកម្មសត្វ កាលថ្ងៃទី៩ ខែមករា ទទួលបានលទ្ធផលល្អប្រសើរ ពោលមានន័យថាវិស័យចិញ្ចឹមសត្វនៅកម្ពុជាចាប់ផ្តើមមានរស្មីវិញហើយ នៅពេលដែលតំណាងក្រុមហ៊ុនមានសិទ្ធនាំចូលសាច់បង្កកបង្ហាញចេតនាធ្វើការរួមគ្នាជាមួយខាងសមាគមថាផ្អាកការនាំចូលសាច់បង្កកមកពីខាងក្រៅ។

លោកស្រ៊ុន ពៅ មានប្រសាសន៍ថា «ក្រោយកិច្ចប្រជុំយើងទទួលបានលទ្ធផលល្អប្រសើរ មានន័យថាវិស័យចិញ្ចឹមសត្វនៅកម្ពុជាមានរស្មីហើយ ដោយសារក្រុមហ៊ុនដែលនាំចូលសាច់បង្កក គាត់ថានឹងធ្វើការជាមួយខាងសមាគមអ្នកចិញ្ចឹមសត្វ ដោយផ្អាកការនាំចូលសាច់មកពីខាងក្រៅ ធ្វើយ៉ាងណាជួយរំដោះសាច់ដែលកកស្ទះនៅក្នុងស្រុកឱ្យអស់ ពោលជួយ កសិករអាចលក់សត្វរបស់ខ្លួន បានតម្លៃរួចខ្លួន មិនខាតបង់នៅដំណាក់កាលដំបូងៗនេះ»។

លោក ស្រ៊ុន ពៅ លើកឡើងថា វិស័យចិញ្ចឹមសត្វចាប់ផ្តើមមានពន្លឺឡើងវិញនៅក្នុងខែមករា ឆ្នាំ២០២៤នេះ ដោយសាររាជរដ្ឋាភិបាល តាមរយៈក្រសួងពាក់ព័ន្ធជួយជំរុញនិងផ្តោតការយកចិត្តទុកដល់មកលើវិស័យចិញ្ចឹសត្វក្នុងស្រុក ជាជាងការនាំចូល។

លោកបញ្ជាក់ថា ក្នុងកិច្ចប្រជុំកាលថ្ងៃទី៩ ខែមករា ឆ្នាំ២០២៤កន្លងមកនេះ ផ្តោតលើពីចំណុច៖ ចំណុចទី១ ឱ្យក្រុមហ៊ុនផ្អាកការនាំចូលនៅបំណែកនៃសត្វជ្រូក សាច់មាន់និងសាច់គោ ហើយខាងសមាគមចង់ឱ្យក្រុមហ៊ុនងាកមកទទួលទិញសាច់នៅក្នុងស្រុក ហើយធ្វើការកែច្នៃបង្កកនិងលក់ទៅឱ្យអតិថិជនគោលដៅរបស់ខ្លួន។ ចំណុចទី២ ខាងសមាគមបានស្មើសុំទៅរាជរដ្ឋាភិបាលក៏ដូចជាក្រសួងពាក់ព័ន្ធ ផ្អាកមិនឱ្យនាំចូលគ្រឿងក្នុងរបស់សត្វរយៈពេល៦ខែ ដែលនិងចាប់ផ្តើមអនុវត្តនៅពេលខាងមុខ ហើយបើចង់នាំចូលត្រូវតែមានការអនុញ្ញាតពីក្រសួងកសិកម្មរុក្ខាប្រមាញ់និងនេសាទ ។

ពាក់ព័ន្ធនឹងការការនាំសាច់បង្កកពីខាងក្រៅចូលមកកម្ពុជា បើតាមប្រធានសមាគមអ្នកចិញ្ចឹមសត្វកម្ពុជា ថាក្រុមហ៊ុនមានសិទ្ធនាំចូលធំៗប្រហែល១០ក្រុមហ៊ុន ខណៈកន្លែងសម្រាប់បង្កកសាច់នៅក្នុងស្រុកមានប្រហែល១០០កន្លែង។

លោកស្រ៊ុន ពៅ សង្កត់ធ្ងន់ថា«វិស័យចិញ្ចឹមសត្វចាប់ផ្តើមមានពន្លឺពីខែមករាទៅហើយ ហើយក្នុងដំណាក់កាលនេះដែរ ប្រសិនបើជាខាងក្រុមហ៊ុននាំចូលសាច់បង្កក គាត់ពិតចង់ជួយវិស័យចិញ្ចឹមសត្វប្រសើរឡើងវិញ ប្រើពេលត្រឹមតែ១ខែ អ្នកចិញ្ចឹមសត្វអាចលក់សត្វបានតម្លៃរួចខ្លួនឬស្មើថ្លៃដើមផលិត ធ្វើឱ្យកសិករលែងរអ៊ូរទំាដូចមុនទៀតហើយ»៕ តាកែវ

The post វិស័យចិញ្ចឹមសត្វក្នុងស្រុកចាប់ផ្តើមទទួលបានពន្លឺនៃការរស់រានឡើងវិញហើយ appeared first on .