របាយការណ៍អគ្គនាយកដ្ឋានកៅស៊ូ បានឲ្យដឹងថា  ចំណូលពីការនាំចេញជ័រកៅស៊ូរបស់កម្ពុជា គិតត្រឹមខែឧសភា​ ឆ្នាំ២០២៤ មានចំនួន១៦៤ ៤៩០ ៦០០ដុល្លារ។ ចំណែកឯការនាំចេញឈើកៅស៊ូ មានចំនួន១ ០៤៩ ៥០៩ដុល្លារ។ដោយក្នុងខែឧសភា កម្ពុជាទទួលបានចំណូលជិត ៤០លានដុល្លារ ពីការនាំចេញជ័រកៅស៊ូជាង២៥ពាន់តោន។

បើតាមអគ្គនាយកដ្ឋានកៅស៊ូ គិតត្រឹមខែឧសភា ឆ្នាំ២០២៤ ជ័រកៅស៊ូមានតម្លៃ ១,៤៨៥ដុល្លារ ក្នុង១តោន កើនឡើងចំនួន៦៩ដុល្លារ ក្នុង១តោន ស្មើនឹង៤.៨៩% ធៀបនឹងរយៈពេលដូចគ្នា នៃឆ្នាំមុន។ ចំណែកឯតម្លៃនៃការនាំចេញឈើកៅស៊ូ ជាមធ្យមក្នុងខែឧសភា ឆ្នាំ២០២៤ មានតម្លៃ២៩៤ដុល្លារ ក្នុងមួយម៉ែត្រគីប។

ពាក់ព័ន្ធនឹងតម្លៃកៅស៊ូនេះ បើម្ចាស់ចំការកៅស៊ូមួយកន្លែង នៅខេត្តត្បូងឃ្មុំ បានឲ្យដឹងថា តម្លៃកៅស៊ូក្នុងខែនេះ គឺនៅដ៏ដែល ពោលមានតម្លៃចន្លោះពី ២,៧០០រៀល ទៅ២,៩០០រៀលក្នុង១គីឡូ ទៅតាមតំបន់ និងគុណភាពនៃជ័រ។

លោកបានបន្តថា ទិន្នផលជ័រកៅស៊ូនៅឆ្នាំនេះ គឺមានការថយចុះ ដោយសារតែអាកាសធាតុក្ដៅ។

សូមជម្រាបជូនថា ផ្ទៃដីកៅស៊ូនៅកម្ពុជាសរុបមានចំនួន ៤០៧ ១៧២ហិកតា ក្នុងនោះ ផ្ទៃដីចៀរជ័រមានចំនួន ៣២០ ១៨៤ហិកតា ស្មើនឹង៧៩% និងផ្ទៃដីថែទាំមានចំនួន ៨៦,៩៨៨ហិកតា ស្មើនឹង២១%៕

The post កម្ពុជារកបានចំណូលជាង១៦៥លានដុល្លារ ពីការនាំចេញកៅស៊ូ ៥ខែនេះ ឆ្នាំនេះ appeared first on .

របាយការណ៍អគ្គនាយកដ្ឋានកៅស៊ូ បានឲ្យដឹងថា គិតត្រឹមខែមេសា ឆ្នាំ២០២៤ ចំណូលពីការនាំចេញជ័រកៅស៊ូ មានចំនួន១២៥ ១៥៦ ៨៣៦ដុល្លារ រីឯការនាំចេញឈើកៅស៊ូ មានចំនួន៦១៧ ១១៤ដុល្លារ។

បើតាមរបាយការណ៍ដដែលបានបន្តថា គិតត្រឹមខែមេសា ឆ្នាំ២០២៤ ជ័រកៅស៊ូមានតម្លៃ ១,៥៣២ដុល្លារ ក្នុង១តោន កើនឡើងចំនួន២ដុល្លារ ក្នុង១តោន ស្មើនឹង១.១៣% ធៀបនឹងខែមុន និងបានកើនឡើងចំនួន៩៤ដុល្លារ ក្នុងមួយតោន ស្មើនឹង៧% ធៀបនឹងរយៈពេលដូចគ្នា នៃឆ្នាំមុន។រីឯតម្លៃការនាំចេញឈើកៅស៊ូ ជាមធ្យមក្នុងខែមេសា ឆ្នាំ២០២៤ មានតម្លៃ១២៦ដុល្លារ ក្នុងមួយម៉ែត្រគីប។

បើតាមម្ចាស់ចំការកៅស៊ូម្នាក់នៅខេត្តត្បូងឃ្មុំ បានឲ្យដឹងថាបច្ចុប្បន្នគុណភាពជ័រកៅស៊ូហាក់មានការធ្លាក់ចុះបន្តិច តែអ្វីដែលសំខាន់ និងសប្បាយចិត្តបំផុតសម្រាប់លោកក៏ដូចជាកសិករដទៃគឺលក់បានលុយច្រើន ព្រោះតម្លៃខ្ពស់ជាងឆ្នាំមុន ដោយសារការប្រមូលផលបានច្រើនមែនទែន។

លោកបន្តថា ទន្ទឹមនឹងការប្រមូលផលបានច្រើននេះ គឺដោយសារភ្លៀងចាប់ផ្តើមធ្លាក់ជាបន្តបន្ទាប់ចាប់ពីថ្ងៃទី៤ ទី៥ខែឧសភាមក ធ្វើឲ្យគុណភាពរៀងធ្លាក់បន្តិចតែការលក់គឺបានលុយច្រើន និងតម្លៃថ្លៃបើធៀបនឹងឆ្នាំមុន ពោលមានតម្លៃជាង៣០០០រៀល ក្នុងមួយគីឡូក្រាម ទៅតាមប្រភេទជ័រកៅស៊ូ។

សូមជម្រាបជូនថា កម្ពុជាមានផ្ទៃដីកៅស៊ូសរុបមានចំនួន ៤០៧ ១៧២ហិកតា ក្នុងនោះ ផ្ទៃដីចៀរជ័រមានចំនួន ៣២០ ១៨៤ហិកតា ស្មើនឹង៧៩% និងផ្ទៃដីថែទាំមានចំនួន ៨៦,៩៨៨ហិកតា ស្មើនឹង២១%៕

The post ៤ខែមកនេះ កម្ពុជាប្រមូលចំណូលបានជាង១២៥លានដុល្លារ ពីការនាំចេញកៅស៊ូ appeared first on .

របាយការណ៍ខាងលើបានឱ្យដឹងថា គិតត្រឹមត្រីមាសទី១ ឆ្នាំ២០២៤ កម្ពុជារកចំណូលពីការនាំចេញជ័រកៅស៊ូ បានចំនួន១០០ ៤៨១ ៩៩៥ដុល្លារ ចំណែកេការនាំចេញឈើកៅស៊ូ មានចំនួន៣៥៥ ៦៩៤ដុល្លារ។

បើតាមរបាយការណ៍ដដែលបានបញ្ជាក់ថា ជ័រកៅស៊ូមានតម្លៃ ១,៤៥០ដុល្លារ ក្នុង១តោន កើនឡើង៤១ដុល្លារ ក្នុង១តោន ស្មើនឹង៣% បើធៀប នឹងរយៈពេលដូចគ្នានៃឆ្នាំមុន។ចំណែកេតម្លៃ នៃការនាំចេញឈើកៅស៊ូ ជាមធ្យមក្នុងខែមីនា ឆ្នាំ២០២៤ មាន តម្លៃ១៨៨ដុល្លារ ក្នុងមួយម៉ែត្រគីប។

បើតាមម្ចាស់ចំការកៅស៊ូម្នាក់នៅខេត្តត្បូងឃ្មុំ បានឱ្យដឹងថា ជ័រកៅស៊ូបច្ចុប្បន្នលក់បានក្នុងតម្លៃចន្លោះពី ២,៧០០៛ទៅ២,៨០០៛ ក្នុងមួយគីឡូក្រាម ដោយតំបន់ខ្លះតម្លៃអាចលើសពីនេះ អាស្រ័យទៅលើគុណភាពនៃ ជ័រកៅស៊ូ។តម្លៃបច្ចុប្បន្ននេះ បើធៀបនឹងឆ្នាំមុនមានការកើនឡើងតិចតួច។

សូមបញ្ជាក់ថា ផ្ទៃដីកៅស៊ូសរុបមានចំនួន ៤០៧ ១៧២ហិកតា ក្នុងនោះ ផ្ទៃដីចៀរជ័រមានចំនួន ៣២០ ១៨៤ហិកតា ស្មើនឹង៧៩% និងផ្ទៃដីថែទាំមានចំនួន ៨៦,៩៨៨ហិកតា ស្មើនឹង២១%។

សូមជម្រាបជូនថា ក្នុងឆ្នាំ២០២៣កន្លងទៅ កម្ពុជារកចំណូលបាន ពីការលក់ផលិតផលកៅស៊ូ មានប្រមាណចំនួន៥៣៧.៩លានដុល្លារអាមេរិក កើនឡើងប្រមាណចំនួន៦.២លានដុល្លាអាមេរិក ស្មើនឹង១.២% ធៀបនិងឆ្នាំ២០២២៕

The post ៣ខែមកនេះ កម្ពុជារកចំណូលបានជាង១០០លានដុល្លារពីការនាំចេញកៅស៊ូ appeared first on .