ប្រភពដដែល បានបន្តថា ក្នុងឆ្នាំ២០២៤ កន្លងទៅ កម្ពុជាបាននាំចេញអង្ករបានចំនួន ៦៥១ ៥២២តោន (អង្ករចំនួន ៦៤៥ ៨៧២ តោន បានឆ្លងកាត់ការស្នើសុំការបញ្ជាក់ឯកសារនាំចេញពីអជ្ញាធរមាន សមត្ថកិច្ច) តាមរយៈក្រុមហ៊ុននាំចេញអង្ករចំនួន ៥៧ ក្រុមហ៊ុន ទៅកាន់គោលដៅចំនួន ៦៨។

គោលដៅចំនួន ៦៨នោះ ក្នុងនោះទៅកាន់បណ្តាប្រទេសនៅក្នុងតំបន់អឺរ៉ុបចំនួន ២៦ បានបរិមាណអង្ករចំនួន ៣២៧ ១៥៦ តោន គិតជាទឹកប្រាក់ចំនួន ២៥៣.១៨ លានដុល្លារសហរដ្ឋអាមេរិក  ទៅកាន់ប្រទេសចិន រួមទាំងហុងកុង និងម៉ាកាវ ចំនួន ១១៧ ៩២៥ តោន គិតជាទឹកប្រាក់ចំនួន ៧៥.៦៦ លានដុល្លារសហរដ្ឋអាមេរិក ទៅកាន់ប្រទេសក្នុងអាស៊ាន រួមទាំងទីម័រខាងកើត ចំនួន ៧ប្រទេសបានបរិមាណ ចំនួន  ១២៧ ០៧៦ តោន គិតជាទឹកប្រាក់ចំនួន ៩២.៧០ លានដុល្លារសហរដ្ឋអាមេរិក និងទៅកាន់ គោលដៅ ៣២ ប្រទេសផ្សេងទៀតមាន អាហ្វ្រិក មជ្ឈឹមបូព៌ា អាមេរិក កាណាដា អូស្ត្រាលី ញ៉ូហ្សេឡេន ។ល។ បានចំនួន   ៧៩ ៣៦៥ តោន គិតជាទឹកប្រាក់ចំនួន  ៦៩.៥៤ លានដុល្លារសហរដ្ឋអាមេរិក។

បើតាមរបាយការណ៍ខាងលើ បានបញ្ជាក់ដែរថា ចំពោះប្រភេទអង្ករ បាននាំចេញអង្ករក្រអូបចំនួន ៧៦.១៥% ប្រភេទអង្ករស ធម្មតា ១៨.៧០% អង្ករចំហ៊ុយ ៣.១០% អង្ករសរីរាង្គចំនួន ១.៧៨%  និងអង្ករផ្សេងៗចំនួន ០.២៧% ។ ជាងនេះទៀត ប្រទេសកម្ពុជាក៏បាននាំចេញស្រូវចំនួន ៥ ១៨០ ១៥៥ តោនស្រូវសើម ដែលគិតជាទឹកប្រាក់បានប៉ាន់ប្រមាណ ១ ៤៩៦ លានដុល្លារសហរដ្ឋអាមេរិក ដែលក្នុងនោះ ៨៩% បាននាំចេញដោយឆ្លងកាត់ការស្នើសុំការបញ្ជាក់ឯកសារនាំចេញ ពីអាជ្ញាធរមានសមត្ថកិច្ច៕ អត្ថបទ៖ ហ្សាលីន

The post ឆ្នាំ២០២៤៖ កម្ពុជា រកចំណូលបានជិត ៥០០លានដុល្លារ ពីការនាំចេញអង្ករជិត៦៦ម៉ឺនតោន appeared first on .

យោងតាមសហព័ន្ធស្រូវអង្ករកម្ពុជា បានឱ្យដឹងថា ក្នុងរយៈពេល ១០ខែ នៃឆ្នាំ២០២៤ កម្ពុជាបាននាំចេញអង្ករបានចំនួន ៥០៧ ០២៩តោន តាមរយៈក្រុមហ៊ុននាំចេញអង្ករចំនួន ៥៥ ក្រុមហ៊ុន ទៅកាន់គោលដៅចំនួន ៦៦ ដែលក្នុងនោះទៅកាន់បណ្តាប្រទេសនៅក្នុងតំបន់អឺរ៉ុបចំនួន ២៦ បានបរិមាណអង្ករចំនួន ២៥៤ ៩៤៥ តោន គិតជាទឹកប្រាក់ចំនួន ១៩៦.៩៣ លានដុល្លារសហរដ្ឋអាមេរិក។

ទន្ទឹមគ្នានេះ អង្ករកម្ពុជា ក៏បាននាំចេញទៅកាន់ប្រទេសចិន រួមទាំងហុងកុង និងម៉ាកាវ ចំនួន ៩៣ ១៩៧ តោន គិតជាទឹកប្រាក់ចំនួន ៦១.៤៨ លានដុល្លារសហរដ្ឋអាមេរិក ទៅកាន់ប្រទេសក្នុងអាស៊ាន រួមទាំងទីម័រខាងកើត ចំនួន ៧ប្រទេសបានបរិមាណ ចំនួន ១០០ ៩៩៦ តោន គិតជាទឹកប្រាក់ចំនួន ៦៦.៦១ លានដុល្លារសហរដ្ឋអាមេរិក និងទៅកាន់គោលដៅ ៣០ ប្រទេសផ្សេងទៀតមាន អាហ្វ្រិក មជ្ឈឹមបូព៌ា អាមេរិក កាណាដា អូស្ត្រាលី ញ៉ូហ្សេឡេន ។ល។ បានចំនួន៥៧ ៨៩១ តោន គិតជាទឹកប្រាក់ចំនួន ៥១.៦១ លានដុល្លារសហរដ្ឋអាមេរិក។

ចំពោះប្រភេទអង្ករ របាយការណ៍ដដែល បានឱ្យដឹងថា កម្ពុជាបាននាំចេញអង្ករក្រអូបចំនួន ៧៣.២១% ប្រភេទអង្ករស ធម្មតា ២១.៧១% អង្ករចំហ៊ុយ ៣.០៤% អង្ករសរីរាង្គចំនួន ១.៧៤% និងអង្ករផ្សេងៗចំនួន ០.៣០% ។

ជាមួយគ្នានេះ ប្រទេសកម្ពុជាក៏បាននាំចេញស្រូវចំនួន ៤, ០៣៦, ៣៣៦ តោនស្រូវសើម ដែលគិតជាទឹកប្រាក់បានប៉ាន់ប្រមាណ ១ ១៨៤.១៦ លានដុល្លារសហរដ្ឋអាមេរិក ដែលក្នុងនោះ ៨៦% បាននាំចេញដោយឆ្លងកាត់ការស្នើសុំការបញ្ជាក់ឯកសារនាំចេញ ពីអាជ្ញាធរមានសមត្ថកិច្ច។ នេះបើតាមការបញ្ជាក់បន្ថែមពីសហព័ន្ធស្រូវអង្ករកម្ពុជា៕

The post កម្ពុជា រកចំណូលបានជាង ៣៧៦ លានដុល្លារ ពីការនាំចេញអង្ករជាង៥០ម៉ឺនតោន ត្រឹម១០ខែមកនេះ appeared first on .

ការនាំចេញដ៏ច្រើនសម្បើមនេះ បានបង្ហាញពីកំណើននៃចំនួននាំចេញប្រហែល ៦% និងតម្លៃប្រមាណជិត ២២% បើសិនធៀបនឹងរយៈពេលដូចគ្នាកាលពីឆ្នាំទៅ។

យោងតាមការអះអាងពីក្រសួងកសិកម្ម និងអភិវឌ្ឍន៍ជនបទ បានបន្ថែមទៀតថា តម្លៃនាំចេញអង្ករ លើទីផ្សារអន្តរជាតិមានកំណើនជាមធ្យម ១៤,៨% ប្រមាណ ៦២៥ដុល្លារក្នុងមួយតោន។

សូមជម្រាបដែរថា ទីផ្សារធំដែលវៀតណាមបាននាំអង្ករចេញទៅ គឺប្រទេសហ្វីលីពីន និងប្រទេសចិន ខណៈវៀតណាមគឺជាប្រទេសនាំចេញអង្ករធំបំផុតលើលោកទី០៣ ផងដែរ៕

The post រយៈពេល ៨ខែ វៀតណាមកើបលុយជិត ៤ពាន់លានដុល្លារពីការនាំចេញអង្ករ appeared first on .

លោកស្រី ចម និម្មល រដ្ឋមន្ត្រីក្រសួងពាណិជ្ជកម្ម នៅថ្ងៃទី២១ ខែសីហា ឆ្នាំ២០២៤ បានដឹកនាំប្រជុំពិភាក្សាជាមួយ អង្គការស្បៀង និងកសិកម្ម នៃសហប្រជាជាតិ (FAO) ដើម្បីពិនិត្យ និងពិភាក្សាលើវឌ្ឍនភាព នៃការរៀបចំយន្តការជំរុញការនាំចេញអង្ករកម្ពុជា។

គួររំលឹកថា៖ក្នុងរយៈពេល៦ខែ ឆ្នាំ២០២៤នេះ កម្ពុជាបាននាំចេញអង្ករចំនួន ៣៣៨ ៦៥៤ តោន ទទួលបានទឹកប្រាក់ចំនួនជាង២៤៧ លានដុល្លារ និងនាំចេញស្រូវជាង២.៥លានតោន ទទួលបានទឹកប្រាក់ជាង៧២៧លានដុល្លារ។ នេះបើយោងតាមរបាយការណ៍របស់សហព័ន្ធស្រូវអង្ករកម្ពុជា។

ក្រុមហ៊ុនចំនួន៥១ បាននាំចេញអង្ករជាង ៣៣ម៉ឺនតោននេះទៅកាន់គោលដៅចំនួន៦៣ ដែលក្នុងនោះនាំទៅកាន់បណ្តាប្រទេសនៅក្នុងតំបន់អឺរ៉ុបចំនួន២៦ មានចំនួន១៥៦ ៧៨៩ តោនគិតជាទឹកប្រាក់ចំនួន ១២១.៣២ លានដុល្លារ, ប្រទេសចិនរួមទាំងហុងកុង និងម៉ាកាវ មានចំនួន ៧៥ ៣៩៨ តោន គិតជាទឹកប្រាក់ចំនួន ៤៧.០១ លានដុល្លារ,ប្រទេសក្នុងអាស៊ាន រួមទាំងទីម័រខាងកើត ចំនួន ៧ប្រទេសបានបរិមាណ ចំនួន ៧៤ ៥៥៤ តោន គិតជាទឹកប្រាក់ចំនួន ៥១.៨៥ លានដុល្លារ និងទៅកាន់គោលដៅ ២៧ប្រទេសផ្សេងទៀតមាន អាហ្វ្រិក មជ្ឈឹមបូព៌ា អាមេរិក កាណាដា អូស្ត្រាលី នូវែលសេឡង់ បានចំនួន ៣១ ៩១៣ តោន គិតជាទឹកប្រាក់ចំនួន ២៧.៤២ លានដុល្លារ។

នៅថ្ងៃដដែលនេះ នៅទីស្ដីការក្រសួងពាណិជ្ជកម្ម លោកស្រី រដ្ឋមន្ត្រីក្រសួងពាណិជ្ចកម្ម បានអញ្ជើញដឹកនាំកិច្ចប្រជុំវឌ្ឍនភាពការងារស្ដីពីការនាំចេញទោចក្រយាននៅកម្ពុជា ដែលមានវត្តមានអញ្ជើញចូលរួមដោយបណ្តាក្រុមហ៊ុនដែលជាអ្នកផលិត និងនាំចេញទោចក្រយាននៅប្រទេសកម្ពុជា។

កិច្ចប្រជុំនេះផងដែរ មានគោលបំណងដើម្បីពិនិត្យដោះស្រាយបញ្ហាប្រឈម និងគិតគូរសម្របសម្រួលលើនីតិវិធីនៃការនាំចេញ ក្នុងន័យលើកកម្ពស់ភាពប្រកួតប្រជែង និងជំរុញកំណើននៃការនាំចេញទោចក្រយានពីប្រទេសកម្ពុជា។

កម្ពុជារកចំណូលបានជាង ២០៥ លានដុល្លារពីការនាំចេញកង់ និងកង់អគ្គិសនីទៅកាន់ទីផ្សារបរទេសក្នុងឆមាសទី១កន្លងមកនេះដោយថយចុះជាង ៣៨ ភាគរយ ពី៣៣២ លានដុល្លារ ធៀបនឹងរយៈពេលដូចគ្នាកាលពីឆ្នាំមុន។

ផលិតផលកង់បានក្លាយជាផលិតផលផលិតដ៏សំខាន់មួយរបស់កម្ពុជាជាមួយនឹងផលិតផលសម្លៀកបំពាក់ ស្បែកជើង ផលិតផលធ្វើដំណើរ គ្រឿងអេឡិចត្រូនិក និងផលិតផល កសិកម្ម៕

The post កម្ពុជា កំពុងចរចាជាមួយដៃគូពិនិត្យលទ្ធភាពនាំចេញអង្ករ និងទោចក្រយាន appeared first on .

រំលឹកផងដែរថា ការហាមឃាត់ទៅលើការនាំចេញអង្កររបស់រុស្ស៊ី ត្រូវបានដាក់ចេញជាដំបូង តាំងពីថ្ងៃទី១ ខែកក្កដា ឆ្នាំ២០២២ មកម្លេះ បន្ទាប់ពីមានបញ្ហានៅក្នុងរោងចក្រថាមពលវារីអគ្គិសនី Fedorovsky ក្នុងទីក្រុង Kuban ដែលឧបទ្ទវហេតុនេះ បានធ្វើឲ្យប៉ះពាល់យ៉ាងខ្លាំងដល់ទិន្នផលស្រូវអង្កររបស់រុស្ស៊ី។

ចាប់តាំងពីពេលនោះមក រដ្ឋាភិបាលរុស្ស៊ី បានបន្តហាមឃាត់ការនាំចេញអង្កររបស់ខ្លួនជាបន្តបន្ទាប់ ដែលដំបូងឡើយគ្រោងនឹងត្រូវបិទបញ្ចប់វិញ នៅត្រឹមថ្ងៃទី៣០ ខែមិថុនា ឆ្នាំ២០២៤ នេះ។

ប៉ុន្តែទោះជាយ៉ាងណាក៏ដោយ រដ្ឋាភិបាលរុស្ស៊ី កាលពីពេលថ្មីៗនេះ បានសម្រេចបន្តហាមឃាត់ការនាំចេញអង្កររបស់ខ្លួនជាបណ្តោះអាសន្ន រហូតដល់ដំណាច់ឆ្នាំ២០២៤ នេះតែម្តង ដើម្បីធានាដល់សន្តិសុខស្បៀងអាហារ និងធ្វើឲ្យមានស្ថិរភាពទីផ្សារអង្ករក្នុងស្រុក។

ជម្រាបជូនផងដែរថា ការហាមប្រាមនេះ នឹងមិនធ្វើឲ្យប៉ះពាល់ដល់ការនាំចេញទៅកាន់ប្រទេសដែលជាសមាជិកនៃសហភាពសេដ្ឋកិច្ចអឺរ៉ាស៊ីនោះឡើយ។ ហើយបន្ថែមពីនេះ អង្ករ និង​ស្រូវ​ដែលផលិតនៅ​រុស្ស៊ី​ ក៏នៅតែ​អាច​ដឹកជញ្ជូន​ទៅ​ក្រៅប្រទេស​បាន តាមរយៈជំនួយ​មនុស្សធម៌៕

The post រដ្ឋាភិបាលរុស្ស៊ី បន្តហាមឃាត់ការនាំចេញអង្កររបស់ខ្លួន រហូតដល់ដំណាច់ឆ្នាំ២០២៤ នេះ appeared first on .

ក្រសួងបានបន្ថែមឲ្យដឹងទៀតថា សម្រាប់តួលេខនៃការនាំចេញនេះមានការកើនឡើង ១០,៤% គិតនៅក្នុងបរិមាណ និង ៣២% គិតនៅក្នុងតម្លៃ បើធៀបទៅនឹងរយ:ពេលដូចគ្នា កាលពីឆ្នាំមុន។

គួរឲ្យដឹងថា វៀតណាមប្រមូល​ផល​ស្រូវ​នៅលើផ្ទៃដីចំនួន ៣,៤៨ លាន​ហិកតា​ ក្នុង​ឆមាស​ទី១ ឆ្នាំ ២០២៤ នេះ កើន​ឡើង ០,៥% ​ធៀប​នឹង​ឆ្នាំ​មុន។ ទិន្នផលជាមធ្យមឈានដល់ ៦,៧ តោនក្នុងមួយហិកតា ដែលធ្វើឲ្យទិន្នផលអង្ករសរុបកើនឡើងដល់ ២៣,៣ លានតោន។

ទន្ទឹមនឹងនោះ វៀតណាម ក៏បានចំណាយថវិកាប្រមាណ ៦៧០លានដុល្លារ លើការនាំចូលអង្ករពីប្រទេសផ្សេងទៀតផងដែរ ដោយក្នុងនោះភាគច្រើននាំចូលពីប្រទេសកម្ពុជា និងឥណ្ឌា។

ជម្រាបជូនផងដែរថា បើទោះបី​ជា​ប្រទេស​នាំ​ចេញ​អង្ករ​ធំ​បំផុតទី​ពីរ​របស់​ពិភពលោក​ក៏​ដោយ ប៉ុន្តែវៀតណាម​ នៅ​តែបន្ត​នាំ​ចូល​អង្ករ​ប្រភេទ​មួយចំនួន សម្រាប់​ផលិតជា​ចំណី​សត្វដើម្បីបំពេញតម្រូវការក្នុងស្រុកបន្ថែម៕

The post ត្រឹមឆមាសទី១ វៀតណាម កើបចំណូលពីការនាំចេញអង្ករជិត ៣ពាន់លានដុល្លារ appeared first on .

សហព័ន្ធស្រូវអង្ករកម្ពុជា បានឱ្យដឹងថា ក្រោមកិច្ចយកចិត្តទុកដាក់របស់រាជរដ្ឋាភិបាលក្នុងការជំរុ​ញ​ការនាំចេញផលិតផលកសិកម្មកម្ពុជាដែលក្នុងនោះក៏មានអង្ករផងដែរ តាមរយៈថវិកាបដិភាគរបស់សហគ្រិន​ខ្មែរ​ (Khmer Enterprise) ស​ហ​​​​​ព័​ន្ធ​ស្រូវអង្ករកម្ពុជាបានដឹកនាំក្រុមហ៊ុននាំចេញនាំមុខចំនួន ៤ ក្រុមហ៊ុន រួមមាន៖១.ក្រុមហ៊ុន KAMPONG THOM RICE MILL LIMITED ២.ក្រុមហ៊ុន KHMER FOODS GROUP CO.,LTD ៣.PRIMALIS CORPERATION.,LTD និង៤. SINGATURE OF ASIA CO., LTD ​ដើម្បីចូលរួមការដាក់តាំងបង្ហាញនូវផលិតផលអង្ករ ​ ដែ​ល​​​​មា​នគុណភាពល្អបំផុតរបស់កម្ពុជា និងធ្លាប់បានឈ្នះពានរង្វាន់អង្ករល្អបំផុតពិភពលោក នៅក្នុងការតាំងពិព័រណ៍ The Saudi Food Show នៅទីក្រុង Riyadh ប្រទេសអារ៉ាប៊ីសាអូឌីត​ដែលកម្មវិធីនេះបានប្រព្រឹត្តិឡើងនាថ្ងៃទី​២១ ដល់ថ្ងៃទី២៣ ខែឧសភា ឆ្នាំ​២០២៤។​

សហព័ន្ធស្រូវអង្ករកម្ពុជាបន្តថា ការចូលរួមព្រឹត្តិការណ៍ The Saudi Food Sho​​w នេះ គឺជាការចូលរួមលើកដំបូងរបស់ប្រទេសកម្ពុជា​ ដែលសហព័ន្ធស្រូវអង្ករកម្ពុជាបានរៀបចំនូវពន្លាជាតិមួយយ៉ាងស្រស់ស្អាតទំហំ ៦០ម៉ែត្រការ៉េ។

បើតាមសហព័ន្ធស្រូវអង្ករ បានបញ្ជាក់ថា ការចូលរួមនៅក្នុងព្រឹត្តិការណ៍តាំងពិព័រណ៍នៅក្នុងតំបន់មជ្ឈឹមបូព៌ានេះ គឺក្នុងគោលបំណងក្នុងការធ្វើពិពិធកម្មទីផ្សារដែលស្របតាមគោលនយោបាយរបស់រាជរដ្ឋាភិបាលដែលមានក្រសួងពាណិជ្ជកម្ម និងក្រសួងកសិកម្ម រុក្ខាប្រមា​ញ់ និងនេសាទ ជាសេនាធិការក្នុងការជំរុញផលិតផលចូលក្នុងទីផ្សារ និងការដាំដុះតម្រូវតាមទីផ្សារ។ ការចូលរួមពិព័ណ៍នេះ គឺទទួលបានការចាប់អារម្មណ៍យ៉ាងច្រើនពីភ្ញៀវជាអាជីព ព្រោះជាលើកទី១ ដែលឃើញមានបញ្ជីឈ្មោះប្រទេសកម្ពុជា និងទង់ជ័យកម្ពុជានៅក្នុងព្រឹត្តិការណ៍តាំងពិព័រណ៍ម្ហូបអាហារអន្តរជាតិមួយនេះ ស្ថិតនៅក្នុងចំណោម ក្រុមហ៊ុនចំនួនជាង ១០០០ ក្រុមហ៊ុន ដែលតាំងបង្ហាញផលិតផលម្ហូបអាហារចំនួនជាង ១០០ ០០០ ប្រភេទ​មកពី៩៧ ប្រទេសនៅលើពិភពលោក។

គួរបញ្ជាក់ដែរថា ប្រទេសអារ៉ាប៊ីសាអូឌីត ជាប្រទេសធំជាងគេនៅក្នុងតំបន់មជ្ឈឹមបូព៌ាកំពុងមានសេដ្ឋកិច្ចរីកចម្រើនយ៉ាងគួរឱ្យក​ត់​សម្គាល់ដែលជាទីផ្សារមានសក្តានុពលសម្រាប់អង្ករកម្ពុជាទៅក្នុងប្រទេសនេះផ្ទាល់ និងជាទីតាំងចែកចាយបន្តនៅពេលអនាគតសម្រាប់តំបន់មជ្ឈឹមបូព៌ា និងអាហ្វ្រិកផងដែរ។ ទីផ្សារនៅក្នុងតំបន់ទាំងពីរនេះមានការកើនឡើងគួរឱ្យកត់សម្គាល់គឺតំបន់មជ្ឈឹមបូព៌ា បានកើនពី ១ ៣៩៨ តោន នៅឆ្នាំ២០១៥ កើនដល់ ៧ ៥២១ តោននៅឆ្នាំ២០២៣ ហើយទីផ្សារក្នុងតំបន់អាហ្វ្រិកកើនពី ៤ ២៨៤ តោន នៅក្នុងឆ្នាំ២០១៥ កើនដល់ ៥២ ៨២៨ តោននៅឆ្នាំ២០២៣។ ការចូលរួមក្នុង ព្រឹត្តិការណ៍ The Saudi Food Sho​​w នេះក៏បានជួយឱ្យអង្ករកម្ពុជាកាន់តែមានសក្តានុពល​ពង្រីកវិសាលភាពទីផ្សារនាំចេញអង្ករបន្ថែមទៀត៕ អត្ថបទ៖ រង្សី

The post ក្រុមហ៊ុននាំចេញអង្ករចំនួន៤ បានចូលរួមតាំងពិព័រណ៍ម្ហូបអាហារអន្តរជាតិ លើកដំបូងនៅអារ៉ាប៊ីសាអូឌីត appeared first on .

យោងតាមការចុះផ្សាយពីសារព័ត៌មាន VNExpress បានបង្ហាញថា ការនាំចូលអង្កររបស់ប្រទេសសិង្ហបុរី នៅត្រីមាសទីមួយគឺមានរហូតដល់ ១១២,៩លានដុល្លារសាំងហ្គាពួរ កើនឡើងជិត ២៤% បើធៀបនឹងរយៈពេលដូចគ្នាកាលពីឆ្នាំមុន។

ក្នុងនោះផងដែរ វៀតណាមរ៉ាប់រងការផ្គត់ផ្គង់អង្ករ ៣៦,១៥លានដុល្លារសាំងហ្គាពួរ កើនឡើងរហូតដល់ ៨០,៥% ស្របពេលឥណ្ឌាផ្គត់ផ្គង់បាន ៣៣,៦៣លានដុល្លារសាំងហ្គាពួរ និងថៃ ៣៣,១៦លានដុល្លារសាំងហ្គាពួរ។

សូមជម្រាបដែរថា ក្រៅពីអង្ករធម្មតា វៀតណាមក៏កាន់កាប់ចំណែកទីផ្សារអង្ករដំណើបដល់ទៅ ៨០% និងអង្ករស្រូវក្រអូប ៧៣,៣% នៅប្រទេសសិង្ហបុរីថែមទៀត ខណៈគូប្រជែងធំៗរបស់វៀតណាមសព្វថ្ងៃនេះគឺមាន ថៃ ឥណ្ឌា និងជប៉ុន៕

The post វៀតណាមវ៉ាដាច់ឥណ្ឌា និងថៃ ក្លាយជាអ្នកផ្គត់ផ្គង់អង្ករធំបំផុតរបស់សិង្ហបុរី appeared first on .

ការឯកភាពនេះ បានធ្វើឡើងនាព្រឹកថ្ងៃទី៤ ខែមីនា ឆ្នាំ២០២៤  ក្នុងពេលថ្នាក់ដឹកនាំទាំងពីរបានជួបពិភាក្សាការងារទ្វេភាគី ក្នុងឱកាសចូលរួមកិច្ចប្រជុំកំពូលពិសេស អាស៊ាន-អូស្រ្តាលី នៅទីក្រុងម៉ែលប៊ន ប្រទេសអូស្ត្រាលី។

ក្នុងជំនួបនេះ ថ្នាក់ដឹកនាំទាំងពីរបានពិភាក្សាគ្នាលើវិស័យសំខាន់ ដែលជាកម្មវត្ថុនៃការពង្រឹង និងពង្រីកកិច្ចសហប្រតិបត្តិការបន្ថែម និងជាផលប្រយោជន៍រួមរវាងកម្ពុជា និងហ្វីលីពីន ដែលរួមមានដូចជា៖ វិស័យពាណិជ្ជកម្ម វិស័យការពារជាតិ និងការតភ្ជាប់។

 ក្នុងវិស័យពាណិជ្ជកម្ម ថ្នាក់ដឹកនាំទាំងពីរបានឯកភាពគ្នា ដើម្បីសម្របសម្រួល និងជំរុញការនាំចេញអង្ករពីកម្ពុជាទៅហ្វីលីពីន និងបានជំរុញបន្ថែមការភ្ជាប់ទំនាក់ទំនងរវាងវិស័យឯកជនបន្ថែមទៀត ដើម្បីបង្កើនកាលានុវត្តភាពពាណិជ្ជកម្មនៃប្រទេសទាំងពីរ។

ដោយក្នុងនោះ៖ ចំពោះការតភ្ជាប់ ថ្នាក់ដឹកនាំទាំងពីរបានកត់សម្គាល់ពីសារៈសំខាន់នៃវិស័យទេសចរណ៍ ដោយ សម្តេចធិបតី និងប្រធានាធិបតី បានឯកភាពគ្នា ដើម្បីសិក្សា និងជំរុញការតភ្ជាប់ជើងហោះហើរបន្ថែមទៀត និងការតភ្ជាប់ទៅកាន់គោលដៅទេសចរណ៍ផ្សេងៗ រវាងប្រទេសទាំងពីរឱ្យបានកាន់តែសម្បូរបែប»។

គួរបញ្ជាក់ដែរថា តាមរយៈជំនួបនេះ ក្រៅពីឯកភាពគ្នាបន្តជំរុញការនាំចេញអង្ករ និងការតភ្ជាប់ជើងហោះហើរហើយនោះ ថ្នាក់ដឹកនាំទាំងពីរ ក៏បានវាយតម្លៃខ្ពស់លើកិច្ចសហប្រតិបត្តិការល្អប្រសើរនាពេលកន្លងមក ខណៈថ្នាក់ដឹកនាំទាំងពីរ ក៏បានប្ដេជ្ញាលើការបន្តពង្រឹង និងពង្រីកកិច្ចសហប្រតិបត្តិការលើវិស័យការពារជាតិបន្ថែមទៀត ដើម្បីឈានទៅដល់ការធ្វើលំហាត់រួមគ្នាទ្វេភាគីនាថ្ងៃអនាគត។ ក្រៅពីនេះ ថ្នាក់ដឹកនាំទាំងពីរក៏បានពិភាក្សាលើការងារមួយចំនួនទៀតពាក់ព័ន្ធទៅនឹងបញ្ហាក្នុងតំបន់ និងអន្តរជាតិ ដែលជាផលប្រយោជន៍រួម រវាងកម្ពុជា-ហ្វីលីពីនផងដែរ ៕ អត្ថបទ៖ រង្សី

The post កម្ពុជា-ហ្វីលីពីន ឯកភាពគ្នា បន្តជំរុញការនាំចេញអង្ករ និងការតភ្ជាប់ជើងហោះហើរបន្ថែមទៀត appeared first on .

អង្ករចំនួន ៧,៧៥ លានតោនត្រូវបាននាំចេញ ក្នុងអំឡុងរយ:ពេល ១១ខែដំបូងឆ្នាំនេះ ជាមួយនឹងការទាញបានប្រាក់ចំណូលសរុប ៤,៤១ពាន់លានដុល្លារ ពោលគឺបានកើនឡើង ១៦,២% ចំពោះចំនួន និង ៣៦,៣% ចំពោះតម្លៃ បើធៀបទៅនឹងពេលដូចគ្នាកាលពីឆ្នាំមុន។

តម្លៃនៃការនាំចេញមធ្យម វៀតណាមទទួលបាន ៥៦៨ដុល្លារ ក្នុងមួយតោន ក្នុងអំឡុងពេលនេះ ពោលគឺបានកើនឡើង ១៧,៣% បើធៀបទៅនឹងឆ្នាំមុន។ នេះបើតាមការបញ្ជាក់ពីនាយកដ្ឋានគុណភាព កែច្នៃ និងទីផ្សារ ដែលស្ថិតក្រោមក្រសួងកសិកម្ម និងអភិវឌ្ឍជនបទវៀតណាម (MARD)។

ក្នុងសិក្ខាសាលាមួយដែលរៀបចំឡើងនៅខេត្ត Hau Giang កាលពីថ្ងៃទី១៣ ខែធ្នូកន្លងទៅ អនុរដ្ឋមន្ត្រី MARD លោក Tran Thanh Nam បានឲ្យដឹងថាស្រូវអង្ករបានដើរតួនាទីយ៉ាងសំខាន់ ក្នុងវិស័យកសិកម្មរបស់វៀតណាម និងប្រទេសជាច្រើនក្នុងតំបន់ ក៏ដូចជានៅលើពិភពលោក។

ទន្ទឹមនឹងនេះ លោក Tran ​បានព្យាករ​ទៀតថា ទីផ្សារ​អង្ករ​ក្នុង​ស្រុក និង​អន្តរជាតិ​នឹង​នៅ​តែមានភាព​រស់​រវើក​នា​ពេល​ខាង​មុខ ដោយសារ​តម្រូវ​ការ​នាំ​ចូល​ដ៏​ច្រើន​ពី​ប្រទេស​ចិន ឥណ្ឌូនេស៊ី ហ្វីលីពីន តំបន់មជ្ឈិមបូព៌ា និង​អាហ្វ្រិក៕

The post វៀតណាម រំពឹងថាការនាំចេញអង្កររបស់ខ្លួនកើនឡើងដល់ ៥ពាន់លានដុល្លារនៅឆ្នាំនេះ appeared first on .