សិក្ខាសាលានេះ ត្រូវបានរៀបចំឡើងក្នុងគោលបំណងដើម្បីផ្សព្វផ្សាយគោលនយោបាយរបស់កម្ពុជាលើកិច្ចការងារវិនិយោគ ពិសេសការចូលរួមរបស់ក្រុមប្រឹក្សាអភិវឌ្ឍន៍កម្ពុជាក្នុងកិច្ចការងារទាក់ទាញ សម្របសម្រួល និងថែទាំវិនិយោគ សំដៅជំរុញកម្ពុជាចូលរួមឱ្យបានកាន់តែប្រសើរក្នុងខ្សែច្រវាក់ផ្គត់ផ្គង់របស់ពិភពលោក។ តាមរយៈច្បាប់ស្ដីពីវិនិយោគ កម្ពុជាបានបើកចំហរ និងផ្ដល់ការលើកទឹកចិត្តជាច្រើនជូនវិនិយោគិន លើវិស័យជាអាទិភាពនានា។

លើសពីនេះ សិក្ខាសាលាខាងលើ កម្ពុជាបានបង្ហាញនូវជម្រើសជាវិជ្ជមានដែលវិនិយោគិន ពិសេសវិនិយោគិនជប៉ុន គួរសម្រេចចិត្តពង្រីកផលិតកម្មរបស់ខ្លួនតាមរយៈយន្តការប្រទេសបូក ដោយទាញយកសក្ដានុពលដែលកម្ពុជាអាចផ្ដល់ជូនក្នុងខ្សែច្រវ៉ាក់ផលិតកម្មនោះ។

លោក ស៊ុន ចាន់ថុល ឧបនាយករដ្ឋមន្រ្តី អនុប្រធានទី១​ក្រុមប្រឹក្សាអភិវឌ្ឍន៍កម្ពុជា បានជម្រាបជូនអំពីភាពអំណោយផលនៃស្ថិរភាពនយោបាយ, ស្ថិរភាពម៉ាក្រូសេដ្ឋកិច្ច, មានរដ្ឋាភិបាលដែលគាំទ្រធុរកិច្ច, មានទីផ្សារសេរី និងមានភាពទូលំទូលាយតាមរយៈយន្តការកិច្ចព្រមព្រៀងពាណិជ្ជកម្មសេរីទ្វេភាគី ពហុភាគី បូករួមទាំងការចូលប្រើប្រាស់កូតាដោយឥតគិតថ្លៃទៅកាន់ទីផ្សារសំខាន់ៗជាច្រើនដែលកម្ពុជាទទួលបាន, កម្លាំងពលកម្មវ័យក្មេង ដែលប្រកបទៅដោយជំនាញ ភាពស្វាហាប់ និងអាចបណ្តុះបណ្តាលបាន, ពិសេសកម្ពុជាបាននិងកំពុងកសាងហេដ្ឋារចនាសម្ព័ន្ធពាសពេញផ្ទៃប្រទសដែលគាំទ្រដល់ធុរកិច្ចផងដែរ។

លោកបន្តថា តាមរយៈសក្ដានុពលទាំងនេះ កម្ពុជាបានត្រៀមខ្លួនរួចរាល់ក្នុងការសម្របសម្រួលការវិនិយោគរបស់គ្រប់បណ្ដាវិនិយោគិនដែលជ្រើសរើសការបណ្ដាក់ទុននៅកម្ពុជា

សូមបញ្ជាក់ផងដែរថា កម្មវិធីនេះក៏មានការចូលរួមពីសមាគមធុរកិច្ចជប៉ុនប្រចាំកម្ពុជា (JBAC), សភាពាណិជ្ជកម្មជប៉ុន បាងកក (JCC), ថ្នាក់ដឹកនាំពីក្រសួងស្ថាប័នរបស់កម្ពុជា វិស័យឯកជន ដែលបានចូលរួមដោយផ្ទាល់ និងតាមប្រពន្ធ័វីឌីអូពីចម្ងាយ (Zoom) ចំនួនប្រមាណ ២០០នាក់៕

The post សិក្ខាសាលាជំរុញ និងទាក់ទាញវិនិយោគ នៅបាងកក បានផ្សព្វផ្សាយសក្កានុពលវិនិយោគកម្ពុជា លើការវិនិយោគ ការទាក់ទាញ ការថែទាំវិនិយោគ appeared first on .

នេះបើតាមការលើកឡើងរបស់លោក សរ សិនិរ៉ា អគ្គលេខាធិការរងគណៈកម្មាធិការវិនិយោគកម្ពុជា ក្នុងសិក្ខាសាលា ស្ដីពី “ការជំរុញការវិនិយោគ និងភាពជាដៃគូរវាងរដ្ឋ និងឯកជន” ក្នុងកម្មវិធីគ្រប់គ្រងកម្រិត២ ដែលរៀបចំដោយសាលាជាតិរដ្ឋបាលមូលដ្ឋាន ក្រសួងមហាផ្ទៃ កាលពីថ្ងៃទី២៣ ខែតុលា ឆ្នាំ២០២៤។

នាឱកាសនោះ លោក សរ សិនិរ៉ា បានឱ្យដឹងថា ក្រោយវិបត្តិកូវីដ-១៩ សន្ទុះនៃការវិនិយោគផ្ទាល់ពីបរទេស (FDI) នៅកម្ពុជាមានការកើនឡើងវិញជាបន្តបន្ទាប់។ ជាក់ស្តែង ឆមាសទី១ ឆ្នាំ២០២៤ ក.អ.ក បានទទួលចុះបញ្ជីគម្រោងវិនិយោគសរុបចំនួន ១៩០ គម្រោង ក្នុងទំហំទុនវិនិយោគសរុបប្រមាណ ៣.២៥៨ លានដុល្លារអាម៉េរិក ដែលអាចបង្កើតការងារបាន ប្រមាណ ១៦៩ ពាន់កន្លែង។

ដោយឡែក ក្នុងខែកញ្ញាកន្លងទៅថ្មីៗនេះ ក្រុមប្រឹក្សាអភិវឌ្ឍន៍កម្ពុជា បានចុះបញ្ជីគម្រោងវិនិយោគចំនួន ២៨ គម្រោង ក្នុងទំហំទុនវិនិយោគសរុបប្រមាណ ៤៤៣ លាន ដុល្លារអាម៉េរិក  ដែលអាចបង្កើតការងារបានប្រមាណ ២៥ ពាន់កន្លែងបន្ថែមទៀត។

ដើម្បីជាមូលដ្ឋាននៃពុទ្ធិ និងជាឃ្លាំងព័ត៌មានសម្រាប់ផ្សព្វផ្សាយបន្ត លោក ក៏បានរំលេចជូនសិក្ខាកាមនូវកត្តាអំណោយផលរបស់កម្ពុជា ដែលជាភាពទាក់ទាញដល់ការវិនិយោគផ្ទាល់ពីបរទេស ក្នុងខណៈដែលសកលលោកកំពុងស្ថិតក្នុងស្ថានភាពតានតឹងផ្នែកភូមិសាស្រ្តនយោបាយ ទន្ទឹមនឹងការណ៍ដែលរាជរដ្ឋាភិបាលកម្ពុជា តែងតែ នឹងបន្តរ យកចិត្តទុកដាក់ខ្ពស់ចំពោះ សេវាថែទាំវិនិយោគ តាមរយៈយន្តការរាជរដ្ឋាភិបាល-ផ្នែកឯកជន និងយន្តការផ្សេងៗទៀត។ ដោយឡែក ក្រៅពីការវិនិយោគផ្ទាល់ ១០០ % វិនិយោគិនក៏បានពិចារណាការវិនិយោគក្រោមរូបភាពជាដៃគូជាមួយរដ្ឋ ទៅតាមច្បាប់បទប្បញ្ញត្តិជាធរមានផងដែរ។

សូមជម្រាបជូនថា ឆ្នាំ២០២៥ដល់២០២៧ កម្ពុជារំពឹងថា រំហូរវិនិយោគផ្ទាល់ពីបរទេសនឹងបន្តកើនដល់ក្នុងរង្វង់ជាមធ្យមប្រមាណ ៨,៦% នៃ ផ.ស.ស. ប្រមាណ ៤ ២៥០ លានដុល្លារអាមេរិក សមមូលនឹងប្រមាណ ៩,០% នៃ ផ.ស.ស. ដោយសារការបន្តកើននូវទំនុកចិត្តវិនិយោគ ជាមួយនឹងបរិយាកាសកាន់តែអំណោយផលសម្រាប់ការវិនិយោគនៅកម្ពុជា តាមរយៈការអនុវត្ត «ច្បាប់ ស្តីពីវិនិយោគនៃព្រះរាជាណាចក្រកម្ពុជា និងគោលនយោបាយគាំទ្រមួយចំនួនទៀត៕

The post ក្រោយវិបត្តិកូវីដ-១៩ សន្ទុះនៃការវិនិយោគផ្ទាល់ពីបរទេស (FDI) នៅកម្ពុជា មានការកើនឡើងវិញជាបន្តបន្ទាប់ appeared first on .

របាយការណ៍ក្រុមប្រឹក្សាអភិវឌ្ឍន៍កម្ពុជា (CDC) បានឱ្យដឹងថា កម្ពុជាត្រៀមខ្លួនរួចជាស្រេចក្នុងការក្លាយជាមជ្ឈមណ្ឌលប្រមូលផ្តុំសកម្មភាពផលិតគ្រឿងបង្គំយានយន្ត។ ទីតាំងយុទ្ធសាស្ត្រនៅចំកណ្តាលតំបន់អាស៊ីអាគ្នេយ៍ ក៏ដូចជាកម្លាំងពលកម្មវ័យក្មេង និងស្វាហាប់ ព្រមទាំងកិច្ចព្រមព្រៀងពាណិជ្ជកម្មដែលមានភាពអនុគ្រោះ សម្រាប់ការនាំចេញទៅទីផ្សារសំខាន់ៗ ធ្វើឱ្យកម្ពុជាក្លាយជាគោលដៅវិនិយោគដ៏ទាក់ទាញ និងមានសក្តានុពលសម្រាប់វិនិយោគិនក្នុងវិស័យយានយន្ត។

CDC បន្តថា ចំនួនក្រុមហ៊ុនផ្តុំដំឡើងយានយន្ត និងក្រុមហ៊ុនផលិតគ្រឿងបង្គំយានយន្តមានការកើនឡើងជាបន្តបន្ទាប់នៅកម្ពុជា។ បច្ចុប្បន្ន ប្រទេសជប៉ុន កូរ៉េ និងចិន គឺជាប្រភពទុនវិនិយោគសំខាន់ជាងគេ ខណៈដែលប្រទេសថៃ និងជប៉ុន គឺជាទីផ្សារនាំចេញធំជាងគេរបស់កម្ពុជា។ វត្តមាននៃក្រុមហ៊ុនផ្តុំដំឡើងយានយន្ដល្បីៗជាច្រើននៅកម្ពុជា ដូចជា ក្រុមហ៊ុន Toyota និង RMA ព្រមទាំងក្រុមហ៊ុនផលិតគ្រឿងបង្គំដូចជា Denso និង Sumitomo ជាដើម ដែលបញ្ជាក់ពីភាពជោគជ័យរបស់វិស័យយានយន្តនៅកម្ពុជា និងសក្តានុពលរបស់វិស័យនេះនាពេលអនាគត។

បើតាម CDC ក្នុងរយៈពេលមួយទសវត្សរ៍កន្លងមកនេះ ទុនវិនិយោគក្នុង វិស័យយានយន្តរបស់កម្ពុជាមានការកើនឡើងយ៉ាងខ្លាំង ទាំង ក្នុងសកម្មភាពផ្តុំដំឡើងយានយន្ត និងផលិតគ្រឿងបង្គំយានយន្ត។ក្នុងនោះ ទុនវិនិយោគសរុបប្រមាណ ១.៦៨៧ លានដុល្លារអាម៉េរិក (គិតត្រឹមខែមេសា ឆ្នាំ២០២៤)។

ទន្ទឹមនឹងនោះ ទោចក្រយានយន្ត (ម៉ូតូ) ប្រមាណ ៤០ ម៉ឺន គ្រឿងត្រូវបានផលិតជាប្រចាំឆ្នាំ ម៉ូតូគឺជាទីផ្សារមួយដ៏ធំរបស់កម្ពុជាដែលនេះជាមូលហេតុ ទាក់ទាញឱ្យក្រុមហ៊ុនតម្លើង និងផលិតគ្រឿងបង្គំយានយន្តជា ច្រើនមកធ្វើការបោះទុនវិនិយោគនៅកម្ពុជាផងដែរ៕

The post មួយទសវត្សរ៍កន្លងមកនេះ ទុនវិនិយោគក្នុងវិស័យយានយន្តរបស់កម្ពុជាមានការកើនឡើងយ៉ាងខ្លាំង appeared first on .

ថ្លែងក្នុងជំនួបពិភាក្សានាក្រុងសាន់ហ្វ្រាន់ស៊ីស្កូ សហរដ្ឋអាម៉េរិក កាលថ្ងៃទី២៣ ខែកញ្ញា ឆ្នាំ២០២៤ លោកស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា បានថ្លែងអរគុណចំពោះ លោក Chris Larsen និងលោកស្រី Lyna Lam ដែលជាបុគ្គលលេចធ្លោក្នុងវិស័យឧស្សាហកម្មបច្ចេកវិទ្យា មានដើមកំណើតខ្មែរ ដែលបានចំណាយពេលវេលាជជែកពិភាក្សាអំពីបច្ចុប្បន្នភាពនៃកម្ពុជាជុំវិញការងារអភិវឌ្ឍសង្គម-សេដ្ឋកិច្ច និងការជំរុញវិនិយោគពីវិស័យឯកជន។

លោកឧបនាយករដ្ឋមន្ត្រី ក៏បានសំណូមពរទៅកាន់ភាគីម៉េរិក ឱ្យជួយបញ្ជ្រាបអំពីវប្បធម៌ប្រពៃណីដ៏ផូរផង់របស់ជាតិយើងទៅកាន់សហគមន៍ ព្រមទាំងជួយពាំនាំនូវបច្ចុប្បន្នភាពនៃបរិយាកាសវិនិយោគនៅកម្ពុជា ផ្សព្វផ្សាយទៅកាន់បណ្តាញធុរកិច្ចទាំងក្នុងទីក្រុងសាន់ហ្វ្រាន់ស៊ីស្កូ ក៏ដូចជាក្នុងសហរដ្ឋអាម៉េរិកទាំងមូល ឱ្យកាន់តែទូលំទូលាយបន្ថែមទៀត។

បន្ថែមពីនេះ លោក ស៊ុន ចាន់ថុល ក៏បានធ្វើការអញ្ជើញ លោក Chris Larsen និងលោកស្រី Lyna Lam ធ្វើទស្សនកិច្ចមកកាន់ប្រទេសកម្ពុជា ដើម្បីបានសិក្សាស្វែងយល់បន្ថែមដោយផ្ទាល់ទៅលើទិដ្ឋភាពទូទៅនៃសង្គម ស្ថានភាពសេដ្ឋកិច្ច បរិយាកាសវិនិយោគ និងសក្តានុពលនានា ដើម្បីបានជាមូលដ្ឋានក្នុងការពិចារណា ពិនិត្យលទ្ធភាពក្នុងការសម្រេចចិត្តបោះទុនវិនិយោគនាពេលអនាគត ជាពិសេសក្នុង វិស័យឧស្សាហកម្មបច្ចេវិទ្យា។

សូមបញ្ជាក់ដែរថា យោងតាមរបាយការណ៍របស់ក្រុមប្រឹក្សាអភិវឌ្ឍន៍កម្ពុជា (CDC) កាលពីពេលថ្មីៗនេះបានឱ្យដឹងថា ក្នុងរយៈពេល១ឆ្នាំ ពោលគឺពីខែកញ្ញា ឆ្នាំ២០២៣ ដល់ខែ សីហា ឆ្នាំ២០២៤ នៃរាជរដ្ឋាភិបាលកម្ពុជា នីតិកាលទី៧ CDC បានអនុម័តគម្រោងវិនិយោគ ៣៩១ គម្រោង ដែលមានទុនវិនិយោគសរុបជាង ៧,៥ពាន់លានដុល្លារ និងអាចបង្កើតការងារ ៣៤១.០០០ កន្លែង។

យ៉ាងណាមិញ តាមរយៈជំនួបខាងលើនេះដែរ ប្រភិភូនៃក្រុមប្រឹក្សាអភិវឌ្ឍន៍កម្ពុជា ក៏បានបង្ហាញនូវសុទិដ្ឋិនិយមថា តាមរយៈជំនួបនេះ និងទស្សនកិច្ចដែលនឹងអាចកើតមាននៅពេលខាងមុខ នឹងធ្វើឱ្យទំនាក់ទំនងរវាងប្រទេសទាំងពីរ កម្ពុជា-អាម៉េរិក កាន់តែមានភាពល្អប្រសើរឡើង ហើយចំនួនវិនិយោគិនអាម៉េរិកនៅកម្ពុជា ក៏នឹងមានការកើនឡើងថែមមួយកម្រិតទៀតផងដែរ៕ អត្ថបទទ៖ រង្សី

The post ប្រភិភូកម្ពុជា ជួបបុគ្គលលេចធ្លោរបស់អាមេរិក ដើម្បីជំរុញការវិនិយោគក្នុងវិស័យឧស្សាហកម្មបច្ចេកវិទ្យា appeared first on .

នេះបើយោងតាមជំនួបពិភាក្សាការងាររវាង លោក ជា វុទ្ធី អគ្គលេខាធិការគណៈកម្មាធិការវិនិយោគកម្ពុជា និងសហការី​ ជាមួយគណៈប្រតិភូ ក្រុមហ៊ុន Angkor International Airport Investment (Cambodia) Co., Ltd. (AIAI) និងគណៈប្រតិភូ ក្រុមហ៊ុន China Energy Engineering Group Yunnan Electric Power Design Institute Co., Ltd (Energy China YNPD) ដឹកនាំដោយលោក Lu Wei ប្រធានក្រុមប្រឹក្សាភិបាលក្រុមហ៊ុន AIAI​ កាលថ្ងៃទី៤ ខែកញ្ញា ឆ្នាំ២០២៤។

នាឱកាសនោះ លោក Lu Wei បានឱ្យដឹងថា គោលបំណងនៃការពិភាក្សាការងារនាពេលនេះ គឺដើម្បីជម្រាបជូន ពីគម្រោងសិក្សាបឋមក្នុងការអភិវឌ្ឍតំបន់ថាមពលពិសេស ដោយបានសហការជាមួយក្រុមហ៊ុន Energy China YNPD ដែលជាក្រុមហ៊ុនចិនបង្កើតឡើងតាំងពីឆ្នាំ១៩៥៨ និងមានជំនាញផ្នែកថាមពលអគ្គិសនី។ គម្រោងតំបន់ថាមពលពិសេសនេះនឹងមានរៀបចំផលិតថាមពលអគ្គិសនីដើរដោយពន្លឺព្រះអាទិត្យ, Biomass, ថាមពលដើរដោយខ្យល់ (Wind Power) និងប្រពន្ធផ្ទុកថាមពល (Energy Storage) ផងដែរ។

ជាការឆ្លើយតប លោកអគ្គលេខាធិការ ជា វុទ្ធី បានបង្ហាញការគាំទ្រដល់គម្រោងវិនិយោគរបស់ក្រុមហ៊ុន និងបានស្នើឱ្យ ក្រុមហ៊ុនធ្វើការពិភាក្សាលម្អិតជាមួយក្រសួងរ៉ែ និងថាមពល ជាមុនសិន មុននឹងដាក់ពាក្យស្នើសុំវិនិយោគនៅ ក្រុមប្រឹក្សាអភិវឌ្ឍន៍កម្ពុជា។

សូមរម្លឹកដែរថា កាលពីថ្ងៃទី១៧ ខែខុសភា ឆ្នាំ២០២៤ កន្លងទៅ គណៈកម្មាធិការវិនិយោគកម្ពុជា បានទទួលជួបគណៈប្រតិភូ ក្រុមហ៊ុន AIAI នេះម្តងរួចមកហើយ ដែលពេលនោះក្រុមហ៊ុនបានស្នើសុំជួបពិភាក្សា ក៏ដូចស្វែងរកការគាំទ្រ ដល់គម្រោងវិនិយោគអភិវឌ្ឍតំបន់សេដ្ឋកិច្ចនៅជិតអាកាសយានដ្ឋាន ហើយដែលការវិនិយោគនោះគ្រោងនឹង ផ្តោតលើសកម្មភាពបឋមចំនួន៣ គឺ ទី១-ការវិនិយោគថាមពលកកើតឡើងវិញដើរដោយពន្លឺព្រះអាទិត្យ, ទី២- ការវិនិយោគក្នុងវិស័យទេសចរណ៍ និង ទី៣-ការវិនិយោគក្នុងវិស័យកសិកម្ម៕ អត្ថបទ៖ រង្សី

The post ក្រុមហ៊ុនវិនិយោគអាកាសយានដ្ឋានអន្តរជាតិសៀមរាបអង្គរ ចង់បង្កើតតំបន់ថាមពលពិសេសនៅកម្ពុជា appeared first on .

នេះបើយោងតាមជំនួប ពិភាក្សាការងាររវាង លោក ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា និងលោក Capt Sandeep Mehta នាយកប្រតិបត្តិ កំពង់ផែអន្តរជាតិ នៃក្រុមហ៊ុន Adani Ports and Special Economic Zone Ltd. និងសហការី នាក្រុមប្រឹក្សាអភិវឌ្ឍន៍កម្ពុជា កាលរសៀលថ្ងៃអង្គារ ទី១៣ ខែសីហា ឆ្នាំ២០២៤។

នាឱកាសនោះ ឧបនាយករដ្ឋមន្ត្រី ស៊ុន ចាន់ថុល បានបង្ហាញការស្វាគមន៍យ៉ាងកក់ក្ដៅជូនចំពោះគណៈប្រតិភូក្រុមហ៊ុនដែលអញ្ជើញធ្វើទស្សនកិច្ចធុរកិច្ចនៅកម្ពុជា ដើម្បីសិក្សាស្វែងយល់អំពីសក្តានុពលជាវិជ្ជមាននានា ជាធាតុចូលសម្រាប់ការសម្រេចចិត្តរបស់ខ្លួន។ លោក ក៏បានយកឱកាសនេះ ដើម្បីជម្រាបជូនដល់គណៈប្រតិភូអំពីផែនការអភិវឌ្ឍន៍របស់កម្ពុជា ពិសេសលើការរៀបចំហេដ្ឋារចនាសម្ព័ន្ធកំពង់ផែ និងភស្ដុភារកម្ម ដែលសុទ្ធសឹងតែពាក់ព័ន្ធនឹងមុខសញ្ញាវិនិយោគរបស់ក្រុមហ៊ុនស្រាប់។

ជាមួយគ្នានេះ តំណាងគណៈប្រតិភូក្រុមហ៊ុនខាងលើ បានថ្លែងអំណរគុណលោកឧបនាយករដ្ឋមន្ត្រី ដែលបានជម្រាបជូនអំពីផែនការអភិវឌ្ឍន៍វិនិយោគនៅកម្ពុជា ដោយក្នុងនោះលោកក៏បានបន្តស្នើសុំកិច្ចសម្របសម្រួលបន្ថែមទៀតពីក្រុមប្រឹក្សាអភិវឌ្ឍន៍កម្ពុជា ដើម្បីអាចក្រុមហ៊ុនបានសិក្សាលម្អិត និងធ្វើការវាយតម្លៃលើកាលានុវត្តភាព និងសក្ដានុពលដែលកម្ពុជាអាចផ្ដល់ជូនបានសម្រាប់ការវិនិយោគ លើវិស័យហេដ្ឋារចនាសម្ព័ន្ធពាក់ព័ន្ធ កំពង់ផែ និងភស្ដុភារកម្ម។

សូមបញ្ជាក់ដែរថា ដើម្បីជំរុញដល់ការវិនិយោគរបស់ក្រុមហ៊ុនខាងលើ ក្រុមប្រឹក្សាអភិវឌ្ឍន៍កម្ពុជា ក៏បានជម្រាបជូនអំពីបរិយាកាសវិនិយោគនៅកម្ពុជា ដែលផ្ដល់ភាពបើកចំហរជូនចំពោះវិនិយោគិន ក្នុងនោះមាន៖ ការគាំទ្រពីរាជរដ្ឋាភិបាលនិងមានក្រុមប្រឹក្សាអភិវឌ្ឍន៍កម្ពុជាជាសេនាធិការជួយសម្របសម្រួលកិច្ចការងារវិនិយោគ ពិសេសកម្ពុជាជាប្រទេសមានសុខសន្តិភាព ស្ថិរភាពនយោបាយ និងលំនឹងម៉ាក្រូសេដ្ឋកិច្ចល្អប្រសើរ ផ្ដល់លទ្ធភាពខ្ពស់ដល់ជោគជ័យភាពរបស់ធុរកិច្ចឯកជនជាដើម៕ អត្ថបទ៖ រង្សី​

The post ក្រុមហ៊ុនលំដាប់អន្តរជាតិមួយ ចាប់អារម្មណ៍វិនិយោគលើហេដ្ឋារចនាសម្ព័ន្ធកំពង់ផែនៅកម្ពុជា appeared first on .

លោក ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា បានដឹកនាំកិច្ចប្រជុំនេះ និងមានការចូលរួមពីកិច្ចប្រជុំនេះក៏មានការអញ្ជើញចូលរួមពីលោកស្រី ចម និម្មល រដ្ឋមន្ត្រីក្រសួងពាណិជ្ជកម្ម, លោក គង់ វិបុល រដ្ឋមន្ត្រីប្រតិភូអមនាយករដ្ឋមន្ត្រី និងជាអគ្គនាយកនៃអគ្គនាយកដ្ឋានពន្ធដារ នៃក្រសួងសេដ្ឋកិច្ច និងហិរញ្ញវត្ថុ, លោកបណ្ឌិត គុណ ញឹម រដ្ឋមន្ត្រីប្រតិភូអមនាយករដ្ឋមន្ត្រី និងជាអគ្គនាយក នៃអគ្គនាយកដ្ឋានគយនិងរដ្ឋាករកម្ពុជា នៃក្រសួងសេដ្ឋកិច្ច និងហិរញ្ញវត្ថុ, លោក គិត ច័ន្ទគ្រឹស្នា អនុរដ្ឋលេខាធិការ ក្រសួងរៀបចំដែនដី នគរូបនីយកម្ម និងសំណង់, លោកឧត្តមសេនីយ៍ឯក ហោ សំអាត អគ្គនាយក នៃអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ នៃក្រសួងមហាផ្ទៃ និងថ្នាក់ដឹកនាំ និងមន្ត្រីជំនាញរបស់ ក.អ.ក. និងក្រសួង-ស្ថាប័នពាក់ព័ន្ធជាច្រើនរូប។

កិច្ចប្រជុំនេះត្រូវបានរៀបចំឡើងក្នុងគោលបំណងដើម្បីពិភាក្សា និងពិនិត្យលទ្ធភាពបង្កើនភាពងាយស្រួលជូនដល់វិនិយោគិនដែលមានបំណងមកបណ្តាក់ទុនវិនិយោគនៅកម្ពុជា ពិសេសផ្តល់ភាពងាយស្រួលដល់ក្រសួង-ស្ថាប័នសាម៉ីក្នុងការគ្រប់គ្រង និងបង្កើនប្រសិទ្ធភាពធ្វើបច្ចុប្បន្នភាពទិន្នន័យទាក់ទងនឹងកិច្ចការវិនិយោគ តាមរយៈការធ្វើសន្ធានកម្មតភ្ជាប់ប្រព័ន្ធចែករំលែកទិន្នន័យទៅវិញទៅមក រវាងប្រព័ន្ធរបស់ក្រុមប្រឹក្សាអភិវឌ្ឍន៍កម្ពុជា ជាមួយប្រព័ន្ធរបស់អន្តរក្រសួង-ស្ថាប័នពាក់ព័ន្ធ។

ថ្លែងក្នុងឱកាសនេះ លោកឧបនាយករដ្ឋមន្ត្រី បានថ្លែងថា៖ ការចូលរួមរបស់អន្តរក្រសួង-ស្ថាប័នពាក់ព័ន្ធបានឆ្លុះបញ្ចាំងអំពីការចូលរួមយ៉ាងផុសផុល គាំទ្រការអនុវត្តផែនការជាយុទ្ធសាស្ត្ររបស់រាជរដ្ឋាភិបាល ក្រោមការដឹកនាំដ៏ខ្ពង់ខ្ពស់របស់សម្ដេចមហាបវរធិបតី ក្នុងការបង្កើនប្រសិទ្ធភាពទាក់ទាញវិនិយោគិនដើម្បីជំរុញកំណើនសេដ្ឋកិច្ចជាតិ ពិសេសការទាញយកអត្ថប្រយោជន៍ពីបច្ចេកវិទ្យាឌីជីថល ដើម្បីសម្រួលដល់ការទាក់ទាញវិនិយោគិន។

ក្នុងអង្គប្រជុំនេះ លោក លោកស្រី ជាសមាជិក-សមាជិកាទាំងអស់បានចូលរួមពិភាក្សាផ្លាស់ប្តូរយោបល់យ៉ាងផុសផុល និងឯកភាពគាំទ្រលើការរៀបចំប្រព័ន្ធបច្ចេកវិទ្យាថ្មីរបស់ក្រុមប្រឹក្សាអភិវឌ្ឍន៍កម្ពុជា អនុលោមតាមច្បាប់ស្ដីពីវិនិយោគនៃព្រះជាណាចក្រកម្ពុជា ពិសេសក្រសួង-ស្ថាប័នពាក់ព័ន្ធនឹងចូលរួមសហការឱ្យបានស្អិតរមួតក្នុងការធ្វើសន្ធានកម្មតភ្ជាប់ប្រព័ន្ធចែករំលែកទិន្នន័យទៅវិញទៅមក សំដៅយ៉ាងណាសម្រេចឱ្យបាននូវចក្ខុវិស័យរបស់រាជរដ្ឋាភិបាល បង្កភាពងាយស្រួលជាអតិបរិមាជូនដល់វិនិយោគិនដែលមកបណ្តាក់ទុនវិនិយោគនៅកម្ពុជា៕

The post អន្តរក្រសួង-ស្ថាប័ន ស្វែងរកវិធីសាស្ត្រជួយសម្រួលវិនិយោគនៅកម្ពុជាឱ្យកាន់តែប្រសើរ appeared first on .

នេះបើយោងតាមជំនួបពិភាក្សាការងាររវាងលោកស្រី Hunter Lam តំណាងក្រុមហ៊ុន LEE LI Holdings និងលោក Michael Chan អភិបាលរងក្រុង Markham ប្រទេសកាណាដា ជាមួយលោក ឡឹម តារា រដ្ឋលេខាធិការក្រសួងសុខាភិបាល កាលថ្ងៃទី ៣ ខែកក្កដា​ ឆ្នាំ២០២៤។

នាឱកាសនោះ លោកស្រី Hunter Lam តំណាងក្រុមហ៊ុនកាណាដា បានស្នើសុំការអនុញ្ញាតឱ្យក្រុមការងារបច្ចេកទេសរបស់ក្រុមហ៊ុនមកធ្វើការសិក្សាលម្អិតប្រព័ន្ធសុខាភិបាល សិក្សាលទ្ធភាព និងពិនិត្យរកឱកាសវិនិយោគលើវិស័យសុខាភិបាល នៅពេលខាងមុខ។

លោកស្រីក៏បានថ្លែងអំណរគុណដល់ក្រសួង ដែលបានផ្តល់ឱកាសឱ្យគណៈប្រតិភូរបស់លោកស្រីបានចូលជួបសម្តែងការគួរសម និងពិភាក្សាការងារនៅក្នុងឱកាសបំពេញទស្សនកិច្ចសិក្សា ស្វែងយល់ឱកាសវិនិយោគនៅកម្ពុជា លើវិស័យសក្តានុពលមួយចំនួន រួមមាន៖ ១. វិស័យឧស្ម័ន និងប្រេង២. វិស័យសុខាភិបាល.៣.មជ្ឈមណ្ឌលវាយតម្លៃទទួលស្គាល់សម្រាប់ការនាំចេញ ៤. វិស័យកែច្នៃចំណីអាហារ និងឡូជីស្ទីក និង ៥. វិស័យយានយន្ត។

ការឆ្លើយតប លោក ឡឹម តារា បានថ្លែងអំណរគុណ និងបញ្ជាក់ជំហររបស់ក្រសួងសុខាភិបាល គាំទ្រជំនួយពីដៃគូ និងសប្បុរសជន រួមទាំងការវិនិយោគពីផ្នែកឯកជន ដែលរួមចំណែកលើកកម្ពស់គុណភាពសេវាសុខាភិបាល ដើម្បីឈានទៅសម្រេចបាននូវការគ្របដណ្តប់សុខភាពជាសកល។លោក ក៏បានស្នើឱ្យក្រុមហ៊ុនពិនិត្យលទ្ធភាពបន្ថែមកិច្ចសហប្រតិបត្តិការជាមួយក្រសួងសុខាភិបាលផងដែរ។

គួរបញ្ជាក់ដែរថា បើតាមលោកស្រីតំណាងក្រុមខាងលើ បានជម្រាបជូនអង្គប្រជុំថា កន្លងមកក្រុមហ៊ុនរបស់កាណាដាមួយនេះ មានបទពិសោធន៍វិនិយោគលើមន្ទីរពេទ្យឯកជន និងសហការវិនិយោគជាមួយមន្ទីរពេទ្យសាធារណៈរបស់រដ្ឋ លើផ្នែករូបភាពវេជ្ជសាស្ត្រដូចជា CT Scan, MRI, Ultrasound, Mammography, Laboratory equipment។ល។ នៅប្រទេសមួយចំនួនរួចមកហើយ៕ អត្ថបទ៖ រង្សី

The post ក្រុមហ៊ុនរបស់កាណាដា កំពុងពិនិត្យរកឱកាសវិនិយោគលើវិស័យធំៗចំនួន៥ នៅកម្ពុជា appeared first on .

បើតាមក្រុមប្រឹក្សាអភិវឌ្ឍន៍កម្ពុជា បានឱ្យដឹងថា ជំនួបនេះធ្វើឡើងនៅក្នុងគោលបំណងពិនិត្យ និងពិភាក្សាអំពីកាលានុវត្តភាពវិនិយោគលើគម្រោងថាមពលកកើតឡើងវិញដែលមានទុនវិនិយោគប្រមាណជាង ១ពាន់លានដុល្លារក្នុងប្រទេសកម្ពុជា។

ជាមួយគ្នានោះ សមភាគីបានលើកឡើងអំពីបំណងបណ្តាក់ទុនវិនិយោគលើគម្រោងថាមពលកកើតឡើងវិញមានជាអាទិ៍គម្រោងសាងសង់ និងប្រតិបត្តិការវារីអគ្គិសនី និងគម្រោងថាមពលដើរដោយពន្លឺព្រះអាទិត្យ ដោយហេតុថាកម្ពុជា គឺជាទីតាំងយុទ្ធសាស្ត្រប្រកបដោយសក្តានុពលក្នុងការប្រកបធុរកិច្ចលើវិស័យខាងលើ អបដោយអេកូឡូស៊ីគាំទ្រដល់ប្រតិបត្តិការអាជីវកម្មប្រកបដោយភាពទាក់ទាញ និងលេចធ្លោជាងគេក្នុងតំបន់។ 

ជាការឆ្លើយតប លោក សួន សុផល បានសម្តែងនូវការស្វាគមន៍សម្រាប់បំណងរបស់សហគ្រាសក្នុងការបណ្តាក់ទុនវិនិយោគក្នុងប្រទេសកម្ពុជា។ ទន្ទឹមនឹងនេះ ក្រុមប្រឹក្សាអភិវឌ្ឍន៍កម្ពុជា បានត្រៀមលក្ខណៈរួចជាស្រេចក្នុងការផ្តល់កិច្ចសម្រួលវិនិយោគជូនសមភាគីប្រកបដោយទំនុកចិត្តខ្ពស់។

អគ្គលេខាធិការរងគណៈកម្មាធិការវិនិយោគកម្ពុជា ក៏ផ្ដល់ការណែនាំណែនាំជូនភាគីមិត្តឱ្យបន្តធ្វើការយ៉ាងជិតស្និទ្ធជាមួយក្រសួង ស្ថាប័នពាក់ព័ន្ធសំដៅបន្ស៊ីគម្រោងវិនិយោគខាងលើឱ្យមានសង្គតិភាពជាមួយផែនការមេសម្រាប់អភិវឌ្ឍវិស័យថាមពលអគ្គិសនី ២០២២-២០៤០៕     

The post សហគ្រាស CHN ENERGY សម្លឹងមើលកាលានុវត្ដភាពវិនិយោគនៅកម្ពុជា ក្នុងទំហំទឹកប្រាក់ប្រមាណជាង១ពាន់លានដុល្លារ appeared first on .

ថ្លែងក្នុងបទសម្ភាសន៍ជាមួយអ្នកសារព័ត៌មាន ក្រោយពេលបញ្ចប់កិច្ចជំនួបជាមួយគណៈប្រតិភូក្រុមហ៊ុនមកពីកូរ៉េ កាលពីពេលថ្មីៗនេះ លោក ស៊ុន ចាន់ថុល បានលើកឡើងថា ការទាក់ទាញអ្នកវិនិយោគឱ្យមកវិនិយោគនៅកម្ពុជាជារឿងសំខាន់ណាស់ ដោយលោកបានព្យាយាមពន្យល់អំពីការរីកចម្រើនរបស់ប្រទេសជាតិកម្ពុជាមានសុខសុវត្ថិភាព ស្ថេរភាពនយោបាយ ម៉ាក្រូសេដ្ឋកិច្ច ក៏ដូចជាការលើកទឹកចិត្តនានា។ដែលធ្វើយ៉ាងណាឱ្យគាត់យល់អំពីស្ថានភាពកម្ពុជា ហើយអញ្ជើញគាត់មកដាក់ទុននៅកម្ពុជា ដើម្បីបង្កើតការងារជូនប្រជាពលរដ្ឋខ្មែរធ្វើកាន់តែច្រើន។

លោកបញ្ជាក់ថា «អ្នកវិនិយោគដែលគ្រោងមកវិនិយោគគឺពួកគេច្រើនមើលទីតាំងណាដែលដាក់ទុនទៅអាចចំណេញដល់គាត់ ហើយខ្ញុំជឿជាក់ថាការដាក់នៅកម្ពុជា ជាការផ្តល់ផលចំណេញ ដូចជាលើការដឹកពីកម្ពុជាទៅសហរដ្ឋអាមេរិកតម្លៃពន្ធទាប ម្យ៉ាងទៀតបើអ្នកវិនិយោគនោះមានរោងចក្រនៅវៀតណាមឬថៃ គាត់មកធ្វើនៅកម្ពុជាទៀត គឺអាចផ្គុំគ្នាទៅវិញទៅមកវិនិយោគរួមគឺចំណេញកាន់តែច្រើន។ដូច្នេះហើយ យើងខំប្រឹងប្រែងទាក់ទាញឱ្យមកដាក់ទុនមកវិនិយោគនៅកម្ពុជា»។

បើតាមលោក ស៊ុន ចាន់ថុល លោកចង់ឱ្យអ្នកវិនិយោគដែលចូលមកវិនិយោគនៅកម្ពុជាទៅលើវិស័យអេឡិចត្រូនិច, វិស័យយានយន្តជាដើម។ដោយលោកគូសបញ្ជាក់ថា បើយើងចង់បានប្រទេសយើងក្លាយទៅជាប្រទេសមានចំណូលខ្ពស់ឆ្នាំ២០៥០ យើងមិនអាចនៅតែទទួលអ្នកវិយោគដាក់ទុនវិនិយោគលើរោងចក្រកាត់ដេរនោះទេ។ក្នុងន័យនេះ មិនមែនរោងចក្រកាត់ដេរមិនសំខាន់នោះទេ អាចផ្តល់ការងារដល់ប្រជាពលរដ្ឋ តែតម្លៃបន្ថែមតិចពេក។ ប៉ុន្តែបើយើងទៅផ្គុំឡាន ធ្វើអេឡិចត្រូនិចគឺកាន់តែល្អ។អីចឹងបានខ្ញុំស្នើអ្នកវិនិយោគទាំងនោះឱ្យពិនិត្យពិចារណាដាក់នៅកម្ពុជា នេះហើយទើបយើងអាចក្លាយទៅជាប្រទេសមានចំណូលខ្ពស់នៅឆ្នាំ២០៥០បាន ដោយសារបុគ្គលិក អ្នកធ្វើការបានប្រាក់ខែច្រើន តម្លៃបន្ថែមច្រើននៅកម្ពុជា។

សូមបញ្ជាក់ផងដែរថា នៅក្នុងខែមករា ឆ្នាំ២០២៤នេះ កម្ពុជាទទួលបានគម្រោងវិនិយោគថ្មី និងគម្រោងពង្រីកផលិតកម្មប្រមាណ៣២គម្រោង ក្នុងទុនប្រមាណ១៨៧លានដុល្លារ និងអាចបង្កើរការងារបានជិត២៩ពាន់កន្លែងផងដែរ។គម្រោងទាំងនោះភាគច្រើនជាគម្រោងរោងចក្រផលិតគ្រឿងអេឡិចត្រូនិក, រោងចក្រផ្គុំដំឡើងម៉ូតូ, រោងចក្រកែច្នៃដេរសម្លៀកបំពាក់ជាដើម។ចំណែកក្នុងខែក្នុងកុម្ភៈវិញ មានគម្រោងប្រមាណ៣៧ទៀតមកដាក់ទុនប្រមាណជិត១,២ពាន់លានដុល្លារវិនិយោគនៅកម្ពុជា រួមមានគម្រោងថ្មី និងគម្រោងពង្រីកផលិតកម្មចំនួន៣២គម្រោងផងដែរ៕

The post លោក ស៊ុន ចាន់ថុល៖ បើចង់ឱ្យកម្ពុជាក្លាយជាប្រទេសមានចំណូលខ្ពស់ឆ្នាំ២០៥០ យើងមិនអាចទទួលតែអ្នកវិនិយោគលើរោងចក្រកាត់ដេរនោះទេ appeared first on .