ការលើកឡើនេះ ត្រូវបានធ្វើឡើង នាពេលសម្តេច អញ្ជើញជួបសំណេះសំណាលជាមួយប្រជាពលរដ្ឋ ដែលបានស្ម័គ្រចិត្តរើលំនៅឋាន និងសំណង់ផ្សេងៗចេញពីតំបន់រមណីយដ្ឋានអង្គរ និងតំបន់ដទៃទៀត ស្ថិតក្រោមការគ្រប់គ្រងរបស់អាជ្ញាធរជាតិអប្សរា កាលទី១៣ ខែកញ្ញា ឆ្នាំ២០២២។

នាពេលនោះ សម្តេច ហ៊ុន សែន បានថ្លែងអំណរគុណប្រជាពលរដ្ឋ ដែលបានចូលរួមសហការ និងស្ម័គ្រចិត្តរុះរើសំណង់ចេញពីតំបន់រមណីយដ្ឋានអង្គរ និងតំបន់ដទៃទៀតស្ថិតក្រោមការគ្រប់គ្រងរបស់អាជ្ញាធរអប្សរា។

ជាមួយគ្នានេះ សម្តេច អះអាងថា ថ្ងៃអនាគត តំបន់រុនតាឯក នឹងក្លាយជាតំបន់អភិវឌ្ឍន៍មិនមែនជនបទទៀតទេ ខណៈរដ្ឋាភិបាលនឹងខិតខំកសាងហេដ្ឋារចនាសម្ព័ន្ធជាច្រើននៅតំបន់នេះ ​ដូចជា មន្ទីពេទ្យ ផ្សារ សាលារៀន ប្រព័ន្ធទឹកស្អាត ប្រព័ន្ធលូកខ្វក់ ផ្លូវ និងការរៀបចំប្រព័ន្ធអគ្គិសនី សេវាទូរស័ព្ទ និងសេវាអ៉ីនធើណេតជាដើម។

ទន្ទឹមគ្នានេះ សម្តេច បានបញ្ជាជាថ្មី ឲ្យអាជ្ញាធរ និងក្រសួងពាក់ព័ន្ធ ពន្លឿនការរៀបចំប្រព័ន្ធហេដ្ឋារចនាសម្ព័ន្ធនានា នៅភូមិធម្មជាតិរុនតាឯកឲ្យបានឆាប់រហ័ស ដើម្បីបង្កភាពងាយស្រួលដល់ការរស់នៅរបស់ប្រជាពលរដ្ឋ។

គួរបញ្ជាក់ដែរថា បន្ថែមពីលើអគារសិក្សា និងផ្លូវគ្រួសក្រហមចំនួន ៤៥ខ្សែ ដែលបានសាងសង់រួចហើយនោះ បច្ចុប្បន្នក្រុមការងារអន្តរក្រសួង ក៏កំពុងសិក្សាគម្រោងសាងសង់ផ្សារចំនួន ៨ខ្នង, មណ្ឌលសុខភាពចំនួន ៣អគារ រួមមាន៖ អគារជំងឺទូទៅ អគារសម្ភព និងអគារស្នាក់នៅចំនួន ១ខ្នង កម្ពស់២ជាន់ មាន ២០បន្ទប់។ និងការរៀបចំប្រព័ន្ធទឹក អគ្គិសនី សេវាទូរស័ព្ទ និងសេវាអ៉ីនធើណេតថែមទៀត។

ហេតុនេះ សម្តេច ហ៊ុន សែន អះអាងថា ទៅថ្ងៃអនាគត តំបន់នេះ នឹងក្លាយជាតំបន់ប្រជុំជន មិនចាញ់តំបន់ដទៃនោះឡើយ៕

អត្ថបទ៖​រង្សី

The post សម្តេច ហ៊ុន សែន៖«ទៅថ្ងៃអនាគត តំបន់រុនតាឯក នឹងក្លាយជាតំបន់អភិវឌ្ឍន៍មិនមែនជនបទទៀតទេ» appeared first on .

ជារួម គ្រប់បណ្តា​ប្រទេស​ដែលបាននឹងកំពុង​អភិវឌ្ឍន៍ គឺ​មិន​អាច​ខ្វះ​បាន​នោះ​ទេ នូវ​ការ​ស្វែង​រក​ជំនួយ​និង​​កម្ចី​ពី​បណ្តា​ប្រទេស​អ្នក​មាន ដើម្បី​យក​មក​ធ្វើការ​អភិវឌ្ឍ​ប្រទេសឲ្យ​មាន​ការ​រីក​ចម្រើន។

ជាក់ស្តែង នៅថ្ងៃទី១៦ ខែកុម្ភៈ ឆ្នាំ២០២២​នេះ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា រួមជាមួយលោក មិកាមិ ម៉ាសាហ៉ីរុ ឯកអគ្គរដ្ឋទូតជប៉ុនប្រចាំនៅកម្ពុជា បានចូលរួមជាអធិបតីក្នុងពិធីសម្ពោធដាក់ឱ្យប្រើប្រាស់ស្ពាន៧កន្លែង ស្ថិតនៅក្នុងខេត្តក្រចេះ និងព្រៃវែង ជាជំនួយឥតសំណងរបស់រដ្ឋាភិបាលជប៉ុន តម្លៃប្រមាណ ៣៥លានដុល្លារអាមេរិក។

ថ្លែងក្នុងពិធីសម្ពោធនោះ សម្តេចតេជោ ហ៊ុន សែន បានបង្ហាញនូវក្តីរីករាយចំពោះសមិទ្ធផលស្ពានទាំង៧កន្លែង ដែលជាជំនួយរបស់រដ្ឋាភិបាលជប៉ុននាពេលនេះ រួមទាំងសមិទ្ធផលផលផ្សេងៗជាច្រើនទៀតដែលជប៉ុនបានជួយនាពេលកន្លងមក។

សម្តេចតេជោនាយករដ្ឋមន្ត្រី ក៏បានគូសបញ្ជាក់ផងដែរថា ជប៉ុន បានផ្តល់កម្ចី និងជំនួយ សម្រាប់សាងសង់ហេដ្ឋារចនាសម្ព័ន្ធជាង ១ពាន់ ៤រយលានដុល្លារ។ សម្តេចបានសង្កត់ធ្ងន់ថា ភាពរីកចម្រើនរបស់កម្ពុជាមិនអាចកាត់ផ្ដាច់ពីចំណងមិត្តភាពកម្ពុជា-ជប៉ុនបាននោះទេ។

ទោះបីជាបែបនេះក្តី គិតត្រឹមឆ្នាំ២០២០ កម្ពុជាជំពាក់បំណុលក្រៅប្រទេសចំនួន ៨៤០៤ លានដុល្លារអាមេរិក។ នេះបើតាមសៀវភៅថវិកាសង្ខេបឆ្នាំ២០២១ របស់ក្រសួងសេដ្ឋកិច្ច។ ក្នុងសន្និធិបំណុល ៨.៤ពាន់លានដុល្លារនេះ ចិនជាម្ចាស់បំណុលធំជាងគេ ដែលមានចំណែកដល់៤៥%នៃបំណុលរបស់កម្ពុជាសរុប។ ក្រៅពីនេះកម្ពុជាជាប់បំណុលពហុភាគីនៃស្ថាប័នអន្តរជាតិចំនួន ៣០% បន្ទាប់ពីនេះគឺរួមមានម្ចាស់បំណុល ដូចជា ជប៉ុន កូរ៉េខាងត្បូងជាដើម។

ទំហំបំណុលនេះ ត្រូវបានរដ្ឋាភិបាលអះអាងថា មានចីរភាព និងហានិភ័យកម្រិតទាប ដោយសារកម្ចីនេះមានត្រឹមជាង២០%នៃផលិតផលក្នុងសរុប(GDP)។ បើតាមបទដ្ឋានបច្ចេកទេសរបស់ស្ថាប័នហិរញ្ញវត្ថុធំៗដូចជា IMF ជាដើម គឺកម្ពុជាអាចខ្ចីបានដល់៤០%នៃGDP របស់ខ្លួន។

យ៉ាងណា ​មន្ត្រី​រដ្ឋាភិបាល អះអាង​ដដែលៗ ​ថា បំណុល​នេះ​នៅ​ទាប ដែល​មិន​គួរ​ឲ្យ​ព្រួយ​បារម្ភ ហើយ​កម្ពុជា​នៅ​អាច​ជំពាក់​បរទេស​បាន​បន្ថែម​ទៀត​។

រដ្ឋលេខាធិការ​ក្រសួង​សេដ្ឋកិច្ច និង​ហិរញ្ញវត្ថុ លោក ផាន់ ផល្លា ថ្លែង​ក្នុង​សន្និសីទ​ព័ត៌មាន​កាលពី​ថ្ងៃទី១៤ ខែ​ធ្នូ អះអាង​ថា បើ​ធៀប​បំណុល​កម្ពុជា​ជាមួយ​ប្រទេស​ផ្សេងទៀត កម្ពុជា​មិនទាន់​ដល់​វ័ណ្ឌក​នោះ​ទេ​។ លោក​អះអាង​ថា កម្ពុជា​មិន​មាន​បញ្ហា​អ្វី ពាក់ព័ន្ធ​ជាមួយនឹង​លទ្ធភាព​សង​នោះ​ទេ៕

The post រដ្ឋាភិបាល ទទួលស្គាល់ភាពរីកចម្រើននៃការអភិវឌ្ឍរបស់ខ្លួនមិនអាចកាត់ផ្ដាច់ពីចំណងមិត្តភាពកម្ពុជា-ជប៉ុន appeared first on .

សម្តេច ហ៊ុន សែន បានថ្លែងថា បច្ចុប្បន្នរាជធានីភ្នំពេញ មានអគារកម្ពស់ចាប់ពី ៥ជាន់ ទៅ ៩ជាន់ និងលើសពី៤០ជាន់ មានប្រមាណ ១,៦០៣អគារ។ ក្នុងនោះអគារកម្ពស់ពី ៥ជាន់ ទៅ៩ជាន់ មាន៩២៦អគារ, អគារកម្ពស់ ១០ជាន់ ទៅ ១៩ជាន់ មាន ៤៥២អគារ, អគារកម្ពស់ ២០ជាន់ ទៅ២៩ជាន់ មាន ១២០អគារ, អគារកម្ពស់ ៣០ជាន់ ទៅ ៣៩ជាន់ មាន ៦៥អគារ និងអគារខ្ពស់ចាប់ ៤០ជាន់ មាន ៤០អគារ។

សម្តេច ហ៊ុន សែន បានថ្លែងបន្តថា លោកមានមោទនភាព និងស្ទើរតែមិនជឿចំពោះការចម្រើនលូតលាស់ក្នុងរាជធានីភ្នំពេញ បើទោះបីលោកជាអ្នកដឹកនាំកសាងដោយផ្ទាល់ក្តី។ យ៉ាងណា សម្តេចថា រាជធានីភ្នំពេញ មានការអភិវឌ្ឍច្រើន ប៉ុន្តែបើគ្មានសន្តិភាពទេ ការអភិវឌ្ឍនេះមិនអាចគង់វង់នោះឡើយ។

បើតាមសម្តេចនាយករដ្ឋមន្រ្តី អ្នកថ្ងូររឿងប្រេងឡើងថ្លៃ នៅតែថ្ងូរ តែធ្វើដំណើរកម្សាន្តនៅធ្វើ។ សម្តេចថា ការឡើងថ្លៃប្រេងនេះជាកត្តាសកលលោក។

សម្តេចគូសបញ្ជាក់ថា មានកត្តាសំខាន់ៗចំនួន៤ ដែលបង្កលក្ខណៈសម្រាប់ពលរដ្ឋអាចធ្វើដំណើរកម្សាន្ត ទី១៖ សន្តិភាព បើគ្មានសន្តិភាពប្រជាពលរដ្ឋគ្មានឱកាសដើរលេងកម្សាន្តនោះឡើយ, ២៖ ប្រព័ន្ធហេដ្ឋារចនាសម្ព័ន្ធ ផ្លូវ និងស្ពាន ដែលបានតភ្ជាប់ជាបន្តបន្ទាប់ បើមិនមានការតភ្ជាប់ផ្លូវ និងស្ពានទេ មិនអាចឱ្យពលរដ្ឋធ្វើកម្សាន្តពីតំបន់មួយ ទៅតំបន់មួយទៀតបានឡើយ, ៣៖ ធម្យោបាយដឹកជញ្ជូនកើនឡើង, សម្តេចតេជោ បានកត់សម្គាល់ថា ការដឹកជញ្ជូនទាំងផ្ទាល់ខ្លួន និងឯកជន បានកើនឡើងច្រើន, ៤៖ មានប្រាក់, សម្តេចបន្តថា បើប្រជាពលរដ្ឋមិនមានប្រាក់ មិនអាចធ្វើដំណើរកម្សាន្តបានទេ៕

The post ក្រោយថ្ងៃ ៧មករា ១៩៧៩ កម្ពុជាមានអាគារខ្ពស់ជាងគេមួយត្រឹម ៧ជាន់ ខណៈបច្ចុប្បន្នមានជាង ១ពាន់៦រយអាគារ appeared first on .

សម្តេច ហ៊ុន សែន បានគូសបញ្ជាក់ថា បច្ចុប្បន្ននេះ វាពិតជាខុសគ្នាដាច់ស្រឡះពីអតីតកាល ហើយទៅអនាគត ក៏នឹងកាន់តែរីកដុះដាលច្រើន និងល្អៗជាងនេះថែមទៀត។ សម្តេចបន្តថា តាមរយៈទិដ្ឋភាពនេះ បានបង្ហាញអោយឃើញថា ប៉ុន្មានឆ្នាំចុងក្រោយនេះទីក្រុងភ្នំពេញបាន និងកំពុងផ្លាស់ប្តូរមុខមាត់យ៉ាងលឿនតាមរយៈវត្តមានអគារខ្ពស់ៗកប់ពពក ហេដ្ឋារចនាសម្ព័ន្ធ ស្ពាន ស្ពានអាកាស ផ្លូវថ្នល់ កាន់តែច្រើននៅក្នុងទីក្រុង នៃប្រទេសកំពុងមានការអភិវឌ្ឍមួយនេះ។

ការបង្ហាញវត្តមានអគារខ្ពស់ៗ ហេដ្ឋារចនាសម្ព័ន្ធ ស្ពាន ស្ពានអាកាស ផ្លូវថ្នល់ បានកើតឡើងជាបន្តបន្ទាប់ កាន់តែច្រើនទាំងអស់នេះ គឺបានឆ្លុះបញ្ចាំងពីសមិទ្ធផលធំៗរបស់កម្ពុជាដែលសម្រេចបាន និងមិនធ្លាប់មានពីមុនមក ក្នុងខណៈពេលដែលកម្ពុជាកំពុងទទួលបានសុខសន្តិភាពពេញលេញទូទាំងប្រទេស ក្រោមការដឹកនាំរបស់សម្ដេចនាយករដ្ឋមន្ត្រីផ្ទាល់ និងសហការី។

សម្តេចបញ្ជាក់ថា ការរីកចម្រើនទាំងអស់នេះ មិនអាចកើតឡើងបានឡើយ បើប្រទេសយើងមិនមានសន្តិភាព។ ដូច្នេះ សន្តិភាព គឺជាតម្លៃដែលមិនអាចកាត់ថ្លៃបានឡើយ ហើយប្រជាពលរដ្ឋគ្រប់រូបត្រូវតែរួមគ្នាថែរក្សាការពារសន្តិភាព ដើម្បីទទួលបានការអភិវឌ្ឍប្រទេសជាតិរបស់យើងអោយកាន់តែរីកចម្រេីនខ្លាំងថែមទៀត។

សូមជម្រាបជូនថា កំណើន​សេដ្ឋកិច្ច​កម្ពុជា​នៅឆ្នាំ​២០២១​កន្លងទៅ ​មានលក្ខណៈ​ល្អប្រសើរ​ជាង​ការរំពឹង​ទុក​ ខណៈ​រដ្ឋាភិបាល​បាន​ព្យាករ​កន្លង​ទៅក្នុង​កំរិត​ ២,៤%​ ហើយ​កំណើន​សេដ្ឋកិច្ច​កម្ពុជា​នឹងវិល​ទៅរក​៧%​ ដូច​ដើមវិញ​នៅឆ្នាំ២០២៤។​ នេះបើតាមការញ្ជាក់​ដោយ​មន្ត្រី​ជាន់ខ្ពស់​ក្រសួង​សេដ្ឋកិច្ច​ នៅក្នុង​សន្និសីទ​កាសែត​មួយ កាលពីដើមខែធ្នូឆ្នាំ២០២១ ស្តីពី​«យុទ្ធសាស្ត្រ​ស្តារ​ និង​ជំរុញ​កំណើន​សេដ្ឋកិច្ច​កម្ពុជា​ ក្នុង​ការរស់​នៅ​ជាមួយ​ជំងឺ​កូវីដ-១៩​ តាម​គន្លង​ប្រក្រតី​ភាព​ថ្មី​»​ ដែល​រៀបចំ​ឡើង​ដោយ​អង្គភាព​អ្នកនាំពាក្យ​រដ្ឋាភិបាល។​

លោក ផាន់ ផល្លា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ បានលើកឡើងថា សេដ្ឋកិច្ចកម្ពុជា ដែលមានកំណើនល្អប្រសើរចាប់ពីពេលនេះទៅ គឺដោយសំអាងទៅលើកត្តាមួយចំនួន ដូចជាកត្តាទីផ្សារក្រៅប្រទេស ការនាំចេញទៅកាន់ទីផ្សារអាមេរិក និងអឺរ៉ុប ដែលជាទីផ្សារធំរបស់កម្ពុជា មិនមានភាពថមថយ។ ក្រៅពីនេះ ក៏មានកត្តាសំខាន់ៗផ្សេងៗទៀតដែរ ដូចជាកត្តាកំណែទម្រង់ហិរញ្ញវត្ថុសាធារណៈ រួមផ្សំជាមួយវិធានការនានា ដែលរដ្ឋាភិបាលដាក់ចេញកន្លងមក។

តួលេខរយៈពេល១១ខែឆ្នាំ២០២១កន្លងទៅ បង្ហាញថាវិស័យកាត់ដេរ ស្បែកជើង និងផលិតផលធ្វើដំណើរមានកំណើន ១៣,៦% ធៀបនឹងរយៈពេលដូចគ្នាកាលពីឆ្នាំទៅ ដែលមានត្រឹម១០%ប៉ុណ្ណោះ។ រីឯការនាំចេញទំនិញមិនមែនកាត់ដេររយៈពេល១១ខែដែរ គឺមានការកើនឡើងប្រមាណ៥៣%។

ជាមួយគ្នានេះ ការនាំចេញវិស័យកសិកម្ម ក៏មានការកើនឡើងច្រើនដែរ ដែលវិស័យកាត់ដេរ និងវិស័យកសិកម្ម បានដើរតួនាទីសំខាន់ក្នុងការជម្រុញកំណើនសេដ្ឋកិច្ចកម្ពុជាឡើងវិញ ខណៈវិស័យអចលនទ្រព្យត្រូវបានវាយតម្លៃថាមិនមានឧបសគ្គធ្ងន់ធ្ងរ ដោយសារនៅតែមានសកម្មភាពទិញ លក់ ជាធម្មតា៕

The post សម្តេច ហ៊ុន សែន អះអាងថាការអភិវឌ្ឍបច្ចុប្បន្នវាពិតជាខុសគ្នាដាច់ស្រឡះពីអតីតកាល ហើយទៅអនាគតនឹងកាន់តែរីកដុះដាលល្អច្រើនថែមទៀត appeared first on .

ការប្រកាសនេះ ធ្វើឡើងក្នុងគោលបំណងក្នុងការអភិវឌ្ឍ និងកសាងប្រទេសអោយកាន់តែរីកចម្រើន លើវិស័យហេដ្ឋារចនាសម្ព័ន្ធផ្សេងៗ ដើម្បីសម្រួលដល់ការវិនិយោគវិស័យឯកជន ខណៈនៅឆ្នាំ២០២១នេះ រដ្ឋាភិបាលកំពុងដំណើរការនូវ ១៨៦ គម្រោង ដែលមានទុនវិនិយោគប្រមាណ ៥ ៨១៧ លានដុល្លារអាមេរិក។

បន្ថែមលើនេះ រាជរដ្ឋាភិបាល នឹងបន្តចំនួន ៤៨៨ គម្រោងទៀត ដែលត្រូវការទុនវិនិយោគប្រមាណ ៣៣៨៤ លានដុល្លារអាមេរិក។

គួររម្លឹកជូនថា គិតមកដល់ឆ្នាំ២០២១នេះ រាជរដ្ឋាភិបាលកម្ពុជា និងដៃគូអភិវឌ្ឍន៍ បានសន្យាផ្តល់ទុនវិនិយោគ ចំនួន ៧ ៧១៣,៣ លានដុល្លារអាមេរិក រួចមកហើយ។

សូមបញ្ជាក់ថា នៅព្រឹកថ្ងៃទី១១ ខែតុលានេះ រដ្ឋាភិបាលប្រទេសជប៉ុន បានសម្រេចផ្តល់ឥណទានសម្បទាន និងហិរញ្ញប្បទានឥតសំណងជាង ៧២ លានដុល្លារអាមេរិកដល់កម្ពុជា ដើម្បីចូលរួមចំណែកដល់ដំណើរការលើកកម្ពស់ការអភិវឌ្ឍសេដ្ឋកិច្ច-សង្គម ក៏ដូចជាជួយពង្រឹងបន្ថែមទៀតនូវទំនាក់ទំនងដ៏ល្អដែលមានស្រាប់ និងចំណងមិត្តភាពរវាងប្រទេសទាំងពីរ។

ជំនួយនេះ​នឹងបែងចែកជាពីរ គឺជំនួយឥណទានសម្បទានលើគម្រោងពង្រីកសមត្ថភាពផ្គត់ផ្គង់ទឹកស្អាតនៅខេត្តសៀមរាប ដំណាក់កាលទី២ ដែលមានទឹកប្រាក់សរុបជាង៦លាន​យ៉េន ឬស្មើនឹង៥៨,២១​លានដុល្លារអាមេរិក និងជំនួយហិរញ្ញប្បទានឥតសំណងលើគម្រោងជាច្រើនទៀត ក្នុងនោះ​រួម​មាន គម្រោងគាំទ្រដំណើរការកសាងផែនការបោសសម្អាតមីន និងត្រួតពិនិត្យគុណភាពលើផ្ទៃដីបោសសម្អាត ដែលមានទឹកប្រាក់សរុប២០០លានយ៉េន ឬស្មើនឹង១,៨លានដុល្លារអាមេរិក។ 

ជាមួយគ្នានេះ គម្រោងសម្ភារបច្ចេកទេសសម្រាប់មន្ទីរពិសោធន៍ជាតិសំណង់ ដែលមានទឹកប្រាក់សរុប២៥០លាយ៉េន ឬប្រមាណជា២,២៧លានដុល្លារអាមេរិក ក៏ត្រូវបានផ្តល់ឲ្យផងដែរ។

ដោយឡែក គម្រោងសម្ភារបច្ចេកទេសសម្រាប់ស្ថានីយវាស់វែងអចិន្ត្រៃយ៍ និងជ្ឈមណ្ឌលទិន្នន័យដែលមានទឹកប្រាក់សរុប២៥០លានយ៉េន ឬប្រមាណជា២,២៧លានដុល្លារអាមេរិក គម្រោងបំពាក់ឧបករណ៍សម្ភារនិងបរិក្ខារបច្ចេកទេសសម្រាប់គ្រឹះស្ថានអប់រំ បណ្ដុះបណ្ដាលបច្ចេកទេសវិជ្ជាជីវៈ មានទឹកប្រាក់សរុប៤០០លានយ៉េន ឬប្រមាណ៣,៦៣លានដុល្លារអាមេរិក និងគម្រោងបំពាក់សម្ភារបរិក្ខារនិងគ្រឿងម៉ាស៊ីនក្នុងវិស័យឧស្សាហកម្មគ្រឿងយន្តអេឡិចត្រូនិចនិងមេកានិក នៅសាកលវិទ្យាល័យភូមិន្ទភ្នំពេញ មានទឹកប្រាក់សរុប៥០០លានយ៉េន ឬស្មើនឹង៤,៥៤លានដុល្លារអាមេរិក៕

The post កញ្ចប់ថវិកាប្រមាណ ៩ ២០១ លានដុល្លារ រដ្ឋាភិបាលត្រូវការសម្រាប់អនុវត្តគម្រោងវិនិយោគសាធារណៈ appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

ស្ពានទន្លេបាសាក់កោះអន្លង់ចិននៃក្រុងតាខ្មៅ ខេត្តកណ្តាល ដែលជាគម្រោងផ្លូវក្រវ៉ាត់ក្រុងទី៣របស់រាជរដ្ឋាភិបាល សម្រេចបាន៩៧,២៥%ហើយ គិតរហូតមកទល់ពេលនេះ ក្នុងនោះ៖ ស្ពានឆ្លងកាត់ទន្លេបាសាក់ខាងកើតប្រវែង៦៣០ម៉ែត្រ សម្រេចបាន៩៥,១០% គ្រោងនឹងបញ្ចប់ នៅខែតុលា ឆ្នាំ២០២១ និងស្ពានឆ្លងកាត់ទន្លេបាសាក់ខាងលិចប្រវែង៣៦៦ម៉ែត្រ សម្រេចបាន៩៩,៤០% គ្រោងនឹងបញ្ចប់នៅខែកញ្ញា ឆ្នាំ២០២១។

ជាមួយគ្នានេះ ក្រុងតាខ្មៅ បាននឹងកំពុងស្វាគមន៍គម្រោងសាងសង់ព្រលា​នយន្តហោះ​អន្តរជាតិថ្មី  ដែលសា​ងសង់លើផ្ទៃដី​ទំហំជាង២៦០​០ហិចតា ក្នុងទឹកប្រា​ក់ជាង​១៥០០លា​នដុល្លារ។

បើតា​មការគូសប​ញ្ជាក់ពីអ្នកឧកញ៉ា ពុង ឃាវសែ អគ្គនាយ​កក្រុមហ៊ុនសាជី​វកម្មវិនិយោគក្រៅប្រ​ទេសកម្ពុជា (OCIC) នាពេលកន្លងមកបានឲ្យដឹងថា ព្រលា​នយន្តហោះ​អន្តរជាតិ​ភ្នំពេញថ្មីនេះ គឺកំពុងស្ថិត​នៅក្នុងការ​សាងសង់ ស្ថិតនៅក្រុងតាខ្មៅ និងស្រុកក​ណ្តាលស្ទឹងខេត្ត​កណ្តាល ហើយអាចប៉ះ​តំបន់មួយចំនួនក្នុ​ងស្រុកបាទីខេ​ត្តតាកែវ។ បើតាម​អ្នកឧកញ៉ាគម្រោងសាងសង់ព្រលា​នយន្តហោះ​អន្តរជាតិថ្មីនេះ អាចនឹងរួ​ចរាល់នៅត្រឹមឆ្នាំ២០២​៣ខាងមុខនេះ​។

ក្រុមអ្នកវិភាគ និងអ្នកជំនាញ បានលើកឡើងដូចគ្នាថា តាម​រយៈគម្រោងដ៏​ធំនេះ​ នឹងជំរុញសកម្ម​ភាពសេដ្ឋកិ​ច្ចនៅក្នុងតំប​ន់ខា​ងលើនេះ ឲ្យមានស​កម្មភាព​សកម្មឡើង ជា​ពិសេសលើ​សកម្មភា​ពដីធ្លី។ បន្ថែ​មលើនេះ វានឹងផ្តល់ផលប្រយោ​ជន៍ដោ​យផ្ទាល់ ដល់ប្រជាពល​រដ្ឋនៅក្នុងតំប​ន់ខាងលើ​នេះផង​ដែរ៕

The post គម្រោងផ្លូវក្រវ៉ាត់ក្រុងទី៣ រួចរាល់នឹងជំរុញកំណើនការអភិវឌ្ឍន៍ដីធ្លី បុរី អគារពាណិជ្ជកម្មនៅក្រុងតាខ្មៅឲ្យកាន់តែច្រើនឡើង appeared first on .

តាមរយៈប្រព័ន្ធផ្សព្វផ្សាយ​ក្នុងស្រុកកាលពីពេលថ្មីៗនេះបានលើកឡើងថា ក្រៅពី​ដំណើរ​ការរៀបចំគម្រោងប្លង់មេ នៅតំបន់​ភ្នំពេញថ្មីបានសម្រេចជាង៦០%ហើយនោះ បច្ចុប្បន្នក្រុមហ៊ុនក៏បាននឹងកំពុងមានសកម្មភាពយ៉ាងមមាញឹក កំពុងត្រៀមប្រកាស នូវលិខិតផ្តល់សិទ្ធិដល់ក្រុមហ៊ុនម៉ៅការសាងសង់ព្រលានយន្តហោះភ្នំពេញថ្មីនៅដើមឆ្នាំ២០២០នេះផងដែរ។

ក្រុមហ៊ុនOCIC គឺជាក្រុមហ៊ុនរបស់សម្ព័ន្ធនៃធនាគារ កាណាឌីយ៉ា ហើយក៏ជាវិនិយោគ​ទុនពហុវិស័យឈានមុខគេមួយនៅក្នុងព្រះរាជាណា ចក្រកម្ពុជា ដែលបង្កើតទ្បើង​តាំងពីឆ្នាំ ២០០០មកម្ល៉េះ ។​

កាលពីពេលថ្មីៗនេះដែរ គណៈកម្មាធិការ​គម្រោង​នៃ​ក្រុមហ៊ុន​ ​Cambodia​ ​Airport​ ​Investment​ ​Co​.​,​Ltd​ ​របស់​ក្រុមហ៊ុន​វិនិយោគ ​ ​OCIC​ ​លោក​ ​Yee​ ​Con​ ​Long​ ក៏ធ្លាប់​​មានប្រសាសន៍ ​ឱ្យ​ដឹងដែរ​ថា​ ​ពេលនេះ​ការរចនា​ប្លង់​មេ​ដែល​ជា​គម្រោង​ស្ថាបត្យកម្ម​នៃ​អាកាសយាន​ដ្ឋាន​អន្តរជាតិ​ភ្នំពេញថ្មី​ ដែលស្ថិតនៅក្នុងក្រុងតាខ្មៅ និងស្រុក​កណ្តាល​ស្ទឹង ខេត្តកណ្តាល គឺបានបញ្ចប់ ៦០ ភាគរយហើយលើការរចនាប្លង់ស្ថាបត្យកម្ម ជាមួយនឹងការសាងសង់គ្រោងនឹងបញ្ចប់នៅខែដំបូងនៃឆ្នាំ ២០២៣​ ខាងមុខ។

គួរបញ្ជាក់ថា ទីតាំងព្រលានយន្តហោះថ្មីក្នុងប្រទេសកម្ពុជា នឹងសាងសង់លើផ្ទៃដី​ទំហំប្រមាណ ២,៦០០ហិកតា ដែលជាដីស្ថិតនៅក្នុងក្រុងតាខ្មៅ និងស្រុកកណ្តាលស្ទឹង ខេត្តកណ្តាល ត្រូវចំណាយទុនវិនិយោគរហូតដល់ទៅ ១,៥០០លានដុល្លារអាមេរិក។ ក្នុងនោះទឹកប្រាក់ ១,១០០លានដុល្លារ ជាកម្ចីពីធនាគារបរទេស និង ២៨០លានដុល្លារ​ជារបស់ក្រុម OCIC របស់ឧកញ៉ា ពុង ខៀវសែ ហើយដើមទុនចុះបញ្ជីមានរហូតដល់ ១២០លានដុល្លារអាមេរិក៕ អត្ថបទ៖ សិរីកា

The post OCIC ៖គម្រោងប្លង់មេ នៅតំបន់​ភ្នំ​ពេ​ញថ្មី សម្រេច​បាន​​ជាង​៦០%​ទៅ​​ហើយ appeared first on .