Temple Coffee n bakery លេចរូបរាងឡើងដំបូងនៅក្នុងខេត្តសៀមរាប បើកបម្រើអតិថិជនតាំងពីឆ្នាំ ២០១៥ រហូតមកដល់ពេលនេះមានរយៈពេល ៧ ឆ្នាំហើយ។ កាហ្វេត្នោត និងនំគ្រសង់ ជាកាហ្វេនិងនំប្រចាំត្រកូលរបស់​ថិមភល​កាហ្វេដែលមានរសជាតិឈ្ងុយឆ្ងាញ់ប្លែកមិនអាចបំភ្លេចបាន។

បន្ថែមលើនោះ Temple Coffee n bakery មិនមែន​មានតែ​ភេសជ្ជៈ​មួយ​មុខ​ទេ​ គឺ​មាន​ទាំងអាហារ​ជាច្រើន​មុខ​ថែមទៀត​ ដែ​លប​ង្ក​ភាព​ងាយស្រួល​ដល់​លោកអ្នក​ចង់​ញ៉ាំ​ភេសជ្ជៈ​ក៏បាន​ និងទទួលទាន​អាហារ​ក៏បាន។ ជាពិសេសការ​ដេគ័រ​ហាងដែលរៀបចំឡើងតាមបែបខ្មែរបុរាណនាសម័យសង្គមរាស្ត្រនិយម រួមបញ្ចូលជាមួយស្នាដៃបែបទំនើបស៊ីវីល័យ​យ៉ាងល្អប្រណិត។

ថិមផល កាហ្វេស បាន​ចាប់ផ្តើម​សាងកេរ្តិ៍ឈ្មោះ​ដំបូង​នៅ​ខេត្ត​សៀមរាប។ បន្តមក​ក៏​បាន​ពង្រីក​សាខានៅរាជធានីភ្នំពេញ​នៅ​ឆ្នាំ២០២១មានឈ្មោះថា ថិមភល កាហ្វេសុធារស។ មកទល់ពេលនេះ ថិមភលកាហ្វេពង្រីកទីតាំងបានរហូតដល់ទៅ៥កន្លែង ហើយទីតាំងទាំងនោះរួមមាន៖ ១. ថិមភល កាហ្វេសុធារស  ២. ថិមភល កាហ្វេបូកគោ ៣. ថិមភល កាហ្វេ៥៥(ផ្លូវ៥៥ ជាប់ Cellcard)  ៤. ថិមភល កាហ្វេ៥១(ផ្លូ៥១ ជាប់ Novotel អតីតភោជនីយដ្ឋានអណ្តាតរាំ) និងទី៥. ថិមភល កាហ្វេ សៀមរាប ទីតាំងផ្លូវអាចារ្យស្វា ២៦ ទល់មុខស្ពានវត្តព្រះព្រំរ័ត្ន៕

The post ថិមភលកាហ្វេ មាន​រូប​មន្ត​សម្ងាត់ល្បីតាំង​ពី​បើក​នៅ​សៀមរាប​ រហូត​ពង្រីកសាខា​ច្រើន​កន្លែង​នៅ​​ភ្នំពេញ appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

ផ្ដល់បទសម្ភាសន៍ជាមួយ ឧកញ៉ាញ៉ូញ៍ សហគ្រិនវ័យក្មេង និងជាស្ថាបនិកបង្កើតយីហោសាខា Mobile Coffee ក្នុងស្រុក បច្ចុប្បន្នបានជាង ១០សាខា បានបង្ហើបឱ្យដឹងថា៖ «ថ្វីត្បិតថា បញ្ហាកូវីដនៅបន្តរាតត្បាតក៏ពិតមែន តែខ្ញុំមើលឃើញថា វិស័យភេសជ្ជៈកាហ្វេនេះ នៅតែមានតម្រូវការពីសំណាក់អតិថិជន ហេតុដូច្នេះហើយ ក្រុមហ៊ុនខ្ញុំត្រៀមនឹងបោះទុន ១លានដុល្លារ ពង្រីកសាខាឱ្យបាន ១០ទីតាំងទៀត»។

លោក យ៉ែម ឈីម បញ្ជាក់បន្ថែមថា សាខាទាំង ១០ទីតាំង ដែលនឹងបង្ហាញខ្លួនក្នុងពេលឆាប់ៗខាងមុខនេះ ស្ថិតនៅក្នុងរាជធានីភ្នំពេញទាំងអស់។  លោកថា កន្លងមក អតិថិជនរបស់ម៉ូបាលកាហ្វេ ពួកគាត់នៅតែបន្តគាំទ្រប្រេនហាងកាហ្វេរបស់ខ្មែរយើង ទោះស្ថិតក្នុងស្ថានភាពកូវីដ ក៏ហាងរបស់លោក នៅតែបន្តទទួលបានការគាំទ្រ និងបញ្ជាទិញកាហ្វេតាមអនឡាញពីសំណាក់អតិថិជនដដែល។ កត្តានេះហើយ ទើបជំរុញឱ្យលោក សម្រេចចិត្តថានឹងបើកសាខាបន្ថែម ដើម្បីបំពេញតម្រូវការរបស់អតិថិជន និងជាការរួមចំណែកផ្ដល់ការងារឱ្យកូនខ្មែរធ្វើបានមួយចំនួនផងដែរ។

ថ្មីៗនេះទៀតសោត យុវជនប្រកបមុខរបរបើកហាងកាហ្វេរូបនេះ ទើបពង្រីកសាខាហាង ម៉ូបាលកាហ្វេធំៗ ចំនួន ២កន្លែង ស្ថិតនៅប្លុកបឹងកេងកង Mobile Coffee BKK-57 និងម៉ូបាលយូរ៉ូផាក នៅក្នុងបុរីប៉េងហ៊ួត សាខាបឹងស្នោរ។

​គួរបញ្ជាក់ថា លោក យ៉ែម ឈីម គឺជាអតីតយុវជនកូនកសិករមួយរូប មានស្រុកកំណើតនៅខេត្តកំពង់ចាម។ ក្នុង អំឡុងឆ្នាំ ២០១២ យុវជនសំបុរស្រអែម រូបនេះ ក៏បានផ្លាស់មកបន្តរៀនសូត្រនៅរាជធានីភ្នំពេញ និងសុំព្រះសង្ឃស្នាក់នៅវត្ត ដើម្បីមានឱកាសបន្តការសិក្សា។

ហែលឆ្លងកាត់ជីវិតតស៊ូរៀនសូត្រ ប្រឹងប្រែងដោយខ្លួនឯង និងមានប្រវត្តិធ្លាប់ដាក់ពាក្យសុំគេធ្វើការងារធ្លាក់រាប់ភ្លេច មុនមានឱកាសចូលហាត់ការ និងបម្រើការងារក្នុងក្រុមហ៊ុនឯកជនមួយ។  ធ្វើការងារយកប្រាក់ខែបានមួយរយៈ នៅដើម​ឆ្នាំ ២០១៤​​ លោក​ ឈីម ក៏បានបោះ​បង់​ការងារ​ប្រាក់ខែ​ខ្ពស់ មក​ស្រវា​ចាប់​ឱកាស​រកស៊ី​លក់​កាហ្វេ​តាម​ផ្លូវ​ ឬហៅថាកាហ្វេចល័តតាមរទេះ។

គិតមកទល់ពេលនេះ ​អាជីវកម្ម​លក់​កាហ្វេ​ចល័ត​ និងហាងយីហោខ្មែរ “​Mobile Coffee” បានពង្រីកខ្លួនជាលំដាប់ និងកំពុងឈរជើងបានជាង ១០សាខា ហើយត្រៀមនឹងពង្រីកសាខាបន្ថែមឱ្យបាន ១០ទៀត ទោះស្ថិតក្នុងស្ថានភាពរាតត្បាតនេះជំងឺកូវីដ១៩ ក៏ដោយ។

ក្នុងផ្នត់គំនិតជាសហគ្រិន និងជាអ្នកបង្កើតយីហោហាងកាហ្វេរបស់ខ្មែរ ម៉ូបាលកាហ្វេ លោក យ៉ែម ឈីម បានដាក់នូវមហិច្ឆិតាធំលើអាជីវកម្មលក់កាហ្វេនេះថា៖ “​គោលដៅរបស់ក្រុមហ៊ុនលោក គឺ ពង្រឹង និង ពង្រីកឱ្យកាន់តែធំ កាន់តែលេចធ្លោ រឹងមាំក្នុងវិស័យកាហ្វេ ដើម្បីរួមចំណែកលើកស្ទួយ ប្រ៊េនរបស់ខែ្មរ”៕

The post ស្ថាបនិកហាង «ម៉ូបាលកាហ្វេ» ត្រៀមបោះទុន ១លានដុល្លារ បើកហាងកាហ្វេ ១០ទីតាំងបន្ថែមទៀត appeared first on .

១. ជាតិអារ៉ូម៉ាពីកាហ្វេដែលឆុងស្រស់ៗ ជួយកាត់បន្ថយជំងឺមហារីក

២. ធ្វើឱ្យអារម្មណ៍ និងការគិតរបស់យើងភ្លឺស្វាង

៣. ជួយការពារពីរោគញ័រដៃញ័រជើង (រោគមនុស្សចាស់)

៤. ជួយការពារកុំឱ្យកើតជំងឺភ្លេចភ្លាំង

៥. ជួយការពារកុំឱ្យបញ្ញាចុះថយ

៦. ការពារកុំឱ្យឡើងជាតិអាស៊ីត (អាស៊ីតដែលធ្វើឱ្យគន្លាក់ដៃគន្លាក់ជើងយើងឈឺ)

៧. ការពារកុំឱ្យមានជំងឺទឹកនោមផ្អែមប្រភេទទី២

៨. ការពារកុំឱ្យកើតជំងឺមហារីក

៩. កាត់បន្ថយជំងឺទឹកនោមផ្អែម

១០. ធ្វើឱ្យទំហំក្រួសក្នុងប្រមាត់ចុះថយ

១១. កាត់បន្ថយជាតិខ្លាញ់

១២. ធ្វើឱ្យឈាមថយចុះ

១៣. កាត់បន្ថយការស្លាប់ដោយសារជំងឺបេះដូង។ល។

សូមជម្រាបថា ចំពោះស្រ្តីមានផ្ទៃពោះក៏អាចទទួលទានកាហ្វេបានដែរ ប៉ុន្តែគួរទទួលទានត្រឹម២កែវក្នុងមួយថ្ងៃបានហើយ។ ចំណែកស្រ្តីកំពុងបំបៅដោះកូន គួរប្រយ័ត្នឱ្យមែនទែនរឿងទទួលទានកាហ្វេនេះ ព្រោះវាអាចឆ្លងជាតិកាហ្វេដល់កូនបានតាមរយៈទឹកដោះ។ បើឆ្លងជាតិកាហ្វេដល់កូន នឹងធ្វើឱ្យប៉ះទង្គិចដល់សុខភាពកូន ពោលគឺធ្វើឱ្យកូនគេងអត់លក់។ មានមនុស្សជាច្រើនតែងសួរខ្ញុំថា តើគួរទទួលទានកាហ្វេពេលណាទើបល្អ?

ខ្ញុំក៏ជម្រាបទៅពួកគាត់ថា យើងទទួលទានពេលណាក៏បានដែរ គឺអាស្រ័យលើមនុស្សម្នាក់ៗ។ ដូចខ្ញុំអ៊ីចឹង ព្រឹកឡើងខ្ញុំទៅ Starbucks ទិញកាហ្វេមួយកែវធំ។ ទទួលទានរួច ខ្ញុំគេងលក់១ម៉ោងទៀត។ លុះពេលមកដល់ការិយាល័យខ្ញុំ ក្នុងមួយថ្ងៃហ្នឹងខ្ញុំទទួលទាន៣ទៅ៤កែវទៀត។

យប់ឡើងពេលគេងអត់លក់ ខ្ញុំទទួលទានកាហ្វេមួយកែវទៀតក៏គេងលក់។ បើនៅអាមេរិក ឬនៅអឺរ៉ុប មិនថាពេលណាទេ ឱ្យតែទទួលទានអាហារ គឺដឹងតែមានកាហ្វេ មានទឹក មានទឹកក្រូចមួយកែវនៅក្បែរខ្លួនជានិច្ច។ និយាយឱ្យចំទៅ ទាំងអាហារពេលព្រឹក ទាំងអាហារថ្ងៃត្រង់ ទាំងអាហារពេលល្ងាច និងទាំងអាហារពេលយប់ គឺគេតែងតែទទួលទានកាហ្វេមួយកែវបន្ទាប់ពីទទួលទានបាយរួច។ ម្យ៉ាងនៅទីនោះ យើងទៅទទួលទានអាហារនៅហាងណាក៏ដោយ គេតែងសួរយើងថា “តើអ្នកឯងត្រូវការកាហ្វេដែរឬទេ?”

មានអ្នកខ្លះសួរខ្ញុំទៀតថា ចុះកូនក្មេងអាចញ៉ាំកាហ្វេបានទេ? ចម្លើយរបស់ខ្ញុំគឺ គាត់អាចញ៉ាំបាន គ្រាន់តែភាគច្រើនគាត់មិនញ៉ាំកាហ្វេសុទ្ធតែម្ដងទេ គឺគាត់ញ៉ាំសូកូឡា និងនំ ដែលមានសារធាតុកាហ្វេដូចគ្នា។ ដូច្នេះនៅពេលធំឡើង គ្រាន់តែគាត់ធំក្លិនកាហ្វេ ចង់ញ៉ាំកាហ្វេបាត់ទៅហើយ។

មានអ្នកខ្លះទៀតសួរខ្ញុំដែរថា ហេតុអ្វីនៅពេលទទួលទានកាហ្វេរួចចេះតែចង់ក្អួតចង្អោរ? នេះដោយសារនៅក្នុងកាហ្វេមានជាតិគីមី ដែលធ្វើឱ្យក្រពះយើងរំញោចចេញអាស៊ីតអ៊ីដ្រូក្លរីត (Hydrochloric acid)។ អាស៊ីតអ៊ីដ្រូក្លរីត វាធ្វើឱ្យអាស៊ីតក្នុងពោះយើងឡើង។ នៅពេលអាស៊ីតហ្នឹងចេញមក វាចាប់ផ្ដើមជូរ ចាប់ផ្ដើមភើ ចាប់ផ្ដើមចង្អោរ ធ្វើឱ្យយើងរកកលក្អួតចង្អោរ។ មួយវិញទៀតអាចមកពីគាត់ដាក់ទឹកដោះគោក្នុងកាហ្វេ។ មនុស្សនៅអាស៊ីយើងអត់មានអង់ស៊ីមកិនទឹកដោះគោហ្នឹងទេ ហើយចៃដន្យយើងអត់ធ្លាប់ទទួលទានទឹកដោះគោពីក្មេងទៀត នៅពេលទទួលទានកាហ្វេលាយទឹកដោះគោយើងនឹងភើ ចង្អោរ ក្អួត ផោម និងកូរពោះគ្រួបៗ។

ខ្ញុំសូមបញ្ជាក់ថា ទោះបីកាហ្វេផ្ដល់គុណប្រយោជន៍ចំពោះសុខភាព ប៉ុន្តែវាក៏ផ្ដល់ផលអវិជ្ជមានមួយចំនួនចំពោះសុខភាពដែរ។ ប្រសិន បើយើងមានរោគស្លន់ស្លោ ឬជ្រួលច្របល់ វានឹងធ្វើឱ្យកាន់តែធ្ងន់ធ្ងរឡើង។ បើយើងមានរោគផ្លូវចិត្ត វារឹតតែធ្វើឱ្យយើងធ្ងន់ធ្ងរលើសដើម។ បើមានជំងឺបេះដូង វារឹតតែធ្វើឱ្យធ្ងន់ធ្ងរដែរ។ បើយើងមានជំងឺទឹកនោមផ្អែម ក៏គេឱ្យយើងកាត់បន្ថយការទទួលទានកាហ្វេដែរ។ បើយើងមានជំងឺរាករួស ក៏គេឱ្យកាត់បន្ថយការទទួលទានកាហ្វេដែរ។ ម្យ៉ាងបើយើងឡើងឈាម ក៏គេឱ្យយើងកាត់បន្ថយការទទួលទានកាហ្វេដែរ៕

ប្រភព៖ MJQ University Press

The post វេជ្ជបណ្ឌិត គួច ម៉េងលី៖ ពន្យល់ពីគុណប្រយោជន៍នៃការទទួលទានកាហ្វេ ត្រឹមត្រូវសម្រាប់មនុស្សសម័យថ្មី appeared first on .

ការលើកឡើងនេះ ត្រូវបានតំណាងភាគីរបស់ក្រុមហ៊ុនថៃ (CP) បញ្ជាក់នៅក្នុង ជំនួបប្រជុំធុរជនថៃរបស់ក្រុមហ៊ុនស៊ីភី (CP) ដើម្បីពិភាក្សាការងារ នៅទីស្ដីការក្រសួង ពាណិជ្ជកម្មកាលពីចុងសប្ដាហ៍មុននេះ  ជាមួយឯកឧត្តម ប៉ាន សូរស័ក្ដិ រដ្ឋមន្ត្រីក្រសួង ពាណិជ្ជកម្ម។

នៅក្នុងកិច្ចប្រជុំនោះ តំណាងរបស់ក្រុមហ៊ុនស៊ីភី បានជម្រាបជូនពីគោលបំណង ក្នុងការពិនិត្យលើការផលិតគ្រាប់កាហ្វេនៅកម្ពុជា ដើម្បីនាំចូលទៅប្រទេសថៃ ដែល បច្ចុប្បន្នតម្រូវការគ្រាប់កាហ្វេ គឺមានកម្រិតខ្ពស់ ដែលទំហំនៃការផលិតនៅប្រទេសថៃ មិនអាចផ្គត់ផ្គង់គ្រប់ចំនួននោះទេ។

ឯកឧត្តមរដ្ឋមន្ត្រី បានជម្រាបជូនថា ការដាំដុះដំណាំកាហ្វេ គឺមានច្រើននៅខេត្ត មណ្ឌលគិរី និងរតនគិរី ហើយលើកទឹកចិត្តឱ្យក្រុមហ៊ុនស៊ីភី ចុះពិនិត្យដោយផ្ទាល់ និងសហ ការជាមួយសហគមន៍ផលិតគ្រាប់កាហ្វេនៅទីនោះ ដើម្បីពិនិត្យលើលទ្ធភាពជាក់ស្ដែង។

ជាមួយនោះដែរ ឯកឧត្តមរដ្ឋមន្ត្រី ក៏បានលើកទឹកចិត្តឱ្យក្រុមហ៊ុនស៊ីភី បង្កើន ប្រតិបត្តិការរបស់ក្រុមហ៊ុននៅកម្ពុជាឱ្យបានច្រើនលើសពីការវិនិយោគបច្ចុប្បន្នបន្ថែមទៀត ជាពិសេសការកែច្នៃអង្ករ ដំឡូងមី ពោត និងផលិតផលដទៃទៀត ដែលសុទ្ធសឹងតែជា ផលិតផលមានសក្ដានុពលសម្រាប់នាំចេញ។

គួរបញ្ជាក់ថា បើគិតត្រឹមតែឆមាសទី១ ក្នុងឆ្នាំ២០១៩កន្លងទៅនេះ ទំហំពាណិជ្ជកម្ម កម្ពុជា-ថៃ មានប្រមាណជាង៤ពាន់លានដុល្លារអាម៉េរិក ដែលចំនួននេះ បានធ្វើ​ឱ្យកម្ពុជា ឈរនៅលំដាប់ទី៤ ក្នុងចំណោមបណ្តាប្រទេសជាដៃគូពាណិជ្ជកម្មតា​មព្រំដែនរបស់ថៃ ដោយក្នុងនោះ  ផលិតផល​ដែលកម្ពុជា នាំចេញ​ទៅថៃ​ភាគច្រើនជា ពោត ដំឡូងមី ជាដើម ខណៈដែល​ប្រទេសថៃ នាំចូលមកកម្ពុជាវិញ រួមមាន ឧបករណ៍​អេឡិចត្រូនិក ប្រេងឥន្ធនៈ គ្រឿងសម្អាង សម្ភារសំណង់​ជាដើម៕ AKP

The post ថៃ គ្រោងទិញ​គ្រាប់កា​ហ្វេ​កម្ពុជា នាំចូល​ទៅផ្គត់​ផ្គង់​ក្នុងប្រទេ​សថៃ appeared first on .