សម្តេច ស ខេង បានលើកឡើងដូច្នេះថា៖« បងប្អូនជនរួមជាតិជាទីគោរព! ខ្ញុំសូមជម្រាបជូនជនរួមជាតិសូមជ្រាបថា បន្ទាប់ពីអការៈសុខភាពខុសប្លែកពីធម្មតាបន្តិចបន្តួច ខ្ញុំបានធ្វើសម្តេច ស ខេង តេស្តរកឃើញថាមានវិជ្ជមានជំងឺកូវីដ-១៩។ ខ្ញុំក៏បានណែនាំក្រុមគ្រួសារ និងអ្នកនៅជុំវិញធ្វើតេស្ត និងតាមដានសុខភាពដូចគ្នាដែរ»។

ជាមួយសម្តេច ស ខេង បានបញ្ជាក់ដែរថា សម្រាប់សម្តេចពេលនេះ គឺបានអនុវត្តតាមវិធានសុខាភិបាល ដោយដាក់ខ្លួននៅដាច់ដោយឡែក និងធ្វើលំហាត់ប្រាណ។ យ៉ាងណាមិញ ក៏ដោយសម្តេចនៅតែអាចបំពេញការងារពីបន្ទប់ដាច់ដោយឡែកក្នុងគេហដ្ឋានរបស់សម្តេចជាធម្មតា។

ជាមួយគ្នានេះ សម្តេច ស ខេង ក៏ស្នើសុំការអធ្យាស្រ័យសម្រាប់ការលុបចោល និងការអវត្តមានពីកម្មវិធីការងារនានាមួយររយៈពេលខ្លី ហើយសម្តេចនឹងធ្វើបច្ចុប្បន្នភាពព័ត៌មានស្ដីអំពីបញ្ហាសុខភាពនេះតាមវិធានសុខាភិបាលជូនជនរួមជាតិរហូតបានជាសះស្បើយផងដែរ៕

អត្ថបទ៖ ពិសី

The post សម្តេច ស ខេង ស្នើសុំអវត្តមាន​ពីកម្មវិធីការងារនានាមួយររយៈពេលខ្លី ក្រោយតេស្តឃើញវិជ្ជមានជំងឺកូវីដ-១៩ appeared first on .

លោកជំទាវបណ្ឌិត ជា សិរី ឧបការីទេសាភិបាល និងជាអគ្គនាយក បច្ចេកទេសធនាគារជាតិនៃកម្ពុជាមានប្រសាសន៍ថា បាគង គឺជាប្រព័ន្ធទូទាត់សាច់ប្រាក់មួយរបស់ធនាគារជាតិនៃកម្ពុជា បច្ចុប្បន្នមានសមាជិកជាច្រើនបានភ្ជាប់តំណរសេវាកម្មជាមួយ ហើយប្រព័ន្ធនេះបានបន្តពង្រីកវិសាលភាពឥតឈប់ឈរ ជាមួយការទូទាត់សាច់ប្រាក់ផ្សេងៗ ជាពិសេសការទូទាត់ឆ្លងដែនជាដើម។
លោកជំទាវបណ្ឌិតបន្តថា ចំពោះតំណភ្ជាប់សម្រាប់ស្វែងរកមើលព័ត៌មានចាក់វាក់សាំងកូវីដ-១៩ ប្រព័ន្ធនេះនឹងជំរុញឱ្យប្រជាជនកម្ពុជា ដោនឡូតយកកាបូបអេឡិចត្រូនិចមួយនេះ ប្រើប្រាស់កាន់តែច្រើន ដោយប្រព័ន្ធនេះមិនត្រឹមមានវិសាលភាពនៃការទូទាត់ប៉ុណ្ណោះទេ គឺអាចឱ្យប្រជាពលរដ្ឋមើលឃើញព័ត៌មានចាក់វ៉ាក់សាំងបានយ៉ាងងាយស្រួល។

លោកជំទាវបណ្ឌិតសង្កត់ធ្ងន់ថា« ដូច្នេះដើម្បីប្រើប្រាស់មុខងារថ្មីនេះ ធនាគារជាតិនៃកម្ពុជាសូមលើកទឹកចិត្តដល់អ្នកប្រើប្រាស់កម្មវិធីទូទាត់បាគង ត្រូវចុះឈ្មោះបំពេញអត្តសញ្ញាណឱ្យបានពេញលេញ ដើម្បីទទួលបានព័ត៌មាននៃការចាក់វ៉ាក់សាំងនេះ ទោះបីពុំបានយកប័ណ្ណចាក់វ៉ាក់សាំងកូវីដ-១៩ មកតាមខ្លួនក៏ដោយ»។
លោកជំទាវវេជ្ជបណ្ឌិត ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានគណៈកម្មការចំពោះកិច្ចចាក់វ៉ាក់សាំងកូវីដ-១៩ មានប្រសាសន៍ថា តំណភ្ជាប់សម្រាប់ស្វែងរកមើលព័ត៌មានចាក់វាក់សាំងកូវីដ-១៩ បានលេចរូបរាងឡើង និងបានដាក់ឱ្យសម្ភោធនៅក្នុងថ្ងៃនេះ គឺបានផ្តល់នូវសារៈសំខាន់ជាច្រើនដូចជា ការជំរុញឱ្យប្រើប្រាស់ប្រព័ន្ធបាគងនេះ គឺដើម្បីលើកកម្ពស់ការប្រើប្រាស់ប្រព័ន្ធទូទាត់នៅកម្ពុជា ក្រៅពីនេះប្រជាពលរដ្ឋនិងអាចងាយស្រួលចូលមើលការចាក់វ៉ាក់សាំងរបស់ខ្លួន ដោយមិនចាំបាច់ទៅចូលមើលប្រព័ន្ធចាក់វ៉ាក់សំាងផ្សេងទៀតឡើយ ជាពិសេសការទទួលបានស្ថានភាពនៃការចាក់វ៉ាក់សាំង។
បើតាមធនាគារជាតិនៃកម្ពុជាថាជុំវិញការបង្កើតប្រព័ន្ធតំណភ្ជាប់សម្រាប់ស្វែងរកមើលព័ត៌មានចាក់វាក់សាំងកូវីដ-១៩ នេះ កាលពីថ្ងៃទី ២១ ខែតុលា ឆ្នាំ ២០២២ លោកជំទាវវេជ្ជបណ្ឌិត ឱ វណ្ណឌីន រដ្ឋលេខាធិការក្រសួងសុខាភិបាល និងលោកជំទាវបណ្ឌិត ជា សិរី ឧបការីទេសាភិបាល និងជាអគ្គនាយក បច្ចេកទេសធនាគារជាតិនៃកម្ពុជា បានចុះហត្ថលេខាលើអនុស្សរណៈយោគយល់គ្នា គឺមានគោលបំណងដើម្បីពង្រីកវិសាលភាពនៃការទទួលបាននូវព័ត៌មានចាក់វាក់សាំងកូវីដ-១៩ របស់សាមីបុគ្គល តាមរយៈការប្រើប្រាស់ប្រព័ន្ធបាគង របស់ធនាគារជាតិនៃកម្ពុជា ជាមួយតំណភ្ជាប់ប្រព័ន្ធកត់ត្រាការចាក់វ៉ាក់សាំងកូវីដ-១៩ របស់ក្រសួងសុខាភិបាល៕

អត្ថបទ៖សារេត

The post តំណភ្ជាប់សម្រាប់ស្វែងរកមើលព័ត៌មានចាក់វាក់សាំងកូវីដ-១៩ របស់សាមីបុគ្គលតាមរយៈប្រព័ន្ធបាគង ត្រូវបានដាក់ឲ្យដំណើរការជាផ្លូវការ appeared first on .

លោកឧត្តមសេនីយ៍ត្រី ថោង សុផាត នាយរងប៉ុស្តិ៍នគរបាលច្រកទ្វារអាកាស​យានដ្ឋាន​អន្តរ​ជាតិ​​ភ្នំពេញ បានបញ្ជាក់ថា តាំងពីលុបចោលលក្ខខណ្ឌរឹតបន្តឹងលើផ្នែកសុខាភិបាលមក ជាការ​កត់សម្គាល់ឃើញមានអ្នកភ្លៀវបរទេស និងអ្នកវិនិយោគិនបរទេស បានចូលមកកម្ពុជា​ច្រើនជា​ង​មុន ពោលគឺមុនពេលចេញសេចក្តីសម្រេច​លុបចោលលក្ខខណ្ឌរឹតបន្តឹងលើផ្នែកសុខាភិបាល នៅថ្ងៃទី១៧ ខែមិនា ឆ្នាំ២០២២ មានអ្នកដំណើរពី​បរទេស​មកកម្ពុជាតាមច្រកទ្វារអាកាស​យាន​ដ្ឋាន​​អន្តរ​ជាតិ​​ភ្នំពេញ មានចន្លោះពី៦០០នាក់​ទៅ​៧០០​នាក់ ប៉ុន្តែឥឡូវជាមធ្យម​គឺឈានដល់ពី១២០០​នាក់ទៅ១៣០០នាក់។

លោកឧត្តមសេនីយ៍ត្រី ថោង សុផាត បានបន្តថា កម្ពុជាជាប្រទេសដំបូងគេ​នៅក្នុងតំបន់​អា ស៊ា ន ដែលបានបើកប្រទេសទាំងស្រុង​ដោយ​លុប​ចេញលក្ខខណ្ឌ​រឹតបន្តឹង​លើផ្នែក​សុខា​ភិបាល ពាក់ព័ន្ធនឹងជំងឺកូវីដ-១៩ ដោយសារបច្ចុប្បន្ននេះ ប្រទេសមួយចំនួននៅលើពិភពលោក​បាន ចាក់វ៉ាក់សាំងកូវីដ១៩អស់ហើយ ខណៈដែលផ្ទៃក្នុងកម្ពុជា​ក៏មានពលរដ្ឋជាង៩០ភាគរយ បានចាក់វ៉ាក់​សាំងរួចហើយដែរ ដែលបង្កើតអោយមានភាពស៊ាំ​សហគមន៍ ដើម្បីឆ្លើយ​តបនឹងកូវីដ-១៩។

គួរបញ្ជាក់ថា កាលពីថ្ងៃទី១៧ ខែមីនា ឆ្នាំ២០២២ កម្ពុជាបានសម្រេច លុបចោលលក្ខខណ្ឌ​តម្រូវឱ្យអ្នក​ដំណើរ​មកពីបរទេសត្រូវបង្ហាញលទ្ធផលតេស្ត PCR អវិជ្ជមាន ក្នុងរយៈពេល៧២​ម៉ោង មុនពេលមកដល់កម្ពុជា និងលុបចោលការតម្រូវឱ្យធ្វើតេស្តរហ័សនៅពេលមកដល់កម្ពុជា និងអនុញ្ញាតឱ្យបើកដំណើរការឡើងវិញនូវការផ្តល់ទិដ្ឋាការពេលមកដល់ (Visa on Arrival) សម្រាប់អ្នកដំណើរអន្តរជាតិទាំងអស់ ទាំងអ្នកដំណើរតាមផ្លូវអាកាស ផ្លូវគោក និងផ្លូវទឹក។

ទោះបីមានការលុបចោលលក្ខខណ្ឌរឹតបន្តឹងលើផ្នែកសុខាភិបាលពាក់ព័ន្ធនឹងជំងឺកូវីដ-១៩នេះ ក៏ដោយ ក្រសួងសុខាភិបាល ក៏អំនាវបាវលើកទឹកចិត្តដល់អ្នកដំណើរទាំងអស់ គប្បីធ្វើ​តេស្តរហ័ស​ដោយខ្លួនឯង។ ជាមួយគ្នា នេះអ្នកដំណើរទាំងអស់ត្រូវបង្ហាញវិញ្ញាបនបត្រ​បញ្ជាក់ការចាក់វ៉ាក់សាំងកូវីដ-១៩ នៅពេលមកដល់កម្ពុជា។ដោយឡែកចំពោះ​អ្នកដំណើរ​ដែលពុំបានចាក់វ៉ាក់សាំងកូវីដ-១៩ ពេញលេញ ត្រូវធ្វើចត្តាឡីស័ករយៈពេល១៤ថ្ងៃ នៅតាមទីតាំងដែលកំណត់ដោយក្រសួងសុខាភិបាល ឬអាជ្ញាធរមានសមត្ថកិច្ច។

កម្ពុជាជាប្រទេសដំបូងគេនៅក្នុងតំបន់អាស៊ីអាគ្នេយ៍ ដែលបានបើកប្រទេសទាំងស្រុង​ដោយ​លុប​ចេញលក្ខខណ្ឌ​រឹតបន្តឹងលើផ្នែកសុខាភិបាលពាក់ព័ន្ធនឹងជំងឺកូវីដ-១៩ ឃើញថា​ទាំង​អ្នកទេស​ចរណ៍បរទេស និងអ្នកវិនិយោគទុន។ ការធ្វើបែបនេះ ដោយសារបច្ចុប្បន្ននេះ កម្ពុជា​អាចគ្រប់គ្រងការឆ្លងរាលដាលជំងឺកូវីដ១៩ បានដោយពលរដ្ឋជាង៩០​ភាគរយ បានចាក់វ៉ាក់​សាំង ដែលពលរដ្ឋខ្លះបានចាក់ដល់ដូសទី៤ ដែលបង្កើតអោយមានភាពស៊ាំ​សហគ​មន៍ ដើម្បីឆ្លើយតបនឹងកូវីដ-១៩ ៕ អត្ថបទ៖ ពុធិកា

The post អ្នកដំណើរពីបរទេសមកកម្ពុជាមានការកើនឡើង ក្រោយ​លុបចោលលក្ខខណ្ឌរឹតបន្តឹងផ្នែក​សុខាភិបាលពាក់ព័ន្ធនឹងកូវីដ-១៩ appeared first on .

សម្ដេចតេជោ ហ៊ុន សែន បានបញ្ជាក់ថា បើទោះបីកម្ពុជាអត់មានវ៉ាក់សាំង ក៏មិនប្រើវ៉ាក់សាំងដែលហួសសុពលភាពនោះឡើយ ។

សម្ដេចតេជោ ក៏បានណែនាំឱ្យក្រសួងសុខាភិបាល និងគណៈកម្មាធិការប្រយុទ្ធប្រឆាំងជំ​ងឺ​កូវីដ-១៩ ត្រូវពិភាក្សាពិនិត្យលើសុពលភាពវ៉ាក់សាំង ដែលប្រទេសជាដៃគូ ផ្ដល់មកឱ្យកម្ពុជាឱ្យបានត្រឹមត្រូវ ៕

The post សម្ដេចតេជោ ហ៊ុន សែន មិនអនុញ្ញាត​ឲ្យ​ចាក់វ៉ាក់សាំងកូវីដ-១៩ ហួសសុពលភាពឲ្យប្រជាពលរដ្ឋឡើយ appeared first on .

លក្ខខណ្ឌអាចទិញឱសថម៉ូលណាទ្រីសនេះ ក្រសួងប្រៃសណីយ៍ និងទូរគមនគមន៍ បានកំណត់​អោយអ្នកមកទិញត្រូវភ្ជាប់មកជាមួយអត្តសញ្ញាណបណ្ណផ្ទាល់ខ្លួន ដោយឡែកសម្រាប់​មន្ទីរ​ពេទ្យ​​​ឯកជន គ្លីនិក ឱសថស្ថាន ឱសថ​ស្ថានរង ត្រូវភ្ជាប់មក​ជាមួយលិខិតអនុញ្ញាត​បើក​អាជី​កម្ម​។ ហើយការទូទាត់ប្រាក់ធ្វើតាមធនាគារABA ដោយផ្ទាល់នៅបញ្ជរ។

ក្រសួងប្រៃសណីយ៍ និងទូរគមនគមន៍ បញ្ជាក់បន្ថែមថា ការបញ្ជាទិញអាចធ្វើឡើងសារជាថ្មីក្នុង​រយៈ​ពេល៧​ថ្ងៃយ៉ាងតិច ក្រោយបញ្ជាទិញលើកចុងក្រោយ។ សម្រាប់ការផ្តល់អាទិភាព គឺអ្នកកំពុងមានតម្រូវការព្យាបាល ព្រមទាំងមិនយកទៅលក់បន្ត។

គួរ​រម្លឹកថា ឱសថ «ម៉ូលណាទ្រីស» ឬ ម៉ូលនូពីរ៉ាវា កាប់ស៊ុល២០០មីលីក្រាម អាចប្រើប្រាស់​សម្រាប់ព្យាបាលជំងឺ​កូវីដ១៩ ចាប់ពីកម្រិតស្រាលទៅ មធ្យម​ចំពោះមនុស្ស​ពេញវ័យ អាយុ​ចាប់ពី ១៨ ឆ្នាំឡើងទៅ ។ ឱសថនេះត្រូវបាន​ក្រសួ​ងប្រៃសណីយ៍ និងទូរគមនាគមន៍ ចែកចាយ​លក់ចាប់តាំងថ្ងៃទី២៣ ខែធ្នូ ឆ្នាំ២០២១ ក្នុងតម្លៃ ៥៥ ដុល្លារ​អាម៉េរិក ក្នុង១ដូស ដោយ១ដូស ស្មើនឹង ១កំប៉ុង មាន ៤០គ្រាប់ ។សម្រាប់មន្ទីរពេទ្យឯកជន គ្លីនិក ឱសថស្ថាន និងឱសថស្ថាន​រង អាចលក់បន្តមិន​លើសពី ៦៥ ដុល្លារ អាម៉េរិក ក្នុង១ដូស។

​តាមការពន្យល់របស់  ក្រុមការងារចំពោះកិច្ចគ្រប់គ្រងបែងចែក និងផ្គត់ផ្គង់ឱសថយុទ្ធសាស្ត្រ សម្រាប់ប្រយុទ្ធនឹងជំងឺកូវីដ១៩ ឱសថនេះត្រូវលេប១ ថ្ងៃ២ដង ម្ដង៤គ្រាប់  ក្រោយពេល  ទទួលទានអាហាររួចឬ ពេលពោះទទេរ និងគួរលេបទាំងមូលជាមួយទឹកមួយកែវដោយមិនត្រូវ បើកគ្រាប់កិនបំបែក ឬ ទំពារឡើយ។

គួរបញ្ជាក់ថា នៅប៉ុន្មានសប្តាហ៍ចុងក្រោយ ពោលគឺក្រោយចំនួនឆ្លងជំងឺកូវីដ១៩ បន្តកើន​ឡើង​វិញ ហើយមានអ្នកជំងឺខ្លះ​ដែលបាន​ការចាក់វ៉ាក់​សាំង​ពេញ​លេញ មានស្ថានភាពកម្រិតស្រាល បានសម្រាកព្យាបាលនៅតាមផ្ទះរៀងខ្លួន ដោយ​អនុវត្ត​តាមការណែ​នាំរបស់ក្រសួង​សុខា​ភិបាល​នោះគេសង្កេតឃើញមានពលរដ្ឋជា​ច្រើន​នាក់​បានទៅ​ តម្រង់​ជួរទិញឱសថ «ម៉ូល​ណាទ្រីស» ​ នៅតាមឱសថស្ថាន និងនៅក្រសួងប្រៃសណីយ៍ និងទូរគមនគមន៍ ។

មិនមែន​ទិញតែឱសថ​ម៉ូលណាទ្រីស ដែលជាឱសថប្រឆាំងវីរុសកូវីដ១៩នោះទេ ឱសថ​មួយ​ចំនួន​ទៀតដែលសម្រាប់​ព្យាបាល​អាការៈរបស់អ្នកជំងឺ ដូចជាថ្នាំក្អក ក្តៅខ្លួន ឈឺ ក្បាល វីតាមីនសេ ក៏ជាក្រុមឱសថដែលពលរដ្ឋឈរតម្រង់ជួរគ្នាទិញច្រើនដែរ៕

The post ចាប់ពី​ថ្ងៃទី២៨ កុម្ភៈ បុគ្គល​​ម្នាក់​​អាច​​ទិញ​​​ឱស​ថ​​ម៉ូល​ណា​ទ្រីស ​​ពី​ក្រសួង​ប្រៃសណីយ៍ បាន​​៥​កំប៉ុង រីឯ​​ឱ​សថ​​​ស្ថាន ទិញ​បាន​​​​​​៥០​​កំប៉ុង appeared first on .