កែវ វាសនា

កែវ វាសនា ត្រៀម ឡើង វីឡា តម្លៃជាង១លានដុល្លារឆាប់ៗនេះ

កូនចៅឧកញ៉ា — Mon, 10 Feb 2020 04:47:39 +0000

បន្ទាប់ពីសម្ពោធហាងឲ្យប្រពន្ធជិត៣០ម៉ឺនដុល្លារជូនប្រពន្ធកាលពីពេលថ្មីៗនេះ តារាចម្រៀងជួរមុខក្នុងផលិតកម្មសាន់ដេ លោក កែវ វាសនា បានបង្ហើបឲ្យដឹងថា លោកគ្រោងធ្វើពិធីឡើងវីឡា១បន្ថែមទៀត នៅពេលឆាប់ៗខាងមុខនេះ ដោយពិធីនោះខ្លួនមានគម្រោងអញ្ជើញភ្ញៀវច្រើន ពោលស្ទើរគ្រប់មិត្តភ័ក្ដិទាំងអស់នឹងត្រូវអញ្ជើញ។
វីឡាដែលតារាចម្រៀងខាងលើត្រៀមធ្វើពិធីចូលស្នាក់នៅ តាមទំនៀមទម្លាប់ប្រពៃណីនោះ គឺស្ថិតក្នុងបុរីដែលលោកកំពុងតែស្នាក់នៅតែម្ដង ហើយតម្លៃវិញត្រូវបានគេដឹងថា តម្លៃច្រើនជាង១លានដុល្លារឯណោះបើប្រៀបធៀបនឹងទីផ្សារបច្ចុប្បន្ន តែបែបណាក្ដី លោក កែវ វាសនា មិនបានប្រាប់ពីតម្លៃ នៃវិឡា ដែលលោកត្រៀមឡើងនោះឡើយ។

លោក កែវ វាសនា គ្រាន់តែបានប្រាប់ថា វីឡានោះ លោកបានទិញតាំងពីដំណាក់កាលបុកគ្រឹះឯណោះ ដែលគិតមកដល់ពេលនេះ ជាង១ឆ្នាំមកហើយ បច្ចុប្បន្នជាងកំពុងសម្រុកដេគ័រខាងក្នុង នៅដើមខែ មេសា ឆ្នាំ ២០២០ ខាងមុខនេះ នឹងធ្វើពិធីចូលនៅតែម្ដង។ ក្នុងពិធីឡើង គេហដ្ឋានថ្មីនេះលោកប្រាប់ថា ធ្វើឡើងមិនចាញ់ ពិធីមង្គលការរបស់ខ្លួននាពេលកន្លងមកឡើយ ពោលស្ទើរគ្រប់មិត្តភ័ក្ដិទាំងអស់នឹងត្រូវអញ្ជើញ។
នេះគឺជាជោគជ័យធំមួយ ដែលមានមកពីការងារសិល្បៈ នឹង មុខរបររកស៊ីប្រចាំថ្ងៃ ដោយប្រពន្ធតារាចម្រៀងល្បីឈ្មោះរូបនេះ ត្រូវបានគេដឹងថា ពូកែខាងរកស៊ីមិនចាញ់ប្ដីនោះឡើយ។

គ្រាន់តែដឹងត្រួសៗ បើរាប់ទាំង១វីឡា ដែលគ្រោងចូលនៅនោះ លោក កែវ វាសនា មានផ្ទះយ៉ាងតិច៣ទៅហើយ ក្នុងនោះមានវីឡាភ្លោះដែលលោកកំពុងរស់នៅរាល់ថ្ងៃ១ Shop Houseដែលលោកកំពុងតែ បើកហាងរាល់ថ្ងៃ១ ។ មុនប៉ុន្មានថ្ងៃនៃថ្ងៃដែលលោកបើកហាងជូនប្រពន្ធនោះ តារាចម្រៀងរូបនេះ បានទិញLexus 570 ស៊េរី2020 តម្លៃជាង២០ម៉ឺនដុល្លារ បន្ថែមលើរថយន្តជាច្រើនគ្រឿង ដែលលោកកំពុងជិះរាល់ថ្ងៃថែមទៀតផង។
មិនត្រឹមតែ ប៉ុណ្ណោះ លោក កែវ វាសនា ក៏ត្រូវបានគេដឹងថា មានដីជាច្រើនកន្លែង ប៉ុន្តែតារាចម្រៀងរូបនេះមិនធ្លាប់បញ្ចេញថា ខ្លួនជាអ្នករកស៊ីខាងអចលនទ្រព្យនោះឡើយ ខណៈដែលតារាចម្រៀងជាច្រើនទៀត បានចេញមុខរកស៊ី ដី ដោយបើកចំហក្ដី។

ទោះបីជាមិនចេញមុខដោយបើកចំហលើជំនួញអចលនទ្រព្យ ប៉ុន្តែលោកចេញមុខ រកស៊ី លើផលិតផល ថែរក្សាសម្រស់ជាមួយភរិយា ដោយបើកចំហ ហើយចំណូលរបស់ពូកគេ ត្រូវបានគេដឹងថា មិនតិចនោះទេ ដែលជា ហេតុនាំឲ្យ ពួកគេមានលទ្ធភាព មានទ្រព្យដូចបានរៀបរាប់ខាងលើ៕

ប្រភព៖ សប្បាយ

The post កែវ វាសនា ត្រៀម ឡើង វីឡា តម្លៃជាង១លានដុល្លារឆាប់ៗនេះ appeared first on .

លោក ផ្កាយ៤មៀច សុផាន់ណា សរសើរកែវ វាសនា ចេះរកប្រពន្ធបានល្អ ទាំងឆ្លាតទាំងស្អាត

កូនចៅឧកញ៉ា — Thu, 16 Jan 2020 03:28:36 +0000

តារាចម្រៀងលោក កែវ វាសនា បានបើកសម្ពោធហាងជូនប្រពន្ធ កាលពីល្ងាចមិញនេះ ដោយបានអញ្ជើញឯកឧត្ដម នាយឧត្ដមសេនីយ៍ មៀច សុផាន់ណា រដ្ឋលេខាធិការក្រសួងមហាផ្ទៃ នឹងជាប្រធានគណៈធម្មាធិការប្រយុទ្ធ ប្រឆាំងផលិតផលក្លែងក្លាយ ជាភ្ញៀវកិត្តិយសក្នុងការកាត់ខ្សែបូផងដែរ។ ឯកឧត្ដម នាយឧត្ដមសេនីយ៍ បានសរសើរ លោក កែវ វាសនា ថា តារាចម្រៀងរូបនេះ ចេះរកប្រពន្ធបានល្អណាស់ ទាំងឆ្លាតទាំងស្អាត ពូកែរកស៊ី។

ហាងដែលតារាចម្រៀងលោក កែវ វាសនានឹងភរិយា បើកសម្ពោធខាងលើ គឺជា មុខជំនួញនាំចូលផលិតផលគ្រឿងខូស្មិកទិក ជ្រកក្រោមស្លាកឈ្មោះក្រុមហ៊ុន chy chy lim co.,lt ដែលជាក្រុមហ៊ុនផ្លូវការរបស់អ្នកទាំងពីរតែម្ដង។ តាមការបញ្ជាក់មុនថ្ងៃសម្ពោធជាផ្លូវការ ផលិតផលដែលផលិតនៅប្រទេសថៃនេះ បានចរាចរណ៍លើទីផ្សារកម្ពុជាជាច្រើនខែហើយ ព្រមទាំងមានតំណាងចែកចាយជាច្រើនពាន់នាក់រួចមកហើយ។ តាមការបង្ហើបពីសាមីខ្លួន មុខជំនួញ១នេះប្រើទុនប្រហែលជិត៣០ម៉ឺនដុល្លារឯណោះ ហើយទុនវិយោគអាចនឹងកាន់តែមានចំនួនច្រើនជាងនេះថែមទៀត ត្បិតអីអ្នកទាំង២គ្រោង នាំចូលផលិតផលជាច្រើនមុខទៀត ពីបរទេស ដើម្បីបំពេញតម្រូវការអតិថិជន។

អ្វីដែលកាន់តែធ្វើឲ្យប្រពន្ធតារាចម្រៀងរូបនេះរំភើបនោះថែមទៀតនោះ មុនថ្ងៃបើកសម្ពោធហាងតែប៉ុន្មានថ្ងៃ លោកបានទិញរថយន្តLexus 570 ស៊េរី2019 ថ្មីស្រឡាងជូនប្រពន្ធ ធ្វើឲ្យប្រពន្ធពេញចិត្តស្ដូកតែម្ដង។ កែវ វាសនា និយាយថា Lexus 570 ស៊េរី2020 ប្រពន្ធស្រលាញ់ជាយូរមកហើយ អីចឹងត្រូវតែ បំពេញបំណងជូនគាត់។

លោក កែវ វាសនា និយាយថា ដោយសារតែមុខរបរខាងលើ ងាយស្រួលហើយទីផ្សារនៅក្នុងប្រទេសកម្ពុជា កំពុងតែពេញនិយមខ្លាំង គួបផ្សំប្រពន្ធរបស់លោក គឺជាអ្នកជំនាញខាង Live លក់ផលិតផលទាំងនោះផង ទើបលោកនឹងភរិយា បានសម្រេចបង្កើតជាក្រុមហ៊ុន ពង្រីកដើមទុនបន្ថែម ឲ្យកាន់តែធំឡើងៗ។

នៅថ្ងៃបើសម្ពោធ លោកក៏បានអញ្ជើញ ឯកឧត្ដម នាយឧត្ដមសេនីយ៍ មៀច សុផាន់ណា រដ្ឋលេខាធិការក្រសួងមហាផ្ទៃ នឹងជាប្រធានគណៈធម្មាធិការប្រយុទ្ធ ប្រឆាំងផលិតផលក្លែងក្លាយ ជាភ្ញៀវកិត្តិយសក្នុងការកាត់ខ្សែបូផងដែរ។ ឯកឧត្ដម នាយឧត្ដមសេនីយ៍ បានសរសើរ លោក កែវ វាសនា ថា តារាចម្រៀងរូបនេះ ចេះរកប្រពន្ធបានល្អណាស់ ទាំងឆ្លាតទាំងស្អាត ពូកែរកស៊ី។ ឯកឧត្ដម បានលើកទឹកចិត្តឲ្យមុខរបរស្របច្បាប់មួយនេះដំណើរការបានជោគជ័យ ហើយក្នុងនាមអាជ្ញាធរ នឹងសហការជានិច្ច ប្រសិនបើមានការរំលោភបំពាន់ផ្លូវច្បាប់ណាមួយ ។

នេះជាជោគជ័យធំមួយ បន្ថែមលើការងារសិល្បៈបច្ចុប្បន្ន ទោះបីជាមមាញឹកលើ ការជួយរកស៊ីប្រពន្ធបែបណាក្ដី តារាចម្រៀងរូបនេះ មិនទម្លាក់ចោលឡើយ គឺលោកនៅតែមន្តការច្រៀងតាមខនស៊ីត ជាហូរហែ ហើយបទចម្រៀងថ្មីក៏កំពុងតែសម្រុកផលិតជាបន្តបន្ទាប់៕

ប្រភព៖ សប្បាយ

The post លោក ផ្កាយ៤មៀច សុផាន់ណា សរសើរកែវ វាសនា ចេះរកប្រពន្ធបានល្អ ទាំងឆ្លាតទាំងស្អាត appeared first on .

កែវ វាសនា

កែវ វាសនា ត្រៀម​ ឡើង​ វីឡា ​តម្លៃ​ជាង​១លានដុល្លារឆាប់ៗ​នេះ

លោក ផ្កាយ៤មៀច សុផាន់ណា សរសើរ​កែវ វាសនា ចេះ​រក​ប្រពន្ធ​បាន​ល្អ ទាំង​ឆ្លាត​ទាំង​ស្អាត

កែវ វាសនា ត្រៀម ឡើង វីឡា តម្លៃជាង១លានដុល្លារឆាប់ៗនេះ

លោក ផ្កាយ៤មៀច សុផាន់ណា សរសើរកែវ វាសនា ចេះរកប្រពន្ធបានល្អ ទាំងឆ្លាតទាំងស្អាត