មួយក្នុងចំណោមស្ថាបនិកទាំង៤ រូបនោះ គឺមានម្នាក់ត្រូវបានគេស្គាល់ថាជាលោក Le Viet Lam ធ្លាប់ជាដៃគូអាជីវកម្មរបស់ស្ថាបនិកក្រុមហ៊ុន Vingroup គឺលោក Pham Nhat Vuong អំឡុងពេលដែលអ្នកទាំងពីរបានបើកអាជីវកម្មផលិតមីកញ្ចប់ Technocom រួមគ្នានៅទីក្រុង Kharkiv ប្រទេសអ៊ុយក្រែន។

ដោយមានបំណងចង់ដាស់សក្ដានុពលទេសចរណ៍ក្នុងទឹកដីកំណើត និងនាំយកគោលដៅទេសចរណ៍វៀតណាម ឲ្យភ្ញៀវទេសចរទាំងអស់ជុំវិញពិភពលោកបានស្គាល់ និងមកលេងកម្សាន្ត ក្រុមហ៊ុន Sun Group បានចាប់ផ្តើមដំណើរការជាមួយនឹងឧទ្យានដ៏ល្បីឈ្មោះ Sun World Ba Na Hills។

ហើយចាប់តាំងពីការដាក់សម្ពោធ Ba Na Hills មក ទីនោះបានក្លាយជាអេកូទេសចរណ៍វៀតណាម ជាមួយនឹងការទទួលស្គាល់លំដាប់ថ្នាក់ពិភពលោក។ ក្រោយភាពជោគជ័យដ៏ធំនៃគម្រោងនេះ Sun Group បានបន្តអភិវឌ្ឍគោលដៅទេសចរណ៍នៅក្នុងខេត្តជាច្រើនទៀត រួមទាំង Da Nang, Phu Quoc, Quang Ninh និង Sapa​ ជាមួយនឹងខ្សែសង្វាក់សួនកម្សាន្តពាណិជ្ជកម្មក្រោមម៉ាកយីហោ Sun World ។

មួយក្នុងចំណោមគម្រោងធំៗរបស់ខ្លួន Sun Group បានបោះទុនយ៉ាងច្រើនសន្ធឹកសន្ធាប់ ក្នុងការអភិវឌ្ឍលើកោះត្រល់ ដោយក្រុមហ៊ុនបានបង្កើតគម្រោងជិត ៥០ ជាមួយនឹងសេវាកម្សាន្តដ៏ច្រើន​សម្បូរ​បែបសម្រាប់ភ្ញៀវទេសចរណ៍។

តាមការប៉ាន់ប្រមាណថា ចាប់ពីឆ្នាំ២០១៦ នៅពេលដែល Sun Group បានបើកមជ្ឈមណ្ឌលកម្សាន្ត JW Marriott Phu Quoc Emerald Bay នៅលើកោះត្រល់ រហូតដល់ឆ្នាំ២០១៩ មុនពេលមានជំងឺរាតត្បាត ចំនួនអ្នកមកទស្សនានៅលើកោះនេះ បានកើនឡើងពី ១,៤៥ លាននាក់ ដល់ ៥,១ លាននាក់ ស្មើនឹងការកើនឡើង ២៥២%។

បន្ថែមពីលើការអភិវឌ្ឍទេសចរណ៍ ចាប់តាំងពីឆ្នាំ២០១៣ មក ក្រុមហ៊ុន Sun Group បានចូលរួមចំណែកក្នុងការដាក់ឈ្មោះប្រទេសវៀតណាមនៅលើផែនទីរមណីយដ្ឋានលំដាប់ថ្នាក់ពិភពលោក ជាមួយនឹងសណ្ឋាគារ InterContinental Danang Sun Peninsula Resorts របស់ខ្លួន ដែលទទួលបានកិត្តិយសជាសណ្ឋាគារដ៏ប្រណិតបំផុតរបស់ពិភពលោក ក្នុងឆ្នាំ២០១៤។

មិនត្រឹមតែជួយរួមចំណែកលើសក្ដានុពលទេសចរណ៍វៀតណាមប៉ុណ្ណោះទេ Sun Group ក៏ជាម៉ាកយីហោដែលត្រូវបានផ្សារភ្ជាប់ជាមួយនឹងគម្រោងដឹកជញ្ជូនជាតិសំខាន់ៗជាច្រើនផងដែរ ដែលជាការជំរុញដ៏ខ្លាំងដល់ការអភិវឌ្ឍសេដ្ឋកិច្ចក្នុងតំបន់។

មួយក្នុងចំណោមគម្រោងដឹកជញ្ជូនដ៏សំខាន់នោះ គឺអាកាសយានដ្ឋានអន្តរជាតិ Van Don ដែលជាអាកាសយានដ្ឋានអន្តរជាតិដំបូងគេនៅវៀតណាម និងត្រូវបានវិនិយោគ និងដំណើរការដោយសហគ្រាសឯកជន ក្រោមការគ្រប់គ្រងដោយក្រុមហ៊ុន Sun Group ។ ក្រោយដាក់ឲ្យដំណើរការដំបូង អាកាសយានដ្ឋានអន្តរជាតិ Van Don ទទួលបានភ្ញៀវទេសចរណ៍ ២,៥លាននាក់ និងដឹកជញ្ជូនទំនិញបាន ១០ ០០០ តោនក្នុងមួយឆ្នាំ ដែលជាការជំរុញដ៏សំខាន់ដល់ការអភិវឌ្ឍតំបន់សេដ្ឋកិច្ចក្នុងតំបន់នោះ។

ទន្ទឹមនឹងស្នាដៃលំដាប់ថ្នាក់ពិភពលោកលើវិស័យសំខាន់ៗ រហូតមកដល់បច្ចុប្បន្ន ក្រុមហ៊ុន Sun Group ក៏បានវិនិយោគលើការសាងសង់គម្រោងសំខាន់ៗជាច្រើនផ្សេងទៀតផងដែរ ដូចជាអគារសម្រាប់អ្នកមានចំណូលទាប ការវិនិយោគលើការកសាងតំបន់ទីក្រុងបៃតងនៅទីក្រុង Da Nang ជាដើម។

ជម្រាបជូនផងដែរថា Sun Group បានបង្កើតឈ្មោះរបស់ខ្លួនក្នុងបញ្ជីម៉ាកយីហោទេសចរណ៍ឈានមុខគេ និងក្រុមហ៊ុនវិនិយោគអចលនទ្រព្យលំដាប់ខ្ពស់នៅក្នុងប្រទេសវៀតណាម ជាមួយនឹងស្នាដៃដែលបន្សល់ទុកនូវសញ្ញាណដែលមិនធ្លាប់មានពីមុនមក ដែលវាជាការរួមចំណែកដល់ការលើកកម្ពស់ការអភិវឌ្ឍនៅក្នុងទីតាំងជាច្រើន ក្នុងប្រទេស៕

The post Sun Group ស្តេចត្រាញ់វិនិយោគនៅកោះត្រល់ និងវិស័យទេសចរណ៍ប្រទេសវៀតណាម appeared first on .

ជាក់ស្តែងក្រុមហ៊ុនអភិវឌ្ឍន៍អចលនទ្រព្យថៃ ដែលស្ថិតនៅក្រោម ក្រុមហ៊ុនមេ Thaiholdings មួយនេះ បានបញ្ចប់ការសិក្សាគម្រោងរួចរាល់ហើយ ដែលរំពឹងថានឹងដំណើរការសាងសង់នៅក្នុងឆ្នាំ ២០២២ ដល់ ២០២៦ ដើម្បីប្រែក្លាយកោះត្រល់ ទៅជាមជ្ឈមណ្ឌលទេសចរណ៍អន្តរជាតិ ។

យ៉ាងណាក៏ដោយ ក្រុមហ៊ុន Thaigroup បាននឹងកំពុងស្វែងរកការអនុញ្ញាតពីសំណាក់អាជ្ញាធរនៅក្នុងតំបន់នេះ ដើម្បីធ្វើការស្ទង់មតិទៅលើទីតាំង សម្រាប់អនុវត្តគម្រោងដ៏ធំបំផុតរបស់ខ្លួនមួយនេះ ។

មិនតែប៉ុណ្ណោះ ក្រុមហ៊ុនខាងលើបាននិយាយថា មានតម្រូវការខ្លាំង សម្រាប់វិស័យទេសចរណ៍ក្នុងទីអវកាស នៅតំបន់អាស៊ីអាគ្នេយ៍ ប៉ុន្តែនៅមិនទាន់មានកន្លែងសម្រាប់បាញ់បង្ហោះរ៉ុក្កែតនៅឡើយទេ ដូច្នេះហើយទើបក្រុមហ៊ុន មើលឃើញថាកោះត្រល់ អាចជាកន្លែងចាប់ផ្តើមដំបូង ។

គួរឲ្យដឹងផងដែរថា ក្រុមហ៊ុន Thaigroup ក៏កំពុងដំណើរការសាងសង់រីសតមួយ ក្នុងតម្លៃជាង ៩,៨ ពាន់លានដុង នៅលើកោះត្រល់ផងដែរ បន្ទាប់ពីពួកគេបានទិញយកពីក្រុមហ៊ុន Xuan Thanh Group ដែលពីមុនមកគឺជារោងចក្រស៊ីមម៉ងត៍ និងរោងចក្រវារីអគ្គិសនី ។

សូមបញ្ជាក់ថា ក្នុងឆ្នាំ ២០១៩ កោះត្រល់ ទទួលភ្ញៀវទេសចរណ៍បានជាង ៥ លាននាក់ ដោយក្នុងនោះមានជនបរទេសចំនួន ៥៤១ ០០០ នាក់ ៕

ប្រភព: Vn Express

The post ក្រុមហ៊ុនឯកជនថៃមួយ ចង់ចាយលុយជាង ១ ពាន់លានដុល្លារ សាងសង់ឋានីយបាញ់រ៉ុក្កែត លើកោះត្រល់ appeared first on .

ឯកសារ​ប្រវត្តិ​សាស្ត្រ​បាន​បញ្ជាក់​ថា ពី​ដើម​ខ្ពង់​រាប​បូក​គោ​ជា​កន្លែង​យក​ខ្យល់​អាកាស​សម្រាប់​ជន​ជាតិ​អឺរ៉ុប ដែល​កាល​នោះ​អាណា​ព្យាបាល​ស្រុក​យើង គឺ​ប្រទេស​បារាំង ដែល​មាន​លោក​ហ្វ្រង់ស័រ-បូដ្វាំង ជារេ​ស៊ីដង់​សុប៉េរី​យើរ នៅ​ប្រទេស​កម្ពុជា​។ ការ​​កសាង​វត្ត​នេះ​ឡើង​ដើម្បី​ទុក​ឲ្យ​ព្រះ​មហា​ក្សត្រ​ខ្មែរ​គោរពបូជា ព្រោះ​គេ​ដឹង​ថា ខ្មែរ​គោរព​ប្រណិប័តន៍​សាសនា​នេះ ហើយ​​ចុង​ក្រោយ​ទីឋាន​នោះ​ត្រូវ​បាន​បើក​សម្ពោធ​ជា​ផ្លូវ​ការ​កាលពី​ឆ្នាំ​ ១៩២៥ ក្នុង​រជ្ជកាល ព្រះ​បាទ​ស៊ីសុវត្ថិ។ កាល​ពី​សម័យ​កសាង​នោះ ដោយ​ទ្រង់​យល់​ថា បារាំង​រៀបចំ​ធ្វើ​ជា​ទី​សំណាក់​អាស្រ័យ​យក​ធាតុ​ត្រជាក់​សម្រាប់​ពួក​គេ ដូច្នេះ ព្រះមហាក្សត្រ​ខ្មែរ​យើង​ព្រះ​អង្គ ក៏​ទ្រង់​ព្រះរាជ​តម្រិះ​ដល់​ព្រះ​ពុទ្ធសាសនា​ភ្លាម​ដែរ គឺព្រះ​អង្គ​ទ្រង់​សាង​អារាម​មួយ ដែល​មាន​កូន​វិហារ​តូច​មួយ​ និង​ធ្វើ​ចេតិយ​មួយ​ឡើង​។

សូមបញ្ជាក់ថា ឈ្មោះ វត្តសំពៅប្រាំ គឺយកតាមលំនាំទីកន្លែងលើទួលនោះ ដែលមានសន្លឹកផែនថ្មធំៗ ដូចជាក្តោងសំពៅប្រាំផ្ទាំងស្ថិតនៅត្រង់នោះស្រាប់។

រូបភាព៖ Adam

The post វត្តសំពៅ៥ ស្ថិតនៅលើភ្នំបូកគោ យើងអាចឈរមើលកោះត្រល់ ហើយស្រូបខ្យល់ធម្មជាតិទៀតផង appeared first on .