នៅក្នុងឱកាសនោះ អ្នកឧកញ៉ា ពុង ឃាវសែ បានឱ្យដឹងថា ការចំណាយរបស់ក្រុមហ៊ុនOCIC សម្រាប់គម្រោងកោះនរា ចាប់ពីដំបូង រហូតមកដល់ពេលនេះ ក្រុមហ៊ុន បានចំណាយជាង ៣០០លានដុល្លារ រួចមកហើយ និងត្រូវចំណាយខ្ទង់រយលានដុល្លារបន្ថែមទៀត ដើម្បីឲ្យគម្រោងទីក្រុងរណបកោះនរានេះ អាចបញ្ចប់ការសាងសង់ហេដ្ឋារចនាសម្ព័ន្ធទាំងអស់ នៅក្នុងឆ្នាំ២០២៥ ខាងមុខ (ដោយមិនរាប់បញ្ចូលការសាងសង់អគារនោះទេ)។

អ្នកឧកញ៉ា បន្តថា ក្នុងអំឡុងពេលដ៏មមាញឹកខ្លាំងនេះ ទីក្រុងរណបកោះនរា បានបង្កើនកន្លែងការងារដល់ប្រជាពលរដ្ឋយ៉ាងច្រើនដូចជា បុគ្គលិក វិស្វករ សន្តិសុខ ជាង ៥០០នាក់ កំពុងបំពេញការងារ ដែលមានការចំណាយ លើប្រាក់បៀរវត្ស ជាង ៣០ម៉ឺនដុល្លារ ក្នុងមួយខែ និងមានតម្រូវការ កំលាំងកម្មករ និងជាងប្រមាណ ១២០០នាក់ កំពុងបំពេញការងារសព្វថ្ងៃ និងការចំណាយលើប្រាក់បៀរវត្ស ប្រហែល ៥០ម៉ឺនដុល្លារក្នុងមួយខែផងដែរ។

សូមជម្រាបថា ក្រុមហ៊ុន OCIC GROUP ជាក្រុមហ៊ុនពហុវិស័យមួយនៅកម្ពុជា ដែលមានក្រុមហ៊ុនបុត្រសម្ព័ន្ធ និងអាជីវកម្មលើវិស័យជាច្រើនដូចជា ការអភិវឌ្ឍន៍អចលនទ្រព្យ អចលនទ្រព្យ ការអប់រំ ការថែទាំសុខភាព បដិសណ្ឋារកិច្ច អាកាសយានដ្ឋាន សំណង់ និងវិស្វកម្ម ការលក់រាយ ប្រព័ន្ធផ្សព្វផ្សាយ និងការកម្សាន្ត។ គម្រោងធំៗរបស់ក្រុមហ៊ុន អូស៊ីអាយស៊ី គ្រុប នាពេលបច្ចុប្បន្នរួមមាន ព្រលានយន្តហោះអន្តរជាតិតេជោតាខ្មៅ ទីក្រុងកោះពេជ្រ ទីក្រុងកោះនរា ទីក្រុងរណបជ្រោយចង្វារ ទីក្រុងអូឡាំព្យា បុរីសាន់វេ បុរីចំការមន បុរីបាសាក់ហ្គាឌិន និងខុនដូ Diamond Bay Garden ជាដើម៕

The post អ្នកឧកញ៉ា ពុង ឃាវសែ៖ ក្រុមហ៊ុន OCIC ចំណាយថវិកាជាង៣០០លានដុល្លារ ក្នុងការអភិវឌ្ឍន៍គម្រោងទីក្រុងរណបកោះនរា appeared first on .

ការ​ដាក់​ចេញ​វិធានការ​ឱ្យ​អនុវត្ត​នេះ​ គឺ​មាន​ដូចជា៖ ១)មិនអនុញ្ញាត​ឱ្យ​ចតយានជំនិះ​នៅលើផ្លូវ ឬចិញ្ចើម​ផ្លូវ​ឡើយ សូមចតយានជំនិះរបស់លោកអ្នកនៅទីតាំង​ចំណត​ដែលបានរៀបចំ, ២)មិនអនុញ្ញាតឱ្យ​ប្រើប្រាស់​ឧបករណ៍​បំពងសម្លេងលឺៗ រួមមានធុងបាស speaker ។ល។ ៣)មិនអនុញ្ញាត​ឱ្យ​ដាក់តុកៅអី ក្រាលកន្ទេល ដើម្បីទទួលទានអាហារ ឬសេពគ្រឿងស្រវឹងនៅតាមទីកន្លែងសាធារណៈឡើយ។ ៤)ចូលរួមថែរក្សាអនាម័យ ដោយវេចខ្ចប់សម្រាមផ្ទាល់ខ្លួនទៅដាក់នៅក្នុងធុងសម្រាម និង ៥)ចូលរួមថែរក្សាបរិស្ថាន ដោយមិនដើរជាន់ស្មៅ បេះបោចរុក្ខជាតិ បំផ្លាញសំភារៈ ឬទ្រព្យសម្បត្តិដែលមាននៅក្នុងឧទ្យាននរាឡើយ។

ក្រុមហ៊ុន OCIC ​​ក៏​សូម​អំពាវ​ឱ្យ​សាធារណៈជន​ចូលរួមអនុវត្តទាំងអស់គ្នា ដើម្បីទាំងអស់គ្នាមកលេងកម្សាន្ត សប្បាយរីករាយ ស្ងប់ស្ងាត់ ស្តាប់សំឡេងវាយោ គយគន់គង្គា ហាត់ប្រាណជាមួយគ្រួសារ អានសៀវភៅ ឬលេងហ្គីតាជាមួយមិត្តភក្តិ អមដោយបរិយាកាសធម្មជាតិ ព្រមទាំងចៀសវាងការបង្កគ្រោះថ្នាក់ដល់ខ្លួនឯង ការរំខានដល់អ្នកដទៃ និងសណ្តាប់ធ្នាប់អនាម័យនៅឧទ្យាននរា។

សូម​ជម្រាប​ថា ឧទ្យាននរា (Norea Parkway) បាន​ក្លាយ​ជា​ទីកន្លែង​លំហែ​​កាយ​ដ៏​ចាប់​អារម្មណ៍​មួយ​ ​​បន្ទាប់​ពី​ការ​តភ្ជាប់​ស្ពានខ្សែកាបកោះពេជ្រ-កោះនរា។ ស្ពាន​ថ្មី​គម្រោង​សាងសង់ដោយក្រុមហ៊ុន OCIC របស់​អ្នកឧកញ៉ា ពុង ឃាវសែ ​ចំណាយថវិកា​ប្រមាណ ៣៨​លាន​ដុល្លារ​អាមេរិក ​​​​បាន​​ធ្វើ​ពិធី​​តភ្ជាប់​ ​​ក្រោម​អធិបតីភាព​លោក ឃួង ស្រេង អភិបាលរាជធានីភ្នំពេញ នៅ​ថ្ងៃទី១២ ខែកញ្ញា ឆ្នាំ២០២៣ និង​បាន​បើកដំណើរការ​ឱ្យ​ប្រើប្រាស់ ​កាល​ព្រឹក​ថ្ងៃសុក្រ ទី២០ ខែតុលា ឆ្នាំ២០២៣៕

The post ឧទ្យាននរា របស់អ្នកឧកញ៉ា ពុង ឃាវសែ ដាក់ចេញវិធានការ ៥ចំណុច សម្រាប់អ្នកទៅលេងកម្សាន្ត appeared first on .

លោក ច្រឹក សុខនីម អគ្គនាយកក្រុមហ៊ុន Century 21 Mekongមើលឃើញថា ការកសាងស្ពានកោះនរា-កោះពេជ្រជាផ្នែកមួយសំខាន់ដើម្បីសម្រួលដល់ការដឹកជញ្ជូន ហើយដីនៅនៅគៀកនឹងស្ពានក្នុងតំបន់ជិតនិងផ្លូវនិងទទួលបាននូវផលវេជ្ជមានពីការអភិវឌ្ឍនៃគម្រោងសាងសង់ស្ពានមួយនេះ ហើយវត្តមានស្ពានថ្មីនេះជួយកាត់បន្ថយនៃការកកស្ទះចរាចរនៅត្រង់កន្លែងស្ពានអាកាសក្បាលថ្មល់បានមួយកម្រិតផងដែរ ។

លោក ច្រឹក សុខនីម មានប្រសាសន៍ថា ក្នុងពេលបច្ចុប្បន្ននេះ សម្រាប់ទស្សនៈវិស័យឬការអភិវឌ្ឍនៅក្នុងវិស័យអចលនទ្រព្យ ឱ្យរីកចម្រើនឬឱ្យដីនៅកោះនរាឡើងថ្លៃតែម្តង ខ្ញុំមើលទៅវាមិនទាន់ពេលនេះ តែនៅថ្ងៃអនាគតអាចនិងឡើងថ្លៃនៅពេលស្ថានភាពសេដ្ឋកិច្ចមានភាពល្អប្រសើរជាងពេលសព្វថ្ងៃនេះ។

លោកលើកឡើងថា ដីនៅកោះនរាបានឡើងថ្លៃរួចហើយទៅនៅពេលកន្លងមក កន្លែងខ្លះមួយការ៉េថ្លៃពី៨០០ទៅជាង១០០០ដុល្លារអាមេរិកនិងតំបន់ផ្សេងទៀតថ្លៃពី១៥០០ទៅដល់១៧០០ដុល្លារអាមេរិកក្នុងមួយម៉ែត្រការ៉េ ហើយបើមានស្ពានឆ្លងកាត់ថែមទៀត វារឹតតែល្អក្នុងការអភិវឌ្ឍ។

លោក ច្រឹក សុខនីម សង្កត់ធ្ងន់ថា “សម្រាប់ខ្ញុំ ដីនៅខាងកោះនរាវាអាចនឹងមានការឡើងថ្លៃតទៅទៀត បើយើងប្រៀបទៅនិងដីកោះពេជ្រថ្លៃពី៣០០០ទៅ៤០០០ដុល្លារអាមេរិកក្នុងមួយម៉ែត្រការ៉េ អីចឹងតម្លៃដីនៅកោះនរាវានៅក្រោមតម្លៃដីកោះពេជ្រពី២ទៅ៣ដង គ្រាន់តែស្ថានភាពសេដ្ឋកិច្ចបច្ចុប្បន្ននេះវាមិនទាន់អំណោយផលសម្រាប់ដីនៅកោះនរា តែសម្រាប់រយៈវែងប្រាកដជាតម្លៃដីកើនឡើងថ្លៃជាក់ជាមិនខាន”។

លោកបណ្ឌិត ហុង វណ្ណៈ អ្នកជំនាញសេដ្ឋកិច្ចនៃវិទ្យាស្ថានទំនាក់ទំនងអន្តរជាតិនៃរាជបណ្ឌិត្យសភាកម្ពុជាបានឱ្យដឹងថា ជាទូទៅកាលណាមានប្រព័ន្ធហេដ្ឋារចនាសម្ព័ន្ធថ្មីទំនើប តំបន់នោះរមែងទទួលបានការប្រែប្រួល ពិសេសតម្លៃដីធ្លីក៏ដូចជាការអភិវឌ្ឍន៍ផ្សេងៗនិងឡើងថ្លៃ។ក៏ប៉ុន្តែស្ថានភាពនៅពេលបច្ចុបច្ចប្បន្នដោយសារបញ្ហាសង្គ្រាមរុស្ស៊ី- អ៊ុយក្រែន ក៏ដូចជាសង្គ្រាមរវាង អ៊ីស្រាអែល-ប៉ាលីស្ទីន បានធ្វើឱ្យវិនិយោគិនបរទេសមួយចំនួននិងវិនិយោគិននៅក្នុងស្រុកនៅស្ងៀមសិន ។

លោកបណ្ឌិតមានប្រសាសន៍ “ខ្ញុំគិតថាតំបន់ដែលមានហេដ្ឋារចនាសម្ព័ន្ធថ្មី ពិសេសកោះនរា មានស្ពានសម្រាប់ឆ្លងកាត់ទៅវិញទៅមក ធ្វើឱ្យកោះនរា កាន់គៀកជាមួយទីក្រុងភ្នំពេញហើយប្រជាពលរដ្ឋធ្វើដំណើរកាន់តែមានភាពងាយស្រួល ហើយតម្លៃដីធ្លីនឹងហក់ឡើងពិតប្រាកដ ។ប៉ុន្តែចរន្តឬចលនានៃការទិញលក់ ខ្ញុំគិតថានៅមានកម្រិតនៅឡើយទេ ដោយសារពិភពលោកកំពុងជួបបញ្ហានៃការផ្ទុះសង្គ្រាមកើតឡើងជាបន្តបន្ទាប់”៕ សារេត

The post វត្តមានស្ពានកោះពេជ្រ-កោះនរា មិនទាន់អាចជំរុញឱ្យតម្លៃដីក្នុងតំបន់កោះនរាឡើងថ្លៃភ្លាមៗក្នុងរយៈពេលខ្លីបានទេ appeared first on .

គម្រោងសាងសង់ស្ពានបេតុងខ្សែកាបតភ្ជាប់ពីទីក្រុងរណបកោះពេជ្រ ឆ្លងកាត់គម្រោងអភិវឌ្ឍន៍កោះនរា ទៅកាន់ផ្លូវជាតិលេខ១ ត្រូវបានបើកការដ្ឋានសាងសង់នៅថ្ងៃទី២៦ ខែតុលា ឆ្នាំ២០២០នេះ ក្រោមវត្តមានសម្តេចតេជោ ហ៊ុន សែន នាយករដ្ឋមន្រ្តី។ គម្រោងនេះសាងសង់ដោយក្រុមហ៊ុន OCIC របស់មហាសេដ្ឋីដ៏មានឥទ្ធិពល និងរឹងមាំបំផុតរាប់ទស្សវត្សរ៍អ្នកឧកញ៉ា ពុង ឃាវសែ។

បើតាម​អ្នក​ឧកញ៉ា ពុង ឃាវសែ អគ្គនាយក​ក្រុមហ៊ុន OCIC ដែល​វិនិយោគ​សាងសង់​ទីក្រុង​រណប​កោះពេជ្រ ទីក្រុង​រណប​ជ្រោយចង្វារ និង​ទីក្រុង​រណប​កោះនរា បាន​ឲ្យ​ដឹង​ថា ស្ពាន​បេតុង​ខ្សែកាប​ដែល​តភ្ជាប់​តំបន់​កោះពេជ្រទៅកោះនរានេះ នឹង​ចំណាយថវិកា​ ៣៨លានដុល្លារអាមេរិក និង​រយៈពេល​សាងសង់​ចំនួន ៣៥ខែ គិតពីថ្ងៃបើក​ការដ្ឋាន​សាងសង់​។ 

អ្នក​ឧកញ៉ាបន្តថា ស្ពាន​បេតុង​ខ្សែកាបដែល​តភ្ជាប់​កោះពេជ្រ ទៅ កោះនរា​នេះ រចនាប្លង់​ដោយ​ក្រុមហ៊ុន​ចិន និង​សាងសង់​ដោយ​ក្រុមហ៊ុន​ចម្រុះ​ចិន-ខ្មែរ ។ ទីក្រុងរណប​កោះនរា ស្ថិតនៅ​ខាង​កើត​នៃ​ទីក្រុង​កោះពេជ្រ លាត​សន្ធឹង​រហូត​ជិត​កៀនស្វាយ ស្ថិត​នៅ​ក្នុង​ខណ្ឌ​ច្បារអំពៅ រាជ​ធានី​ភ្នំពេញ៕

The post ស្ពានតភ្ជាប់ទៅកាន់ទីក្រុងរណបកោះនរា តម្លៃ៣៨លានដុល្លាររបស់អ្នកឧកញ៉ា ពុង ឃាវសែ សម្រេចការសាងសង់បាន ៦២% appeared first on .

ប្រភពស្និទ្ធនឹងក្រុមហ៊ុន OCIC បង្ហើបប្រាប់ឧកញ៉ាញូស៍ថា ការលក់ដីនៅតំបន់កោះនរា ត្រូវបានចុះហត្ថលេខារួចរាល់ហើយ កាលពីពេលថ្មីៗកន្លងទៅ រវាងអ្នកឧកញ៉ា ពុង ឃាវសែ ប្រធានក្រុមប្រឹក្សាភិបាលនៃក្រុមហ៊ុន OCIC និងលោក​Melvin Poh នាយកផ្នែកអភិវឌ្ឍ AKRAM​ ។

ប្រភពដដែល បញ្ជាក់ថា គម្រោងអភិវឌ្ឍនេះអាចមានតម្លៃច្រើនជាង ១៥០ លានដុល្លាអាមេរិកទៅទៀត៕

The post អ្នកឧកញ៉ា ពុង ឃាវសែ លក់ដីផ្នែកខ្លះក្នុងតំបន់កោះនរា ឱ្យក្រុមហ៊ុនសិង្ហបុរី appeared first on .

កាល​ពីម្សិលមិញ​ក្រុមការងារ​ឧកញ៉ាញូសន៍​បាន​ចុះ​ពិនិត្យ​ឃើញ​ថា​ ក្រុម​កម្មករ​កំពុង​សម្រុកស្ថាបនា ខណៈគម្រោង​អភិវឌ្ឍ​ច្រាំង​និង​ផ្លូវ​ថ្មើរ​កំពុង​ដំណើរការ​យ៉ាង​សកម្ម។

បើ​តាម​ប្រភព​ពី​ពលរដ្ឋ​រស់នៅ​ម្តុំ​ច្រាំង​បាក់​​ក្នុង​ខណ្ឌ​ច្បារអំពៅ​បាន​ឲ្យ​ឧកញ៉ា​ញូសដ៍​ដឹង​ថា មាន​ឈ្មួយ​ចុះ​មក​សាកសួរ​ទិញ​ធ្លី​ជា​ហូហែរ ខណៈ​តម្លៃ​ហាង​ឆេង​ក៏​មាន​ការ​កើន​ឡើង​ដែរ។

កន្លងទៅ​នេះ​សាលា​ខណ្ឌច្បារអំពៅ បាន​ចុះបោះបង្គោលកំណត់ទីតាំងគម្រោងស្ថាបនាផ្លូវ និង​ច្រាំង​ទន្លេបាសាក់​ត្រើយខាងកើត ចាប់ពីគល់ស្ពានព្រះមុនីវង្សចាស់ រហូតដល់កោះនរា។

រដ្ឋបាលខណ្ឌបានស្នើ​ឱ្យ​ប្រជាពលរដ្ឋ​ដែល​ជាប់ពាក់ព័ន្ធ ឬ​រំលោភ​ដីចំណី​ទន្លេបាសាក់​ត្រើយ​ខាងកើត សហការ​ជាមួយក្រុមការងារក្នុងការបោះបង្គោល និង​ចូលរួម​ថែរក្សា​បង្គោល​ព្រំពេល​បោះរួច។

លើសពីនេះ សាលាខណ្ឌក៏ព្រមាន​នឹងចាត់វិធានការតាមច្បាប់ ក្នុង​ករណី​ជនណា​ម្នាក់​បំពាន​ដក ឬបំផ្លិតបំផ្លាញបង្គោលដែល​បោះរួចនោះផងដែរ។

រដ្ឋបាល​រាជធានី​ភ្នំពេញ​បានចាប់ផ្ដើម​ស្ថាបនា​ផ្លូវ និង​ច្រាំងទន្លេ​ធ្វើ​ពី​បេតុង​នៅតាម​ទន្លេបាសាក់​​ត្រើយ​ខាងកើត ក្នុង​ខណ្ឌ​ច្បារអំពៅ ដើម្បី​ការពារ​ការបាក់ច្រាំង និង​លើកកម្ពស់​សោភណភាព​ក៏ដូចជា​ជួយ​សម្រួល​លំហូរ​ចរាចរណ៍​ផងដែរ​។ ​ជាមួយ​គ្នា​នេះ​​សាលារាជធានី​ភ្នំពេញ​បាន​បង្ហាញ​ក្ដី​រំពឹងថា ពលរដ្ឋ​ដែល​មាន​ការពាក់ព័ន្ធ​នឹង​ដី​ចំណី​ទន្លេ​ត្រង់​ទីតាំង​អនុវត្ត​គម្រោង​នេះ​នឹងចូលរួម​សហការ​ល្អ​ជាមួយ​​រដ្ឋបាល​សាលា​រាជធានី​ភ្នំពេញ​ ដើម្បី​ឱ្យ​ការអនុវត្ត​ការងារ​​ស្ថាបនា​ផ្លូវ និង​ច្រាំងទន្លេ​នេះ​​ទទួល​បាន​ជោគជ័យ​៕

The post ដី​កាន់​តែ​ឡើង​ថ្លៃ ខណៈ​គម្រោង​អភិវឌ្ឍ​ច្រាំង​និង​ផ្លូវ​ថ្មើរ​ជើង​ពី​កោះ​នរា​មក​ស្ពាន​ច្បារអំពៅ លេច​រូបរាង​បណ្តើរៗ appeared first on .

Vue Aston ជាប់តំបន់កោះនរាហ៍ ស្ថិតក្នុងសង្កាត់និរោធ ខណ្ឌច្បារអំពៅ តាមបណ្តោយផ្លូវជាតិលេខ១ ដែលមានចម្ងាយជិត៣គីឡូម៉ែត្រ ពីតំបន់កោះពេជ្រ។ Vue Aston មានកំពស់ ១៤៥ម៉ែត្រ នៅលើផ្ទៃក្រឡា ៥៧០០០ម៉ែត្រការ៉េ ជាមួយទុន វិនិយោគ ប្រមាណ១ពាន់ លានដុល្លារសហរដ្ឋអាមេរិក ដែលវិនិយោគដោយក្រុមហ៊ុន Peninsula Capital Co.,ltd មកពីទីក្រុង សៀងហៃ ប្រទេសចិន។

តាមការគ្រោងទុក គំរោង Vue Aston គ្រោងបញ្ចប់ និងលេចចេញជារូបរាង នាឆ្នាំ២០២២ ដែលមាន ៨៩៥យូនីត មានកំពស់១៤៥ម៉ែត្រ ជាមួយទុនវិនិយោគប្រមាណ១០០លានដុល្លារសហរដ្ឋអាមេរិក តែដោយសារវិបត្តិកូវីដ-១៩ Vue Aston មានការយឺតយ៉ាវមិនដូចតាមផែនការកំណត់។

តាមរយៈការឆ្លើយឆ្លងជាមួយក្រុមការងារឧកញ៉ាញូស៍ ដំណាងគម្រោង Aue Aston បានបញ្ជាក់ថា គិតមកដល់ពេលបច្ចុប្បន្នដំណើរការសាងសង់សម្រេចបានប្រមាណ ៥០% ជាសាច់អាគារបានចំនួន ៦ជាន់ ហើយគ្រោងសម្ពោធជាផ្លូវការនៅពាក់កណ្តាលឆ្នាំ២០២៣ខាងមុខ។

បើតាមលោកស្រី Deng Wenfang សង្កាត់ច្បាអំពៅ គឺជាតំបន់មួយដែលមានសក្តានុពលខ្លាំងជាងតំបន់ផ្សេងៗទៀត ដោយសាមានទីតាំង ស្ថិតនៅដាច់ពីចំណុចកណ្តាល នៃទីក្រុង ហើយដែលមានដីទំនេរជាច្រើន សំរាប់អភិវឌ្ឍន៍ ពិសេសដងទន្លេមេគង្គក្រោម ដ៏ស្រស់ត្រកាល ដែលអាចនឹងក្លាយជាទីក្រុងរណបថ្មីមួយទៀត របស់រាជធានីភ្នំពេញ នាពេលអនាគត់។ នេះជាហេតុផល ដែលក្រុមហ៊ុន ផេនីនសូឡា កាពីថល សម្រេចជ្រើសរើសតំបន់កោះនរាហ៍ សំរាប់អភិវឌ្ឍន៍រោងរបស់ខ្លួន។

លោកស្រីអះអាងថា ការអភិវឌ្ឍន៍នៅតំបន់ ភាគខាងកើត និងខាងត្បូង នៃទីក្រុងភ្នំពេញ គឺមានសក្តានុពលដ៏ធំធេង ប្រកបដោយស្ថេរភាព និងស្រប ទៅតាមការវិវត្តន៍ នៃនគរូបនីយកម្មរបស់រាជធានីភ្នំពេញ៕

The post អគារតម្លៃ ១០០លានដុល្លារនឹងបង្ហាញខ្លួនឡើងនៅជាប់ទន្លេតំបន់កោះនរាហ៍ នាពាក់កណ្តាលឆ្នាំក្រោយ appeared first on .

The post ពីរថ្ងៃទៀត បើកដំណើរការកំពង់ចម្លងជាប់គម្រោងសាងសង់ស្ពានកោះពេជ្រ-កោះនរា ដើម្បីរំដោះបញ្ហាកកស្ទះចរាចរ appeared first on .

បើ​តាម​រូបភាព​ដែលឧកញ៉ាញូសន៍​ទើប​ទទួល​បាន​ថ្មីៗនេះ បង្ហាញ​ការ​អភិវឌ្ឍ​ឥតឈប់ឈរ ខណៈការ​ស្ថាបនា​ហេដ្ឋារចនាសម្ព័ន្ធ​សំខាន់ៗ បានបន្ត​ដំណើរការ​យ៉ាង​សស្រាក់សស្រាំ។

តាម​ទិដ្ឋភាព​ថត​ពីលើ​បង្ហាញ​ថា ការ​ចាក់ដី​បំពេញលើ​ផ្ទៃដី​ជាង ១២៥ ហិកតា​នៃ​គម្រោង​​សម្រេច​ស្ទើរ​១០០% ហើយ​បើ​តាម​ផែនការ​នឹង​រួចរាល់នៅ​ចុង​ឆ្នាំ​២០២១ នេះ។

គួរ​បញ្ជាក់​ថា គម្រោង​អភិវឌ្ឍ​ទីក្រុងរណបកោះនរា​ដែល​លាត​សន្ធឹង​ដល់ស្រុកកៀនស្វាយ​ខេត្តកណ្តាល​ ដែល​ប៉ុន្មានឆ្នាំ​ទៀត​នេះ​នឹង​ក្លាយ​ជា​មជ្ឈមណ្ឌលពាណិជ្ជកម្ម ដែលមាន​ការ​សាងសង់​អគារពាណិជ្ជកម្មធំៗ ខ្ពស់ៗ ដែល​ចាយទុនប្រមាណ ២ ៥០០ លាន​ដុល្លារ៕

The post រូបភាព​ថ្មី​បំផុតពី​តំបន់​​អភិវឌ្ឍ​កោះនរា​ ឥឡូវ​នេះចាក់ដីស្ទើរ​រួច ១០០ % កាន់តែ​ប្រែមុខមាត់ថ្មីបណ្តើរៗហើយ appeared first on .

គម្រោងយក្សមួយនេះ វិនិយោគដោយក្រុមហ៊ុនវិនិយោគទុនអណិកជនកម្ពុជា (OCIC) របស់មហាសេដ្ឋីដ៏មានឥទ្ធិពល ជាមួយនិងកេរ្ដិ៍ឈ្មោះល្បីល្បាញនៅកម្ពុជា គឺអ្នកឧកញ៉ា ពុង ឃាវសែ។

សូមចុច Subscribe Telegram oknha_news នឹងទទួលបានព័ត៌មានពី​សកម្មភាព​ឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

ទីក្រុងរណបកោះនរា ត្រូវបានតភ្ជាប់ស្ពានបេតុងខ្សែកាបចំនួន ពីរខ្សែ ស្ពានទី ១ ជាប្រភេទស្ពានបេតុងយោងខ្សែកាបតភ្ជាប់ពីតំបន់អភិវឌ្ឍន៍កោះនរា ទៅកាន់ផ្លូវជាតិលេខ ១ ចំណាយថវិកាសាងសង់ចំនួន ១លាន៦សែនដុល្លារ និងស្ពានទី២ ភ្ជាប់ពីទីក្រុងរណបកោះពេជ្រ ឆ្ពោះទៅកាន់តំបន់អភិវឌ្ឍន៍កោះនរាទៅកាន់ ដោយចំណាយថវិកាប្រមាណ ៣៨លានដុល្លារ។

ខាងក្រោមនេះ ឧកញ៉ាញូស៍បញ្ជាក់ប្រិយមិត្តឲ្យកាន់ច្បាស់ថែមទៀតពីគម្រោងសាងសង់ទាំងពីរ៖

១-អំពីគម្រោងសាងសង់ស្ពានខ្សែកាបតភ្ជាប់ពីទីក្រុងរណបកោះពេជ្រ ទៅកាន់គម្រោងអភិវឌ្ឍន៍កោះនរា
-ប្រវែងសរុប ៨២៤ម ទទឹង ២៤.៥ម
-បណ្តោយស្ពានបេតុងអារមេ ប្រវែង ៤៨៣ម 
-សសរស្ពានមានគម្លាត ២០ម+២១ម+១០៨ម+១៨០ម+១០៨ម+២៣ម+២៣ម
-ផ្លូវតភ្ជាប់ក្បាលស្ពានត្រើយខាងកោះពេជ្រ ប្រវែង ២៤៩ម
-ផ្លូវតភ្ជាប់ក្បាលស្ពានកោះនរា ប្រវែង ៩២ម
-ជាស្ពានចរាចរទ្វេរទិស មានគន្លងសម្រាប់រថយន្តចំនួន ២ទៅ និងគន្លងចំនួន ២មក ដែល១គន្លងមានទទឹង ៣.២៥ម និងមានគន្លងសម្រាប់ទោចក្រយានយន្តចំនួន ១ទៅ និងគន្លងចំនួន ១មក ដែលមានទទឹង ១.២៥មសងខាង
-ល្បឿនសុវត្ថិភាព ៤០គ.ម/ម៉ោង
-ជម្រាលទទឹងស្ពាន ២%
-សសរសម្រាប់ព្យួរខ្សែកាបមានកំពស់ ៦០ម គិតពីផ្ទៃតួស្ពានទៅលើអាកាស
-សសរស្ពានសម្រាប់ព្យួរខ្សែកាបមានចំនួន ២ ដែលសសរស្ពាននីមួយៗប្រើប្រាស់គ្រឹះខួងខំនួន ១៨ដើម មានទំហំអង្កត់ផ្ចិត ២ម
-គ្រឹះខួងសសរទី១មានជម្រៅ ៥៩.៤០ម និងសសរទី២មានជម្រៅ ៧៣.៤០ម
-ផ្នែកខាងកោះពេជ្រមានសសរចំនួន ៣ និងផ្នែកខាងកោះនរាមានសសរចំនួន ៣
-ជើងតាងស្ពានមានទំហំ ២៤.៣មx១៧.៧មx៤.៥ម
-កំពស់អតិបរមានាវាឆ្លងកាត់ក្រោមស្ពាន ៨ម នៅរដូវវស្សានីវ៉ូទឹកខ្ពស់បំផុត
-កំពស់អតិបរមានាវាឆ្លងកាត់ក្រោមស្ពាន ១៨ម នៅរដូវប្រាំងនីវ៉ូទឹកទាបបំផុត
-គម្លាតពីសរសរស្ពានខ្សែកាប មានប្រវែង ១៨០ម
-សសរស្ពានខ្សែកាបនីមួយៗមានខ្សែកាបចំនួន១ជួរ ១៦ដើមសងខាង ក្នុង១ដើមមានភ្ជាប់ខ្សែកាបតូចៗពី ២៧ដើម ទៅ៣១ដើម ដែលមានអង្កត់ផ្ចឹត ១៥.២មម
-សសរស្ពានខ្សែកាបទាំង២ មានឆ្លាក់ចម្លាក់រចនាបទខ្មែរ
-មានបំពាក់បង្គោលភ្លើងបំភ្លឺស្ព្ពាន
-រៀបចំបណ្តាញលូអមសងខាងផ្លូវក្បាលស្ពាន
-ដាក់ស្លាកសញ្ញាចរាចរ និងលាបគំនូសចរាចរ
-គម្រោងចំណាយសាងសង់ ៣៨.០០០.០០០ដុល្លាអាមេរិក
-រយៈពេលសាងសង់ ៣៥ខែ
-សាងសង់ដោយក្រុមហ៊ុនវិនិយោគទុនអណិកជនកម្ពុជា OCIC

២-អំពីគម្រោងសាងសង់ស្ពានបេតុងអារមេតភ្ជាប់ពីកោះនរា ទៅផ្លូវជាតិលេខ ១
-បណ្តោយស្ពានសរុបប្រវែង ៦០ម
-ទទឹងស្ពាន ២១ម
-បណ្តោយស្ពានបេតុង ៤៥ម
-ផ្លូវគល់ស្ពានសងខាង ១៥ម៉ែត្រ
-រយៈពេលសាងសង់ ១២ខែ

The post ឧកញ៉ាញូស៍ លំអិតគម្រោងសាងសង់ស្ពានបេតុងខ្សែកាបចំនួន ពីរខ្សែទៅកាន់ទីក្រុងរណបកោះនរា និងផ្លូវជាតិលេខ ១ appeared first on .