នេះបើយោងតាមនៅក្នុងដំណើរទស្សនៈកិច្ច និងកិច្ចពិភាក្សាការងាររវាងឧកញ៉ា សុង សារ៉ន ប្រធានក្រុមប្រឹក្សាភិបាលសហព័ន្ធស្រូវអង្ករកម្ពុជា និងឧកញ៉ា ចាន់ សុឃាំង ប្រធានសហព័ន្ធស្រូវអង្ករកម្ពុជា និងសមាជិក សមាជិកានៃសហព័ន្ធស្រូវអង្ករកម្ពុជា ជាមួយ លោក លូ គឹមឈន់ ប្រតិភូរាជរដ្ឋា ភិបាលកម្ពុជា ទទួលបន្ទុកជាប្រធានអគ្គនាយកកំពង់ផែស្វយ័តក្រុងព្រះសីហនុ កាលពីថ្ងៃចុងសប្តាហ៍។

នាឱកាសនោះ លោក លូ គឹមឈន់ បានវាយតម្លៃខ្ពស់ចំពោះសហព័ន្ធស្រូវអង្ករកម្ពុជា និងសមាជិកដែលជាអតិថិជនធំរបស់កំពង់ផែក្រុងព្រះសីហនុ ដែលបានប្រើប្រាស់កំពង់ផែនេះដើម្បីនាំចេញអង្ករទៅកាន់ទីផ្សារអន្តរជាតិ រហូតជាង៩៥%។

ជាងនេះទៀត នៅក្នុងដំណើទស្សនៈកិច្ចនេះដែរ សហព័ន្ធស្រូវអង្ករកម្ពុជា និងកំពង់ផែក្រុងព្រះសីហនុ ក៏បានពិភាក្សាគ្នាអំពីលទ្ធភាពនៃការពង្រីកសក្តានុពលនៃការនាំចេញអង្ករកម្ពុជា ដោយប្រើប្រាស់មធ្យោបាយមិនប្រើប្រាស់សំបកកុងតែន័រ (ដឹករាយ) ដែលភាគីកំពង់ផែក្រុងព្រះសីហនុនឹងពិនិត្យលទ្ធភាព បំពាក់នូវដងស្ទូចបន្ថែម និងផ្តល់ទីតាំងឃ្លាំងដែលអនុញ្ញាត្តិអោយប្រមូលផ្តុំអង្ករមុនកប៉ាល់មកដល់ដែលអាចផ្តល់លទ្ធភាពឱ្យកម្ពុជានាំចេញអង្កររាយ ចាប់ពី៦០០០តោន ដល់ ២០០០០តោនក្នុងមួយកប៉ាលនាពេលដ៍ខ្លីខាងមុខ។

សូមរម្លឹកដែរថា ក្នុងរយៈពេល ៤ខែនៃឆ្នាំ២០២៤នេះ កម្ពុជាទទួលបានចំណូលជិត ៩០០លានដុល្លារពីការនាំចេញអង្ករ ប្រមាណជាង២៤ម៉ឺនតោន និងស្រូវជាង២លានតោន ទៅកាន់ទីផ្សារ ៦០ ប្រទេស។ នេះបើយោងតាមសេចក្តីប្រកាសព័ត៌មានរបស់សហព័ន្ធស្រូវអង្ករកម្ពុជា កាលពីថ្ងៃទី៧ ខែឧសភា ឆ្នាំ២០២៤៕ អត្ថបទ៖ រង្សី

The post កំពង់ផែក្រុងព្រះសីហនុ គ្រោងបំពាក់ដងស្ទូចបន្ថែម ដើម្បីពង្រីកការនាំចេញអង្ករកម្ពុជាឱ្យដល់២ម៉ឺនតោននាពេលខាងមុខ appeared first on .

សម្តេចធិបតី ថ្លែងដូច្នេះ ក្នុងឱកាសអញ្ជើញសំណេះសំណាលជាមួយមន្ត្រីរាជការ បុគ្គលិក កម្មករ និយោជិតបម្រើការងារនៅកំពង់ផែស្វយ័តក្រុងព្រះសីហនុ នាព្រឹកថ្ងៃទី១ ខែឧសភា ឆ្នាំ២០២៤ ក្នុងឱកាសអបអរសាទរខួបអនុស្សាវរីយ៍លើកទី១៣៨ នៃទិវាពលកម្មអន្តរជាតិ ១ ឧសភា ក្រោមប្រធានបទ «សហគ្រាសមួយ ជាសហគមន៍សុខសាន្តមួយ»។

នាឱកាសនោះ សម្តេចធិបតី បានលើកឡើងថា កំពង់ផែស្វយ័តក្រុងព្រះសីហនុ ជាកំពង់ផែទឹកជ្រៅតែមួយគត់របស់កម្ពុជា ជាដង្ហើមសេដ្ឋកិច្ចដ៏សំខាន់បំផុត និងត្រូវបានចាត់ទុកជាច្រកសេដ្ឋកិច្ចជាតិ។

យ៉ាងណាមិញ សម្តេចធិបតីបានថា៖« កំពង់ផែរបស់កម្ពុជា កន្លងមកមាននាវាប្រមាណ ១៨% ប៉ុណ្ណោះ អាចចូលចតនៅកម្ពុជា។ ក្រៅពីនេះ ត្រូវផ្ទេរនៅតាមកំពង់ផែប្រទេសជិតខាង ដោយសារផែរបស់យើងនៅរាក់»។

សម្តេចធិបតី បានបន្តថា៖« វិស័យកំពង់ផែ គឺជាវិស័យមួយ ក្នុងចំណោមវិស័យអាទិភាពរបស់រាជរដ្ឋាភិបាល ហើយរាជរដ្ឋាភិបាល នឹងបន្តបង្កើនថវិកាវិនិយោគ និងកៀរគរហិរញ្ញប្បទាន ដើម្បីបន្តអភិវឌ្ឍហេដ្ឋារចនាសម្ព័ន្ធកំពង់ផែឱ្យកាន់តែរីកចម្រើនថែមទៀត ហេតុដូច្នេះយើងត្រូវធ្វើផែទឹកជ្រៅ ដើម្បីកុំពឹងដង្ហើមគេដក»។

ជាថ្មីម្តងទៀត សម្តេចធិបតី បានអះអាងទៀតថា សម្រាប់ចក្ខុវិស័យឆ្នាំ២០៥០ រាជរដ្ឋាភិបាល មិនត្រឹមប្រែក្លាយកំពង់ផែព្រះសីហនុទៅជាផែទឹកជ្រៅប៉ុណ្ណោះទេ ប៉ុន្តែរាជរដ្ឋាភិបាល ក៏នឹងប្រែក្លាយទៅជាមជ្ឈមណ្ឌលឡូជីស្ទីកក្នុងតំបន់តែម្តងផងដែរ។

ជាថ្មីម្តងទៀត សម្តេចធិបតី បានបញ្ជាក់ថា កំពង់ផែស្វយ័តក្រុងព្រះសីហនុ គ្រោងនឹងពង្រីកសមត្ថភាពបន្ថែមទៀត តាមរយៈគម្រោងសាងសង់ចំណតផែកុងតឺន័រទឹកជ្រៅថ្មី ជំហានទី២ មានប្រវែង ៤០០ម៉ែត្រ ជម្រៅទឹក ១៦,៥ម៉ែត្រ និងចំណតផែកុងតឺន័រទឹកជ្រៅថ្មី ជំហានទី៣ មានប្រវែង ៤៣០ម៉ែត្រ ជម្រៅទឹក ១៧,៥ម៉ែត្រ រួមជាមួយនឹងគម្រោងបំពាក់ ឧបករណ៍បច្ចេកទេសទំនើបៗផ្សេងៗ ដើម្បីគាំទ្រដល់ប្រតិបត្តិការរបស់កំពង់ផែឱ្យកាន់តែមាន ប្រសិទ្ធភាពប្រកបដោយស្តង់ដារខ្ពស់៕ អត្ថបទ៖ រង្សី

The post សម្តេចធិបតី ហ៊ុន ម៉ាណែត ប្តេជ្ញាប្រែក្លាយកំពង់ផែព្រះសីហនុ ទៅជាមជ្ឈមណ្ឌលឡូជីស្ទីកនៅក្នុងតំបន់ appeared first on .