យោងតាមសេចក្ដីប្រកាសព័ត៌មានរបស់ក្រសួងការបរទេស ចុះថ្ងៃទី៧ ខែកញ្ញា ឆ្នាំ២០២៥បានឱ្យដឹងថា សម្តេចធិបតី ហ៊ុន ម៉ាណែត បានណែនាំដោយផ្ទាល់ដល់ស្ថាប័នរបស់រាជរដ្ឋាភិបាល ក្នុងការរិះរកគ្រប់មធ្យោបាយដែលអាចធ្វើទៅបានតាមទ្វេភាគី តំបន់ និងអន្តរជាតិ ដើម្បីធានានូវការវិលត្រឡប់មកវិញយ៉ាងឆាប់រហ័សនៃកងទ័ពទាំងនោះ ដោយសង្កត់ធ្ងន់ថា សុខុមាលភាពរបស់កងទ័ពដែលត្រូវបានឃុំខ្លួន គឺជាបញ្ហានៃសេចក្ដីថ្លៃថ្នូររបស់ជាតិ និងជាកង្វល់ផ្នែកមនុស្សធម៌ជាបន្ទាន់។

ក្រសួងការបរទេស សង្កត់ធ្ងន់ថា ការចូលរួមដោយផ្ទាល់របស់សម្តេចធិបតី ឆ្លុះបញ្ចាំងពីការប្តេជ្ញាចិត្តយ៉ាងម៉ឺងម៉ាត់របស់កម្ពុជា ក្នុងការការពារប្រជាជនរបស់ខ្លួន រក្សាអធិបតេយ្យជាតិ និងដោះស្រាយបញ្ហាដោយសន្តិវិធីក្នុងស្មារតីភាពជាអ្នកជិតខាងល្អ និងការជឿទុកចិត្តគ្នាទៅវិញទៅមក។

ក្នុងការគាំទ្រដល់ការដឹកនាំរបស់សម្តេចធិបតីនាយករដ្ឋមន្ត្រី ឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ បានអនុវត្តគំនិតផ្តួចផ្តើមការទូតយ៉ាងខ្ជាប់ខ្ជួន ដោយលើកឡើងជានិច្ចនូវបញ្ហានេះ ជាមួយដៃគូទ្វេភាគី តំបន់ និងអន្តរជាតិសំខាន់ៗ ក៏ដូចជា ជាមួយបណ្តាអង្គទូត នៅរាជធានីភ្នំពេញ និងឥស្សរជនបរទេស ដែលបានមកបំពេញទស្សនកិច្ចនៅកម្ពុជា រួមទាំងប្រេសិតពិសេសសម្រាប់កិច្ចសហប្រតិបត្តិការមេគង្គរបស់ជប៉ុន ដើម្បីអំពាវនាវឱ្យមានការដោះលែងកងទ័ពកម្ពុជាជាបន្ទាន់។ ក្រោមការណែនាំរបស់ឯកឧត្តមឧបនាយករដ្ឋមន្ត្រី ក្រសួងការបរទេស បានបង្កើនកិច្ចខិតខំប្រឹងប្រែងទាំងនេះ ដោយចេញកំណត់ទូត ធ្វើបទបង្ហាញអំពីស្ថានការណ៍ដល់បណ្តាអង្គទូតបរទេស ចូលរួមជាមួយយន្តការអាស៊ាន និងរក្សាកិច្ច ប្រែងទាំងនេះ បានគូសបញ្ជាក់ពីការប្តេជ្ញាចិត្តរបស់កម្ពុជា ក្នុងការការពារសិទ្ធិរបស់ប្រជាជនខ្លួន ការលើកកម្ពស់ការកាត់បន្ថយភាពតានតឹង និងការគោរពគោលការណ៍មនុស្សធម៌អន្តរជាតិ។

ដោយឡែកសម្រាប់ក្រសួងការពារជាតិ បានសម្របសម្រួលយ៉ាងសកម្មជាមួយសមភាគីថៃ តាមរយៈយន្តការយោធាទ្វេភាគីដែលមានស្រាប់ ដើម្បីជំរុញឱ្យមានការវិលត្រឡប់ដោយសុវត្ថិភាពនៃកងទ័ពដែលជាប់ឃុំទាំង១៨រូប ស្របពេលជាមួយគ្នា ធានានូវការប្រកាន់ខ្ជាប់យ៉ាងម៉ឺងម៉ាត់ចំពោះបទឈប់បាញ់របស់ ភាគីកម្ពុជា។

បន្ថែមលើនេះ គណៈកម្មាធិការសិទ្ធិមនុស្សកម្ពុជា បានចូលរួមជាមួយស្ថាប័នសិទ្ធិមនុស្ស ក្នុងតំបន់ និងអន្តរជាតិ ដើម្បីលើកឡើងពីទិដ្ឋភាពមនុស្សធម៌នៃសំណុំរឿងនេះ ដោយសង្កត់ធ្ងន់លើសិទ្ធិ និងសេចក្តីថ្លៃថ្នូររបស់កងទ័ពទាំង១៨រូបនេះ ព្រមទាំងអំពាវនាវឱ្យមានការគោរពពេញលេញន ច្បាប់មនុស្សធម៌ និងសិទ្ធិមនុស្សអន្តរជាតិ។ កិច្ចខិតខំប្រឹងប្រែងទាំងនេះ ជួយពង្រឹងវិធីសាស្រ្តរួម របស់រាជរដ្ឋាភិបាល ក្នុងការធានានូវមាតុភូមិនិវត្តន៍របស់កងទ័ពទាំង១៨រូប តាមរយៈមធ្យោបាយច្បាប់ មនុស្សធម៌ និងការទូត។

ចំពោះស្ថានបេសកកម្មការទូតកម្ពុជានៅបរទេស ជាពិសេសស្ថានតំណាងអចិន្ត្រៃយ៍កម្ពុជាប្រចាំអង្គការ សហប្រជាជាតិ នៅទីក្រុងញូវយ៉ក និងទីក្រុងហ្សឺណែវ បានឈរនៅជួរមុខក្នុងការតស៊ូមតិអន្តរជាតិ។ នៅទីក្រុងញូវយ៉ក ស្ថានបេសកកម្មបានលើកបញ្ហានេះជាផ្លូវការនៅអង្គការសហប្រជាជាតិ និងដៃគូអាស៊ាន ដោយជំរុញឱ្យធ្វើមាតុភូមិនិវត្តន៍នៃកងទ័ពទាំងនោះ និងធានាថា បញ្ហានេះនៅតែស្ថិតក្នុងរបៀបវារៈអន្តរជាតិ។ នៅទីក្រុងហ្សឺណែវ ស្ថានបេសកកម្មបានកៀរគរយ៉ាងសកម្មនូវស្ថាប័នមនុស្សធម៌ និងសិទ្ធិមនុស្ស រួមមានគណៈកម្មាធិការកាកបាទក្រហមអន្តរជាតិ (ICRC) និងការិយាល័យឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្ស (OHCHR) ដើម្បីត្រួតពិនិត្យលក្ខខណ្ឌនៃការឃុំខ្លួន និងជំរុញឱ្យមានការគោរពអនុសញ្ញាហ្សឺណែវ។

កម្ពុជាទាក់ទងជាមួយគណៈកម្មាធិការកាកបាទក្រហមអន្តរជាតិ ដោយភាពស្មោះត្រង់ ដើម្បីស្វែងរកការគាំពារផ្នែកមនុស្សធម៌ មិនមែនការប្រឈមផ្នែកនយោបាយនោះទេ។ អាទិភាពបន្ទាន់របស់កម្ពុជាគឺច្បាស់លាស់ណាស់៖ អ្នកទោសសង្គ្រាមត្រូវផ្ដល់សិទ្ធិក្នុងការចូលជួប ត្រួតពិនិត្យ និងធ្វើមាតុភូមិនិវត្តន៍, ជនស៊ីវិលត្រូវបានការពារពីការផ្លាស់ទីដោយបង្ខំ ការរឹបអូសដីធ្លីដោយខុសច្បាប់ និងការធ្វើយោធូបនីយកម្មលើផ្ទះសម្បែងរបស់ពួកគេ, សកម្មភាពប្រយុទ្ធត្រូវអនុវត្តតាមច្បាប់អន្តរជាតិ ដោយត្រូវបញ្ឈប់ការវាយប្រហារដោយមិនរើសមុខ ការរក្សានូវសម្បត្តិបេតិកភណ្ឌវប្បធម៌ និងការហាមឃាត់ការប្រើអាវុធខុសច្បាប់។

ជាមួយគ្នានោះ គណៈកម្មាធិការកាកបាទក្រហមអន្តរជាតិ បានបញ្ជាក់ឡើងវិញ នូវការទទួលស្គាល់របស់ខ្លួន ចំពោះកងទ័ពទាំង១៨រូបនោះថា ជាអ្នកទោសសង្គ្រាម ព្រមទាំងបានអះអាងថា នឹងធ្វើដំណើរទស្សនកិច្ចតាមដាននៅដើមខែកញ្ញា ដើម្បីផ្ទៀងផ្ទាត់លក្ខខណ្ឌ និងធានានូវការទាក់ទងជាមួយក្រុមគ្រួសារ។ គណៈកម្មាធិការកាកបាទក្រហមអន្តរជាតិ បានប្តេជ្ញាធ្វើការយ៉ាងជិតស្និទ្ធជាមួយអាជ្ញាធរកម្ពុជា ដើម្បីធ្វើការវាយតម្លៃនៅតាមទីកន្លែង ត្រួតពិនិត្យលក្ខខណ្ឌមនុស្សធម៌ និងដោះស្រាយរាល់បញ្ហាដែលពាក់ព័ន្ធនឹងជនភៀសសឹក និងលើកឡើងពីការប្រើប្រាស់អាវុធហាមឃាត់ ស្របតាមអាណត្តិអព្យាក្រឹត របស់គណកម្មាធិការកាកបាទក្រហមអន្តរជាតិផងដែរ។

សូមជម្រាបជូនថា ទាហានថៃបានចាប់ខ្លួនកងកម្លាំងកម្ពុជាដោយខុសច្បាប់ក្រោយបទឈប់បាញ់ចូលជាធរមានភ្លាមៗកាលពីព្រឹកថ្ងៃទី២៩ ខែកក្កដា ឆ្នាំ២០២៥ ដែលមកដល់ពេលនេះមានរយៈពេល ៤១ថ្ងៃ គិតត្រឹមថ្ងៃទី៨ ខែកញ្ញា ឆ្នាំ២០២៥៕

The post ក្រសួងការបរទេស៖ កិច្ចខិតខំប្រឹងរបស់រដ្ឋាភិបាល ក្នុងការធានាការវិលត្រឡប់ឱ្យបានឆាប់រហ័សបំផុតរបស់កងទ័ពកម្ពុជាទាំង ១៨រូប appeared first on .

នេះបើយោងតាមសេចក្តីប្រកាសព័ត៌មានរបស់ក្រសួងការបរទេស និងសហប្រតិបត្តិការអន្តរជាតិ ដែលផ្សាយចេញកាលថ្ងៃទី២៧ ខែវិច្ឆិកា ឆ្នាំ២០២៤។

ក្នុងឱកាសទស្សនកិច្ចនេះ លោក ប្រាក់ សុខុន នឹងមានជំនួបទ្វេភាគីដាច់ដោយឡែកពីគ្នាជាមួយលោក វ៉ាង យី រដ្ឋមន្ត្រីការបរទេសចិន និងលោក ជីវ ជានធាវ រដ្ឋមន្ត្រីក្រសួងទំនាក់ទំនងអន្តរជាតិមជ្ឈិមបក្សកុម្មុយនីស្តចិន។ ក្រៅពីនេះ លោកឧបនាយករដ្ឋមន្ត្រី ក៏គ្រោងមានជំនួបជាមួយ ឥស្សរជនចិនផ្សេងទៀតផងដែរ។

ស្របពេលដែលឆ្នាំ ២០២៤ គឺជាឆ្នាំនៃការផ្លាស់ប្តូរវាងប្រជាជន និងប្រជាជនកម្ពុជា-ចិន ដំណើរទស្សនកិច្ចរបស់ លោក ឧបនាយករដ្ឋមន្ត្រី ប្រាក់ សុខុន ទៅកាន់សាធារណរដ្ឋប្រជាមានិតចិន គឺមានគោលបំណងដើម្បីពង្រឹងបន្ថែមទៀតនូវទំនាក់ទំនងដ៏យូរអង្វែង និងមិត្តភាពដែកថែបរវាងប្រទេសទាំងពីរ។

សូមបញ្ជាក់ថា លោកឧបនាយករដ្ឋមន្ត្រី ប្រាក់ សុខុន អ្នកការទូតដ៏ចំណានរបស់​កម្ពុជា ទទួលបានការទុកចិត្តពីសម្តេចតេជោ ហ៊ុន សែន ឱ្យកាន់តំណែងជារដ្ឋមន្ត្រី​កា​រ​បរទេសកម្ពុជានៅឆ្នាំ២០១៦។ បន្ទាប់ពីបំពេញការងារប្រកបដោយភាពលេច​ធ្លោររយៈពេលប្រមាណជា៧ឆ្នាំ នៅក្នុងរាជរដ្ឋាភិបាលនីតិកាលថ្មី លោក ប្រាក់ សុខុន ក៏ត្រូវបានប្តូរចេញពីក្រសួងការបរទេស ហើយទទួលបានតំណែងជាអនុប្រធានទី១ នៃព្រឹទ្ធសភាកម្ពុជា។

បន្ទាប់ពីចាកចេញពីក្រសួងការបរទេសកម្ពុជារយៈពេលជាងមួយឆ្នាំ នៅថ្ងៃទី២០ ខែវិច្ឆិកា ឆ្នាំ២០២៤ លោក ប្រាក់ សុខុន មានអតីតភាពជាអ្នកសារព័ត៌មាន ក៏​ទទួល​បានការទុកចិត្តពីសំណាក់សម្តេចមហាបវរធិបតី ហ៊ុន ម៉ាណែត នាយករដ្ឋ​មន្ត្រីកម្ពុជា និងទទួលការគាំទ្រពីសមាជិករដ្ឋសភា បោះឆ្នោតឱ្យរូបលោក​វិលចូលសមរភូមិចាស់វិញ ជាឧបនាយករដ្ឋមន្ត្រី និងជារដ្ឋមន្ត្រីក្រសួងការបរទេសកម្ពុជាជាថ្មីឡើងវិញ៕ អត្ថបទ៖ ហ្សាលីន

The post រដ្ឋមន្រ្តីការបរទេសថ្មី ដឹកនាំគណៈប្រតិភូកម្ពុជា ទៅបំពេញទស្សនកិច្ចនៅប្រទេសចិនរយៈពេល៤ថ្ងៃ appeared first on .

តាមការគ្រោងទុក ឯកឧត្តមប្រមុខការទូតចិន បំពេញទស្សនកិច្ចផ្លូវការ នៅកម្ពុជា រហូតថ្ងៃទី២៣ ខែមេសា នេះ នឹងចូលក្រាបបង្គំគាល់ ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា នៅព្រះបរមរាជវាំង ព្រមទាំងអញ្ជើញចូលជួបសម្តែងការគួរសមដាច់ដោយឡែកជាមួយសម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា។

ក្រៅពីចូលក្រាបបង្គំគាល់ព្រះមហាក្សត្រ និងជួបថ្នាក់ដឹកនាំកំពូលកម្ពុជា ឯកឧត្តម វ៉ាង យី នឹងធ្វើជាសហប្រធានជាមួយ ឯកឧត្តម ស៊ុន ចាន់ថុល ឧបនាយករដ្ឋមន្ត្រី និងជាអនុប្រធានទី១ ក្រុមប្រឹក្សាអភិវឌ្ឍន៍កម្ពុជា ដឹកនាំកិច្ចប្រជុំគណៈកម្មាធិការសម្របសម្រួល អន្តររដ្ឋាភិបាលកម្ពុជា-ចិន លើកទី៧។ ឯកឧត្តមក៏នឹងអញ្ជើញជួបពិភាក្សាទ្វេភាគីជាមួយ ឯកឧត្តម សុខ ចិន្តាសោភា ឧបនាយករដ្ឋមន្ត្រី និងជារដ្ឋមន្ត្រីការបរទេស និងសហប្រតិបត្តិការអន្តរជាតិ ដើម្បីផ្លាស់ប្តូរទស្សនៈអំពីការពង្រឹងបន្ថែមទៀតនូវទំនាក់ទំនងដ៏ជិតស្និទ្ធ និងល្អប្រសើរដែលមានស្រាប់លើគ្រប់វិស័យ។

ដំណើរទស្សនកិច្ចនាពេលខាងមុខនេះ ធ្វើឡើងស្របពេលនឹងការប្រារព្ធឆ្នាំនៃការផ្លាស់ប្តូរ ប្រជាជន និងប្រជាជនកម្ពុជា-ចិន ហើយនឹងរួមចំណែកដល់ការពង្រឹងមិត្តភាពដែកថែប និងពង្រីក បន្ថែមទៀតនូវកិច្ចសហប្រតិបត្តិការភាពជាដៃគូយុទ្ធសាស្ត្រគ្រប់ជ្រុងជ្រោយ ធ្វើឱ្យស៊ីជម្រៅនូវការកសាងសហគមន៍វាសនារួម ប្រកបដោយគុណភាពខ្ពស់ កម្រិតខ្ពស់ និងស្តង់ដាខ្ពស់ លើកកម្ពស់ ក្របខ័ណ្ឌកិច្ចសហប្រតិបត្តិការត្បូងពេជ្រ ព្រមទាំងជំរុញកិច្ចសហប្រតិបត្តិការនៅក្នុងវេទិកាតំបន់ និងអន្តរជាតិ ដើម្បីជាផលប្រយោជន៍ទៅវិញទៅមក សម្រាប់ប្រទេស និងប្រជាជនទាំងពីរ៕ ប្រភព៖ ក្រសួងការបរទេស & CPP

The post ឯកឧត្ដម វ៉ាង យី នឹងជួបពិភាក្សាការងារដាច់ដោយឡែកជាមួយសម្ដេចតេជោ, សម្ដេចធិបតី និងឧបនាយករដ្ឋមន្ត្រីកម្ពុជា ២រូប appeared first on .

ឧបនាយករដ្ឋមន្រ្តី ប្រាក់ សុខុន រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ បានលើកឡើងថា ការបង្កើត “ផ្ទះបាយអង្គរ” គឺជាការកែទម្រង់ផ្ទៃក្នុង ដែលជាផ្នែកមួយនៃការទូតអាហារ ដែលមានចែងនៅ​ក្នុងយុទ្ធសាស្រ្តការទូតសេដ្ឋកិច្ច២០២១-២០២៣ របស់ក្រសួងនិងការគាំទ្រ​ទាំងស្រុងពីសម្តេចតេជោ ហ៊ុន សែន នាយករដ្ឋមន្រ្តី។

លោក ប្រាក់ សុខុន ថ្លែងថា ក្នុងសម័យរបបប្រល័យពូជសាសន៍ ប៉ុល ពត ប្រជាជនគ្មានអាហារគ្រប់គ្រាន់ ដើម្បីទទួលទាន លើកលែងតែអង្គការចាត់តាំងហៅតែប៉ុណ្ណោះ ដូច្នេះពិធីសម្ពោធ ផ្ទះបាយអង្គរ នាពេលនេះកម្ពុជាចង់បណ្តាទូត និងប្រទេសជាដៃអាស៊ាន​ចូលរួម​ពិសាររួមគ្នា ដោយក្តីសប្បាយរីករាយ។

បើតាមឧបនាយករដ្ឋមន្រ្តី ប្រាក់ សុខុន ផ្ទះបាយអង្គរ នឹងមានការបណ្តុះបណ្តាលនឹងជួយ​ដល់​អ្នកជំនាញក្នុងវិស័យម្ហូបអាហារបានរៀនសូត្រ និងស្វែងយល់បន្ថែមអំពីការ​ចម្អិនម្ហូប​ប្រពៃណីរបស់ខ្មែរសម្រាប់ជូនភ្ញៀវបរទេសពិសារ និងបានស្គាល់ពីរសជាតិម្ហូបនីមួយៗ។

លោក ប្រាក់ សុខុន បានគូសបញ្ជាក់ថា នេះគឺជាថ្ងៃវិសេសវិសាល និងជាព្រឹត្តិការណ៍ដ៏សំខាន់ថ្មីមួយ មិនមែនសម្រាប់តែវិទ្យាស្ថានជាតិការទូត និងទំនាក់ទំនងអន្តរជាតិ (NIDIR) ឬក្រសួងការបរទេស និងសហប្រតិបត្តិការអន្តរជាតិ ប៉ុណ្ណោះទេ ប៉ុន្តែសម្រាប់ចក្ខុវិស័យ និងគោលដៅចំបងជារួមក្នុងវិស័យការទូតសេដ្ឋកិច្ចរបស់ប្រទេសកម្ពុជា។

លោកបន្ថែមថា នាសម័យបច្ចុប្បន្ន វិស័យការទូតមានវិសាលភាពទូលំទូលាយ ហើយពិតណាស់ ម្ហូបអាហារស្ថិតនៅក្នុងចង្កោមនេះដែរ ព្រោះអាហារតំណាងឱ្យប្រពៃណី និងអរិយធម៌ដ៏យូរលង់របស់យើង។ «ផ្ទះបាយអង្គរ» ដែលបានសម្ពោធជាផ្លូវការនៅ NIDIR ថ្ងៃនេះ នឹងដើរតួនាទីយ៉ាងសំខាន់មួយសម្រាប់វិស័យការទូតម្ហូបអាហារ ដែលនឹងស្វះស្វែងធានាឱ្យបានថា ម្ហូបខ្មែរនឹងទទួលបានការទទួលស្គាល់ និងកោតសរសើរលើកឆាកអន្តរជាតិ៕

The post ក្រសួងការបរទេស សម្ពោធឱ្យប្រើប្រាស់ “ផ្ទះបាយអង្គរ” ដើម្បីទាក់ទាញភ្ញៀវបរទេស appeared first on .

សម្តេច ហ៊ុន សែន ថ្លែងយ៉ាងដូច្នេះថា «ក្នុងនាមជាប្រធានអាស៊ានឆ្នាំ២០២២ កម្ពុជាប្តេជ្ញាចិត្តដឹកនាំអាស៊ានបោះជំហានទៅមុខក្រោមមូលបទ [អាស៊ានរួមគ្នាធ្វើ-ដោះស្រាយបញ្ហាប្រឈមទាំងអស់គ្នា (ASEAN A.C.T. Addressing challenges Together)] ដើម្បីភាពសុខដុមរមនា, សន្តិភាព និង វិបុលភាព ក្នុងតំបន់ទាំងមូល»។

ទន្ទឹមនឹងនោះ ក្រសួងការបរទេស និងសហប្រតិបត្តិការអន្តរជាតិកម្ពុជា បានលាតត្រដាងនិងបង្ហាញនិមិត្តសញ្ញាក្នុងនាមខ្លួនជាប្រធានអាស៊ានពេញមួយឆ្នាំ២០២២។

ក្រសួងការបរទេស បានបង្ហាញថា មូលបទរបស់ “អាស៊ានរួមគ្នាធ្វើ៖ ដោះស្រាយបញ្ហាប្រឈមទាំងអស់គ្នា”។ ចំណែកនិមិត្តសញ្ញា៖ ត្របកឈូកគឺជាទម្រង់ក្បាច់ខ្មែរ តំណាងឱ្យភាពរុងរឿង និងភាពសុខដុមរមនានៃសន្តិភាពដែលប្រទេសសមាជិកអាស៊ានទាំង១០បានខិតខំបង្កើតឡើង។ ពណ៌ទាំងបីនៅលើស្រទាប់របស់វា គឺបានមកពីពណ៌នៃទង់ជាតិកម្ពុជា ចំណែកពណ៌មាសតំណាងឱ្យពណ៌ និង ភាពចម្រុះនៃអាស៊ាន។

ដោយឡែក សម្រាប់ស្មារតីស្នូល គឺ៖ ភាពរួបរួមគ្នា សាមគ្គីភាព និងភាពសុខដុមរមនា។ ហើយគោលបំណងសំខាន់របស់អាស៊ាន គឺរក្សាឱ្យបាននូវមជ្ឈភាព និងសាមគ្គីភាពរបស់អាស៊ាន រួមគ្នាដោះស្រាយបញ្ហាប្រឈម ធានាឱ្យបាននូវវឌ្ឍនភាពការងាររួមដែលមានស្រាប់ និងលើកកម្ពស់ការផ្តោតសំខាន់ទៅលើមនុស្សជាតិ។

ជាមួយគ្នានេះ អាស៊ាន ក៏បង្ហាញអំពីលទ្ធផលរំពឹងទុក រួមមាន៖ សេចក្តីថ្លែងការណ៍រួម និងសេចក្តីថ្លែងការណ៍របស់ប្រមុខដឹកនាំអាស៊ាន ការបន្តផែនការការងារ និងផែនការសកម្មភាព ព្រមទាំងការរៀបចំព្រឹត្តិការណ៍ និងសកម្មភាពសំខាន់ៗទាំងអស់។ អាស៊ាន បានត្រៀមខ្លួនរួចជាស្រេចពោរពេញទៅដោយទំនួលខុសត្រូវ ហើយយើងនឹងបំពេញតួនាទីនេះដោយមោទនភាពបំផុត៕

The post កម្ពុជា បង្ហាញនិមិត្តសញ្ញាអាស៊ាន ក្រោយទទួលញញួជាប្រធានពេញមួយឆ្នាំ appeared first on .

នៅក្នុងកិច្ចប្រជុំទ្វេភាគី ប្រមុខការទូតកម្ពុជា និងទីប្រឹក្សារដ្ឋចិន ភាគីទាំងព​ីរបានបន្តប្តេជ្ញាកសាងភាពធន់ទប់ទល់នឹងជំងឺកូវីដ-១៩ ពង្រឹងការងើបឡើងវិញនៃសេដ្ឋកិច្ច និងទេសចរណ៍ លើកស្ទួយការអភិវឌ្ឍហេដ្ឋារចនាសម្ព័ន្ធ ក៏ដូចជាកិច្ចសហប្រតិបត្តិការផ្នែកថាមពល និងបច្ចេកទេសជាដើម។ បើតាមប្រមុខការទូតកម្ពុជា លោក ប្រាក់ សុខុន កម្ពុជាតែងតែវាយតម្លៃខ្ពស់ចំពោះការគាំទ្រ និងមិត្តភាពដ៏គង់វង្សរបស់មិត្តចិន។

លោកថ្លែងថា ទោះបីជាការធ្វើដំណើរអន្តរជាតិនៅតែជាបញ្ហាប្រឈមសម្រាប់ប្រទេសជាច្រើនក៏ដោយ វិធានការរឹតបន្តឹងការធ្វើដំណើររបស់កម្ពុជា និងចិនគឺមានភាពធូរស្រាលច្រើនដែរហើយ ដោយសារតែរដ្ឋាភិបាលទាំងពីរបានធ្វើយុទ្ធនាការចាក់វ៉ាក់សាំងទាន់ពេលវេលា និងមានប្រសិទ្ធភាពខ្ពស់។

ក្រសួងពាណិជ្ជកម្មកម្ពុជា បានឱ្យដឹងថា រយៈពេលចំនួន១០ខែក្នុងឆ្នាំ២០២១នេះ ទំហំពាណិជ្ជកម្មទ្វេភាគីរវាងចិននិងកម្ពុជាមានចំនួនទឹកប្រាក់កើនរហូតដល់៨៩៣១លានដុល្លារអាមេរិក មានកំណើន៣៨.៥៦%បើធៀបនឹងរយៈពេលដូចគ្នាកាលពីឆ្នាំ២០២០។ ក្នុងនោះ ទំហំនៃការនាំចេញរបស់កម្ពុជាទៅកាន់ប្រទេសចិនមានចំនួនប្រមាណ១២២២លានដុល្លារអាមេរិក មានកំណើន៤៩%បើធៀបនឹងរយៈពេលដូចគ្នាកាលពីឆ្នាំ២០២០។

ដោយឡែក ទំហំនៃការនាំចូលពីប្រទេសចិនមកកាន់កម្ពុជាវិញ មានចំនួនប្រហែល៧៧០៩លានដុល្លារអាមេរិក មានកំណើន៣៧%បើធៀបនឹងរយៈពេលដូចគ្នាកាលពីឆ្នាំ២០២០។

លោក ប៉ែន សុវិជាតិ អ្នកនាំពាក្យក្រសួងពាណិជ្ជកម្ម បានបង្ហាញថា ពាណិជ្ជកម្មទ្វេភាគីរវាងកម្ពុជា-ចិនមានកំណើនកើនឡើងទោះបីជាស្ថិតក្នុងបរិបទជំងឺកូវីដ១៩ក៏ដោយ ដែលបង្ហាញឱ្យឃើញពីភាពខ្លាំងក្លានិងមានកម្លាំងឥទ្ធិពលនៃកិច្ចសហប្រតិបត្តិការសេដ្ឋកិច្ចនិងពាណិជ្ជកម្មរវាងប្រទេសទាំងពីរ៕

The post ប្រមុខការទូតកម្ពុជា ជួបទីប្រឹក្សារដ្ឋចិន វ៉ាង យី ពិភាក្សាលើការពង្រឹងការងើបឡើងវិញនៃសេដ្ឋកិច្ច និងទេសចរណ៍ appeared first on .

លោក Wang Yi ទីប្រឹក្សារដ្ឋនិងជារដ្ឋមន្រ្តីក្រសួងការបរទេសនៃសាធារណរដ្ឋប្រជាមានិតចិន បានដឹកនាំសន្និសីទជាន់ខ្ពស់អាស៊ី-ប៉ាស៊ីហ្វិក ជាមួយលោក Iván Duque Márquez ប្រធានាធិបតីកូឡុំប៊ី លោក ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេសនិងសហប្រតិបត្តិការអន្តរជាតិនៃកម្ពុជា និងថ្នាក់ដឹកនាំ រដ្ឋមន្រ្តីក្រសួងការបរទេសចំនួន២៩ប្រទេស ក៏ដូចជាអគ្គលេខាធិការរងអង្គការសហប្រជាជាតិ និងអគ្គនាយកកម្មវិធីអភិវឌ្ឍន៍សហប្រជាជាតិ(UNDP)បានអញ្ជើញចូលរួមក្នុងកិច្ចប្រជុំ។

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

លោក Wang Yi និយាយថា បណ្តាប្រទេសអាស៊ី-ប៉ាស៊ីហ្វិក គឺជាអ្នកត្រួសត្រាយ អ្នករួមចំណែក និងជាជនគំរូនៃកិច្ចសហប្រតិបត្តិការអន្តរជាតិក្រោមគំនិតផ្តួចផ្តើម ខ្សែក្រវាត់និងផ្លូវ។ លោកថា ភាគីចិនរីករាយសហការជាមួយបណ្តាប្រទេសនៅក្នុងតំបន់អាស៊ី-ប៉ាស៊ីហ្វិកដើម្បីជំរុញការអភិវឌ្ឍ ខ្សែក្រវាត់និងផ្លូវ ដែលមានគុណភាពខ្ពស់ ផ្តល់ដំណោះស្រាយអាស៊ី-ប៉ាស៊ីហ្វិកសម្រាប់ការប្រយុទ្ធប្រឆាំងលើជំងឺវីរុស បញ្ចូលកម្លាំងរស់រវើកនៃអាស៊ី-ប៉ាស៊ីហ្វិកទៅក្នុងទំនាក់ទំនងសកលលោក និងបង្ហាញពីទំនុកចិត្តអាស៊ី-ប៉ាស៊ីហ្វិក សម្រាប់ការស្តារសេដ្ឋកិច្ចពិភពលោកឡើងវិញប្រកបដោយនិរន្តរភាព និងព្រមទាំងរួមចំណែកកាន់តែធំធេងក្នុងការកសាងសហគមន៍ជោគវាសនារួមសម្រាប់អាស៊ី-ប៉ាស៊ីហ្វិកនិងមនុស្សជាតិ។

លោក ប្រាក់ សុខុន បាននិយាយថា កិច្ចប្រជុំខាងលើនេះមានសារៈសំខាន់ណាស់ក្នុងការសម្របសម្រួលប្រទេសនានាក្នុងតំបន់អាស៊ី-ប៉ាស៊ីហ្វិក ដើម្បីពង្រឹងកិច្ចសហប្រតិបត្តិការក្នុងការប្រយុទ្ធប្រឆាំងលើជំងឺវីរុស និងជំរុញការងើបឡើងវិញនៃសេដ្ឋកិច្ច។

លោកបន្តថា បណ្តាប្រទេសគួរតែគាំទ្រពហុភាគីនិយមបើកចំហនិងយោគយល់គ្នា ជំរុញកិច្ចសហប្រតិបត្តិការភាពជាដៃគូអន្តរជាតិ ធានាបានការទទួលបានវ៉ាក់សាំងកូវីដប្រកបដោយយុត្តិធម៌ រួមគ្នាសម្រេចបាននូវការស្តារសេដ្ឋកិច្ចនិងសង្គមប្រកបដោយចីរភាព។

សូមបញ្ជាក់ជូនថា កិច្ចប្រជុំលើកនេះបានជួយលើកកម្ពស់កិច្ចសហប្រតិបត្តិការកាន់តែស៊ីជម្រៅជាមួយបណ្ដាភាគីក្នុងការទបទល់ជាមួយបញ្ហាប្រឈមជាសកលយ៉ាងទាន់ពេលវេលា និងសំខាន់ ព្រមទាំងជួយជំរុញវឌ្ឍនភាពថ្មីៗកាន់តែច្រើន សម្រាប់កិច្ចសហប្រតិបត្តិការអន្តរជាតិក្រោមគំនិតផ្តួចផ្តើម ខ្សែក្រវាត់និងផ្លូវ៕

The post លោក Wang Yi ៖ ចិនរីករាយសហការជាមួយបណ្តាប្រទេសនៅក្នុងតំបន់អាស៊ី-ប៉ាស៊ីហ្វិកដើម្បីជំរុញការអភិវឌ្ឍ ខ្សែក្រវាត់និងផ្លូវ appeared first on .

នៅក្នុងពិធីបើកសន្និបាតបូកសរុបលទ្ធផលការងារឆ្នាំ ២០១៩ និងទិសដៅការងារឆ្នាំ ២០២០នេះ ឯកឧត្តម អ៊ុច បូររិទ្ធ រដ្ឋមន្រ្តីប្រតិភូអមនាយករដ្ឋមន្រ្តី និងជារដ្ឋលេខា​ធិការផង បានថ្លែងតាមរយៈរបាយការណ៍ថា អស់រយៈពេលពេញមួយឆ្នាំ២០១៩ សភាពការណ៍ពិភពលោក បន្តវិវឌ្ឍផ្លាស់ប្តូរយ៉ាងជ្រាលជ្រៅឆាប់រហ័សប្រកប​ដោយភាពស្មុគស្មាញ ​ពិបាក​ប៉ាន់ស្មានបាន និងពោរពេញទៅដោយគ្រោះថ្នាក់ ហើយកំពុងស្ថិតក្នុង​ដំណាក់​​កាល​​​ផ្ទេរដ៏លំបាកឆ្ពោះទៅរក​ប្រព័ន្ធពហុប៉ូល ​ដែល​តួអង្គថ្មី/ចាស់ កំពុង​ប្រកួតប្រជែងដណ្តើមតួនាទីគ្នានៅ​ក្នុង​​ការ​សម្រេច​លើកិច្ចការ​ពិភពលោក និងតំបន់។

ប្រឈមនឹងបញ្ហាទាំងនេះ ជំរុញឲ្យថ្នាក់ដឹកនាំ និងមន្ត្រីគ្រប់ជាន់ថ្នាក់ ទាំងក្នុង និងក្រៅ​ប្រ​ទេសនៃក្រសួងការបរទេស និងសហ​ប្រតិបត្តិការអន្តរជាតិ ដោយមានការចង្អុល​បង្ហាញ​ប្រកបដោយគតិបណ្ឌិតពីសម្តេចតេជោនាយករដ្ឋមន្ត្រី​ ហ៊ុន​ សែន និងក្រោម​ការដឹកនាំរបស់ឯកឧត្តម ប្រាក់ សុខុន​ ឧបនាយក​រដ្ឋមន្ត្រី រដ្ឋមន្ត្រីការបរទេស បានខិតខំ​បំពេញការងារយ៉ាងសកម្ម សំដៅធ្វើឱ្យសម្រេចបានជោគជ័យនូវការងារអាទិភាពទាំង ៥  រួមមាន៖

១.​ ការការពារឯករាជ្យជាតិ បូរណភាពទឹកដី និងអធិបតេយ្យភាពជាតិ,២. ការអនុវត្តនូវ​គោល​នយោបាយការបរទេស ប្រកបដោយភាពបត់បែន វាងវៃ តប​ទៅ​នឹងសម្ពាធ​​ភូមិសាស្រ្តនយោបាយ,៣. ការអនុវត្តការងារការទូតសេដ្ឋកិច្ច និងវប្បធម៌ ដើម្បីពង្រឹង​សេដ្ឋកិច្ចជាតិ,៤. ការចូលរួមកាន់តែសកម្មដល់បុព្វហេតុសន្តិភាព ស្ថិរភាព និងការប្រ​យុទ្ធនឹងការប្រឈមនានានៅក្នុងពិភពលោក និងទី៥. ការបន្តការដ្ឋានកំណែទម្រង់​ស្ថាប័ននៅក្នុងក្រសួង ដើម្បីរៀបចំអង្គអ្នកការទូត ប្រកបដោយ  វិជ្ជាជីវៈ ស្នេហាជាតិ សកម្ម និងមានសមត្ថភាព។

ជាមួយគ្នានេះ ឯកឧត្តម ប្រាក់ សុខុន ឧបនាយករដ្ឋមន្រ្តី រដ្ឋមន្រ្តីក្រសួងការបរទេស មានប្រកាសថា នៅឆ្នាំ២០១៩ មានសមិទ្ធផលជាច្រើន ដែលសម្រេចបានជាបន្តបន្ទាប់ នេះក៏ដោយសារមានការគាំទ្រយ៉ាងពេញទំហឹងពីសំណាក់សម្តេចតេជោប្រមុខរាជរដ្ឋាភិបាល នៃព្រះរាជា-ណាចក្រកម្ពុជា ដែលសម្តេចជាប្រមុខការទូតដ៏ឆ្នើមរបស់កម្ពុជា និងការគាំទ្រ កិច្ចសហប្រត្តិបត្តិការល្អពីបណ្តាក្រសួង-ស្ថាប័នដែលពាក់ព័ន្ធ ក៏ដូចជាការ​ខិតខំប្រឹងប្រែងអស់ពីកំលាំងកាយចិត្ត និងដោយមិនខ្លាចនឿយហត់​ពីសំណាក់​ថ្នាក់ដឹក​នាំ និងមន្រ្តីរាជការគ្រប់លំដាប់ថ្នាក់របស់ក្រសួងការបរទេស និងសហប្រត្តិបត្តិការ​អន្តរជាតិ ដើម្បីសម្រេចឲ្យបានជោគជ័យនូវការដ្ឋានកំណែទំរង់ដ៏ធំនេះ។

ក្រសួងការបរទេស និងសហប្រតិបត្តិការអន្តរជាតិ បាននិងកំពុងជំរុញយុទ្ធសា​ស្រ្តអា​ទិភាពថ្មី​មួយ ដើម្បីចូលរួមជាវិភាគទានពង្រឹងជន្ទល់កំណើនសេដ្ឋកិច្ច កាត់បន្ថយ​ការពឹងផ្នែកលើ​ជំនួយ​ពីខាងក្រៅ ​និងលើកកម្ពស់​ផលប្រយោជន៍កម្ពុជា​នៅក្នុងតំបន់ និងអន្តរជាតិ ដោយប្រែក្លាយ​ពីការ​អនុវត្តការទូត​ប្រ​ពៃណី ទៅ​ជាការអនុវ​ត្តការទូតទំ​នើប ដោយបន្ថែមការទូតសេដ្ឋកិច្ច និងវ​ប្បធម៌ ជាចំណែកដ៏សំខាន់មួយ​ក្នុងការ​រួមចំណែកលើកកម្ពស់កិត្យានុភាពជាតិ និងអភិវឌ្ឍសេដ្ឋកិច្ចជាតិ៕

The post ក្រសួងការ​​បរ​ទេស បើក​សន្និ​បាត​​បូក​សរុប​លទ្ធ​ផ​ល​កា​រ​ងារ​​ឆ្នាំ២០១​​៩ និង​ទិស​ដៅ​ការ​ងារ​​ឆ្នាំ​២០​២០ appeared first on .