ពិធីប្រគល់និងទទួលនេះ ត្រូវបានធ្វើឡើងក្រោមវត្តមាន លោក ប៊ិន ត្រឈៃ រដ្ឋមន្ត្រីក្រសួងផែនការ និងមានការអញ្ជើញចូលរួមពី លោកស្រី Kirsty Harris ប្រធានផ្នែកកិច្ចសហប្រតិបត្តិការអភិវឌ្ឍន៍ របស់ស្ថានទូតអូស្រ្តាលីប្រចាំព្រះរាជាណាចក្រកម្ពុជា និងលោកស្រី Alissar Chaker អ្នកតំណាងកម្មវិធីអភិវឌ្ឍន៍អង្គការសហប្រជាជាតិប្រចាំកម្ពុជា ព្រមទាំងសហការី។

ក្នុងឱកាសនោះ លោក ប៊ិន ត្រឈៃ រដ្ឋមន្ត្រីក្រសួងផែនការ បានថ្លែងអំណរគុណដល់កម្មវិធីអភិវឌ្ឍន៍សហប្រជាជាតិ (UNDP) និងរដ្ឋាភិបាលអូស្ត្រាលី(DFAT) ដែលបានផ្តល់ការគំាទ្រដល់ការងារអត្តសញ្ញាណកម្មគ្រួសារក្រីក្រចាប់តំាងពីឆ្នាំ២០២០ ជាពិសេសតាមរយៈការធ្វើទំនើបកម្មតាមប្រព័ន្ធបច្ចេកវិទ្យា។លោកបន្តថា ការប្រើឧបករណ៍ថាប្លេតតាមប្រព័ន្ធបច្ចេកវិទ្យាឌីជីថល បានជួយដោះស្រាយបញ្ហាការកំណត់អត្តសញ្ញាណកម្មគ្រួសារក្រីក្រ និងងាយរងហានិភ័យ បានទាន់ពេលវេលា និងមានប្រសិទ្ធភាព។

ក្នុងឱកាសនោះដែរ លោកស្រី Alissar Chaker បានលើកឡើងដែរថា នេះគឺជាផ្នែកមួយរបស់UNDP ក្នុងការគំាទ្របរិវត្តកម្មឌីជីថល ក្នុងការពន្លឿនសម្រេចបានគោលដៅអភិវឌ្ឍន៍ប្រកបដោយចីរភាព ដែលនឹងជួយពង្រឹងដល់ស័ក្តិសិទ្ធិភាពនិងប្រសិទ្ធភាពនៃការអនុវត្តការងារអត្តសញ្ញាណកម្មគ្រួសារក្រីក្រ ដែលបានផ្តល់ការគំាទ្រលើការងារនេះចាប់តំាងពីការរីករាលដាលនៃជំងឺកូវីដ-១៩ ទំាងសម្ភារៈ និងបច្ចេកទេស តាមរយៈក្រសួងផែនការ។

គួរបញ្ជាក់ដែរថា ឧបករណ៍ថាប្លេត ដែលក្រសួងផែនការទទួលបានពី UNDP និងរដ្ឋាភិបាលអូស្ត្រាលី(DFAT) នាពេលនេះ នឹងត្រូវយកទៅចែកជូនដល់ឃុំ សង្កាត់ ជំនួសឱ្យថាប្លេតដែលខូច ឬចាស់ដើម្បីពង្រឹងនិងធានាប្រសិទ្ធភាព និងនិរន្តរភាពការអនុវត្តការងារអត្តសញ្ញាណកម្មគ្រួសារក្រីក្រ និងគ្រួសារងាយរងហានិភ័យ សំដៅក្នុងការកសាងប្រព័ន្ធគាំពារសង្គមកម្ពុជាដ៏រឹងមាំ ដោយគ្មាននរណាម្នាក់ ត្រូវបានបោះបង់ចោលឡើយ៕ អត្ដបទ៖ ហ្សាលីន

The post អូស្ត្រាលី ផ្តល់ថាប្លេត ៥៤៦ គ្រឿងដល់កម្ពុជា ដើម្បីពង្រឹងការកំណត់អត្តសញ្ញាណកម្មគ្រួសារក្រីក្រ appeared first on .

នេះបើតាមរបាយការណ៍ក្នុងពិធីបើកសិក្ខាសាលាផ្សព្វផ្សាយ “របាយការណ៍លទ្ធផលបឋម អង្កេតចន្លោះជំរឿនប្រជាជននៅព្រះរាជាណាចក្រកម្ពុជា ឆ្នាំ២០២៤” ក្រោមអធិបតីភាពលោក ប៊ិន ត្រឈៃ រដ្ឋមន្ត្រីក្រសួងផែនការ កាលពីថ្ងៃទី១០ ខែធ្នូ ឆ្នាំ២០២៤។

លោក  ប៊ិន ត្រឈៃ បានឱ្យដឹងថា អង្កេតចន្លោះជំរឿនប្រជាជន ឆ្នាំ២០២៤ គឺជាកិច្ចការធំទីពីរ បន្ទាប់ពីជំរឿនប្រជាជន ឆ្នាំ២០១៩ ដែលដឹកនាំអនុវត្តដោយវិទ្យាស្ថានជាតិស្ថិតិ ក្រសួងផែនការ ដែលមាននាយកដ្ឋានស្ថិតិប្រជាសាស្ត្រ ជំរឿន និងអង្កេត ជាអង្គភាពអនុវត្ត ប្រកបដោយភាពហ្មត់ចត់ និងទំនួលខុសត្រូវខ្ពស់។

លោកបន្តថា ពិធីប្រកាសផ្សព្វផ្សាយនាឱកាសនេះ គឺជាជំហានដំបូង មុននឹងឈានទៅធ្វើការប្រកាសផ្សព្វផ្សាយរបាយការណ៍លទ្ធផលចុងក្រោយជាផ្លូវការ នៃអង្កេតចន្លោះជំរឿនប្រជាជននៅព្រះរាជាណាចក្រកម្ពុជា ឆ្នាំ២០២៤ ហើយនឹងត្រូវបានអនុវត្តទៅតាមដំណាក់កាលនីមួយៗ ក្នុងផែនការដែលបានគ្រោងទុក។

លោកបន្តទៀតថា លទ្ធផលបឋមទទួលបានពីអង្កេតនេះគឺផ្តោតសំខាន់លើចំណុចធំៗដូចជា៖

ទី១. ទំហំប្រជាជន និងកំណើន៖ (១) ចំនួនប្រជាជនសរុប ១៧ ២៨០ ៥៤៣នាក់ ស្ត្រីមានប្រមាណ ៥០,៩%, (២) កំណើនប្រជាជនមធ្យមប្រចាំឆ្នាំមានប្រមាណ ២,១%, (៣) ចំនួនគ្រួសារសរុបមាន ៣ ៧៣៥ ៦៥៩ ចំនួនសមាជិកគ្រួសារមធ្យមមាន ៤,៦នាក់, (៤) អត្រាលទ្ធភាពមានកូនសម្រាប់ស្ត្រីអាយុ ១៥-៤៩ឆ្នាំ ម្នាក់មាន ២,៥នាក់, (៥) អត្រាកំណើតដុលមាន ២០,៦នាក់, (៦) ផលធៀបអាយុក្នុងបន្ទុកមាន ៥៨,៥%, និង (៧) អាយុសង្ឃឹមរស់ទាំងពីរភេទគឺ ៧៦,៦ឆ្នាំ (ដែលបុរស ៧៤,៧ឆ្នាំ និងស្ត្រី ៧៨,៤ឆ្នាំ)។

និង ទី២. ការបែងចែកប្រជាជន៖ (១) រាជធានីភ្នំពេញ នៅតែជាទីតាំងប្រកបដោយសក្តានុពល ក្នុងចំណោម ២៥រាជធានី ខេត្ត មានប្រជាជនច្រើនរស់នៅប្រមាណ ២ ៣៥២ ៨៥១នាក់ ស្មើ ១៣,៦%, (២) តំបន់ទំនាបកណ្តាល មានប្រជាជនប្រមាណ ៨ ៦៤៦ ២០៣នាក់ ស្មើ ៥០,៣% រស់នៅច្រើនជាងតំបន់ផ្សេងៗទៀត ដូចជា តំបន់ទន្លេសាប តំបន់ឆ្នេរនិងសមុទ្រ និងតំបន់ខ្ពង់រាបនិងភ្នំ, (៣) អត្រាប្រជាជនរស់នៅទីប្រជុំជនមាន ៤១,៥% មានការកើនឡើងគួរឱ្យកត់សម្គាល់៕

The post គិតត្រឹមឆ្នាំ២០២៤ ប្រទេសកម្ពុជាមានប្រជាជនសរុប ១៧ ២៨០ ៥៤៣នាក់ appeared first on .

លោក ឆាយ ថន បានបង្ហាញថា ​ក្នុងមនុស្ស​ម្នាក់នៅ​រាជធានី​ភ្នំពេញអាច​រក​ប្រាក់​ចំណូល​បាន ១០ ៩៥១រៀល ក្នុង​មួយ​ថ្ងៃ នៅ​តំបន់​ទី​ប្រជុំជន​ផ្សេង​ទៀត អាច​រក​ប្រាក់​ចំណូល​បាន ៩ ៥៧១រៀល និង​នៅតំបន់​ជន​បទ អាច​រក​ប្រាក់​ចំណូល​បាន ៨ ៩០៨រៀល ក្នុង​មួយ​ថ្ងៃ។ 

ដោយប្រើប្រាស់ខ្សែបន្ទាត់ភាពក្រីក្រថ្មីនេះ អត្រានៃភាពក្រីក្រនៅកម្ពុជា សម្រាប់ឆ្នាំ ២០១៩- ២០២០ មានកម្រិត ១៧,៨% ក្នុងនោះនៅរាជធានីភ្នំពេញ មានអត្រាភាពក្រីក្រ ៤,២% តំបន់ទីប្រជុំជនផ្សេងទៀត មានចំនួន ១២,៦% និងតំបន់ជនបទ ២២,៨%។

លោក ឆាយ ថន គូសបញ្ជាក់ថា អត្រាភាព​ក្រីក្រ​នៅ​កម្ពុជា សម្រាប់​ឆ្នាំ ២០១៩- ២០២០ បាន​រង​ផល​ប៉ះពាល់​ខ្លះ​ពី​ការ​រីករាលដាល​នៃ​មេរោគ​កូវីដ-១៩។ លោកថា ការ​រីករាលដាល​កូវីដ-១៩ លើ​សេដ្ឋកិច្ច​កម្ពុជា ដែល​បាន​ចាប់​ផ្ដើម ពី​ដើម​ឆ្នាំ ២០២០ តាម​រយៈការ​បង្ក​ផល​ប៉ះពាល់ ដល់​ខ្សែ​ច្រវ៉ាក់​ផ្គត់ផ្គង់លើ​វត្ថុ​ធាតុ​ដើម សម្រាប់​ការ​ផលិត​ផលិតផល​នាំចេញ, ការ​ថយចុះ​ការ​បញ្ជា​ទិញ​ពី​ក្រៅ ប្រទេស និង​ការ​ធ្លាក់​ចុះ​នៃ​ចំនួន​ភ្ញៀវ​ទេសចរ៕

The post ក្រសួងផែនការ៖ ជាមធ្យមមនុស្ស​ម្នាក់ អាច​រក​ប្រាក់​ចំណូល​បាន​ ១០ ៩៥១រៀល ក្នុង​មួយ​ថ្ងៃ appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

បើប្រៀបធៀបជំរឿនក្នុងឆ្នាំ២០១៩ និងឆ្នាំ២០០៨ ប្រជាជនវ័យក្មេង ដែលមានអាយុពី០ឆ្នាំ​ ទៅ៤ឆ្នាំ មានការធ្លាក់ចុះពី៣៣% ទៅ២៩.៤% ហើយប្រជាជនវ័យកណ្តាល(១៥-៥៩ឆ្នាំ) បានកើនឡើង ពី៦០% ទៅ៦១.៧%  និងមនុស្សចាស់ចាប់ពី៦០ឆ្នាំឡើង បានកើនឡើងពី៦.៣% ទៅ៨.៩%។

លោក ព្រាប កុល អតីតនាយកប្រតិបត្តិអង្គការតម្លាភាពកម្ពុជា និងបច្ចុប្បន្នជាគ្រូបង្វឹកប្រចាំក្រុមហ៊ុន Century 21 Zillion Holding បានចោទជាសំណួរថា តើពលរដ្ឋជាទ្រព្យ ឬជាបំណុល? លោកគូសបញ្ជាក់ថា ពលរដ្ឋខ្មែរ ដែលមានអាយុតិចជាង ៣៥ឆ្នាំ មានចំនួនរហូតដល់ទៅ ៧២% នៃប្រជាពលរដ្ឋសរុប។ កម្រមានប្រទេសណានៅក្រោមមេឃ ដែលមានពលរដ្ឋវ័យក្មេងច្រើនដល់ម្លឹង។

លោក ព្រាប កុល បានលើកឡើងថា ពលរដ្ឋអាចជាទ្រព្យផង និងអាចជាបំណុលផងរួមមាន៖
១. ពលរដ្ឋដែលជាទ្រព្យ មានលក្ខណសម្បត្តិដូចខាងក្រោម ៖
– មានចំណេះវិជ្ជា និងជំនាញច្បាស់លាស់ អាចធ្វើការ ឬបង្កើតអាជីវកម្ម ដែលទទួលបានចំណូលសមរម្យ។
– មានគុណធម៌ និងសីលធម៌ ក្នុងការរស់នៅ
– មានសុខភាពល្អ ទាំងផ្នែករាងកាយ និងសុខភាពផ្លូវចិត្ត
– ឧស្សាព្យាយាម និងចេះច្នៃប្រឌិត
– មានឧត្តមគតិ និងមន:សិកាស្នេហាជាតិ និងបម្រើផលប្រយោជន៍ខ្លួនឯងផង និងផលប្រយោជន៍សង្គមផង

២. ពលរដ្ឋដែលជាបំណុល មានលក្ខណដូចខាងក្រោម ៖
– អវិជ្ជា គ្មានចំណេះដឹង ឬជំនាញពិតប្រាកដ
– មានចរិតពាល ធ្វើសកម្មភាពពាលា អសីលធម៌ និងប្រព្រឹត្តិអំពើទុច្ចរិតផ្សេងៗ
– មានបញ្ហាសុខភាព ផ្នែករាងកាយ និងផ្លូវវចិត្ត
– ញៀនគ្រឿងស្រវឹង ឬថ្នាំញៀន និងល្បែងពាលា
– ខ្ជឹលច្រអូស
– អាត្មានិយម (គិតតែពីប្រយោជន៍ផ្ទាល់ខ្លួន)
*អ្នកដឹកនាំប្រទេសត្រូវមានគោលនយោបាយធ្វើឱ្យពលរដ្ឋក្លាយជាទ្រព្យ និងទប់ស្កាត់ពលរដ្ឋមិនឱ្យក្លាយទៅជាបំណុល។
*ឪពុកម្តាយ ឬអាណាព្យាបាលមានកាតព្វកិច្ចធ្វើឱ្យកូន ឬសមាជិកក្នុងបន្ទុករបស់ខ្លួនក្លាយជាទ្រព្យ និងទប់ស្កាត់ពួកគាត់កុំឱ្យក្លាយជាបំណុល។
*ពលរដ្ឋម្នាក់ៗ ត្រូវធ្វើខ្លួនឱ្យក្លាយជាទ្រព្យ និងទប់ស្កាត់ខ្លួនឯងកុំឱ្យក្លាយជាបំណុល៕

The post លោក ព្រាប កុល៖ កម្រមានប្រទេសណានៅក្រោមមេឃ ដែលមានពលរដ្ឋវ័យក្មេងច្រើនដល់ម្លឹង appeared first on .