នៅ​ក្នុង​សេចក្ដី​ជូន​ដំណឹង​នេះ បាន​​លើក​ឡើង​ថា បន្ទាប់​ពី​ថ្មី​ៗ​នេះ​ក្រុម​ប្រឹក្សា​វិន័យ និង​លើក​សរសើរ​របស់​ក្រសួង​វប្បធម៌ បាន​សង្កេត​ឃើញ​នូវ​សកម្មភាព​ផ្សព្វផ្សាយ​ខ្លះ តាម​រយៈ​គេហទំព័រ និង បណ្ដាញ​ទំនាក់ទំនង​សង្គម​មួយ​ចំនួន ពិសេស​អាជីវករ​អនឡាញ អ្នក​និពន្ធ​បទ​ភ្លេង និង​ទំនុក​ច្រៀង និង​អ្នក​សម្ដែង​ក្រៅ​ប្រព័ន្ធ​ជា​ដើម​បាន​ផ្សព្វផ្សាយ​ពី​សារ​ជា​រូបភាព សំឡេង និង​វីដេអូ​ប្រកប​ដោយ​អសីលញាញ។

ទង្វើ​នេះ គឺ​ខុស​ពី​ក្រម​សីលធម៌​បង្ក​ឲ្យ​មាន​ផល​ប៉ះពាល់​យ៉ាង​ធ្ងន់ធ្ងរ​ដល់​វប្បធម៌ ទំនៀមទម្លាប់​ ប្រពៃណី អត្តសញ្ញា និង​កិត្យានុភាព​ជាតិ​ជា​រឿយៗ។ដូច្នេះ​ហើយ នៅ​ក្នុង​សេចក្ដី​ណែនាំ ដែល​ចុះហត្ថលេខា​ដោយ​លោក​ជំទាវ ភឿង សកុណា រដ្ឋមន្ត្រី​ក្រសួង​វប្បធម៌ បាន​លើក​ឡើង​ថា ក្នុង​បរិបថ​ដែលកម្ពុជា បាននិង​កំពុង​យក​ចិត្ត​ទុក​ដាក់​ចូល​រួម ថែ​រក្សា និង​លើក​កម្ពស់​សុខដុម​ភាព​នៃ​វិស័យ​សិល្បៈ វប្បធម៌​នេះ ក្រុម​ប្រឹក្សា​វិន័យ និង​លើក​សរសើរ​នៃ​ក្រសួង​វប្បធម៌ សូម​ធ្វើ​ការ​ណែនាំ​ដល់អ្នក​ប្រើ​ប្រាស់​គេហទំព័រ និង​បណ្ដាញ​ទំនាក់ទំនងសង្គម​ទាំង​អស់ សូម​បញ្ឈប់​នូវ​ការ​ផ្សព្វផ្សាយ គ្រប់​រូបភាព សារ​ជា​អក្ស សំឡេង និង​វីដេអូ ដែល​មាន​ចរិតលក្ខណៈ​អាសអាភាស ស្រើបស្រាល អុជអាល បំពាក់​បំពាក់ ប្រកាន់ ប្រកាន់​ពូជសាសន៍ ពណ៌​សម្បុរ ដែល​បង្ក​ឲ្យ​មាន​ផល​ប៉ះពាល់​ដល់​វប្បធម៌ និង​ទំនៀមទម្លាប់ ប្រពៃណី ជំនឿ សាសនា សេចក្ដីថ្លៃថ្នូរ និង​កិត្យានុភាព​របស់​សង្គម​ ចាប់​ពី​ថ្ងៃ​ចេញ​សេចក្ដី​ណែនាំ​នេះ​ត​ទៅ​ជា​កំហិត។

ក្នុង​ករណី​បុគ្គល​ឬ​ក្រុម​ណា​មួយ​នៅ​បន្ត​ប្រព្រឹត្ត​សកម្មភាព​អវិជ្ជមាន​ខាង​លើ ក្រុម​ប្រឹក្សា​វិន័យ និង​លើក​សរសើរ នឹង​សហការ​ជា​មួយ​ក្រសួង​មហាផ្ទៃ​ឬ​ក្រសួង​ព័ត៌មាន​ឬ​ក្រសួង​ប្រៃសណីយ៍​​នឹង​ទូរគមនាគមន៍ នឹង​ស្ថាប័ន​ពាក់ព័ន្ធ​មួយ​ចំនួន​ទៀត ចាត់​វិធានការណ៍ ​បុគ្គល​ឬ​ក្រុម​ណា​មួយ​នោះ ​​​តាម​ផ្លូវ​ច្បាប់​ជា​​ធរមាន៕

The post ក្រសួង​វប្បធម៌​ចេញ​សេចក្ដី​ណែនាំ បញ្ឈប់​ផ្សព្វផ្សាយ​សារ លក្ខណៈ​ស្រើបស្រាល អាសអាភាស អុជអាល appeared first on .

សម្តេចតេជោ ហ៊ុន សែន បានជំរុញឲ្យក្រសួងវប្បធម៌ និងវិចិត្រសិល្បៈ រួមជាមួយក្រ​សួងស្ថាប័នពាក់ព័ន្ធ និងឤជ្ញាធរដែនដី គ្រប់ជាន់ថ្នាក់ត្រូវបន្តយក ចិត្តទុកដាក់ថែ​រក្សាការពារ និងបង្ក្រាបរាល់ បទល្មើសឱ្យបានទាន់ ពេលវេលា និងប្រកបដោយ​ប្រសិទ្ធភាពនៅតាម ទីតាំងតំបន់ប្រាសាទ រមណីយដ្ឋាន ប្រវត្តិសា្រស្ត វត្តឤរាម សំណង់ប្រវត្តិសាស្ត្រ និងសំណង់ ដែលមានឤយុកាលរាប់ រយឆ្នាំនៅតាម មូលដ្ឋាននៅទូទាំងប្រទេស។

សម្តេចក៏បានណែនាំឲ្យក្រសួងវប្បធម៌ ត្រូវបន្តរួមគ្នាធ្វើបញ្ជីសារពើ​ភណ្ឌគ្រប់ទីតាំង​នៃបេតិកភណ្ឌរូបី ទាំងនោះឱ្យបានសព្វគ្រប់ ដើម្បីចៀសវាងការ រំលោភបំពាន ហើយត្រូវបន្តទាមទារយកមកវិញ នូវបដិមានានា របស់ជាតិ ដែលបាន​បាត់បង់កន្លង​មកក្នុងអំឡុងសម័យសង្គ្រាម៕

The post សម្តេចតេជោ ហ៊ុន​ សែន​៖ ត្រូវ​ប​ញ្ឈប់​​ជា​បន្ទាន់ ការរំលោ​ភ​បំពាន​លើ​សិទ្ធិអ្នកនិពន្ធ និង​យកស្នាដៃ​គេមក​ធ្វើឡើង​វិញដោយគ្មានការ​អនុញ្ញាត appeared first on .

បណ្ឌិតបុរាណវិទ្យានៃសាកលវិទ្យាល័​យហាវ៉ៃ និងជាប្រធាន​គ​ម្រោ​​​ង​ស្រាវជ្រាវ លោក ហេង ពិភាល់ បានឱ្យដឹងថា ក្រុមការងារបានធ្វើកំណាយស្រាវជ្រាវបុរាណវិទ្យាចំនួន៥ រណ្តៅ​ទំហំ១គុណ២ម៉ែត្រ នៅលើទួលដូន​ប៉ុកផងនិងនៅលើ​គោកម​នុស្សរ​ស់នៅ​ក្បែរ​ទួល​នេះ​ផ​​ង​។ 

លោក ទិន ទីណា អនុប្រធានមណ្ឌលអ​ន្តរជាតិស្រាវជ្រាវ ​និងតម្កល់​ឯកសា​រ​អង្គរនៃ​អា​ជ្ញា​​​ធរជាតិអប្សរា បញ្ជាក់ថា ការស្រាវជ្រាវនេះ ធ្វើឡើងដើម្បីស្វែងរកភូមិបុរាណ ទីសក្ការបូជា និង​ស​​ម្ភារប្រើប្រាស់នានា ដែលស្ថិតនៅក្រៅរាជធានីអង្គរ ជាពិសេស​នៅជុំវិញខេត្តសៀមរាប។ គំ​ហើ​​ញថ្មីៗនេះជាប្រយោជន៍សម្រាប់ការ​សិក្សាស្រាវជ្រាវ ការយល់ដឹងពីប្រវត្តិសាស្ត្រ ភូមិ​សា​ស្ត្រ​​ខ្មែរពីអតីតកាលដល់បច្ចុប្បន្ន​ព្រមទាំងរួម​ចំណែកការពារបុរាណដ្ឋានលើតំប​ន់ ដែល​កំពុ​ង​អ​ភិ​វឌ្ឍន៍។

ជាលទ្ធផល រណ្តៅកំណាយនៅទួលដូនប៉ុក បានរកឃើញ​គ្រឹះប្រាសាទធ្វើពី​ថ្មបាយ​ក្រៀ​ម​​ពីខាងក្រោម និងឥដ្ឋនៅពីខាងលើ ដែលកប់ក្នុងដីជម្រៅជាង១ម៉ែត្រ ដែលមានសស​រពេ​ជ្រព​ណ៌​ផ្កា​ឈូក ២កំណាត់ និងគំនរថ្មភក់នៅក្នុងខ្ទមអ្នកតា។ តាមការសន្និដ្ឋាន ប្រាសា​ទគោ​ក​ដូ​ន​ប៉ុ​ក បានកសាងឡើងក្នុងសតវត្សទី១០ មានអាយុប្រហាក់ប្រហែល​ទៅនឹងប្រាសាទបន្ទា​យ​ស្រី ​និ​​ង​​ប្រាសាទព្រះឥន្ទ្រកោសីយ៍ ដែលជាទីសក្ការៈរបស់មនុស្សនាសម័យនោះ។ 

លោកបណ្ឌិតបុរាណវិទ្យា ហេង ពិភាល់ បន្តថា តាមរយៈលទ្ធផលកំណាយ ប្រាសា​ទឥដ្ឋ​នេះ​ដួ​ល​រ​លំនៅរវាងសតវត្សទី១២ឬ១៣ និងលែងជាកន្លែងប្រារព្ធពិធី​សាសនាធំដុំ​ទៀតហើយ ពោ​ល​គឺនៅត្រឹមតែជាគោកអ្នកតាប៉ុណ្ណោះ។ 

ការផ្លាស់ប្តូរនេះ ប្រហែលជួនគ្នានឹងការកសាងវត្តអធ្វា នាសតវត្សទី១២ ឬទី១៣ដែរ ដោ​យ​ម​​នុស្សបានប្តូរទៅគោរពបូជានៅវត្តអធ្វាវិញ។ ក្រៅពីនោះ ទាំងក្នុ​ងរណ្តៅនៅ​ទួល​ដូ​ន​ប៉ុ​ក ​និងគោកភូមិ ក៏ឃើញមានបំណែកកុលាលភាជន៍ចិនពីសតវត្ស ទី១២ដល់ទី១៧ និង​ភា​ជ​ន៍​ខ្មែ​រ​​ផ​លិតនៅតំបន់នគររាជ ភ្នំគូលែន និងជើងឯកនៅសតវត្សទី១០និង១៣ មានភាជន៍ផុយ ភា​ជ​ន៍​រឹងមានស្រទាប់រលោង និងគ្មានស្រទាប់រលោង រួមទាំងរបស់ប្រើប្រាស់ផ្សេងៗទៀត។

នេះសបញ្ជាក់ថា ទីតាំងនេះ ជាភូមិចា​ស់​ត​ពី​ដូ​ន​តា និងមានមនុស្សរស់នៅតគ្នាជាង​១០០០ឆ្នាំមកហើយ ពោលគឺ​តាំង​ពីសតវ​ត្សទី​១០ ​ដែ​ល​មា​ន​​សំ​ណង់ប្រាសាទ​ឥដ្ឋចំ​នួន១ និងមានគោកភូមិនៅជុំវិញប្រាសាទចំនួន៦។ ចំណែក​បំណែ​ក​កុ​លាលភាជន៍​បង្ហាញឱ្យដឹងថា វត្តមានម​នុស្សរស់នៅ​ទួលដូ​នប៉ុក មានយ៉ាង​តិច​ដ​ល់​សតវត្ស​ទី​១​៨។

លោក វិទូ ភិរម្យ បុរាណវិទូនៃមជ្ឈមណ្ឌលអន្តរជាតិស្រាវជ្រាវ និងតម្តល់​ឯកសា​រ​អ​ង្គ​រ​នៃ​អាជ្ញាធរជាតិអប្សរា បានឱ្យដឹងថា តាមរយៈលទ្ធផលកំណាយនៅទួលដូនប៉ុក គឺបា​នប​ង្ហា​ញ​​ភស្តុតាងជាច្រើន ទាក់ទងនឹងការរៀបចំភូមិកររបស់មនុស្សសម័យបុរាណ នៅភាគខាងត្បូ​ង​អ​ង្គរ ដែលប្រាសាទនេះ គឺជាមជ្ឈមណ្ឌលសំខាន់នៃសហគមន៍មួយ។ ប្រាសាទមានម​នុស្ស​ថែ​រ​ក្សា​និងរស់នៅជុំវិញ មានការប្រើប្រាស់សម្ភារ​ផ្សេងៗដែល​បម្រើឱ្យជីវ​ភាពប្រចាំថ្ងៃនិងកិច្ចបូជា។ 

រីឯបំណែកកុលាលភាជន៍អាចឱ្យយើងស្វែងយល់ពីសេដ្ឋកិច្ច និងការរស់នៅ​របស់​មនុស្ស​ពីស​ម័យបុរាណ។ លើសពីនេះទៀត យើងបា​នដឹងពីច​លនា​ពាណិ​ជ្ជកម្ម និងកា​រប្រើប្រាស់​ភាជ​ន៍​នាំ​​ចូលមកពីស្រុកចិន ដូចជាក្នុងរាជវង្សម៉េងនិងឆេង (តិចតួច) ភាជន៍បៃត​ងក្នុងរា​ជវ​ង្សយួ​ន​និង​សុង រួមទាំងប្រភេទភាជន៍រឹងផលិតក្នុងស្រុកផង។

លោក ភិរម្យ បន្តថា លទ្ធផលទាំងអស់នេះនៅមិនទាន់គ្រប់ជ្រុងជ្រោយនៅឡើយ ត្បិ​ត​នៅ​ជាលទ្ធផលបឋម ហើយក្រុមជំនាញមានគម្រោងស្រាវជ្រាវនាពេលអនាគត ដើម្បីស្វែងយល់​អំ​ពី​​ទំហំនៃខឿនប្រាសាទ។

ការធ្វើកំណាយស្រាវជ្រាវបុរាណវិទ្យានៅទួលដូនប៉ុកនេះ ចាប់ផ្តើមតាំងពីថ្ងៃទី៩ ខែ​ធ្នូ​ ឆ្នាំ២០១៩ នឹងបញ្ចប់នៅថ្ងៃទី៣១ ខែមករា ឆ្នាំ២០២០ខាងមុខ៕

The post អាជ្ញាធរជាតិអ​ប្សរា សហ​ការនិង​សា​​ក​លវិទ្យាល័យហា​វ៉ៃសហ​រដ្ឋ​អា​មេរិករកឃើ​ញទីតាំងគ្រឹះប្រាសាទ និងស​ម្ភារប្រើប្រាស់ របស់មនុ​ស្ស​​ជាង​១០០០ឆ្នាំ appeared first on .