របាយការណ៍វឌ្ឍនភាពរបស់ លោក អឿន ធារិទ្ធ ប្រធាននាយកដ្ឋានអភិវឌ្ឍន៍សហគមន៍ បានឱ្យដឹងក្នុងកិច្ចប្រជុំត្រួតពិនិត្យវឌ្ឍនភាព “ភូមិគំរូ” និងការរៀបចំពិធីប្រកាសទទួលស្គាល់ “ភូមិគំរូ” សម្រាប់ឆ្នាំ២០២៥ កាលពីថ្ងៃទី២២ ខែមករា ដឹកនាំដោយ លោក ឆាយ ឫទ្ធិសែន រដ្ឋមន្ដ្រីក្រសួងអភិវឌ្ឍន៍ជនបទ បានឱ្យដឹងថា ក្នុងឆ្នាំ២០២៥ ក្រសួងអភិវឌ្ឍន៍ជនបទ បានជ្រើសរើសនិងគាំទ្រការអភិវឌ្ឍ “ភូមិគំរូ” សរុបចំនួន ៥១ភូមិ នៅទូទាំង ២៥រាជធានី-ខេត្ត។

ជាលទ្ធផលនៃការវាយតម្លៃ មាន “ភូមិគំរូ” ទទួលបានចំណាត់ថ្នាក់កម្រិតផ្កាយ ៣ មានចំនួន ៦ភូមិ, “ភូមិគំរូ” ទទួលចំណាត់ថ្នាក់កម្រិតផ្កាយ ២ មានចំនួន ៣៥ភូមិ និង “ភូមិគំរូ” ទទួលចំណាត់ថ្នាក់កម្រិតផ្កាយ ១  មានចំនួន ១០ភូមិ។

លោក ឆាយ ឫទ្ធិសែន រដ្ឋមន្ដ្រីក្រសួងអភិវឌ្ឍន៍ជនបទ បានវាយតម្លៃខ្ពស់ចំពោះថ្នាក់ដឹកនាំ និងមន្ដ្រីជំនាញទាំងអស់ ដែលបានខិតខំបំពេញការងារឱ្យសម្រេចបាននូវលទ្ធផលការងារតាមផែនការដែលបានគ្រោងទុក ជាពិសេសការសម្រេចបានជោគជ័យនៃការអភិវឌ្ឍ “ភូមិគំរូ” ទាំង ៥១ភូមិខាងលើនេះ។

លោកលើកឡើងថា ដើម្បីចូលរួមសម្រេចនូវយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាល នីតិកាលទី៧ នៃរដ្ឋសភា ក្រោមការដឹកនាំបន្តវេនប្រកបដោយគតិបណ្ឌិត និងថាមវន្ដរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា ក្រសួងអភិវឌ្ឍន៍ជនបទ បានដាក់ទិសដៅការងារដើម្បីអភិវឌ្ឍសហគមន៍នៅតំបន់ជនបទ ឱ្យក្លាយជា “ភូមិគំរូ” ឬ “ភូមិគំរូគន្លឹះ” សរុបចំនួន ២៣០ភូមិ នៅត្រឹមឆ្នាំ២០២៨ ដែលតាមរយៈការអភិវឌ្ឍភូមិគំរូគន្លឹះនេះ នឹងអាចផ្ដល់ផលប្រយោជន៍ឬផលជះជាវិជ្ជមានដល់ភូមិដទៃទៀតដែលនៅជុំវិញ។

សូមជម្រាបថា ការជំរុញចលនាអភិវឌ្ឍន៍ «ភូមិគំរូគន្លឹះ» នេះ ជាយន្តការអន្តរាគមន៍ដោយផ្ទាល់កម្រិតភូមិនិងគ្រួសារ ដែលមានប្រសិទ្ធភាព ឆ្លើយតបទៅនឹងតម្រូវការជាមូលដ្ឋានរបស់ប្រជាជននៅតំបន់ជនបទ ក្នុងការលើកកម្ពស់គុណភាព និងគុណតម្លៃនៃជីវិតរស់នៅឱ្យប្រសើរឡើង ប្រកបដោយប្រសិទ្ធភាពនិងបរិយាបន្នទាំងផ្នែកសេដ្ឋកិច្ច សង្គមកិច្ច និងវប្បធម៌។

ក្នុងផែនការប្រចាំឆ្នាំរបស់ក្រសួងអភិវឌ្ឍន៍ជនបទ ចាប់ពីឆ្នាំ២០២៥ ដល់ឆ្នាំ២០២៨ ក្រសួងនឹងជ្រើសរើសភូមិ ដែលមានសក្ដានុពល រួមបញ្ចូលទាំងភូមិ ដែលមានសហគមន៍ជនជាតិដើមភាគតិចផងដែរ ដើម្បីអភិវឌ្ឍឱ្យក្លាយជាភូមិគំរូឱ្យបានចំនួន ៥០ភូមិ ក្នុងមួយឆ្នាំ ដោយប្រើប្រាស់ថវិកា របស់រាជរដ្ឋាភិបាល ដែលនឹងធ្វើឱ្យចំនួនភូមិគំរូ កើនឡើងដល់ចំនួន ២៦៤ភូមិ នៅត្រឹមឆ្នាំ២០២៨៕

The post ភូមិចំនួន៥១ បានទទួលផ្កាយជាប់ជា “ភូមិគំរូ” នៅទូទាំង ២៥រាជធានី-ខេត្ត​ សម្រាប់ឆ្នាំ២០២៥ appeared first on .

គួរឱ្យដឹងថា កិច្ចប្រជុំអន្តរក្រសួងត្រី-វិស័យលើកទី៥ នាពេលនេះ គឺដើម្បីពិនិត្យ ពិភាក្សា និងអនុម័តលើរបៀបវារៈសំខាន់ៗចំនួនបីគឺ៖ ទី១)របាយការណ៍សង្ខេបស្ដីពីវឌ្ឍនភាពការងាររបស់ក្រុមការងារត្រីវិស័យបន្ទាប់ពីកិច្ចប្រជុំអន្តរក្រសួងលើកទី៤ ទី២)សេចក្តីព្រាងផែនការសកម្មភាព៣ឆ្នាំរំកិល(២០២៦-២០២៨) រួមទាំងផែនការសកម្មភាពឆ្នាំ២០២៦ និងទី៣)ការពិភាក្សាដោយមានការចូលរួមពីសំណាក់ក្រសួងសេដ្ឋកិច្ច និងហិរញ្ញវត្ថុ និងក្រសួងទេសចរណ៍លើគ្រោងប្លង់សម្រាប់ការអភិវឌ្ឍទំនប់អូររំដួលនៃសហគមន៍កសិកម្មទំនើបបន្លែផ្ទះសំណាញ់ត្រាំកក់ឱ្យក្លាយជាតំបន់កសិ-ទេសចរណ៍។

សូមជម្រាបថា ក្រុមការងារត្រី-វិស័យ កសិកម្ម ទឹក ជនបទ គឺជាយន្តការសម្របសម្រួលអន្តរក្រសួង ដែលបង្កើតឡើងដោយក្រសួងកសិកម្ម រុក្ខាប្រមាញ់ និងនេសាទ ក្រសួងធនធានទឹក និងឧតុនិយម និងក្រសួងអភិវឌ្ឍន៍ជនបទ ដើម្បីជំរុញឱ្យមានកិច្ចសហការជិតស្និទ្ធ បង្កើនប្រសិទ្ធភាព និងសហថាមពល សំដៅគាំទ្រដល់ការលើកកម្ពស់ និងកែលម្អជីវភាពសហគមន៍តាមមូលដ្ឋាន ព្រមទាំងបង្កើតភាពធន់ និងជំរុញកំណើនសេដ្ឋកិច្ចសង្គមប្រកបដោយចីរភាព  ចូលរួមចំណែកអនុវត្តន៍កម្មវិធីនយោបាយ និងយុទ្ធសាស្រ្តបញ្ចកោណដំណាក់កាលទី១ របស់រាជរដ្ឋាភិបាលនីតិកាលទី៧ នៃរដ្ឋសភា ដោយផ្តោតលើការសម្របសម្រួលឱ្យមានភាពបន្ស៊ីគ្នារវាងសហគមន៍កសិកម្មទំនើប សហគមន៍កសិករប្រើប្រាស់ទឹក និងភូមិគំរូ៕

The post រដ្ឋមន្រ្តីក្រសួង៣ សហការរៀបចំកិច្ចប្រជុំអន្តរក្រសួងត្រី-វិស័យលើកទី៥ រួមគ្នាដើម្បីការអភិវឌ្ឍ និងលើកកម្ពស់ជីវភាព appeared first on .

លោក ឆាយ ឫទ្ធិសែន បានថ្លែងថាពិធីបើកការដ្ឋានសាងសង់ផ្លូវទាំង ១ខ្សែ ប្រវែង ៦,៣០គ.ម និងសំណង់សិល្បការ្យចំនួន ១១កន្លែង និងការបំពាក់អំពូលសូឡាបំភ្លឺលម្អតាមដងផ្លូវ ចំនួន ១៦៧ដើម ដែលនឹងផ្តល់ផលប្រយោជន៍ដល់ប្រជាជនចំនួន ២ ០២០គ្រួសារ ស្មើនឹងប្រជាជនសរុបជិត ១ម៉ឺននាក់ ក្នុងភូមិចំនួន១០ នៃឃុំគងជ័យ ស្រុកអូររាំងឪ ខេត្តត្បូងឃ្មុំ។

លោកបន្តថាជាមួយនឹងកម្មវិធីបើកការដ្ឋាននាពេលនេះ ក៏សម្ពោធដាក់ឱ្យប្រើប្រាស់ជាផ្លូវការនូវខ្សែផ្លូវជនបទចំនួន ៩ខ្សែ ដែលមានប្រវែងសរុប ៧០,៤គ.ម ផងដែរ ដែលផ្តល់ផលយោជន៍ដោយផ្ទាល់ដល់ប្រជាពលរដ្ឋចំនួន ១២ឃុំ សរុបចំនួន ១៧៤,៦១០នាក់ ស្មើរនឹងជាង ១៥០០០គ្រួសារ, មណ្ឌលសុខភាពចំនួន ៧កន្លែង, សាលារៀនចំនួន២៦កន្លែង, ផ្សារ៧កន្លែង និងវត្តអារាមចំនួន១២កន្លែង តាមរយៈការជួយគាំទ្រ និងសម្រួលដល់ការប្រកបការងារប្រចាំថ្ងៃ ចំណេញពេលវេលា និងថវិកា ជាពិសេសធានាបានូវការប្រើប្រាស់ផ្លូវបានគ្រប់រដូវកាល។

លោករដ្ឋមន្រ្តីបានគូសបញ្ជាក់ថា សមិទ្ធផលដែលសម្រេចបាន និងអង្គពិធីដ៏អធិកអធមនាពេលនេះ អាចប្រព្រឹត្តទៅបានគឺដោយសារគុណបំណាច់នៃ “សុខសន្តិភាព” ដែលកើតចេញពីការលះបង់ដ៏ធំធេងនិងការខិតខំប្រឹងប្រែងឥតឈប់ឈរដើម្បីជាតិ និងប្រជាជន ដោយយកជីវិតធ្វើជាដើមទុនរបស់ សម្តេចតេជោ ហ៊ុន សែន ជាបិតាសន្តិភាព ស្ថាបនិកមគ្គុទេសក៍ឯក និងប្រតិបត្តិករនយោបាយឈ្នះឈ្នះ ដែលនាំមកនូវឯកភាពជាតិ និងសន្ដិភាពពេញលេញទូទាំងប្រទេស និងក្រោមការដឹកនាំបន្តវេនប្រកបដោយថាមវន្តរបស់សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជាបច្ចុប្បន្ន បាននិងកំពុងកសាងសមិទ្ធផលថ្មីបន្ថែមទៀត ជូនប្រទេសជាតិនិងប្រជាជន ដើម្បីសម្រេចឱ្យបានជោគជ័យនូវចក្ខុវិស័យ“កម្ពុជាជាប្រទេស មានប្រាក់ចំណូលខ្ពស់ឆ្នាំ ២០៥០”៕

The post រាជរដ្ឋាភិបាល បានសម្ពោធដាក់ឱ្យប្រើប្រាស់ផ្លូវជនបទ៩ខ្សែ និងសាងសង់បន្ថែមទៀតក្នុងខេត្តត្បូងឃ្មុំ ផ្តល់ផលប្រយោជន៍ដល់ប្រជាពលរដ្ឋជាង១ ៧០០០គ្រួសារ appeared first on .

ថ្លែងក្នុងពិធីសំណេះសំណាល លោកសហប្រធានទាំង៣ បានគូសបញ្ជាក់ពីគោលបំណងរួមរបស់ក្រសួងទាំងបី  ដើម្បីពិនិត្យពីសក្តានុពល និងលទ្ធភាព ជួយបង្កើនសមត្ថភាពផលិតកម្ម បង្កើនចំណូលសេដ្ឋកិច្ច និងសុខុមាលភាព។ ក្នុងនោះនឹងពិនិត្យលក្ខណៈសម្បត្តិរបស់សហគមន៍ ដែលអាចបង្កើតសហគមន៍កសិកម្មទំនើប ជាគោលដៅក្នុងក្របខ័ណ្ឌត្រី-វិស័យ ឆ្នាំ២០២៦។

ដោយសហគមន៍នឹងទទួលបានការបង្កើនផលិតភាពផលិតកម្មកសិកម្ម ការប្រើប្រាស់ធនធានទឹកពហុបំណងប្រកបដោយប្រសិទ្ធភាព ការគាំទ្រលើហេដ្ឋារចនាសម្ព័ន្ធ រួមមាន៖ ប្រព័ន្ធធារាសាស្រ្ដ ផ្លូវថ្នល់ ផ្សារសហគមន៍ជាដើម។

ជាមួយគ្នានោះ លោកសហប្រធានទាំង៣ បានបញ្ជាក់បន្ថែមទៀតថា ភាពខ្លាំងរបស់សហគមន៍ កើតចេញពីខាងក្នុងសហគមន៍ផ្ទាល់ ដោយត្រូវមានប្រធានខ្លាំង និងការចូលរួម បេ្ដជ្ញាពីសមាជិក សមាជិកា និងការគាំទ្រពីអាជ្ញាធរពាក់ព័ន្ធផងដែរ។

សូមបញ្ជាក់ជូនថា សហគមន៍កសិករប្រើប្រាស់ទឹកប្រព័ន្ធធារាសាស្ត្រតាំងក្រសាំង បានចុះបញ្ជីដាក់ឱ្យប្រើប្រាស់នៅថ្ងៃទី១១ ខែឧសភា ឆ្នាំ២០១៨ គ្របដណ្តប់មានចំនួន ០៤ឃុំ (ទីពោ តាំងក្រសាំង ឃុំជ្រាប់ និងឃុំកកោះ និងមាន១៨ភូមិ មានផ្ទៃដីសរុបដីស្រែចំនួន ១០.៩៦១ ហិកតា ក្នុងនោះមានផ្ទៃដីស្រូវប្រាំងមានចំនួន ៤.៧៧៨ហិកតា សមាជិកចំនួន ៤.៨៩២គ្រួសារ និងប្រជាពលរដ្ឋ ដែលទទួលផលពីប្រព័ន្ធធារាសាស្ត្រ មានចំនួនសរុប៣០.៥៤៧នាក់។

ប្រព័ន្ធធារាសាស្ត្រតាំងក្រសាំង ដំណើរការ គ្រប់គ្រងថែទាំដោយសហគមន៍កសិករប្រើប្រាស់ទឹកតាំងក្រសាំង និងគាំទ្រដោយមន្ទីរធនធានទឹក និងឧតុនិយមខេត្តកំពង់ធំ លើកិច្ចដំណើរការ និងការថែទាំ (O&M) ក្នុងឆ្នាំ២០២៥ ដោយមានការសហការពីអាជ្ញាធរឃុំ ស្រុក៕

The post សហប្រធាន៣រូប នៃក្រុមការងារត្រី-វិស័យ ចុះពិនិត្យសក្តានុពលសហគមន៍កសិករប្រើប្រាស់ទឹកប្រព័ន្ធធារាសាស្ត្រតាំងក្រសាំង នៅខេត្តកំពង់ធំ appeared first on .

នេះបើតាមការឱ្យដឹងពីលោក ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ ក្នុងពិធីប្រកាសទទួលស្គាល់ជាផ្លូវការខេត្តកោះកុង ជាខេត្តទី២៥ទទួលបានជ័យលាភីបញ្ចប់ការបន្ទោបង់ពាសវាលពាសកាល (ODF) នាថ្ងៃទី១៣ ខែតុលា​ ឆ្នាំ២០២៥។

លោក យី គឹមថាន នាយកស្ដីទីអង្គការភ្លែនអន្ដរជាតិប្រចាំកម្ពុជា បង្ហាញពីមោទនភាពចំពោះជ័យលាភី ODF របស់ខេត្តកោះកុង ក៏ដូចជាការសម្រេចបានការបញ្ចប់ការបន្ទោបង់ពាសវាលពាសកាលទូទាំងប្រទេសកម្ពុជា ដែលបង្ហាញពីលទ្ធផលនៃកិច្ចសហប្រតិបត្តិការល្អរវាងក្រសួងអភិវឌ្ឍន៍ជនបទ ជាមួយដៃគូអភិវឌ្ឍន៍ និងអង្គការមិនមែនរដ្ឋាភិបាល ព្រមទាំងប្តេជ្ញាចិត្តក្នុងការចូលរួមជាមួយក្រសួងអភិវឌ្ឍន៍ជនបទក្នុងការជំរុញបញ្ចប់ការបន្ទោបង់ពាសវាលពាសកាលកម្រិតខ្ពស់ទូទាំងប្រទេស។

លោក​ ឆាយ ឫទ្ធិសែន បានវាយតម្លៃខ្ពស់ចំពោះការរីកចម្រើន និងសមិទ្ធផលនានា ដែលខេត្តកោះកុងសម្រេចបាននាពេលនេះ លើគ្រប់វិស័យ ជាពិសេសការផ្លាស់ប្តូរកម្រិតជីវភាពរស់នៅរបស់ប្រជាពលរដ្ឋ ការកែលម្អលក្ខខណ្ឌនៃការរស់នៅ តាមរយៈការផ្គត់ផ្គង់សេវាទឹកស្អាត និងការប្រើប្រាស់បង្គន់អនាម័យបានត្រឹមត្រូវ។

លោករដ្ឋមន្រ្តីក៏បានបញ្ជាក់ពីការខិតខំប្រឹងប្រែងរបស់រាជរដ្ឋាភិបាល ក្រោមការដឹកនាំប្រកបដោយគតិបណ្ឌិតរបស់សេម្តេចធិបតី ដែលមានក្រសួងអភិវឌ្ឍន៍ជនបទជាសេនាធិការ និងមានកិច្ចសហប្រតិបត្តិការយ៉ាងជិតស្និទ្ធជាមួយអង្គការដៃគូនានា ក្នុងរយៈពេល២ឆ្នាំចុងក្រោយនេះ បានជំរុញឱ្យខេត្តចំនួន១៩ សម្រេចបានការបញ្ចប់ការបន្ទោបង់ពាសវាលពាសកាលដោយជោគជ័យ ហើយជាក់ស្ដែងពិធីប្រកាសខេត្តកោះកុងជាខេត្តទី២៥ សម្រេចបាន ODF នាពេលនេះ។

សមិទ្ធផលនេះ បង្ហាញថាប្រជាជនកម្ពុជាគ្រប់រូប មានការផ្លាស់ប្តូរទម្លាប់រស់នៅប្រចាំថ្ងៃរបស់ខ្លួន ដោយទទួលទានទឹកស្អាតដើម្បីធ្វើឱ្យមានសុខភាពល្អ ប្រើប្រាស់បង្គន់អនាម័យបានត្រឹមត្រូវ  ថែរក្សាបរិស្ថានរស់នៅល្អ ដើម្បីជៀសផុតពីជំងឺឆ្លងផ្សេងៗ ជាហេតុធ្វើឱ្យអាយុកាលសង្ឃឹមរស់ជាមធ្យមរបស់ប្រជាជនកម្ពុជាកាន់តែវែង ដែលជាបំណងប្រាថ្នារបស់មនុស្សគ្រប់រូប។

លោកក៏បានគូសបញ្ជាក់ថា ក្រសួងបាននិងកំពុងបន្តអនុវត្តផែនការសកម្មភាពជាតិ ស្តីពីការផ្គត់ផ្គង់ទឹក ការសម្អាត និងអនាម័យជនបទ ដែលជាលទ្ធផលអត្រាគ្របដណ្តប់ទឹកស្អាត និងអនាម័យទូទាំងប្រទេសសម្រេចបាន ៩១.៩៨% ហើយប្តេជ្ញាចិត្តថាត្រូវតែសម្រេច ឱ្យបាន ១០០% នៅត្រឹមឆ្នាំ២០៣០។ លោកបានអំពាវនាវដល់គ្រប់ភាគីពាក់ព័ន្ធទាំងអស់បន្តចូលរួមយ៉ាងសកម្ម និងសហការរួមគ្នាដោះស្រាយបញ្ហាប្រឈមនានា ដើម្បីលើកកម្ពស់អនាម័យជនបទឱ្យកាន់តែប្រសើរឡើងថែមទៀត ក្នុងគោលដៅឈានទៅសម្រេចឱ្យបានផែនការនៃអត្រាគ្របដណ្តប់ទឹក និងអនាម័យ ១០០% នៅទូទាំងប្រទេសនាឆ្នាំ២០៣០៕

The post កម្ពុជា បានបញ្ចប់ការបន្ទោបង់ពាសវាលពាសកាលទាំងស្រុង នៅគ្រប់រាជធានី ខេត្តទូទាំងប្រទេស appeared first on .

តាមរយៈរបាយការណ៍ដោយ លោក ជ្រាយ ប៉ុម អគ្គនាយកបច្ចេកទេស និង លោក អឿន ធារិទ្ធ ប្រធាននាយកដ្ឋានអភិវឌ្ឍន៍សហគមន៍ បានបង្ហាញថា គិតត្រឹមឆ្នាំ២០២៥ នេះ ក្រសួងអភិវឌ្ឍន៍ជនបទបានទទួលស្គាល់និងកំពុងអភិវឌ្ឍ “ភូមិគំរូ” និង “ភូមិគំរូគន្លឹះ” សរុបចំនួន ១១៥ ភូមិ ក្នុងនោះក្រសួងបានទទួលស្គាល់ចំនួន ៣០ភូមិ, កំពុងអនុវត្តតាមរយៈគម្រោងសហប្រតិបត្តិការជាមួយដៃគូអភិវឌ្ឍន៍ចំនួន ៣៤ភូមិ និងកំពុងអនុវត្ត “ភូមិគំរូគន្លឹះ” ដោយប្រើប្រាស់ធនធានជាមូលដ្ឋានមានស្រាប់ចំនួន ៥១ភូមិ នៅទូទាំង២៥ រាជធានី ខេត្ត ។

នាឱកាសនោះ លោក ឆាយ ឫទ្ធិសែន បានគូសបញ្ជាក់ថា សមិទ្ធផលដែលសម្រេចបានលើគ្រប់វិស័យទាំងនេះ គឺអាស្រ័យដោយប្រទេសជាតិមានសុខសន្ដិភាព ក្រោមការដឹកនាំប្រកបដោយភាពប៉ិនប្រសប់របស់ សម្ដេចតេជោ ហ៊ុន សែន និងការដឹកនាំបន្ដវេនដ៏ឆ្នើមប្រកបដោយគតិបណ្ឌិតរបស់ សម្ដេចធិបតី ហ៊ុន ម៉ាណែត នាយករដ្ឋមន្ដ្រីកម្ពុជា ហើយក៏ជាមូលដ្ឋានគ្រឹះដ៏សំខាន់ដើម្បីចូលរួមចំណែកសម្រេចបាននូវចក្ខុវិស័យកម្ពុជាជាប្រទេសមានប្រាក់ចំណូលខ្ពស់នៅឆ្នាំ២០៥០ ស្របតាមយុទ្ធសាស្ដ្របញ្ចកោណដំណាក់កាលទី១ របស់រាជរដ្ឋាភិបាល នីតិកាលទី៧ នៃរដ្ឋសភា ។

សូមជម្រាបថា ការជំរុញចលនាអភិវឌ្ឍន៍ «ភូមិគំរូគន្លឹះ» នេះ ជាយន្តការអន្តរាគមន៍ដោយផ្ទាល់កម្រិតភូមិនិងគ្រួសារ ដែលមានប្រសិទ្ធភាព ឆ្លើយតបទៅនឹងតម្រូវការជាមូលដ្ឋានរបស់ប្រជាជននៅតំបន់ជនបទ ក្នុងការលើកកម្ពស់គុណភាព និងគុណតម្លៃនៃជីវិតរស់នៅឱ្យប្រសើរឡើង ប្រកបដោយប្រសិទ្ធភាពនិងបរិយាបន្នទាំងផ្នែកសេដ្ឋកិច្ច សង្គមកិច្ច និងវប្បធម៌។

ក្នុងផែនការប្រចាំឆ្នាំរបស់ក្រសួងអភិវឌ្ឍន៍ជនបទ ចាប់ពីឆ្នាំ២០២៥ ដល់ឆ្នាំ២០២៨ ក្រសួងនឹងជ្រើសរើសភូមិ ដែលមានសក្ដានុពល រួមបញ្ចូលទាំងភូមិ ដែលមានសហគមន៍ជនជាតិដើមភាគតិចផងដែរ ដើម្បីអភិវឌ្ឍឱ្យក្លាយជាភូមិគំរូឱ្យបានចំនួន ៥០ភូមិ ក្នុងមួយឆ្នាំ ដោយប្រើប្រាស់ថវិកា របស់រាជរដ្ឋាភិបាល ដែលនឹងធ្វើឱ្យចំនួនភូមិគំរូ កើនឡើងដល់ចំនួន ២៦៤ភូមិ នៅត្រឹមឆ្នាំ២០២៨៕

The post គិតត្រឹមឆ្នាំ២០២៥  “ភូមិគំរូ” និង “ភូមិគំរូគន្លឹះ” ត្រូវបានទទួលស្គាល់និងកំពុងអភិវឌ្ឍ សរុបចំនួន ១១៥ ភូមិ appeared first on .

នាឱកាសនោះ លោក ពៅ ពិសិដ្ឋ អភិបាលរងនៃគណៈអភិបាលខេត្តពោធិ៍សាត់ បានលើកឡើងពីការរីកចម្រើននៃជីវភាពរស់នៅរបស់ប្រជាពលរដ្ឋ ព្រមទាំងការផ្លាស់ប្ដូរទម្លាប់ក្នុងការរស់នៅតាមរយៈការបរិភោគ និងប្រើប្រាស់ទឹកស្អាត ព្រមទាំងការប្រតិបត្តិអនាម័យជាក់ស្ដែង ដោយនៅក្នុងខេត្តពោធិ៍សាត់ មានខ្នងផ្ទះប្រើប្រាស់បង្គន់អនាម័យ ស្មើនឹង ១០០% ក្នុងនោះខ្នងផ្ទះមានបង្គន់ប្រើប្រាស់ផ្ទាល់ខ្លួន ៩៤% និងខ្នងផ្ទះប្រើប្រាស់បង្គន់រួម ៦%។

ជាមួយគ្នានោះផងដែរ លោក ឆាយ ឫទ្ធិសែន ក៏បានសម្តែងនូវការកោតសរសើរ និងវាយតម្លៃខ្ពស់ចំពោះការរីកចម្រើន និងសមិទ្ធផលនានា ដែលខេត្តពោធិ៍សាត់សម្រេចបាននាពេលកន្លងមកលើគ្រប់វិស័យ ជាពិសេសការផ្លាស់ប្តូរកម្រិតជីវភាពរស់នៅរបស់ប្រជាពលរដ្ឋ ការកែលម្អលក្ខខណ្ឌនៃការរស់នៅ តាមរយៈការផ្គត់ផ្គង់សេវាទឹកស្អាត និងការប្រើប្រាស់បង្គន់អនាម័យបានត្រឹមត្រូវ។

លោកក៏លើកឡើងអំពីយុទ្ធសាស្ដ្រគន្លឹះទាំង ៥ របស់ក្រសួង ដែលមានចក្ខុវិស័យ “កសាងតំបន់ជនបទកម្ពុជាឱ្យមានវិបុលភាព ប្រកបដោយបរិយាបន្ន និងចីរភាព ទាំងផ្នែកសេដ្ឋកិច្ច សង្គមកិច្ច និងវប្បធម៌”។

សូមបញ្ជាក់ថា ក្រសួងអភិវឌ្ឍន៍ជនបទបាននិងកំពុងបន្តអនុវត្តផែនការសកម្មភាពជាតិស្តីពី ការផ្គត់ផ្គង់ទឹក ការសំអាត និងអនាម័យជនបទ ដែលបច្ចុប្បន្នសម្រេចបានអត្រាគ្របដណ្តប់ទឹកស្អាត និងអនាម័យទូទាំងប្រទេសប្រមាណ ៩១,៩៨% ក្នុងនោះការផ្គត់ផ្គង់ទឹកស្អាតកម្រិតមូលដ្ឋានសម្រេចបាន ៨៩,២១% និងអនាម័យជនបទកម្រិតមូលដ្ឋានសម្រេចបាន ៩៤,៧៨% ព្រមទាំងបានកំណត់ថា នៅឆ្នាំ២០៣០ ប្រជាពលរដ្ឋនៅទូទាំងប្រទេសមានទឹកស្អាតប្រើប្រាស់គ្រប់គ្រាន់ និងការប្រតិបត្តិអនាម័យ ១០០% ព្រមទាំងរស់នៅក្នុងបរិស្ថានប្រកបដោយនិរន្ដរភាព៕

The post ខេត្តពោធិ៍សាត់ជាខេត្តទី២៤ ទទួលបានជ័យលាភីបញ្ចប់ការបន្ទោបង់ពាសវាលពាសកាល (ODF) appeared first on .

ថ្លែងក្នុងពិធីសម្ពោធ លោក លន់ សុភាព អភិបាលស្តីទី នៃគណៈអភិបាលខេត្តមណ្ឌលគិរី  បានលើកឡើងពីស្ថានភាពជីវភាពរស់នៅរបស់ប្រជាពលរដ្ឋក្នុងខេត្តមណ្ឌលគិរី មានការវិវត្ត រីកចម្រើន តាមរយៈការផ្លាស់ប្ដូរទម្លាប់ក្នុងការរស់នៅ ដោយផ្អែកលើទិន្នន័យបច្ចុប្បន្នភាពរបស់មន្ទីរអភិវឌ្ឍន៍ជនបទខេត្ត ដែលនៅតាមខ្នងផ្ទះមានបង្គន់អនាម័យចំនួន ២១ ៥១២ ស្មើ ១០០% ក្នុងនោះខ្នងផ្ទះមានបង្គន់ផ្ទាល់ខ្លួនមានចំនួន ១៩ ២៥១ខ្នងផ្ទះ ស្មើនឹង៨៩,៥% និងខ្នងប្រើប្រាស់បង្គន់រួមមានចំនួន ២ ២៦១ខ្នងផ្ទះ ស្មើនឹង១០,៥% ។

ជាមួយគ្នានោះ លោក ឆាយ ឫទ្ធិសែន បានវាយតម្លៃខ្ពស់ចំពោះការរីកចម្រើន និងសមិទ្ធផលនានា ដែលខេត្តមណ្ឌលគិរីសម្រេចបាននាពេលកន្លងមកលើគ្រប់វិស័យ ទាំងផ្នែកសន្តិសុខ សណ្តាប់ធ្នាប់ សេដ្ឋកិច្ច សង្គមកិច្ច និងវប្បធម៌ ជាពិសេសគឺ ការផ្លាស់ប្តូរកម្រិតជីវភាពរស់នៅរបស់ប្រជាពលរដ្ឋ កាន់តែមានភាពប្រសើរឡើង និងការកែលម្អលក្ខខណ្ឌនៃការរស់នៅ តាមរយៈការផ្គត់ផ្គង់សេវាទឹកស្អាត និងការប្រតិបត្តិផ្លាស់ប្តូរទម្លាប់មប្រើប្រាស់បង្គន់អនាម័យបានត្រឹមត្រូវ និងរស់នៅប្រកបដោយភាពស៊ីវិល័យ។

លោកក៏បានលើកឡើងអំពីចក្ខុវិស័យរបស់ក្រសួងអភិវឌ្ឍន៍ជនបទគឺ “កសាងសង្គមជនបទកម្ពុជាឱ្យមានវិបុលភាព ប្រកបដោយបរិយាបន្ន និងចីរភាព”។ ដោយលោកគូសបញ្ជាក់ថា ក្រសួងបាននិងកំពុងបន្តអនុវត្តផែនការសកម្មភាពជាតិស្តីពី ការផ្គត់ផ្គង់ទឹក ការសំអាត និងអនាម័យជនបទ ដែលបច្ចុប្បន្នសម្រេចបានអត្រាគ្របដណ្តប់ទឹកស្អាត និងអនាម័យទូទាំងប្រទេសប្រមាណ ៩១,៩៨% ក្នុងនោះការផ្គត់ផ្គង់ទឹកស្អាតកម្រិតមូលដ្ឋានសម្រេចបាន ៨៩,២១% និងអនាម័យជនបទកម្រិតមូលដ្ឋានសម្រេចបាន ៩៤,៧៨% ព្រមទាំងបានកំណត់ថា នៅឆ្នាំ២០៣០ ប្រជាពលរដ្ឋនៅទូទាំងប្រទេសមានទឹកស្អាតប្រើប្រាស់គ្រប់គ្រាន់ និងការប្រតិបត្តិអនាម័យ ១០០% ព្រមទាំងរស់នៅក្នុងបរិស្ថានប្រកបដោយនិរន្ដរភាព៕

The post ខេត្តមណ្ឌលគិរី ជាខេត្តទី២៤ ទទួលបានជ័យលាភីបញ្ចប់ការបន្ទោបង់ពាសវាលពាសកាល (ODF) appeared first on .

លោក ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានលើកឡើងនៅក្នុងជំនួបជាមួយលោកស្រី Minnie Chey នាយិកា ធនាគារអាហរ័ណ-នីហរ័ណកូរ៉េ ប្រចាំនៅកម្ពុជា កាលពីថ្ងៃទី៨ កក្កដាថាពិតជាមានសារៈសំខាន់ណាស់នៃកិច្ចសហប្រតិបត្តិការរវាងរាជរដ្ឋាភិបាលកម្ពុជា ជាមួយដៃគូនានា ជាពិសេសជាមួយធនាគារអាហរ័ណ-នីហរ័ណកូរ៉េ ក្នុងការអភិវឌ្ឍកម្ពុជាឱ្យមានការរីកចម្រើន។

ជាក់ស្តែងលោកថារយៈពេល ១៥ឆ្នាំ កន្លងមកនេះ មូលនិធិ EDCF តាមរយៈធនាគារអាហរ័ណ-នីហរ័ណកូរ៉េ ផ្តល់នូវឥណទានសម្បទានប្រមាណ ១ ៩៤៦លានដុល្លារអាមេរិក ដែលធ្វើឱ្យកម្ពុជាក្លាយជាប្រទេសដៃគូធំបំផុតទី៣ របស់ EDCF។

កិច្ចសហប្រតិបត្តិការនេះ បានឈានទៅមួយកម្រិតទៀតក្រោយដំណើរទស្សកិច្ចផ្លូវការរបស់ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា នៅប្រទេសកូរ៉េ កាលពីខែឧសភា ឆ្នាំ២០២៤ កន្លងទៅ ដែលកូរ៉េបានប្តេជ្ញាចិត្តបង្កើនការផ្តល់ឥណទានសម្បទានរហូតដល់ ៣ ០០០ លានដុល្លារអាមេរិក សម្រាប់កម្ពុជាពីឆ្នាំ២០២២-២០៣០ ។ ក្រោមហិរញ្ញប្បទាន  EDCF ក្រសួងអភិវឌ្ឍន៍ជនបទ ទទួលបានគម្រោងចំនួន ៧ គម្រោង ដែលមានថវិកាសរុបប្រមាណ ជាង ៤០០ លានដុល្លារអាមេរិក។

លោក ឆាយ ឫទ្ធិសែន បានគូសបញ្ជាក់ថា គម្រោងទាំងនោះ បាននិងកំពុងស្ថាបនាជាផ្លូវក្រាលកៅស៊ូពីរជាន់ និងក្រាលបេតុងប្រវែងជាង ១ ៧០០គ.ម និងស្ពានបេតុងចំនួន ៤២ ប្រវែងសរុបប្រមាណ ២,៤គ.ម ព្រមទាំងសំណង់សិល្បការ្យជាច្រើន។

លោករដ្ឋមន្ត្រីអភិវឌ្ឍន៍ជនបទ ក៏បានសំណូមពរចំពោះ ធនាគារអាហរ័ណ-នីហរ័ណកូរ៉េ បន្តគាំទ្រគំនិតផ្តួចផ្តើមនានារបស់ក្រសួងអភិវឌ្ឍន៍ជនបទ ដូចជា ការអភិវឌ្ឍភូមិគំរូគន្លឹះនៅជនបទរបស់ក្រសួង ដែលជាផែនការសកម្មភាពមួយដែលក្រសួងកំពុងយកចិត្តទុកដាក់ ដើម្បីធ្វើឱ្យតំបន់ជនបទមានការអភិវឌ្ឍឆាប់រហ័ស។

លោកស្រី Minnie Chey នាយិកាធនាគារអាហរ័ណ-នីហរ័ណកូរ៉េប្រចាំនៅកម្ពុជា បានមានប្រសាសន៍កោតសសើរ និងវាយតម្លៃខ្ពស់ចំពោះកិច្ចសហប្រតិបត្តិការរវាង ក្រសួងអភិវឌ្ឍន៍ជនបទ និង Korea Eximbank ក្នុងការអនុវត្តគម្រោងក្រោមហិរញ្ញប្បទាន EDCF នាពេលកន្លងមក។

លោកស្រីបានបន្តថាក្នុងបេសកកម្មរបស់លោកស្រីអស់រយៈពេលជាង ៣ឆ្នាំ កន្លងមកនេះ បានយល់យ៉ាងច្បាស់អំពីសារៈសំខាន់នៃផ្លូវជនបទ ដែលជាសរសៃឈាមសេដ្ឋកិច្ចមួយដែលមិនអាចខ្វះបាន។ លើសពីនេះផ្លូវទាំងនោះត្រូវមានទាំងគុណភាព និងបរិមាណទើបអាចបម្រើដល់តម្រូវការរបស់ប្រជាពលរដ្ឋបាន។ ក្នុងន័យនេះលោកស្រី ក៏បានទទួលយកសំណើរបស់ លោក ឆាយ ឫទ្ធិសែន ក៏ដូចជាបានសន្យាបន្ត និងពង្រឹងកិច្ចសហប្រតិបត្តិការ ជាមួយក្រសួងអភិវឌ្ឍន៍ជនបទក្នុងភាពជាដៃគូបន្ថែមទៀត៕

The post ១៥ឆ្នាំមកនេះ មូលនិធិ EDCF ផ្តល់ឥណទានសម្បទានប្រមាណជិត២ពាន់លានដុល្លារដល់កម្ពុជា appeared first on .

លោករដ្ឋមន្រ្តីបានលើកឡើងបែបនេះ នៅក្នុងពីធីបើកការដ្ឋានសាងសង់ផ្លូវជនបទដោយក្រាលកៅស៊ូពីរជាន់ (DBST) និងក្រាលបេតុង ចំនួន ៣ខ្សែ ប្រវែងសរុប ៤១,១០គីឡូម៉ែត្រ ស្ថិតនៅស្រុកទឹកផុស ខេត្តកំពង់ឆ្នាំង ក្នុងក្របខ័ណ្ឌគម្រោងនិរន្តរភាពតំបន់ទេសភាព និងទេសចរណ៍ធម្មជាតិកម្ពុជា (CSLEP) ដើម្បីតភ្ជាប់តំបន់រមណីយដ្ឋានទឹកធ្លាក់ថ្មក្រាល រមណីយដ្ឋានទឹកធ្លាក់ស្រែអំពិល និងរមណីដ្ឋានអន្លង់ស្វាយ នាថ្ងៃទី៣០ ខែមិថុនា​ ឆ្នាំ២០២៥។

លោក ឆាយ ឬទ្ធីសែន បានថ្លែងថា រាជរដ្ឋាភិបាលកម្ពុជាក្នុងនីតិកាលទី ៧ នៃរដ្ឋសភា ដឹកនាំបន្តវេនដោយ សម្ដេចធិបតី បានបន្តយកចិត្តទុកដាក់ថែរក្សាសន្តិភាព ស្ថិរភាពនយោបាយ ឯករាជ្យ អធិតេយ្យភាព និងបូរណភាពទឹកដី ព្រមទាំងពង្រឹង និងពង្រីកកិច្ចសហប្រតិបត្តិការអន្តរជាតិ ដើម្បីជំរុញការអភិវឌ្ឍសេដ្ឋកិច្ច និងសង្គមកម្ពុជា ក្នុងគោលដៅសម្រេចឱ្យបាននូវចក្ខុវិស័យ “កម្ពុជាជាប្រទេសមានប្រាក់ចំណូលខ្ពស់នៅឆ្នាំ២០៥០” តាមរយៈការដាក់ចេញ និងអនុវត្តនូវយុទ្ធសាស្រ្តបញ្ចកោណដំណាក់កាលទី១ ដើម្បី “កំណើន ការងារ សមធម៌ ប្រសិទ្ធភាព និងចីរភាព” ព្រមទាំងបានកំណត់អាទិភាពគន្លឹះចំនួន ៥ គឺ “មនុស្ស ផ្លូវ ទឹក ភ្លើង និងបច្ចេកវិទ្យា ជាពិសេសបច្ចេកវិទ្យាឌីជីថល”។

លោកបន្តថា ដើម្បីចូលរួមចំណែកអនុវត្តន៍យុទ្ធសាស្រ្តរបស់រាជរដ្ឋាភិបាល ក្រសួងអភិវឌ្ឍន៍ជនបទបានដាក់ចេញនូវគោលនយោបាយអភិវឌ្ឍន៍ជនបទ ដែលមានចក្ខុវិស័យ “កសាងសង្គមជនបទកម្ពុជាឱ្យមានវិបុលភាព ប្រកបដោយបរិយាបន្ន និងចីរភាព” ក្នុងគោលបំណងប្រែក្លាយតំបន់ជនបទនៃប្រទេសកម្ពុជា ឱ្យក្លាយទៅជាតំបន់អភិវឌ្ឍរីកចម្រើនប្រកបបរិយាបន្ន និងមាននិរន្តរភាព តាមរយៈយុទ្ធសាស្ដ្រចំនួន ៥របស់ក្រសួង។ ក្នុងនោះក្រសួង បាននិងកំពុងយកចិត្តទុកដាក់លើការលើកកម្រិតគុណភាពហេដ្ឋារចនាសម្ព័ន្ធ និងគមនាគមន៍ជនបទពីផ្លូវក្រាលដីស និងផ្លូវល្បាយក្រួសទៅជាផ្លូវក្រាលកៅស៊ូពីរជាន់ ឬផ្លូវបេតុងប្រកបដោយភាពធន់ ដើម្បីបង្កើនការតភ្ជាប់ និងជំរុញកំណើនសេដ្ឋកិច្ចក្នុងតំបន់ ដូចពាក្យស្លោក “មានផ្លូវគឺមានក្តីសង្ឃឹម”។

លើសពីនេះ លោករដ្ឋមន្ត្រីបានប្តេជ្ញាចិតបង្កើនកិច្ចសហការជាមួយ រដ្ឋមន្ត្រីក្រសួងទេសចរណ៍ ក្នុងការចូលរួមតភ្ជាប់ និងលើកកម្រិតផ្លូវជនបទទៅដល់តំបន់គោលដៅទេសចរណ៍ ដើម្បីចូលរួមលើកស្ទួយវិស័យទេសចរណ៍នេះឱ្យក្លាយជាឆ្អឹងខ្នងនៃសេដ្ឋកិច្ចជាតិ ។

លោករដ្ឋមន្រ្តីក្រសួងអភិវឌ្ឍន៍ជនបទ បានបញ្ជាក់ថា «បច្ចុប្បន្ននេះ ផ្លូវជនបទនៅទូទាំងប្រទេសមានប្រវែងសរុបជាង ៥ម៉ឺនគីឡូម៉ែត្រ ដោយក្នុងនោះផ្លូវក្រាលកៅស៊ូ និងបេតុង ដែលធន់នឹងការប្រែប្រួលអាកាសធាតុ និងអាចប្រើប្រាស់បានគ្រប់រដូវកាល មានប្រវែង ៨ ៥២៧ គីឡូម៉ែត្រ ស្មើប្រមាណ ជិត ២០%ប៉ុណ្ណោះ»។

លោកបន្ថែមថា ជាក់ស្ដែង ពិធីបើកការដ្ឋានសាងសង់ផ្លូវជនបទ មានប្រវែងសរុប ៤១,១០ គីឡូម៉ែត្រ នៅខេត្តកំពង់ឆ្នាំងនេះនឹងផ្តល់ផលប្រយោជន៍ដល់ប្រជាជន ចំនួន ៦ ៨៨២ គ្រួសារ ស្មើនឹង ២៨ ៥៩៨នាក់ រស់នៅក្នុងភូមិចំនួន ១២ ឃុំចំនួន៤គឺ ឃុំក្តុលសែនជ័យ ខ្លុងពពក ជៀប និងឃុំក្បាលទឹក នៃស្រុកទឹកផុស ជាពិសេសជួយជំរុញកំណើនភ្ញៀវទេសចរណ៍ចូលមកទស្សនាកម្សាន្តនៅតំបន់សហគមន៍អេកូទេសចណ៍ទាំង ៣ ដែលជាការអភិវឌ្ឍសេដ្ឋកិច្ចនៅតំបន់ទេសចរណ៍ធម្មជាតិ ឱ្យកាន់តែរីកចម្រើនថែមទៀត៕

The post បច្ចុប្បន្ន ផ្លូវជនបទនៅទូទាំងប្រទេសមានប្រវែងសរុបជាង ៥ម៉ឺនគីឡូម៉ែត្រ appeared first on .