រូបភាពប្រកៀកដៃគ្នាជាជំហរដ៏រឹងម៉ាំនេះ ក្នុងដំណើរអមសម្តេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា ក្នុងឱកាសសម្តេចត្រួតពិនិត្យផ្ទាល់ និងសួរសុខទុក្ខប្រជាពលរដ្ឋដែលរងគ្រោះដោយទឹកជំនន់​ នៅខេត្តបាត់ដំបង និងបន្ទាយមានជ័យ កាលពីថ្ងៃទី២៨ ខែកញ្ញា ឆ្នាំ២០២៦។

ក្នុងនោះ លោក ប៉េង ពោធិ៍នា រដ្ឋមន្រ្តីក្រសួងសាធារណការ និងដឹកជញ្ជូន , លោក ថោ ជេដ្ឋា រដ្ឋមន្រ្តីក្រសួងធនធានទឹក និងឧតុនិយម, លោក ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ , រួមជាមួយ លោក ឆាយ រិទ្ធិសែន រដ្ឋមន្រ្តីក្រសួងអភិវឌ្ឍន៍ជនបទ បានរួមគ្នាក្នុងកិច្ចការជួយសង្គ្រោះប្រជាពលរដ្ឋដែលរងគ្រោះដោយទឹកជំនន់​នេះផងដែរ។

សូមជម្រាបថា កាលពីថ្ងៃទី២៨ ខែកញ្ញា សម្តេចធិបតី ហ៊ុន ម៉ាណែត បានចុះពិនិត្យស្ថានភាពទឹកជន់លិចនៅតំបន់មួយចំនួនក្នុងខេត្តបាត់ដំបង និងខេត្តបន្ទាយមានជ័យផ្ទាល់។ ដោយសម្តេចលើកឡើងថា ការសង្គ្រោះជីវិតរបស់ប្រជាពលរដ្ឋ គឺជាអាទិភាពចំបងរបស់រាជរដ្ឋាភិបាល។

គួរឱ្យដឹងថា នាពេលកន្លងមក អាជ្ញាធរខេត្ត ស្រុក-ក្រុង កងកម្លាំងប្រដាប់អាវុធពាក់ព័ន្ធ និងកម្លាំងស្ម័គ្រចិត្តទាំងអស់ក៏បានរួមគ្នាជួយសង្គ្រោះប្រជាពលរដ្ឋនៅក្នុងខេត្តទាំងពីរ ក៏ដូចជានៅតាមបណ្តាខេត្តនានានៅទូទាំងប្រទេសដែលទទួលរងផលប៉ះពាល់ដោយទឹកជំនន់ បានរហ័សទាន់ពេលវេលា ទៅកាន់ទីទួលសុវត្ថិភាពផងដែរ៕

The post រដ្ឋមន្រ្តីក្រសួង៤ បង្ហាញរូបភាពប្រកៀកដៃគ្នាចុះពិនិត្យ និងសង្គ្រោះប្រជាពលរដ្ឋដែលរងគ្រោះទឹកជំនន់ appeared first on .

លោកលើកឡើងថា ដើម្បីឆ្លើយតបនឹងសភាពការណ៍ពហុវិបត្តិដែលប្រជាពលរដ្ឋកំពុងប្រឈម ជាពិសេសប្រជាពលរដ្ឋដែលជាពលករវិលត្រឡប់មកពីប្រទេសថៃ រាជរដ្ឋាភិបាលក្នុងនីតិកាលទី៧ នៃរដ្ឋសភា បានដាក់ចេញនូវកម្មវិធីអន្ដរាគមន៍គ្រប់ជ្រុងជ្រោយ ដើម្បីជួយស្ដារជីវភាពរស់នៅរបស់ប្រជាពលរដ្ឋនៅតំបន់ជនបទ និងជាពិសេសគ្រួសារក្រីក្រមានការប៉ះពាល់ជាខ្លាំងពីវិបត្តិនេះ។ ជាមួយគ្នានេះដែរ ក្រសួងអភិវឌ្ឍន៍ជនបទ នឹងចូលរួមអនុវត្តកម្មវិធីអន្តាគមន៍នេះ តាមរយៈការងារសាងសង់ ជួសជុល និងថែទាំហេដ្ឋារចនាសម្ព័ន្ធជនបទប្រហែល ៤ ០០០គ.ម. ដោយប្រើប្រាស់កម្លាំងពលកម្មជាមូលដ្ឋាន ប្រមាណ ៧០%។

លោកបញ្ជាក់ថា គម្រោងនេះនឹងត្រូវអនុវត្ត សម្រាប់រយៈពេលសរុបប្រមាណ ១៨ខែ ហើយនឹងអាចផ្ដល់ការងារជាបណ្ដោះអាសន្នដល់ប្រជាពលរដ្ឋប្រហែល ១០ម៉ឺននាក់ នៅក្នុងខេត្តគោលដៅចំនួន ១៥ខេត្ត រួមមាន៖ ខេត្តបន្ទាយមានជ័យ ឧត្តរមានជ័យ ព្រះវិហារ បាត់ដំបង សៀមរាប កំពង់ធំ កំពង់ចាម ត្បូងឃ្មុំ ព្រៃវែង ស្វាយរៀង តាកែវ កំពត ពោធិ៍សាត់ កំពង់ឆ្នាំង និងខេត្តកំពង់ស្ពឺ។

លោករដ្ឋមន្រ្តី ក៏បានផ្ដល់នូវអនុសាសន៍មួយចំនួន ជូនដល់អង្គភាពគ្រប់គ្រងគម្រោង និងមន្ទីរអភិវឌ្ឍន៍ជនបទខេត្តគោលដៅ ដើម្បីចូលរួមចំណែកជំរុញ និងបង្កើនយន្តការសម្រាប់អនុវត្តគម្រោងខាងលើនេះ ឱ្យមានប្រសិទ្ធភាព ស័ក្តិសិទ្ធិភាព និងនិរន្តរភាពស្របតាមទិសដៅ គោលបំណង និងការរំពឹងទុក៕

The post ក្រសួងអភិវឌ្ឍន៍ជនបទ នឹងសាងសង់ ជួសជុលហេដ្ឋារចនាសម្ព័ន្ធជនបទប្រហែល ៤ ០០០គីឡូម៉ែត្រ ផ្ដល់ការងារដល់ប្រជាពលរដ្ឋប្រមាណ១០ម៉ឺននាក់ appeared first on .

នាឱកាសនោះ លោក សួន សុម៉ាលីន អភិបាលនៃគណៈអភិបាលខេត្តព្រៃវែង បានធ្វើរបាយការណ៍ស្វាគមន៍ ដោយបានរំលេចជូនអំពីស្ថានភាពភូមិសាស្ដ្រទូទៅ ការងារសន្ដិសុខនិងសណ្ដាប់ធ្នាប់សាធារណៈ និងស្ថានភាពសេវាសាធារណៈទូទៅ ជាពិសេសការកើនឡើងនៃការទទួលបានសេវាទឹកស្អាត និងអនាម័យជនបទរបស់ប្រជាពលរដ្ឋនៅទូទាំងខេត្តព្រៃវែង រហូតទទួលបានជ័យលាភីជាខេត្តបញ្ចប់ការបន្ទោបង់ពាសវាលពាសកាលកម្រិតខ្ពស់។

ជាមួយគ្នានេះ លោក ឆាយ ឫទ្ធិសែន បានអបអរសាទរចំពោះការទទួលបានសមិទ្ធផលនានាដែលខេត្តព្រៃវែងសម្រេចបានលើគ្រប់វិស័យ ទាំងផ្នែកសន្តិសុខ សណ្តាប់ធ្នាប់ សេដ្ឋកិច្ច សង្គមកិច្ច និងវប្បធម៌ ជាពិសេសការកែលម្អលក្ខខណ្ឌនៃការរស់នៅរបស់ប្រជាពលរដ្ឋ តាមរយៈការលើកកម្ពស់ការផ្តល់សេវាផ្គត់ផ្គង់ទឹកស្អាតនិងអនាម័យ ការផ្លាស់ប្តូរទម្លាប់មកទទួលទានទឹកស្អាតដើម្បីសុខភាព ការប្រើប្រាស់បង្គន់អនាម័យបានត្រឹមត្រូវ និងរបៀបរស់នៅប្រកបដោយភាពស៊ីវិល័យ ដែលធ្វើឱ្យខេត្តព្រៃវែងទទួលបានជាខេត្តបញ្ចប់ការបន្ទោបង់ពាសវាលពាសកាលកម្រិតខ្ពស់(ODF+)។

សូមជម្រាបដែរថា បច្ចុប្បន្នអត្រាគ្របដណ្តប់នៃសេវាផ្គត់ផ្គង់ទឹកស្អាតកម្រិតមូលដ្ឋានបានកើនដល់ ៨៩% ខណៈសេវាផ្គត់ផ្គង់ទឹកដែលគ្រប់គ្រងប្រកបដោយសុវត្ថិភាពកើនបាន ២៥% និងអត្រាគ្របដណ្តប់អនាម័យជនបទកម្រិតមូលដ្ឋានកើនដល់ ៩៥% ខណៈអត្រាគ្របដណ្តប់អនាម័យដែលគ្រប់គ្រងប្រកបដោយសុវត្ថិភាពកើនដល់៥១%។ លើសពីនេះ រាជធានី-ខេត្តទាំង២៥ នៅទូទាំងប្រទេសសម្រេចបានការបញ្ចប់ការបន្ទោបង់ពាសវាលពាសកាល ខណៈរាជធានីភ្នំពេញ ខេត្តកណ្តាល និងខេត្តព្រៃវែងសម្រេចបានការបញ្ចប់ការបន្ទោបង់ពាសវាលពាសកាលកម្រិតខ្ពស់(ODF+)ដែលជាសមិទ្ធផលថ្មីជាប្រវត្តិសាស្រ្តបន្ថែមទៀតរបស់រាជរដ្ឋាភិបាល៕អត្ថបទ៖ហ្សាលីន

The post ខេត្តព្រៃវែង ក្លាយជាខេត្តទី៣ ដែលទទួលបានជ័យលាភីជាខេត្តបញ្ចប់ (ODF+) កម្រិតខ្ពស់ appeared first on .

កិច្ចប្រជុំនេះ បានធ្វើឡើងនៅថ្ងៃទី៤ ខែកញ្ញា ឆ្នាំ២០២៦ ក្រោមអធិបតីភាពដ៏ខ្ពង់ខ្ពស់លោក ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ លោកឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ និង ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម។

ក្នុងកិច្ចប្រជុំត្រី-វិស័យថ្នាក់រដ្ឋមន្ដ្រីលើកទី៧នេះ មានគោលបំណងចម្បងចំនួន ២ គឺ៖ ទី១. ពិនិត្យលើវឌ្ឍនភាព និងលទ្ធផលការងារសម្រេចបានចុងក្រោយនៅតាមបណ្ដាសហគមន៍ ជាពិសេសនៅតាមបណ្តាសហគមន៍ទាំង ១០ ដែលបានជ្រើសរើសសម្រាប់កិច្ចអន្តរាគមន៍រួមគ្នា និងទី២. ពិនិត្យ ពិភាក្សា និងសម្រេចជាគោលការណ៍ លើសមាសភាពសហគមន៍ដែលត្រូវជ្រើសរើសបន្ថែមសម្រាប់កិច្ចអន្តរាគមន៍ត្រី-វិស័យនៅក្នុងឆ្នាំ២០២៦-២០២៧ និង២០២៨ ។

គួរជម្រាបដែរថា ដើម្បីចូលរួមឱ្យសម្រេចជោគជ័យនូវយុទ្ធសាស្ដ្របញ្ចកោណដំណាក់កាលទី១ របស់រាជរដ្ឋាភិបាលនីតិកាលទី៧ នៃរដ្ឋសភា និងចក្ខុវិស័យរបស់រាជរដ្ឋាភិបាល ក្រោមការដឹកនាំប្រកបដោយគតិបណ្ឌិតរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃព្រះរាជាណាចក្រកម្ពុជា ក្រសួងកសិកម្ម រុក្ខាប្រមាញ់ និងនេសាទ ក្រសួងធនធានទឹកនិងឧតុនិយម និងក្រសួងអភិវឌ្ឍន៍ជនបទ បានសហការគ្នាជាសហថាមពល ក្រោមអភិក្រម “ជវភាពនៃប្រព័ន្ធតួអង្គតែមួយ” ដោយបង្កើតជាក្រុមការងារយន្តការត្រី-វិស័យ កសិកម្ម ទឹក ជនបទ ដើម្បីសម្របសម្រួលការអនុវត្តកម្មវិធីនយោបាយ និងសកម្មភាពអភិវឌ្ឍន៍ជនបទនានាពាក់ព័ន្ធនឹងសហគមន៍កសិកម្មទំនើប សហគមន៍កសិករប្រើប្រាស់ទឹក និងភូមិគំរូ ក្នុងគោលដៅធ្វើការឆ្លើយតបទៅនឹងតម្រូវការនៃការអភិវឌ្ឍដោយផ្ទាល់នៅតំបន់ជនបទ សម្រាប់ការលើកកម្ពស់និងកែលម្អជីវភាពរស់នៅរបស់ប្រជាជននៅតាមសហគមន៍កសិកម្មទំនើប សហគមន៍កសិករប្រើប្រាស់ទឹក និងភូមិគំរូ ឱ្យមានប្រសិទ្ធភាព ប្រសិទ្ធផលខ្ពស់ និងមានចីរភាព៕ អត្ថបទ៖ហ្សាលីន

The post រដ្ឋមន្រ្តី៣រូប រួមគ្នាជំរុញកម្មវិធីនយោបាយគាំទ្រសហគមន៍កសិកម្មទំនើប កសិករប្រើប្រាស់ទឹក និងភូមិគំរូ appeared first on .

ថ្លែងក្នុងឱកាសធ្វើជាអធិបតីក្នុងពិធីប្រកាសដាក់ឱ្យប្រើប្រាស់ជាផ្លូវការផែនការយុទ្ធសាស្រ្ត​អភិវឌ្ឍន៍ហេដ្ឋារចនាសម្ព័ន្ធផ្លូវជនបទ​ឆ្នាំ​២០២៦-២០៣៣ កាលថ្ងៃទី១៧ ខែសីហា ឆ្នាំ២០២៦ លោក ឆាយ ឫទ្ធិសែន រដ្ឋមន្រ្ដីក្រសួងអភិវឌ្ឍន៍ជនបទ បានថ្លែងអំណរគុណ​​ចំពោះ​ តំណាង​ក្រសួង-ស្ថាប័នពាក់ព័ន្ធ​ ​ដៃគូអភិវឌ្ឍ​ អង្គការមិនមែនរដ្ឋាភិបាល​ជាតិ និង​អន្តរជាតិ​ និងមន្រ្តីរាជការ​ទាំងអស់​ដែលបានចំណាយ​ពេល​វេលា​​ដ៏មាន​តម្លៃចូលរួម​​ក្នុងពិធីដ៏មាន​​​សារៈសំខាន់​នាពេល​នេះ ដែលជាកាយវិការបង្ហាញអំពីការទទួលខុសត្រូវ និងការ​យកចិត្តទុកដាក់ខ្ពស់លើការងារអភិវឌ្ឍន៍ជនបទ ជាពិសេស​ការងារ​អភិវឌ្ឍន៍ហេដ្ឋារចនាសម្ព័ន្ធផ្លូវជនបទ។

លោកបន្តថា ក្រសួងបានរៀបចំផែនការ​យុទ្ធសាស្រ្ត​​អភិវឌ្ឍន៍ហេដ្ឋារចនាសម្ព័ន្ធផ្លូវជនបទឆ្នាំ២០២៦-២០៣៣ ​​​​គឺធ្វើឡើងក្រោមចក្ខុវិស័យ​​​​​ “កសាងបណ្តាញផ្លូវជនបទ​​​ឱ្យ​មាន​ភាព​ប្រទាក់ក្រឡា​ប្រកបដោយ​​ភាពធន់” ​ដែលកំពុងប្រកាសដាក់ឱ្យប្រើប្រាស់នាថ្ងៃនេះ។

ឆ្លៀតឱកាសនោះ លោករដ្ឋមន្រ្តី ក៏​បានអំពាវនាវដល់អង្គពិធីទាំងមូល និងគ្រប់ភាគីពាក់ព័ន្ធឱ្យ​​ប្រើប្រាស់​ផែនការ​យុទ្ធសាស្រ្ត​អភិវឌ្ឍន៍ហេដ្ឋារចនាសម្ព័ន្ធផ្លូវជនបទ​ឆ្នាំ​២០២៦-២០៣៣នេះ ជាឯកសារ​គតិយុត្ត​ក្នុងការអនុវត្ត​ការងារ​​ពាក់ព័ន្ធនឹង​ការ​អភិវឌ្ឍហេដ្ឋារចនាសម្ព័ន្ធផ្លូវជនបទ​​​​ ព្រមទាំងបាន​ផ្តល់នូវអនុសាសន៍គន្លឹះ​​​មួយចំនួនទៀត ដើម្បីជំរុញ​ការងារ​​​សាងសង់​​​​​ហេដ្ឋារចនាសម្ព័ន្ធ​ផ្លូវជនបទ ប្រកបដោយប្រសិទ្ធភាព​ គុណភាព និងមាន​​ភាពធន់ផងដែរ​​៕អត្ថបទ៖ហ្សាលីន

The post កម្ពុជា ដាក់ឱ្យប្រើប្រាស់ផែនការយុទ្ធសាស្រ្ត​អភិវឌ្ឍន៍ហេដ្ឋារចនាសម្ព័ន្ធផ្លូវជនបទ​ឆ្នាំ​២០២៦-២០៣៣ ជាផ្លូវការ appeared first on .

ក្នុងឱកាសនោះ លោករដ្ឋមន្ត្រីបានគូសបញ្ជាក់ថា ក្រសួងបានរៀបចំផែនការយុទ្ធសាស្រ្តអភិវឌ្ឍន៍ហេដ្ឋារចនាសម្ព័ន្ធផ្លូវជនបទឆ្នាំ២០២៦-២០៣៣ នេះឡើង ក្រោមចក្ខុវិស័យ «កសាងបណ្តាញផ្លូវជនបទឱ្យមានភាពប្រទាក់ក្រឡាប្រកបដោយភាពធន់» ដើម្បីឆ្លើយតបទៅនឹងយុទ្ធសាស្ត្របញ្ចកោណដំណាក់កាលទី១ និងគោលនយោបាយជាតិស្តីពីការអភិវឌ្ឍជនបទឆ្នាំ២០២៥-២០៣៥ របស់រាជរដ្ឋាភិបាល។

លោករដ្ឋមន្ត្រីបានបន្តថា ការអភិវឌ្ឍនិងលើកកម្រិតគុណភាពផ្លូវជនបទ គឺដើម្បីធានានិរន្តរភាពក្នុងការតភ្ជាប់សេដ្ឋកិច្ច សង្គមកិច្ច និងវប្បធម៌ រវាងតំបន់ជនបទនិងទីប្រជុំជន ព្រមទាំងបង្កើនប្រាក់ចំណូលគ្រួសារនៅជនបទ។ ទន្ទឹមនឹងនេះ ការស្ថាបនាផ្លូវត្រូវបានធ្វើការកែទម្រង់ផ្អែកលើគោលការណ៍គ្រឹះចំនួន ៤ គឺ «គុណប្រយោជន៍ គុណភាព សុវត្ថិភាព និងភាពសន្សំសំចៃ» ដើម្បីធានាភាពធន់នឹងការប្រែប្រួលអាកាសធាតុ និងអាចប្រើប្រាស់បានគ្រប់រដូវកាល។

លោក ឆាយ ឫទ្ធិសែន ក៏បានអំពាវនាវដល់គ្រប់ភាគីពាក់ព័ន្ធទាំងអស់ ឱ្យយកផែនការយុទ្ធសាស្រ្តនេះធ្វើជាឯកសារគតិយុត្តក្នុងការអនុវត្តការងារ ព្រមទាំងបានផ្តល់នូវអនុសាសន៍គន្លឹះមួយចំនួនទៀត ដើម្បីជំរុញការងារសាងសង់ហេដ្ឋារចនាសម្ព័ន្ធផ្លូវជនបទ ប្រកបដោយប្រសិទ្ធភាព គុណភាព និងមានភាពធន់៕

The post ក្រសួងអភិវឌ្ឍន៍ជនបទ ប្រកាសដាក់ឱ្យប្រើប្រាស់ផែនការយុទ្ធសាស្រ្តអភិវឌ្ឍន៍ហេដ្ឋារចនាសម្ព័ន្ធផ្លូវជនបទឆ្នាំ២០២៦-២០៣៣ appeared first on .

នាឱកាសនោះ លោកស្រីនាយិកា បានរាយការណ៍ពីដំណើការរបស់អង្គការទឹកស្អាត ១០០១ ដែលចាប់ផ្តើមដំណើរពីឆ្នាំ ២០០៥ រហូតមកដល់ពេលបច្ចុប្បន្ន និងកំពុងមានប្រតិបត្តិការក្នុងខេត្តគោលដៅចំនួន ១៨នៅទូទាំងប្រទេស។ លោកស្រីថា គិតត្រឹមឆ្នាំ ២០២៥ មានប្រជាជនរស់នៅតំបន់ជនបទប្រមាណ ១លានអ្នកប្រើប្រាស់ទឹកស្អាតដែលផលិតដោយអង្គការរៀងរាល់ថ្ងៃ។ ជាងនេះទៅទៀត លោកស្រីបន្តថា អង្គការបានផ្តល់ទឹកសុទ្ធជូនដល់សាលារៀនជាង ១០០០ កន្លែងក្នុងខេត្តចំនួន ១៨ ដែលអាចឱ្យកុមាប្រមាណ ៣៦ ម៉ឺននាក់បរិភោគទឹកស្អាតជារៀងរាល់ថ្ងៃផងដែរ។

ជាមួយគ្នានេះ លោករដ្ឋមន្ត្រី ឆាយ ឫទ្ធិសែន បានវាយតម្លៃខ្ពស់ចំពោះការខិតខំប្រឹងប្រែងរបស់អង្គការ និងភាពជាដៃគូរដ៏ល្អក្នុងកិច្ចសហការណ៍ជាមួយក្រសួងនាពេលកន្លងមក។ លោកក៏បានថ្លែងអំណរគុណជូនចំពោះអង្គការ ដែលបានបង្ហាញអំពីការប្តេជ្ញាជំរុញការអភិវឌ្ឍនៅតំបន់ជនបទ ពិសេសការផ្គត់ផ្គង់ទឹកស្អាតនៅតំបន់ជនបទ ដែលធ្វើឱ្យក្រសួងអាចសម្រេចបានគោលដៅ “ប្រជាពលរដ្ឋរស់នៅតំបន់ជនបទមានទឹកស្អាតប្រើប្រាស់ ១០០% នៅឆ្នាំ ២០៣០” ។

តាមរយៈជំនួបខាងលើ រដ្ឋមន្រ្តីក្រសួងអភិវឌ្ឍន៍ជនបទបញ្ជាក់ថា ក្រសួងអភិវឌ្ឍន៍ជនបទជាសេនាធិការមួយរបស់រាជរដ្ឋាភិបាលបាននិងកំពុងចូលរួមយ៉ាងសកម្មក្នុងការអនុវត្តយុទ្ធសាស្ត្របញ្ចកោណដំណាក់កាលទី១ តាមរយៈចក្ខុវិស័យ “កសាងសង្គមជនបទកម្ពុជាឱ្យមានវិបុលភាពប្រកបដោយបរិយាបន្ន សមធម៌ និងចីរភាពទាំងផ្នែកសេដ្ឋកិច្ច សង្គមកិច្ច និងវប្បធម៌” ដោយបានកំណត់យុទ្ធសាស្ត្រសំខាន់ៗចំនួន៥។ យុទ្ធសាស្ត្រ ១ ក្នុងចំណោមយុទ្ធសាស្ត្រទាំង៥ គឺផ្តោតលើការកែលម្អលក្ខខណ្ឌនៃការរស់នៅរបស់ប្រជាពលរដ្ឋជនបទ តាមរយៈការផ្តល់សេវាផ្គត់ផ្គង់ទឹកស្អាតប្រកបដោយបរិយាបន្ននិងភាពធន់ និងការអនុវត្តអនាម័យផ្ទាល់ខ្លួនតាមក្បួនខ្នាត ដែលធ្វើឱ្យប្រជាជនមានសុខភាពល្អ និងអាយុសង្ឃឹមរស់កាន់តែវែង៕អត្ថបទ៖ហ្សាលីន  

The post ប្រជាជនកម្ពុជាប្រមាណ១លាននាក់ បានប្រើប្រាស់ទឹកស្អាតដែលផលិតដោយអង្គការទឹកស្អាត១០០១ appeared first on .

MoU នេះបានចុះហត្ថលេខានៅថ្ងៃទី១ ខែមិថុនា ឆ្នាំ២០២៦ ក្រោមអធិបតីភាពដ៏ខ្ពង់ខ្ពស់របស់ លោក ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ និង លោក ហួត ហាក់ រដ្ឋមន្រ្តីក្រសួងទេសចរណ៍ នៅទីស្តីការក្រសួងអភិវឌ្ឍន៍ជនបទ។

ពិធីចុះហត្ថលេខាលើអនុស្សរណៈនៃការយោគយល់គ្នានាពេលនេះគឺដើម្បីពង្រឹង និងពង្រីកកិច្ចសហប្រតិបត្តិការរវាងក្រសួងទាំងពីរឱ្យកាន់តែល្អប្រសើរបន្ថែមទៀត និងសំដៅជំរុញការអភិវឌ្ឍសហគមន៍ទេសចរណ៍ និងសហគមន៍នៅជនបទ ឱ្យកាន់តែរីកចម្រើន ប្រកបដោយចីរភាព និងបរិយាបន្ន។

តាមរយៈយន្តការសហថាមពលនេះ ក្រសួងទាំងពីរនឹងជំរុញការអភិវឌ្ឍសេដ្ឋកិច្ច សង្គមកិច្ច និងវប្បធម៌នៅតាមសហគមន៍ជនបទ និងតំបន់គោលដៅទេសចរណ៍ទាំងអស់នៅក្នុងព្រះរាជាណាចក្រកម្ពុជាដែលត្រូវបានចាត់ទុកជា “មាសបៃតង” របស់កម្ពុជា ដោយប្រើប្រាស់ធនធានដែលមានស្រាប់ឱ្យអស់លទ្ធភាព និងប្រកបដោយប្រសិទ្ធភាពខ្ពស់។

សូមជម្រាបដែរថា អនុស្សរណៈនេះមានគោលបំណងចម្បងចំនួន ៣ រួមមាន៖ ទី១. ពង្រឹង និងពង្រីកកិច្ចសហប្រតិបត្តិការរវាងគូភាគី ដើម្បីជំរុញការអភិវឌ្ឍវិស័យទេសចរណ៍នៅតំបន់ជនបទ តាមរយៈការតភ្ជាប់ផ្លូវគមនាគមន៍ជនបទប្រកបដោយភាពធន់ ការជំរុញការងារផ្គត់ផ្គង់ទឹកស្អាត និងអនាម័យជនបទ ការជំរុញការងារអភិវឌ្ឍន៍សហគមន៍ជនបទ និងភូមិគំរូ ព្រមទាំងការធ្វើពិពិធកម្មសេដ្ឋកិច្ចដើម្បីបង្កើនប្រាក់ចំណូលគ្រួសារនៅជនបទ។ទី២. បង្កើនប្រសិទ្ធភាពក្នុងការផ្តល់សេវាសាធារណៈ និងលើកកម្ពស់លក្ខខណ្ឌនៃការរស់នៅរបស់ ប្រជាជននៅតំបន់ជនបទ និងភ្ញៀវទេសចរ សំដៅធានាឱ្យបាននូវការអភិវឌ្ឍប្រកបដោយចីរភាព និងបរិយាបន្ន។ និងទី៣. ផ្លាស់ប្តូរ និងចែករំលែកបទពិសោធ បច្ចេកទេស និងព័ត៌មានពាក់ព័ន្ធនឹងការអភិវឌ្ឍជនបទ និងទេសចរណ៍ ដើម្បីជំរុញការអភិវឌ្ឍតាមបែបសហថាមពល និងប្រើប្រាស់ធនធានដែលមានស្រាប់ឱ្យអស់លទ្ធភាព៕ អត្ថបទ៖ហ្សាលីន

The post ក្រសួងចំនួន២ ចុះ MoU រួមគ្នាជំរុញការងារអភិវឌ្ឍវិស័យទេសចរណ៍ និងវិស័យអភិវឌ្ឍន៍ជនបទ appeared first on .

កម្មវិធីរៀនសូត្រតាមប្រព័ន្ធអនឡាញ គឺមានកម្រងវីដេអូមេរៀនសរុបចំនួន ៥ជំពូក រួមមាន៖ ទី១៖ទិដ្ឋភាពទូទៅវិស័យទឹកស្អាត និងអនាម័យ និងការប្រែប្រួលអាកាសធាតុនៅក្នុងប្រទេសកម្ពុជា, ទី២៖ការគាំទ្រការផ្លាស់ប្តូរឆ្ពោះទៅរកសេវាទឹកស្អាត និងអនាម័យដែលធន់នឹងអាកាសធាតុនៅក្នុងប្រទេសកម្ពុជា, ទី៣៖វិធីសាស្រ្តកំណត់ និងវាយតម្លៃដំណោះស្រាយទឹកស្អាត និងអនាម័យដែលធន់នឹងអាកាសធាតុ, ទី៤៖ហិរញ្ញប្បទានអាកាសធាតុ និងការរៀបចំរបាយការណ៍ហេតុផលអាកាសធាតុ និងទី៥៖ការតាមដាន ត្រួតពិនិត្យ និងវាយតម្លៃ។

ជាមួយគ្នានេះ លោកបណ្ឌិត Will Parks នាយកអង្គការ UNICEF ប្រចាំនៅប្រទេសកម្ពុជា និងលោកស្រី Bridget Collier ឯកអគ្គរដ្ឋទូតរងអូស្រ្តាលីប្រចាំនៅប្រទេសកម្ពុជា ចាត់ទុកថា ការរៀបចំវគ្គសិក្សាតាមប្រព័ន្ធអនឡាញនេះ នឹងចូលរួមចំណែកពង្រឹងសមត្ថភាពមន្រ្តីរាជការទាំងថ្នាក់ជាតិ និងថ្នាក់ក្រោមជាតិ ទាំងចំណេះនិងជំនាញទាក់ទងនឹងការវាយតម្លៃ និងការរៀបចំផែនការវិស័យទឹកស្អាត និងអនាម័យជនបទដែលធន់នឹងអាកាសធាតុ។

ជុំវិញរឿងនេះ ដែរ លោក ឆាយ ឫទ្ធិសែន បានគូសបញ្ជាក់ថា ការផ្គត់ផ្គង់ទឹកស្អាត និងអនាម័យជនបទ គឺជាវិស័យអាទិភាពមួយដែលរាជរដ្ឋាភិបាលតែងតែយកចិត្តទុកដាក់។ ក្នុងន័យនេះ លោកថា វគ្គសិក្សារៀនសូត្រតាមប្រព័ន្ធអនឡាញនេះពិតជាមានសារៈសំខាន់ណាស់ ក្នុងការបង្កើនសមត្ថភាពដល់មន្រ្តីរាជការ ជាពិសេសមន្រ្តីរាជការទទួលបន្ទុកផ្នែកទឹកស្អាត និងអនាម័យ ក៏ដូចជាសាធារណៈជនទូទៅផងដែរ។

ក្រសួអភិវឌ្ឍន៍ជនបទ បានឱ្យដឹងថា គិតត្រឹមឆ្នាំ២០២៥ អត្រាគ្របដណ្តប់នៃសេវាផ្គត់ផ្គង់ទឹកស្អាតកម្រិតមូលដ្ឋានសម្រេចបាន ៨៩% ខណៈសេវាផ្គត់ផ្គង់ទឹកដែលគ្រប់គ្រងប្រកបដោយសុវត្ថិភាពសម្រេចបាន ២៥% រីឯអត្រាគ្របដណ្តប់អនាម័យជនបទកម្រិតមូលដ្ឋានសម្រេចបាន ៩៥% ខណៈអត្រាគ្របដណ្តប់អនាម័យដែលគ្រប់គ្រងប្រកបដោយសុវត្ថិភាពសម្រេចបាន ៥១%៕ អត្ថបទ៖ហ្សាលីន

The post កម្ពុជា ដាក់ឱ្យដំណើរការរៀនសូត្រកម្មវិធីទឹកស្អាត និងអនាម័យធន់នឹងអាកាសធាតុជាផ្លូវការ appeared first on .

កិច្ចប្រជុំត្រី-វិស័យថ្នាក់រដ្ឋមន្ត្រីលើកទី៦ បានធ្វើឡើង នៅថ្ងៃទី៤ ខែឧសភា ឆ្នាំ២០២៦នេះ ក្រោមវត្តមានថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម លោក ឆាយ ឫទ្ធិសែន រដ្ឋមន្ដ្រីក្រសួងអភិវឌ្ឍន៍ជនបទ និងលោកឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ព្រមទាំងប្រតិភូក្រុមការងារអន្ដរក្រសួង លេខាធិការដ្ឋាន និងមន្ដ្រីជំនាញនៃក្រសួងទាំង ៣ផងដែរ។

កិច្ចប្រជុំត្រី-វិស័យថ្នាក់រដ្ឋមន្ត្រីលើកទី៦នេះគឺក្នុងគោលបំណងដើម្បី ទី១.ពិនិត្យលើវឌ្ឍនភាពនិងសមិទ្ធផលការងារត្រី-វិស័យដែលសម្រេចបាននៅតាមសហគមន៍ទាំងអស់ដែលបានជ្រើសរើសសម្រាប់កិច្ចអន្តរាគមន៍ បន្ទាប់ពីកិច្ចប្រជុំត្រី-វិស័យថ្នាក់រដ្ឋមន្ត្រីលើកទី៥កាលពីថ្ងៃទី៤ ខែធ្នូ ឆ្នាំ២០២៥និងការកំណត់ទិសដៅការងារបន្តក្នុងការជ្រើសរើសសហគមន៍បន្ថែម និងទី២.ពិនិត្យលើវឌ្ឍនភាពនិងលក្ខខណ្ឌការងារយោងនៃការរៀបចំយុទ្ធសាស្ត្រនិងផែនការអនុវត្តត្រី-វិស័យសម្រាប់ការអភិវឌ្ឍប្រកបដោយការសម្របសម្រួលលើវិស័យកសិកម្ម ទឹក អភិវឌ្ឍន៍ជនបទនៅកម្ពុជាឆ្នាំ២០២៧-២០៣១។

សូមបញ្ជាក់ថា ក្រុមការងារអន្តរក្រសួងត្រី-វិស័យ កសិកម្ម-ធនធានទឹក-អភិវឌ្ឍន៍ជនបទ បានបង្កើតឡើងនៅឆ្នាំ២០២៤ ដើម្បីជំរុញឱ្យមានកិច្ចសហការជិតស្និទ្ធ បង្កើនប្រសិទ្ធភាព និងសហថាមពល សំដៅគាំទ្រដល់ការលើកកម្ពស់ និងកែលម្អជីវភាពសហគមន៍តាមមូលដ្ឋាន ព្រមទាំងបង្កើតភាពធន់និងជំរុញកំណើនសេដ្ឋកិច្ចសង្គមប្រកបដោយចីរភាព ជាពិសេសចូលរួមចំណែកអនុវត្តន៍កម្មវិធីនយោបាយ និងយុទ្ធសាស្រ្តបញ្ចកោណដំណាក់កាលទី១ របស់រាជរដ្ឋាភិបាលនីតិកាលទី៧ នៃរដ្ឋសភា ដោយផ្តោតលើការសម្របសម្រួលឱ្យមានភាពបន្ស៊ីគ្នារវាងសហគមន៍កសិកម្មទំនើប សហគមន៍កសិករប្រើប្រាស់ទឹក និងភូមិគំរូ៕អត្ថបទ៖ហ្សាលីន

The post រដ្ឋមន្រ្តីក្រសួង៣ រួមគ្នាជំរុញសហគមន៍កសិកម្មទំនើប សហគមន៍កសិករប្រើប្រាស់ទឹក និងភូមិគំរូនៅកម្ពុជា appeared first on .