ត្រឹមតែមួយថ្ងៃ រោងម៉ាស៊ីនដៃគូរបស់ក្រសួងកសិកម្មបានបន្តប្រមូលទិញស្រូវជិត ១៥០០០តោនបន្ថែមទៀត ពីប្រជាកសិករនៅទូទាំងប្រទេស

រ៉េត សុកធា — Sun, 09 Nov 2025 01:42:47 +0000

ត្រឹមតែរយៈពេល១ថ្ងៃប៉ុណ្ណោះ ពោលគឺនៅថ្ងៃទី៨ ខែវិច្ឆិកា ឆ្នាំ២០២៥ រោងម៉ាស៊ីនដៃគូរបស់ក្រសួងកសិកម្មបានបន្តប្រមូលទិញស្រូវជិត ១៥០០០តោនបន្ថែមទៀត ពីប្រជាកសិករនៅទូទាំងប្រទេស។ នេះបើតាមការបញ្ជាក់ឱ្យដឹងពីក្រសួងកសិកម្ម។

ជាមួយនឹងតួរលេខនៃការទិញស្រូវនេះ ក្រសួងកសិកម្មក៏បានបញ្ជាក់ផងដែរថា ខណៈពេលដែលការប្រមូលផលនឹងហក់ឡើងជាបន្តបន្ទាប់នៅក្នុងខែនេះ មន្ត្រីកសិកម្មឃុំ និងរោងម៉ាស៊ីនដៃគូ នឹងបន្តកិច្ចសហប្រតិបត្តិការយ៉ាងជិតស្និទ្ធដើម្បីធានាលំហូរនៃការប្រមូលទិញ និងជួយធានាមិនឱ្យមានការកកស្ទះនៅតាមទីវាលនោះឡើយ។

សូមជម្រាបជូនផងដែរថា រោងម៉ាស៊ីនដៃគូរបស់ក្រសួងកសិកម្មដែលបានចុះទិញស្រូវនៅថ្ងៃទី៨ វិច្ឆិកា មានចំនួន២៩ ក្នុងនោះបានទទួលទិញស្រូវពីកសិករទូទាំងប្រទេសដែលមានប្រភេទស្រូវចំនួន៤ គឺ ស្រូវផ្ការំដួល ស្រូវវស្សា ស្រូវកែង និងស្រូវស្រងែ៕

The post ត្រឹមតែមួយថ្ងៃ រោងម៉ាស៊ីនដៃគូរបស់ក្រសួងកសិកម្មបានបន្តប្រមូលទិញស្រូវជិត ១៥០០០តោនបន្ថែមទៀត ពីប្រជាកសិករនៅទូទាំងប្រទេស appeared first on .

ក្រុមហ៊ុនកូរ៉េចាប់អារម្មណ៍ ដាំដំឡូងបារាំងនៅខេត្តមណ្ឌលគិរី

កូនចៅឧកញ៉ា — Wed, 22 Jan 2020 09:10:03 +0000

ក្រុមហ៊ុនកូរ៉េមានបំណងដាំដំបូងបារាំង និងដំណាំកសិកម្មផ្សេងទៀត ក្នុងទឹកដី ខេត្តមណ្ឌលគីរី។ តាមរយៈបណ្តាញសង្គមហ្វេសបុកផ្លូវការក្រសួងកសិកម្មរុក្ខាប្រម៉ាញ់ និងនេសាទ លោក វ៉េង សាខុន រដ្ឋមន្រ្តីក្រសួងកសិកម្មបានជួបជាមួយនឹងលោក Mr. Park Kiwook នាយកគ្រប់គ្រង ការិយាល័យអភិវឌ្ឍកសិកម្មនៅបរទេសនៃក្រសួងកសិកម្មកូរ៉េ និងសហការី ចូលជួបសម្តែងការគួរសម និងពិភាក្សាអំពីគម្រោងស្តីពី “Establishment of Demonstrative Vegetable Production Complex in Cambodia” ដែលគ្រោងនឹងបង្កើតនៅខេត្តមណ្ឌលគីរីនាឆ្នាំ២០២០នេះ។

ក្នុងជំនួបកាលពីថ្ងៃទី២០ ខែមករា លោក Mr. Park Kiwook បានលើកឡើងថា KRC មានចំណាប់អារម្មណ៍លើផលិតកម្មដំឡូង បារាំង និងប្រភេសបន្លែសំខាន់ៗដែលកសិករកំពុងផលិតនាពេលបច្ចុប្បន្ន។ ដោយយល់ឃើញថាខេត្តមណ្ឌលគីរីមានសក្តានុពលល្អសម្រាប់ផលិតកម្មដំឡូងបារាំង និងបន្លែ ដោយយោងលើស្ថានភាពភូមិសាស្រ្ត និងអាកាសធាតុល្អ សម្រាប់ផលតិកម្មដំឡូងបារាំង កម្ពុជាមានសក្តានុពល ប៉ុន្តែគ្រាន់ថាផលិតកម្មនេះនៅមិនទាន់បានអនុវត្តឱ្យបានពេញលេញ និងត្រឹមត្រូវលើខ្សែច្រវាក់ផលិតកម្ម និងទីផ្សារដែលជាដើមហេតុចំបងធ្វើឲ្យផលិតកម្មនេះមិងអាចធ្វើការផ្គត់ផ្គង់ឱ្យទីផ្សារក្នុងស្រុកបានគ្រប់គ្រាន់ ហើយដែលតម្រូវឱ្យកម្ពុជាធ្វើការនាំចូល ហេតុនេះនាពេលអនាគតគម្រោងនេះគ្រោងនឹងបង្កើនផលិតភាពផលិតកម្មដំឡូងបារាំង និងបន្លែផ្សេងៗទៀតដើម្បីផ្គត់ផ្គង់ឱ្យទីផ្សារក្នុងស្រុក និងឈានទៅធ្វើការកាត់បន្ថយបរិមាណនាំចូល និងជាពិសេសចូលរួមបង្កើតការងារជូនប្រជាពលរដ្ឋ ដែលភាគច្រើនជាជនជាតិដើមភាគតិច និងបង្កើនប្រាក់ចំណូល។

លោក វ៉េង សាខុន រដ្ឋមន្រ្តីក្រសួងកសិកម្មបានសម្តែងនូវសុទិដ្ឋិនិយមគាំទ្រលើគម្រោងនេះ ដោយហេតុថាកន្លងមកផលិតកម្មដំឡូងបារាំងនៅកម្ពុជាជាទូទៅកសិករមិនសូវនិយមដាំដុះ ទើបតែប៉ុន្មានឆ្នាំចុងក្រោយដែលមានគម្រោងដែលឧបត្ថម្ភដោយអង្គការ KOPIA KOREA សហការជាមួយសាកលវិទ្យា ល័យភូមិន្ទកសិកម្មធ្វើការសិក្សាស្រាវជ្រាវដាំសាកល្បងនៅខេត្តមណ្ឌលគីរី ហើយលទ្ធផលនៃការសិក្សានេះបានបង្ហាញឱ្យឃើញថាដំណាំមានការលូតលាស់ល្អ និងផ្តល់ទិន្នផលគួរជាទីពេញ ចិត្ត។ ហេតុនេះ ឯកឧត្តមបានសម្តែងនូវការគាំទ្រ និងលើកទឹកចិត្ត ហើយសន្យាថានឹងផ្តល់កិច្ច សហការឱ្យបានពេញលេញ និងជាពិសេសលោកបានណែនាំឱ្យអគ្គនាយកដ្ឋានកសិកម្ម និងមន្ទីរកសិកម្ម រុក្ខាប្រមាញ់ និងនេសាទខេត្តត្រូវបន្តផ្តល់កិច្ចសហការឱ្យបានល្អជាមួយ KRC ដើម្បីឱ្យគម្រោងនេះដំណើរការទៅដោយរលូន និងទទួលបានជោគជ័យតាមការរំពឹងទុក គឺខេត្ត មណ្ឌលគីរីអាចផលិតដំឡូងបារាំងបាននាពេលអនាគតដ៏ខ្លី៕

The post ក្រុមហ៊ុនកូរ៉េចាប់អារម្មណ៍ ដាំដំឡូងបារាំងនៅខេត្តមណ្ឌលគិរី appeared first on .

ក្រសួង កសិកម្ម

ក្រុមហ៊ុន​កូរ៉េ​ចាប់អារម្មណ៍ ​ដាំ​ដំឡូង​បារាំង​​នៅ​ខេត្ត​មណ្ឌល​គិរី​

ក្រុមហ៊ុនកូរ៉េចាប់អារម្មណ៍ ដាំដំឡូងបារាំងនៅខេត្តមណ្ឌលគិរី