Tesla បិទ Showroom រថយន្តនៅចិនលើកដំបូង ចំពេលរដ្ឋាភិបាលរឹតបន្តឹងវិធានការកូវីដ ១៩

ឧកញ៉ាសំពៅ — Wed, 02 Nov 2022 08:29:00 +0000

កាលពីថ្ងៃទី ០២ វិច្ឆិកាកន្លងទៅ សារព័ត៌មាន CNA បានចុះផ្សាយថា ក្រុមហ៊ុនផលិតរថយន្តអគ្គិសនី Tesla បានប្រកាសបិទ Showroom រថយន្តនៅទីក្រុងប៉េកាំង បន្ទាប់ពីបើកដំណើរការអស់រយៈពេលជិត ១០ ឆ្នាំ។

ប្រភពដដែលបន្ថែមថា Showroom នៅទីក្រុងប៉េកាំងនេះ គឺជាការចាប់ផ្ដើមដំបូងរបស់ Tesla លើទីផ្សារចិន ហើយបន្ទាប់ពីផុតកុងត្រាជួលកន្លែង ក្រុមហ៊ុនក៏សម្រេចចិត្តបិទវា ដោយសារចង់ផ្លាស់ប្ដូរយុទ្ធសាស្ត្រលក់ថ្មី ស្របពេលរដ្ឋាភិបាលរឹតបន្តឹងវិធានការទប់ស្កាត់កូវីដ ១៩ ផង បណ្ដាលឲ្យការលក់នៅទីនោះមានការធ្លាក់ចុះ។

សូមជម្រាបដែរថា ក្រុមហ៊ុន Tesla មាន Showroom ច្រើនជាង ២០០ កន្លែងទូទាំងប្រទេសចិន ហើយទីតាំងដែលបានបិទថ្មីៗនោះ គឺស្ថិតនៅផ្សារទំនើប Parkview Green នៅទីក្រុងប៉េកាំង។

គួររំលឹកដែរថា ក្រុមហ៊ុន Tesla ទំនងជាអាចផ្លាស់ប្ដូរយុទ្ធសាស្ត្រលក់រថយន្តថ្មី បន្ទាប់ពីការលក់ធ្លាក់ចុះ ដោយសាររថយន្ត Tesla ទាំងអស់គឺមិនមានលក់នៅតាមហាងលក់រថយន្តទូទៅឡើយ ពោលគឺក្រុមហ៊ុនជាអ្នកលក់ដោយផ្ទាល់ ដែលមានន័យថា Tesla ដើរតួជាអ្នកផលិតផង និងជាអ្នកលក់រាយផង៕

The post Tesla បិទ Showroom រថយន្តនៅចិនលើកដំបូង ចំពេលរដ្ឋាភិបាលរឹតបន្តឹងវិធានការកូវីដ ១៩ appeared first on .

សម្ដេច ហ៊ុន សែន សម្រេចទៅក្រុងប៉េកាំងវិញ ជំនួសទៅកាន់ទីក្រុងវ៉ូហាន

កូនចៅឧកញ៉ា — Wed, 05 Feb 2020 02:27:33 +0000

សម្ដេចនាយករដ្ឋមន្រ្តី ហ៊ុន សែន បានបង្ហោះសារ នៅព្រឹកថ្ងៃ ពុធនេះថា ក្រសួងការបរទេសចិនមិនអនុញ្ញាតឲ្យសម្តេចទៅកាន់ទីក្រុងវ៉ូហានបានទេ ដោយលើកហេតុផលថា នៅទីនោះកំពុងឆ្លងរាលដាលនៃវីរុសកូរ៉ូណាថ្មីខ្លាំង ដូច្នេះ ភាគីចិន សម្រេចឲ្យសម្តេចទៅក្រុងប៉េងកាំងជំនួសវិញ។

តាមគម្រោងនៅថ្ងៃទី៥ កុម្ភៈនេះ សម្តេចនាយករដ្ឋមន្រ្តី ហ៊ុន សែន គ្រោងនឹងចាកចេញពីប្រទេសកូរ៉េខាងត្បូងឆ្ពោះទៅទីក្រុងវូហាន ខេត្តហ៊ូប៉ីប្រទេសចិន ដើម្បីទៅសួរសុខទុក្ខនិស្សិតខ្មែរ ២៣ នាក់ដែលកំពុងសិក្សានៅទីនោះ។

ប៉ុន្តែក្រសួងការបរទេសចិនឆ្លើយតបថា មិនអាចរៀបចំជូនដល់ការធ្វើដំណើរ ទៅកាន់ទីក្រុងវូហានបានទេ ព្រោះទីក្រុងនេះបានប្រកាសភាពអាសន្នបិទមិនឲ្យមានចរាចរណ៍ឆ្លងកាត់នៅក្នុងតំបន់នេះនៅឡើយ ហើយចំពោះនិស្សិតវិញក៏មិនត្រូវបានអនុញ្ញាតឲ្យចេញក្រៅពីទីកន្លែងរស់នៅបានដែរ។

ការបញ្ជាក់របស់ក្រសួងការបរទេសចិន គឺធ្វើឡើងប៉ុន្មានម៉ោងក្រោយពីសម្ដេចតេជោ ហ៊ុន សែន បានចុះផ្សាយថា ការផ្ទុះឡើងនូវវីរុសកូរ៉ូណាថ្មីនៅក្នុងប្រទេសចិន គឺមិនមែនជាឧបសគ្គរបស់សម្ដេចឡើយ។

សូមបញ្ជាក់ថា សម្ដេចតេជោ បានរាយការណ៍សុំការអនុញ្ញាតពីចិន ដើម្បីធ្វើដំណើរទៅកាន់ទីក្រុងវ៉ូហាន ដើម្បីជួបសួរសុខទុក្ខផ្ទាល់និស្សិតខ្មែរ២៣នាក់ ដែលកំពុងជាប់ក្នុងទីក្រុងនេះ។

ចំនួនអ្នកស្លាប់ដោយសារមេរោគកូរ៉ូណាប្រភេទថ្មី កើនឡើងដល់ជិត ៥០០នាក់ គិតត្រឹមព្រឹកថ្ងៃពុធ ទី៥ ខែកុម្ភៈ ក្នុងនោះ១ករណីស្ថិតក្នុងទឹកដីហ្វីលីពីន ក្រៅពីនេះ អ្នកស្លាប់ទាំងទាំងអស់គឺស្ថិតក្នុងប្រទេសចិន៕

The post សម្ដេច ហ៊ុន សែន សម្រេចទៅក្រុងប៉េកាំងវិញ ជំនួសទៅកាន់ទីក្រុងវ៉ូហាន appeared first on .

ក្រុងប៉េកាំង

Tesla បិទ Showroom រថយន្តនៅចិនលើកដំបូង ចំពេលរដ្ឋាភិបាលរឹតបន្តឹងវិធានការកូវីដ ១៩

សម្ដេច ហ៊ុន សែន សម្រេច​ទៅ​ក្រុ​ង​​ប៉េ​កាំ​ងវិញ ជំនួសទៅ​កាន់​ទីក្រុង​វ៉ូ​ហា​ន

សម្ដេច ហ៊ុន សែន សម្រេចទៅក្រុងប៉េកាំងវិញ ជំនួសទៅកាន់ទីក្រុងវ៉ូហាន