​ក្នុង​ជំនួប​កិច្ច​ប្រជុំ​ខាង​លើ​នេះ ​​​ដើម្បី​ពិភាក្សា​គ្នា​អំពី​វឌ្ឍនភាព​នៃ​ការ​អភិវឌ្ឍ​ទីក្រុង​ទាំង​បី បន្ទាប់ពី​ធនាគារ​អភិវឌ្ឍន៍​អាស៊ី បានអនុម័តប្រាក់កម្ចីចំនួន១៨០លានដុល្លារ ​កាល​ពី​​ខែ​វិច្ឆិកា ឆ្នាំ២០២១ ដើម្បីជួយដល់ក្រុង​ចំនួន​បី​ខាង​លើ ក្នុង​គោល​បំណង​ធ្វើ​ឱ្យ​ប្រសើរនូវហេដ្ឋារចនាសម្ព័ន្ធទីក្រុង និងបង្កើនលទ្ធភាពប្រកួតប្រជែង​ផ្នែក​សេដ្ឋកិច្ច។

គម្រោងវិនិយោគ​លើ​ក្រុង​ទាំង​បី​ ដើម្បីទីក្រុងដែលអាចរស់នៅបាន (Livable Cities Investment Project) នេះ នឹងជួយប្រជាពលរដ្ឋជាង១៤ម៉ឺននាក់ នៅក្រុងបាវិត កំពត និងប៉ោយប៉ែត ឱ្យ​ទទួលបានសេវាគ្រប់គ្រង ទឹកលូ និងសំណល់រឹងបានល្អប្រសើរ។ លើស​ពី​នេះ​ វានឹងជួយទីក្រុងទាំងនេះ កាត់បន្ថយទឹកជំនន់ តាមរយៈ​ការ​ធ្វើឱ្យ​ប្រសើរឡើងនូវប្រព័ន្ធ បង្ហូរទឹកភ្លៀង និងប្រព័ន្ធលូបង្ហូរទឹកក្នុងទីក្រុង។ គម្រោងនេះ ក៏មានគោលបំណង ពង្រឹងសមត្ថភាពរដ្ឋបាលក្រុង ក្នុងការផ្តល់សេវាទីក្រុងផងដែរ។

សូម​ជម្រាប​ថា យុទ្ធសាស្ត្រភាពជាដៃគូប្រចាំប្រទេសរបស់ ADB សម្រាប់កម្ពុជាឆ្នាំ ២០១៩-២០២៣ គឺ​គាំទ្រ​ដល់កំណើនសេដ្ឋកិច្ចនៅតាមច្រករបៀងសេដ្ឋកិច្ច ភាគខាងត្បូង នៃមហាអនុតំបន់មេគង្គ (Greater Mekong Subregion) ដែលរួមមានក្រុងបាវិត កំពត និង ប៉ោយប៉ែត។ ក្រុងបាវិត និង ប៉ោយប៉ែត ជាច្រកចូលទៅកាន់ ប្រទេសវៀតណាម និងប្រទេសថៃ ហើយទីក្រុងកំពង់ផែកំពត ជាគោលដៅទេសចរណ៍​ដ៏​សំខាន់​មួយ។

ជាមួយ​គ្នា​នេះ​ ក្រុងប៉ោយប៉ែត ​​​​​ដែល​ជា​ច្រក​អន្តរជាតិ​​ដ៏​ធំ​មួយ និង​ជា​ច្រក​ដ៏​សំខាន់​លើ​វិស័យ​ដឹក​ជញ្ជូន ​​អាច​នឹង​មាន​ផ្លូវ​រថភ្លើង​ល្បឿន​លឿន​ក្នុង​ពេល​ឆាប់ៗ​ខាង​មុខ។ សម្តេច​តេជោ ហ៊ុន សែន នាយករដ្ឋមន្ត្រី​កម្ពុជា បានជំរុញ​ក្រសួងសេដ្ឋកិច្ច និងហរិញ្ញវត្ថុ និងក្រសួងសាធារណការ និងដឹកជញ្ជូន ឱ្យពន្លឿនការសិក្សាគម្រោងសាងសង់​ផ្លូវរថភ្លើងល្បឿនលឿន ពីភ្នំពេញទៅព្រះសីហនុ និងពីភ្នំពេញទៅក្រុងប៉ោយប៉ែត នៅក្នុងកិច្ចប្រជុំពេញអង្គ​គណៈរដ្ឋមន្ត្រី កាលពី​ថ្ងៃទី១៣ ខែមករា ឆ្នាំ២០២៣។

ចំណែក​ឯ​គម្រោងហេដ្ឋារចនាសម្ព័ន្ធផ្លូវល្បឿនលឿនតភ្ជាប់ពី រាជធានីភ្នំពេញ ទៅក្រុងបាវិត ក៏​ត្រូវបានពិនិត្យ​ពិភាក្សា​បញ្ចប់រួចរាល់ និងឈានទៅរកការចុះហត្ថលេខា ក្រោមអធិបតីភាពថ្នាក់ដឹកនាំកំពូលនៃប្រទេសទាំងពីរ កម្ពុជា-ចិន នាដើមឆ្នាំ២០២៣ខាងមុខ។ នេះ​បើ​តាម​ការ​បញ្ជាក់​ពី​លោក​ទេសរដ្ឋមន្ត្រី ស៊ុន ចាន់ថុល រដ្ឋមន្ត្រី​ក្រសួង​សាធារណការ និងដឹកជញ្ជូន កាលពី​ថ្ងៃទី​១០ ខែធ្នូ ឆ្នាំ២០២២៕

​​​

The post ADB ជួបមន្ត្រីជាន់ខ្ពស់ក្រសួងដែនដី ពិភាក្សាលើគម្រោងអភិវឌ្ឍទីក្រុងកំពត ក្រុងបាវិត និងក្រុងប៉ោយប៉ែត appeared first on .

ក្នុងពិធីប្រគល់អំណោយនៅថ្ងៃទី២២ ខែសីហាម្សិលមិញ អភិបាលក្រុងប៉ោយប៉ែត លោក គាត ហ៊ុល បានថ្លែងអំណរគុណយ៉ាងជ្រាលជ្រៅចំពោះក្រុមហ៊ុនទទួលបញ្ញើ វីរៈប៊ុនថាំអេចប្រេស ដែលបានឧបត្ថម្ភមីចំនួន៥០កេសធំ និងថវិកាចំនួន១០លានរៀលជូនដល់រដ្ឋបាលក្រុងប៉ោយប៉ែតដើម្បីបន្តឧបត្ថម្ភជូនពលរដ្ឋបិទខ្ទប់ និងពលរដ្ឋជួបជីវភាពខ្វះខាត និងប្រើប្រាស់ក្នុងយុទ្ធនាការទប់ស្កាត់ការរីករាលដាលនៃមេរោគកូវីដ-១៩ ក្នុងមូលដ្ឋានក្រុងប៉ោយប៉ែត។

លោកបន្តថា សូមគោរពជូនពរលោក លោកស្រីនាយកក្រុមហ៊ុន និងក្រុមគ្រួសារព្រមទាំងក្រុមការងារទទួលជោគជ័យគ្រប់ភារកិច្ច ទទួលបានអតិថិជនកាន់តែច្រើន និងទទួលបាននូវពុទ្ធពរទាំង៤ប្រការគឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

សូមបញ្ជាក់ថា កន្លងមកក្រុមហ៊ុន វីរៈ ប៊ុនថាំ អេចប្រេស ដែលដឹកនាំដោយលោកឧកញ៉ា សួរ វីរៈ បាននាំយកអំណោយជាគ្រឿងឧបភោគបរិភោគ និងថវិកាទៅប្រគល់ជូនដល់រាជរដ្ឋាភិបាល ក្រសួងស្ថាប័ន សមាគម និងប្រជាពលរដ្ឋងាយរងគ្រោះជាច្រើនដោយវិបត្តិកូវីដ-១៩ ជាហូរហែល។ សកម្មភាព និងទឹកចិត្តដ៏បរិសុទ្ធទាំងនេះបង្ហាញឲ្យឃើញពីការយកចិត្តដាក់ចូលរួមជាមួយរាជរដ្ឋាភិបាល និងបងប្អូនប្រជាជនដើម្បីទប់ស្កាត់ការរីកដាលនៃជំងឺកូវីដ១៩៕

The post ក្រុមហ៊ុន វីរៈប៊ុនថាំ អេចប្រេស បាននាំយកថវិកា និងគ្រឿងឧបភោគបរិភោគជាច្រើនជូនដល់រដ្ឋបាលក្រុងប៉ោយប៉ែត appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

បើតាមសេចក្តីជូនដំណឹងរបស់អភិបាលខេត្តបន្ទាយមានជ័យ លោក អ៊ុំ រាត្រី បានឱ្យដឹងថា ត្រូវបានបិទអាជីវកម្មកាស៊ីណូដែលមានអនុស្សរណៈជាមួយក្រសួងសុខាភិបាលក្នុងភូមិសាស្ត្រខេត្តបន្ទាយមានជ័យជាបណ្ដោះអាសន្នរហូតមានការជូនដំណឹងថ្មី។

ការផ្អាកអាជីវកម្មកាស៊ីណូជាបណ្តោះអាសន្ននេះ បន្ទាប់ពីរដ្ឋបាលខេត្តបានសម្រេចអនុវត្តវិធានការរដ្ឋបាលជាបណ្ដោះអាសន្ននៅក្នុងភូមិសាស្ត្រក្រុងប៉ោយប៉ែត ខេត្តបន្ទាយមានជ័យរយៈពេល២សប្ដាហ៍ គិតចាប់ពីម៉ោងសូន្យថ្ងៃទី២៦ខែមេសា រហូតដល់ថ្ងៃទី៩ ខែឧសភាឆ្នាំ២០២១ ដើម្បីទប់ស្កាត់ការឆ្លងរាលដាលជំងឺកូវីដ១៩៕

សូមចុចអានអត្ថបទខាងក្រោម៖

The post កូវីដ-១៩រាតត្បាតខ្លាំង អាជ្ញាធរខេត្តបន្ទាយមានជ័យប្រកាសបិទអាជីវកម្មកាស៊ីណូជាបន្ទាន់ appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

អាជីករលក់អង្ករម្នាក់នៅទីក្រុងប៉ោយប៉ែត ឈ្មោះ ម៉ៃ ណុន ដែលជាកន្លែងផ្គត់ផ្គង់អង្ករគ្រប់ប្រភេទបោះដុំនិងរាយល្បីឈ្មោះ បានប្រកាសលក់អង្ករជូនបងប្អូនក្នុងតម្លៃដដែលមិនមានការឡើងថ្លៃ ក្នុងស្ថានភាពដ៏លំបាកនៃវិបត្តិកូវីដ១៩នេះ។

អ្នកស្រី ម៉ៃ ណុន ម្ចាស់តូបលេខ០៦ និង០៧ បានឲ្យដឹងថា៖ “ជំរាបសួរបងប្អូននៅក្រុងប៉ោយប៉ែត សូមកុំព្រូយបារម្ភពីអង្ករឡើងថ្លៃ នាងខ្ញុំនិងលក់នៅតម្លៃដដែរ សូមជូនពរបងប្អូនមានសុខភាពល្អគ្រប់គ្នា ។”

លោកអ្នកនាងអាចបញ្ជាទិញអង្ករគ្រប់ប្រភេទបោះដុំនិងរាយបាននៅតូបលេខ០៦ និង០៧ ឬបងប្អូនដែលនៅគ្រប់ខេត្តក្រុងអាចទំនាក់ទំនងតាមលេខទូរសព្ទ 012599042/077244588។

បើតាមប្រភពពីអាជ្ញាធរខេត្តបន្ទាយមានជ័យបានឲ្យដឹងនៅថ្ងៃទី២៥ខែមេសានេះថា មន្ត្រីសុខាភិបាលបានយកសំណាកពីមនុស្សចំនួន៤៧០នាក់ ហើយរកឃើញវិជ្ជមានកូវីដ១៩ ចំនួន១២៦នាក់ ដោយធ្វើសំណាកលើកទី១លើមនុស្សចំនួន១២៧ រកឃើញវិជ្ជមាន៦៣នាក់ និងលើកទី២ ធ្វើសំណាកលើមនុស្សចំនួន៣៤៣ រកឃើញវិជ្ជមាន៦៣នាក់។ អ្នកវិជ្ជមានទាំង១២៦នាក់ខាងលើនេះ គឺភាគច្រើនជាជនជាតិឥណ្ឌូណេស៊ី៕

The post ទីក្រុងប៉ោយប៉ែតកំពុងផ្ទុះកូវីដ អាជីវករម្នាក់ប្រកាសលក់អង្ករមិនមានការឡើងថ្លៃជាដាច់ខាត appeared first on .

លោក​ អុំ រាត្រី អភិបាល​​ខេត្ត​បន្ទាយ​​បាន​​ថ្លែង​ថា​ រដ្ឋបាល​​ខេត្ត​បាន​សម្រេច ឲ្យ​ដំណើរ​ការ​រថយន្ត​ក្រុង​សាធារណៈ​ ២០​​នាទី​​ម្ដង​ ដែល​តភ្ជាប់​ចរាចរណ៍​ប្រជុំ​ជន​ទាំង​ពី​រ ​ប្រើ​ប្រាស់​មុន​គេ​បង្អស់​ ​បន្ទាប់​ពី​ក្រុង​ភ្នំពេញ​ ​ដោយ​ផ្ដល់​ជួន ​ប្រជាពលរដ្ឋ​ដោយ​មិន​គិត​ថ្លៃ​រយៈ​ពេល ៣ខែ។ ​គោល​បំណង​​នៃ​​ការ​ដាក់​ឱ្យ​ដំណើរ​នេះ​ គឺ​សម្រួល​ការ​​ធ្វើដំណើរ​ កាត់​បន្ថយ​ការ​ចំណាយ ​កាត់​បន្ថយ​គ្រោះ​ថ្នាក់​ចរាចរណ៍​ ហើយ​​ធ្វើ​ឱ្យ​ជីវភាព​ប្រជាពលរដ្ឋ​កាន់​តែ​ភាព​ល្អ​ប្រសើរ។

លោក​បាន​បន្ថែម​ថា​ សេវា​រថយន្តក្រុង​ខាង​លើ​នេះ​ទទួល​បាន​ការ​គាំទ្រ​ពី​​​​លោក​ឧកញ៉ា​ ឡេង​ ណាវ៉ាត្រា​ ជាមួយ​នឹង​​រថយន្ត​ ១៥​​ ​គ្រឿង​ និង​​​អាច​ដាក់​ឱ្យ​ដំណើរ​ការ​នៅ​ឆ្នាំ​២០២០។ ​​​ជំហាន​បន្ទាប់​នឹង​​​អាច​ដាក់​ឱ្យ​ដំណើរ​ការ​ពី​ក្រុង​ប៉ោយ​ប៉ែត​ឆ្ពោះ​​មក​​ក្រុង​សិរីសោភ័ណ​បន្ថែម​​ទៀត​។ លោក​បាន​គាំទ្រ​ទាំង​ស្រុង​ចំពោះ​​គម្រោង​រថយន្ត​ក្រុង​នេះ​ និង​បាន​​អំពាវ​នាវ​ដល់​ប្រជាពលរដ្ឋ​ប្រើ​ប្រាស់​សេវា​នេះ​ទាំង​អស់​គ្នា​។ ការ​ធ្វើ​ដំណើរ​ពីក្រុង​ប៉ោយ​ប៉ែត ទៅ​ស្រុក​ម៉ាឡៃ​មាន​ចម្ងាយ​ប្រមាណ ៤០​គីឡូម៉ែត្រ​។ “ខ្ញុំ​បាន​ទៅ​​មើល​ទីតាំង​ចំណត​រួច​ហើយ​​កាល​ពី​ពេល​​ថ្មី​ៗ​នេះ​។ អញ្ចឹង​ដំណើរ​ការ​អាច​​ដើម​ឆ្នាំ​ក្រោយ​នេះ​​ហើយ​”។

ខេត្ត​បន្ទាយ​មាន​​ជ័យ​​នៅ​ប៉ុន្មាន​​ឆ្នាំ​កន្លង​មក​នេះ​​មាន​ការ​អភិវឌ្ឍ​​រីក​ចម្រើន​គួរ​ឱ្យ​កត់​សំគាល់​​ ពិសេស​ក្រុង​ប៉ោយ​ប៉ែត​តែ​ម្តង​ដែល​បាន​ទាក់​ទាញ​គម្រោង​វិនិយោគ​ជា​ច្រើន​ដូច​ជា​មណ្ឌល​ពាណិជ្ជកម្ម​ និង​ផ្សារ​ទំនើប​ជា​ដើម​​ ក្នុង​ទំហំ​សាច់​ប្រាក់​រាប់​រយ​លាន​ដុល្លារ​អាមេរិក​៕

The post អបអរ​សាទរ​! ​ខេត្តបន្ទាយ​មាន​ជ័យ​​គ្រោង​ដាក់​ឱ្យដំណើរ​​ការ​ឡាន​ក្រុង​សាធារណៈ​​​ ក្នុងពេល​ឆាប់​ៗ​នេះ​ appeared first on .