សមាសភាពក្រុមការងារនេះឃើញមានវត្តមានអ្នកឧកញ៉ា ឧកញ៉ា និងលោក លោកស្រីជាម្ចាស់អាជីវកម្មជាច្រើនរូប និងតំណាងមកពីស្ថាប័ន ព្រមទាំំងសមាគមដែលកំពុងបំពេញការងារទៅតាមវិស័យរៀងៗខ្លួន។

សេចក្តីសម្រេចនេះ ឧកញ៉ា ម៉ុង ឬទ្ធី ជាសហប្រធានក្រុមការងារផ្នែកកសិកម្ម កសិ-ឧស្សាហកម្ម អមដោយអនុប្រធានចំនួន ៦រូប និងសមាជិក ៣៩រូប/ស្ថាប័ន។ ក្រុមការងារផ្នែកទេសចរណ៍ មានឧកញ៉ា លូ ម៉េង ជាសហប្រធាន និងអនុប្រធាន ៤រូប និងសមាជិក ៣៦រូប/ស្ថាប័ន។ ក្រុមការងារផ្នែកកម្មន្តសាល សហគ្រាសធុនតូច និងមធ្យម និងសេវា ដឹកនាំដោយឧកញ៉ា តែ តាំងប៉ ជាសហប្រធាន និងអនុប្រធាន ៤រូប និងសមាជិក ២៥រូប/ស្ថាប័ន។

ក្រុមការងារផ្នែកនីតិកម្ម ពន្ធដារ និងអភិបាលកិច្ច មានលោក អានូដ ដាក ជាសហប្រធាន និងអនុប្រធាន ៣រូប និងសមាជិក ៥៧រូប។ ផ្នែកសេវាធនាគារ និងហិរញ្ញវត្ថុ លោក អ៊ិន ចាន់នី សហប្រធាន អមដោយអនុប្រធាន ៦រូប និងសមាជិក ៣៦រូប/ស្ថាប័ន។ ផ្នែកដឹកជញ្ជូន និងហេដ្ឋារចនសម្ព័ន្ធ មានឧកញ៉ា សូ ងួន សហប្រធាន និងអនុប្រធាន ៦រូប សមាជិក ៣១រូប/ស្ថាប័ន។

ក្រុមការងារផ្នែកផលិតកម្មកែច្នៃសម្រាប់នាំចេញ និងកិច្ចសម្រួលពាណិជ្ជកម្ម សហប្រធាន ឧកញ៉ា គួច ផេង និងអនុប្រធាន ៥រូប សមាជិក ៣៤រូប/ស្ថាប័ន។ ផ្នែកទំនាក់ទំនងវិជ្ជាជីវៈ ឧកញ៉ា ណាង សុធី​​ សហប្រធាន និងអនុប្រធាន៤រូប សមាជិក៣១រូប/ស្ថាប័ន។ ផ្នែកស្រូវ-អង្ករ ឧកញ៉ា ចាន់ សុឃាំង សហប្រធាន អមដោយអនុប្រធាន ៥រូប សមាជិក ៣៣រូប/ស្ថាប័ន។

ក្រុមការងារផ្នែកថាមពល និងធនធានរ៉ែ ឧកញ៉ា អ៊ុន យុទ្ធី សហប្រធាន និងអនុប្រធាន ៤រូប សមាជិក ២២រូប/ស្ថាប័ន។ ផ្នែកអប់រំ ដឹកនាំដោយឧកញ៉ា ហេង វ៉ាន់ដា សហប្រធាន និងអនុប្រធាន៤រូប សមាជិក ២៧រូប/ស្ថាប័ន។ ផ្នែកសុខាភិបាល ឧកញ៉ាវេជ្ជបណ្ឌិត តាន់ គឹមម៉េង សហប្រធាន និងអនុប្រធាន៤រូប សមាជិក២២រូប/ស្ថាប័ន។

ដោយឡែកក្រុមការងារផ្នែកសំណង់ និងអចលនទ្រព្យ ដឹកនាំដោយលោក តាន់ មុនីវណ្ណ សហប្រធាន និងអនុប្រធាន៤រូប សមាជិក ៤៦/​ស្ថាប័ន។ ផ្នែកសេវាហិរញ្ញវត្ថុមិនមែនធនាគារ អ្នកឧកញ៉ា គិត ម៉េង សហប្រធាន អមដោយអនុប្រធាន ៤រូប សមាជិក ៥៤រូប/ស្ថាប័ន។

នៅក្នុងសេចក្តីសម្រេចចុះហត្ថលេខាដោយសម្តេចធិបតីនាយករដ្ឋមន្រ្តី បានបញ្ជាក់ថា សមាសភាពក្រុមការងារទាំង ១៤ នឹងត្រូវបញ្ចប់អាណត្តិរបស់ខ្លួននៅពេលសហប្រធានថ្មីចូលជំនួស តាមរយៈការជ្រើសរើសស្របតាមនីតិវិធីកំណត់របស់សភាពាណិជ្ជកម្មកម្ពុជា៕

The post ក្រៅពីអ្នកឧកញ៉ា គិត ម៉េង តើអ្នកឧកញ៉ា ឧកញ៉ារូបណាខ្លះសម្តេចធិបតី ហ៊ុន ម៉ាណែត ប្រគល់ភារកិច្ចដឹកនាំក្រុមការងាររាជរដ្ឋាភិបាល-ផ្នែកឯកជន appeared first on .

កិច្ចប្រជុំនេះមានការអញ្ជើញចូលរួមពីអ្នកឧកញ៉ា ឧកញ៉ា ម្ចាស់អាជីវកម្មមកពីសភាពាណិជ្ជកម្មកម្ពុជា និងពីភាគីរាជរដ្ឋាភិបាលជាច្រើនរូប ដូចជា ឧកញ៉ា គួច ផេង សហប្រធានក្រុមការងារ “ឆ”, អ្នកឧកញ៉ា លឹម ហេង អនុប្រធានសភាពាណិជ្ជកម្ម និងជាអ្នកសម្របសម្រួលក្រុមការងារទាំង១៤ផ្នែកឯកជន ព្រមទាំងអនុសហប្រធានក្រុមការងារ សមាជិក សមាជិកា នៃក្រុមការងារ ឆ និងប្រធានឬតំណាងសមាគមពាក់ព័ន្ធពីផ្នែកឯកជន រួមមាន៖ អ្នកឧកញ៉ា លី ឃុនថៃ ប្រធានសមាគមស្បែកជើងកម្ពុជា, ឧកញ៉ា លឹម តុង ប្រធានសមាគមផលិតផលធ្វើដំណើរ និងស្បែកនៅកម្ពុជា, ឧកញ៉ា តែ តាំងប៉ ប្រធានសមាគមសម្ព័ន្ធសហគ្រាសធុនតូច និងមធ្យមនៅកម្ពុជា, ឧកញ៉ា ងួន ម៉េងតិច អគ្គនាយកសភាពាណិជ្ជកម្មកម្ពុជា, លោកស្រីឧកញ៉ា នួន ពេជ្រសុផល អគ្គនាយករងជាន់ខ្ពស់នៃសភាពាណិជ្ជកម្មកម្ពុជា, លោកស្រី ឧកញ៉ា កែវ មុំ ប្រធានសមាគមសហគ្រិនស្រ្តីកម្ពុជា ជាដើម។

គោបំណងនៃកិច្ចប្រជុំភាពជាដៃគូនេះ គឺដើម្បីពិភាក្សា និងផ្លាស់ប្តូរយោបល់លើការដាក់ចេញវិធានការមុតស្រួច និងជាក់ស្តែងសំដៅបន្តជំរុញគាំទ្រលើកទឹកចិត្តចំពោះវិស័យឯកជន។ នៅក្នុងកិច្ចប្រជុំនេះ លោកស្រីរដ្ឋមន្ត្រី ប្រធានក្រុមការងារ “ឆ” និងឧកញ៉ា សហប្រធានក្រុមការងារ “ឆ” បានដឹកនាំកិច្ចពិភាក្សាដើម្បីប្រមូលធាតុចូលឱ្យបានគ្រប់ជ្រុងជ្រោយលើបញ្ហាប្រឈម សំណូមពរ និងដំណោះស្រាយ។

បន្ថែមលើនេះ លោកស្រី ចម និម្មល បានស្នើឱ្យក្រសួង-ស្ថាប័នពាក់ព័ន្ធដែលជាតំណាងមកពីរាជរដ្ឋាភិបាល ធ្វើការបំភ្លឺចំពោះបញ្ហាប្រឈម កង្វល់ ក៏ដូចជាសំណូមពរដែលវិស័យឯកជនលើកឡើង និងរៀបចំដាក់ចេញនូវវិធានការ យន្តការសមស្របសម្រាប់ដោះស្រាយតាមសមត្ថកិច្ច និងភារកិច្ចរៀងៗខ្លួន សំដៅលើកកម្ពស់បរិយាកាសវិនិយោគ និងធុរកិច្ចដែលមានការប្រកួតប្រជែងស្មើភាពគ្នា តម្លាភាព ព្រមទាំងរក្សាបាននូវការអនុវត្តច្បាប់ និងបទប្បញ្ញត្តិ ដែលមានជាធរមាន។

សូមជម្រាបជូនថា វេទិការាជរដ្ឋាភិបាល-ផ្នែកឯកជន លើកទី១៩ គ្រោងនឹងរៀបចំនៅខែវិច្ឆិកា ឆ្នាំ២០២៣ខាងមុខនេះ ដើម្បីស្តាប់នូវមតិយោបល់ និងសំណូមពរផ្សេងៗពីវិស័យឯកជន។

នៅក្នុងដឹកនាំកិច្ចប្រជុំពេញអង្គលើកដំបូង នៃគណៈរដ្ឋមន្រ្តីថ្មី អាណត្តិទី៧ កាលថ្ងៃទី២៤ ខែសីហាកន្លងទៅ សម្តេចធិបតី​ ហ៊ុន ម៉ាណែត នាយករដ្ឋមន្រ្តី  បានបញ្ជាក់ថា សម្តេចនឹងដឹកនាំវេទិការាជរដ្ឋាភិបាល-ផ្នែកឯកជន លើកទី១៩ ខាងមុខនេះ ដើម្បីស្តាប់នូវមតិយោបល់ និងសំណូមពរផ្សេងៗ ក៏ដូចជាការដាក់ចេញនូវវិធានការមុតស្រួច និងជាក់ស្តែងមួយចំនួន ដើម្បីបន្តជំរុញគាំទ្រវិស័យឯកជន ដែលជាកម្លាំងចលករនៃកំណើនសេដ្ឋកិច្ច។

ទន្ទឹមគ្នានេះ ឯកឧត្តមបណ្ឌិត ហ៊ុន ម៉ាណែត សូមប្រគល់ភារកិច្ចជូនអគ្គបណ្ឌិតសភាចារ្យ អូន ព័ន្ធមុនីរ័ត្ន, ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងជាប្រធានគណៈកម្មាធិការ គោលនយោបាយសេដ្ឋកិច្ច និង ហិរញ្ញវត្ថុ សម្របសម្រួលជាមួយក្រសួង-ស្ថាប័ន, វិស័យឯកជន ព្រមទាំងភាគីពាក់ព័ន្ធដទៃទៀត ដើម្បីរៀបចំវេទិកានេះ។

សម្តេចធិបតីនាយករដ្ឋមន្រ្តីបានគូសបញ្ជាក់ថា កម្ពុជាពិតជាមានមោទនភាពខ្ពស់បំផុត ជាមួយនឹងការសម្រេចបាននូវសុខសន្តិភាពដ៏ពេញលេញ និងរឹងមាំ ក្នុងរយៈពេល២៥ឆ្នាំកន្លងមក ហើយនៅក្រោមម្លប់ដ៏ត្រជាក់នៃសុខសន្តិភាពនេះ កម្ពុជាសម្រេចបាននូវសមិទ្ធផលធំៗ មិនអាចកាត់ថ្លៃបានយ៉ាងសន្ធឹកសន្ធាប់។

សូមបញ្ជាក់ថា វេទិការាជរដ្ឋាភិបាល-ផ្នែកឯកជន ត្រូវបានរាជរដ្ឋាភិបាលកម្ពុជា ធ្វើឡើងក្នុងរយៈពេល១ឆ្នាំម្តង ជាយន្តការសន្ទនាមួយ ដែលមាននាយករដ្ឋមន្ត្រីនៃកម្ពុជា ជាអ្នកដឹកនាំផ្ទាល់ និងដោយមានការចូលរួមពីរដ្ឋមន្ត្រីគ្រប់ក្រសួង ស្ថាប័ន អភិបាលគ្រប់រាជធានី-ខេត្ត តំណាងផ្នែកឯកជនគ្រប់វិស័យ ឯកអគ្គរដ្ឋទូតប្រចាំកម្ពុជា និងតំណាងស្ថាប័នអន្តរជាតិមួយចំនួន។ វេទិការាជរដ្ឋាភិបាល-ផ្នែកឯកជននេះ ផ្តល់ឱកាសឱ្យផ្នែកឯកជន លើកឡើងនូវបញ្ហាប្រឈម និងសំណូមពរជូនរាជរដ្ឋាភិបាលពិនិត្យ និងចាត់វិធាន ការសមស្របដើម្បីដោះស្រាយ ហើយរាល់ការសម្រេចនៅក្នុងវេទិកានេះ ត្រូវបានចាត់ទុកជាការសម្រេចរបស់គណៈរដ្ឋមន្ត្រី៕

The post អ្នកឧកញ៉ា ឧកញ៉ាច្រើនរូបជួបពិភាក្សាការងារជាមួយរដ្ឋមន្រ្តីក្រសួងពាណិជ្ជកម្ម appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

បើតាមសេចក្តីសម្រេច សមាសភាពក្រុមការងាររបស់ផ្នែកឯកជន គឺធ្វើការពិភាក្សាដើម្បីប្រមូលផ្តុំនូវរាល់បញ្ហាដែលមានចរិតជាគន្លឹះ សម្រាប់លើកឡើងជាមួយក្រុមការងាររាជរដ្ឋាភិបាលជាដៃគូ ឬសម្រាប់លើកឡើងនៅពេលមានការប្រជុំពេញអង្គរបស់វេទិការាជរដ្ឋាភិបាល-ផ្នែកឯកជន តាមរយៈក្រុមប្រឹក្សាអភិវឌ្ឍន៍កម្ពុជា។

ក្នុងករណីមានតម្រូវការបន្ថែម សមាសភាពផ្សេងទៀត ក្នុងក្រុមការងារនីមួយៗរបស់ផ្នែកឯកជន ជាសិទ្ធិសម្រេចរបស់សភាពណិជ្ជកម្ម ដែលត្រូវមានការពិភាក្សាឯកភាពជាមួយសហប្រធាននៃក្រុមការងារសាមុី ដោយឈរលើលក្ខណៈវិនិច្ឆ័យមួយចំនួនច្បាស់លាស់ មានជាអាទិ៍៖ និរន្តភាព ប្រសិទ្ធភាព ភាពជាដំណាង ។ល។ នៃមុខវិជ្ជាជីវៈនីមួយៗ។

ជាមួយគ្នានេះដែលបន្ទាប់ពីរាជរដ្ឋាភិបាលទទួលស្គាល់សមាសភាពជាផ្លូវការហើយ នៅថ្ងៃទី២៤ ខែតុលា ឆ្នាំ២០១៩ អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានសម្របសម្រួលក្រុមការងារទាំង ១៣ផ្នែកឯកជន បានជួបប្រជុំសំណេះសំណាលសហប្រធានក្រុមការងារទាំង ១៣ផ្នែកឯកជន នៃវេទិការាជរដ្ឋាភិបាល -ផ្នែកឯកជន ដើម្បីណែនាំ និងផ្តល់អនុសាសន៍មួយចំនួនជូនដល់សហប្រធានក្រុមការងារទាំង១៣ ដើម្បីធ្វើឲ្យការងារដំណើរការទៅបានរលូន និងមានប្រសិទ្ធភាព។

ទន្ទឹមនឹងនោះ ក្រោយកិច្ចប្រជុំ លោកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា បានឲ្យដឹងថា គោលបំណង គឺដើម្បីពង្រឹង និងអនុវត្តឲ្យកាន់តែមានប្រសិទ្ធភាពថែមទៀត តាមសេចក្តីសម្រេចរបស់រាជរដ្ឋាភិបាល ស្តីពីការទទួលស្គាល់ជាផ្លូវការនូវសមាសភាពក្រុមការងារទាំង១៣ ផ្នែកឯកជន នៃវេទិការាជរដ្ឋាភិបាល-ផ្នែកឯកជន និងសហប្រធានទាំង១៣ ធ្វើសេចក្តីរាយការណ៍ជូនអង្គប្រជុំ ស្តីពីលទ្ធផលសកម្មភាពការងាររបស់ក្រុមការងារនីមួយៗ ដែលបានសម្រេចនាពេលកន្លងមក និងទិសដៅការងារនាពេលខាងមុខ៕

សូមអានសេចក្តីសម្រេចទទួលស្គាល់ជាផ្លូវការ៖

The post ឧកញ៉ាញូស៍ណែនាំឲ្យស្គាល់សមាសភាពក្រុមការងារទាំង១៣ ផ្នែកឯកជននៃវេទិការាជរដ្ឋាភិបាល-ផ្នែកឯកជន appeared first on .