ប្រវត្តិសាស្រ្តថ្មី តូយ៉ូតានាំចូលរថយន្តដឹកតាមនាវាជាង ២០០ គ្រឿង តាមកំពង់ផែខេត្តព្រះសីហនុ

ឧកញ៉ាសម្រែ — Wed, 02 Feb 2022 03:59:11 +0000

នាវាប្រភេទ RORO ឈ្មោះ Astra Ace បានដឹករថយន្តថ្មីរបស់ក្រុមហ៊ុន Toyota (Cambodia) Co. Ltd មានចំនួនច្រើនរហូតដល់ ២៥៨ គ្រឿង តាមមាត់ច្រកកំពង់ផែអន្តរជាតិក្រុងព្រះសីហនុ។

នេះជាប្រវត្តិសាស្រ្តថ្មី និងលើកទី២ ដែលមានការដឹករថយន្តថ្មីចូលច្រើនបំផុតតាមកំពង់ផែខេត្តព្រះសីហនុ ដែលជាច្រកដឹកជញ្ជូនតាមសមុទ្រដ៏សំខាន់នៃប្រទេសកម្ពុជា។

បើតាមប្រភពពីបុគ្គលិកជាន់ខ្ពស់របស់ក្រុមហ៊ុនតូយ៉ូតាប្រចាំនៅកម្ពុជាបានឲ្យឧកញ៉ាញូស៍ដឹងថា រថយន្តតូយ៉ូតាជាង ២០០ គ្រឿងដែលដឹកមកដល់កំពង់ផែខេត្តព្រះសីហនុប៉ុន្មានថ្ងៃមុននេះ មានប្រភពពីប្រទេសឥណ្ឌូណេស៊ី។

បើតាមបុគ្គលិកដដែលបន្តថា ពីមុនការដឹកតាមនាវាត្រូវឈប់សំចតនៅប្រទេសថៃ មុនដឹកជញ្ជូនបន្តមកប្រទេសកម្ពុជាតាមច្រកប៉ោយប៉ែត។

ដោយឡែកការដឹកតាមនាវាដោយផ្ទាល់ពីប្រទេសឥណ្ឌូណេស៊ីមកកាន់កំពង់ផែខេត្តព្រះសីហនុ ចំណេញទាំងពេលវេលា និងថវិកា ដោយមិនចាំបាច់ខាតពេលត្រូវរង់ចាំដឹកបន្តពីប្រទេសថៃដូចមុនទៀតទេ៕

The post ប្រវត្តិសាស្រ្តថ្មី តូយ៉ូតានាំចូលរថយន្តដឹកតាមនាវាជាង ២០០ គ្រឿង តាមកំពង់ផែខេត្តព្រះសីហនុ appeared first on .

ក្រុមហ៊ុនតូយ៉ូតា

ប្រវត្តិសាស្រ្ត​ថ្មី ​​តូយ៉ូតា​នាំ​ចូល​រថយន្ត​ដឹក​តាម​នាវា​ជាង ២០០ គ្រឿង​ តាម​កំពង់ផែ​ខេត្តព្រះសីហនុ

ប្រវត្តិសាស្រ្តថ្មី តូយ៉ូតានាំចូលរថយន្តដឹកតាមនាវាជាង ២០០ គ្រឿង តាមកំពង់ផែខេត្តព្រះសីហនុ