នៅលើទំព័រហ្វេសប៊ុក​ផ្ទាល់​ខ្លួន​ កាលពី​ថ្ងៃទី២១ ខែឧសភា ម្សិលមិញនេះ ឧកញ៉ា កែវ មុំ បាន​លើកឡើង​ថា អបអរ​សាទរគម្រប់ខួប ២២ឆ្នាំនៃការបង្កើតក្រុមហ៊ុន លីលី ហ្វ៊ូដ អ៊ិនដាសទ្រី ខូអិលធីឌី។ ក្នុងឱកាស​ដ៏រីករាយ​នេះ លោកស្រី​សូមថ្លែងអំណរគុណ​ដល់​លោក ស៊ុយ សែម និង​លោក ចម ប្រសិទ្ធ អតីតរដ្ឋមន្ត្រី​ក្រសួង​ឧស្សាហកម្ម ព្រមទាំង លោក ហែម វណ្ណឌី បច្ចុប្បន្នរដ្ឋមន្ត្រីក្រសួងឧស្សាហកម្ម បច្ចេកវិទ្យា វិទ្យាសាស្រ្ត និងនវានុវត្តន៍ និង មន្ត្រីក្រសួងឧស្សាហកម្មទាំងអស់ ដែលតែងតែជួយជ្រោមជ្រែង លើកទឹកចិត្ត​និងផ្ដល់វគ្គ​បណ្ដុះបណ្ដាលពង្រឹងសមត្ថភាពជាច្រើនដល់ក្រុមហ៊ុនលីលី។

ជាមួយគ្នា​នេះ លោកស្រីឧកញ៉ា​ស្ថាបនិកក្រុមហ៊ុនផលិតនំស្រួយលីលី ក៏​សូមថ្លែងអំណរគុណដល់បងប្អូន​ដែល​ជាសមាជិកមហាគ្រួសារនៃក្រុមហ៊ុនលីលីទាំងអស់ ដែលខិតខំប្រឹងប្រែងទាំងកម្លាំងកាយចិត្តធ្វើការនៅក្នុង ក្រុមហ៊ុនលីលីមកដល់បច្ចុប្បន្ននេះ។

ក្រុមហ៊ុន លីលី ហ៊្វូដ អ៊ិនដាសទ្រី បង្កើតឡើងដំបូង​នៅឆ្នាំ២០០២ បច្ចុប្បន្ន​មានរោងចក្រចំនួន ២ គឺ មួយ​ស្ថិតនៅរាជធានីភ្នំពេញ និងមួយទីតាំងទៀតស្ថិតនៅតំបន់សេដ្ឋកិច្ចពិសេសក្នុងខេត្តព្រះសីហនុ ហើយ​អាច​ផលិតនំបានជាង ៣០ ប្រភេទ។ ក្រុមហ៊ុន​ផលិត​នំ​ស្រួយ លីលី មិន​ត្រឹម​ជា​សហគ្រាស​ផលិត​​ ដើម្បី​ផ្គត់​ផ្គង់​​ ក្នុង​ស្រុក​ប៉ុណ្ណោះ​ទេ ថែម​ទាំង​​ក្លាយ​ជា​ក្រុមហ៊ុន​ខ្មែរ​ដំបូង​គេ ដែល​​មាន​សមត្ថភាព​ លក្ខណៈសម្បត្តិ​គ្រប់​គ្រាន់ ក្នុង​ការ​ផលិត​ ជា​ផលិតផល​សម្រេច​ចំណី​អាហារ នាំ​ចេញ​ទៅ​កាន់​ទីផ្សារ​អន្តរជាតិ ដូចជា សហរដ្ឋអាមេរិក កាណាដា អូស្ត្រាលី អ៊ីតាលី ថៃ មីយ៉ាន់ម៉ា វៀតណាម ចិន ម៉ាឡេស៊ី​ កូរ៉េខាងត្បូង ​អាហ្វ្រិក នូវែលសេឡង់ និង​ប្រទេស​​​ផ្សេងៗ​ទៀត​ផង​ដែរ។

លោកជំទាវ ឧកញ៉ា កែវ មុំ ស្ថាបនិក និង​ជាអគ្គនាយិកា​​ក្រុមហ៊ុន​នំ​ស្រួយលីលី ​​ធ្លាប់​ទទួលបានពានរង្វាន់ជា «សហគ្រាស​ល្អបំផុត» ពីចក្រភពអង់គ្លេសកាលពីឆ្នាំ២០១៥ លើ​ជោគជ័យអាជីវកម្មផលិតនំស្រួយ ចែកចាយ​ទាំងលើទីផ្សារក្នុងស្រុក និងលើទីផ្សារអន្តរជាតិ ប្រកបដោយគុណភាព និងអនាម័យខ្ពស់ស្របតាមស្ដង់ដារ​គុណភាពប្រទេសជប៉ុន។ ក្រុមហ៊ុន លីលី ហ៊្វូដ អ៊ិនដាសទ្រី បច្ចុប្បន្ន​ដឹកនាំ​ដោយ​លោកស្រី​ អ៊ឹង ឈីវលី ហៅ​ លីលី កូនស្រីឧកញ៉ា កែវ មុំ ជា​អគ្គនាយិកា និង​​មាន​ឧកញ៉ា កែវ មុំ ជាប្រធាន​ក្រុមប្រឹក្សាភិបាល៕

The post ឧកញ៉ា កែវ មុំ រៀបចំពិធីគម្រប់ខួប ២២ឆ្នាំ នៃការបង្កើតក្រុមហ៊ុនផលិតនំស្រួយលីលី appeared first on .

ឧកញ៉ា កែវ មុំ ស្ថាបនិកក្រុមហ៊ុនផលិតនំស្រួយលីលី ប្រាប់ឧកញ៉ា ញ៉ូស៍ឱ្យដឹងថា បច្ចុប្បន្នក្រុមហ៊ុនលីលី បាននាំចេញទៅប្រទេសអូស្ត្រាលីរួចមកហើយនៅប្រភេទនំាស្រួយ ហើយឥឡូវនេះខាងក្រុមហ៊ុន Perpetuity Capital Pty Ltd មានការចាប់អារម្មណ៍ខ្លំាងលើបន្លែផ្លែឈើគ្រៀម ដែលជាផលិតផលរបស់ក្រុមហ៊ុនលីលី ហើយយើងនឹងធ្វើតេស្តសាកស្បងផ្ញើរគំរូជូនគាត់នៅពេលខាងមុខឆាប់ៗនេះ ក្នុងនោះយើងសង្ឃឹមថាអាចនាំចេញទៅប្រទេសអូស្ត្រាលីបាន។

ឧកញ៉ា កែវ មុំ មានប្រសាសន៍បញ្ជាក់ថា « បើតាមការប៉ាន់ស្មានគម្រោងនាំចេញផលិតផលទៅប្រទេសអូស្ត្រាលីតាមរយៈក្រុមហ៊ុន Perpetuity Capitalប្រហែលជានៅចុងឆ្នំា២០២៣នេះ គឺយើងអាចនាំចេញទៅបាន ហើយនៅក្នុងជំហ៊ាននំាចេញដំបូងគាត់អាចសាកល្បង១កុងតេន័រ៤០ហ្វីត និងមានការបញ្ជាទិញជាបន្តបន្ទាប់ទៀត»។

បើតាមស្ថាបនិកក្រុមហ៊ុនលីលី ថាPerpetuity Capital មានការចាប់អារម្មណ៍ទៅលើផលិតផលលីលី ដោយសារក្រុមហ៊ុនលីលី បាននាំចេញផលិតផលដោយមានការទទួលស្គាល់ដោយប្រទេសអូស្ត្រាលី។ ចំពោះកសិផលរបស់ខ្មែរមានគុណភាព និងរសជាតិឆ្ងុយឆ្ងាញ់ នៅពេលដែលយើងយកបន្លែផ្លែឈើមកកែច្នៃអាចប្រកួតប្រជែងនៅលីទីផ្សារអន្តរជាតិបាន។ហេតុដូចនេះហើយ ទើបគាត់ចាប់អារម្មណ៍មកលើផលិតផលក្រុមហ៊ុនលីលី។

កន្លងមកក្រុមហ៊ុនលីលី ធ្លាប់ធ្វើកុងត្រាជាមួយក្រុមហ៊ុនធំ១នៅលើពិភពលោក ដែលនាំផលិតផលក្រុមហ៊ុនលីលី យកទៅលក់នៅប្រទេសអូស្ត្រាលី ដោយឡែកសម្រាប់វត្តមានរបស់ក្រុមហ៊ុន Perpetuity Capital ជាក្រុមហ៊ុនថ្មីឬអាចចាត់ទុកជាក្រុមហ៊ុនទី២ បន្ទាប់ក្រុមហ៊ុនទី១ បាននាំចេញផលិតផលរបស់ក្រុមហ៊ុនលីលី អស់ពេល៤ឬ៥ឆ្នំារួចមកហើយ។

ឧកញ៉ា កែវ មុំ សង្កត់ធ្ងន់ថា« ចំពោះទីផ្សាររបស់ប្រទេសអូស្ត្រាលីដែលយើងមើលឃើញជាទីផ្សារមួយដ៏ធំជាពិសេសក្រុមហ៊ុនដែលគាត់បានមកទិញផលិតផលពីយើងគឺគាត់មានទីផ្សារនិងមានកន្លែងចែកចាយទូលំទូលាយរហូតដល់៦ពាន់កន្លែង។ដូចនេះសក្តានុពលនៃការនាំចេញពិតជាមានច្រើន»៕

អត្ថបទ៖សារេត

The post ក្រុមហ៊ុនលំដាប់យក្សរបស់អូស្ត្រាលី១ ត្រៀមនាំចេញផលិតផលខ្មែរទៅលក់លើទីផ្សារប្រទេសអូស្ត្រាលី នៅចុងឆ្នំានេះ appeared first on .