សម្តេចតេជោ៖ កម្ពុជានឹងមានរោងចក្រដំឡើងរថយន្តTOYOTA នៅតំបន់សេដ្ឋកិច្ចពិសេសភ្នំពេញ

Kem sinath — Thu, 01 Dec 2022 07:33:26 +0000

មានប្រសាសន៍បែបនេះ ក្នុងឱកាសអញ្ជើញអបអរសាទរខួប១១ឆ្នាំនៃប្រតិបត្តិការរបស់ក្រុមហ៊ុនមីនេបៀ Minebea(Cambodia) នៅតំបន់សេដ្ឋកិច្ចពិសេសភ្នំពេញ នាថ្ងៃទី០១ ខែធ្នូ ឆ្នាំ២០២២នេះ នាយករដ្ឋមន្រ្តីសម្តេចតេជោ ហ៊ុន សែន បានប្រកាសថា ក្នុងពេលឆាប់ៗខាងមុខនេះ រោងចក្រដំឡើងរថយន្តតូយ៉ូតា នឹងមានវត្តមាននៅក្នុងតំបន់សេដ្ឋកិច្ចពិសេសភ្នំពេញ។

នាឱកាសនោះ សម្តេចតេជោ បានឱ្យដឹងថា លោកនាយករដ្ឋមន្រ្តីជប៉ុន ធ្លាប់បានស្នើសុំឱ្យកម្ពុជាគាំទ្រនៅគម្រោងទាក់ទិននឹងការបង្កើតក្រុមហ៊ុនតូយ៉ូតានេះ។

សូមរម្លឹកថា កាលពីថ្ងៃទី០៨ ខែកញ្ញា ឆ្នាំ២០២២កន្លងទៅ ក្រុមប្រឹក្សាអភិវឌ្ឍន៍កម្ពុជា CDC បានសម្រេចអនុម័តលើគម្រោងវិនិយោគរបស់ក្រុមហ៊ុនផលិតរថយន្តដ៏ល្បីរបស់ជប៉ុន គឺក្រុមហ៊ុន Toyota Tsusho Manufacturing (Cambodia) Co., Ltd. លើគម្រោងបង្កើតរោងចក្រផ្គុំ និងដំឡើងរថយន្តតូយ៉ូតា នៅក្នុងប្រទេសកម្ពុជាក្រោមទុនវិនិយោគចំនួន ៣៦,៧លានដុល្លារអាមេរិក និងអាចបង្កើតការងារបានចំនួនប្រមាណ ១៥០នាក់។

បើតាមសម្តេចតេជោ ហ៊ុន សែន បានអះអាងដែរថា សមិទ្ធិផលទាំងអស់នេះ បានកើតឡើងជាបន្តបន្ទាប់ ដោយសារកត្តាសន្តិភាព និងស្ថេភាពនយោបាយ ទើបជំរុញឱ្យកម្ពុជាបានទាក់ទាញការវិនិយោគពីក្រុមហ៊ុនផលិតរថយន្តម៉ាកល្បីៗរបស់ពិភពលោក៕

អត្ថបទ៖ រង្សី

The post សម្តេចតេជោ៖ កម្ពុជានឹងមានរោងចក្រដំឡើងរថយន្តTOYOTA នៅតំបន់សេដ្ឋកិច្ចពិសេសភ្នំពេញ appeared first on .

ក្រុមហ៊ុនមីនីបៀ បានកាត់បន្ថយការចំណាយលើអគ្គិសនីនៅកម្ពុជាប្រមាណ១លានដុល្លារក្នុង១ឆ្នាំ

រ៉េត សុកធា — Wed, 27 Jul 2022 03:49:47 +0000

នាយកប្រតិបត្តិក្រុមហ៊ុនមីនីបៀ (Minebea Mitsumi) បានឲ្យដឹងថា នៅកម្ពុជាក្រុមហ៊ុនបានតំឡើង អំពូល LED បានចំនួនជិត២ម៉ឺនអំពូល ដែលក្នុងនោះ បានជួយដល់ការកាត់បន្ថយការប្រើប្រាស់អគ្គិសនីនៅកម្ពុជា ព្រមទាំងកាត់បន្ថយ ការចំណាយលើ អគ្គិសនីប្រមាណ១លានដុល្លារក្នុង១ឆ្នាំផង។

នេះបើយោងតាមជំនួបសម្តែងការគួរសម រវាងសម្តេច ហ៊ុន សែន ជាមួយលោក យ៉ូស៊ីហ៉ីសា កៃនុម៉ា (Yoshihisa Kainuma) នាយកប្រតិបត្តិក្រុមហ៊ុនមីនីបៀ (Minebea Mitsumi) ដើម្បីពិភាក្សាកិច្ចមួយចំនួនពាក់ព័ន្ធការវិនិយោគរបស់ក្រុមហ៊ុននៅកម្ពុជា កាលថ្ងៃទី២៦ ខែកក្កដា ឆ្នាំ២០២២។

ក្នុងជំនួបនោះ លោក កៃនូម៉ា បានគោរពរាយការណ៍ពីវឌ្ឍនភាពរបស់ក្រុមហ៊ុនថា ក្រុមហ៊ុនរបស់លោក គឺយកចិត្តទុកដាក់ខ្លាំងទៅលើគុណភាព តម្លៃ សេដ្ឋកិច្ច សេវាល្អ និងល្បឿនលឿន និងជាពិសេសទៅទៀតនោះ គឺយកចិត្តទុកដាក់ខ្លាំង ទៅលើវិស័យបរិស្ថាន ។

ជាក់ស្តែងលោកបញ្ជាក់ដូច្នេះថា«រោងចក្ររបស់លោកផលិតភ្លើងអំពូលអិលអ៊ីឌី 100% នៅ កម្ពុជា ហើយបាននាំចេញទៅ លើទីផ្សារទូទាំងពិភពលោក ។ ដោយឡែកនៅកម្ពុជាក្រុមហ៊ុនបានតំឡើង អំពូល LED បានចំនួន ១៨.៨៨០អំពូល ដែលក្នុងនោះ បានជួយដល់ការកាត់បន្ថយការប្រើប្រាស់អគ្គិសនីផង ការកាត់បន្ថយការសាយភាយឧស្ម័ន កាបូនិចផង ព្រមទាំងកាត់បន្ថយ ការចំណាយលើ អគ្គិសនីប្រមាណ១លានដុល្លារក្នុង១ឆ្នាំផង»។

ជាការឆ្លើយតប សម្ដេច បានសម្ដែងនូវការរីករាយនិងសាទរជូនចំពោះ ក្រុមហ៊ុន ដែលរយៈពេល ១០ ឆ្នាំកន្លងមក ទទួលបានជោគជ័យ, ពង្រីកសកម្មភាពរបស់ខ្លួន ជាបន្តបន្ទាប់។ជាមួយគ្នានេះ សម្ដេច ក៏បានរំឭកអំពីប្រវត្តិក្រុមហ៊ុនមីនីបៀ ជាពិសេសនៅពេលដែលក្រុមហ៊ុនសម្រេចចិត្តមកវិនិយោគ នៅកម្ពុជាដែលពេលនោះ សម្ដេច បានអនុវត្តនូវយុទ្ធសាស្ត្រ ២ នោះគឺត្រីណាមកដល់មុនគឺចាប់យកត្រីនោះ និងត្រូវធ្វើយ៉ាងណា ឲ្យក្រុមហ៊ុនទាំងអស់ ដែលមកកម្ពុជា មានជំនឿចិត្ត ចំពោះកម្ពុជា។

គួរបញ្ជាក់ថា រហូតមកដល់ពេលនេះ ក្រុមហ៊ុនមីនីបៀ (Minebea Mitsumi) បានដំណើរការបានប្រមាណ១០ឆ្នាំកន្លងមកហើយ ដែលក្នុងនោះ ក្រុមហ៊ុនបានដាក់ទុនវិនិយោគ សរុបប្រមាណ ១.១២៤ពាន់លានយ៉េន នៅទូទាំងពិភពលោក ដែលមាន៩៥កន្លែងជុំវិញពិភពលោក ៕

The post ក្រុមហ៊ុនមីនីបៀ បានកាត់បន្ថយការចំណាយលើអគ្គិសនីនៅកម្ពុជាប្រមាណ១លានដុល្លារក្នុង១ឆ្នាំ appeared first on .