ការប្រកាសនេះ ធ្វើឡើងនៅរសៀលថ្ងៃទី១៤ ខែមិថុនានេះ អំឡុងពេលនៃការផ្សាយផ្ទាល់ពិសេសមូលនិធិស៊ីធីអិន ដើម្បីទ្រទ្រង់កងទ័ពការពារព្រំដែនជាតិ លើកញ្ចក់ទូរទស្សន៍ CTN MyTV និង CBS digital។

តបតាមការអំពាវនាវពីសំណាក់សម្តេចតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា, មូលនិធិ CTN ទ្រទ្រង់កងទ័ពការពារជាតិនៃក្រុមហ៊ុន CBS របស់អ្នកឧកញ៉ា គិត ម៉េង សហការជាមួយសមាគមសិល្បករខ្មែរ, ក្រុមហ៊ុន សែលខាត និងធនាគារ វីង បានប្រកាសចាប់ផ្តើមកៀរគរថវិកាជួយដល់កងទ័ព ដែលកំពុងឈរជើងការពារដែនអធិបតេយ្យភាពជាតិនៅតាមបន្ទាត់ព្រំដែនកម្ពុជា-ថៃ។

ការបង្កើតមូលនិធិទ្រទ្រង់កងទ័ពការពារជាតិនេះ គឺដើម្បីសម្រួលដល់ប្រជាពលរដ្ឋ និងសប្បុរសជនគ្រប់មជ្ឈដ្ឋាន អាចចូលរួមបរិច្ចាគថវិកាតាមលទ្ធភាព តាមរយៈប្រព័ន្ធធនាគារវីង ហើយថវិកាដែលប្រមូលបាន នឹងយកទៅជួយទ្រទ្រង់ដល់កងទ័ពកម្ពុជា ដែលកំពុងឈរជើងការពារព្រំដែន។

សូមបញ្ជាក់ថា សម្តេចតេជោ ហ៊ុន សែន តាមរយៈថ្លែងការណ៍ចេញពីព្រឹទ្ធសភា នៅថ្ងៃទី២៩ ខែឧសភា ឆ្នាំ២០២៥នេះ បានអំពាវនាវប្រជាពលរដ្ឋទាំងអស់ ឱ្យចូលរួមឧបត្ថម្ភតាមការស្ម័គ្រចិត្តដល់កងទ័ព ដើម្បីបង្ហាញពីភាពរួបរួមគ្នាជាធ្លុងមួយនៃខឿនការពារជាតិរបស់កម្ពុជា។ ជាងនេះទៅទៀត នៅអំឡុងនៃការធ្វើសមាជរដ្ឋសភា និងព្រឹទ្ធសភា នាថ្ងៃទី២ ខែមិថុនា សម្តេចតេជោ ហ៊ុន សែន ក្នុងនាមប្រធានសមាជ ក៏បានអំពាវនាវដល់ស្ថានីយទូរទស្សន៍ និងវិទ្យុ បង្កើតជាមូលនិធិទ្រទ្រង់កងទ័ពការពារជាតិ ដូចកាលឆ្នាំ២០០៨ ២០០៩ ២០១០ និងឆ្នាំ២០១១។

ជាមួយគ្នានេះ សម្តេចតេជោ ហ៊ុន សែន ប្រធានព្រឹទ្ធសភាកម្ពុជា និងសម្តេចកិត្តិព្រឹទ្ធ បណ្ឌិត ប៊ុន រ៉ានី ហ៊ុនសែន ក៏បានប្រកាសចូលរួមថវិកា ៣០០លានរៀលដំណាក់កាល ដំបូង ជាមួយមូលនិធិទូរទស្សន៍ CTN ដើម្បីជួយទ្រទ្រង់កងទ័ពកំពុងឈរជើង ការពារទឹកដី។ សម្តេចតេជោ ក៏បានអំពាវនាវដល់ប្រជាពលរដ្ឋចូលរួមភ្ជាប់និស្ស័យជាមួយ កងទ័ព និង ជាមួយជាតិ និងទឹកដីទាំងអស់គ្នា តាមរយៈមូលនិធិទូរទស្សន៍ CTN។

គួររំលឹកថា កាលពីឆ្នាំ២០០៨ ក្រុមហ៊ុន CBS របស់អ្នកឧកញ៉ា គិត ម៉េង បានបង្កើតមូលនិធិ CTN ដើម្បីប្រមូលថវិកាជួយដល់កងទ័ពដែលកំពុងឈរជើងការពារដែនអធិបតេយ្យភាពនៅតាមបន្ទាត់ព្រំដែនកម្ពុជា-ថៃ ជាពិសេស គឺជួយទ្រទ្រង់ទៅដល់តំបន់ប្រាសាទព្រះវិហារ ប្រាសាទតាមាន់ និងប្រាសាទតាក្របីផងដែរ៕

The post ក្រុមហ៊ុន ជីបម៉ុង គ្រុប ប្រកាសឧបត្ថម្ភថវិកា ២០០លានរៀល ដល់មូលនិធិ CTN ទ្រទ្រង់កងទ័ពការពារជាតិ តបតាមការអំពាវនាវរបស់សម្តេចតេជោ ហ៊ុន សែន appeared first on .

ក្នុងនាមជាសហគ្រិនខ្មែរមួយរូប ដែលផ្ដោតខ្លាំងបំផុតលើការបណ្ដុះបណ្ដាល ដល់ធនធានយុវជនកម្ពុជា ឱ្យកាន់តែមានចំណេះ ជំនាញថ្មីៗ ប្រដាំប្រសងនឹង ភាពរីកចម្រើនរបស់ពិភពលោក អ្នកឧកញ៉ា លាង ម៉េង សហស្ថាបនិក និងជាប្រធានក្រុមអគ្គនាយក ខ្មែរ ប៊ែវើរីជីស  តែងតែយកចិត្តទុកដាក់ ដឹកនាំ និងបញ្ជូន បុគ្គលិកជំនាញផ្នែកបច្ចេកទេសពីប្រទេសកម្ពុជា ទៅចូលរួមព្រឹត្តិការណ៍ ឬកម្មវិធីធំៗនៅទូទាំងពិភពលោក ដែលភាគច្រើនពាក់ព័ន្ធជាមួយនឹងការអភិវឌ្ឍបច្ចេកវិទ្យាទំនើបចុងក្រោយ។ 

អ្នកឧកញ៉ា លាង ម៉េង បានបន្តដឹកនាំ បុគ្គលិកជំនាញ ក្រុមហ៊ុន ខ្មែរ ប៊ែវើរីជីស ចូលរួមពិព័ណ៌ ProPak Asia ដែលជាកម្មវិធីពិព័ណ៌អន្តរជាតិលើកទី៣១ ស្ដីពីដំណើរការផលិត និងស្តង់ដារនៃការវេចខ្ចប់ផលិតផលប្រចាំទ្វីបស៊ី (The 31st International Processing and Packaging Exhibition for Asia) រៀបចំឡើងចាប់ពីថ្ងៃទី១២ ដល់ថ្ងៃទី១៥ ខែមិថុនា ឆ្នាំ២០២៤ នៅទីក្រុងបាងកក ប្រទេសថៃ។ 

ProPak Asia គឺជាព្រឹត្តិការណ៍ពាណិជ្ជកម្មអន្តរជាតិលំដាប់លេខមួយរបស់អាស៊ីសម្រាប់បច្ចេកវិទ្យាកែច្នៃ និងវេចខ្ចប់។ ProPak Asia ក៏ជាព្រឹត្តិការណ៍ដ៏សំខាន់ប្រចាំតំបន់អាស៊ី ដែលមានការចូលរួមចែករំលែក ផ្លាស់ប្ដូរបទពិសោធន៍ដោយផ្ទាល់ពី ប្រធានក្រុមហ៊ុន ម្ចាស់រោងចក្រ សហគ្រាស ដែលកំពុងប្រតិបត្តិការធុរកិច្ច មុខជំនួញធំៗ ជាពិសេសចែករំលែកបទពិសោធន៍ពីអ្នកជំនាញអន្តរជាតិ ដោយផ្ដោតសំខាន់លើគុណភាព និងភាពខុសគ្នានៃការផលិតផល ការវេចខ្ចប់ និងស្តង់ដារផលិតកម្ម ដែលចាំបាច់ត្រូវតែជំរុញឱ្យកាន់តែមានស្តង់ដារប្រកួតប្រជែងខ្ពស់ ដោយស្វ័យប្រវត្តិកម្មថ្មីៗ និងភាពជឿនលឿននៃបច្ចេកវិទ្យារបស់ពិភពលោកនាពេលបច្ចុប្បន្ន។ 

ហើយអ្នកឧកញ៉ា លាង ម៉េង ក៏មិនខកខាន និងបែងចែកបុគ្គលិកជំនាញបច្ចេកទេសមួយក្រុមទៀត ចូលរួមសិក្ខាសាលាឧស្សាហកម្មផលិតស្រាបៀរនិងភេសជ្ជៈនៅអាស៊ីអាគ្នេយ៍ ដែលរៀបចំរួមគ្នាដោយ VLB Berlin និង Thailand Beer Industry Guild (TBIG) ដែលប្រជុំដោយក្រុមអ្នកជំនាញនៃសមាគមអ្នកផលិតភេសជ្ជៈមកពីទូទាំងពិភពលោក មានប្រភពមកពីទីក្រុង ប៊ែកឡាំង ប្រទេសអាល្លឺម៉ង់ ចាប់ពីថ្ងៃទី៩ ដល់ ១១មិថុនា ដើម្បីចែករំលែកចំណេះដឹងពីច្ចេកវិទ្យាថ្មីៗ ចុងក្រោយ ដែលទើបតែស្រាវជាវឃើញដោយអ្នកជំនាញលើពិភពលោក។

គួររំឮកថា ដើម្បីបន្តអភិវឌ្ឍន៍ធនធាន មនុស្សរបស់កម្ពុជា និង ធ្វើយ៉ាងណាឱ្យក្រុមហ៊ុន ខ្មែរ ប៊ែវើរីជីស បន្តចាក់គ្រឹះកាន់តែរឹងមាំ មានកេរ្តិ៍ឈ្មោះរាប់រយឆ្នាំ ផ្ដល់ឱកាសការងារដល់យុវជនខ្មែរជំនាន់ក្រោយ ឱ្យមានសមត្ថភាពពេញលេញក្នុងការប្រកួតប្រជែងជាមួយបណ្ដា ក្រុមហ៊ុន លំដាប់ពិភពលោកបាន ជារៀងរាល់ឆ្នាំ អ្នកឧកញ៉ា លាង ម៉េង តែងបញ្ជូនបុគ្គលិករបស់ខ្លួន ចូលរួមកម្មវិធី សិក្ខាសាលា និងវគ្គបណ្ដុះបណ្ដាលអន្តរជាតិនៅបរទេសជាបន្តបន្ទាប់ ដូចជានៅតាមបណ្ដាប្រទេសជឿនលឿនក្នុងតំបន់អាស៊ាន ប្រទេសអាល្លឺម៉ង់ ប្រទេសស្វីស និងបណ្ដាប្រទេសជាច្រើនទៀត នៅទ្វីបអឺរ៉ុបជាដើម៕

The post ចង់នាំយកបច្ចេកវិទ្យាស្វ័យទំនើបកម្មចុងក្រោយរបស់ពិភពលោក មាននៅកម្ពុជា អ្នកឧកញ៉ា លាង ម៉េង បន្តបញ្ជូនយុវជនខ្មែរចូលរួមកម្មវិធី ProPak Asia និង Brewing Conference appeared first on .

ភេសជ្ជៈ EXPREZ រសជាតិស្ត្រប៊ែរី ឆ្ងាញ់ មានការរចនាដបស្អាត ល្អដាច់គេ មើលពីខាងណាក៏ឆ្វាច រូបរាងអ៊េម សក្តិសមបំផុតសម្រាប់យុវវ័យសម័យថ្មី។ លើសពីនេះ ភេសជ្ជៈ EXPREZ រសជាតិស្ត្រប៊ែរី ផ្តល់ឱកាសឈ្នះរង្វាន់ជាច្រើននៅក្រោមគម្របដប រួមមាន៖ រថយន្តទំនើបស៊េរីថ្មី Toyota Raize, ម៉ូតូHonda Beat ស៊េរីថ្មី, រង្វាន់ទូរស័ព្ទ Samsung ស៊េរីថ្មី និងលុយសុទ្ធជាច្រើនរង្វាន់ជារៀងរាល់ខែ។ ជាពិសេស ភេសជ្ជៈ EXPREZ រសជាតិស្ត្រប៊ែរី ជាផលិតផល «Made in Cambodia» មានស្តង់ដារគុណភាព ជឿជាក់ហ្មង។

សូមរំលឹកបន្តិចថា កាលពីឆ្នាំ ២០២៣​​ ខ្មែរ​ ប៊ែវើរីជីស បានណែនាំម៉ាកយីហោភេសជ្ជៈ EXPREZ រសជាតិស្ត្រប៊ែរី កំប៉ុងដំបូងបំផុត ដែលត្រូវបានទីផ្សារទទួលស្គាល់ខ្លាំង និងមានការពេញនិយមពីអតិថិជន។​ នេះ ជាហេតុធ្វើឱ្យ ខ្មែរ​ ប៊ែវើរីជីស សម្រេចចិត្តសម្ភោធ EXPREZ រសជាតិស្ត្រប៊ែរី ដប ចំណុះ 500ml បន្ថែមទៅលក់ក្នុងទីផ្សារនៅថ្ងៃនេះ។

គួរបញ្ជាក់ផងដែរថា ក្រុមហ៊ុន ខ្មែរ ប៊ែវើរីជីស ផលិតនូវភេសជ្ជៈ «Made in Cambodia»​ ប្រើប្រាស់គ្រឿងចក្រទំនើបៗ បច្ចេកវិទ្យាចុងក្រោយបង្អស់ពីប្រទេសអាល្លឺម៉ង់ និងគ្រឿងផ្សំល្អបំផុតពីសហគមន៍អឺរ៉ុប ដែលជំរុញឱ្យ ខ្មែរ ប៊ែវើរីជីស ទទួលបាននូវមេដាយមាស Monde Selection ៣៧គ្រឿងច្រើនជាងគេបំផុតនៅកម្ពុជា ពីស្ថាប័នអន្តរជាតិបញ្ជាក់ពីគុណភាពផលិតផល, វិញ្ញាបនបត្រ ISO 9001 បញ្ជាក់ពីប្រព័ន្ធគ្រប់គ្រងគុណភាព, វិញ្ញាបនបត្រ ISO 14001បញ្ជាក់ពីប្រព័ន្ធគ្រប់គ្រងបរិស្ថាន ព្រមទាំងទទួលបានពានរង្វាន់គ្រប់គ្រងច្រវាក់ផលិតកម្មលំដាប់ពិភពលោក (World Class Operation Management)។

ផឹក EXPREZ រសជាតិស្ត្រប៊ែរី ឆ្ងាញ់ ធ្វើឱ្យអ្នកមានថាមពលដល់រាងកាយ ដើម្បីបញ្ចេញស្ទាយដ៏រស់រវើករបស់ខ្លួន។

EXPREZ! Exprez Yourself!

The post EXPREZ រសជាតិស្ត្រប៊ែរី ដបចំណុះ 500ml ឆ្ងាញ់ គុណភាពជឿជាក់ហ្មង appeared first on .

ក្នុងនាមជាថ្នាក់ដឹកនាំកំពូល ដែលបានដឹកនាំ ក្រុមហ៊ុន ជីប ម៉ុង អស់រយៈពេល ជាង ៤០ឆ្នាំ ដោយមានបុគ្គលិករាប់ពាន់នាក់ អ្នកឧកញ៉ា លាង ម៉េង ពិតជាសូមកោតសរសើរ និងស្ងប់ស្ងែង លោកបណ្ឌិត ចន ស៊ី ម៉ាក់ស្វែល (John C. Maxwell) ដែលផ្តល់កិត្តិយសជ្រើសរើសសណ្ឋាគារ ហៃយ៉ាត់ រីជិនស៊ី ភ្នំពេញ ក្នុងការបើកវគ្គបណ្ដុះបណ្ដាលភាពជាអ្នកដឹកនាំ និងចំណាយពេលវេលា ក្នុងកិច្ចពិភាក្សាខ្លី ជាមួយអ្នកឧកញ៉ា ក្នុងដំណើរទស្សនកិច្ចលើកទី១របស់លោកបណ្ឌិតមកប្រទេសកម្ពុជា។  

ទន្ទឹមគ្នានេះ អ្នកឧកញ៉ា លាង ម៉េង  ក្នុងនាមជាអ្នកដឹកនាំមួយរូបដែលតែងតែបើកទូលាយនូវការរៀនសូត្រ ផ្លាស់ប្តូរបទពិសោនធ៍ពីថ្នាក់ដឹកនាំល្បីៗ ដើម្បីយកមកអភិវឌ្ឍក្រុមហ៊ុន បានសង្កត់ធ្ងន់ថា អ្នកឧកញ៉ា បានរៀនសូត្រខ្លឹមសារ គោលការណ៍នៃភាពជាអ្នកដឹកនាំសំខាន់ៗ ៣ចំណុច ចេញពីសំណេរ នៃសៀវភៅ «The 16 Undeniable Laws of Communication » គឺ «ការព្រមទទួលសម្ពាធ វប្បធម៍នៃការបត់បែន និង ការដោះស្រាយបញ្ហា»។ ហើយមិនត្រឹមតែប៉ុណ្ណោះ   គោលការណ៍ភាពជាអ្នកដឹកនាំទាំង ៣នេះ ក៏បាននឹងកំពុង យកមកជាចំណែកមួយក្នុងការអនុវត្តដឹកនាំក្រុមហ៊ុន ជីប ម៉ុង ឱ្យដំណើរការយ៉ាងរលូន និងឈរជើងរឹងមាំនៅក្នុងទីផ្សារ កម្ពុជា អស់ជាច្រើនឆ្នាំមកហើយ។

ចំណែក លោកបណ្ឌិត ចន ស៊ី ម៉ាក់ស្វែល (John C. Maxwell) ក៏បានបង្ហាញភាពភ្ញាក់ផ្អើល បន្ទាប់ពីលោកបណ្ឌិតបានឃើញពីការដឹកនាំដ៏ជោគជ័យរបស់អ្នកឧកញ៉ា លាង ម៉េង ដែលកំពុងគ្រប់គ្រងក្រុមហ៊ុនធំៗរបស់ក្រុមហ៊ុន ជីប ម៉ុង រួមទាំងបានថតរូបទុកជាអនុស្សាវរីយ៍ផងដែរ។

សូមរំលឹកថា លោកបណ្ឌិត ចន ស៊ី ម៉ាក់ស្វែល (John C. Maxwell) បានអញ្ជើញមកធ្វើទស្សនកិច្ចនៅប្រទេសកម្ពុជា ជាលើកទី១ កាលពីថ្ងៃទី០៩ ខែឧសភា និងបានបើកវគ្គបណ្តុះបណ្តាលផ្តោតសំខាន់លើភាពជាអ្នកដឹកនាំ ជូនដល់អ្នកចូលរួមនៅក្នុងប្រទេសកម្ពុជា ជាច្រើនពាន់នាក់។ ក្រៅពីលោកបណ្ឌិតបានជួបសំណេះសំណាល ពិភាក្សាការងារ ជាមួយនឹងសម្ដេចធិបតី ក៏ដូចជាថ្នាក់ដឹកនាំមួយចំនួននៅក្នុងប្រទេសកម្ពុជាផងដែរ៕

The post អ្នកឧកញ៉ា លាង ម៉េង ជួបផ្ទាល់អ្នកនិពន្ធ John C. Maxwell ចែករំលែកបទពិសោធន៍ភាពជាអ្នកដឹកនាំ ៣ចំណុច ចេញពីសៀវភៅ «The 16 Undeniable Laws of Communication »  appeared first on .

ថវិកា ដែល ជីប ម៉ុង បានចូលរួមបរិច្ចាគជូនកាកបាទក្រហមក្រហមកម្ពុជា ក្នុងឱកាសខួបលើកទី១៦១ ទិវាពិភពលោក កាកបាទក្រហម និងអឌ្ឍចន្ទក្រហម ៨ ឧសភា ២០២៤នេះ ក៏ដូចជាឆ្នាំកន្លងមក គឺដើម្បីរួមចំណែកទ្រទ្រង់ ឱ្យសមាគមជាតិមួយនេះ មានធនធានបន្តផ្តល់សេវាកម្មមនុស្សធម៌ ដោះស្រាយបញ្ហាប្រឈមនានា បន្តពង្រឹងភាពធន់សហគមន៍ និងជួយសម្រាលទុក្ខលំបាកប្រជាពលរដ្ឋរងគ្រោះ និងងាយរងគ្រោះបំផុតតាមគោលការណ៍ គ្រឹះរបស់ចលនាអន្តរជាតិ កាកបាទក្រហម និងអឌ្ឍចន្ទក្រហម។

គួររំឮកដែរថា ក្រុមហ៊ុន ជីប ម៉ុង គឺជាក្រុមហ៊ុនពហុវិស័យក្នុងស្រុក ដែលតែងតែចូលរួមចំណែកយ៉ាងសកម្មក្នុងការងារ មនុស្សធម៌ និងសប្បុរសធម៌ទូទាំងប្រទេសកម្ពុជាជារៀងរហូតមក។ រយៈពេល ៤ឆ្នាំចុងក្រោយ គិតចាប់ពីឆ្នាំ២០២១ រហូតដល់ឆ្នាំ២០២៤ នេះ ថ្នាក់ដឹកនាំកំពូល ក្រុមហ៊ុន ជីប ម៉ុង បានចូលរួមថវិកាសប្បុរសធម៌ ជាមួយកាកបាទក្រហមកម្ពុជា សរុបចំនួន៣លាន ២៣ម៉ឺនដុល្លារអាមេរិក។

ក្នុងនោះរួមមាន៖កាលពីថ្ងៃទី២៧ ខែឧសភា ឆ្នាំ២០២១ ក្រុមហ៊ុន ជីប ម៉ុង បានបរិច្ចាគថវិកា ១លានដុល្លារសហរដ្ឋអាមេរិក ជូនកាកបាទក្រហមកម្ពុជា សម្រាប់សាងសង់លំនៅឋានជូនអតីតយុទ្ធជនក្រីក្រ និងអតីតយុទ្ធជនមានពិការភាព។ថ្ងៃទី២៨ មីនា ២០២២ ក្រុមហ៊ុន ជីប ម៉ុង បាននាំយកអំណោយសប្បុរសធម៌ជាថវិកាចំនួន ៧០ ម៉ឺនដុល្លារអាមេរិក ប្រគល់ជូនកាកបាទក្រហមកម្ពុជា ក្នុងឱកាសអបអរខួបទី១៥៩ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ២០២២។

ថ្ងៃទី០៥ ខែមេសា ឆ្នាំ២០២៣ លោកអ្នកឧកញ៉ា ភាព ហៀក ស្ថាបនិកក្រុមហ៊ុន ជីប ម៉ុង, លោកអ្នកឧកញ៉ា លាង ឃុន ប្រធានក្រុមប្រឹក្សា ភិបាលក្រុមហ៊ុន ជីប ម៉ុង និងអ្នកឧកញ៉ា លាង ម៉េង សហស្ថាបនិក និងប្រធានអគ្គនាយកក្រុមហ៊ុន ជីប ម៉ុង បានឧបត្ថម្ភថវិកា ចំនួន ៧០ម៉ឺនដុល្លារ ជូនកាកបាទក្រហមកម្ពុជា ក្នុង ឱកាសខួបលើកទី១៦០ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៣ ។ហើយក្នុងឆ្នាំ២០២៤នេះ ក្រុមហ៊ុន ជីប ម៉ុង បានបរិច្ចាគថវិកាចំនួន ៨៣ម៉ឺនដុល្លារអាមេរិកបន្ថែមទៀត ជូនដល់កាកបាទក្រហមកម្ពុជា ក្នុងឱកាស ខួប១៦១ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ២០២៤ ៕

The post ថវិកាសប្បុរសធម៌ ក្រុមហ៊ុន ជីប ម៉ុង ចូលរួមកាកបាទក្រហមកម្ពុជាកើនឡើងដល់ ៨៣ម៉ឺនដុល្លារ ក្នុងឆ្នាំ២០២៤ appeared first on .

អ្នកឧកញ៉ា លាង ឃុន សហស្ថាបនិក និងប្រធានក្រុមប្រឹក្សាភិបាលក្រុមហ៊ុន ជីប ម៉ុង បានមានប្រសាសន៍ថា៖ «ក្រុមហ៊ុន ជីប ម៉ុង ចូលរួមនិងគាំទ្រយ៉ាងពេញទំហឹងចំពោះស្មារតី «ខ្មែរ ជួយ ខ្មែរ» ដែលបង្កើតឱ្យមានការជួបជុំ និងរួមគ្នាជាធ្លុងមួយពីគ្រប់ភាគីទាំងអស់ ជាពិសេសផ្តល់ស្នាមញញឹមដល់កុមារកម្ពុជា និងជំរុញឱ្យប្អូនៗងៀកមកចូលរួមលេងកីឡា ដើម្បីសុខភាព និងជៀសវាងពីការប្រើប្រាស់គ្រឿងញៀនទាំងអស់គ្នា។» 

អ្នកឧញ៉ា លាង ម៉េង បានបន្តទៀតថា ក្រុមហ៊ុន ជីប ម៉ុង តែងតែចូលរួមជាសកម្មជាមួយប្រមុខរាជរដ្ឋាភិបាល និងក្នុងការផ្តល់ត្រលប់ទៅសង្គមវិញលើគ្រប់វិស័យ ហើយ ខ្ញុំសង្ឃឹមថា ក្រុមហ៊ុន ជីប ម៉ុង នឹងដើរតួរជានិមិត្តសញ្ញានៃសប្បុរសធម៌ក្នុងសង្គមកម្ពុជា។»

គួបញ្ជាក់ផងដែរថា សន្និសីទសារព័ត៌មាននៅថ្ងៃទី២៧ មេសានេះ ធ្វើឡើងដើម្បីប្រកាសជាផ្លូវការព្រឹត្តិការណ៍បាល់ទាត់មិត្តភាពសប្បុរសធម៌ ដែលនឹងធ្វើឡើងនៅថ្ងៃទី០១ ខែមេសា ឆ្នាំ២០២៤ ចាប់ពីម៉ោង ២ រសៀលតទៅ នៅពហុកីឡដ្ឋានជាតិអូឡាំពិក។

The post ៥០ម៉ឺនដុល្លារ ពីក្រុមហ៊ុន ជីប ម៉ុង ឧបត្ថម្ភក្នុងព្រឹត្តិការណ៍បាល់ទាត់មិត្តភាពប្បុរសធម៌ ក្រោមមូលបទ «រួមគ្នាដើម្បីសប្បុរសធម៌ និងប្រយុទ្ធប្រឆាំងគ្រឿងញៀន» appeared first on .

លោក ហ៊ុន ម៉ាណែត ប្រធានក្រុមប្រឹក្សាភិបាល TYDA និងអ្នក​​ឧកញ៉ា លាង ឃុន សហស្ថាបនិក និងជាប្រធាន​ក្រុម​ប្រឹក្សាភិបាល ក្រុមហ៊ុន ជីប ម៉ុង បានចុះ​ហត្ថ​លេខា​លើអនុស្សរណៈយោគយល់នេះ ដោយមានលោកជំទាវបណ្ឌិត ពេជ ចន្ទមុន្នី អនុប្រធាន​ក្រុម​ប្រឹក្សាភិបាល TYDA ក្រុមប្រឹក្សាភិបាល និងថ្នាក់ដឹកនាំជាន់​ខ្ពស់របស់ TYDA ក៏ដូចជា​ក្រុមហ៊ុន ជីប ម៉ុង ជាច្រើនរូបទៀត ចូលរួមជាសាក្សីក្នុងពិធីនេះផងដែរ។

លោក ហ៊ុន ម៉ាណែត ប្រធានក្រុមប្រឹក្សាភិបាល TYDA បានមានប្រសាសន៍ថា នេះមិនមែន​ជាលើកទី​មួយទេ​ដែលក្រុមហ៊ុន ជីប ម៉ុង បានជួយឧបត្ថម្ភគាំទ្រដល់ TYDA ហើយគ្រប់​សកម្មភាព​ដែលយើង​បានធ្វើជាមួយគ្នា តែងតែទទួលបានជោគជ័យ ប្រកបដោយមោទនភាព ហើយបានផ្តល់ផល​ប្រយោជន៍​ទៅដល់ប្រជាពលរដ្ឋ និងសង្គម។

លោក ហ៊ុន ម៉ាណែត សង្ឃឹមថាក្រុមហ៊ុន ជីប ម៉ុង នឹងបន្តភាពរីកចម្រើន និងពង្រីកខ្លួនទៅក្រៅប្រទេស ទាំងក្នុងតំបន់ និង​ពិភព​​លោក ព្រមទាំងបន្តជួយក្នុងកិច្ចការងារសង្គម ដើម្បីប្រជាពលរដ្ឋខ្មែរ។

ជាមួយគ្នានេះ អ្នកឧកញ៉ា លាង ឃុន សហស្ថាបនិក និងជាប្រធានក្រុមប្រឹក្សាភិបាល ក្រុមហ៊ុន ជីប ម៉ុង ក៏បានបញ្ជាក់ដែរ​ថា ក្រុមហ៊ុន ជីប ម៉ុង មានមោទនភាពយ៉ាងក្រៃលែងចំពោះវីរភាពដ៏អង់អាច​ក្លាហានរបស់កងទ័ពអាវស ជាពិសេស​ក្នុង​ការ​ប្រយុទ្ធប្រឆាំងនឹងជំងឺកូវីដ-១៩ ហើយក្រុមហ៊ុនបាន​យល់​ច្បាស់​ពីតម្រូវការដ៏ចាំបាច់ផ្នែកសេវាសុខាភិបាលរបស់​ប្រជា​ពលរដ្ឋ។ ក្រុមហ៊ុនជឿជាក់ថា ការរួម​ចំណែកនេះអាចជួយលើកកម្ពស់សុខុមាលភាពសង្គម ក៏ដូចជាជួយ​អភិវឌ្ឍវិស័យ​សុខា​​ភិបាល​នៅ​កម្ពុជា​​​​​ឱ្យ​​កាន់​តែប្រសើរឡើង។

អ្នកឧកញ៉ា បានបន្តទៀតថា ក្រុមហ៊ុន ជីប ម៉ុង មិនត្រឹមតែអភិវឌ្ឍពាណិជ្ជកម្មរបស់ខ្លួនប៉ុណ្ណោះទេ ប៉ុន្តែក្រុមហ៊ុន ជីប ម៉ុង តែងតែចូលរួមបរិច្ចាគត្រឡប់ទៅសង្គមវិញជាមួយនឹងវិស័យជាច្រើន ជាពិសេស​ចូលរួមជាមួយរាជរដ្ឋាភិបាលកម្ពុជា ក្នុងការអភិវឌ្ឍសេដ្ឋកិច្ចជាតិ ក៏ដូចជាធ្វើកិច្ចសហប្រតិបត្តិ​ការនានា​ផងដែរ។

កាលពីឆ្នាំ២០២១កន្លងទៅ ក្រុមហ៊ុន ជីប ម៉ុង បានបរិច្ចាគថវិកាលើសពី១០លាន​ដុល្លារ​អាមេរិ​ក​​​ទៅក្នុង​​កិច្ចការងារសង្គម ដោយក្នុងនោះ វិស័យចម្បងៗដែលក្រុមហ៊ុន​ផ្ដោតសំខាន់រួមមាន វិស័យអប់រំ សុខាភិបាល ទេសចរណ៍ បរិស្ថាន និង​សកម្មភា​ពសប្បុរសធម៌ជាច្រើនទៀត៕

The post ក្រុមហ៊ុន ជីប ម៉ុង ឧបត្ថម្ភ ១លានដុល្លារ ជូនសមាគម​គ្រូពេទ្យTYDA សម្រាប់​​ការងារ​មនុស្សធម៌ appeared first on .