ពិធីចុះហត្ថលេខាលើកិច្ចព្រមព្រៀងបឋមនេះ ប្រព្រឹត្តទៅក្រោមអធិបតីភាពរបស់ឯកឧត្តម អគ្គ​បណ្ឌិត​សភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ តំណាង​ដ៏​ខ្ពង់​ខ្ពស់​របស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។

អ្នកឧកញ៉ា គិត ម៉េង ប្រធានក្រុមហ៊ុន Royal Group Power មានប្រសាន៍ថា៖ « កិច្ច​ព្រម​ព្រៀង​ផ្តាច់​មុខ​ជាមួយក្រុមហ៊ុន Keppel គឺដើម្បីអភិវឌ្ឍ និងនាំចេញថាមពលរហូតដល់ ១.០០០មេហ្គាវ៉ាត់ ពី​ព្រះ​រាជា​ណាចក្រកម្ពុជាទៅសាធារណរដ្ឋសឹង្ហបូរី ព្រមទាំងការអភិវឌ្ឍហេដ្ឋារចនាសម្ព័ន្ធបញ្ជូនថាមពល សម្រាប់​ដោះស្រាយការនាំចេញថាមពលពីឡាវ គឺតំណាងឲ្យការចាប់ផ្តើមនូវកិច្ចសហប្រតិបត្តិការ រវាង​ប្រទេស​ទាំងពីរ និងក្រុមហ៊ុនទាំងពីរ»។

អ្នកឧកញ៉ា បានគូសបញ្ជាក់ថា៖ «នេះ គឺជាព្រឹត្តិការណ៍ដ៏សំខាន់សម្រាប់កិច្ចសហប្រតិបត្តិការអាស៊ាន។ កិច្ចសហប្រតិបត្តិការរវាងធុរកិច្ច និងធុរកិច្ចរបស់យើង នឹង​ចូល​រួម​ចំណែក​យ៉ាង​ច្រើន​ដល់​ការ​អនុវត្ត​កាន់​តែទូលំទូលាយនូវ ខ្សែបណ្តាញបញ្ជូនថាមពលអាស៊ាន តាមរយៈតំណភ្ជាប់ផ្នែកអគ្គិសនីក្នុងអាស៊ាន ដោយ​អនុវត្តនូវធាតុផ្សំជាគន្លឹះនៅក្នុងសេចក្តីថ្លែងការណ៍រួមរបស់ក្រសួងរ៉ែ និង​ថាមពល​នៃ​ព្រះ​រាជា​ណា​ចក្រកម្ពុជា និងក្រសួងពាណិជ្ជកម្ម និងឧស្សាហកម្មសិង្ហបុរី ក្នុង​អំឡុង​ពេល​នៃ​កិច្ច​ប្រជុំ​រដ្ឋ​មន្ត្រី​ថាមពល​អាស៊ានលើកទី៤០ នៅថ្ងៃទី១៦ ខែកញ្ញា ឆ្នាំ២០២២»។

កិច្ចព្រមព្រៀងនេះ គឺជាផ្នែកមួយនៃយុទ្ធសាស្រ្តរបស់ KI ក្នុង​ការ​ស្វែរក​ធន​ធាន​ថាមពល​ប្រកប​ដោយ​ចីរភាព និងអាចទុកចិត្តបាន ដែលជួយគាំទ្រដល់ពាណិជ្ជកម្មថាមពលឆ្លងកាត់ព្រំដែនអាស៊ាន ដោយ​រាប់​បញ្ចូលទាំងការនាំចូលថាមពលបៃតងទៅសិង្ហបុរីផងដែរ។

លោកស្រី Cindy Lim ប្រធាននាយកប្រតិបត្តិក្រុមហ៊ុន KI មានប្រសាសន៍ថា៖ «កិច្ចព្រមព្រៀងនេះ ជា​ជំហានដ៏សំខាន់ក្នុងពន្លឿនការអភិវឌ្ឍធនធានថាមពលកកើតឡើងវិញ ក៏​ដូច​ជា​ចាប់​យក​កាលានុវត្តភាព​ដែលកើតចេញពី ចក្ខុវិស័យខ្សែបណ្តាញបញ្ជូញថាមពលអាស៊ាន នៃពាណិជ្ជកម្មអគ្គិសនីពហុភាគី លើស​ពី​ព្រំដែនអន្តរជាតិ ដោយ​រាប់បញ្ចល​ទាំងការនាំ​ចូលជា​សក្តានុពល​នូវអគ្គិសនី​ដែល​មាន​កាបូន​ទាប​ទៅ​កាន់​សិង្ហបុរី»។

លោកស្រីបានថ្លែងថា៖ «តាមរយៈកិច្ចព្រមព្រៀងនេះ មិនត្រឹមតែអាស៊ាន អាច​ឆ្លងឆ្ពោះ​ទៅរក​ថាមពល​ចម្រុះបៃតងយ៉ាងលឿនប៉ុណ្ណោះទេ គឺថែមទាំងជួយជំរុញភាពធន់នឹងថាមពលសម្រាប់សិង្ហបុរី និង​តំបន់​ផងដែរ។ ក្រុមហ៊ុន Keppel Infrastructure មាន​សេចក្តី​សោមនស្ស​រីករាយ​ក្នុងការ​ពង្រីក​ភាព​ជា​ដៃ​គូ​ជា​មួយកម្ពុជា និងទន្ទឹងរង់ចាំធ្វើការយ៉ាងជិតស្និទ្ធជាមួយក្រុមហ៊ុន Royal Group Power ដើម្បី​ផ្តល់​ជូន​នូវ​ដំណោះស្រាយថាមពល រួម និងហេដ្ឋារចនាសម្ព័ន្ធផ្សេងទៀត ដែលប្រកបដោយចីរភាព និង​អាច​ពង្រីក​វិសាលភាពបាន ដើម្បីបំពេញតាមកំណើនតម្រូវការក្នុងតំបន់»។

តាមរយៈកិច្ចព្រមព្រៀងនេះ ត្រូវគេរំពឹងថា នឹងជួយន្លឿនចក្ខុវិស័យបណ្តាញបញ្ជូនថាមពលអាស៊ាន នៃ​ពាណិជ្ជកម្មអគ្គិសនីពហុភាគីផងដែរ។

សូមជម្រាបដែរថា ក្រុមហ៊ុន Royal Group Power Company Ltd. (“RGP”) គឺជាក្រុមហ៊ុនបុត្រសម្ព័ន្ធ ដែលគ្រប់គ្រងទាំងស្រុងដោយក្រុមហ៊ុន Royal Group បានបង្កើតឡើងក្នុងឆ្នាំ ១៩៩១ ជា​ក្រុម​ហ៊ុន​ធំ​ជាងគេមួយនៅក្នុងព្រះរាជាណាចក្រកម្ពុជា (“Royal Group” ឬ “the Group”)។ រ៉ូយ៉ាល់គ្រុប គឺជា​ក្រុម​ហ៊ុនវិនិយោគ និងអភិវឌ្ឍន៍ឈានមុខគេនៅកម្ពុជា៕

The post ក្រុមហ៊ុនរ៉ូយ៉ាល់គ្រុប និងក្រុមហ៊ុនសង្ហបុរី រួមគ្នាជំរុញគម្រោងផលិតថាមពលកកើតឡើងវិញនៅកម្ពុជា appeared first on .

អ្នកឧកញ៉ា បញ្ជាក់យ៉ាងដូច្នេះថា៖ “ការស្វែងយល់របស់ខ្ញុំតែងតែ «ចាប់ផ្តើមដោយការកំណត់គោលដៅនិងមហិច្ឆតាផ្ទាល់ខ្លួន»។ ការភ្ញាក់ពីដំណេកនៅម៉ោង៥ព្រឹក ជារៀងរាល់ថ្ងៃ ហើយគិតអំពីការធ្វើឱ្យក្រុមហ៊ុន រ៉ូយ៉ាល់គ្រុប រីកចម្រើន គឺចំណូលចិត្តរបស់ខ្ញុំ។ បើខ្ញុំមិនធ្វើការ ខ្ញុំមានអារម្មណ៍មិនស្រួលខ្លួន។ ខ្ញុំមិនចូលចិត្តធ្វើការងារលំៗនោះទេ ខ្ញុំចូលចិត្តសម្រេចកិច្ចការឱ្យបានល្អ”។

ក្នុងសំណេរលើបណ្ដាញសង្គមដដែលនោះ អ្នកឧកញ៉ា បានលើកឡើងជាសំនួរថា តើយើងត្រូវការអ្វីខ្លះពីចំណុចនៃការចាប់ផ្តើមរហូតអាចធ្វើជាអ្នកជំនាញ?

សំណួរនេះប្រហែលស្តាប់ទៅដូចជាដដែលៗ ប៉ុន្តែខ្ញុំជឿជាក់លើឃ្លានេះដែលបានលើកឡើងថា «ក្នុងដំណើររាប់ពាន់យោជន៍ គឺតែងចាប់ផ្តើមពីមួយជំហានម្តងៗ»។

អ្នកឧកញ៉ា ពោលបន្តទៀតថា៖ “សូម្បីតែជាង៣០ឆ្នាំ នៃដំណើរការរបស់រ៉ូយ៉ាល់គ្រុប ក៏ដោយ ក៏ខ្ញុំមិនអាចជឿជាក់បានទេថាខ្ញុំជាអ្នកជំនាញលើអ្វីៗទាំងអស់នោះទេ។ ខ្ញុំនៅតែបន្តរៀនសូត្រពីអ្នកនៅជុំវិញខ្លួន។ ទោះបីជាយ៉ាងណាក៏ដោយ ប្រសិនបើអ្នកនៅតែមិនទាន់ដឹងច្បាស់ពីអ្វីដែលអ្នកចង់បានក្នុងជីវិត ដំបូន្មានរបស់ខ្ញុំគឺ អ្នកគួរព្យាយាមធ្វើសកម្មភាពនានា ស្វែងយល់ពីរឿងនានា និងធ្វើអ្វីដែលអ្នកពូកែ ហើយមិនសូវពូកែ”។

ជាសរុបរួម មេរៀនពីភាពជាអ្នកដឹកនាំ និងការកសាងភាពខ្លាំងរបស់បុគ្គលគ្រប់រូប ដើម្បីអាចក្លាយខ្លួនជាមគ្គុទេសន៍ឆ្នើម ដឹកនាំស្ថានប័ន ឬក្រុមហ៊ុនមួយឱ្យរឹងមាំបានយូរអង្វែង ស្ថាបនិកក្រុមហ៊ុន រ៉ូយ៉ាល់គ្រុប អ្នកឧកញ៉ា គិត ម៉េង គូសបញ្ជាក់ថា សូមខិតខំសាងសង់មូលដ្ឋានគ្រឹះ ផ្តោតលើអ្វីដែលអ្នកពូកែធ្វើ បូករួមជាមួយសកម្មភាពដែលអ្នករីករាយនឹងធ្វើ និងធ្វើនូវអ្វីដែលផ្តល់ឱ្យអ្នកនូវភាពរំភើបក្នុងការធ្វើវា ទាំងចិត្តនិងកាយ។

មិនថាអ្នកស្ថិតនៅកន្លែងណានៃការវាយតម្លៃរបស់អ្នកដើម្បីក្លាយជាអ្នកជំនាញនោះទេ ខ្ញុំជឿជាក់ថាយើងទាំងអស់គ្នានៅតែត្រូវរៀនសូត្រពីគ្នាទៅវិញទៅមក ហើយយើងតែងតែមានកន្លែងខ្លះសម្រាប់ធ្វើឱ្យប្រសើរទ្បើង។ ជាមួយនឹងពេលវេលានិងការខិតខំ អ្នកនឹងក្លាយជាអ្នកជំនាញលើកិច្ចការមួយពិតប្រាកដ ហើយក៏អាចមានជំនាញផ្សេងៗទៀតផងដែរ៕ ប្រភព៖ Neak Oknha Kith Meng

The post កម្រមានអ្នកដឹងណាស់ អ្នកឧកញ៉ា គិត ម៉េង មានទម្លាប់ក្រោកពីដំណេកម៉ោង ៥ព្រឹក ធ្វើរឿងមួយនេះ appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព!

អ្នកឧកញ៉ា គិត ម៉េង មានប្រសាសន៍ថា៖ “ខ្ញុំមានមោទនភាពចំពោះក្រុមហ៊ុនប្រតិបត្ដិការរបស់យើងដែលបន្តចូលរួមចំណែកដល់សហគមន៍។ គំនិតផ្តួចផ្តើមនិងការគាំទ្រទាំងអស់នេះគ្រាន់តែជាការចាប់ផ្តើមតែប៉ុណ្ណោះ យើងនឹងបន្តប្តេជ្ញាធ្វើឱ្យមានការផ្លាស់ប្តូរក្នុងការរស់នៅប្រចាំថ្ងៃរបស់បងប្អូនឲកាន់តែប្រសើរឡើង”។

អ្នកឧកញ៉ាបានអះអាងថា បើនិយាយពីបច្ចេកវិទ្យា ខ្ញុំមានមោទនភាពដែលអាចនិយាយថា ក្រុមហ៊ុន រ៉ូយ៉ាល់គ្រុប បានសម្របខ្លួនយ៉ាងឆាប់រហ័សក្នុងកំលុងពេលជំងឺរាតត្បាតកូវីដ-១៩នេះ ដើម្បីធានាថាយើងបង្កើនការខិតខំក្នុងការផ្តល់ជំនួយទាន់ពេលវេលាដល់បងប្អូនរួមជាតិរបស់យើង តាមរយៈក្រុមហ៊ុននានាដែលស្ថិតក្រោមក្រុមហ៊ុន រ៉ូយ៉ាល់ គ្រុប។

បើតាមអ្នកឧកញ៉ា លោកត្រូវបានលើកទឹកចិត្តដោយចក្ខុវិស័យរបស់សម្តេចតេជោ ហ៊ុន សែន ក្នុងការលើកកម្ពស់ជីវភាពរបស់ប្រជាជនកម្ពុជាតាមរយៈការប្រើប្រាស់បច្ចេកវិទ្យាដែលអាចបើកឱកាសសម្រាប់ពួកគេ។ ពេលនោះ ដែលលោកបានតាំងចិត្តកាន់តែខ្លាំងឡើងៗក្នុងការសម្រេចគោលដៅមួយនេះរហូតមកដល់សព្វថ្ងៃ។

អ្នកឧកញ៉ាបន្ថែមថា “ផ្នែកសំខាន់មួយដែលខ្ញុំតែងតែជឿជាក់នោះ គឺគាំទ្រកូនៗរបស់យើង និងរៀបចំពួកគេសម្រាប់ជំនាញនៅសតវត្សរ៍ទី២១”។

ថ្មីៗនេះ ក្រុមហ៊ុនសែលកាតបានផ្តល់អាហារូបករណ៍ក្នុងការរៀនសរសេរកូដ និងការរៀបចំប្រព័ន្ធបច្ចេកវិទ្យាដល់និស្សិត។ ហើយនេះជាអ្វីដែលអ្នកឧកញ៉ា គិត ម៉េង ប្រកាសថា លោកពិតជាជឿជាក់លើគំនិតផ្តួចផ្តើមទាំងនេះដែលនឹងបង្កើតផលវិជ្ជមានដល់សង្គម តាមរយៈការភ្ជាប់សាជីវកម្ម និងសហគមន៍ឆ្ពោះទៅរកគោលដៅរួមមួយនេះ ដើម្បីផ្តល់អនាគតត្រចះត្រចង់សម្រាប់កូនៗរបស់យើង។

អ្នកឧកញ៉ាបញ្ជាក់ថា ខ្ញុំមានមោទនភាព និងសូមថ្លែងអំណរគុណចំពោះសម្តេចអគ្គមហាសេនាបតីតេជោ ហ៊ុន សែន ដែលបន្តដឹកនាំប្រទេសកម្ពុជាឆ្ពោះទៅរកសក្តានុពលពេញលេញរបស់យើង ដើម្បីសម្រេចបាននូវសេដ្ឋកិច្ចឌីជីថល និងកិច្ចគាំពារសង្គមនៅកម្ពុជា។ គំនិតផ្តួចផ្តើមទាំងនេះគ្រាន់តែជាការចាប់ផ្តើម ខណៈដែលក្រុមហ៊ុន រ៉ូយ៉ាល់គ្រុប ធ្វើឱ្យមានការផ្លាស់ប្តូរនៅក្នុងសហគមន៍របស់យើងឱ្យកាន់តែប្រសើរឡើង៕

The post សែលកាត ផ្តល់អាហារូបករណ៍ដល់សិស្ស១០នាក់ក្នុងការរៀនសរសេរកូដ ខណៈអ្នកឧកញ៉ា គិត ម៉េង ជឿថាគំនិតផ្តួចផ្តើមទាំងនេះនឹងបង្កើតផលវិជ្ជមានដល់សង្គម appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

ក្រុមហ៊ុន រ៉ូយ៉ាល់គ្រុប របស់អ្នកឧកញ៉ា គិត ម៉េង និងលោកជំទាវ ម៉ៅ ចំណាន ឧបត្ថម្ភថវិកា ៣លានដុល្លារអាមេរិក

ក្រុមហ៊ុន ជីប ម៉ុង គ្រុប របស់អ្នកឧកញ៉ា លាង ឃុន ឧបត្ថម្ភថវិកា ២លានដុល្លារអាមេរិក

សូមជម្រាបជូនថា ក្រុមហ៊ុនលំដាប់កំពូលក្នុងស្រុកទាំងពីរ កន្លងមកធ្លាប់បានប្រកាសចូលរួមឧបត្ថម្ភថវិកា និងគ្រឿងឧបភោគបរិភោគដល់រាជរដ្ឋាភិបាល ដើម្បីទិញវ៉ាក់សាំងបង្ការកូវីដ១៩ និងសកម្មភាពប្រយុទ្ធប្រឆាំងកូវីដក្នុងព្រឹត្តិការណ៍សហគមន៍ ២០កុម្ភៈដែលកំពុងរីករាលដាលនៅប្រទេសកម្ពុជា៕

The post មហាសេដ្ឋីពីររូបប្រកាសបរិច្ចាគថវិកាសរុប ៥លានដុល្លារ ដើម្បីទិញឧបករណ៍តេស្តរហ័សរកកូវីដ១៩ Rapid Test appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

អ្នកឧកញ៉ាថ្លែងថា “គន្លឹះមួយដើម្បីធានានិរន្តរភាពសង្គមរបស់យើង គឺការទាញយកអត្ថប្រយោជន៍ថាមពលពីទឹក ដែលយើងហៅថា វារីអគ្គិសនី។”

អ្នកឧកញ៉ាបានរំលឹកកាលពី២ឆ្នាំមុន ដែលក្រុមហ៊ុន រ៉ូយ៉ាល់គ្រុប និងក្រុមហ៊ុន Huaneng របស់ចិន បានវិនិយោគរួមគ្នា ដោយសាងសង់ទំនប់វារីអគ្គិសនីសេសានក្រោម២ នៅខេត្តស្ទឹងត្រែង។ ខណៈគម្រោងនេះត្រូវបានបញ្ចប់ដោយជោគជ័យ និងទទួលបន្ទុកបន្តដោយអង្គភាពមជ្ឈមណ្ឌលជាតិបញ្ជូន។

អ្នកឧកញ៉ាបានបញ្ជាក់ថា ខ្ញុំមានមោទនភាពណាស់ដែលវារីអគ្គិសនីនេះអាចផលិតថាមពលអគ្គិសនីបាន១ភាគ៥ នៃទិន្នផលថាមពលអគ្គិសនីសរុបក្នុងប្រទេសកម្ពុជា។ លើសពីនេះទៅទៀត វាគឺជាវារីអគ្គិសនីធំជាងគេនៅកម្ពុជា ហើយនឹងបង្កើនស្ថិរភាព និងភាពជឿជាក់នៃប្រព័ន្ធអគ្គិសនីរបស់យើង។
នេះគឺជាសមិទ្ធផលមួយដ៏សំខាន់សម្រាប់យើង និងប្រទេសជាតិរបស់យើង។ ខ្ញុំសូមសម្តែងការដឹងគុណចំពោះសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា ដែលបានគាំទ្រជារៀងរហូតមក។

ជាមួយគ្នានោះផងដែរគណៈកម្មការពិភពលោកនៃអង្គការសហប្រជាជាតិស្តីពីបរិស្ថាននិងការអភិវឌ្ឍ កាលពីឆ្នាំ១៩៨៧ បានថ្លែងថា “ការអភិវឌ្ឍសព្វថ្ងៃនេះឆ្លើយតបទៅនឹងតម្រូវការរបស់ប្រជាជន ដោយមិនធ្វើឱ្យប៉ះពាល់ដល់សមត្ថភាពរបស់មនុស្សជំនាន់ក្រោយក្នុងការដោះស្រាយនូវតម្រូវការផ្ទាល់ខ្លួនរបស់ពួកគេឡើយ៕”

The post អ្នកឧកញ៉ា គិត ម៉េង៖ គន្លឹះមួយដើម្បីធានានិរន្តរភាពសង្គមរបស់យើង គឺការទាញយកអត្ថប្រយោជន៍ថាមពលពីទឹក appeared first on .