ពិធីខាងលើនេះ ត្រូវបានធ្វើឡើងក្រោមអធិបតីភាព ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានសហភាពសហព័ន្ធយុវជនកម្ពុជា ព្រមទាំងមានការអញ្ជើញចូលរួមពី ឯកឧត្តម នួន ផារ័ត្ន អភិបាលខេត្តកំពង់ធំ មន្ត្រីរាជការ លោកគ្រូ អ្នកគ្រូ និងសិស្សានុសិស្សជាច្រើនរូបទៀត។

“ការផ្តល់ឈាមមិនត្រឹមតែជួយសង្គ្រោះជីវិតប៉ុណ្ណោះទេ ប៉ុន្តែក៏ជាការចែករំលែកស្នាមញញឹមផងដែរ”។ ប្រសាសន៍ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានសហភាពសហព័ន្ធយុវជនកម្ពុជា។

អ្នកឧកញ៉ា លី សុភ័ក្ត ប្រធានក្រុមប្រឹក្សាភិបាល នៃក្រុមហ៊ុន ទេពី អាក្រូ វិនិយោគ (Tepi Agro Investment) បានគូសបញ្ជាក់ឱ្យដឹងថា សហគមន៍កសិកម្ម ទេពី អាក្រូ មានផ្ទៃដីសរុបប្រមាណ ៧,៨៩៩ ហិកតា ស្ថិតក្នុងស្រុកសណ្តាន់ ខេត្តកំពង់ធំ និងស្រុកត្រពាំងប្រាសាទ ខេត្តឧត្តរមានជ័យ។ ក្នុងនោះមាន ផ្ទៃដីកៅស៊ូចំនួន ២,៦៣៦ ហិកតា ស្វាយចន្ទី និងស្វាយកែវរមៀតមានចំនួន ២,៨៧៧ ហិកតា ព្រមទាំងផ្ទៃដីដាំដុះ និងថែទាំកូនកៅស៊ូ ចំនួន ២,៣៨៦ ហិកតា។ ចំពោះទិន្នផលកៅស៊ូសរុបមានចំនួនប្រមាណ ៧,៩០០ តោន ក្នុង១ឆ្នាំ និងទិន្នផលចន្ទីចំនួនជាង ១,០០០ តោនក្នុង១ឆ្នាំ។

អ្នកឧកញ៉ា បានបន្ថែមឱ្យដឹងទៀតថា សហគមន៍កសិកម្ម ទេពី អាក្រូ មានប្រជាពលរដ្ឋសរុបចំនួនប្រមាណ ៣០០ គ្រួសារ ស្មើនឹងប្រមាណ ១,០០០ នាក់ កំពុងរស់នៅក្នុងតំបន់ទាំងពីរ ដែលមានការរៀបចំជាសហគមន៍សាមគ្គី។ ក្នុងនោះដែរ មានផ្ទះស្នាក់នៅសម្រាប់បុគ្គលិក និងកម្មករចំនួន ២១០ ខ្នង មានសាលារៀនចំនួន ២ ខ្នង ស្មើនឹង ១១ បន្ទប់ និងមានសិស្សដែលជាកូនចៅបងប្អូនបុគ្គលិក កម្មករ ចំនួន ១២៣ នាក់កំពុងទទួលបានការសិក្សារៀនសូត្រពីលោកគ្រូ អ្នកគ្រូ ចាត់តាំងពីស្ថាប័នអប់រំរបស់រដ្ឋ៕

The post អ្នកឧកញ៉ា លី សុភ័ក្ត ដឹកនាំបើកយុទ្ធនាការ «ផ្តល់ឈាម ផ្តល់ជីវិត» និងសម្ពោធសាលាបឋមសិក្សាចំនួនពីរ នៅសហគមន៍កសិកម្ម ទេពី អាក្រូ appeared first on .

លោកស្រីឧកញ៉ា ស៊ាង លីម ដែលមានស្វាមីជាដឹកនាំកាច់ចង្កូតដ៏ឆ្នើមល្បីល្បាញជើងចាស់ក្នុងពិភពជំនួញប្រទេសកម្ពុជា និងមានសេនាជាទ័ពស្រួចកំពុងគ្រប់គ្រងសម្ព័ន្ធក្រុមហ៊ុន លី ហួរ គ្រុប។ លោកស្រីឧកញ៉ា ចាប់ផ្តើមអាជីវកម្មដំបូងជាអ្នកលក់សំលៀកបំពាក់ និងក្រណាត់នាំចូលពីវៀតណាម ហើយក្រោយមកចាប់ផ្តើមអាជីវកម្មប្តូរប្រាក់និងលក់មាសក្នុងឆ្នាំ១៩៨៦ រហូតជោគជ័យពេលបច្ចុប្បន្ន។

អ្នកឧកញ៉ា ស៊ាង លីម អនុប្រធានក្រុមប្រឹក្សាភិបាលក្រុមហ៊ុន លី ហួរ គ្រុប មានបទពិសោធន៍ទូលំទូលាយ ក្នុងការគ្រប់គ្រងអាជីវកម្មជាង៣០ឆ្នាំ ព្រមទាំងមានតួនាទីជានាយកប្រតិបត្តិក្រុមហ៊ុន លី ហួរ អ៊ិចឆេង។ សូមបញ្ជាក់ជូនថា កាលពីជាង១១ឆ្នាំមុន លោកស្រី ស៊ាង លីម បានទទួលការត្រាស់បង្គាប់តែងតាំងជា ឧកញ៉ា ដោយព្រះរាជក្រឹត្យលេខ នស/រកត/០៣១៣/២៥០ ចុះថ្ងៃទី២៣ ខែមីនា ឆ្នាំ២០១៣៕

The post ប្រមុខរដ្ឋស្តីទី ចេញព្រះរាជក្រឹត្យផ្តល់គោរមងារ «អ្នកឧកញ៉ា» ជូនភរិយាលោកអ្នកឧកញ៉ា លី ហួរ appeared first on .

ឧកញ៉ា លី សុភាព មានបទពិសោធន៍ក្នុងតំណែងជាថ្នាក់ដឹកនាំកំពូលសំខាន់ៗជាច្រើនដូចជា ប្រធានក្រុមប្រឹក្សាភិបាល ក្រុមហ៊ុន លី ហួរ ផេប្រូ (លីហួរ វេរលុយ), នាយកប្រតិបត្តិ ក្រុមហ៊ុនរតនៈអលង្ការ ខូអិលធីឌី, នាយកគ្រប់គ្រងទូទៅក្រុមហ៊ុនលី ហួរ ប្តូរប្រាក់, អនុប្រធានក្រុមប្រឹក្សាភិបាល នៃក្រុមហ៊ុន លី ហួរ អ៊ិនសួរេន (Ly Hour Insurance Plc) និងជាសមាជិកក្រុមប្រឹក្សាភិបាល ធនាគារ អេស ប៊ី អាយ លី ហួរ។

លើសពីនេះ អ្នកឧកញ៉ា លី សុភាព មានបទពិសោធន៍យ៉ាងជ្រាលជ្រៅក្នុងការក្នុងដឹកនាំកិច្ចពិភាក្សាធំៗទាំងក្នុង និងក្រៅប្រទេស ហើយលោកមានក៏មានបទពិសោធន៍ជាង២០ឆ្នាំក្នុងវិស័យហិរញ្ញវត្ថុថែមទៀត។ អ្នកឧកញ៉ា ទទួលបានសញ្ញាប័ត្រជាច្រើនទាំងក្នុងនិងក្រៅប្រទេស រួមទាំងបរិញ្ញាប័ត្រកិត្តិយសផ្នែកពហុរចនាប្រព័ន្ធផ្សព្វផ្សាយ ពីសាកលវិទ្យាល័យ Huddersfield ក្នុងទីក្រុង Manchester នៃចក្រភពអង់គ្លេស ឆ្នាំ២០០៤។

គួររំឭកថា លោក លី សុភាព ត្រូវបានព្រះមហាក្សត្រចេញព្រះរាជក្រឹត្យត្រាស់បង្គាប់ផ្តល់គោរមងារជា «ឧកញ៉ា» កាលថ្ងៃទី ០៦ ខែមករា ឆ្នាំ២០១៨៕

The post ប្រមុខរដ្ឋស្តីទី ចេញព្រះរាជក្រឹត្យផ្តល់គោរមងារ «អ្នកឧកញ៉ា» ជូនឧកញ៉ា លី សុភាព appeared first on .

សេចក្តីជូនដំណឹង​របស់ក្រុមហ៊ុន កាលពី​ម្សិលមិញ បាន​បញ្ជាក់​ថា ក្រុមហ៊ុន Ly Hour Insurance Plc. ជាក្រុមហ៊ុនមួយដែលមានកេរិ៍្តឈ្មោះក្នុងវិស័យធានារ៉ាប់រង សូមប្រកាសជាឱឡារិកពីការផ្លាស់ប្តូរនាមករណ៍ថ្មី​ទៅជា ក្រុមហ៊ុន Ly Hour SBI Insurance Plc. ក្នុងព្រឹត្តិការណ៍ដ៏សំខាន់មួយបន្ទាប់ពី​មានការរួមបញ្ចូលគ្នា​ជាមួយក្រុមហ៊ុន SBI Holdings, Inc. នៃប្រទេសជប៉ុន។

ការផ្លាស់ប្តូរនាមករណ៍ថ្មីទៅជា ក្រុមហ៊ុន Ly Hour SBI Insurance Plc. ម.ក គឺជាការរួមបញ្ចូលគ្នានូវគុណវុឌ្ឍិ និងគុណតម្លៃ របស់ក្រុមហ៊ុន លី ហួរ គ្រុប និង ក្រុមហ៊ុន SBI Holdings, Inc. ដើម្បីបន្តពង្រីកសេវាកម្ម និង​នាំមកនូវបទពិសោធន៍ថ្មី ជូនដល់ អតិថិជន។

ក្រុមហ៊ុន​ បានបន្តថា​ ការ​ផ្លាស់ប្តូរនេះ​ នឹងនាំមកនូវយុទ្ធសាស្រ្ត​បង្រួបបង្រួមមួយ ដើម្បីធានាបាននូវភាពងាយស្រួល​នៃសេវាកម្ម និងបទ ពិសោធន៍ ថ្មីជូនអតិថិជន កាន់តែប្រសើរជាងមុន។ ដៃគូសហការ និងអតិថិជន អាចទទួល​បាននូវការប្ដេជ្ញាចិត្ត ទំនុកចិត្ត និង ក្រមសីលធម៌ក្នុងការយកចិត្តទុកដាក់ជាមួយអតិថិជនដោយស្មើភាពគ្នា ដែលធ្លាប់តែដឹងថាមាននៅជាមួយក្រុមហ៊ុន Ly Hour Insurance Plc. ឥឡូវនេះបានបង្កើនសក្ដានុពលពេញ​ដោយសមត្ថភាពនៅជាមួយក្រុមហ៊ុន Ly Hour SBI Insurance Plc.។

ក្រុមហ៊ុន Ly Hour SBI Insurance Plc. ប្តេជ្ញាក្នុងការរក្សាបាននូវស្តង់ដារកម្រិតខ្ពស់លើវិជ្ជាជីវៈ សុចរិតភាព និងផ្តោត ទៅលើអតិថិជន ដោយការយកចិត្តទុកដាក់ខ្ពស់ លើការផ្តល់ដំណោះស្រាយ និងសេវាកម្ម​ធានា​រ៉ាប់រងលើសពីការរំពឹងទុក។

គួរបញ្ជាក់ថា ក្រុមហ៊ុន លី ហួរ អ៊ិនសួរេន ម.ក ត្រូវបានបង្កើតឡើងដំបូង​នៅចុងឆ្នាំ ២០១៧ ដោយបានទទួល​អាជ្ញាប័ណ្ណប្រតិបត្តិការអាជីវកម្មធានារ៉ាប់រងទូទៅ ពីក្រសួងសេដ្ឋកិច្ច និងហិរញ្ញវត្ថុ នៅថ្ងៃទី ២២ ខែ ធ្នូ ឆ្នាំ ២០១៧ ។ ក្រុមហ៊ុនមានដើមទុនចុះបញ្ជីសរុប ចំនួន ៧,៧លានដុល្លារអាមេរិក និងបានចាប់ផ្តើមបើក​ដំណើរការ​ជាផ្លូវការនៅថ្ងៃទី២៩ ខែមករា ឆ្នាំ ២០១៨៕

The post ក្រុមហ៊ុនបុត្រសម្ព័ន្ធមួយរបស់ លោកអ្នកឧកញ៉ា លី ហួរ ប្រកាសផ្លាស់ប្តូរឈ្មោះថ្មី appeared first on .

ក្រុមហ៊ុន លី ហួរ លីស៊ីង បានបោះជំហ៊ានយ៉ាងលឿន ដោយធនាគារជាតិនៃកម្ពុជា បានផ្តល់អាជ្ញាប័ណ្ណ​ជាផ្លូវការ នៅថ្ងៃទី ០៨ ខែមេសា ឆ្នាំ២០១៦ ព្រមទាំងបង្កើតសេវាកម្មភតិសន្យាម៉ូតូនៅឆ្នាំ២០១៧ និងសេវាកម្ម Lease-back នៅឆ្នាំជាបន្តបន្ទាប់ទៀត ដោយបង្កើនដើមទុនពីមួយឆ្នាំទៅមួយឆ្នាំផងដែរ។

ក្នុងឆ្នាំ២០២៣នេះ គឺក្រុមហ៊ុនគម្រប់ខួប៨ឆ្នាំ ហើយក្រុមហ៊ុននៅតែបន្តនិរន្តរភាព ប្រកបដោយចក្ខុវិស័យ​វែង​ឆ្ងាយ និងយូរអង្វែង ដើម្បីអោយក្លាយជាមជ្ឈមណ្ឌលបង់រំលស់ឈានមុខគេនៅកម្ពុជា។ ដោយមើលឃើញ​ពី​ភាព​លូតលាស់ឥតឈប់ឈររបស់ក្រុមហ៊ុន មជ្ឈដា្ឋនដៃគូសហការបានចាប់​អារម្មណ៍វិនិយោគរួមគ្នា ដើម្បីពង្រីក​សក្តានុពលក្រុមហ៊ុនកាន់តែធំទូលាយទូទាំងប្រទេស។

ព្រឹត្តិការណ៍ដ៏ធំមួយនឹងកើតឡើង គឺកម្មវិធីអបអរសាទរ ការវិនិយោគរួមគ្នារវាង ក្រុមហ៊ុន លី ហួរ លីស៊ីង ភីអិលស៊ី និង Hotai Finance Co. Ltd ដែលនឹងប្រព្រឹត្តិទៅនៅថ្ងៃទី ១៨ ខែតុលា ឆ្នាំ២០២៣ នៅសណ្ឋាគារ ហ្គាឌែនស៊ីធីភ្នំពេញ ដែលមានការចូលរួមពីសំណាក់ភ្ញៀវសំខាន់ៗ ក្រុមហ៊ុនបុត្រសម្ព័ន្ធ ក្រុមតារាចម្រៀងនិង​សិល្បៈល្បីៗមកចូលរួមអបអរសាទរផងដែរ។

សូមបញ្ជាក់ផងដែរថា ក្រុមហ៊ុន លី ហួរ លីស៊ីង ជាមជ្ឈមណ្ឌលបង់រំលស់ឈានមុខគេ​នៅកម្ពុជាក្នុងការផ្តល់​សេវា​ភតិសន្យា រថយន្ត និងម៉ូតូ ព្រមទាំងសេវាកម្ម Lease-back ផងដែរ។

The post ក្រុមហ៊ុន លី ហួរ លីស៊ីង៖ ព្រឹត្តិការណ៍ដ៏អស្ចារ្យ ដំណើរឆ្ពោះទៅកាន់ភាពលូតលាស់ឥតឈប់ឈរ នឹងមកដល់ក្នុងពេលឆាប់ៗនេះ appeared first on .

ការ​បរិច្ចាគ​ខាង​លើ​នេះ ​ក្រុមហ៊ុន លី ហួរ គ្រុប ​​បានសហការជាមួយមជ្ឈមណ្ឌលជាតិផ្តល់ឈាម ធ្វើកម្មវិធី «ផ្តល់​ឈាមស្ម័គ្រចិត្ត សង្គ្រោះជីវិត» ក្រោមអធិបតីភាពដ៏ខ្ពង់ខ្ពស់របស់ លោកឧកញ៉ា លី សុវណ្ណតារា និង​មាន​ការ​ចូល​រួម​ពី​លោក មឿង រដ្ឋា នាយកប្រតិបត្តិ បុរី វិមានភ្នំពេញ និង លោកស្រីវេជ្ជបណ្ឌិត មើក សាមាន អនុប្រធាន​មជ្ឈមណ្ឌលជាតិផ្តល់ឈាម ព្រមទាំងក្រុមការងារ។

កម្មវិធីនេះប្រព្រឹត្តទៅនៅសាលអគារ លី ហួរ គ្រុប មានអ្នកចូលរួមប្រមាណជាង ១០០​នាក់ និងអ្នកអាចបរិច្ចាគ​បានមានចំនួន ៧៣នាក់ ក្នុងនោះមានស្រីចំនួន ១៣នាក់។ ការ​បរិច្ចាគ​ឈាម​នេះធ្វើឡើងក្នុងគោលបំណង ដើម្បី​ចូលរួមចំណែកដ៏សំខាន់ជួយដល់សង្គម ជាពិសេស ជួយដល់បងប្អូនប្រជាពលរដ្ឋ​ ដែលកំពុងត្រូវការឈាម ដើម្បីសង្គ្រោះជីវិត ហើយនេះជាការជួយគ្នាទៅវិញទៅមក ដែលគ្រប់មនុស្សជាតិទាំងអស់គួរធ្វើជាចាំបាច់។

បើតាមការអះអាងរបស់លោកស្រីវេជ្ជបណ្ឌិត មើក សាមាន នាពេលកន្លងមក ក្នុងមួយថ្ងៃ​គ្រាន់តែនៅ​រាជធានី​ភ្នំពេញ គឺ​ត្រូវការឈាមប្រមាណ ១៥០ប្លោក សម្រាប់ជួយសង្គ្រោះជនរងគ្រោះនិងអ្នកជំងឺ ហើយបើនៅ​ទូទាំង​ប្រទេសត្រូវការឈាមប្រមាណ ២០០ប្លោក ជារៀងរាល់ថ្ងៃ ដូច្នេះ​យើងត្រូវការឈាមបន្ថែមទៀត ដើម្បីសង្គ្រោះ​ជីវិតមនុស្ស៕

The post ឧកញ៉ា លី សុវណ្ណតារា ដឹកនាំបុគ្គលិកបុរី វិមានភ្នំពេញ និងលី ហួរ គ្រុប បរិច្ចាគឈាមជូនមជ្ឈមណ្ឌលជាតិផ្តល់ឈាម appeared first on .

អគារការិយាល័យកណ្តាលរបស់ក្រុមហ៊ុន លី ហួរ គ្រុប ដ៏ស្រស់ស្អាត​ថ្មី​នេះ​ មាន​កម្ពស់៥ជាន់ សាងសង់ឡើង​ដោយ​​កូន​ខ្មែរ​ប្រើរយៈពេលត្រឹមតែ​ ៧ខែប៉ុណ្ណោះ​ ដែលប្រកបដោយគំនិតច្នៃប្រឌិត​ខ្ពស់ ផ្សារភ្ជាប់​ជាមួយ​ធម្មជាតិ និង​ផ្អែកលើទំនើបកម្ម ប្រណិតភាព រចនាប្លង់ ដែលប្រើនូវបច្ចេកទេសមាត្រដ្ឋានត្រឹមត្រូវ។ អគារ​ការិយាល័យ​កណ្តាល​នេះ​ មាន​ទីតាំង​ស្ថិត​​នៅ​ដីឡូត៍​លេខ ៨៥-៨៨ ផ្លូវ ២៨៩ សង្កាត់​​បឹង​កក់​២ ​​ខណ្ឌ​ទួល​គោក រាជធានី​ភ្នំពេញ។

​សូម​ជម្រាប​ជូន​ថា ​​ក្រុមហ៊ុន​ លី ហួរ គ្រុប ​​​បាន​កកើត​ដំបូង​ ​តាំង​ពី​ឆ្នាំ១៩៨៦ ​​តាម​រយៈ​ការ​បង្កើត​នូវ​ក្រុមហ៊ុន លី ហួរ អ៊ិចឆេង ឯ.ក (លី ហួរ ប្តូរប្រាក់) ​​របស់​អ្នក​ឧកញ៉ា លី ហួរ។ ​​​មក​ទល់​បច្ចុប្បន្ន​​នេះ ​​ក្រុមហ៊ុន​ លី ហួរ គ្រុប មាន​បុត្រ​សម្ព័ន្ធ​ជា​ច្រើន​​បន្ថែម​ទៀត​ដូចជា លី ហួរ ​ផនសប ខូអិលធីឌី (២០១០), បុរី វិមានភ្នំពេញ (២០១១), ទេពី អាក្រូ វិនិយោគ ខូអិលធីឌី (២០១១), គ្រឹះស្ថានមីក្រូហិរញ្ញវត្ថុ លី ហួរ ភីអិលស៊ី (២០១២), លី ហួរ លីស៊ីង ភីអិលស៊ី (២០១៥), លី ហួរ ផេប្រ៉ូ ភីអិលស៊ី (២០១៦), លី ហួរ អ៊ិនសួរេន ម.ក (២០១៧)។

ជាមួយ​គ្នា​នេះ នៅ​​ឆ្នាំ២០១៩ គ្រឹះស្ថានមីក្រូហិរញ្ញវត្ថុ លី ហួរ ភីអិលស៊ី ​ត្រូវ​បាន​ប្តូរឈ្មោះទៅជា “ធនាគារ អេស ប៊ី អាយ លី ហួរ ម.ក” (SBI Ly Hour Bank) បន្ទាប់ពី​ធនាគារជាតិនៃកម្ពុជា បានផ្តល់ជូន គ្រឹះស្ថានមីក្រូហិរញ្ញវត្ថុ លី ហួរ ភីអិលស៊ី នូវអាជ្ញាប័ណ្ណធ្វើប្រតិបត្តិការជាធនាគារពាណិជ្ជ ក្នុងការផ្តល់សេវាកម្មហិរញ្ញវត្ថុជូនអតិថិជន ព្រមទាំងសាធារណជនទូទៅ៕

​

The post អ្នកឧកញ៉ា លី ហួរ បើកសម្ពោធអគារការិយាល័យកណ្តាលរបស់ក្រុមហ៊ុន លី ហួរ គ្រុប appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

អ្នកឧកញ៉ាគឺជាប្រធាននាយកប្រតិបត្តិនៃ​ក្រុម​ហ៊ុន​ លី​ ហួរ​ គ្រុប មានបុត្តសម្ព័ន្ធក្រុមហ៊ុនចំនួន ៨ ដែលរកស៊ីក្នុងពហុវិស័យ​ លោកក៏​កំពុង​កាន់​តួ​នាទី​សំខាន់ៗ​ក្នុង​ស្ថាប័ន​ផ្សេង​ទៀត ​រួមមាន៖​ អនុ​ប្រធាន​សភា​ពា​ណិ​ជ្ជកម្ម​កម្ពុជា និងប្រ​ធាន​សមា​គម​អ្នក​អភិវឌ្ឍន៍​លំនៅ​ឋាន​កម្ពុជា​ជាដើម។​ អ្នក​ឧក​ញ៉ា​ ក៏​បាន​ចូល​រួម​ក្នុង​ការ​លើក​កម្ពស់​ការ​អភិវឌ្ឍន៍​វិស័យ​ឯក​ជន​ ​ការ​អភិ​វឌ្ឍន៍​សង្គម​និង​សេដ្ឋកិច្ចផងដែរ។

​ជាមួយនឹងសមិទ្ធផលជាច្រើន​ដ៏​មាន​តម្លៃ​ អ្នក​ឧក​ញ៉ា​បាន​ទទួល​រង្វាន់​ និង​គ្រឿង​ឥស្សរិយ​យស​ដូច​ខាង​ក្រោម៖​

១.មេដាយជាតូបការ (Moha Siryvot Award)
២. មេដាយមហាសេរីវឌ្ឍន៍ (Sovatara Level Moha Sena Award)
៣. មេដាយមហាសេនា (Gold Medal Award for National Development)
៤. មេដាយធិបឌិន្ទ (Sovataradi Tibbden Award)
៥. មេដាយសេនា (Toubaka Medal Award for National Development on Dec 2011)
៦. មេដាយមាសស្ថាបនាជាតិ (Toubaka Medal Award for National Development on Dec 2011)
៧. ពានរង្វាន់ទទួលស្គាល់គុណភាពកម្រិតអន្តរជាតិ ពីប្រទេសស្វីស (International Star for Quality Award from Geneva, Switzerland)
៨. ពានរង្វាន់ទទួលស្គាល់សហគ្រាសល្អបំផុត ពីចក្រភពអង់គ្លេស (Best Enterprise Award from Oxford, United Kingdom)៕

The post តើមហាសេដ្ឋី លី ហួរ កំពុងកាន់នាទីសំខាន់ៗ ​ទទួល​រង្វាន់​ និង​គ្រឿង​ឥស្សរិយ​យសអ្វីខ្លះ? appeared first on .