លើសពីភាពសប្បាយ លើសពីរសជាតិ និងគុណភាព កាន់តែពិសេសនៅឆ្នាំនេះ ដ្រាហ្គិន ព្រីមៀមដាកបៀរ នឹងផ្តល់លាភសំណាងដ៏មហាសាលដល់អតិថិជន ដូចជារង្វាន់ធំរថយន្តស៊េរីទំនើប Toyota Hilux ម៉ូតូ Honda Click ស៊េរីថ្មី មាសសុទ្ធរហូតដល់ 168 ក្រាម ទឹកប្រាក់សុទ្ធរាប់លានរៀល និងរង្វាន់ជាច្រើនសន្ធឹកសន្ធាប់នៅក្រោមក្រវិលកំប៉ុងដ្រាហ្គិន។  

អ្នកឧកញ៉ា សំអាង វឌ្ឍនៈ អគ្គនាយកក្រុមហ៊ុន វឌ្ឍនៈ ប្រ៊ូវើរី មានប្រសាសន៍ថា៖ “ដ្រាហ្គិន ព្រីមៀមដាកបៀរ និងដ្រាហ្គិន ណៃត្រូ គឺជាសក្ខីកម្មនៃការបេ្តជ្ញាចិត្ត និងភាពច្នៃប្រឌិតខ្ពស់របស់យើងខ្ញុំ ក្នុងការផលិតស្រាបៀរដែលមានគុណភាពលំដាប់អន្តរជាតិ រសជាតិថ្មីប្លែកមិនធ្លាប់មាន ដើម្បីផ្តល់ជូននូវបទពិសោធន៍ និងទម្លាប់ថ្មីក្នុងការទទួលទានស្រាបៀរប្រណិតទឹកខ្មៅនៅក្នុងប្រទេសកម្ពុជា ដែលអាចឲ្យអតិថិជនចាប់ផ្តើមសប្បាយជាមួយរសជាតិ និងគុណភាពដ៏ពិតប្រាកដ។ ឆ្នាំនេះ ពិតជាពិសេសសម្រាប់ដ្រាហ្គិន ព្រោះជាឆ្នាំរោង ឆ្នាំ Dragon ដែលយើងនឹងបង្កើតភាពភ្ញាក់ផ្អើល ហើយបន្តចែករំលែកពេលវេលាសប្បាយ ព្រមទាំងផ្តល់លាភសំណាងដ៏មហាសាលដល់អតិថិជននៅគ្រប់ទិសទី។”

អតិថិជននឹងទទួលបានទាំងរសជាតិ និងគុណភាព ទាំងភាពសប្បាយរីករាយ ព្រមទាំងលាភសំណាងដ៏មហាសាលនៅក្រោមក្រវិលកំប៉ុងដ្រាហ្គិន។ ផ្តើមសប្បាយ ផ្តើមឈ្នះជាមួយដ្រាហ្គិន។ បច្ចុប្បន្ន ក្រោមស្លាកសញ្ញា ដ្រាហ្គិន មានផលិតផលក្រាហ្វបៀរប្រណិតទឹកខ្មៅចំនួនពីរ ដែលសម្រិតសម្រាំង ផលិតឡើងដើម្បីភាពឥតខ្ចោះរបស់ក្រុមហ៊ុន វឌ្ឍនៈ ប្រ៊ូវើរី គឺដ្រាហ្គិន ព្រីមៀមដាកបៀរ និងដ្រាហ្គិន ណៃត្រូ។ 

ដ្រាហ្គិន ព្រីមៀមដាកបៀរ ជាក្រាហ្វបៀរប្រណិតទឹកខ្មៅដំបូងគេនៅកម្ពុជា ហើយទទួលស្គាល់រសជាតិ និងគុណភាពដោយអ្នកជំនាញស្រាបៀរអន្តរជាតិ ដែលបានឈ្នះពានរង្វាន់ចំនួនពីរផ្ទួនគ្នាក្នុងកម្មវិធីស្រាបៀរលំដាប់ពិភពលោក World Beer Awards នៅឆ្នាំ២០២២ ព្រមទាំងបានឈ្នះមេដាយមាសពី Monde Selection Award ឆ្នាំ ២០២៣។ គាស់ក្រវិលកំប៉ុងដ្រាហ្គិននៅថ្ងៃនេះ ហើយទទួលយកលាភសំណាងទាំងអស់គ្នា។

ដ្រាហ្គិន ណៃត្រូ ត្រូវបានផលិតឡើងដើម្បីភាពឥតខ្ចោះតាមបច្ចេកវិទ្យាថ្មីចុងក្រោយ ដោយប្រើប្រាស់គ្រឿងផ្សំគុណភាពខ្ពស់រួមបញ្ចូលនីត្រូហ្សែន (N2) ធ្វើឲ្យដ្រាហ្គិន ណៃត្រូ មានពពុះហ្វូមតូចៗយ៉ាងច្រើន កំហាប់ឡើងខាប់ និងគ្រីមពណ៌ត្នោតនៅផ្នែកខាងលើយ៉ាងក្រាស់ ខុសប្លែកពីស្រាបៀរទូទៅ បង្កើតបានជារសជាតិកាន់តែសម្បូរបែប ក្លិនឈ្ងុយពិសេស និងឆ្ងាញ់ជាប់មាត់។ ផ្តើមសប្បាយជាមួយដ្រាហ្គិន ៕

The post ឆ្នាំរោង ដ្រាហ្គិនបៀរ ផ្ដល់លាភសំណាងដ៏មហាសាលរង្វាន់រថយន្ត Toyota Hilux និងមាសសុទ្ធរហូតដល់ 168 ក្រាម appeared first on .

ដ្រាហ្គិន ណៃត្រូ ជាផលិតផលទី១៤ របស់ក្រុមហ៊ុន វឌ្ឍនៈ ប៊្រូវើរី ត្រូវបានផលិតឡើងដើម្បីភាពឥតខ្ចោះតាម បច្ចេកវិទ្យា​ថ្មី​ចុងក្រោយ ដោយប្រើប្រាស់គ្រឿងផ្សំគុណភាពខ្ពស់រួមបញ្ចូលនីត្រូហ្សែន (N2) ធ្វើឲ្យដ្រាហ្គិន ណៃត្រូ មានពពុះហ្វូម​តូចៗយ៉ាងច្រើន កំហាប់ឡើងខាប់ និងគ្រីមពណ៌ត្នោតនៅផ្នែកខាងលើយ៉ាងក្រាស់ ខុសប្លែកពីស្រាបៀរទូទៅ បង្កើតបាន​ជារសជាតិកាន់តែសម្បូរបែប ក្លិនឈ្ងុយពិសេស និងឆ្ងាញ់ជាប់មាត់។

អ្នកឧកញ៉ា សំអាង វឌ្ឍនៈ អគ្គនាយកក្រុមហ៊ុន វឌ្ឍនៈ ប្រ៊ូវើរី មានប្រសាសន៍ថា៖ «ភាពច្នៃប្រឌិតគឺស្ថិតនៅក្នុងសរសៃ​ឈាម (DNA) របស់ពួកយើង ហើយយើងតែងបង្កើតអ្វីដែលថ្មីសម្រាប់អតិថិជនកម្ពុជា។ ដ្រាហ្គិន ណៃត្រូ ដែលជា​ស្រាបៀរ​រួមបញ្ចូលនីត្រូហ្សែនដំបូងគេនៅកម្ពុជា គឺជាសក្ខីកម្មមួយទៀតនៃការបេ្តជ្ញាចិត្តរបស់ វឌ្ឍនៈ ប៊្រូវើរី ក្នុងការបន្ត​ផលិតនូវផលិតផលដែលមានគុណភាពលំដាប់អន្តរជាតិ ផ្តល់នូវបទពិសោធន៍ និងរសជាតិថ្មី ភាពសប្បាយរីករាយ និង​បំពេញចំណូលចិត្តអតិថិជន»។

ដ្រាហ្គិន ណៃត្រូ ផលិត និងបញ្ចេញលក់មានចំនួនកំណត់ ហើយនឹងមានវត្តមានតែនៅក្នុងសណ្ឋាគារ ភោជនីយដ្ឋាន ផាប់ និងក្លឹបកម្សាន្តនៅតាមខេត្តក្រុងធំមួយចំនួន ដែលបានកំណត់និងជ្រើសរើសដោយក្រុមហ៊ុនតែប៉ុណ្ណោះ។ ចាប់ពីថ្ងៃ ទី២៣ កុម្ភៈ ២០២៤ លោកអ្នកនឹងអាចស្វែងរក និងភ្លក្សរសជាតិ ដ្រាហ្គិន ណៃត្រូ នៅតាមបណ្តាហាងដ៏ល្បីៗ និងពេញនិយម​មួយ​ចំនួនដូចជា រ៉ូសវូដ ភ្នំពេញ, KVL, The Woods, Déjà vu, និងហាងជាច្រើន ទៀតដោយមាន ការចូលរួមសម្តែង​ពី​ទូតសុច្ឆន្ទៈតំណាងរបស់ក្រុមហ៊ុន វឌ្ឍនៈ ប៊្រូវើរី ដូចជាលោក ជី ដេវីត, អ្នកនាង មាស សុខសោភោ, លោក នីកូ, ទេព បូព្រឹក្ស, អ្នកនាង ពេជ្រ សូលីកា, ពូឃ្លាំង, ក្រុម Nevrmind Band, លោក ស៊ូ លីផេង, និងតារាចម្រៀងជាច្រើនដួងទៀត។

លក្ខណៈពិសេស ហើយប្លែក ដើម្បីទទួលបានរសជាតិដ៏សម្បូរបែបរបស់ ដ្រាហ្គិន ណៃត្រូ គឺតម្រូវឲ្យអតិថិជនក្លាស្សេ ដ្រាហ្គិន ណៃត្រូ ឲ្យត្រជាក់ ( ល្អបំផុតក្នុងចន្លោះពី២ទៅ៤ អង្សារសេ) ហើយក្រឡុកដបថ្មមៗ​មុននឹងគាស់គម្របទទួល​ទាន។

វឌ្ឍនៈ ប្រ៊ូវើរី ជាក្រុមហ៊ុនដែលកំពុងមានភាពលេចធ្លោខ្លាំងក្នុងឧស្សាហកម្មផលិតស្រាបៀរ និងភេសជ្ជៈនៅកម្ពុជា ហើយ​បាន​ដាក់ដំណើរការផលិតផលចំនួន ១៤ មានដូចជា៖ ស្រាបៀរ វឌ្ឍនៈ, វឌ្ឍនៈ ព្រីមៀមឡៃ, ស្រាបៀរគ្រុឌ, ស្រាបៀរ គ្រុឌ ឡៃ, ស្រាបៀរប្រណីតទឹកខ្មៅដ្រាហ្គិន, ដ្រាហ្គិន ណៃត្រូ, ភេសជ្ជៈប៉ូវកម្លាំងគ្រុឌ, គ្រុឌអាយស៍, គ្រុឌកូឡា, ភេសជ្ជៈកីឡា វី-អាកទីវ, ភេសជ្ជៈកីឡា វី-អាកទីវក្រហម, ភេសជ្ជៈកីឡា វី-អាកទីវបៃតង, ភេសជ្ជៈ វី-អាកទីវ ក្រហម និងភេសជ្ជៈ វី-អាកទីវ បៃតង ដែលផលិតផលទាំងអស់ សុទ្ធសឹងតែទទួលបានការគាំទ្រយ៉ាងខ្លាំងពីអតិថិជនគ្រប់ទិសទី ព្រមទាំងទទួលបាន​មេដាយ​មាសជាបន្តបន្ទាប់ពីស្ថាប័នអន្តរជាតិជាច្រើនដូចជា Monde Selection និង World Beer Award ត្រឹមរយៈពេល​ដ៏ខ្លីនៃប្រតិបត្តិការរបស់ក្រុមហ៊ុន។

The post វឌ្ឍនៈ ប៊្រូវើរី ដាក់សម្ពោធដ្រាហ្គិន ណៃត្រូ ជាស្រាបៀររួមបញ្ចូលនីត្រូហ្សែនដំបូងគេនៅកម្ពុជា ផលិតមានចំនួនកំណត់ Limited Release appeared first on .

ស្រាបៀរ គ្រុឌ ឡៃ គឺជាសមិទ្ធផលទី១៣ របស់ក្រុមហ៊ុន វឌ្ឍនៈ ប៊្រូវើរី ដែលបានឆ្លងកាត់ដំណើរការផលិតតាមបច្ចេកវិទ្យាថ្មីចុងក្រោយបំផុត និងវេចខ្ចប់យ៉ាងផ្ចិតផ្ចង់ និងយកចិត្តទុកដាក់ដើម្បីរក្សាបាននូវរសជាតិដើម ថ្មី ស្រស់បំផុត ជាមួយនឹងក្លិនក្រអូបប្រហើរពីស្រូវសាឡី និងផ្កាហប់ ផ្តល់បាននូវរសជាតិដ៏ឈ្ងុយឆ្ងាញ់ ស្រាលស្រទន់ មានកាឡូរីទាបត្រឹមតែ ៩៨ កាឡូរី ងាយស្រួលទទួលទាន។

អ្នកឧកញ៉ា សំអាង វឌ្ឍនៈ នាយកប្រតិបត្តិក្រុមហ៊ុន វឌ្ឍនៈ ប្រ៊ូវើរី មានប្រសាសន៍ថា “ស្រាបៀរ គ្រុឌ ឡៃ គឺជាការពង្រីកបន្ថែមផលិតផលក្នុងម៉ាកសញ្ញាគ្រុឌ និងសម្រិតសម្រាំងឡើងជាពិសេសសម្រាប់មនុស្ស​សម័យ​ថ្មី ដែលមោះមុត ជឿជាក់ និងមានរសនិយមបែបថ្មី។ គ្រុឌនៅតែបន្តចែករំលែក​ភាព​រីករាយនិងពេលវេលាល្អសម្រាប់រាល់ការជួបជុំ ជាមួយនឹងពាក្យស្លោក ពេលវេលា​ល្អ នៅតែជាពេល​វេលាជាមួយគ្រុឌ។”

គួរបញ្ជាក់ថា ស្រាបៀរគ្រុឌ ឡៃ ជាសមិទ្ធផលថ្មីទី ១៣ របស់ក្រុមហ៊ុន វឌ្ឍនៈ ប្រ៊ូវើរី បន្ទាប់ពីបានដាក់ដំណើរការផលិតផលជាច្រើនរួមមាន ស្រាបៀរវឌ្ឍនៈ វឌ្ឍនៈ ឡៃ ស្រាបៀរគ្រុឌ ស្រាបៀរប្រណិតទឹកខ្មៅដ្រាហ្គិន ភេសជ្ជៈប៉ូវកម្លាំងគ្រុឌ ភេសជ្ជៈប៉ូវកម្លាំងគ្រុឌអាយស៍ ភេសជ្ជៈប៉ូវកម្លាំងគ្រុឌកូឡា ភេសជ្ជៈកីឡា វី-អាកទីវ  វី-អាកទីវ ក្រហម វី-អាកទីវ បៃតង និងភេសជ្ជៈកីឡា វី-អាកទីវ បៃតង ព្រមទាំងភេសជ្ជៈកីឡា វី-អាកទីវ ក្រហម ដែលផលិតផលទាំងអស់សុទ្ធសឹងតែទទួលបាន​ការគាំទ្រយ៉ាងខ្លាំង​ពីអតិថិជនគ្រប់ទិសទី ព្រមទាំងទទួលបានពានរង្វាន់ពីស្ថាប័ន អន្តរជាតិជាច្រើនដូចជា Monde Selection និង World Beer Awards។

The post វឌ្ឍនៈ ប៊្រូវើរី ដាក់សម្ពោធម៉ាកសញ្ញាគ្រុឌថ្មី គឺស្រាបៀរ គ្រុឌ ឡៃ ផលិតពីបច្ចេកវិទ្យា​​ថ្មី​ចុងក្រោយ រក្សានូវរសជាតិដើម ស្រាលស្រទន់ និងស្រស់បំផុត appeared first on .

ព្រឹត្តិការណ៍ V-Active Run Up គឺជាកម្មវិធីកីឡារត់ឡើងអគារដំបូងបំផុតនៅកម្ពុជា ដែលបានធ្វើឡើងនៅ​អគារ​ពាណិជ្ជកម្ម វឌ្ឍនៈ កាពីតាល ជាមជ្ឈមណ្ឌលពាណិជ្ជកម្មដ៏ស្កឹមស្កៃកម្ពស់៣៩ជាន់ ប្រវែង១៨៨ម៉ែត្រ មាន​ស្ថាបត្យកម្ម និងរចនាបទប្រណីតប្លែកគេ រះយ៉ាងលេចធ្លោចំកណ្តាលរាជធានីភ្នំពេញ ប្រកបដោយសក្តានុពល​ល្អបំផុត។ កម្មវិធីនេះរៀបចំឡើងដើម្បីជំរុញ និងលើកកម្ពស់ការរស់នៅរបស់ប្រជាជនយើងឲ្យកាន់តែរស់រវើក ប្រកបដោយសុខុមាលភាព ដោយផ្តើមចេញពីសកម្មភាពពលកម្មទូទៅប្រចាំថ្ងៃ ការធ្វើលំហាត់ប្រាណ និង​ការ​ហាត់កីឡាផ្សេងៗ។

អ្នកឧញ៉ា សំអាង វឌ្ឍនៈ នាយកប្រតិបត្តិក្រុមហ៊ុន វឌ្ឍនៈ ប្រ៊ូវើរី មានប្រសាសន៍ថា៖ «ព្រឹត្តិការណ៍កីឡារត់ឡើង​អគារដ៏អស្ចារ្យ ធ្វើឡើងដើម្បីជាសក្ខីភាពអបអរសាទរវត្តមានភេសជ្ជៈកីឡា វី-អាកទីវថ្មីរបស់យើង ដែលនេះ​បង្ហាញ​ពីឆន្ទៈប្រកបដោយមោទកភាពរបស់ក្រុមហ៊ុន វឌ្ឍនៈ ប៊្រូវើរី ក្នុងផលិតនូវភេសជ្ជៈ​កីឡាដំបូងគេ​របស់​កម្ពុជា សម្រាប់យើងទាំងអស់គ្នា ដែលចូលរួមជាចំណែកក្នុងការលើកស្ទួយសុខភាព និងសុខមាលភាពសង្គម តាមរយៈការហាត់ប្រាណ និងលេងកីឡាផ្សេងៗ ដោយយើងជ្រើសរើសយកការរត់ឡើងអគារ ព្រោះវាគឺជា​សកម្មភាពកីឡាថ្មី ប្លែក មិនធ្លាប់មាន ដែលផ្តល់ឲ្យអ្នកចូលរួមនូវបទពិសោធន៍ដ៏អស្ចារ្យសម្រាប់ខ្លួនឯង ក៏ដូច​ជាជំរុញគ្រប់គ្នា ជាពិសេសបុគ្គលិកធ្វើការក្នុងការិយាល័យ ដែលមិនមានពេលគ្រប់គា្រន់សម្រាប់ហាត់ប្រាណ ព្រោះការរត់ឡើងអគារ ឬដើរតាមកាំជណ្តើរទាំងនៅកន្លែងធ្វើការ ឬនៅផ្ទះ ជាលំហាត់ប្រាណមួយងាយៗ ដែលយើងអាចធ្វើបាន»។

ដោយមើលឃើញពីបរិបទនៃការរស់នៅថ្មី និងចំណះដឹងអំពីសុខភាពកាន់តែទូលំទូលាយរបស់ប្រជាជនកម្ពុជា ក្រុមហ៊ុន វឌ្ឍនៈ ប៊្រូវើរី បានប្តេជ្ញាចិត្ត រហូតផលិតបានភេសជ្ជៈកីឡាដ៏អស្ចារ្យ គឺភេសជ្ជៈកីឡា វី-អាកទីវ ភេសជ្ជៈ​កីឡា វី-អាកទីវក្រហម ភេសជ្ជៈកីឡា វី-អាកទីវបៃតង ដែលជាជម្រើសបន្ថែម ដើម្បីឆ្លើយតបទៅតាម​តម្រូវការ​សម្រាប់អតិថិជនដែលនិយមការលេងកីឡា ការហាត់ប្រាណ ការរស់នៅបែបសកម្ម និងមមាញឹក ហើយចាំ​បាច់​ត្រូវការផលិតផលភេសជ្ជៈមួយដែលអាចទ្រទ្រង់ និងជំនួយដល់រាងកាយ បន្ទាប់ពីបាត់បង់ ឫខ្សោះជាតិទឹក និង​ជាតិរ៉ែពីក្នុងខ្លួន។

អ្នកឧញ៉ា សំអាង វឌ្ឍនៈ មានប្រសាសន៍ទៀតថា៖ «ការថែរក្សាសុខភាពគឺជារឿងដែលចាំបាច់បំផុត ដូច្នេះការ​ហាត់ប្រាណ និងលេងកីឡា ជាកិច្ចការដែលយើងគ្រប់គ្នាត្រូវធ្វើជាប្រចាំ។ ការបំពេញជាតិទឹក និងអេឡិចត្រូ​លីត​ដែលបាត់បង់ទៅពិតជាមានសារៈសំខាន់ព្រោះនៅក្នុងភេសជ្ជៈកីឡា វី-អាកទីវ ទាំងបីរសជាតិ មានសារធាតុរ៉ែ​ស្រដៀងទៅនឹងសារធាតុរ៉ែ ដែលមាននៅក្នុងខ្លួនយើង ដូច្នេះហើយរាងកាយយើងអាចស្រូបយកសារ​ធាតុ​​ទាំង​នោះឡើយវិញបានយ៉ាងល្អ និងឆាប់រហ័សព្រមទាំងជួយរក្សាតុល្យភាពជាតិទឹកក្នុងខ្លួន ជាមួយភាព​ស្រស់ស្រាយ​។»

លើសពីរសជាតិ និងគុណភាពទទួលស្គាល់តាមស្តង់ដារអន្តរជាតិ អតិថិជនពិសាភេសជ្ជៈកីឡា វី-អាកទីវ ទាំងបី​រសជាតិ នឹងមានសំណាងឈ្នះរង្វាន់ជាច្រើនពីក្រវិលកំប៉ុង ចាប់ពី ៥ពាន់រៀល រហូតដល់ ២០លានរៀល ម៉ូតូ Honda Beat ស៊េរីថ្មី និងរថយន្ត Toyota Raize ជាច្រើនរង្វាន់។

វឌ្ឍនៈ ប្រ៊ូវើរី ជាក្រុមហ៊ុនកំពុងតែមានភាពលេចធ្លោខ្លាំងក្នុងឧស្សាហកម្មផលិតស្រាបៀរ និងភេសជ្ជៈនៅកម្ពុជា ដែលបានដាក់ដំណើរការផលិតផលចំនួន១២មុខ រួមមានស្រាបៀរ វឌ្ឍនៈ, ស្រាបៀរ វឌ្ឍនៈឡៃ, ស្រាបៀរ គ្រុឌ, ស្រាបៀរ ដ្រាហ្គិន, ភេសជ្ជៈប៉ូវកម្លាំង គ្រុឌ, ភេសជ្ជៈប៉ូវកម្លាំង គ្រុឌអាយស៍, ភេសជ្ជៈប៉ូវកម្លាំង គ្រុឌកូឡា, ភេសជ្ជៈ​កីឡា វី-អាកទីវ, ភេសជ្ជៈ វី-អាកទីវ ក្រហម, ភេសជ្ជៈ វី-អាកទីវ បៃតង, ភេសជ្ជៈកីឡា វី-អាកទីវបៃតង និង ភេសជ្ជៈកីឡា វី-អាកទីវក្រហម ដែលសុទ្ធសឹងតែទទួលបានមេដាយមាសពីស្ថាប័នវាយតម្លៃអន្តរជាតិ MONDE SELECTION និង WORLD BEER AWARDS។

The post ក្រុមហ៊ុន វឌ្ឍនៈ ប្រ៊ូវើរី បានរៀបចំព្រឹត្តិការណ៍រត់ឡើងអគារដំបូងគេនៅកម្ពុជា ដើម្បីអបអរវត្តមានភេសជ្ជៈកីឡាថ្មី appeared first on .

នៅក្នុងកម្មវិធីជប់លៀងដ៏អធិកអធម និងដាក់សម្ពោធផលិតផលទី ១០ ភេសជ្ជៈប៉ូវកម្លាំង គ្រុឌកូឡា ដ៏អស្ចារ្យ​របស់ក្រុមហ៊ុន វឌ្ឍនៈ ប្រ៊ូវើរី បានផ្តល់នូវបរិយាកាសជួបជុំយ៉ាងសប្បាយរីករាយ តាមរយៈការក្រេបរស​ជាតិដ៏​ឈ្ងុយឆ្ងាញ់ នៃផលិតផលទាំងអស់របស់ វឌ្ឍនៈ ប៊្រូវើរី ការចាប់មហារង្វាន់ផ្តល់ជូនដៃគូពាណិជ្ជកម្ម​មហា​សំណាង ក៏ដូចជាការសម្តែងសិល្បៈបទចម្រៀងល្បីៗរបស់កំពូលតារាចម្រៀងដូចជា អ្នកនាង មាស សុខសោភា ពូឃ្លាំង កញ្ញារ៉ាប៊ី លោក នីកូ លោក G-Devith អ្នកនាងទេព បូព្រឹក្ស និងលោក Sai ។

អ្នកឧកញ៉ា សំអាង វឌ្ឍនៈ នាយកប្រតិបត្តិក្រុមហ៊ុន វឌ្ឍនៈ ប្រ៊ូវើរី មានប្រសាសន៍ថា “ផលិតផល វឌ្ឍនៈ ប្រ៊ូវើរី មានភាពលេចធ្លោខ្លាំងនៅលើទីផ្សារកម្ពុជាមកដល់ថ្ងៃនេះ ក៏ដោយសារមានអ្នកទាំងអស់គ្នាចូលរួមគាំទ្រ ជួយ​ផ្សព្វ​ផ្សាយ ជាពិសេសដៃគូពាណិជ្ជកម្ម ដៃគូសហការចែកចាយ ដែលជឿជាក់លើគុណភាព និងរសជាតិ​ផលិត​ផល​ទាំងអស់របស់ វឌ្ឍនៈ ប្រ៊ូវើរី ហើយបាននាំយកផលិតផលយើងទៅ​ចែកចាយបន្តជាមួយអតិថិជន​នៅគ្រប់​ទិសទី។”

អ្នកឧកញ៉ាបានបន្តទៀតថា “យើងដើររួមគ្នា ទើបយើងដើរបានឆ្ងាយ ហើយយើងរក្សាគោលដៅ​ជោគជ័យរួមគ្នា​ជានិរន្តរ៍ ជាមួយស្មារតីខំប្រឹងមោះមុតរបស់យើង នឹងនៅតែបន្តជាមួយ វឌ្ឍនៈ ប្រ៊ូវើរី ដើម្បីសម្រេចបានភាព​ជោគជ័យ​ទាំងអស់គ្នា។ ដូចថ្ងៃនេះ យើងសម្រេចបានសមិទ្ធផលទី១០ គឺភេសជ្ជៈប៉ូវកម្លាំង គ្រុឌកូឡា ដែល​ផលិត​ឡើងដោយភាពច្នៃប្រឌិតថ្មី យល់ច្បាស់ពីតម្រូវការទីផ្សារកម្ពុជា ដែលផ្តល់ឲ្យអតិថិជននូវបទពិសោធន៍​នៃរសជាតិថ្មី ដើម្បីបន្តចែករំលែកភាពរីករាយស្រស់ស្រាយ ជាមួយថាមពលជំរុញភាពជឿជាក់ ស្វាហាប់ ឆ្ពោះ​ទៅសម្រេចភាពអស្ចារ្យ និងជោគជ័យ។”

ក្នុងរយៈពេលជាងមួយឆ្នាំកន្លងទៅនេះ ក្រុមហ៊ុន វឌ្ឍនៈ ប្រ៊ូវើរី បានសហការជាមួយដៃគូពាណិជ្ជកម្មជាច្រើន​នាក់​នៅទូទាំងប្រទេសកម្ពុជា ដើម្បីផ្តល់ភាពងាយស្រួលក្នុងការចែកចាយផលិតផលមានគុណភាពខ្ពស់ ឲ្យបាន​ដល់ដៃអតិថិជនគ្រប់គ្នានៅគ្រប់ទីកន្លែង។ ក្រុមហ៊ុន វឌ្ឍនៈ ប្រ៊ូវើរី បានដាក់ឲ្យដំណើរការផលិតផលចំនួន ១០ រួចមកហើយ ដែលក្នុងនោះរួមមាន ស្រាបៀរ វឌ្ឍនៈ, ស្រាបៀរ វឌ្ឍនៈ ព្រីមៀមឡៃ, ស្រាបៀរគ្រុឌ, ស្រាបៀរ​ប្រណិត​ទឹកខ្មៅដ្រាហ្គិន, ភេសជ្ជៈប៉ូវកម្លាំងគ្រុឌ, ភេសជ្ជៈប៉ូវកម្លាំងគ្រុឌអាយស៍, ភេសជ្ជៈកីឡា វី-អាកទីវ, ភេសជ្ជៈ វី-អាកទីវ ក្រហម, ភេសជ្ជៈ វី-អាកទីវ បៃតង និងភេសជ្ជៈប៉ូវកម្លាំងគ្រុឌកូឡា ដែលផលិតផល​ទាំង​អស់សុទ្ធសឹង​តែទទួលបានការគាំទ្រយ៉ាងខ្លាំងពីអតិថិជនគ្រប់ទិសទី ព្រមទាំងទទួលបានការទទួលស្គាល់ និងឈ្នះមេដាយមាសជាបន្តបន្ទាប់ ពីស្ថាប័នអន្តរជាតិល្បីៗជាច្រើនដូចជាស្ថាប័ន Monde Selection និង World Beer Awards ។

គួរបញ្ជាក់ថា ក្រុមហ៊ុន វឌ្ឍនៈ ប៊្រូវើរី គឺជាក្រុមហ៊ុនបុត្រសម្ព័ន្ធរបស់ វឌ្ឍនៈ គ្រុប ដែលជាគ្រុបដ៏លេចធ្លោ​មួយ​ដែលបានបង្កើតការងារដល់ពលរដ្ឋខ្មែរទាំងដោយផ្ទាល់ និងដោយប្រយោលរាប់ម៉ឺននាក់​ហើយបានរួម​ចំណែក​បង្កើនចំណូលពន្ធរបស់រដ្ឋយ៉ាងច្រើនសន្ធឹកសន្ធាប់សម្រាប់ជំរុញកំណើនសេដ្ឋកិច្ចជាតិ និងជាពិសេស​តែងតែ​ចូលរួមជំរុញពិពិដកម្មផលិតផលទំនិញ និងសេវានៅក្នុងស្រុកឱ្យកាន់តែមានស្ដង់ដារ និងគុណភាពខ្ពស់។

The post ដៃគូពាណិជ្ជកម្មរបស់ក្រុមហ៊ុន វឌ្ឍនៈ ប្រ៊ូវើរី ទូទាំងប្រទេសមកជប់លៀងជុំគ្នា អបអរភាពជោគជ័យ និងសម្ពោធផលិតផលថ្មីភេសជ្ជៈប៉ូវកម្លាំងគ្រុឌកូឡា appeared first on .

អ្នកឧកញ៉ា សំអាង វឌ្ឍនៈ នាយកប្រតិបត្តិក្រុមហ៊ុន វឌ្ឍនៈ ប្រ៊ូវើរី មានប្រសាសន៍ថា “ម៉ាក​សញ្ញា   វឌ្ឍនៈ ត្រូវបានផលិតឡើងពីទស្សនៈនៃការជួបជុំ ដើម្បីចែករំលែកភាពរីករាយព្រោះយើងជឿជាក់ថាអាថ៌កំបាំងនៃជីវិតគឺភាពរីករាយ ដូច្នេះហើយយើងចង់បន្តចែករំលែក​ភាព​​រីក​រាយ​សម្រាប់ការ​ជួបជុំរបស់​​​​លោក​អ្នកឲ្យបានកាន់តែយូរ ព្រោះវឌ្ឍនៈ ព្រីមៀមឡៃ មាន​រស​ជាតិ​​​​​​​​ស្រាល ស្រទន់ ស្រួល​ទទួលទាន ដូចជា​ពាក្យ​ស្លាករបស់វឌ្ឍនៈ ព្រីមៀមឡៃ “ស្រទន់ ស្រស់​ស្រាយ​ទាំងអស់គ្នា” និងជាភាសា​អង់គ្លេស Life’s Simple Pleasure ដែលឆ្លុះបញ្ចាំងពីភាពរីករាយពិតប្រាកដរបស់យើងទាំងអស់គ្នាដែលកើតឡើងពីក្តីសុខសាមញ្ញៗរាល់ថ្ងៃដែលយើងមាន ហើយចែករំលែកឲ្យខ្លួនឯង មិត្តភក្តិ គ្រួសារ និងមនុស្សជាទីស្រឡាញ់។”

វឌ្ឍនៈ ព្រីមៀមឡៃ គឺជាស្រាបៀរប្រណិតផលិតឡើងប្រកបដោយមោទកភាព និង​ល្អ​ឥត​​ខ្ចោះសម្រាប់មនុស្សសម័យថ្មី ជាមួយរសជាតិស្រាល​​ស្រទន់ ក្លិនឈ្ងុយប្រហើរ គុណភាព​​​លំដាប់អន្តរជាតិ ផលិតឡើងពីស្រូវសាឡីសុទ្ធ មានកម្រិតកាឡូរីទាបត្រឹមតែ ៩៦ កាឡូរី សម្រាប់ចំណុះ៣៣០ ម.ល ជាមួយកម្រិតជាតិអាល់កុលទាប​​ត្រឹមតែ ៤.១ % ងាយ​​ស្រួលទទួលទាន ផ្តល់ឲ្យលោកអ្នកនូវអារម្មណ៍កាន់​តែ​ស្រស់​​ស្រាយ ធ្វើឲ្យ​ការជួប​ជុំ​របស់​​អ្នក​កាន់តែរីករាយបានយូរ រីករាយរាល់ថ្ងៃ រីករាយគ្រប់ទីកន្លែង។ លើសពីរសជាតិស្រាលស្រទន់ដ៏ឈ្ងុយឆ្ងាញ់ពីស្រូវសាឡីសុទ្ធ អតិថិជនក៏មានឱកាសឈ្នះរង្វាន់ជាច្រើន សន្ធឹកសន្ធាប់ពីក្រវិលកំប៉ុងរបស់ស្រាបៀរ វឌ្ឍនៈ ព្រីមៀមឡៃ ដូចជាទឹកប្រាក់រហូតដល់២០លានរៀល រថយន្តភីកអាប់ និងម៉ូតូសេរីថ្មីជាច្រើនរង្វាន់។

គួរបញ្ជាក់ថា វឌ្ឍនៈ ព្រីមៀមឡៃ ជាសមិទ្ធផលថ្មីទី ៩ របស់ក្រុមហ៊ុន វឌ្ឍនៈ ប្រ៊ូវើរី បន្ទាប់ពីបានដាក់ដំណើរការផលិតផលជាច្រើនរួមមាន ស្រាបៀរវឌ្ឍនៈ ស្រាបៀរគ្រុឌ ស្រាបៀរប្រណិតទឹកខ្មៅដ្រាហ្គិន ភេសជ្ជៈប៉ូវកម្លាំងគ្រុឌ ភេសជ្ជៈប៉ូវកម្លាំងគ្រុឌអាយស៍ ភេសជ្ជៈកីឡា វី-អាកទីវ ភេសជ្ជៈ វី-អាកទីវ ក្រហម ភេសជ្ជៈ វី-អាកទីវ បៃតង ដែលផលិតផលទាំងអស់ សុទ្ធសឹងតែទទួលបានការគាំទ្រយ៉ាងខ្លាំង ពីអតិថិជន គ្រប់ទិសទី ព្រមទាំងទទួលបានការទទួលស្គាល់ និងឈ្នះមេដាយមាសផ្ទួនៗជាបន្តបន្ទាប់​ពីស្ថាប័នអន្តរ​​ជាតិជាច្រើនដូចជា Monde Selection និង World Beer Awards ៕

The post វឌ្ឍនៈ ព្រីមៀមឡៃ បង្កើតភាពភ្ញាក់ផ្អើលជាមួយរសជាតិដ៏ស្រាលស្រទន់ និងកម្រិតកាឡូរីទាបត្រឹមតែ ៩៦ កាឡូរី (វីដេអូ) appeared first on .

លិខិតថ្លែងអំណរគុណរបស់រដ្ឋបាលខេត្តព្រែវែង បានថ្លែងអំណរគុណ និងសូមជូនពរ អ្នកឧកញ៉ា សំអាង វឌ្ឍនៈ អគ្គនាយកក្រុមហ៊ុន វឌ្ឍនៈ ប្រ៊ូវើរី ព្រមទាំងសហការី បានជួបនូវពុទ្ធពរទាំងបួនប្រការ ដែលចុះហត្ថលេខាដោយលោក សួន សុម៉ាលីន អភិបាលខេត្តព្រៃវែង។

ក្រុមហ៊ុន វឌ្ឍនៈ គ្រុប កន្លងទៅធ្លាប់បានចូលរួមឧបត្ថម្ភសម្ភារៈ និងភេសជ្ជៈជាច្រើនជូនរដ្ឋបាលខេត្តព្រៃវែង ក៏ដូចជានៅតាមបណ្តាខេត្តមួយចំនួនទៀតដើម្បីប្រើប្រាស់ក្នុងកិច្ចការរបស់រដ្ឋបាលខេត្តនីមួយៗ៕

The post អ្នកឧកញ៉ា សំអាង វឌ្ឍនៈ ឧបត្ថម្ភភេសជ្ជៈចំនួន ៧០០កេសជូនរដ្ឋបាលខេត្តព្រៃវែង appeared first on .

លើសពីជោគជ័យ និងអនុស្សាវរីយ៍ដ៏អស្ចារ្យជាច្រើន កម្ពុជាយើងដណ្តើមបានមេដាយសរុបចំនួន ២៨២ ក្នុងនោះមានមេដាយមាស ៨១ មេដាយប្រាក់ ៧៤ និងមេដាយសំរិទ្ធិ ១២៧ ដែលឈរលើចំណាត់ថ្នាក់លេខ ៤ ក្នុងចំណោមប្រទេសទាំង ១១ ដែលចូលរួមប្រកួត ហើយលទ្ធផលនេះ បង្ហាញថាកម្ពុជាបានបំបែកកំណត់ត្រាថ្មី ដែលទទួលបានមេដាយច្រើនបំផុតមិនធ្លាប់មានក្នុងប្រវត្តិចូលរួមប្រកួតស៊ីហ្គេមកន្លងមក។  

ការរៀបចំព្រឹត្តិការណ៍កីឡានេះ បានធ្វើឲ្យកិត្យានុភាពកម្ពុជាកាន់តែរះត្រដែតនៅលើឆាកអន្តរជាតិ  ជាពិសេសពិធីបើក និងបិទព្រឹត្តិការណ៍ស៊ីហ្គេមដ៏ទាក់ទាញ បង្កប់នូវអត្ថន័យជ្រាលជ្រៅ រំលេចពីភាពរុងរឿងអស្ចារ្យរបស់កម្ពុជា ជាមួយផ្ទាំងទស្សនីយភាពសិល្បៈដ៏សម្បូរបែប។

លើសពីការរួមចំណែកឧបត្ថម្ភ​ គាំទ្រទាំងថរិកា​ សម្ភារៈ និងផលិតផល ក្រុមហ៊ុន វឌ្ឍនៈ ប៊្រូវើរី ក៏បានចូលរួមក្នុងការផលិតនូវបទចម្រៀង “ផ្ទះតូច បេះដូងធំ” សម្រាប់អបអរប្រទេសកម្ពុជាធ្វើជាម្ចាស់ផ្ទះសម្រាប់ព្រឹត្តិការណ៍ស៊ីហ្គេម និងអាស៊ានប៉ារ៉ាហ្គេមឆ្នាំ២០២៣ ដែលទទួយបានការចាប់អារម្មណ៍យ៉ាងខ្លាំងពីសំណាក់មហាជនទាំងក្នុង និងក្រៅប្រទេស ដោយទទួលបានការចូលទស្សនារាប់លាននាក់ ​និងចូលខំមេន(Comment) ព្រោងព្រាតកោតសរសើរទៅលើខ្លឹមសារបទចម្រៀង និងវីដេអូដ៏រស់រវើក បន្ទាប់ពីវីដេអូចម្រៀងមួយនេះត្រូវបានផ្សព្វផ្សាយនៅលើបណ្តាញសង្គមត្រឹមរយៈពេលដ៏ខ្លី។

បទចម្រៀងដ៏មានអត្ថន័យមួយនេះ​ ត្រូវបានបកស្រាយដោយតារាចម្រៀងល្បីៗ​ប្រចាំព្រះរាជាណាចក្រកម្ពុជាគឺ អ្នកនាង មាស សុខសោភា និងពូឃ្លាំង ដែលបង្ហាញពីសិល្បៈខ្មែរស្ទើរគ្រប់ទម្រង់ ហើយក៏ជាផ្នែកមួយនៃការផ្សព្វផ្សាយ វប្បធម៌អរិយធម៌របស់យើងឲ្យថ្កុំថ្កើងទៅកាន់ឆាកអន្តរជាតិ​ ក៏ដូចជាជំរុញបន្ថែមទៅលើស្មារតីអ្នកគាំទ្រគ្រប់រូប​ឲ្យចូលរួមលើកស្ទួយវិស័យកីឡា ក្រោមពាក្យស្លោកអាស៊ានតែមួយគឺ “កីឡារស់ក្នុងសន្តិភាព”។​​ ជាងនេះទៅទៀត​​វីដេអូចម្រៀងដ៏មានអត្ថន័យនេះបានបង្កប់នូវភាពថ្លៃថ្នូរ ទន់ភ្លន់នៃប្រជាជនខ្មែរ ប្រកបដោយមោទនភាពជាតិ ជាមួយស្នាមញញឹមរាក់ទាក់​ និងស្វាគមន៍យ៉ាងកក់ក្តៅទៅកាន់ភ្ញៀវទេសចរណ៍គ្រប់ជាតិសាសន៍ ដែលបានមកកម្សាន្តទស្សនាប្រទេសកម្ពុជានាឱកាសព្រឹត្តិការណ៍កីឡាដ៏វិសេសវិសាលនេះ​​។​

ក្រុមហ៊ុន វឌ្ឍនៈ ប៊្រូវើរី សូមអរគុណអ្នកទាំងអស់គ្នា ដែលបានចូលរួមគាំទ្រព្រឹត្តិការណ៍ស៊ីហ្គេម ហើយសូមឲ្យប្រជាជនយើងបន្តគាំទ្រព្រឹត្តិការណ៍អាស៊ានប៉ារ៉ាហ្គេមដែលនឹងប្រព្រឹត្តទៅនៅថ្ងៃទី៣ ខែមិថុនា ឆ្នាំ​២០២៣ ខាងមុខនេះ ហើយចូលរួមលើកទឹកចិត្តអត្តពលិកពិការរបស់យើង ជាពិសេសគាំទ្រ និងចែករំលែកបទចម្រៀង “ផ្ទះតូច បេះដូងធំ” ដើម្បីឲ្យពិភពលោកស្គាល់ពីភាពអស្ចារ្យនៃព្រឹត្តិការណ៍កីឡានៅកម្ពុជា។

ទាំងអស់គ្នា ដើម្បីកម្ពុជា! 

The post អបអរព្រឹត្តិការណ៍ស៊ីហ្គេមលើកទី៣២នៅកម្ពុជា បានបញ្ចប់ទៅយ៉ាងជោគជ័យដ៏ត្រចះត្រចង់ និងអនុស្សាវរីយ៍ដ៏អស្ចារ្យជាច្រើន appeared first on .

ក្រុមហ៊ុន វឌ្ឍនៈ ប្រ៊ូវើរី សូមគោរពថ្លែងនូវអំណរគុណយ៉ាងជ្រាលជ្រៅបំផុតជូន សម្តេចតេជោ នាយករដ្ឋមន្រ្តី ដែលបានចេញសារអន្តរាគមអំពាវនាវយ៉ាងទាន់ពេលវេលាក្នុងនាមរាជរដ្ឋាភិបាលកម្ពុជា និងប្រជាជនកម្ពុជា​និយមស្នេហាកីឡាបាល់ទាត់ ដើម្បីស្នើ ឯកឧត្តមនាយឧត្តមសេនីយ៍ សៅ សុខា ដែលមានស្នាដៃ និងគុណ​បំណាច់​ដ៏ធំធេងក្នុងការលើកស្ទួយវិស័យកីឡាបាល់ទាត់កម្ពុជា ឱ្យបន្តដឹកនាំសហព័ន្ធកីឡាបាល់ទាត់​កម្ពុជា​តទៀត។

សម្តេចតេជោ គឺជាថ្នាក់ដឹកនាំកំពូល ដែលតែងតែយកចិត្តទុកដាក់ស្តាប់ និងក្តាប់បាននូវរាល់សភាពការណ៍ ហើយចេញមុខដោះស្រាយចំៗបញ្ហាបានយ៉ាងទាន់ពេលវេលាបំផុត ប្រកបដោយភាពវៃឆ្លាត និងបញ្ញាញាណបំផុតពុំអាចរកអ្វីប្រៀបផ្ទឹមបានឡើយ ជាមួយនឹងទឹកចិត្តដ៏មហាធំធេង និងជាពិសេស គុណធម៌ដ៏ជ្រាលជ្រៅ ដោយតែងតែលើកទឹកចិត្ត និងផ្តល់ឱកាសដល់អ្នកដែលមានសមត្ថភាពទាំងឡាយ ដើម្បីរួមគ្នាកសាងអភិវឌ្ឍជាតិ និងជ្រោងទង់សន្តិភាពឱ្យបន្តបក់រវេចៗ ក្នុងស្មារតីរួបរួមសាមគ្គីខ្មែរតែមួយគួរជាទីមោទនៈបំផុត។

ក្នុងនាមជាម្ចាស់ឧបត្ថម្ភធំផ្លូវការរបស់សហព័ន្ធកីឡាបាល់ទាត់កម្ពុជា ក្រុមហ៊ុន វឌ្ឍនៈ ប្រ៊ូវើរី នឹងបន្តគាំទ្រ​យ៉ាងពេញទំហឹង និងខិតខំប្រឹងប្រែងរួមចំណែកជាមួយសហព័ន្ធកីឡាបាល់ទាត់កម្ពុជា ក្រោមការដឹកនាំ​របស់​ឯកឧត្តមនាយឧត្តមសេនីយ៍ សៅ សុខា ដើម្បីជំរុញការអភិវឌ្ឍវីស័យកីឡាបាល់ទាត់កម្ពុជា​ឱ្យកាន់តែរីកចំរើន​ឈានឡើងបន្ថែមទៀតក្នុងឆាកអន្តរជាតិ។

គួរបញ្ជាក់ថា នាយឧត្តមសេនីយ៍ សៅ សុខា ក្នុងស្មារតីទទួលខុសត្រូវ​ដែលកំពុងកាន់តំណែងជា​ប្រធានសហពន្ធ័​កីឡាបាល់ទាត់កម្ពុជា ( FFC ) កាលពីថ្ងៃទី០៧ ឧសភា បានប្រកាសលាឈប់ពីតួនាទី​ជាប្រធានសហព័ន្ធ​ភ្លាមៗ បន្ទាប់ពីក្រុមបាល់ទាត់បុរសអាយុ ២២ឆ្នាំ របស់កម្ពុជា នាល្ងាចថ្ងៃដដែល មិនអាចដណ្ដើមជ័យជំនះ​លើក្រុមបាល់ទាត់មីយ៉ាន់ម៉ា ឈានទៅបន្តប្រកួតវគ្គបន្តបាន។ ទោះ​យ៉ាងណា នៅថ្ងៃទី៨ ខែឧសភា ម្សិលមិញនេះ សម្តេចតេជោ ហ៊ុន សែន នាយករដ្ឋមន្ត្រី ​​បាន​ចេញ​សារ​សំលេង​​​សំណូមពរ​ឱ្យ​នាយឧត្តមសេនីយ៍ សៅ សុខា បន្ត​ដឹកនាំ​កីឡាបាល់ទាត់​កម្ពុជា​ជា​បន្ត​ទៀត៕

The post ក្រុមហ៊ុន វឌ្ឍនៈ ប្រ៊ូវើរី ចេញលិខិតអបអរសាទរនាយឧត្តមសេនីយ៍ សៅ សុខា ក្នុងការបន្តធ្វើជាប្រធានសហព័ន្ធកីឡាបាល់ទាត់កម្ពុជា តាមការអំពាវនាវរបស់សម្តេចតេជោ appeared first on .

ក្នុងញត្តិស្នើសុំរបស់ ក្រុមហ៊ុន វឌ្ឍនៈ ប្រ៊ូវើរី របស់អ្នកឧកញ៉ា សំអាង វឌ្ឍនៈ ដដែល បានបញ្ជាក់ថា ក្រោមការដឹកនាំរបស់ ឯកឧត្តមនាយឧត្តមសេនីយ៍ សៅ សុខា ប្រធានសហព័ន្ធកីឡាបាល់ទាត់ រយៈពេលជាង១០ឆ្នាំកន្លងមក បានធ្វើឱ្យកីឡាបាល់ទាត់កម្ពុជា មានការរីកចម្រើនទាំងបរិមាណ និងគុណភាព ជាអាទិ៍សមត្ថភាពកីឡាករ គ្រូបង្វឹក មន្ត្រី អាជ្ញាកណ្តាល និងក្លិបបាល់ទាត់អាជីពនានា មានសមត្ថភាព និងមានលទ្ធភាពចូលរួមការប្រកួតប្រជែងជាលក្ខណៈតំបន់ និងអន្តរជាតិ ជាពិសេសនៅក្នុងការប្រកួតនាពេលកន្លងមក ការខិតខំប្រកួត និងបច្ចេកទេសលេងបាល់ របស់កីឡាករបាល់ទាត់កម្ពុជា បានទាក់ទាញទស្សនិកជន ឱ្យចូលរួមទស្សនាផ្ទាល់ និងទស្សនាតាមអនឡាញ ភ្លូកទឹកភ្លូកដី។ 

និយាយដោយឡែក ក្នុងស្មារតីកសាង និងប្រមូលនូវធនធានកីឡាករបាល់ទាត់ ឯកឧត្តមនាយឧត្ដមសេនីយ៍ សៅ សុខា បានរៀបចំឱ្យមាននូវទីលានបាល់ទាត់ នៅតាមសាលាតម្រង់ទិសទាំង ២៥ រាជធានីខេត្ត និងរៀបចំកម្មវិធីអភិវឌ្ឍកីឡាបាល់ទាត់ នៅតាមសាលាបឋមសិក្សា និងអនុវិទ្យាល័យ និងលើកទឹកចិត្តកីឡាករដោយផ្ទាល់តាមគ្រប់រូបភាព ដែលកត្តាទាំងនេះ បានធ្វើឱ្យសិស្សានុសិស្ស និងយុវជនជាច្រើន ចូលរួមហ្វឹកហាត់ និងលេងកីឡាបាល់ទាត់ ហើយក្រុមកីឡាករមានកម្លាំងចិត្តកាន់តែខ្លាំងឡើង។ ម្យ៉ាងវិញទៀត ក្រោមការដឹកនាំ របស់ឯកឧត្តមនាយឧត្តមសេនីយ៍ប្រធានសហព័ន្ធ ការលេងកីឡាបាល់ទាត់ មានសកម្មភាព យ៉ាងផុលផុសក្នុងស្រទាប់យុវវ័យ នៅគ្រប់ទីកន្លែងក្នុងព្រះរាជាណាចក្រកម្ពុជា។

ជាថ្មីម្ដងទៀត ក្នុងនាមជាម្ចាស់ឧបត្ថម្ភធំផ្លូវការរបស់សហព័ន្ធកីឡាបាល់ទាត់កម្ពុជា និងក្នុងនាមថ្នាក់ដឹកនាំ និងបុគ្គលិកគ្រប់ជាន់ថ្នាក់ទាំងអស់នៃក្រុមហ៊ុន វឌ្ឍនៈ ប្រ៊ូវើរី សូមប្រកាសគាំទ្រយ៉ាងពេញទំហឹង និងស្នើសុំយ៉ាងទទូចដល់ ឯកឧត្ដមនាយឧត្តមសេនីយ៍ សៅ សុខា សូមនៅបន្តធ្វើជាប្រធានសហព័ន្ធកីឡាបាល់ទាត់កម្ពុជា បន្តទៀត ដើម្បីបន្តដឹកនាំវិស័យកីឡាបាល់ទាត់កម្ពុជាឱ្យកាន់តែរីកចម្រើនឈានឡើង។ 

គួរបញ្ជាក់ថា នាយឧត្តមសេនីយ៍ សៅ សុខា ក្នុងស្មារតីទទួលខុសត្រូវដែលកំពុងកាន់តំណែងជាប្រធានសហពន្ធ័កីឡាបាល់ទាត់កម្ពុជា ( FFC ) កាលពីថ្ងៃទី០៧ ឧសភា បានប្រកាសលាឈប់ពីតួនាទីជាប្រធានសហព័ន្ធភ្លាមៗ បន្ទាប់ពីក្រុមបាល់ទាត់បុរសអាយុ ២២ឆ្នាំ របស់កម្ពុជា នាល្ងាចថ្ងៃដដែលម្សិលមិញនេះ មិនអាចដណ្ដើមជ័យជំនះលើក្រុមបាល់ទាត់មីយ៉ាន់ម៉ា ឈានទៅបន្តប្រកួតវគ្គបន្តបាន៕

The post ថ្នាក់ដឹកនាំ និងបុគ្គលិកគ្រប់ជាន់ថ្នាក់ ក្រុមហ៊ុន វឌ្ឍនៈ ប្រ៊ូវើរី ចេញញត្តិស្នើសុំនាយឧត្តមសេនីយ៍ សៅ សុខា សូមបន្តធ្វើជាប្រធានសហព័ន្ធកីឡាបាល់ទាត់កម្ពុជា appeared first on .