​រថយន្ត​ក្រុង​ VIP សៀមរាប-បាងកក ជា​ប្រភេទ​រថយន្ត​ ២៧​កៅអី ​​ដែល​អ្នក​ដំណើរ​​​​អាច​​​ជ្រើស​រើស​ម៉ោង​ធ្វើ​ដំណើរ​បាន ចាប់ពី​ម៉ោង ០៨:០០​នាទី​ព្រឹក ដល់​ម៉ោង ១២:៤៥​នាទី​យប់។ ការ​​ដាក់​ឱ្យ​ដំណើរ​ការ​នូវ​រថយន្ត​​ក្រុង VIP ​​នេះ​ នឹង​ធ្វើ​ឱ្យ​​អាជីវករ ដែល​ចង់​​ធ្វើ​ដំណើរ​ទៅ​ថៃ ដើម្បី​ទិញ​ទំនិញ​កាន់​តែ​​ងាយ​ស្រួល ​​ហើយ​ជា​ពិសេស​ភ្ញៀវ​ទេសចរណ៍ ​​ដែល​កំពុង​​​​កម្សាន្ត​នៅ​ខេត្ត​សៀមរាប និង​ចង់​បន្ត​ទៅ​លេង​នៅ​ទីក្រុង​បាង​កក ​​អាច​ធ្វើ​ដំណើរ​តាម​រថយន្ត​ក្រុង VIP នេះ​បាន ​​​​ជាមួយ​នឹង​​​សុវត្ថិភាព​ខ្ពស់ ​​​និង​​ពុំ​មាន​រុះរើ​ឥវ៉ាន់​ប្តូរ​រថយន្ត​ ពេល​ដល់​ព្រំដែន ដូច​ពី​មុន​ទៀត។

សូម​ជម្រាប​ជូន​ថា ក្រុមហ៊ុន​ វិរៈ ប៊ុនថាំ អេចប្រេស ជា​ក្រុមហ៊ុន​ដឹក​ជញ្ជូន​ និង​បញ្ញើ​ឈាន​មុខ​គេ​មួយ​នៅ​ប្រទេស​កម្ពុជា ដែល​អាច​ធ្វើ​ដំណើរ ឬ​​ផ្ញើ​​ទំនិញ​ ទៅ​កាន់​ប្រទេសថៃ និង​វៀតណាម​បាន។ លើស​ពី​នេះ​ថ្មីៗ​នេះ​ ក្រុមហ៊ុន​ ក៏​ទើប​បាន​ចេញ​​ App ថ្មី​មួយ​ឈ្មោះ​ថា VET Express ដែល​អាច​ទាញ​យក​បាន​នៅ​លើ​​​ទូរសព្ទ​ដៃ​ទាំង​ប្រព័ន្ធ​ iOS និង​ Andriod ​​ដើម្បី​តាម​ដាន​ប្រតិបត្តិការ​​បញ្ញើ​ទំនិញ ឬ​អាច​កក់​សំបុត្រ​​ក្នុង​ការ​ធ្វើ​ដំណើរ​បាន​ផង​ដែរ៕

The post វីរៈ ប៊ុនថាំ ដាក់ដំណើរការរថយន្តក្រុង VIP សៀមរាប-បាងកក ពុំបាច់ប្តូររថយន្តនៅព្រំដែនទៀត appeared first on .

ថ្លែងប្រាប់សារព័ត៌មានឌីជីថលឧកញ៉ាញូស៍ ពីទីក្រុងហូជីមីញ នៅព្រឹកថ្ងៃទី២២ មិថុនានេះ ឧកញ៉ា សួរ វីរៈ អគ្គនាយកក្រុមហ៊ុន វីរៈ ប៊ុនថាំ អេចប្រេស បានលើកឡើងថា៖ «ជាង ១០ឆ្នាំហើយក្រុមហ៊ុនវីរៈប៊ុនថាំ បើកដំណើរការការិយាល័យនៅទីក្រុងហូជីមិញ ដែលផ្តល់សេវាកម្មដឹកជញ្ជូនទំនិញ និងអ្នកដំណើរ ហើយនៅក្នុងបរិបទកូវីដក្រុមហ៊ុនក៏បានបិទដោយសារពិបាកការធ្វើដំណើររបស់បុគ្គលិកផង និងអ្នកដំណើរផង»។

ដោយមើលឃើញស្ថានភាពកូវីដ១៩ នៅកម្ពុជា រួមទាំងនៅប្រទេសវៀតណាមបានធូរស្បើយបណ្តើរៗ ក្រុមហ៊ុន វីរៈ ប៊ុនថាំ បើកដំណើរការដឹកអ្នកដំណើរ និងដឹកជញ្ជូនទំនិញសារឡើងវិញ នៅថ្ងៃទី១ ខែកក្កដា ឆ្នាំ២០២២។ ក្នុងនោះក្រុមហ៊ុននឹងទទួលដឹកបញ្ញើឆាប់រហ័ស និងសេវាកម្មដឹកជញ្ជូនអ្នកដំណើរ ដែលក្រុមការងារទាំងអស់តាំងចិត្តយ៉ាងម៉ឹងម៉ាត់ ក្នុងការផ្តល់នូវសេវាកម្មដឹកអ្នកដំណើរ និង បញ្ញើរឆាប់រហ័ស ប្រកបដោយគុណភាព ជាមួយស្នាមញញឹម។

ជុំវិញការបើកដំណើរការអាជីវកម្មនៅទីក្រុងហូជីមីញនាពេលនេះ ឧកញ៉ា សួរ វីរៈ បានដាក់ក្តីរំពឹងខ្ពស់ថានឹងមានកំណើនភ្ញៀវទេសចរ និងបញ្ញើឡើងវិញដោយសារប្រទេសកម្ពុជា និងវៀតណាមបើកទ្វារទទួលភ្ញៀវទេសចរណ៍បណ្តើៗ។

លោកឧកញ៉ាគូសបញ្ជាក់ថា ប្រជាជនកម្ពុជា កន្លងមកក៏បានមកកម្សាន្តនៅប្រទេសវៀតណាមច្រើនគួរសមដែរ ម្យ៉ាងប្រជាជនវៀតណាមក៏ចូលមកកម្ពុជាច្រើនដូចគ្នា។ ទន្ទឹមនឹងនោះក្រុមហ៊ុន វីរៈ ប៊ុនថាំ រំពឹងថាទទួលជោគជ័យក្នុងបើកដំណើរការឡើងវិញ ដោយផ្អែកទៅលើបទពិសោធថ្មីៗដែលក្រុមហ៊ុនមាន និងការបន្ថែមម៉ោងចេញដំណើរដោយធ្វើដំណើរទាំងពេលថ្ងៃ និងពេលយប់។

លើសពីនេះ ក្រុមហ៊ុន វីរៈប៊ុនថាំ បានឈរជើងក្នុងទីផ្សារដឹកអ្នកដំណើរ និងបញ្ញើ មានកេរ្តិ៍ឈ្មោះ និងទំនុកចិត្តខ្ពស់ពីអតិថិជនរាប់សិបឆ្នាំមកហើយ។ តែយ៉ាងណាលោកឧកញ៉ា សួរ វីរៈ បង្ហាញអារម្មណ៍ហាក់ដូចជាមិនទទួលបានជោគជ័យដុំកំភួននោះឡើយ ដោយលោកលើកឡើងនូវហេតុផលតែម្យ៉ាងគត់គឺ អត់ចេះភាសាវៀតណាម ។ ដូច្នេះ គ្រប់ភាសាសុទ្ធតែមានសារ:សំខាន់ឆ្ពោះទៅរកភាពជោគជ័យយូរអង្វែង។

ទោះជាបែបនេះក្តី អ្វីដែលក្រុមហ៊ុន វីរៈប៊ុនថាំ មិនទាន់បានជោគជ័យដល់ចំណុចកំពូល ត្រូវបានលោកឧកញ៉ាអគ្គនាយកបង្ហើបថា ក្រុមហ៊ុន វីរៈប៊ុនថាំ នៅតែជាក្រុមហ៊ុនលេខ១ តំបូងគេនៅប្រទេសវៀតណាម ខណៈដែលកន្លងមក វីរៈប៊ុនថាំ ឈរលេខរៀងប្រដំប្រសងជាមួយក្រុមហ៊ុនក្នុងប្រទេសតែប៉ុណ្ណោះ។

គួរជម្រាបជូនថា ក្រុមហ៊ុន វីរៈប៊ុនថាំ សាខាហូជីមីញ មានទីតាំងស្ថិតផ្ទះលេខ 646o Nguyen Trai ខណ្ឌ11 សង្កាត់5 Hochimin ជិតមន្ទីរពេទ្យ ២១៥ (ពេទ្យជោរៃ)៕

The post ក្រុមហ៊ុន វីរៈប៊ុនថាំ បើកដឹកអ្នកដំណើរ និងបញ្ញើឆាប់រហ័សឡើងវិញ កម្ពុជា-ហូជីមីញ appeared first on .

ជាមួយនឹងដំណឹងនៃការបើកប្រទេសឡើងវិញនេះដែល ក្រុមហ៊ុន វីរៈប៊ុនថាំ អេចប្រេស ដែលជាក្រុមហ៊ុនឈានមុខក្នុងការផ្តល់សេវាកម្មដឹកអ្នកដំណើរ និងបញ្ញើអីវ៉ាន់ ប្រកបដោយគុណភាពខ្ពស់ លឿនរហ័ស ល្បីឈ្មោះជាង ២ ទស្សវត្សន៍មកនេះ បានសម្រេចបើករត់រថយន្តឡើងវិញ នៅថ្ងៃទី៥ ខែវិច្ឆិកា ឆ្នាំ២០២១នេះ ខណៈក្រុមហ៊ុនទើបតែបញ្ជាទិញរថយន្តស៊េរីថ្មី Hyundai ជាច្រើនគ្រឿងបន្ថែមទៀត សម្រាប់ភ្ញៀវ VIP។

លោកឧកញ៉ា សួរ វីរៈ អគ្គនាយកក្រុមហ៊ុន វីរៈប៊ុនថាំ អេចប្រេស ថ្លែងប្រាប់គេហទំព័រឧកញ៉ានៅព្រឹកថ្ងៃទី១ ខែវិច្ឆិកានេះថា ស្ថានភាពកូវីដ-១៩ មានភាពធូស្រាល ក្រុមហ៊ុនយើងនឹងចាប់ផ្តើមបើកខ្សែឡានរត់ឡើងវិញ ជាមួយរថយន្តក្រុង និងរថយន្ត វីអាយភី ដឹកអ្នកដំណើរគ្រប់ទីកន្លែងទូទាំងប្រទេស ទន្ទឹមនឹងនោះយើងបានបោះទុនទិញឡានថ្មីៗ ជាច្រើនគ្រឿង ដើម្បីផ្តល់សេវាកម្មទៅភ្ញៀវរបស់ក្រុមហ៊ុន វីរៈប៊ុនថាំ។

បើតាមលោកឧកញ៉ា ដោយសាក្រុមហ៊ុនបានផ្អាកការដឹកអ្នកដំណើរ ចាប់តាំងពីរាជរដ្ឋាភិបាល សម្រេចផ្អាកសកម្មភាពអាជីវកម្ម ដើម្បីទប់ស្កាត់ការរីករាលដាលនៃជំងឺកូវីដក្នុងព្រឹត្តិការណ៍សហគមន៍ ២០កុម្ភៈ។ បិទប្រទេសអស់រយៈពេលជាង ២ឆ្នាំនេះ រាជរដ្ឋាភិបាល សម្រេចបើកឲ្យដំណើរការប្រទេសឡើងវិញជាបណ្តើរៗ តាមគន្លងប្រក្រតីភាពថ្មី ដូច្នេះហើយក្រុមហ៊ុន វីរៈប៊ុនថាំ ក៏សម្រេចចិត្តបើកដឹកអ្នកដំណើរឡើងវិញ ទាំងឡានពេលយប់ ទាំងប្រភេទឡាន VIP ពេលថ្ងៃ ទៅគ្រប់បណ្តាលខេត្តក្រុងនៅប្រទេសកម្ពុជា។

លោកឧកញ៉ាបន្ថែមថា ដើម្បីបំពេញតម្រូវការភ្ញៀវត្រូវការធ្វើដំណើរពេលថ្ងៃ ក្រុមហ៊ុនបានទិញរថយន្តថ្មីម៉ាក Hyundai ចំនួន ២០គ្រឿងបន្ថែមទៀត ជាប្រភេទឡាន VIP។ ទន្ទឹមនឹងនោះ យើងក៏មាន រីសត (Resort) នៅកោះស្តេច ខេត្តកោះកុង ត្រៀមបើកនៅខែវិច្ឆិកានេះផងដែរ។

ទោះជាយ៉ាងណា លោកឧកញ៉ា សួរ វីរៈ បានអះអាងថា បើទោះបើកដំណើរការអាជីវកម្មឡើងវិញក៏ពិតមែន ប៉ុន្តែក្រុមហ៊ុននៅតែបន្តគោរពតាមគោលការណ៍របស់ក្រសួងសុខាភិបាល 3កុំ​​​​ 3ការពារ ដើម្បីចៀសផុត និងការរីករាលដាលពីជំងឺកូវីដ-១៩។ លោកថា សូមអតិថិជនទាំងអស់ធ្វើដំណើរប្រកបដោយស្នាមញញឹម​ និងសុវត្ថិភាព គ្រប់ៗគ្នា។

គួររម្លឹកថា បើតាមក្រសួងទេសចរណ៍ បន្ទាប់ពីការបើកទេសចរណ៍នៅខេត្តព្រះសីហនុ និងខេត្តកោះកុង រដ្ឋាភិបាលនឹងបន្តបើកទទួលនៅខេត្តសៀមរាប នាខែមករា ឆ្នាំ២០២២ ខាងមុខ ក្នុងក្របខណ្ឌនៃកម្មវិធីទេសចរណ៍វ៉ាក់សាំង ដែលអនុញ្ញាតឱ្យភ្ញៀវទេសចរអន្តរជាតិស្នាក់នៅនិងទស្សនាក្នុងតំបន់ ឬគោលដៅទេសចរណ៍សុវត្ថិភាពរយៈពេល ៥ថ្ងៃ ដោយមិនតម្រូវឱ្យធ្វើចត្តាឡីស័កក្នុងសណ្ឋាគារឡើយ៕

The post ក្រុមហ៊ុន វីរៈប៊ុនថាំ បើករត់ខ្សែឡានឡើងវិញ ជាមួយនឹងរថយន្ត VIP ទិញថ្មី ២០គ្រឿងបន្ថែម appeared first on .

លោក លី សុផា នាយរងផ្នែករដ្ឋបាលព្រៃឈើបន្ទាយស្រី ខេត្តសៀមរាប បានឲ្យដឹងថា កម្លាំងរដ្ឋបាលព្រៃឈើបន្ទាយស្រី បានធ្វើការឃាត់រថយន្តដឹកទំនិញមួយគ្រឿង ដែលលួចបង្កប់ដឹកសត្វតុកកែ ដោយខុសច្បាប់ តាមបណ្តោយផ្លូវជាតិលេខ៦៧ ស្ថិតក្នុងភូមិគោកឬស្សី ឃុំបល័ង្គ ស្រុកប្រាសាទបាគង ខេត្តសៀមរាប។

លោកបន្តថា រថយន្តដែលកម្លាំងមេព្រៃ នៃផ្នែករដ្ឋបាលព្រៃឈើបន្ទាយស្រី ឃាត់នេះជារបស់ក្រុមហ៊ុនក្រុមហ៊ុនវីរ: ប៊ុនថាំ ប្រភេទដឹកឥវ៉ាន់ ពាក់ស្លាកលេខ ភ្នំពេញ៣F៧២៣២ រថយន្តខាងលើនេះចេញដំណើរពីខេត្តមណ្ឌលគីរី ហើយចូលយកអីវ៉ាន់នៅតាមសាខាក្នុងខេត្តនានារហូតមកកាន់ខេត្តសៀមរាប។

លោក លី សុផា បញ្ជាក់ថា៖ “ចំពោះសត្វតុកកែ ដែលពួកគេដឹកនោះ គឺយកពីខេត្តព្រះវិហារ មានចំនួន ២កេស ស្មើនឹង៩៨៤ក្បាល”។

ទាក់ទងនឹងករណីដែលអាជ្ញាធរលើកឡើងថាក្រុមហ៊ុនបានលួចបង្កប់ដឹកសត្វតុកកែ ល្មើសច្បាប់ ក្រុមហ៊ុន វីរៈប៊ុនថាំ បានដាក់ជាសំនួរទៅកាន់លោក លី សុផា វិញថា ហេតុអីលោកដឹងច្បាស់ហើយថាក្នុងឡានមានដឹកតុកកែ? ហើយដឹងច្បាស់ថាផ្ញើរចេញពីតំបន់ណា? មានន័យថាលោកដឹងច្បាស់ណាស់ថាជាបញ្ញើរមិនពាក់ព័ន្ធក្រុមហ៊ុនឡើយ រឺជាការរៀបចំទុកជាមុន?របស់ខុសច្បាប់ហេតុអីនៅគូទឡានវិញ ម្តេចមិននៅខាងក្នុង?

បើលោកដឹងហើយថាមានដឹកតុកកែ ហើយជាក្រុមហ៊ុនទទួលបញ្ញើរមានទាំងវិក័ត្រទទួល ផ្ញើរ ហើយលេខអ្នកផ្ញើរ អ្នកទទួល ទីតាំងអ្នកផ្ញើរ និងពត៌មានផ្សេងៗទៀត ហេតុអីលោកមិនទៅចាប់អ្នកប្រព្រត្តិទៅ បើតុកកែខុសច្បាប់ពិតមែន? ចាប់ភ្លាមទាមទារពិន័យ 30,000$ ជាថ្នូរក្នុងការដោះលែង តើជាច្បាប់មែនទេ? អ្នកកាប់ឈើ ដឹកឈើ ចាប់សត្វព្រៃពិតប្រាកដម្តេចលោកមិនទៅចាប់?5-តើលោកដឹងទេថា ក្រុមហ៊ុនទទួលបញ្ញើរគ្មានសិទ្ធឆែកមើលទំនិញភ្ញៀវនោះទេ តែក្រុមហ៊ុនតែងតែសហការជាមួយសមត្ថកិច្ចជានិច្ច បើមានករណីសង្ស័យណាមួយ។ ក្រុមហ៊ុន វីរៈ ប៊ុនថាំ បន្ថែម។

លោកឧកញ៉ា សួរ វីរៈ អគ្គនាយកក្រុមហ៊ុន វីរៈ ប៊ុនថាំ បានបញ្ជាក់ប្រាប់គេហទំព័រឧកញ៉ាញូស៍ថា៖ “ខ្ញុំឃើញប្រតិកម្មច្រើនពីមហាជនទូទៅ ហើយគិតមកដល់ម៉ោងនេះយើងរងចាំដំណោះស្រាយនៅឡើយទេ”។

បច្ចុប្បន្នរថយន្តខាងលើ ត្រូវបានកម្លាំងរដ្ឋបាលព្រៃឈើស្រុកបន្ទាយស្រី ដកហូតមករក្សាទុកដើម្បីធ្វើការពិន័យតាមច្បាប់ស្តីពីព្រៃឈើ។ ចំណែកវត្ថុតាងជាសត្វតុកកែ កំពុងរង់ចាំចំណាត់ការពីថ្នាក់លើ ដើម្បីចាត់ការតាមនិតិវិធី។

ក្រុមហ៊ុន វីរៈប៊ុនថាំ អេចប្រេស គឺជាក្រុមហ៊ុនបញ្ញើ និងដឹកឥវ៉ាន់ឈានមុខគេយូឆ្នាំមកហើយនៅប្រទេសកម្ពុជា ក្រុមហ៊ុនសង្ឃឹមនឹងទទួលបានការដោះលែងប្រកបដោយយុត្តិធម៌៕

The post ក្រុមហ៊ុន វីរៈប៊ុនថាំ៖ ចាប់ភ្លាមទាមទារពិន័យ ៣ម៉ឺនដុល្លារជាថ្នូរក្នុងការដោះលែង តើជាច្បាប់មែនទេ? appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

លោកឧកញ៉ា សួរ វីរៈ អគ្គនាយកក្រុមហ៊ុន វីរៈប៊ុនថាំ អេចប្រេស មានប្រសាសន៍ថា៖ “មិនចំណេញ ក៏អាចជួយសំរួលការធ្វើដំណើរបងប្អូនដែលរស់នៅលើកោះដែរ តែសូមចូលរួមការពារ និងរក្សាគំលាតទាំងអស់គ្នា។”

សម្រាប់បងប្អូនដែលនឹកសមុទ្រ នឹកកោះ សូមកក់ដំណើរកម្សាន្តជាមួយ Buva Sea Cambodia ចំណាយពេលតិច សុវត្ថិភាព ធានាជូននឹងធ្វើឱ្យដំណើរកម្សាន្តរបស់អ្នកពោរពេញទៅដោយស្នាមញញឹម។ សម្រាប់ម៉ោងចេញដំណើរ 8:30am ,3:00pm – ម៉ោងត្រឡប់មកវិញ 9:30am ,4:00pm ហើយអតិថិជនទាំងអស់ដែលធ្វើការកក់ Buva Sea Cambodia ទៅលេងកោះរ៉ុង និងកោះរ៉ុងសន្លឹម ខាងក្រុមហ៊ុនមានចំណតរថយន្តជូនលោកអ្នកដោយឥតគិតថ្លៃ។ ទំនាក់ទំនងកក់សំបុត្រឥឡូវនេះ តាមរយៈលេខទូរសព្ទ:+(855) 97 8888 950+(855) 98 888 950 +(855) 15 8888 50 +(855) 88 5555 330។

អ្វីដែលកាន់តែពិសេសទៀតនោះគឺ ក្រុមហ៊ុន វីរៈប៊ុនថាំ របស់លោកឧកញ៉ា សួរ វីរៈ មានរីស៊តនៅកោះជាច្រើនកន្លែងរួមមាន៖ Tube Resort, Eden Beach resort, Sara Resort, Sandy Beach resort, Bodega Beach resort, Sara Sea resort, Koh Sdach Resort៕

The post សម្រាប់អ្នកនឹកសមុទ្រ នឹកកោះ និងសំឡេងទឹករលក ក្រុមហ៊ុនមួយប្រកាសដឹកភ្ញៀវទេសចរទៅលែងកោះជាច្រើនទាំងមិនចំណេញ appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

ក្រុមហ៊ុន វីរៈ ប៊ុនថាំ អេចប្រេស ជាក្រុមហ៊ុនខ្មែរឈានមុខគេតែមួយគត់ ដែលមានសាខាជាមួយប្រទេសថៃ​ ចិន និងវៀតណាម។​​ នៅឆ្នាំ​២០២១នេះបានពង្រីកខ្លួនច្រើនជាង ៣៥០​ សាខានៅក្នុងប្រទេសកម្ពុជា សម្រាប់ផ្ដល់ភាពងាយស្រួលដល់អតិថិជនក្នុងការប្រើប្រាស់សេវាកម្មជាច្រើន​ និងសេវាកម្មបញ្ញេីអីវ៉ាន់ឆាប់រហ័សទាន់ចិត្ត ទំនុកចិត្ត និងសុវត្ថិភាព ។

នៅពីក្រោយភាពជោគជ័យអស្ចារ្យរបស់ក្រុមហ៊ុនបង្កើតដោយកូនខ្មែរសុទ្ធសាធនេះ មិនមានមនុស្សច្រើនប៉ុន្មានទេបានស្គាល់ ដែលជាសហគ្រិនដ៏ប៉ិនប្រសព្វក្នុងការដឹកនាំគ្រប់គ្រងប្រកបដោយចក្ខុវិស័យវែងឆ្ងាញក្នុងការធ្វើជំនួញ។

លោក សួរ វីរៈ កើតឆ្នាំ១៩៨១ នៅខេត្តកំពង់ធំ ជាកូនទី៣ក្នុងចំណោមបងប្អូន ៤ ហើយគិតមកដល់ពេលមានអាយុ ៤០ឆ្នាំ។ ក្រោយគ្រួសារជួបវិបត្តិ និងរកស៊ីខាតមក ឪពុកលោកបានផ្លាស់មករស់នៅរាជធានីភ្នំពេញ និងអ្នកម្តាយទៅរស់និងរកស៊ីនៅខេត្តកោះកុង។

ក្នុងវ័យ ១៤ឆ្នាំ លោក វីរៈ ចេះរកស៊ីដោយចាប់ផ្តើមលក់ការ៉េមកី បោះដុំអោយអ្នកស្រុកលក់បន្ត ហើយកាលណោះលោកកំពុងតែសិក្សានៅឡើយ។ ការ៉េមមួយចំនួនលោកបោះដុំ និងមួយចំនួនទៀតឌុបកងលក់ពេលមកសាលារៀន ខណៈពេលចេញលេងក៏លក់ការ៉េមក្នុងសាលាតែម្តង។

ក្នុងឆ្នាំ១៩៨៨ លោកបានចាកចេញពីស្រុកកំណើតមកបន្តការសិក្សានៅភ្នំពេញរស់នៅជាមួយម្តាយមីងខាងឪពុក។ លោកធ្លាប់បានប្រឡងជាប់ជាគ្រូបង្រៀន ក្រោយមកលោកក៏បោះបង់ចោល ហើយទៅរស់នៅខេត្តកោះកុងជាមួយម្តាយ ក្នុងឆ្នាំ១៩៨៨ ដោយអ្នកម្តាយជាអ្នកលក់ផ្លែឈើ។

ទៅដល់ខេត្តកោះកុងលោក វីរៈ ចាប់ផ្តើមមុខរបរលក់ផ្លែឈើនៅពេលរាត្រី។ លក់ដូរបានមួយរយៈលោកក៏ចាប់ផ្តើមរត់ម៉ូតូឌុបដឹកភ្ញៀវនៅកំពង់ផែ ដោយបន្តវេនពីបងប្រុស។ គូបផ្សំមានទាំងចំណេះខាងភាសាផងលោកក៏ទទួលបានភ្ញៀវច្រើនក្នុងដៃជាហេតុបណ្តាលឲ្យលោកមានប្រាក់មួយចំនួន។

ក្រោយពីទទួលបានជោគជ័យលោក វីរៈ ក៏បែកគំនិតបោះជំហ៊ានមកជួលផ្ទះវីឡាមួយកន្លែង ដើម្បីធ្វើផ្ទះស្នាក់នៅសម្រាប់ភ្ញៀវទេសចរណ៍បរទេស ដោយបោះទុនវិនិយោគ ១ម៉ឺនដុល្លារអាមេរិក។ ការបោះទុននេះព្រោះលោកបានមើលឃើញពីលំហូរភ្ញៀវទេសចរ ចរាចរណ៍ឥតដាច់នៅខេត្តកោះកុង។

ក្នុងឆ្នាំ២០០៤ លោក វីរៈ ក៏បន្ថែមមុខជំនួញមួយទៀត គឺរថយន្តដឹកភ្ញៀវទេសចរណ៍។ ក្រោយបន្តជោគជ័យឥតឈប់ឈរលោកក៏បានបង្កើតក្រុមហ៊ុន វីរៈប៊ុនថាំ អេចប្រេស។ ដោយមានចក្ខុវិស័យវែងឆ្ងាយគិតគូរដល់ភ្ញៀវទេសចរណ៍ លោកក៏សម្រេចចិត្តបើកបំរើសេវាកម្មដឹកជញ្ជូននៅពេលយប់តំបូងគេនៅស្រុកខ្មែរ។

គិតមកដល់ពេញបច្ចុប្បន្នលោក វីរៈ គ្រប់គ្រងអាណាចក្រជំនួញជាច្រើនរួមមាន៖ ក្រុមហ៊ុន វីរៈប៊ុនថាំ ក្រុមហ៊ុន Sara Resort ដែលមាន ៧កន្លែង និងក្រុមហ៊ុន កប៉ាលដឹកជញ្ជូនភ្ញៀវទេសចរ Buva Sea Cambodia នៅខេត្តព្រះសីហនុ Bus Café, ហាងកាហ្វេ Arabitia, និង Micro Art ផងដែរ។

ផ្តើមពីជីវិតលំបាកជូរជត់ក្រោយមកក្តោបក្តាប់មុខជំនួញទ្ទង់លានដុល្លារនៅក្នុងពិភពជំនួញនៅកម្ពុជា លោក សួរ វីរៈ បានចូលរួមវិភាគទានជាមួយរាជរដ្ឋាភិបាល មានការកសាងសាលារៀន វត្តអារាម មន្ទីរពេទ្យ អណ្តូងទឹក និងការងារសប្បុរសធម៌ជាច្រើនទៀតក្នុងសង្គម។ នៅក្នុងឆ្នាំ២០១៦ លោកទទួលបានគោរមងារជា ឧកញ៉ា ពីព្រះមហាក្សត្រនៃព្រះរាជាណាចក្រកម្ពុជា។

លោកឧកញ៉ា សួរ វីរៈ បានឲ្យដំបូន្មានថា៖  “គ្មានអាជីវកម្មណាពិបាកគ្រប់គ្រងជាងគ្រប់គ្រងអាជីវកម្មរថយន្តឈ្នូលនោះទេ ព្រោះត្រូវប្រើមនុស្សដែលមិនសូវចេះអក្សរច្រើនគ្នា ហើយព្រឹកឡើងមិនទាន់ បាត់រថយន្ត បាត់ទាំងមនុស្ស។”

លោកថា៖ ដើម្បីដឹកនាំ និងគ្រប់គ្រងបុគ្គលិក ចាំបាច់ទាមទារឲ្យយើងសិក្សាស្វែងយល់ពីពួកគាត់ និងបុគ្គលិកលក្ខណៈរបស់ពួកគាត់ឲ្យបានច្បាស់ ពិសេស អ្នកដែលជាអ្នកដឹកនាំត្រូវការខ្លាំងបំផុតគឺភាពអំណត់ មិនពុំនោះទេ អ្នកមិនអាចទ្រាំទ្រនឹងពួកគាត់បានឡើយ៕

The post ឧកញ៉ាវ័យក្មេងដែលបានផ្លាស់ប្តូរជីវិតពីក្មេងដើរលក់ការ៉េម ក្លាយជាអ្នករកស៊ីដ៏ជោគជ័យក្តោបក្តាប់អាជីវកម្មប្រាក់លានជាច្រើនក្នុងដៃ appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

ប្រធានគណៈកម្មាធិការសាខា កាកបាទក្រហមកម្ពុជា ខេត្តកោះកុង លោកស្រី មិថុនា ភូថង សូមថ្លែងអំណរគុណយ៉ាងជ្រាលជ្រៅបំផុតចំពោះលោកឧកញ៉ា សួរ វីរៈ ដែលបរិច្ចាគថវិកាចំនួន ៤,០០០,០០០ រៀល (បួនលានរៀល) ជូនសាខាកាកបាទក្រហមកម្ពុជា ខេត្តកោះកុង ក្រោមប្រធានបទ «ទាំងអស់គ្នារួមជាមួយកាកបាទក្រហមកម្ពុជា ប្រយុទ្ធនឹងជំងឺកូវីដ-១៩ និងកសាងភាពធន់របស់សង្គមជាតិ» សូមបានប្រកបដោយព្រះពុទ្ធពរទាំង ៤ ប្រការ គឺ អាយុ វណ្ណៈ សុខៈ ពលៈ ជានិច្ចនិរន្តរ៍ កុំបីឃ្លៀងឃ្លាតឡើយ។

កាលពីពេលថ្មីៗនេះ ដើម្បីដល់ជនរងគ្រោះ និងតំបន់ដែលទទួលរងនូវការរាតត្បាតមួយចំនួនជាមួយរាជរដ្ឋាភិបាល ក្រសួងសុខាភិបាល និងអាជ្ញាធរនៅតាមមូលដ្ឋាន ឱ្យបានទាន់ពេលវេលា លោកឧកញ៉ា សួរ វីរៈ ក៏បានឧបត្ថម្ភទឹកបរិសុទ្ធចំនួន ១,០០០កេស ដល់រដ្ឋបាលរាជធានីភ្នំពេញ។

 ដោយគិតគូរ និងក្តីអាណិតស្រលាញ់ចំពោះជនរួមជាតិ កាលពីថ្ងៃទី៣០ ខែមេសា​​ ឆ្នាំ២០២១ ក្រុមហ៊ុន វីរៈ ប៊ុនថាំ អេចប្រេស និងអភិបាលខណ្ឌឫស្សីកែវ លោក​ ជា​ ពិសី​ បានចុះចែកអំណោយគ្រឿងបរិភោគ ឧបភោគមាន ​​អង្ករ មី បន្លែ​ និងសាច់ក្រក ទៅប្រគល់ជូនដល់ជនរងគ្រោះ និងតំបន់ដែលទទួលរងនូវការរាតត្បាត ចំនួន ៤០០ គ្រួសារនៅក្នុងខណ្ឌឫស្សីកែវ។

តាមរយៈកាយវិការដ៏ល្អប្រពៃ ប្រកបដោយមនុស្សធម៌ និងគុណធម៌ខាងលើនេះ ពិតជាបានរួមចំណែកយ៉ាង សំខាន់ជាមួយរាជរដ្ឋាភិបាល ក្នុងការចាត់វិធានការទប់ស្កាត់ការរីករាលដាលមេរោគកូវីដ-១៩ នៅទូទាំងប្រទេសកម្ពុជាឲ្យបានទាន់ពេលវេលា៕

សូមចុចអានអត្ថបទខាងក្រោម៖

The post ដើម្បីប្រយុទ្ធប្រឆាំងកូវីដ១៩ ឧកញ៉ា សួរ វីរៈ បន្តឧបត្ថម្ភថវិកា និងគ្រឿងឧបភោគបរិភោគដល់ជនរងគ្រោះដូចភ្លៀងរលឹម appeared first on .