អ្នកឧកញ៉ា ហេង បូរិន រៀបចំពិធីជួបជុំអាហារសាមគ្គីអតិថិជនបុរី ហេង បូរិន គ្រុប បង្ហាញពីភាពស្និទ្ធស្នាល

ឧកញ៉ាដែនដី — Mon, 02 Sep 2024 03:30:18 +0000

អ្នកឧកញ៉ា ហេង បូរិន អគ្គនាយកបុរី ហេង បូរិន គ្រុប និងជាសមាជិកសមាគមឧកញ៉ាកម្ពុជា កាលពីល្ងាចថ្ងៃទី១ ខែកញ្ញា ឆ្នាំ២០២៤ បានរៀបចំពិធីជួបជុំអាហារសាមគ្គីអតិថិជនបុរី ហេង បូរិន គ្រុប ជាច្រើននាក់ ដើម្បីបង្ហាញពីភាពស្និទ្ធស្នាល និងការរាប់អានគ្នាក្នុងនាមជាបងប្អូនរួមបុរីតែមួយ ដែលជាសហគមដ៏ក្សេមក្សាន្ត។

អ្នកឧកញ៉ា អគ្គនាយក ក្រុមហ៊ុន បុរី ហេង បូរិន គ្រុប ជានិច្ចកាលតែងតែបង្ហាញសកម្មភាពយកចិត្តទុកដាក់ និងលើកទឹកចិត្តដល់បុគ្គលិកថ្នាក់ក្រោម និងអតិថិជនរបស់ខ្លួន តាមគ្រប់រូបភាព។ ជាពិសេស លោកក៏តែងបង្ហាញភាពស្និទ្ធស្នាលជាមួយអតិថិជន ដែលនេះជាភាពកក់ក្តៅមួយសម្រាប់អតិថិជន រស់នៅក្នុងបុរី ហេង បូរិន គ្រុប។

សូមជម្រាបថា អ្នកឧកញ៉ា ហេង បូរិន គឺជាសហគ្រិនក្នុងស្រុកមួយរូប ដែលបាននឹងកំពុងបន្តសកម្មភាពវិនិយោគ និងផ្ដល់ឱកាសការងារជាច្រើនកន្លែងដល់បុគ្គលិកគ្រប់ផ្នែកដែលពាក់ព័ន្ធ។ ក្រុមហ៊ុន ហេង បូរិន គ្រុប មានក្រុមហ៊ុនបុត្រសម្ព័ន្ធជាច្រើន ដែលកំពុងប្រតិបត្តិការអាជីវកម្មយ៉ាងរឹងមាំ រួមមាន៖ គម្រោងបុរី ហេង បូរិន គ្រុប មានទីតាំងស្ថិតនៅសង្កាត់បែកចាន ខណ្ឌកំបូល, គ្រឹះស្ថានមីក្រូហិរញ្ញ រួមទាំងអាជីវកម្មជាច្រើនផ្សេងទៀត ផងដែរ៕

The post អ្នកឧកញ៉ា ហេង បូរិន រៀបចំពិធីជួបជុំអាហារសាមគ្គីអតិថិជនបុរី ហេង បូរិន គ្រុប បង្ហាញពីភាពស្និទ្ធស្នាល appeared first on .

ក្រៅពីការងារជួយសង្គម ឧកញ៉ា ហេង បូរិន មិនភ្លេចលើកទឹកចិត្តក្រុមការងារ ថ្មីៗនេះ ទិញរថយន្តមួយគ្រឿងទៀតជូនបុគ្គលិកឆ្នើម

ឧកញ៉ាដែនដី — Fri, 29 Mar 2024 07:13:17 +0000

លោកឧកញ៉ា ហេង បូរិន ប្រធានក្រុមប្រឹក្សាភិបាល គ្រឹះស្ថានមីក្រូហិរញ្ញវត្ថុដ៏ធំមួយ និងជាអគ្គនាយក ក្រុមហ៊ុន បុរី ហេង បូរិន គ្រុប រួមទាំងថ្នាក់ដឹកនាំជាន់ខ្ពស់របស់ក្រុមហ៊ុន កាលពីថ្ងៃទី២៨ ខែមីនា បានប្រគល់រថយន្តថ្មីស្រឡាងមួយគ្រឿង ម៉ាក Toyota Hilux Rally ស៊េរីឆ្នាំ២០២៤ ដល់បុគ្គលិកឆ្នើមមួយរូបទៀត ដែលមានស្នាដៃល្អ រួមចំណែកជាមួយក្រុមហ៊ុន ។

លោកឧកញ៉ា ម្ចាស់គម្រោងបុរី ហេង បូរិន បានលើកឡើងលើទំព័រហ្វេសប៊ុក នៅព្រឹកថ្ងៃទី២៨ ខែមីនា យ៉ាងដូច្នេះថា ៖ «ភាពស្មោះត្រង់ ការខិតខំប្រឹងប្រែង លទ្ធផលការងារល្អ គឺជាអាវុធប្រចាំកាយ ដើម្បីកែប្រែជោគវាសនារបស់ខ្លួន ឱ្យប្រសើរឡើង នេះជាលើកទី៣ ហើយ ដែលផ្ដល់ជូនដល់បុគ្គលិកមានស្នាដៃ ។ ខ្ញុំសង្ឃឹមយ៉ាងមុតមាំថានឹងមានបុគ្គលិកផ្សេងៗទៀត នឹងទទួលបានដូចជាគាត់ផងដែរ »។

លោកឧកញ៉ា អគ្គនាយក ក្រុមហ៊ុន បុរី ហេង បូរិន គ្រុប តែងតែបង្ហាញសកម្មភាពយកចិត្តទុកដាក់ និងលើកទឹកចិត្តដល់បុគ្គលិកថ្នាក់ក្រោម តាមគ្រប់រូបភាព។ ហើយនេះ ក៏ជាលើកទី៣ ដែលលោកឧកញ៉ា បានប្រគល់ រថយន្តស៊េរីថ្មី ដល់បុគ្គលិក ដែលមានស្នាដៃជាមួយក្រុមហ៊ុន ខណៈដែលលោកឧកញ៉ា រួមទាំងថ្នាក់ដឹកនាំជាន់ខ្ពស់ផ្សេងៗទៀត ក៏ធ្លាប់បានប្រគល់រថយន្តលើកទី២ ថ្មីស្រឡាងដូចគ្នា ជូនដល់បុគ្គលិកឆ្នើមមួយរូប កាលថ្ងៃទី២៨ ខែកុម្ភៈ ឆ្នាំ២០២៣ កន្លងទៅ។

ក្រៅពីការលើកទឹកចិត្តបុគ្គលិកគ្រប់ជាន់ថ្នាក់ តាមគ្រប់រូបភាព លោកឧកញ៉ា ហេង បូរិន ដែលមានតួនាទីជាសមាជិកសកម្មសមាគមឧកញ៉ាកម្ពុជា ផងនោះ ក៏តែងតែភ្ជាប់ខ្លួន រួមដំណើរ សឹងគ្រប់កម្មវិធីសប្បុរសធម៌ចុះជួយសង្គមជាច្រើន ជាមួយថ្នាក់ដឹកនាំជាន់ខ្ពស់ និងសមាជិករបស់សមាគមឧកញ៉ាកម្ពុជា ផងដែរ។

សូមជម្រាបថា លោកឧកញ៉ា ហេង បូរិន គឺជាសហគ្រិនក្នុងស្រុកមួយរូប ដែលបាននឹងកំពុងបន្តសកម្មភាពវិនិយោគ និងផ្ដល់ឱកាសការងារជាច្រើនកន្លែងដល់បុគ្គលិកគ្រប់ផ្នែកដែលពាក់ព័ន្ធ។ ក្រុមហ៊ុន ហេង បូរិន គ្រុប មានក្រុមហ៊ុនបុត្រសម្ព័ន្ធជាច្រើន ដែលកំពុងប្រតិបត្តិការអាជីវកម្មយ៉ាងរឹងមាំ រួមមាន៖ គម្រោងបុរី ហេង បូរិន គ្រុប មានទីតាំងស្ថិតនៅសង្កាត់បែកចាន ខណ្ឌកំបូល, គ្រឹះស្ថានមីក្រូហិរញ្ញ រួមទាំងអាជីវកម្មជាច្រើនផ្សេងទៀត ថែមទៀតផង៕

The post ក្រៅពីការងារជួយសង្គម ឧកញ៉ា ហេង បូរិន មិនភ្លេចលើកទឹកចិត្តក្រុមការងារ ថ្មីៗនេះ ទិញរថយន្តមួយគ្រឿងទៀតជូនបុគ្គលិកឆ្នើម appeared first on .