ក្រុមហ៊ុន Angkor Daily Food

អង្គរ ដេលីហ៊្វូដ ក្រុមហ៊ុនផលិតភេសជ្ជៈក្នុងស្រុកដ៏ធំមួយ មានប្រវត្តិបង្កើតឡើងជាង ៥ ឆ្នាំ

ឧកញ៉ាមហាសម្បត្តិ — Tue, 05 Jul 2022 04:02:40 +0000

ក្រុមហ៊ុនអង្គរដេលីហ៊្វូដ ខូអិលធីឌី ជាក្រុមហ៊ុនផលិតនិងចែកចាយទឹកផ្លែឈើ និងភេសជ្ជៈប៉ូវកម្លាំងដ៏ធំមួយ នៅក្នុងប្រទេសកម្ពុជា។ គេស្គាល់ក្រុមហ៊ុននេះ តាមរយៈភេសជ្ជៈដូចជា Champion, Red Ant, Missile, 1-2 Drink និង Selfy ជាដើម។

ចាប់ផ្តើមដំណើរការកាលពីឆ្នាំ២០១៧ ដែលមានរោងចក្រនៅសង្កាត់ព្រៃស ខណ្ឌដង្កោ។ ក្រៅពីជំនាញខាងផលិតភេសជ្ជៈប៉ូវកម្លាំង ក្រុមហ៊ុនវិនិយោគក្នុងស្រុកនេះទទួលបានការទទួលស្គាល់ជាផ្លូវការពីស្ថាប័នជាតិ និង អន្តរជាតិ ព្រមទាំងទទួលបានវិញ្ញាបនបត្របញ្ជាក់ស្តង់ដារផលិតផលហាឡាលកម្ពុជាផងដែរ។

ដំណើរការចាប់ផ្តើមបង្កើតរោងចក្រ

រោងចក្រផលិតភេសជ្ជនេះបានចាប់ផើ្ដមសាងសងឡើងតាំងពីឆ្នាំ២០១៥ ដោយបានបំពាក់នូវឧបករណ៍ថ្មីៗ ទំនើបៗដែលនាំចូលពីក្រៅប្រទេស និងបានបញ្ចប់ការសាងសងនៅក្នុងខែកុម្ភៈ ឆ្នាំ២០១៧។ រោងចក្រនេះបានចំណាយទុនសាងសង់ប្រមាណជាង ១០ លានដុល្លារអាមេរិក ដែលជាទុនវិនិយោគផ្ទាល់របស់ក្រុមហ៊ុន ដោយពុំមានរួមសហការជាមួយដៃគូរក្នុងប្រទេស ឬក្រៅប្រទេសឡើយ។

រោងចក្រមានសមត្ថភាពអាចផលិតភេសជ្ជៈកំប៉ុងដោយម៉ាស៊ីនស្វ័យប្រវត្តក្នុង ១ ម៉ោងបានចំនួន ១៥០០ កំប៉ុងស្មើនឹង ៦២៥ កេះ។

ទស្សនៈវិស័យក្រុមហ៊ុន

ទស្សនៈវិស័យរបស់ក្រុមហ៊ុនអង្គរដេលីហ៊្វូដ គឺនឹងប្រែក្លាយជាក្រុមហ៊ុនភេសជ្ជៈឈានមុខគេលើទីផ្សារកម្ពុជា ដោយផ្គត់ផ្គង់នូវទឹកផ្លែឈើ និងភេសជ្ជៈប៉ូវកម្លាំងដែលមានគុណភាពខ្ពស់។

ចក្ខុវិស័យ

ចក្ខុវិស័យរបស់ក្រុមហ៊ុន ជម្រុញប្រកបដោយឆន្ទៈមោះមុតក្នុងការបង្កើតនូវអ្វីដែលល្អបំផុត។

បេសកកម្ម

ផ្តល់ជូនផលិតផលប្រកបទៅដោយសុវត្ថិភាពនិងភាពជឿទុកចិត្ត ដល់អតិថិជននៅទូទាំង ២៥ ខេត្តក្រុងទូទាំងប្រទេស និងនាំចេញទៅក្រៅប្រទេស។

ត្រួតពិនិត្យជាទៀងទាត់ដោយមន្រ្តីសុខាភិបាល

រាល់ភេសជ្ជៈគ្មានជាតិអាល់កុល ដែលផលិតទ្បើងដោយក្រមហ៊ុនអង្គរដេលីហ៊្វូដ ធានាបានគុណភាពខ្ពស់ដើម្បីបំពេញតម្រូវការរបស់អតិថិជន។ ជាផលិតផលក្នុងស្រុក ដែលត្រូវបានពិនិត្យជាទៀងទាត់ដោយមន្ត្រីសុខាភិបាល និងឆ្លងកាត់មន្ទីរពិសោធន៍លើដំណើរការផលិតយ៉ាងត្រឹមត្រូវ។

ជារោងចក្រផលិតអាហារហាទ្បាល ទទួលស្គាល់ជាផ្លូវការពីស្ថាប័នជាតិនិងអន្តរជាតិ

ក្រុមហ៊ុន អង្គរ ដេលី ហ៊្វូដ ជាក្រុមហ៊ុនផលិតនិងចែកចាយទឹកផ្លែឈើ និងភេសជ្ជៈប៉ូវកម្លាំង ទទួលបានការទទួលស្គាល់ជាផ្លូវការពីស្ថាប័នជាតិនិងអន្តរជាតិ ព្រមទាំងទទួលបានវិញ្ញាបនបត្រ បញ្ជាក់ស្តង់ដារផលិតផលហាឡាលកម្ពុជាផងដែរ។

ផលិតផលរបស់ក្រុមហ៊ុន Angkor Daily Food

ផលិតផលរបស់ក្រុមហ៊ុន Angkor Daily Food រួមមានទឹកផ្លែឈើម៉ាក 1-2 Drink ទឹកផ្លែឈើម៉ាក Selfy និងភេសជ្ជៈប៉ូវកំម្លាំងម៉ាក Champion, Red Ant និង Missile។

សាររបស់លោកជំទាវ ម៉ែន សំអន

លោកជំទាវ ម៉ែន សំអន ឧបនាយករដ្ឋមន្រ្តី រដ្ឋមន្រ្តីក្រសួងទំនាក់ទំនងរដ្ឋសភា ព្រឹទ្ធសភា និងអធិការកិច្ចការថ្លែងនាឱកាសសម្ពោធបើកដំណើការក្រុមហ៊ុនផលិតភេសជ្ជៈ Angkor Daily Food កាលពីខែតុលា ឆ្នាំ២០១៧ ថា ការបង្កើតរោងចក្រនេះពិតជាចូលរួមចំណែកយ៉ាងសំខាន់ ក្នុងការអភិវឌ្ឍន៍សេដ្ឋកិច្ចជាតិលើផ្នែកឧស្សាហកម្ម និងសិបប្បកម្ម ដោយបានផលិតចេញជាផលិតផលប្រកបដោយផលិតភាព សុវត្ថិភាព ជួយទ្រទ្រង់សុខភាពអ្នកប្រើប្រាស់ផង ព្រមទាំងជួយផ្ដល់ការងារ និងផ្ដល់ចំណូលដល់កម្មករ និងបុគ្គលិកជាច្រើននាក់ថែមទៀត។

សាររបស់លោក លោក សាន លុច អគ្គនាយកក្រុមហ៊ុន ផលិតភេសជ្ជៈ Angkor Daily Food

«ដើម្បីឲ្យចង្វាក់ផលិតកម្មផលិតចេញនូវផលិតផល ដែលមានគុណភាពខ្ពស់កម្រិតស្ដង់ដារអន្ដរជាតិ យើងខ្ញុំបានបណ្ដុះបណ្ដាលជំនាញវិជ្ជាជីវៈកម្រិតខ្ពស់ដល់កម្មករជំនាញ»៕

The post អង្គរ ដេលីហ៊្វូដ ក្រុមហ៊ុនផលិតភេសជ្ជៈក្នុងស្រុកដ៏ធំមួយ មានប្រវត្តិបង្កើតឡើងជាង ៥ ឆ្នាំ appeared first on .

Angkor Daily Foods ក្រុមហ៊ុនក្នុងស្រុកគេស្គាល់ច្រើនតាមរយៈភេសជ្ជៈ Champion មានវិញ្ញាបនបត្រផលិតផលហាឡាលកម្ពុជាថែមទៀត

ឧកញ៉ាសម្រែ — Tue, 09 Nov 2021 03:33:06 +0000

Angkor Daily Foods ដែលគេស្គាល់តាមរយៈការផលិតផលភេសជ្ជៈ Champion ICE, Red Ant, និង Missile ជាក្រុមហ៊ុនក្នុងស្រុកដែលមានជំនាញខាងផលិតផលអាហារហាឡាល សម្រាប់អ្នកកាន់សាសនាឥស្លាម។

ចាប់ផ្តើមដំណើរការកាលពីឆ្នាំ២០១៧ ក្រៅពីជំនាញខាងផលិតភេសជ្ជៈប៉ូវកម្លាំង ក្រុមហ៊ុនវិនិយោគក្នុងស្រុកនេះទទួលបានការទទួលស្គាល់ជាផ្លូវការពីស្ថាប័នជាតិ និង អន្តរជាតិ ព្រមទាំងទទួលបានវិញ្ញាបនបត្របញ្ជាក់ស្តង់ដារផលិតផលហាឡាលកម្ពុជាផងដែរ។

លោកស្រី សុខ សុភាព អគ្គនាយិកា ក្រុមមហ៊ុនអង្គរដេលីហ៊្វូដ ខូអិលធីឌីបានថ្លែងថា ក្រុមហ៊ុនអង្គរដេលីហ៊្វូដ ខូអិលធីឌី ជាក្រុមហ៊ុនផលិត និងចែកចាយភេសជ្ជៈប៉ូវកម្លាំង បច្ចុប្បន្នក្រុមហ៊ុនមានផលិតភេសជ្ជៈដូចជា Champion ICE, Red Ant, និង Missile និងមានទីតាំងរោងចក្រផលិតនៅខណ្ឌដង្កោ រាជធានីភ្នំពេញ។ ក្រោយក្រុមហ៊ុនអនុវត្តស្តង់ដាហាឡាល និងទទួលបានវិញ្ញាបនបត្រហាឡាល បានធ្វើឲ្យអតិថិជនទាំងថ្នាក់ជាតិ និងអន្តរជាតិ មានការគាំទ្រកាន់តែច្រើនឡើង ជាពិសេសបងប្អូនជនជាតិអ៉ីស្លាម។

កាលពីពេលថ្មីៗនេះ ឧកញ៉ា អូស្មាន ហាស្សាន់ អនុប្រធានគណៈកម្មការត្រួតពិនិត្យផលិតផលហាទ្បាលកម្ពុជា បានដឹកនាំប្រតិភូធ្វើទស្សនៈកិច្ចពិនិត្យខ្សែ ច្រវ៉ាក់ផលិតកម្មផលិតផលហាឡាល នៅក្រុមហ៊ុន Angkor Daily Foods Co., Ltd។

ឧកញ៉ាដែលមានតួនាទីជាទេសរដ្ឋមន្រ្តីផងនោះ បានជំរុញលើកទឹកចិត្តដល់រោងចក្រសហគ្រាសដែលបានចុះបញ្ជីប្រើប្រាស់វិញ្ញាបនបត្របញ្ជាក់ស្តង់ដារផលិតផលហាឡាលកម្ពុជា ឲ្យអនុវត្តការផលិតកាន់តែប្រសើរ និងកាន់តែច្រើនឡើង ដើម្បីជួយជំរុញលើកទឹកចិត្តឲ្យរោងចក្រសហគ្រាសដទៃទៀត ទទួលយកការប្រើប្រាស់ស្តង់ដារហាឡាល សំដៅការផ្គត់ផ្គង់ក្នុងទីផ្សារជាតិ និងអន្តរជាតិកាន់តែខ្លាំងឡើង។

បើតាមលោកទេសរដ្ឋមន្ដ្រី ផលិតផលហាឡាលមិនសំដៅសម្រាប់តែតម្រូវការចាំបាច់របស់អ្នកកាន់សាសនាឥស្លាមប៉ុណ្ណោះទេ ផលិតផលហាទ្បាល គឺមានទំហំធំធេងបើធៀបនឹងចំនួនប្រជាជនមុស្លិមលើសកលលោក ដែលមានអ្នកកាន់សាសនាឥស្លាមស្មើនឹង១ភាគ៣ឯណោះ៕

The post Angkor Daily Foods ក្រុមហ៊ុនក្នុងស្រុកគេស្គាល់ច្រើនតាមរយៈភេសជ្ជៈ Champion មានវិញ្ញាបនបត្រផលិតផលហាឡាលកម្ពុជាថែមទៀត appeared first on .

ក្រុមហ៊ុន Angkor Daily Food

​​អង្គរ ដេលីហ៊្វូដ ក្រុមហ៊ុន​ផលិត​ភេសជ្ជៈ​ក្នុង​ស្រុក​ដ៏​ធំ​មួយ​ មាន​ប្រវត្តិ​បង្កើត​ឡើងជាង ៥ ឆ្នាំ​

អង្គរ ដេលីហ៊្វូដ ក្រុមហ៊ុនផលិតភេសជ្ជៈក្នុងស្រុកដ៏ធំមួយ មានប្រវត្តិបង្កើតឡើងជាង ៥ ឆ្នាំ