តាមរយៈការបំភ្លឺជាសាធារណៈ នៅថ្ងៃទី២៥ ខែមីនា ឆ្នាំ២០២៤ អ្នកឧកញ៉ា គួច ម៉េងលី បានឱ្យដឹងថា ចាប់ពីថ្ងៃទី២ ខែវិច្ឆិកា ឆ្នាំ២០១៨ រហូតមកដល់បច្ចុប្បន្ន លោកលែងជាសមាជិកក្រុមប្រឹក្សាភិបាល នៃក្រុមហ៊ុន ខេមបូឌាន អ៊ុន វេសស្ទ័រ ខបភើរេសិន ភីអិលស៊ី Cambodian Investors Corporation Plc. (CIC) ទៀតហើយ។

អ្នកឧកញ៉ា បន្ថែមថា លោកក៏បានចំណាយថវិកាផ្ទាល់ខ្លួនក្នុងការវិនិយោគ ដោយពុំដែលបានធ្វើការកៀរគរប្រមូលថវិកាពីនរណាម្នាក់ ឬក្រុមហ៊ុនណាមួយដើម្បីយកមកវិនិយោគ ក្នុងក្រុមហ៊ុន CIC នេះទេ។

សូមជម្រាបជូនថា កន្លងទៅថ្មីៗនេះ អ្នកឧកញ៉ា គួច ម៉េងលី បានប្រកាសពីការខាតបង់ប្រាក់ជិត៣០ម៉ឺនដុល្លារ ក្នុងការវិនិយោគជាមួយក្រុមហ៊ុន CIC ដោយមិនទាន់ទទួលបានដំណោះស្រាយណាមួយនោះឡើយ៕

The post អ្នកឧកញ៉ា គួច ម៉េងលី ចេញបំភ្លឺព័ត៌មានទាក់ទងនឹងសមាសភាពសមាជិកក្រុមហ៊ុន CIC appeared first on .

សេចក្តីប្រកាសព័ត៌មានរបស់គណៈមេធាវីនៃកម្ពុជា ចេញផ្សាយនៅថ្ងៃទី២៥ ខែមីនា ឆ្នាំ២០២៤ បានឱ្យដឹងថា កន្លងមកមានក្រុមហ៊ុននិងបុគ្គលមួយចំនួនតូចតែងតែបង្កើតគម្រោងវិនិយោគដោយប្រមូលប្រាក់ពីប្រជាពលរដ្ឋក្នុងរូបភាពប្រមូលមូលធនយកទៅវិនិយោគ ហើយចុងបញ្ចប់ប្រជាពលរដ្ឋដែល ដាក់ប្រាក់វិនិយោគតែងតែទទួលរងគ្រោះបាត់បង់ផលប្រយោជន៍ជាបន្តបន្ទាប់។

ដោយបេសកកម្មរបស់វិជ្ជាជីវៈមេធាវីត្រូវចូលរួមបម្រើវិស័យយុត្តិធម៌ ចូលរួមក្នុងការរៀបចំនីតិរដ្ឋ ពង្រឹងយុត្តិធម៌សង្គម និងការពារសិទ្ធិមនុស្ស គណៈមេធាវីនៃកម្ពុជាបានបង្កើតក្រុមមេធាវីជួយប្រជាពលរដ្ឋពាក់ព័ន្ធករណីក្រុមហ៊ុន ខេមបូឌាន អ៊ិនវេសស្ទ័រ ខបភើរេសិន ភីអិលស៊ី (CIC Plc) ដែលក្រុមមេធាវីនេះមានភារកិច្ចជាអាទិ៍ ពិគ្រោះយោបល់ផ្នែកច្បាប់ ពិនិត្យនិងរៀបចំឯកសារជាភស្តុតាងនិងធ្វើបណ្ដឹង និងជួយការពារក្តីជូនប្រជាពលរដ្ឋ ដោយឥតគិតកម្រៃឡើយ។

សេចក្តីប្រកាសដដែលបញ្ជាក់ថា ដូច្នេះចាប់ពីថ្ងៃនេះតទៅ ប្រជាពលរដ្ឋដែលខាតបង់ផលប្រយោជន៍ជាមួយក្រុមហ៊ុន ខេមបូឌាន អ៊ិនវេសស្ទ័រ ខបភើរេសិន ភីអិលស៊ី (CIC Plc) ហើយមានបំណងពិគ្រោះយោបល់ ផ្នែកច្បាប់ឬពឹងពាក់មេធាវីជួយការពារក្តី សូមមកកាន់ទីស្នាក់ការគណៈមេធាវីនៃកម្ពុជា នៅរៀងរាល់ម៉ោងការងារ៕

The post បង្កើតក្រុមមេធាវីជួយដល់ពលរដ្ឋដែលរងគ្រោះដោយសារក្រុមហ៊ុន CIC ដោយឥតគិតថ្លៃ appeared first on .