ការប្តេជ្ញាចិត្តរបស់ក្រុមហ៊ុនក្នុងជំនួបសម្ដែងការគួរសម និងពិភាក្សាការងាររវាង លោក ប្រាក់ ផល្លា រដ្ឋលេខាធិការក្រសួងការបរទេស និងសហប្រតិបត្តិការអន្តរជាតិ និង លោក Mohammed Al Qassim អ្នកគ្រប់គ្រងប្រចាំប្រទេសកម្ពុជារបស់ក្រុមហ៊ុនអាកាសចរណ៍ Emirates កាលពីថ្ងៃទី៨ ខែតុលា ឆ្នាំ២០២៥។

នៅក្នុងជំនួបនោះ លោក ប្រាក់ ផល្លា បានថ្លែងអំណរគុណដល់​ក្រុមហ៊ុនអាកាសចរណ៍ Emirates ដែលមានបំណង​បង្កើតកិច្ចសហប្រតិបត្តិការ​ជាមួយក្រសួងការបរទេស និងសហប្រតិបត្តិការអន្តរជាតិ (កបទ.សអ) ព្រមទាំងបានវាយតម្លៃខ្ពស់លើការចូលរួមរបស់ Emirates ដើម្បីពង្រឹង និងពង្រីកការតភ្ជាប់កម្ពុជាជាមួយនិងពិភពលោក តាមជើងហោះហើរ ភ្នំពេញ-ឌូបៃ (តាមរយៈសិង្ហបុរី) និង សៀមរាប-ឌូបៃ (តាមរយៈបាំងកក)។

ទន្ទឹមនោះ ក្រុមហ៊ុនអាកាសចរណ៍ Emirates បានប្តេជ្ញាចូលរួមគាំទ្រក្រសួងការបរទេស និងសហប្រតិបត្តិការអន្តរជាតិ និងបន្តខិតខំពិនិត្យលទ្ធភាពបង្កើនជើងហោះហើរមកកម្ពុជាឱ្យកាន់តែច្រើន។ លោក Mohammed Al Qassim ក៏សង្ឃឹមថា Emirates នឹងបន្តចូលរួមចំណែក ក្នុងការលើកកម្ពស់ វិស័យទេសចរណ៍នៅកម្ពុជា តាមរយៈការផ្សព្វផ្សាយអំពី តំបន់ទេសចរណ៍ ដ៏ទាក់ទាញនៅកម្ពុជាឱ្យកាន់តែទូលំលាយ។

គួរបញ្ជាក់ថា ក្រោមកិច្ចសហការ និងការជំរុញបើកចំហជើងមេឃកម្ពុជា ក្នុងការទទួលយកភ្ញៀវជាតិ អន្តរជាតិ និងអ្នកធុរកិច្ចមកកាន់កម្ពុជាកាន់តែសកម្ម និងប្រទាក់ក្រឡាជាមួយចក្ខុវិស័យវែងឆ្ងាយរបស់ជាតិ រដ្ឋលេខាធិការដ្ឋានអាកាសចរណ៍ស៊ីវិល បានបន្តពង្រីក និងលើកកម្ពស់បន្ថែមជើងហោះហើរត្រង់មកកម្ពុជា។

ក្រុមហ៊ុនអាកាសចរណ៍ Emirate Airlines (EK) មានជើងហោះហើរ រវាងរាជធានីភ្នំពេញ នៃព្រះរាជាណាចក្រកម្ពុជា និងទីក្រុងឌូបៃ នៃប្រទេសអេមីរ៉ាតអារ៉ាប់រួម ដោយឆ្លងកាត់ប្រទេសសិង្ហបុរី ជារៀងរាល់ថ្ងៃ លើដំណាក់ផ្លូវពីទីក្រុង ឌូបៃ-សិង្ហបុរី-ភ្នំពេញ-សិង្ហបុរី-ឌូបៃ ចំនួន ៧ជើង ក្នុង១សប្តាហ៍ ដែលបានចាប់ផ្តើមហោះហើរតាំងពីថ្ងៃទី១ ខែឧសភា ឆ្នាំ២០២៤មកម្ល៉េះ។ កាលពីខែមិថុនា កន្លងទៅនេះ ក្រុមហ៊ុនអាកាសចរណ៍ Emirates Airlines ក៏មានជើងហោះហើរពីទីក្រុង ឌូបៃ មកកាន់ខេត្ត សៀមរាបផងដែរ៕

The post ក្រុមហ៊ុនអាកាសចរណ៍មួយលំដាប់អន្តរជាតិ របស់អេមីរ៉ាតអារ៉ាប់រួម ប្តេជ្ញាបង្កើនជើងហោះហើរមកកម្ពុជាឱ្យកាន់តែច្រើន appeared first on .

នេះបើតាមរយៈជំនួបសម្តែងការគួរសម និងពិភាក្សាការងាររវាង ហួត ហាក់ រដ្ឋមន្រ្តីក្រសួងទេសចរណ៍ ជាមួយ លោក Mohammed Al Qassim Country Manager របស់ក្រុមហ៊ុន Emirates Airline កាលពីថ្ងៃទី២៧ ខែមករា ឆ្នាំ២០២៥។

ក្នុងជំនួបនោះ លោក Mohammed Al QassimCountry Manager របស់ក្រុមហ៊ុន Emirates Airlineបានស្នើសុំកិច្ចពិភាក្សាទៅលើការពិនិត្យលទ្ធភាពចុះ MOU រវាងក្រុមហ៊ុន Emirates Airline និងក្រសួងទេសចរណ៍ និងការលើកកម្ពស់កិច្ចសហប្រតិបត្តិការក្នុងវិស័យទេសចរណ៍។

ក្នុងឱកាសនោះ លោករដ្ឋមន្រ្តីទេសចរណ៍ ក៏បានឯកភាពក្នុងការចុះ MOU និងតែងតាំង Focal person រវាងភាគីទាំងពីរ ដើម្បីពិភាក្សាលម្អិត និងស្នើសុំបង្កើនជើងហោះហើរត្រង់បន្ថែមទៀតក្រៅពីភ្នំពេញ មានសៀមរាប និងព្រះសីហនុ តួយ៉ាងស្នើសុំផ្សព្វផ្សាយសក្តានុពលទេសចរណ៍កម្ពុជានៅបណ្តាញផ្សព្វផ្សាយរបស់ក្រុមហ៊ុនEmirates Airline ជាពិសេសកិច្ចសហប្រតិបត្តិការក្នុងការលើកម្ពស់ទេសចរណ៍មូស្លីម។

សូមបញ្ជាក់ថា ក្រុមហ៊ុនអាកាសចរណ៍ Emirates Airline មានមូលដ្ឋាននៅទីក្រុងឌូបៃ ប្រទេសអារ៉ាប់រួម។ក្រុមហ៊ុន Emirates Airline គឺជាក្រុមហ៊ុនអាកាសចរណ៍ដ៏ធំ និងល្បីល្បាញបំផុតមួយនៅក្នុងពិភពលោក។ក្រុមហ៊ុននេះចាប់ហោះហើរត្រឡប់មកទីក្រុងភ្នំពេញវិញកាលពីខែឧសភា ឆ្នាំ២០២៤ ក្រោយបានផ្អាកកាលពីឆ្នាំ២០២១ ជាមួយនឹងជើងហោះហើរតាមកាលវិភាគប្រចាំថ្ងៃតាមរយៈប្រទេសសិង្ហបុរី៕

The post កម្ពុជា​ស្នើក្រុមហ៊ុន Emirates Airline បង្កើនជើងហោះហើរត្រង់បន្ថែមទៀត appeared first on .